| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. ขนฺธสุตฺตํ
10. Khandhasuttaṃ
๓๓๑. สาวตฺถินิทานํฯ ‘‘โย, ภิกฺขเว, รูปสฺมิํ ฉนฺทราโค, จิตฺตเสฺสโส อุปกฺกิเลโส…เป.… โย วิญฺญาณสฺมิํ ฉนฺทราโค, จิตฺตเสฺสโส อุปกฺกิเลโสฯ ยโต โข, ภิกฺขเว, ภิกฺขุโน อิเมสุ ปญฺจสุ ฐาเนสุ เจตโส อุปกฺกิเลโส ปหีโน โหติ, เนกฺขมฺมนินฺนญฺจสฺส จิตฺตํ โหติฯ เนกฺขมฺมปริภาวิตํ จิตฺตํ กมฺมนิยํ ขายติ, อภิญฺญา สจฺฉิกรณีเยสุ ธเมฺมสู’’ติฯ ทสมํฯ
331. Sāvatthinidānaṃ. ‘‘Yo, bhikkhave, rūpasmiṃ chandarāgo, cittasseso upakkileso…pe… yo viññāṇasmiṃ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Dasamaṃ.
กิเลสสํยุตฺตํ สมตฺตํฯ
Kilesasaṃyuttaṃ samattaṃ.
ตสฺสุทฺทานํ –
Tassuddānaṃ –
จกฺขุ รูปญฺจ วิญฺญาณํ, ผโสฺส จ เวทนาย จ;
Cakkhu rūpañca viññāṇaṃ, phasso ca vedanāya ca;
สญฺญา จ เจตนา ตณฺหา, ธาตุ ขเนฺธน เต ทสาติฯ
Saññā ca cetanā taṇhā, dhātu khandhena te dasāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. กิเลสสํยุตฺตวณฺณนา • 6. Kilesasaṃyuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. กิเลสสํยุตฺตวณฺณนา • 6. Kilesasaṃyuttavaṇṇanā
