| Library / Tipiṭaka / তিপিটক • Tipiṭaka / ৰিনযৰিনিচ্ছয-টীকা • Vinayavinicchaya-ṭīkā |
খন্ধকপুচ্ছাকথাৰণ্ণনা
Khandhakapucchākathāvaṇṇanā
৩০০. সেসেসূতি অভব্বপুগ্গলপরিদীপকেসু সব্বপদেসু।
300.Sesesūti abhabbapuggalaparidīpakesu sabbapadesu.
৩০২. ‘‘নস্সন্তু এতে’’তি পদচ্ছেদো। পুরক্খকাতি এত্থ সামিঅত্থে পচ্চত্তৰচনং, ভেদপুরেক্খকস্স, ভেদপুরেক্খকাযাতি অত্থো।
302. ‘‘Nassantu ete’’ti padacchedo. Purakkhakāti ettha sāmiatthe paccattavacanaṃ, bhedapurekkhakassa, bhedapurekkhakāyāti attho.
৩০৩. সেসেসূতি অৰসেসেসু অসংৰাসকাদিদীপকেসু পটিক্খেপপদেসু।
303.Sesesūti avasesesu asaṃvāsakādidīpakesu paṭikkhepapadesu.
৩০৪. একাৰ দুক্কটাপত্তি ৰুত্তাতি ৰস্সং অনুপগমনাদিপচ্চযা জাতিতো একাৰ দুক্কটাপত্তি ৰুত্তা।
304.Ekāvadukkaṭāpatti vuttāti vassaṃ anupagamanādipaccayā jātito ekāva dukkaṭāpatti vuttā.
৩০৫. উপোসথসমা মতাতি উপোসথক্খন্ধকে ৰুত্তসদিসা জাতা আপত্তিযো মতা অধিপ্পেতা।
305.Uposathasamāmatāti uposathakkhandhake vuttasadisā jātā āpattiyo matā adhippetā.
৩০৬. চম্মেতি চম্মক্খন্ধকে। ৰচ্ছতরিং গহেত্ৰা মারেন্তানং ছব্বগ্গিযানং পাচিত্তি ৰুত্তাতি সম্বন্ধো। ৰচ্ছতরিন্তি বলসম্পন্নং তরুণগাৰিং। সা হি ৰচ্ছকভাৰং তরিত্ৰা অতিক্কমিত্ৰা ঠিতত্তা ‘‘ৰচ্ছতরী’’তি ৰুচ্চতি।
306.Cammeti cammakkhandhake. Vacchatariṃ gahetvā mārentānaṃ chabbaggiyānaṃ pācitti vuttāti sambandho. Vacchatarinti balasampannaṃ taruṇagāviṃ. Sā hi vacchakabhāvaṃ taritvā atikkamitvā ṭhitattā ‘‘vacchatarī’’ti vuccati.
৩০৭. অঙ্গজাতং ছুপন্তস্সাতি গাৰীনং অঙ্গজাতং অত্তনো অঙ্গজাতেন বহি ছুপন্তস্স। সেসেসূতি গাৰীনং ৰিসাণাদীসু গহণে, পিট্ঠিঅভিরুহণে চ। যথাহ ‘‘ছব্বগ্গিযা ভিক্খূ অচিরৰতিযা নদিযা গাৰীনং তরন্তীনং ৰিসাণেসুপি গণ্হন্তী’’তিআদি (মহাৰ॰ ২৫২)।
307.Aṅgajātaṃ chupantassāti gāvīnaṃ aṅgajātaṃ attano aṅgajātena bahi chupantassa. Sesesūti gāvīnaṃ visāṇādīsu gahaṇe, piṭṭhiabhiruhaṇe ca. Yathāha ‘‘chabbaggiyā bhikkhū aciravatiyā nadiyā gāvīnaṃ tarantīnaṃ visāṇesupi gaṇhantī’’tiādi (mahāva. 252).
৩০৯. তত্থ ভেসজ্জক্খন্ধকে। সামন্তা দ্ৰঙ্গুলেতি ৰচ্চমগ্গপস্সাৰমগ্গানং সামন্তা দ্ৰঙ্গুলমত্তে পদেসে। সত্থকম্মং করোন্তস্স থুল্লচ্চযমুদীরিতন্তি যোজনা। যথাহ – ‘‘ন, ভিক্খৰে, সম্বাধস্স সামন্তা দ্ৰঙ্গুলে সত্থকম্মং ৰা ৰত্থিকম্মং ৰা কারেতব্বং, যো কারেয্য, আপত্তি থুল্লচ্চযস্সা’’তি (মহাৰ॰ ২৭৯)। এত্থ চ ‘‘সামন্তা দ্ৰঙ্গুলে’’তি ইদং সত্থকম্মংযেৰ সন্ধায ৰুত্তং। ৰত্থিকম্মং পন সম্বাধেযেৰ পটিক্খিত্তং।
309.Tattha bhesajjakkhandhake. Sāmantā dvaṅguleti vaccamaggapassāvamaggānaṃ sāmantā dvaṅgulamatte padese. Satthakammaṃ karontassa thullaccayamudīritanti yojanā. Yathāha – ‘‘na, bhikkhave, sambādhassa sāmantā dvaṅgule satthakammaṃ vā vatthikammaṃ vā kāretabbaṃ, yo kāreyya, āpatti thullaccayassā’’ti (mahāva. 279). Ettha ca ‘‘sāmantā dvaṅgule’’ti idaṃ satthakammaṃyeva sandhāya vuttaṃ. Vatthikammaṃ pana sambādheyeva paṭikkhittaṃ.
‘‘ন, ভিক্খৰে, অঞ্ঞত্র নিমন্তিতেন অঞ্ঞস্স ভোজ্জযাগু পরিভুঞ্জিতব্বা, যো পরিভুঞ্জেয্য, যথাধম্মো কারেতব্বো’’তি (মহাৰ॰ ২৮৩) ৰুত্তত্তা আহ ‘‘ভোজ্জযাগূসু পাচিত্তী’’তি। এত্থ চ ভোজ্জযাগু নাম বহলযাগু। ‘‘পিণ্ডং ৰট্টেত্ৰা পাতব্বযাগূ’’তি গণ্ঠিপদে ৰুত্তং। পাচিত্তীতি পরম্পরভোজনপৰারণসিক্খাপদেহি পাচিত্তি। সেসেসূতি অন্তোৰুত্থঅন্তোপক্কসযংপক্কপরিভোগাদীসু। যথাহ ‘‘ন, ভিক্খৰে, অন্তোৰুত্থং অন্তোপক্কং সামংপক্কং পরিভুঞ্জিতব্বং, যো পরিভুঞ্জেয্য, আপত্তি দুক্কটস্সা’’তিআদি (মহাৰ॰ ২৭৪)।
‘‘Na, bhikkhave, aññatra nimantitena aññassa bhojjayāgu paribhuñjitabbā, yo paribhuñjeyya, yathādhammo kāretabbo’’ti (mahāva. 283) vuttattā āha ‘‘bhojjayāgūsu pācittī’’ti. Ettha ca bhojjayāgu nāma bahalayāgu. ‘‘Piṇḍaṃ vaṭṭetvā pātabbayāgū’’ti gaṇṭhipade vuttaṃ. Pācittīti paramparabhojanapavāraṇasikkhāpadehi pācitti. Sesesūti antovutthaantopakkasayaṃpakkaparibhogādīsu. Yathāha ‘‘na, bhikkhave, antovutthaṃ antopakkaṃ sāmaṃpakkaṃ paribhuñjitabbaṃ, yo paribhuñjeyya, āpatti dukkaṭassā’’tiādi (mahāva. 274).
৩১০. চীৰরসংযুত্তেতি চীৰরক্খন্ধকে।
310.Cīvarasaṃyutteti cīvarakkhandhake.
৩১৩. চম্পেয্যকে চ কোসম্বেতি চম্পেয্যক্খন্ধকে চেৰ কোসম্বকক্খন্ধকে চ। ‘‘কম্মস্মি’’ন্তিআদীসুপি এসেৰ নযো।
313.Campeyyakeca kosambeti campeyyakkhandhake ceva kosambakakkhandhake ca. ‘‘Kammasmi’’ntiādīsupi eseva nayo.
৩১৭. রোমন্থেতি ভুত্তস্স লহুং পাকত্তায কুচ্ছিগতং মুখং আরোপেত্ৰা সণ্হকরণৰসেন অনুচালনে।
317.Romantheti bhuttassa lahuṃ pākattāya kucchigataṃ mukhaṃ āropetvā saṇhakaraṇavasena anucālane.
৩১৮. সেনাসনস্মিন্তি সেনাসনক্খন্ধকে। গরুনোতি গরুভণ্ডস্স।
318.Senāsanasminti senāsanakkhandhake. Garunoti garubhaṇḍassa.
৩২০. সঙ্ঘভেদেতি সঙ্ঘভেদকক্খন্ধকে।
320.Saṅghabhedeti saṅghabhedakakkhandhake.
৩২১. ভেদানুৰত্তকানন্তি সঙ্ঘভেদানুৰত্তকানং। গণভোগেতি গণভোজনে।
321.Bhedānuvattakānanti saṅghabhedānuvattakānaṃ. Gaṇabhogeti gaṇabhojane.
৩২২. সাতি এত্থ সব্বৰত্তেসু অনাদরিযেন হোতীতি সেসো। সেসং উত্তানত্থমেৰ।
322.Sāti ettha sabbavattesu anādariyena hotīti seso. Sesaṃ uttānatthameva.
ইতি উত্তরে লীনত্থপকাসনিযা
Iti uttare līnatthapakāsaniyā
খন্ধকপুচ্ছাকথাৰণ্ণনা নিট্ঠিতা।
Khandhakapucchākathāvaṇṇanā niṭṭhitā.
