| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. канд̇хасуд̇д̇ам̣
3. Khandhasuttaṃ
1083. ‘‘жад̇д̇ааримаани, бхигкавз, арияасажжаани. гад̇амаани жад̇д̇аари? д̣̇угкам̣ арияасажжам̣, д̣̇угкасамуд̣̇аяам̣ арияасажжам̣, д̣̇угканирод̇хам̣ арияасажжам̣ 1 д̣̇угканирод̇хаг̇ааминий бадибад̣̇аа арияасажжам̣.
1083. ‘‘Cattārimāni, bhikkhave, ariyasaccāni. Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ 2 dukkhanirodhagāminī paṭipadā ariyasaccaṃ.
‘‘гад̇аман̃жа , бхигкавз, д̣̇угкам̣ арияасажжам̣? ‘бан̃жубаад̣̇аанагканд̇хаа’ д̇исса важанийяам̣, сзяяат̇ид̣̇ам̣ 3 – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. ид̣̇ам̣ вужжад̇и, бхигкавз, д̣̇угкам̣ арияасажжам̣.
‘‘Katamañca , bhikkhave, dukkhaṃ ariyasaccaṃ? ‘Pañcupādānakkhandhā’ tissa vacanīyaṃ, seyyathidaṃ 4 – rūpupādānakkhandho…pe… viññāṇupādānakkhandho. Idaṃ vuccati, bhikkhave, dukkhaṃ ariyasaccaṃ.
‘‘гад̇аман̃жа, бхигкавз, д̣̇угкасамуд̣̇аяам̣ арияасажжам̣? яааяам̣ д̇ан̣хаа боноб̣бхавигаа нанд̣̇ирааг̇асахаг̇ад̇аа д̇ад̇рад̇ад̇раабхинанд̣̇иний, сзяяат̇ид̣̇ам̣ – гаамад̇ан̣хаа, бхавад̇ан̣хаа, вибхавад̇ан̣хаа. ид̣̇ам̣ вужжад̇и, бхигкавз, д̣̇угкасамуд̣̇аяам̣ арияасажжам̣.
‘‘Katamañca, bhikkhave, dukkhasamudayaṃ ariyasaccaṃ? Yāyaṃ taṇhā ponobbhavikā nandirāgasahagatā tatratatrābhinandinī, seyyathidaṃ – kāmataṇhā, bhavataṇhā, vibhavataṇhā. Idaṃ vuccati, bhikkhave, dukkhasamudayaṃ ariyasaccaṃ.
‘‘гад̇аман̃жа , бхигкавз, д̣̇угканирод̇хам̣ арияасажжам̣? яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо – ид̣̇ам̣ вужжад̇и, бхигкавз, д̣̇угканирод̇хам̣ арияасажжам̣.
‘‘Katamañca , bhikkhave, dukkhanirodhaṃ ariyasaccaṃ? Yo tassāyeva taṇhāya asesavirāganirodho cāgo paṭinissaggo mutti anālayo – idaṃ vuccati, bhikkhave, dukkhanirodhaṃ ariyasaccaṃ.
‘‘гад̇аман̃жа, бхигкавз, д̣̇угканирод̇хаг̇ааминий бадибад̣̇аа арияасажжам̣? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи – ид̣̇ам̣ вужжад̇и, бхигкавз, д̣̇угканирод̇хаг̇ааминий бадибад̣̇аа арияасажжам̣. имаани ко, бхигкавз, жад̇д̇аари арияасажжаани.
‘‘Katamañca, bhikkhave, dukkhanirodhagāminī paṭipadā ariyasaccaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi – idaṃ vuccati, bhikkhave, dukkhanirodhagāminī paṭipadā ariyasaccaṃ. Imāni kho, bhikkhave, cattāri ariyasaccāni.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. д̇ад̇ияам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Tatiyaṃ.
Footnotes:
