| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ཁནྡྷསུཏྟཾ
10. Khandhasuttaṃ
༡༩༧. སཱཝཏྠིཡཾ ཝིཧརཏི…པེ॰… ‘‘ཏཾ ཀིཾ མཉྙསི, རཱཧུལ, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ॰… ‘‘ཝེདནཱ…པེ॰… སཉྙཱ… སངྑཱརཱ… ཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ॰… ‘‘ཨེཝཾ པསྶཾ, རཱཧུལ, སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི…པེ॰… ཝེདནཱཡཔི ནིབྦིནྡཏི… སཉྙཱཡཔི ནིབྦིནྡཏི… སངྑཱརེསུཔི ནིབྦིནྡཏི… ཝིཉྙཱཎསྨིམྤི ནིབྦིནྡཏི; ནིབྦིནྡཾ ཝིརཛྫཏི ; ཝིརཱགཱ ཝིམུཙྩཏི; ཝིམུཏྟསྨིཾ ཝིམུཏྟམིཏི ཉཱཎཾ ཧོཏི། ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི། དསམཾ།
197. Sāvatthiyaṃ viharati…pe… ‘‘taṃ kiṃ maññasi, rāhula, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… ‘‘vedanā…pe… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… ‘‘evaṃ passaṃ, rāhula, sutavā ariyasāvako rūpasmimpi nibbindati…pe… vedanāyapi nibbindati… saññāyapi nibbindati… saṅkhāresupi nibbindati… viññāṇasmimpi nibbindati; nibbindaṃ virajjati ; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dasamaṃ.
པཋམོ ཝགྒོ།
Paṭhamo vaggo.
ཏསྶུདྡཱནཾ –
Tassuddānaṃ –
ཙཀྑུ རཱུཔཉྩ ཝིཉྙཱཎཾ, སམྥསྶོ ཝེདནཱཡ ཙ།
Cakkhu rūpañca viññāṇaṃ, samphasso vedanāya ca;
སཉྙཱ སཉྩེཏནཱ ཏཎྷཱ, དྷཱཏུ ཁནྡྷེན ཏེ དསཱཏི༎
Saññā sañcetanā taṇhā, dhātu khandhena te dasāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. ཁནྡྷསུཏྟཝཎྞནཱ • 10. Khandhasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. ཁནྡྷསུཏྟཝཎྞནཱ • 10. Khandhasuttavaṇṇanā
