| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๖. ขนฺธาทิวาโร
6. Khandhādivāro
๓๕. ‘‘‘ยาวตา ขนฺธานํ ขนฺธโฎฺฐ, ญาโต ทิโฎฺฐ วิทิโต สจฺฉิกโต ผสฺสิโต ปญฺญายฯ อผสฺสิโต ปญฺญาย ขนฺธโฎฺฐ นตฺถี’ติ – จกฺขุํ อุทปาทิ, ญาณํ อุทปาทิ, ปญฺญา อุทปาทิ, วิชฺชา อุทปาทิ, อาโลโก อุทปาทิ’’ฯ ขนฺธานํ ขนฺธเฎฺฐ ปญฺจวีสติ ธมฺมา, ปญฺจวีสติ อตฺถา, ปญฺญาส นิรุตฺติโย, สตํ ญาณานิฯ
35. ‘‘‘Yāvatā khandhānaṃ khandhaṭṭho, ñāto diṭṭho vidito sacchikato phassito paññāya. Aphassito paññāya khandhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Khandhānaṃ khandhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘ยาวตา ธาตูนํ ธาตุโฎฺฐ…เป.… ยาวตา อายตนานํ อายตนโฎฺฐ…เป.… ยาวตา สงฺขตานํ สงฺขตโฎฺฐ…เป.… ยาวตา อสงฺขตสฺส อสงฺขตโฎฺฐ ญาโต ทิโฎฺฐ วิทิโต สจฺฉิกโต ผสฺสิโต ปญฺญายฯ อผสฺสิโต ปญฺญาย อสงฺขตโฎฺฐ นตฺถี’ติ – จกฺขุํ อุทปาทิ…เป.… อาโลโก อุทปาทิ’’ฯ อสงฺขตสฺส อสงฺขตเฎฺฐ ปญฺจวีสติ ธมฺมา, ปญฺจวีสติ อตฺถา, ปญฺญาส นิรุตฺติโย, สตํ ญาณานิฯ
‘‘‘Yāvatā dhātūnaṃ dhātuṭṭho…pe… yāvatā āyatanānaṃ āyatanaṭṭho…pe… yāvatā saṅkhatānaṃ saṅkhataṭṭho…pe… yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya. Aphassito paññāya asaṅkhataṭṭho natthī’ti – cakkhuṃ udapādi…pe… āloko udapādi’’. Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ขนฺธานํ ขนฺธเฎฺฐ, ธาตูนํ ธาตุเฎฺฐ, อายตนานํ อายตนเฎฺฐ สงฺขตานํ สงฺขตเฎฺฐ, อสงฺขตสฺส อสงฺขตเฎฺฐ ปญฺจวีสติสตํ ธมฺมา, ปญฺจวีสติสตํ อตฺถา, อฑฺฒเตยฺยานิ นิรุตฺติสตานิ, ปญฺจ ญาณสตานิฯ
Khandhānaṃ khandhaṭṭhe, dhātūnaṃ dhātuṭṭhe, āyatanānaṃ āyatanaṭṭhe saṅkhatānaṃ saṅkhataṭṭhe, asaṅkhatassa asaṅkhataṭṭhe pañcavīsatisataṃ dhammā, pañcavīsatisataṃ atthā, aḍḍhateyyāni niruttisatāni, pañca ñāṇasatāni.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๔-๘. สตฺตโพธิสตฺตวาราทิวณฺณนา • 4-8. Sattabodhisattavārādivaṇṇanā
