| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੫. ਪਨ੍ਨਰਸਮવਗ੍ਗੋ
15. Pannarasamavaggo
(੧੪੮) ੪. ਖਣਲਯਮੁਹੁਤ੍ਤਕਥਾ
(148) 4. Khaṇalayamuhuttakathā
੭੨੨. ਖਣੋ ਪਰਿਨਿਪ੍ਫਨ੍ਨੋ, ਲਯੋ ਪਰਿਨਿਪ੍ਫਨ੍ਨੋ, ਮੁਹੁਤ੍ਤਂ ਪਰਿਨਿਪ੍ਫਨ੍ਨਨ੍ਤਿ? ਆਮਨ੍ਤਾ। ਰੂਪਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… વੇਦਨਾ… ਸਞ੍ਞਾ… ਸਙ੍ਖਾਰਾ… વਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
੭੨੩. ਨ વਤ੍ਤਬ੍ਬਂ – ‘‘ਮੁਹੁਤ੍ਤਂ ਪਰਿਨਿਪ੍ਫਨ੍ਨਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਤੀਣਿਮਾਨਿ, ਭਿਕ੍ਖવੇ, ਕਥਾવਤ੍ਥੂਨਿ! ਕਤਮਾਨਿ ਤੀਣਿ? ਅਤੀਤਂ વਾ, ਭਿਕ੍ਖવੇ, ਅਦ੍ਧਾਨਂ ਆਰਬ੍ਭ ਕਥਂ ਕਥੇਯ੍ਯ – ‘ਏવਂ ਅਹੋਸਿ ਅਤੀਤਮਦ੍ਧਾਨ’ਨ੍ਤਿ; ਅਨਾਗਤਂ વਾ, ਭਿਕ੍ਖવੇ, ਅਦ੍ਧਾਨਂ ਆਰਬ੍ਭ ਕਥਂ ਕਥੇਯ੍ਯ – ‘ਏવਂ ਭવਿਸ੍ਸਤਿ ਅਨਾਗਤਮਦ੍ਧਾਨ’ਨ੍ਤਿ; ਏਤਰਹਿ વਾ, ਭਿਕ੍ਖવੇ, ਪਚ੍ਚੁਪ੍ਪਨ੍ਨਂ ਅਦ੍ਧਾਨਂ ਆਰਬ੍ਭ ਕਥਂ ਕਥੇਯ੍ਯ – ‘ਏવਂ ਹੋਤਿ ਏਤਰਹਿ ਪਚ੍ਚੁਪ੍ਪਨ੍ਨ’ਨ੍ਤਿ। ਇਮਾਨਿ ਖੋ, ਭਿਕ੍ਖવੇ, ਤੀਣਿ ਕਥਾવਤ੍ਥੂਨੀ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਮੁਹੁਤ੍ਤਂ ਪਰਿਨਿਪ੍ਫਨ੍ਨਨ੍ਤਿ।
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
ਖਣਲਯਮੁਹੁਤ੍ਤਕਥਾ ਨਿਟ੍ਠਿਤਾ।
Khaṇalayamuhuttakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਖਣਲਯਮੁਹੁਤ੍ਤਕਥਾવਣ੍ਣਨਾ • 4. Khaṇalayamuhuttakathāvaṇṇanā
