| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१५. पन्नरसमवग्गो
15. Pannarasamavaggo
(१४८) ४. खणलयमुहुत्तकथा
(148) 4. Khaṇalayamuhuttakathā
७२२. खणो परिनिप्फन्नो, लयो परिनिप्फन्नो, मुहुत्तं परिनिप्फन्नन्ति? आमन्ता। रूपन्ति? न हेवं वत्तब्बे…पे॰… वेदना… सञ्ञा… सङ्खारा… विञ्ञाणन्ति? न हेवं वत्तब्बे…पे॰…।
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
७२३. न वत्तब्बं – ‘‘मुहुत्तं परिनिप्फन्नन्ति? आमन्ता। ननु वुत्तं भगवता – ‘‘तीणिमानि, भिक्खवे, कथावत्थूनि! कतमानि तीणि? अतीतं वा, भिक्खवे, अद्धानं आरब्भ कथं कथेय्य – ‘एवं अहोसि अतीतमद्धान’न्ति; अनागतं वा, भिक्खवे, अद्धानं आरब्भ कथं कथेय्य – ‘एवं भविस्सति अनागतमद्धान’न्ति; एतरहि वा, भिक्खवे, पच्चुप्पन्नं अद्धानं आरब्भ कथं कथेय्य – ‘एवं होति एतरहि पच्चुप्पन्न’न्ति। इमानि खो, भिक्खवे, तीणि कथावत्थूनी’’ति। अत्थेव सुत्तन्तोति? आमन्ता। तेन हि मुहुत्तं परिनिप्फन्नन्ति।
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
खणलयमुहुत्तकथा निट्ठिता।
Khaṇalayamuhuttakathā niṭṭhitā.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ४. खणलयमुहुत्तकथावण्णना • 4. Khaṇalayamuhuttakathāvaṇṇanā
