| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৫. পন্নরসমৰগ্গো
15. Pannarasamavaggo
(১৪৮) ৪. খণলযমুহুত্তকথা
(148) 4. Khaṇalayamuhuttakathā
৭২২. খণো পরিনিপ্ফন্নো, লযো পরিনিপ্ফন্নো, মুহুত্তং পরিনিপ্ফন্নন্তি? আমন্তা। রূপন্তি? ন হেৰং ৰত্তব্বে…পে॰… ৰেদনা… সঞ্ঞা… সঙ্খারা… ৰিঞ্ঞাণন্তি? ন হেৰং ৰত্তব্বে…পে॰…।
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
৭২৩. ন ৰত্তব্বং – ‘‘মুহুত্তং পরিনিপ্ফন্নন্তি? আমন্তা। ননু ৰুত্তং ভগৰতা – ‘‘তীণিমানি, ভিক্খৰে, কথাৰত্থূনি! কতমানি তীণি? অতীতং ৰা, ভিক্খৰে, অদ্ধানং আরব্ভ কথং কথেয্য – ‘এৰং অহোসি অতীতমদ্ধান’ন্তি; অনাগতং ৰা, ভিক্খৰে, অদ্ধানং আরব্ভ কথং কথেয্য – ‘এৰং ভৰিস্সতি অনাগতমদ্ধান’ন্তি; এতরহি ৰা, ভিক্খৰে, পচ্চুপ্পন্নং অদ্ধানং আরব্ভ কথং কথেয্য – ‘এৰং হোতি এতরহি পচ্চুপ্পন্ন’ন্তি। ইমানি খো, ভিক্খৰে, তীণি কথাৰত্থূনী’’তি। অত্থেৰ সুত্তন্তোতি? আমন্তা। তেন হি মুহুত্তং পরিনিপ্ফন্নন্তি।
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
খণলযমুহুত্তকথা নিট্ঠিতা।
Khaṇalayamuhuttakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. খণলযমুহুত্তকথাৰণ্ণনা • 4. Khaṇalayamuhuttakathāvaṇṇanā
