| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਖਣਸੁਤ੍ਤવਣ੍ਣਨਾ
2. Khaṇasuttavaṇṇanā
੧੩੫. ਦੁਤਿਯੇ ਛਫਸ੍ਸਾਯਤਨਿਕਾ ਨਾਮਾਤਿ વਿਸੁਂ ਛਫਸ੍ਸਾਯਤਨਿਕਾ ਨਾਮ ਨਿਰਯਾ ਨਤ੍ਥਿ। ਸਬ੍ਬੇਸੁਪਿ ਹਿ ਏਕਤਿਂਸਮਹਾਨਿਰਯੇਸੁ ਛਦ੍વਾਰਫਸ੍ਸਾਯਤਨਪਞ੍ਞਤ੍ਤਿ ਹੋਤਿਯੇવ। ਇਦਂ ਪਨ ਅવੀਚਿਮਹਾਨਿਰਯਂ ਸਨ੍ਧਾਯ વੁਤ੍ਤਂ। ਸਗ੍ਗਾਤਿ ਇਧਾਪਿ ਤਾવਤਿਂਸਪੁਰਮੇવ ਅਧਿਪ੍ਪੇਤਂ। ਕਾਮਾવਚਰਦੇવਲੋਕੇ ਪਨ ਏਕਸ੍ਮਿਮ੍ਪਿ ਛਫਸ੍ਸਾਯਤਨਪਞ੍ਞਤ੍ਤਿਯਾ ਅਭਾવੋ ਨਾਮ ਨਤ੍ਥਿ। ਇਮਿਨਾ ਕਿਂ ਦੀਪੇਤਿ? ਨਿਰਯੇ ਏਕਨ੍ਤਦੁਕ੍ਖਸਮਪ੍ਪਿਤਭਾવੇਨ, ਦੇવਲੋਕੇ ਚ ਏਕਨ੍ਤਸੁਖਸਮਪ੍ਪਿਤਤ੍ਤਾ ਏਕਨ੍ਤਖਿਡ੍ਡਾਰਤਿવਸੇਨ ਉਪ੍ਪਨ੍ਨਪਮਾਦੇਨ ਮਗ੍ਗਬ੍ਰਹ੍ਮਚਰਿਯવਾਸਂ વਸਿਤੁਂ ਨ ਸਕ੍ਕਾ। ਮਨੁਸ੍ਸਲੋਕੋ ਪਨ વੋਕਿਣ੍ਣਸੁਖਦੁਕ੍ਖੋ, ਇਧੇવ ਅਪਾਯੋਪਿ ਸਗ੍ਗੋਪਿ ਪਞ੍ਞਾਯਤਿ। ਅਯਂ ਮਗ੍ਗਬ੍ਰਹ੍ਮਚਰਿਯਸ੍ਸ ਕਮ੍ਮਭੂਮਿ ਨਾਮ, ਸਾ ਤੁਮ੍ਹੇਹਿ ਲਦ੍ਧਾ। ਤਸ੍ਮਾ ਯੇ વੋ ਇਮੇ ਮਾਨੁਸ੍ਸਕਾ ਖਨ੍ਧਾ ਲਦ੍ਧਾ, ਤੇ વੋ ਲਾਭਾ। ਯਞ੍ਚ વੋ ਇਦਂ ਮਨੁਸ੍ਸਤ੍ਤਂ ਲਦ੍ਧਂ, ਪਟਿਲਦ੍ਧੋ વੋ ਬ੍ਰਹ੍ਮਚਰਿਯવਾਸਸ੍ਸ ਖਣੋ ਸਮਯੋਤਿ। વੁਤ੍ਤਮ੍ਪਿ ਹੇਤਂ ਪੋਰਾਣੇਹਿ –
135. Dutiye chaphassāyatanikā nāmāti visuṃ chaphassāyatanikā nāma nirayā natthi. Sabbesupi hi ekatiṃsamahānirayesu chadvāraphassāyatanapaññatti hotiyeva. Idaṃ pana avīcimahānirayaṃ sandhāya vuttaṃ. Saggāti idhāpi tāvatiṃsapurameva adhippetaṃ. Kāmāvacaradevaloke pana ekasmimpi chaphassāyatanapaññattiyā abhāvo nāma natthi. Iminā kiṃ dīpeti? Niraye ekantadukkhasamappitabhāvena, devaloke ca ekantasukhasamappitattā ekantakhiḍḍārativasena uppannapamādena maggabrahmacariyavāsaṃ vasituṃ na sakkā. Manussaloko pana vokiṇṇasukhadukkho, idheva apāyopi saggopi paññāyati. Ayaṃ maggabrahmacariyassa kammabhūmi nāma, sā tumhehi laddhā. Tasmā ye vo ime mānussakā khandhā laddhā, te vo lābhā. Yañca vo idaṃ manussattaṃ laddhaṃ, paṭiladdho vo brahmacariyavāsassa khaṇo samayoti. Vuttampi hetaṃ porāṇehi –
‘‘ਅਯਂ ਕਮ੍ਮਭੂਮਿ ਇਧ ਮਗ੍ਗਭਾવਨਾ,
‘‘Ayaṃ kammabhūmi idha maggabhāvanā,
ਠਾਨਾਨਿ ਸਂવੇਜਨਿਯਾ ਬਹੂ ਇਧ।
Ṭhānāni saṃvejaniyā bahū idha;
ਸਂવੇਗਸਂવੇਜਨਿਯੇਸੁ વਤ੍ਥੁਸੁ,
Saṃvegasaṃvejaniyesu vatthusu,
ਸਂવੇਗਜਾਤੋવ ਪਯੁਞ੍ਚ ਯੋਨਿਸੋ’’ਤਿ॥
Saṃvegajātova payuñca yoniso’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਖਣਸੁਤ੍ਤਂ • 2. Khaṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਖਣਸੁਤ੍ਤવਣ੍ਣਨਾ • 2. Khaṇasuttavaṇṇanā
