| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๖. ขนฺธสุตฺตวณฺณนา
6. Khandhasuttavaṇṇanā
๔๘. ฉเฎฺฐ รูปกฺขโนฺธ กามาวจโร, จตฺตาโร ขนฺธา จตุภูมกาฯ สาสวนฺติ อาสวานํ อารมฺมณภาเวน ปจฺจยภูตํฯ อุปาทานิยนฺติ ตเถว จ อุปาทานานํ ปจฺจยภูตํฯ วจนโตฺถ ปเนตฺถ – อารมฺมณํ กตฺวา ปวเตฺตหิ สห อาสเวหีติ สาสวํฯ อุปาทาตพฺพนฺติ อุปาทานิยํฯ อิธาปิ รูปกฺขโนฺธ กามาวจโร, อวเสสา เตภูมกา วิปสฺสนาจารวเสน วุตฺตาฯ เอวเมตฺถ รูปํ ราสเฎฺฐน ขเนฺธสุ ปวิฎฺฐํ, สาสวราสเฎฺฐน อุปาทานกฺขเนฺธสุฯ เวทนาทโย สาสวาปิ อตฺถิ, อนาสวาปิ อตฺถิฯ เต ราสเฎฺฐน สเพฺพปิ ขเนฺธสุ ปวิฎฺฐา, เตภูมกา ปเนตฺถ สาสวเฎฺฐน อุปาทานกฺขเนฺธสุ ปวิฎฺฐาติฯ ฉฎฺฐํฯ
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. ขนฺธสุตฺตํ • 6. Khandhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. ขนฺธสุตฺตวณฺณนา • 6. Khandhasuttavaṇṇanā
