| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೬. ಖನ್ಧಸುತ್ತವಣ್ಣನಾ
6. Khandhasuttavaṇṇanā
೪೮. ಛಟ್ಠೇ ರೂಪಕ್ಖನ್ಧೋ ಕಾಮಾವಚರೋ, ಚತ್ತಾರೋ ಖನ್ಧಾ ಚತುಭೂಮಕಾ। ಸಾಸವನ್ತಿ ಆಸವಾನಂ ಆರಮ್ಮಣಭಾವೇನ ಪಚ್ಚಯಭೂತಂ। ಉಪಾದಾನಿಯನ್ತಿ ತಥೇವ ಚ ಉಪಾದಾನಾನಂ ಪಚ್ಚಯಭೂತಂ। ವಚನತ್ಥೋ ಪನೇತ್ಥ – ಆರಮ್ಮಣಂ ಕತ್ವಾ ಪವತ್ತೇಹಿ ಸಹ ಆಸವೇಹೀತಿ ಸಾಸವಂ। ಉಪಾದಾತಬ್ಬನ್ತಿ ಉಪಾದಾನಿಯಂ। ಇಧಾಪಿ ರೂಪಕ್ಖನ್ಧೋ ಕಾಮಾವಚರೋ, ಅವಸೇಸಾ ತೇಭೂಮಕಾ ವಿಪಸ್ಸನಾಚಾರವಸೇನ ವುತ್ತಾ। ಏವಮೇತ್ಥ ರೂಪಂ ರಾಸಟ್ಠೇನ ಖನ್ಧೇಸು ಪವಿಟ್ಠಂ, ಸಾಸವರಾಸಟ್ಠೇನ ಉಪಾದಾನಕ್ಖನ್ಧೇಸು। ವೇದನಾದಯೋ ಸಾಸವಾಪಿ ಅತ್ಥಿ, ಅನಾಸವಾಪಿ ಅತ್ಥಿ। ತೇ ರಾಸಟ್ಠೇನ ಸಬ್ಬೇಪಿ ಖನ್ಧೇಸು ಪವಿಟ್ಠಾ, ತೇಭೂಮಕಾ ಪನೇತ್ಥ ಸಾಸವಟ್ಠೇನ ಉಪಾದಾನಕ್ಖನ್ಧೇಸು ಪವಿಟ್ಠಾತಿ। ಛಟ್ಠಂ।
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಖನ್ಧಸುತ್ತಂ • 6. Khandhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಖನ್ಧಸುತ್ತವಣ್ಣನಾ • 6. Khandhasuttavaṇṇanā
