| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. खन्धसुत्तवण्णना
6. Khandhasuttavaṇṇanā
४८. छट्ठे रूपक्खन्धो कामावचरो, चत्तारो खन्धा चतुभूमका। सासवन्ति आसवानं आरम्मणभावेन पच्चयभूतं। उपादानियन्ति तथेव च उपादानानं पच्चयभूतं। वचनत्थो पनेत्थ – आरम्मणं कत्वा पवत्तेहि सह आसवेहीति सासवं। उपादातब्बन्ति उपादानियं। इधापि रूपक्खन्धो कामावचरो, अवसेसा तेभूमका विपस्सनाचारवसेन वुत्ता। एवमेत्थ रूपं रासट्ठेन खन्धेसु पविट्ठं, सासवरासट्ठेन उपादानक्खन्धेसु। वेदनादयो सासवापि अत्थि, अनासवापि अत्थि। ते रासट्ठेन सब्बेपि खन्धेसु पविट्ठा, तेभूमका पनेत्थ सासवट्ठेन उपादानक्खन्धेसु पविट्ठाति। छट्ठं।
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. खन्धसुत्तं • 6. Khandhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. खन्धसुत्तवण्णना • 6. Khandhasuttavaṇṇanā
