| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. ཁནྡྷསུཏྟཝཎྞནཱ
6. Khandhasuttavaṇṇanā
༤༨. ཚཊྛེ རཱུཔཀྑནྡྷོ ཀཱམཱཝཙརོ, ཙཏྟཱརོ ཁནྡྷཱ ཙཏུབྷཱུམཀཱ། སཱསཝནྟི ཨཱསཝཱནཾ ཨཱརམྨཎབྷཱཝེན པཙྩཡབྷཱུཏཾ། ཨུཔཱདཱནིཡནྟི ཏཐེཝ ཙ ཨུཔཱདཱནཱནཾ པཙྩཡབྷཱུཏཾ། ཝཙནཏྠོ པནེཏྠ – ཨཱརམྨཎཾ ཀཏྭཱ པཝཏྟེཧི སཧ ཨཱསཝེཧཱིཏི སཱསཝཾ། ཨུཔཱདཱཏབྦནྟི ཨུཔཱདཱནིཡཾ། ཨིདྷཱཔི རཱུཔཀྑནྡྷོ ཀཱམཱཝཙརོ, ཨཝསེསཱ ཏེབྷཱུམཀཱ ཝིཔསྶནཱཙཱརཝསེན ཝུཏྟཱ། ཨེཝམེཏྠ རཱུཔཾ རཱསཊྛེན ཁནྡྷེསུ པཝིཊྛཾ, སཱསཝརཱསཊྛེན ཨུཔཱདཱནཀྑནྡྷེསུ། ཝེདནཱདཡོ སཱསཝཱཔི ཨཏྠི, ཨནཱསཝཱཔི ཨཏྠི། ཏེ རཱསཊྛེན སབྦེཔི ཁནྡྷེསུ པཝིཊྛཱ, ཏེབྷཱུམཀཱ པནེཏྠ སཱསཝཊྛེན ཨུཔཱདཱནཀྑནྡྷེསུ པཝིཊྛཱཏི། ཚཊྛཾ།
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. ཁནྡྷསུཏྟཾ • 6. Khandhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. ཁནྡྷསུཏྟཝཎྞནཱ • 6. Khandhasuttavaṇṇanā
