| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਖਣਸੁਤ੍ਤવਣ੍ਣਨਾ
2. Khaṇasuttavaṇṇanā
੧੩੫. ਛਫਸ੍ਸਾਯਤਨਿਕਾਤਿ ਛਹਿ ਫਸ੍ਸਾਯਤਨੇਹਿ ਅਨਿਟ੍ਠਸਂવੇਦਨਿਯਾ। ਛਦ੍વਾਰਫਸ੍ਸਪਟਿવਿਞ੍ਞਤ੍ਤੀਤਿ ਛਹਿਪਿ ਦ੍વਾਰੇਹਿ ਆਰਮ੍ਮਣਸ੍ਸ ਪਟਿਸਂવੇਦਨਾ ਹੋਤਿਯੇવ ਸਬ੍ਬਸੋ ਦੁਕ੍ਖਾਨੁਭવਨਤ੍ਥਂ। ਤਾવਤਿਂਸਪੁਰਨ੍ਤਿ ਸੁਦਸ੍ਸਨਮਹਾਨਗਰਂ। ਅਭਾવੋ ਨਾਮ ਨਤ੍ਥਿ ਸਬ੍ਬਥਾ ਸੁਖਾਨੁਭવਨਤੋ। ਨਿਰਯੇਤਿ ਇਮਿਨਾ ਦੁਗ੍ਗਤਿ ਭવਸਾਮਞ੍ਞੇਨ ਇਤਰਾਪਾਯਾਪਿ ਗਹਿਤਾ ਏવ। ਮਗ੍ਗਬ੍ਰਹ੍ਮਚਰਿਯવਾਸਂ વਸਿਤੁਂ ਨ ਸਕ੍ਕਾਤਿ ਇਮਿਨਾ ਪਨ ਸਬ੍ਬੇਸਮ੍ਪਿ ਅਚ੍ਛਿਨ੍ਦਿਕਟ੍ਠਾਨਾਨਂ ਗਹਣਂ ਦਟ੍ਠਬ੍ਬਂ। ਇਮੇવਾਤਿ ਇਮਸ੍ਮਿਂ ਮਨੁਸ੍ਸਲੋਕੇ ਏવ। ਅਪਾਯੋਪਿ ਪਞ੍ਞਾਯਤਿ ਅਪਾਯਦੁਕ੍ਖਸਦਿਸਸ੍ਸ ਦੁਕ੍ਖਸ੍ਸ ਕਦਾਚਿ ਪਟਿਸਂવੇਦਨਤੋ। ਸਗ੍ਗੋਪਿ ਪਞ੍ਞਾਯਤਿ ਦੇવਭੋਗਸਦਿਸਸਮ੍ਪਤ੍ਤਿਯਾ ਕਦਾਚਿ ਪਟਿਲਭਿਤਬ੍ਬਤੋ।
135.Chaphassāyatanikāti chahi phassāyatanehi aniṭṭhasaṃvedaniyā. Chadvāraphassapaṭiviññattīti chahipi dvārehi ārammaṇassa paṭisaṃvedanā hotiyeva sabbaso dukkhānubhavanatthaṃ. Tāvatiṃsapuranti sudassanamahānagaraṃ. Abhāvo nāma natthi sabbathā sukhānubhavanato. Nirayeti iminā duggati bhavasāmaññena itarāpāyāpi gahitā eva. Maggabrahmacariyavāsaṃ vasituṃ na sakkāti iminā pana sabbesampi acchindikaṭṭhānānaṃ gahaṇaṃ daṭṭhabbaṃ. Imevāti imasmiṃ manussaloke eva. Apāyopi paññāyati apāyadukkhasadisassa dukkhassa kadāci paṭisaṃvedanato. Saggopi paññāyati devabhogasadisasampattiyā kadāci paṭilabhitabbato.
ਅਯਂ ਕਮ੍ਮਭੂਮੀਤਿ ਅਯਂ ਮਨੁਸ੍ਸਲੋਕੋ ਪੁਰਿਸਥਾਮਕਰਣਾਯ ਕਮ੍ਮਭੂਮਿ ਨਾਮ ਤਾਸਂ ਯੋਗ੍ਯਟ੍ਠਾਨਭਾવਤੋ। ਤਤ੍ਥ ਪਧਾਨਕਮ੍ਮਂ ਦਸ੍ਸੇਨ੍ਤੋ ‘‘ਇਧ ਮਗ੍ਗਭਾવਨਾ’’ਤਿ ਆਹ। ਠਾਨਾਨੀਤਿ ਕਾਰਣਾਨਿ। ਸਂવੇਜਨਿਯਾਨੀਤਿ ਸਂવੇਗਜਨਨਾਨਿ ਬਹੂਨਿ ਜਾਤਿਆਦੀਨਿ। ਤਥਾ ਹਿ ਜਾਤਿ, ਜਰਾ, ਬ੍ਯਾਧਿ, ਮਰਣਂ, ਅਪਾਯਭવਂ, ਤਤ੍ਥਪਿ ਨਿਰਯੂਪਪਤ੍ਤਿਹੇਤੁਕਂ, ਤਿਰਚ੍ਛਾਨੁਪਪਤ੍ਤਿਹੇਤੁਕਂ, ਅਸੂਰਕਾਯੂਪਪਤ੍ਤਿਹੇਤੁਕਂ, ਅਤੀਤੇ વਟ੍ਟਮੂਲਕਂ, ਅਨਾਗਤੇ વਟ੍ਟਮੂਲਕਂ, ਪਚ੍ਚੁਪ੍ਪਨ੍ਨੇ ਆਹਾਰਪਰਿਯੇਟ੍ਠਿਮੂਲਕਨ੍ਤਿ ਬਹੂਨਿ ਸਂવੇਗવਤ੍ਥੂਨਿ ਪਚ੍ਚવੇਕ੍ਖਿਤ੍વਾ ਸਂવੇਗਜਾਤੋ ਸਞ੍ਜਾਤਸਂવੇਗੋ ਯੋਨਿਸੋ ਪਧਾਨਮਨੁਯੁਞ੍ਜਸ੍ਸੁ। ਸਂવੇਗਾਤਿ ਸਂવੇਗਮਾਪਜ੍ਜਸ੍ਸੁ।
Ayaṃ kammabhūmīti ayaṃ manussaloko purisathāmakaraṇāya kammabhūmi nāma tāsaṃ yogyaṭṭhānabhāvato. Tattha padhānakammaṃ dassento ‘‘idha maggabhāvanā’’ti āha. Ṭhānānīti kāraṇāni. Saṃvejaniyānīti saṃvegajananāni bahūni jātiādīni. Tathā hi jāti, jarā, byādhi, maraṇaṃ, apāyabhavaṃ, tatthapi nirayūpapattihetukaṃ, tiracchānupapattihetukaṃ, asūrakāyūpapattihetukaṃ, atīte vaṭṭamūlakaṃ, anāgate vaṭṭamūlakaṃ, paccuppanne āhārapariyeṭṭhimūlakanti bahūni saṃvegavatthūni paccavekkhitvā saṃvegajāto sañjātasaṃvego yoniso padhānamanuyuñjassu. Saṃvegāti saṃvegamāpajjassu.
ਖਣਸੁਤ੍ਤવਣ੍ਣਨਾ ਨਿਟ੍ਠਿਤਾ।
Khaṇasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਖਣਸੁਤ੍ਤਂ • 2. Khaṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਖਣਸੁਤ੍ਤવਣ੍ਣਨਾ • 2. Khaṇasuttavaṇṇanā
