| Library / Tipiṭaka / तिपिटक • Tipiṭaka / पटिसम्भिदामग्गपाळि • Paṭisambhidāmaggapāḷi |
६. खन्धादिवारो
6. Khandhādivāro
३५. ‘‘‘यावता खन्धानं खन्धट्ठो, ञातो दिट्ठो विदितो सच्छिकतो फस्सितो पञ्ञाय। अफस्सितो पञ्ञाय खन्धट्ठो नत्थी’ति – चक्खुं उदपादि, ञाणं उदपादि, पञ्ञा उदपादि, विज्जा उदपादि, आलोको उदपादि’’। खन्धानं खन्धट्ठे पञ्चवीसति धम्मा, पञ्चवीसति अत्था, पञ्ञास निरुत्तियो, सतं ञाणानि।
35. ‘‘‘Yāvatā khandhānaṃ khandhaṭṭho, ñāto diṭṭho vidito sacchikato phassito paññāya. Aphassito paññāya khandhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Khandhānaṃ khandhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘यावता धातूनं धातुट्ठो…पे॰… यावता आयतनानं आयतनट्ठो…पे॰… यावता सङ्खतानं सङ्खतट्ठो…पे॰… यावता असङ्खतस्स असङ्खतट्ठो ञातो दिट्ठो विदितो सच्छिकतो फस्सितो पञ्ञाय। अफस्सितो पञ्ञाय असङ्खतट्ठो नत्थी’ति – चक्खुं उदपादि…पे॰… आलोको उदपादि’’। असङ्खतस्स असङ्खतट्ठे पञ्चवीसति धम्मा, पञ्चवीसति अत्था, पञ्ञास निरुत्तियो, सतं ञाणानि।
‘‘‘Yāvatā dhātūnaṃ dhātuṭṭho…pe… yāvatā āyatanānaṃ āyatanaṭṭho…pe… yāvatā saṅkhatānaṃ saṅkhataṭṭho…pe… yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya. Aphassito paññāya asaṅkhataṭṭho natthī’ti – cakkhuṃ udapādi…pe… āloko udapādi’’. Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
खन्धानं खन्धट्ठे, धातूनं धातुट्ठे, आयतनानं आयतनट्ठे सङ्खतानं सङ्खतट्ठे, असङ्खतस्स असङ्खतट्ठे पञ्चवीसतिसतं धम्मा, पञ्चवीसतिसतं अत्था, अड्ढतेय्यानि निरुत्तिसतानि, पञ्च ञाणसतानि।
Khandhānaṃ khandhaṭṭhe, dhātūnaṃ dhātuṭṭhe, āyatanānaṃ āyatanaṭṭhe saṅkhatānaṃ saṅkhataṭṭhe, asaṅkhatassa asaṅkhataṭṭhe pañcavīsatisataṃ dhammā, pañcavīsatisataṃ atthā, aḍḍhateyyāni niruttisatāni, pañca ñāṇasatāni.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पटिसम्भिदामग्ग-अट्ठकथा • Paṭisambhidāmagga-aṭṭhakathā / ४-८. सत्तबोधिसत्तवारादिवण्णना • 4-8. Sattabodhisattavārādivaṇṇanā
