| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༥. པནྣརསམཝགྒོ
15. Pannarasamavaggo
(༡༤༨) ༤. ཁཎལཡམུཧུཏྟཀཐཱ
(148) 4. Khaṇalayamuhuttakathā
༧༢༢. ཁཎོ པརིནིཔྥནྣོ, ལཡོ པརིནིཔྥནྣོ, མུཧུཏྟཾ པརིནིཔྥནྣནྟི? ཨཱམནྟཱ། རཱུཔནྟི? ན ཧེཝཾ ཝཏྟབྦེ…པེ॰… ཝེདནཱ… སཉྙཱ… སངྑཱརཱ… ཝིཉྙཱཎནྟི? ན ཧེཝཾ ཝཏྟབྦེ…པེ॰…།
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
༧༢༣. ན ཝཏྟབྦཾ – ‘‘མུཧུཏྟཾ པརིནིཔྥནྣནྟི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཏཱིཎིམཱནི, བྷིཀྑཝེ, ཀཐཱཝཏྠཱུནི! ཀཏམཱནི ཏཱིཎི? ཨཏཱིཏཾ ཝཱ, བྷིཀྑཝེ, ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ ཨཧོསི ཨཏཱིཏམདྡྷཱན’ནྟི; ཨནཱགཏཾ ཝཱ, བྷིཀྑཝེ, ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ བྷཝིསྶཏི ཨནཱགཏམདྡྷཱན’ནྟི; ཨེཏརཧི ཝཱ, བྷིཀྑཝེ, པཙྩུཔྤནྣཾ ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ ཧོཏི ཨེཏརཧི པཙྩུཔྤནྣ’ནྟི། ཨིམཱནི ཁོ, བྷིཀྑཝེ, ཏཱིཎི ཀཐཱཝཏྠཱུནཱི’’ཏི། ཨཏྠེཝ སུཏྟནྟོཏི? ཨཱམནྟཱ། ཏེན ཧི མུཧུཏྟཾ པརིནིཔྥནྣནྟི།
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
ཁཎལཡམུཧུཏྟཀཐཱ ནིཊྛིཏཱ།
Khaṇalayamuhuttakathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. ཁཎལཡམུཧུཏྟཀཐཱཝཎྞནཱ • 4. Khaṇalayamuhuttakathāvaṇṇanā
