| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. ඛන්‌ධසුත්‌තං
10. Khandhasuttaṃ
331. සාවත්‌ථිනිදානං. ‘‘යො, භික්‌ඛවෙ, රූපස්‌මිං ඡන්‌දරාගො, චිත්‌තස්‌සෙසො උපක්‌කිලෙසො…පෙ.… යො විඤ්‌ඤාණස්‌මිං ඡන්‌දරාගො, චිත්‌තස්‌සෙසො උපක්‌කිලෙසො. යතො ඛො, භික්‌ඛවෙ, භික්‌ඛුනො ඉමෙසු පඤ්‌චසු ඨානෙසු චෙතසො උපක්‌කිලෙසො පහීනො හොති, නෙක්‌ඛම්‌මනින්‌නඤ්‌චස්‌ස චිත්‌තං හොති. නෙක්‌ඛම්‌මපරිභාවිතං චිත්‌තං කම්‌මනියං ඛායති, අභිඤ්‌ඤා සච්‌ඡිකරණීයෙසු ධම්‌මෙසූ’’ති. දසමං.
331. Sāvatthinidānaṃ. ‘‘Yo, bhikkhave, rūpasmiṃ chandarāgo, cittasseso upakkileso…pe… yo viññāṇasmiṃ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Dasamaṃ.
කිලෙසසංයුත්‌තං සමත්‌තං.
Kilesasaṃyuttaṃ samattaṃ.
තස්‌සුද්‌දානං –
Tassuddānaṃ –
චක්‌ඛු රූපඤ්‌ච විඤ්‌ඤාණං, ඵස්‌සො ච වෙදනාය ච;
Cakkhu rūpañca viññāṇaṃ, phasso ca vedanāya ca;
සඤ්‌ඤා ච චෙතනා තණ්‌හා, ධාතු ඛන්‌ධෙන තෙ දසාති.
Saññā ca cetanā taṇhā, dhātu khandhena te dasāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. කිලෙසසංයුත්‌තවණ්‌ණනා • 6. Kilesasaṃyuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. කිලෙසසංයුත්‌තවණ්‌ණනා • 6. Kilesasaṃyuttavaṇṇanā
