| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
6. க²ந்தா⁴தி³வாரோ
6. Khandhādivāro
35. ‘‘‘யாவதா க²ந்தா⁴னங் க²ந்த⁴ட்டோ², ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய க²ந்த⁴ட்டோ² நத்தீ²’தி – சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. க²ந்தா⁴னங் க²ந்த⁴ட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
35. ‘‘‘Yāvatā khandhānaṃ khandhaṭṭho, ñāto diṭṭho vidito sacchikato phassito paññāya. Aphassito paññāya khandhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Khandhānaṃ khandhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘யாவதா தா⁴தூனங் தா⁴துட்டோ²…பே॰… யாவதா ஆயதனானங் ஆயதனட்டோ²…பே॰… யாவதா ஸங்க²தானங் ஸங்க²தட்டோ²…பே॰… யாவதா அஸங்க²தஸ்ஸ அஸங்க²தட்டோ² ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய அஸங்க²தட்டோ² நத்தீ²’தி – சக்கு²ங் உத³பாதி³…பே॰… ஆலோகோ உத³பாதி³’’. அஸங்க²தஸ்ஸ அஸங்க²தட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
‘‘‘Yāvatā dhātūnaṃ dhātuṭṭho…pe… yāvatā āyatanānaṃ āyatanaṭṭho…pe… yāvatā saṅkhatānaṃ saṅkhataṭṭho…pe… yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya. Aphassito paññāya asaṅkhataṭṭho natthī’ti – cakkhuṃ udapādi…pe… āloko udapādi’’. Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
க²ந்தா⁴னங் க²ந்த⁴ட்டே², தா⁴தூனங் தா⁴துட்டே², ஆயதனானங் ஆயதனட்டே² ஸங்க²தானங் ஸங்க²தட்டே², அஸங்க²தஸ்ஸ அஸங்க²தட்டே² பஞ்சவீஸதிஸதங் த⁴ம்மா, பஞ்சவீஸதிஸதங் அத்தா², அட்³ட⁴தெய்யானி நிருத்திஸதானி, பஞ்ச ஞாணஸதானி.
Khandhānaṃ khandhaṭṭhe, dhātūnaṃ dhātuṭṭhe, āyatanānaṃ āyatanaṭṭhe saṅkhatānaṃ saṅkhataṭṭhe, asaṅkhatassa asaṅkhataṭṭhe pañcavīsatisataṃ dhammā, pañcavīsatisataṃ atthā, aḍḍhateyyāni niruttisatāni, pañca ñāṇasatāni.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 4-8. ஸத்தபோ³தி⁴ஸத்தவாராதி³வண்ணனா • 4-8. Sattabodhisattavārādivaṇṇanā
