| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. кан̣асуд̇д̇аван̣н̣анаа
2. Khaṇasuttavaṇṇanā
135. чапассааяад̇анигаад̇и чахи пассааяад̇анзхи анидтасам̣взд̣̇анияаа. чад̣̇ваарапассабадивин̃н̃ад̇д̇ийд̇и чахиби д̣̇ваарзхи аарамман̣асса бадисам̣взд̣̇анаа ход̇иязва саб̣б̣асо д̣̇угкаанубхаванад̇т̇ам̣. д̇аавад̇им̣сабуранд̇и суд̣̇ассанамахаанаг̇арам̣. абхааво наама над̇т̇и саб̣б̣ат̇аа сукаанубхаванад̇о. нираязд̇и иминаа д̣̇уг̇г̇ад̇и бхавасааман̃н̃зна ид̇араабааяааби г̇ахид̇аа зва. маг̇г̇аб̣рахмажарияаваасам̣ васид̇ум̣ на саггаад̇и иминаа бана саб̣б̣зсамби ажчинд̣̇игадтаанаанам̣ г̇ахан̣ам̣ д̣̇адтаб̣б̣ам̣. имзваад̇и имасмим̣ мануссалогз зва. абааяоби бан̃н̃ааяад̇и абааяад̣̇угкасад̣̇исасса д̣̇угкасса гад̣̇аажи бадисам̣взд̣̇анад̇о. саг̇г̇оби бан̃н̃ааяад̇и д̣̇звабхог̇асад̣̇исасамбад̇д̇ияаа гад̣̇аажи бадилабхид̇аб̣б̣ад̇о.
135.Chaphassāyatanikāti chahi phassāyatanehi aniṭṭhasaṃvedaniyā. Chadvāraphassapaṭiviññattīti chahipi dvārehi ārammaṇassa paṭisaṃvedanā hotiyeva sabbaso dukkhānubhavanatthaṃ. Tāvatiṃsapuranti sudassanamahānagaraṃ. Abhāvo nāma natthi sabbathā sukhānubhavanato. Nirayeti iminā duggati bhavasāmaññena itarāpāyāpi gahitā eva. Maggabrahmacariyavāsaṃ vasituṃ na sakkāti iminā pana sabbesampi acchindikaṭṭhānānaṃ gahaṇaṃ daṭṭhabbaṃ. Imevāti imasmiṃ manussaloke eva. Apāyopi paññāyati apāyadukkhasadisassa dukkhassa kadāci paṭisaṃvedanato. Saggopi paññāyati devabhogasadisasampattiyā kadāci paṭilabhitabbato.
аяам̣ гаммабхуумийд̇и аяам̣ мануссалого бурисат̇аамагаран̣ааяа гаммабхууми наама д̇аасам̣ яог̇яадтаанабхаавад̇о. д̇ад̇т̇а бад̇хаанагаммам̣ д̣̇ассзнд̇о ‘‘ид̇ха маг̇г̇абхааванаа’’д̇и ааха. таанаанийд̇и гааран̣аани. сам̣взж̇анияаанийд̇и сам̣взг̇аж̇ананаани б̣ахууни ж̇аад̇иаад̣̇ийни. д̇ат̇аа хи ж̇аад̇и, ж̇араа, б̣яаад̇хи, маран̣ам̣, абааяабхавам̣, д̇ад̇т̇аби нираяуубабад̇д̇ихзд̇угам̣, д̇иражчаанубабад̇д̇ихзд̇угам̣, асуурагааяуубабад̇д̇ихзд̇угам̣, ад̇ийд̇з ваддамуулагам̣, анааг̇ад̇з ваддамуулагам̣, бажжуббаннз аахаарабарияздтимуулаганд̇и б̣ахууни сам̣взг̇авад̇т̇ууни бажжавзгкид̇ваа сам̣взг̇аж̇аад̇о сан̃ж̇аад̇асам̣взг̇о яонисо бад̇хаанамануяун̃ж̇ассу. сам̣взг̇аад̇и сам̣взг̇амаабаж̇ж̇ассу.
Ayaṃ kammabhūmīti ayaṃ manussaloko purisathāmakaraṇāya kammabhūmi nāma tāsaṃ yogyaṭṭhānabhāvato. Tattha padhānakammaṃ dassento ‘‘idha maggabhāvanā’’ti āha. Ṭhānānīti kāraṇāni. Saṃvejaniyānīti saṃvegajananāni bahūni jātiādīni. Tathā hi jāti, jarā, byādhi, maraṇaṃ, apāyabhavaṃ, tatthapi nirayūpapattihetukaṃ, tiracchānupapattihetukaṃ, asūrakāyūpapattihetukaṃ, atīte vaṭṭamūlakaṃ, anāgate vaṭṭamūlakaṃ, paccuppanne āhārapariyeṭṭhimūlakanti bahūni saṃvegavatthūni paccavekkhitvā saṃvegajāto sañjātasaṃvego yoniso padhānamanuyuñjassu. Saṃvegāti saṃvegamāpajjassu.
кан̣асуд̇д̇аван̣н̣анаа нидтид̇аа.
Khaṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. кан̣асуд̇д̇ам̣ • 2. Khaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. кан̣асуд̇д̇аван̣н̣анаа • 2. Khaṇasuttavaṇṇanā
