| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. кан̣д̣асуманад̇т̇зраг̇аат̇ааван̣н̣анаа
6. Khaṇḍasumanattheragāthāvaṇṇanā
згабубпам̣ жаж̇ид̇ваанаад̇и ааяасмад̇о кан̣д̣асуманад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з д̇асса т̇уубасса саманд̇ад̇о жанд̣̇анавзд̣̇игааяа баригкибид̇ваа маханд̇ам̣ бууж̇ам̣ агааси. со д̇зна бун̃н̃агаммзна д̣̇звамануссзсу ул̣аарам̣ самбад̇д̇им̣ анубхаванд̇о гассабасса бхаг̇авад̇о гаалз гудумб̣игагулз ниб̣б̣ад̇д̇о сад̇т̇ари бариниб̣б̣уд̇з ганагат̇уубам̣ уд̣̇д̣̇исса ран̃н̃аа бубпабууж̇ааяа гаяирамаанааяа бубпаани алабханд̇о згам̣ кан̣д̣асуманабубпам̣ д̣̇исваа махад̇аа муулзна д̇ам̣ гин̣ид̇ваа г̇ан̣ханд̇о жзд̇ияз бууж̇ам̣ гаронд̇о ул̣аарам̣ бийд̇исоманассам̣ уббаад̣̇зси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа асийд̇и вассагодияо саг̇г̇асукам̣ анубхавид̇ваа имасмим̣ б̣уд̣̇д̇хуббаад̣̇з баавааяам̣ малларааж̇агулз ниб̣б̣ад̇д̇и. д̇асса ж̇аад̇агаалз г̇зхз кан̣д̣асагкараа суманабубпаани жа уббаннаани ахзсум̣. д̇знасса кан̣д̣асуманод̇и наамамагам̣су. со вин̃н̃уд̇ам̣ бад̇д̇о бхаг̇авад̇и баавааяам̣ жунд̣̇асса амб̣аванз вихаранд̇з убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.15.15-20) –
Ekapupphaṃcajitvānāti āyasmato khaṇḍasumanattherassa gāthā. Kā uppatti? So kira padumuttarassa bhagavato kāle kulagehe nibbattitvā viññutaṃ patto satthari parinibbute tassa thūpassa samantato candanavedikāya parikkhipitvā mahantaṃ pūjaṃ akāsi. So tena puññakammena devamanussesu uḷāraṃ sampattiṃ anubhavanto kassapassa bhagavato kāle kuṭumbikakule nibbatto satthari parinibbute kanakathūpaṃ uddissa raññā pupphapūjāya kayiramānāya pupphāni alabhanto ekaṃ khaṇḍasumanapupphaṃ disvā mahatā mūlena taṃ kiṇitvā gaṇhanto cetiye pūjaṃ karonto uḷāraṃ pītisomanassaṃ uppādesi. So tena puññakammena devaloke nibbattitvā asīti vassakoṭiyo saggasukhaṃ anubhavitvā imasmiṃ buddhuppāde pāvāyaṃ mallarājakule nibbatti. Tassa jātakāle gehe khaṇḍasakkharā sumanapupphāni ca uppannāni ahesuṃ. Tenassa khaṇḍasumanoti nāmamakaṃsu. So viññutaṃ patto bhagavati pāvāyaṃ cundassa ambavane viharante upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva chaḷabhiñño ahosi. Tena vuttaṃ apadāne (apa. thera 1.15.15-20) –
‘‘бад̣̇умуд̇д̇аро наама ж̇ино, логаж̇здто нараасабхо;
‘‘Padumuttaro nāma jino, lokajeṭṭho narāsabho;
ж̇алид̇ваа аг̇г̇игканд̇хова, самб̣уд̣̇д̇хо бариниб̣б̣уд̇о.
Jalitvā aggikkhandhova, sambuddho parinibbuto.
‘‘ниб̣б̣уд̇з жа махаавийрз, т̇уубо вид̇т̇аариго аху;
‘‘Nibbute ca mahāvīre, thūpo vitthāriko ahu;
д̣̇уурад̇ова убадтзнд̇и, д̇хаад̇уг̇зхаваруд̇д̇амз.
Dūratova upaṭṭhenti, dhātugehavaruttame.
‘‘басаннажид̇д̇о, сумано, агам̣ жанд̣̇анавзд̣̇игам̣;
‘‘Pasannacitto, sumano, akaṃ candanavedikaṃ;
д̣̇иссад̇и т̇уубаканд̇хо жа, т̇уубаанужчавиго д̇ад̣̇аа.
Dissati thūpakhandho ca, thūpānucchaviko tadā.
‘‘бхавз ниб̣б̣ад̇д̇амаанамхи, д̣̇звад̇д̇з ат̇а маанусз;
‘‘Bhave nibbattamānamhi, devatte atha mānuse;
омад̇д̇ам̣ мз на бассаами, буб̣б̣агаммассид̣̇ам̣ палам̣.
Omattaṃ me na passāmi, pubbakammassidaṃ phalaṃ.
‘‘бан̃жад̣̇асагаббасад̇з, ид̇о адта ж̇анаа ахум̣;
‘‘Pañcadasakappasate, ito aṭṭha janā ahuṃ;
саб̣б̣з самад̇д̇анаамаа д̇з жаггавад̇д̇ий махаб̣б̣алаа.
Sabbe samattanāmā te cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано буримаж̇аад̇им̣ ануссаранд̇о д̇ад̇т̇а ад̇д̇ано суманабубпабарижжааг̇асса саг̇г̇асамбад̇д̇инимид̇д̇агам̣ ниб̣б̣аануубаниссаяад̇ан̃жа д̣̇исваа уд̣̇аанавасзна д̇амад̇т̇ам̣ багаасзнд̇о –
Arahattaṃ pana patvā attano purimajātiṃ anussaranto tattha attano sumanapupphapariccāgassa saggasampattinimittakaṃ nibbānūpanissayatañca disvā udānavasena tamatthaṃ pakāsento –
96.
96.
‘‘згабубпам̣ жаж̇ид̇ваана, асийд̇и вассагодияо;
‘‘Ekapupphaṃ cajitvāna, asīti vassakoṭiyo;
саг̇г̇зсу барижаарзд̇ваа, сзсагзнамхи ниб̣б̣уд̇о’’д̇и. – г̇аат̇ам̣ абхааси;
Saggesu paricāretvā, sesakenamhi nibbuto’’ti. – gāthaṃ abhāsi;
д̇ад̇т̇а згабубпанд̇и згам̣ гусумам̣, д̇ам̣ бана ид̇ха суманабубпам̣ ад̇хиббзд̇ам̣. жаж̇ид̇ваанаад̇и сад̇т̇у т̇уубабууж̇аагаран̣авасзна барижжаж̇ид̇ваа барижжааг̇ахзд̇у. асийд̇и вассагодияод̇и мануссаг̇ан̣анааяа вассаанам̣ асийд̇и годияо, ажжанд̇асам̣яог̇з жзд̇ам̣ убаяог̇аважанам̣, ид̣̇ан̃жа часу гаамасаг̇г̇зсу д̣̇уд̇ияз абараабаруббад̇д̇ивасзна вуд̇д̇анд̇и взд̣̇ид̇аб̣б̣ам̣. д̇асмаа саг̇г̇зсууд̇и д̇аавад̇им̣сасан̇каад̇з саг̇г̇алогз, бунаббунам̣ уббаж̇ж̇анавасзна хзд̇т̇а б̣ахуважанам̣. барижаарзд̇ваад̇и руубаад̣̇ийсу аарамман̣зсу инд̣̇рияаани барижаарзд̇ваа сукам̣ анубхавид̇ваа, д̣̇зважчараахи ваа ад̇д̇аанам̣ барижаарзд̇ваа убадтаабзд̇ваа. сзсагзнамхи ниб̣б̣уд̇од̇и бубпабууж̇ааяа васзна бавад̇д̇агусалажзд̇анаасу бхавасамбад̇д̇и д̣̇ааяагагаммад̇о сзсзна яам̣ д̇ад̇т̇а виваддуубаниссаяабхууд̇ам̣, д̇ам̣ санд̇хааяа вад̣̇ад̇и. б̣ахуу хи д̇ад̇т̇а буб̣б̣аабаравасзна бавад̇д̇аа жзд̇анаа. сзсагзнаад̇и ваа д̇ассзва гаммасса вибаагаавасзсзна абаригкийн̣зязва д̇асмим̣ гаммавибаагз ниб̣б̣уд̇о амхи, гилзсабариниб̣б̣аанзна бариниб̣б̣уд̇осми. зд̇зна яасмим̣ ад̇д̇абхаавз тад̇ваа ад̇д̇анаа арахад̇д̇ам̣ сажчигад̇ам̣, соби жаримад̇д̇абхааво д̇асса гаммавибаагод̇и д̣̇ассзд̇и. яаад̣̇исам̣ санд̇хааяа ан̃н̃ад̇т̇ааби ‘‘д̇ассзва гаммасса вибаагаавасзсзнаа’’д̇и (баараа. 228; сам̣. ни. 1.131) вуд̇д̇ам̣.
Tattha ekapupphanti ekaṃ kusumaṃ, taṃ pana idha sumanapupphaṃ adhippetaṃ. Cajitvānāti satthu thūpapūjākaraṇavasena pariccajitvā pariccāgahetu. Asīti vassakoṭiyoti manussagaṇanāya vassānaṃ asīti koṭiyo, accantasaṃyoge cetaṃ upayogavacanaṃ, idañca chasu kāmasaggesu dutiye aparāparuppattivasena vuttanti veditabbaṃ. Tasmā saggesūti tāvatiṃsasaṅkhāte saggaloke, punappunaṃ uppajjanavasena hettha bahuvacanaṃ. Paricāretvāti rūpādīsu ārammaṇesu indriyāni paricāretvā sukhaṃ anubhavitvā, devaccharāhi vā attānaṃ paricāretvā upaṭṭhāpetvā. Sesakenamhi nibbutoti pupphapūjāya vasena pavattakusalacetanāsu bhavasampatti dāyakakammato sesena yaṃ tattha vivaṭṭūpanissayabhūtaṃ, taṃ sandhāya vadati. Bahū hi tattha pubbāparavasena pavattā cetanā. Sesakenāti vā tasseva kammassa vipākāvasesena aparikkhīṇeyeva tasmiṃ kammavipāke nibbuto amhi, kilesaparinibbānena parinibbutosmi. Etena yasmiṃ attabhāve ṭhatvā attanā arahattaṃ sacchikataṃ, sopi carimattabhāvo tassa kammavipākoti dasseti. Yādisaṃ sandhāya aññatthāpi ‘‘tasseva kammassa vipākāvasesenā’’ti (pārā. 228; saṃ. ni. 1.131) vuttaṃ.
кан̣д̣асуманад̇т̇зраг̇аат̇ааван̣н̣анаа нидтид̇аа.
Khaṇḍasumanattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. кан̣д̣асуманад̇т̇зраг̇аат̇аа • 6. Khaṇḍasumanattheragāthā
