| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൫. പന്നരസമവഗ്ഗോ
15. Pannarasamavaggo
(൧൪൮) ൪. ഖണലയമുഹുത്തകഥാ
(148) 4. Khaṇalayamuhuttakathā
൭൨൨. ഖണോ പരിനിപ്ഫന്നോ, ലയോ പരിനിപ്ഫന്നോ, മുഹുത്തം പരിനിപ്ഫന്നന്തി? ആമന്താ. രൂപന്തി? ന ഹേവം വത്തബ്ബേ…പേ॰… വേദനാ… സഞ്ഞാ… സങ്ഖാരാ… വിഞ്ഞാണന്തി? ന ഹേവം വത്തബ്ബേ…പേ॰….
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
൭൨൩. ന വത്തബ്ബം – ‘‘മുഹുത്തം പരിനിപ്ഫന്നന്തി? ആമന്താ. നനു വുത്തം ഭഗവതാ – ‘‘തീണിമാനി, ഭിക്ഖവേ, കഥാവത്ഥൂനി! കതമാനി തീണി? അതീതം വാ, ഭിക്ഖവേ, അദ്ധാനം ആരബ്ഭ കഥം കഥേയ്യ – ‘ഏവം അഹോസി അതീതമദ്ധാന’ന്തി; അനാഗതം വാ, ഭിക്ഖവേ, അദ്ധാനം ആരബ്ഭ കഥം കഥേയ്യ – ‘ഏവം ഭവിസ്സതി അനാഗതമദ്ധാന’ന്തി; ഏതരഹി വാ, ഭിക്ഖവേ, പച്ചുപ്പന്നം അദ്ധാനം ആരബ്ഭ കഥം കഥേയ്യ – ‘ഏവം ഹോതി ഏതരഹി പച്ചുപ്പന്ന’ന്തി. ഇമാനി ഖോ, ഭിക്ഖവേ, തീണി കഥാവത്ഥൂനീ’’തി. അത്ഥേവ സുത്തന്തോതി? ആമന്താ. തേന ഹി മുഹുത്തം പരിനിപ്ഫന്നന്തി.
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
ഖണലയമുഹുത്തകഥാ നിട്ഠിതാ.
Khaṇalayamuhuttakathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ഖണലയമുഹുത്തകഥാവണ്ണനാ • 4. Khaṇalayamuhuttakathāvaṇṇanā
