| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༦. ཁནྡྷཱདིཝཱརོ
6. Khandhādivāro
༣༥. ‘‘‘ཡཱཝཏཱ ཁནྡྷཱནཾ ཁནྡྷཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ། ཨཕསྶིཏོ པཉྙཱཡ ཁནྡྷཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’། ཁནྡྷཱནཾ ཁནྡྷཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།
35. ‘‘‘Yāvatā khandhānaṃ khandhaṭṭho, ñāto diṭṭho vidito sacchikato phassito paññāya. Aphassito paññāya khandhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Khandhānaṃ khandhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘ཡཱཝཏཱ དྷཱཏཱུནཾ དྷཱཏུཊྛོ…པེ॰… ཡཱཝཏཱ ཨཱཡཏནཱནཾ ཨཱཡཏནཊྛོ…པེ॰… ཡཱཝཏཱ སངྑཏཱནཾ སངྑཏཊྛོ…པེ॰… ཡཱཝཏཱ ཨསངྑཏསྶ ཨསངྑཏཊྛོ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ། ཨཕསྶིཏོ པཉྙཱཡ ཨསངྑཏཊྛོ ནཏྠཱི’ཏི – ཙཀྑུཾ ཨུདཔཱདི…པེ॰… ཨཱལོཀོ ཨུདཔཱདི’’། ཨསངྑཏསྶ ཨསངྑཏཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།
‘‘‘Yāvatā dhātūnaṃ dhātuṭṭho…pe… yāvatā āyatanānaṃ āyatanaṭṭho…pe… yāvatā saṅkhatānaṃ saṅkhataṭṭho…pe… yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya. Aphassito paññāya asaṅkhataṭṭho natthī’ti – cakkhuṃ udapādi…pe… āloko udapādi’’. Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ཁནྡྷཱནཾ ཁནྡྷཊྛེ, དྷཱཏཱུནཾ དྷཱཏུཊྛེ, ཨཱཡཏནཱནཾ ཨཱཡཏནཊྛེ སངྑཏཱནཾ སངྑཏཊྛེ, ཨསངྑཏསྶ ཨསངྑཏཊྛེ པཉྩཝཱིསཏིསཏཾ དྷམྨཱ, པཉྩཝཱིསཏིསཏཾ ཨཏྠཱ, ཨཌྜྷཏེཡྻཱནི ནིརུཏྟིསཏཱནི, པཉྩ ཉཱཎསཏཱནི།
Khandhānaṃ khandhaṭṭhe, dhātūnaṃ dhātuṭṭhe, āyatanānaṃ āyatanaṭṭhe saṅkhatānaṃ saṅkhataṭṭhe, asaṅkhatassa asaṅkhataṭṭhe pañcavīsatisataṃ dhammā, pañcavīsatisataṃ atthā, aḍḍhateyyāni niruttisatāni, pañca ñāṇasatāni.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༤-༨. སཏྟབོདྷིསཏྟཝཱརཱདིཝཎྞནཱ • 4-8. Sattabodhisattavārādivaṇṇanā
