| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
15. පන්‌නරසමවග්‌ගො
15. Pannarasamavaggo
(148) 4. ඛණලයමුහුත්‌තකථා
(148) 4. Khaṇalayamuhuttakathā
722. ඛණො පරිනිප්‌ඵන්‌නො, ලයො පරිනිප්‌ඵන්‌නො, මුහුත්‌තං පරිනිප්‌ඵන්‌නන්‌ති? ආමන්‌තා. රූපන්‌ති? න හෙවං වත්‌තබ්‌බෙ…පෙ.… වෙදනා… සඤ්‌ඤා… සඞ්‌ඛාරා… විඤ්‌ඤාණන්‌ති? න හෙවං වත්‌තබ්‌බෙ…පෙ.….
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
723. න වත්‌තබ්‌බං – ‘‘මුහුත්‌තං පරිනිප්‌ඵන්‌නන්‌ති? ආමන්‌තා. නනු වුත්‌තං භගවතා – ‘‘තීණිමානි, භික්‌ඛවෙ, කථාවත්‌ථූනි! කතමානි තීණි? අතීතං වා, භික්‌ඛවෙ, අද්‌ධානං ආරබ්‌භ කථං කථෙය්‍ය – ‘එවං අහොසි අතීතමද්‌ධාන’න්‌ති; අනාගතං වා, භික්‌ඛවෙ, අද්‌ධානං ආරබ්‌භ කථං කථෙය්‍ය – ‘එවං භවිස්‌සති අනාගතමද්‌ධාන’න්‌ති; එතරහි වා, භික්‌ඛවෙ, පච්‌චුප්‌පන්‌නං අද්‌ධානං ආරබ්‌භ කථං කථෙය්‍ය – ‘එවං හොති එතරහි පච්‌චුප්‌පන්‌න’න්‌ති. ඉමානි ඛො, භික්‌ඛවෙ, තීණි කථාවත්‌ථූනී’’ති. අත්‌ථෙව සුත්‌තන්‌තොති? ආමන්‌තා. තෙන හි මුහුත්‌තං පරිනිප්‌ඵන්‌නන්‌ති.
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
ඛණලයමුහුත්‌තකථා නිට්‌ඨිතා.
Khaṇalayamuhuttakathā niṭṭhitā.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 4. ඛණලයමුහුත්‌තකථාවණ්‌ණනා • 4. Khaṇalayamuhuttakathāvaṇṇanā
