| Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൨൦൩. ഖണ്ഡജാതകം (൨-൬-൩)
203. Khaṇḍajātakaṃ (2-6-3)
൧൦൫.
105.
വിരൂപക്ഖേഹി മേ മേത്തം, മേത്തം ഏരാപഥേഹി മേ;
Virūpakkhehi me mettaṃ, mettaṃ erāpathehi me;
ഛബ്യാപുത്തേഹി മേ മേത്തം, മേത്തം കണ്ഹാഗോതമകേഹി ച.
Chabyāputtehi me mettaṃ, mettaṃ kaṇhāgotamakehi ca.
അപാദകേഹി മേ മേത്തം, മേത്തം ദ്വിപാദകേഹി മേ;
Apādakehi me mettaṃ, mettaṃ dvipādakehi me;
ചതുപ്പദേഹി മേ മേത്തം, മേത്തം ബഹുപ്പദേഹി മേ.
Catuppadehi me mettaṃ, mettaṃ bahuppadehi me.
മാ മം അപാദകോ ഹിംസി, മാ മം ഹിംസി ദ്വിപാദകോ;
Mā maṃ apādako hiṃsi, mā maṃ hiṃsi dvipādako;
മാ മം ചതുപ്പദോ ഹിംസി, മാ മം ഹിംസി ബഹുപ്പദോ.
Mā maṃ catuppado hiṃsi, mā maṃ hiṃsi bahuppado.
സബ്ബേ സത്താ സബ്ബേ പാണാ, സബ്ബേ ഭൂതാ ച കേവലാ;
Sabbe sattā sabbe pāṇā, sabbe bhūtā ca kevalā;
൧൦൬.
106.
അപ്പമാണോ ബുദ്ധോ, അപ്പമാണോ ധമ്മോ;
Appamāṇo buddho, appamāṇo dhammo;
കതാ മേ രക്ഖാ കതാ മേ പരിത്താ, പടിക്കമന്തു ഭൂതാനി;
Katā me rakkhā katā me parittā, paṭikkamantu bhūtāni;
സോഹം നമോ ഭഗവതോ, നമോ സത്തന്നം സമ്മാസമ്ബുദ്ധാനന്തി.
Sohaṃ namo bhagavato, namo sattannaṃ sammāsambuddhānanti.
ഖണ്ഡജാതകം തതിയം.
Khaṇḍajātakaṃ tatiyaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൨൦൩] ൩. ഖന്ധജാതകവണ്ണനാ • [203] 3. Khandhajātakavaṇṇanā
