| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. ఖన్ధసుత్తవణ్ణనా
6. Khandhasuttavaṇṇanā
౪౮. ఛట్ఠే రూపక్ఖన్ధో కామావచరో, చత్తారో ఖన్ధా చతుభూమకా. సాసవన్తి ఆసవానం ఆరమ్మణభావేన పచ్చయభూతం. ఉపాదానియన్తి తథేవ చ ఉపాదానానం పచ్చయభూతం. వచనత్థో పనేత్థ – ఆరమ్మణం కత్వా పవత్తేహి సహ ఆసవేహీతి సాసవం. ఉపాదాతబ్బన్తి ఉపాదానియం. ఇధాపి రూపక్ఖన్ధో కామావచరో, అవసేసా తేభూమకా విపస్సనాచారవసేన వుత్తా. ఏవమేత్థ రూపం రాసట్ఠేన ఖన్ధేసు పవిట్ఠం, సాసవరాసట్ఠేన ఉపాదానక్ఖన్ధేసు. వేదనాదయో సాసవాపి అత్థి, అనాసవాపి అత్థి. తే రాసట్ఠేన సబ్బేపి ఖన్ధేసు పవిట్ఠా, తేభూమకా పనేత్థ సాసవట్ఠేన ఉపాదానక్ఖన్ధేసు పవిట్ఠాతి. ఛట్ఠం.
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. ఖన్ధసుత్తం • 6. Khandhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. ఖన్ధసుత్తవణ్ణనా • 6. Khandhasuttavaṇṇanā
