| Library / Tipiṭaka / তিপিটক • Tipiṭaka / ৰিভঙ্গপাল়ি • Vibhaṅgapāḷi |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
অভিধম্মপিটকে
Abhidhammapiṭake
ৰিভঙ্গপাল়ি
Vibhaṅgapāḷi
১. খন্ধৰিভঙ্গো
1. Khandhavibhaṅgo
১. সুত্তন্তভাজনীযং
1. Suttantabhājanīyaṃ
১. পঞ্চক্খন্ধা – রূপক্খন্ধো, ৰেদনাক্খন্ধো, সঞ্ঞাক্খন্ধো, সঙ্খারক্খন্ধো, ৰিঞ্ঞাণক্খন্ধো।
1. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
১. রূপক্খন্ধো
1. Rūpakkhandho
২. তত্থ কতমো রূপক্খন্ধো? যং কিঞ্চি রূপং অতীতানাগতপচ্চুপ্পন্নং অজ্ঝত্তং ৰা বহিদ্ধা ৰা ওল়ারিকং ৰা সুখুমং ৰা হীনং ৰা পণীতং ৰা যং দূরে সন্তিকে ৰা, তদেকজ্ঝং অভিসঞ্ঞূহিত্ৰা অভিসঙ্খিপিত্ৰা – অযং ৰুচ্চতি রূপক্খন্ধো।
2. Tattha katamo rūpakkhandho? Yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati rūpakkhandho.
৩. তত্থ কতমং রূপং অতীতং? যং রূপং অতীতং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতং উপ্পজ্জিত্ৰা ৰিগতং অতীতং অতীতংসেন সঙ্গহিতং, চত্তারো চ মহাভূতা চতুন্নঞ্চ মহাভূতানং উপাদাযরূপং – ইদং ৰুচ্চতি রূপং অতীতং।
3. Tattha katamaṃ rūpaṃ atītaṃ? Yaṃ rūpaṃ atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ uppajjitvā vigataṃ atītaṃ atītaṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ atītaṃ.
তত্থ কতমং রূপং অনাগতং? যং রূপং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতং অনুপ্পন্নং অসমুপ্পন্নং অনুট্ঠিতং অসমুট্ঠিতং অনাগতং অনাগতংসেন সঙ্গহিতং, চত্তারো চ মহাভূতা চতুন্নঞ্চ মহাভূতানং উপাদাযরূপং – ইদং ৰুচ্চতি রূপং অনাগতং।
Tattha katamaṃ rūpaṃ anāgataṃ? Yaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ anuppannaṃ asamuppannaṃ anuṭṭhitaṃ asamuṭṭhitaṃ anāgataṃ anāgataṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ anāgataṃ.
তত্থ কতমং রূপং পচ্চুপ্পন্নং? যং রূপং জাতং ভূতং সঞ্জাতং নিব্বত্তং অভিনিব্বত্তং পাতুভূতং উপ্পন্নং সমুপ্পন্নং উট্ঠিতং সমুট্ঠিতং পচ্চুপ্পন্নং পচ্চুপ্পন্নংসেন সঙ্গহিতং, চত্তারো চ মহাভূতা চতুন্নঞ্চ মহাভূতানং উপাদাযরূপং – ইদং ৰুচ্চতি রূপং পচ্চুপ্পন্নং।
Tattha katamaṃ rūpaṃ paccuppannaṃ? Yaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtaṃ uppannaṃ samuppannaṃ uṭṭhitaṃ samuṭṭhitaṃ paccuppannaṃ paccuppannaṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ paccuppannaṃ.
৪. তত্থ কতমং রূপং অজ্ঝত্তং? যং রূপং তেসং তেসং সত্তানং অজ্ঝত্তং পচ্চত্তং নিযকং পাটিপুগ্গলিকং উপাদিন্নং, চত্তারো চ মহাভূতা চতুন্নঞ্চ মহাভূতানং উপাদাযরূপং – ইদং ৰুচ্চতি রূপং অজ্ঝত্তং।
4. Tattha katamaṃ rūpaṃ ajjhattaṃ? Yaṃ rūpaṃ tesaṃ tesaṃ sattānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ ajjhattaṃ.
তত্থ কতমং রূপং বহিদ্ধা? যং রূপং তেসং তেসং পরসত্তানং পরপুগ্গলানং অজ্ঝত্তং পচ্চত্তং নিযকং পাটিপুগ্গলিকং উপাদিন্নং, চত্তারো চ মহাভূতা চতুন্নঞ্চ মহাভূতানং উপাদাযরূপং – ইদং ৰুচ্চতি রূপং বহিদ্ধা।
Tattha katamaṃ rūpaṃ bahiddhā? Yaṃ rūpaṃ tesaṃ tesaṃ parasattānaṃ parapuggalānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ bahiddhā.
৫. তত্থ কতমং রূপং ওল়ারিকং? চক্খাযতনং…পে॰… ফোট্ঠব্বাযতনং – ইদং ৰুচ্চতি রূপং ওল়ারিকং।
5. Tattha katamaṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ vuccati rūpaṃ oḷārikaṃ.
তত্থ কতমং রূপং সুখুমং? ইত্থিন্দ্রিযং…পে॰… কবল়ীকারো 1 আহারো – ইদং ৰুচ্চতি রূপং সুখুমং।
Tattha katamaṃ rūpaṃ sukhumaṃ? Itthindriyaṃ…pe… kabaḷīkāro 2 āhāro – idaṃ vuccati rūpaṃ sukhumaṃ.
৬. তত্থ কতমং রূপং হীনং? যং রূপং তেসং তেসং সত্তানং উঞ্ঞাতং অৰঞ্ঞাতং হীল়িতং পরিভূতং অচিত্তীকতং হীনং হীনমতং হীনসম্মতং অনিট্ঠং অকন্তং অমনাপং, রূপা সদ্দা গন্ধা রসা ফোট্ঠব্বা – ইদং ৰুচ্চতি রূপং হীনং।
6. Tattha katamaṃ rūpaṃ hīnaṃ? Yaṃ rūpaṃ tesaṃ tesaṃ sattānaṃ uññātaṃ avaññātaṃ hīḷitaṃ paribhūtaṃ acittīkataṃ hīnaṃ hīnamataṃ hīnasammataṃ aniṭṭhaṃ akantaṃ amanāpaṃ, rūpā saddā gandhā rasā phoṭṭhabbā – idaṃ vuccati rūpaṃ hīnaṃ.
তত্থ কতমং রূপং পণীতং? যং রূপং তেসং তেসং সত্তানং অনুঞ্ঞাতং অনৰঞ্ঞাতং অহীল়িতং অপরিভূতং চিত্তীকতং পণীতং পণীতমতং পণীতসম্মতং ইট্ঠং কন্তং মনাপং, রূপা সদ্দা গন্ধা রসা ফোট্ঠব্বা – ইদং ৰুচ্চতি রূপং পণীতং। তং তং ৰা পন রূপং উপাদাযুপাদায রূপং হীনং পণীতং দট্ঠব্বং।
Tattha katamaṃ rūpaṃ paṇītaṃ? Yaṃ rūpaṃ tesaṃ tesaṃ sattānaṃ anuññātaṃ anavaññātaṃ ahīḷitaṃ aparibhūtaṃ cittīkataṃ paṇītaṃ paṇītamataṃ paṇītasammataṃ iṭṭhaṃ kantaṃ manāpaṃ, rūpā saddā gandhā rasā phoṭṭhabbā – idaṃ vuccati rūpaṃ paṇītaṃ. Taṃ taṃ vā pana rūpaṃ upādāyupādāya rūpaṃ hīnaṃ paṇītaṃ daṭṭhabbaṃ.
৭. তত্থ কতমং রূপং দূরে? ইত্থিন্দ্রিযং…পে॰… কবল়ীকারো আহারো, যং ৰা পনঞ্ঞম্পি অত্থি রূপং অনাসন্নে অনুপকট্ঠে দূরে অসন্তিকে – ইদং ৰুচ্চতি রূপং দূরে।
7. Tattha katamaṃ rūpaṃ dūre? Itthindriyaṃ…pe… kabaḷīkāro āhāro, yaṃ vā panaññampi atthi rūpaṃ anāsanne anupakaṭṭhe dūre asantike – idaṃ vuccati rūpaṃ dūre.
তত্থ কতমং রূপং সন্তিকে? চক্খাযতনং…পে॰… ফোট্ঠব্বাযতনং, যং ৰা পনঞ্ঞম্পি অত্থি রূপং আসন্নে উপকট্ঠে অৰিদূরে সন্তিকে – ইদং ৰুচ্চতি রূপং সন্তিকে। তং তং ৰা পন রূপং উপাদাযুপাদায রূপং দূরে সন্তিকে দট্ঠব্বং।
Tattha katamaṃ rūpaṃ santike? Cakkhāyatanaṃ…pe… phoṭṭhabbāyatanaṃ, yaṃ vā panaññampi atthi rūpaṃ āsanne upakaṭṭhe avidūre santike – idaṃ vuccati rūpaṃ santike. Taṃ taṃ vā pana rūpaṃ upādāyupādāya rūpaṃ dūre santike daṭṭhabbaṃ.
২. ৰেদনাক্খন্ধো
2. Vedanākkhandho
৮. তত্থ কতমো ৰেদনাক্খন্ধো? যা কাচি ৰেদনা অতীতানাগতপচ্চুপ্পন্না অজ্ঝত্তা ৰা বহিদ্ধা ৰা ওল়ারিকা ৰা সুখুমা ৰা হীনা ৰা পণীতা ৰা যা দূরে সন্তিকে ৰা, তদেকজ্ঝং অভিসঞ্ঞূহিত্ৰা অভিসঙ্খিপিত্ৰা – অযং ৰুচ্চতি ৰেদনাক্খন্ধো।
8. Tattha katamo vedanākkhandho? Yā kāci vedanā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati vedanākkhandho.
৯. তত্থ কতমা ৰেদনা অতীতা? যা ৰেদনা অতীতা নিরুদ্ধা ৰিগতা ৰিপরিণতা অত্থঙ্গতা অব্ভত্থঙ্গতা উপ্পজ্জিত্ৰা ৰিগতা অতীতা অতীতংসেন সঙ্গহিতা, সুখা ৰেদনা দুক্খা ৰেদনা অদুক্খমসুখা ৰেদনা – অযং ৰুচ্চতি ৰেদনা অতীতা।
9. Tattha katamā vedanā atītā? Yā vedanā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā atītā.
তত্থ কতমা ৰেদনা অনাগতা? যা ৰেদনা অজাতা অভূতা অসঞ্জাতা অনিব্বত্তা অনভিনিব্বত্তা অপাতুভূতা অনুপ্পন্না অসমুপ্পন্না অনুট্ঠিতা অসমুট্ঠিতা অনাগতা অনাগতংসেন সঙ্গহিতা, সুখা ৰেদনা দুক্খা ৰেদনা অদুক্খমসুখা ৰেদনা – অযং ৰুচ্চতি ৰেদনা অনাগতা।
Tattha katamā vedanā anāgatā? Yā vedanā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā anāgatā.
তত্থ কতমা ৰেদনা পচ্চুপ্পন্না? যা ৰেদনা জাতা ভূতা সঞ্জাতা নিব্বত্তা অভিনিব্বত্তা পাতুভূতা উপ্পন্না সমুপ্পন্না উট্ঠিতা সমুট্ঠিতা পচ্চুপ্পন্না পচ্চুপ্পন্নংসেন সঙ্গহিতা, সুখা ৰেদনা দুক্খা ৰেদনা অদুক্খমসুখা ৰেদনা – অযং ৰুচ্চতি ৰেদনা পচ্চুপ্পন্না।
Tattha katamā vedanā paccuppannā? Yā vedanā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā paccuppannā.
১০. তত্থ কতমা ৰেদনা অজ্ঝত্তা? যা ৰেদনা তেসং তেসং সত্তানং অজ্ঝত্তং পচ্চত্তং নিযকা পাটিপুগ্গলিকা উপাদিন্না, সুখা ৰেদনা দুক্খা ৰেদনা অদুক্খমসুখা ৰেদনা – অযং ৰুচ্চতি ৰেদনা অজ্ঝত্তা।
10. Tattha katamā vedanā ajjhattā? Yā vedanā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā – ayaṃ vuccati vedanā ajjhattā.
তত্থ কতমা ৰেদনা বহিদ্ধা? যা ৰেদনা তেসং তেসং পরসত্তানং পরপুগ্গলানং অজ্ঝত্তং পচ্চত্তং নিযকা পাটিপুগ্গলিকা উপাদিন্না, সুখা ৰেদনা দুক্খা ৰেদনা অদুক্খমসুখা ৰেদনা – অযং ৰুচ্চতি ৰেদনা বহিদ্ধা।
Tattha katamā vedanā bahiddhā? Yā vedanā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā – ayaṃ vuccati vedanā bahiddhā.
১১. তত্থ কতমা ৰেদনা ওল়ারিকা সুখুমা? অকুসলা ৰেদনা ওল়ারিকা, কুসলাব্যাকতা ৰেদনা সুখুমা। কুসলাকুসলা ৰেদনা ওল়ারিকা, অব্যাকতা ৰেদনা সুখুমা। দুক্খা ৰেদনা ওল়ারিকা, সুখা চ অদুক্খমসুখা চ ৰেদনা সুখুমা। সুখদুক্খা ৰেদনা ওল়ারিকা, অদুক্খমসুখা ৰেদনা সুখুমা। অসমাপন্নস্স ৰেদনা ওল়ারিকা, সমাপন্নস্স ৰেদনা সুখুমা। সাসৰা ৰেদনা ওল়ারিকা, অনাসৰা ৰেদনা সুখুমা। তং তং ৰা পন ৰেদনং উপাদাযুপাদায ৰেদনা ওল়ারিকা সুখুমা দট্ঠব্বা।
11. Tattha katamā vedanā oḷārikā sukhumā? Akusalā vedanā oḷārikā, kusalābyākatā vedanā sukhumā. Kusalākusalā vedanā oḷārikā, abyākatā vedanā sukhumā. Dukkhā vedanā oḷārikā, sukhā ca adukkhamasukhā ca vedanā sukhumā. Sukhadukkhā vedanā oḷārikā, adukkhamasukhā vedanā sukhumā. Asamāpannassa vedanā oḷārikā, samāpannassa vedanā sukhumā. Sāsavā vedanā oḷārikā, anāsavā vedanā sukhumā. Taṃ taṃ vā pana vedanaṃ upādāyupādāya vedanā oḷārikā sukhumā daṭṭhabbā.
১২. তত্থ কতমা ৰেদনা হীনা পণীতা? অকুসলা ৰেদনা হীনা, কুসলাব্যাকতা ৰেদনা পণীতা। কুসলাকুসলা ৰেদনা হীনা, অব্যাকতা ৰেদনা পণীতা। দুক্খা ৰেদনা হীনা, সুখা চ অদুক্খমসুখা চ ৰেদনা পণীতা। সুখদুক্খা ৰেদনা হীনা, অদুক্খমসুখা ৰেদনা পণীতা। অসমাপন্নস্স ৰেদনা হীনা, সমাপন্নস্স ৰেদনা পণীতা। সাসৰা ৰেদনা হীনা, অনাসৰা ৰেদনা পণীতা। তং তং ৰা পন ৰেদনং উপাদাযুপাদায ৰেদনা হীনা পণীতা দট্ঠব্বা।
12. Tattha katamā vedanā hīnā paṇītā? Akusalā vedanā hīnā, kusalābyākatā vedanā paṇītā. Kusalākusalā vedanā hīnā, abyākatā vedanā paṇītā. Dukkhā vedanā hīnā, sukhā ca adukkhamasukhā ca vedanā paṇītā. Sukhadukkhā vedanā hīnā, adukkhamasukhā vedanā paṇītā. Asamāpannassa vedanā hīnā, samāpannassa vedanā paṇītā. Sāsavā vedanā hīnā, anāsavā vedanā paṇītā. Taṃ taṃ vā pana vedanaṃ upādāyupādāya vedanā hīnā paṇītā daṭṭhabbā.
১৩. তত্থ কতমা ৰেদনা দূরে? অকুসলা ৰেদনা কুসলাব্যাকতাহি ৰেদনাহি দূরে; কুসলাব্যাকতা ৰেদনা অকুসলায ৰেদনায দূরে; কুসলা ৰেদনা অকুসলাব্যাকতাহি ৰেদনাহি দূরে; অকুসলাব্যাকতা ৰেদনা কুসলায ৰেদনায দূরে; অব্যাকতা ৰেদনা কুসলাকুসলাহি ৰেদনাহি দূরে; কুসলাকুসলা ৰেদনা অব্যাকতায ৰেদনায দূরে। দুক্খা ৰেদনা সুখায চ অদুক্খমসুখায চ ৰেদনাহি দূরে; সুখা চ অদুক্খমসুখা চ ৰেদনা দুক্খায ৰেদনায দূরে; সুখা ৰেদনা দুক্খায চ অদুক্খমসুখায চ ৰেদনাহি দূরে; দুক্খা চ অদুক্খমসুখা চ ৰেদনা সুখায ৰেদনায দূরে; অদুক্খমসুখা ৰেদনা সুখদুক্খাহি ৰেদনাহি দূরে; সুখদুক্খা ৰেদনা অদুক্খমসুখায ৰেদনায দূরে। অসমাপন্নস্স ৰেদনা সমাপন্নস্স ৰেদনায দূরে; সমাপন্নস্স ৰেদনা অসমাপন্নস্স ৰেদনায দূরে। সাসৰা ৰেদনা অনাসৰায ৰেদনায দূরে; অনাসৰা ৰেদনা সাসৰায ৰেদনায দূরে – অযং ৰুচ্চতি ৰেদনা দূরে।
13. Tattha katamā vedanā dūre? Akusalā vedanā kusalābyākatāhi vedanāhi dūre; kusalābyākatā vedanā akusalāya vedanāya dūre; kusalā vedanā akusalābyākatāhi vedanāhi dūre; akusalābyākatā vedanā kusalāya vedanāya dūre; abyākatā vedanā kusalākusalāhi vedanāhi dūre; kusalākusalā vedanā abyākatāya vedanāya dūre. Dukkhā vedanā sukhāya ca adukkhamasukhāya ca vedanāhi dūre; sukhā ca adukkhamasukhā ca vedanā dukkhāya vedanāya dūre; sukhā vedanā dukkhāya ca adukkhamasukhāya ca vedanāhi dūre; dukkhā ca adukkhamasukhā ca vedanā sukhāya vedanāya dūre; adukkhamasukhā vedanā sukhadukkhāhi vedanāhi dūre; sukhadukkhā vedanā adukkhamasukhāya vedanāya dūre. Asamāpannassa vedanā samāpannassa vedanāya dūre; samāpannassa vedanā asamāpannassa vedanāya dūre. Sāsavā vedanā anāsavāya vedanāya dūre; anāsavā vedanā sāsavāya vedanāya dūre – ayaṃ vuccati vedanā dūre.
তত্থ কতমা ৰেদনা সন্তিকে? অকুসলা ৰেদনা অকুসলায ৰেদনায সন্তিকে; কুসলা ৰেদনা কুসলায ৰেদনায সন্তিকে; অব্যাকতা ৰেদনা অব্যাকতায ৰেদনায সন্তিকে। দুক্খা ৰেদনা দুক্খায ৰেদনায সন্তিকে; সুখা ৰেদনা সুখায ৰেদনায সন্তিকে; অদুক্খমসুখা ৰেদনা অদুক্খমসুখায ৰেদনায সন্তিকে । অসমাপন্নস্স ৰেদনা অসমাপন্নস্স ৰেদনায সন্তিকে; সমাপন্নস্স ৰেদনা সমাপন্নস্স ৰেদনায সন্তিকে। সাসৰা ৰেদনা সাসৰায ৰেদনায সন্তিকে; অনাসৰা ৰেদনা অনাসৰায ৰেদনায সন্তিকে। অযং ৰুচ্চতি ৰেদনা সন্তিকে। তং তং ৰা পন ৰেদনং উপাদাযুপাদায ৰেদনা দূরে সন্তিকে দট্ঠব্বা।
Tattha katamā vedanā santike? Akusalā vedanā akusalāya vedanāya santike; kusalā vedanā kusalāya vedanāya santike; abyākatā vedanā abyākatāya vedanāya santike. Dukkhā vedanā dukkhāya vedanāya santike; sukhā vedanā sukhāya vedanāya santike; adukkhamasukhā vedanā adukkhamasukhāya vedanāya santike . Asamāpannassa vedanā asamāpannassa vedanāya santike; samāpannassa vedanā samāpannassa vedanāya santike. Sāsavā vedanā sāsavāya vedanāya santike; anāsavā vedanā anāsavāya vedanāya santike. Ayaṃ vuccati vedanā santike. Taṃ taṃ vā pana vedanaṃ upādāyupādāya vedanā dūre santike daṭṭhabbā.
৩. সঞ্ঞাক্খন্ধো
3. Saññākkhandho
১৪. তত্থ কতমো সঞ্ঞাক্খন্ধো? যা কাচি সঞ্ঞা অতীতানাগতপচ্চুপ্পন্না অজ্ঝত্তা ৰা বহিদ্ধা ৰা ওল়ারিকা ৰা সুখুমা ৰা হীনা ৰা পণীতা ৰা যা দূরে সন্তিকে ৰা তদেকজ্ঝং অভিসঞ্ঞূহিত্ৰা অভিসঙ্খিপিত্ৰা – অযং ৰুচ্চতি সঞ্ঞাক্খন্ধো।
14. Tattha katamo saññākkhandho? Yā kāci saññā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā tadekajjhaṃ abhisaññūhitvā abhisaṅkhipitvā – ayaṃ vuccati saññākkhandho.
১৫. তত্থ কতমা সঞ্ঞা অতীতা? যা সঞ্ঞা অতীতা নিরুদ্ধা ৰিগতা ৰিপরিণতা অত্থঙ্গতা অব্ভত্থঙ্গতা উপ্পজ্জিত্ৰা ৰিগতা অতীতা অতীতংসেন সঙ্গহিতা, চক্খুসম্ফস্সজা সঞ্ঞা সোতসম্ফস্সজা সঞ্ঞা ঘানসম্ফস্সজা সঞ্ঞা জিৰ্হাসম্ফস্সজা সঞ্ঞা কাযসম্ফস্সজা সঞ্ঞা মনোসম্ফস্সজা সঞ্ঞা – অযং ৰুচ্চতি সঞ্ঞা অতীতা।
15. Tattha katamā saññā atītā? Yā saññā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā atītā.
তত্থ কতমা সঞ্ঞা অনাগতা? যা সঞ্ঞা অজাতা অভূতা অসঞ্জাতা অনিব্বত্তা অনভিনিব্বত্তা অপাতুভূতা অনুপ্পন্না অসমুপ্পন্না অনুট্ঠিতা অসমুট্ঠিতা অনাগতা অনাগতংসেন সঙ্গহিতা, চক্খুসম্ফস্সজা সঞ্ঞা সোতসম্ফস্সজা সঞ্ঞা ঘানসম্ফস্সজা সঞ্ঞা জিৰ্হাসম্ফস্সজা সঞ্ঞা কাযসম্ফস্সজা সঞ্ঞা মনোসম্ফস্সজা সঞ্ঞা – অযং ৰুচ্চতি সঞ্ঞা অনাগতা।
Tattha katamā saññā anāgatā? Yā saññā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā anāgatā.
তত্থ কতমা সঞ্ঞা পচ্চুপ্পন্না? যা সঞ্ঞা জাতা ভূতা সঞ্জাতা নিব্বত্তা অভিনিব্বত্তা পাতুভূতা উপ্পন্না সমুপ্পন্না উট্ঠিতা সমুট্ঠিতা পচ্চুপ্পন্না পচ্চুপ্পন্নংসেন সঙ্গহিতা, চক্খুসম্ফস্সজা সঞ্ঞা সোতসম্ফস্সজা সঞ্ঞা ঘানসম্ফস্সজা সঞ্ঞা জিৰ্হাসম্ফস্সজা সঞ্ঞা কাযসম্ফস্সজা সঞ্ঞা মনোসম্ফস্সজা সঞ্ঞা – অযং ৰুচ্চতি সঞ্ঞা পচ্চুপ্পন্না।
Tattha katamā saññā paccuppannā? Yā saññā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā paccuppannā.
১৬. তত্থ কতমা সঞ্ঞা অজ্ঝত্তা? যা সঞ্ঞা তেসং তেসং সত্তানং অজ্ঝত্তং পচ্চত্তং নিযকা পাটিপুগ্গলিকা উপাদিন্না, চক্খুসম্ফস্সজা সঞ্ঞা সোতসম্ফস্সজা সঞ্ঞা ঘানসম্ফস্সজা সঞ্ঞা জিৰ্হাসম্ফস্সজা সঞ্ঞা কাযসম্ফস্সজা সঞ্ঞা মনোসম্ফস্সজা সঞ্ঞা – অযং ৰুচ্চতি সঞ্ঞা অজ্ঝত্তা।
16. Tattha katamā saññā ajjhattā? Yā saññā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā ajjhattā.
তত্থ কতমা সঞ্ঞা বহিদ্ধা? যা সঞ্ঞা তেসং তেসং পরসত্তানং পরপুগ্গলানং অজ্ঝত্তং পচ্চত্তং নিযকা পাটিপুগ্গলিকা উপাদিন্না, চক্খুসম্ফস্সজা সঞ্ঞা সোতসম্ফস্সজা সঞ্ঞা ঘানসম্ফস্সজা সঞ্ঞা জিৰ্হাসম্ফস্সজা সঞ্ঞা কাযসম্ফস্সজা সঞ্ঞা মনোসম্ফস্সজা সঞ্ঞা – অযং ৰুচ্চতি সঞ্ঞা বহিদ্ধা।
Tattha katamā saññā bahiddhā? Yā saññā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā bahiddhā.
১৭. তত্থ কতমা সঞ্ঞা ওল়ারিকা সুখুমা? পটিঘসম্ফস্সজা সঞ্ঞা ওল়ারিকা, অধিৰচনসম্ফস্সজা সঞ্ঞা সুখুমা। অকুসলা সঞ্ঞা ওল়ারিকা, কুসলাব্যাকতা সঞ্ঞা সুখুমা। কুসলাকুসলা সঞ্ঞা ওল়ারিকা, অব্যাকতা সঞ্ঞা সুখুমা। দুক্খায ৰেদনায সম্পযুত্তা সঞ্ঞা ওল়ারিকা, সুখায চ অদুক্খমসুখায চ ৰেদনাহি সম্পযুত্তা সঞ্ঞা সুখুমা। সুখদুক্খাহি ৰেদনাহি সম্পযুত্তা সঞ্ঞা ওল়ারিকা , অদুক্খমসুখায ৰেদনায সম্পযুত্তা সঞ্ঞা সুখুমা। অসমাপন্নস্স সঞ্ঞা ওল়ারিকা, সমাপন্নস্স সঞ্ঞা সুখুমা। সাসৰা সঞ্ঞা ওল়ারিকা, অনাসৰা সঞ্ঞা সুখুমা। তং তং ৰা পন সঞ্ঞং উপাদাযুপাদায সঞ্ঞা ওল়ারিকা সুখুমা দট্ঠব্বা।
17. Tattha katamā saññā oḷārikā sukhumā? Paṭighasamphassajā saññā oḷārikā, adhivacanasamphassajā saññā sukhumā. Akusalā saññā oḷārikā, kusalābyākatā saññā sukhumā. Kusalākusalā saññā oḷārikā, abyākatā saññā sukhumā. Dukkhāya vedanāya sampayuttā saññā oḷārikā, sukhāya ca adukkhamasukhāya ca vedanāhi sampayuttā saññā sukhumā. Sukhadukkhāhi vedanāhi sampayuttā saññā oḷārikā , adukkhamasukhāya vedanāya sampayuttā saññā sukhumā. Asamāpannassa saññā oḷārikā, samāpannassa saññā sukhumā. Sāsavā saññā oḷārikā, anāsavā saññā sukhumā. Taṃ taṃ vā pana saññaṃ upādāyupādāya saññā oḷārikā sukhumā daṭṭhabbā.
১৮. তত্থ কতমা সঞ্ঞা হীনা পণীতা? অকুসলা সঞ্ঞা হীনা, কুসলাব্যাকতা সঞ্ঞা পণীতা। কুসলাকুসলা সঞ্ঞা হীনা, অব্যাকতা সঞ্ঞা পণীতা। দুক্খায ৰেদনায সম্পযুত্তা সঞ্ঞা হীনা, সুখায চ অদুক্খমসুখায চ ৰেদনাহি সম্পযুত্তা সঞ্ঞা পণীতা। সুখদুক্খাহি ৰেদনাহি সম্পযুত্তা সঞ্ঞা হীনা, অদুক্খমসুখায ৰেদনায সম্পযুত্তা সঞ্ঞা পণীতা। অসমাপন্নস্স সঞ্ঞা হীনা, সমাপন্নস্স সঞ্ঞা পণীতা। সাসৰা সঞ্ঞা হীনা, অনাসৰা সঞ্ঞা পণীতা। তং তং ৰা পন সঞ্ঞং উপাদাযুপাদায সঞ্ঞা হীনা পণীতা দট্ঠব্বা।
18. Tattha katamā saññā hīnā paṇītā? Akusalā saññā hīnā, kusalābyākatā saññā paṇītā. Kusalākusalā saññā hīnā, abyākatā saññā paṇītā. Dukkhāya vedanāya sampayuttā saññā hīnā, sukhāya ca adukkhamasukhāya ca vedanāhi sampayuttā saññā paṇītā. Sukhadukkhāhi vedanāhi sampayuttā saññā hīnā, adukkhamasukhāya vedanāya sampayuttā saññā paṇītā. Asamāpannassa saññā hīnā, samāpannassa saññā paṇītā. Sāsavā saññā hīnā, anāsavā saññā paṇītā. Taṃ taṃ vā pana saññaṃ upādāyupādāya saññā hīnā paṇītā daṭṭhabbā.
১৯. তত্থ কতমা সঞ্ঞা দূরে? অকুসলা সঞ্ঞা কুসলাব্যাকতাহি সঞ্ঞাহি দূরে; কুসলাব্যাকতা সঞ্ঞা অকুসলায সঞ্ঞায দূরে; কুসলা সঞ্ঞা অকুসলাব্যাকতাহি সঞ্ঞাহি দূরে; অকুসলাব্যাকতা সঞ্ঞা কুসলায সঞ্ঞায দূরে। অব্যাকতা সঞ্ঞা কুসলাকুসলাহি সঞ্ঞাহি দূরে; কুসলাকুসলা সঞ্ঞা অব্যাকতায সঞ্ঞায দূরে। দুক্খায ৰেদনায সম্পযুত্তা সঞ্ঞা সুখায চ অদুক্খমসুখায চ ৰেদনাহি সম্পযুত্তাহি সঞ্ঞাহি দূরে; সুখায চ অদুক্খমসুখায চ ৰেদনাহি সম্পযুত্তা সঞ্ঞা দুক্খায ৰেদনায সম্পযুত্তায সঞ্ঞায দূরে; সুখায ৰেদনায সম্পযুত্তা সঞ্ঞা দুক্খায চ অদুক্খমসুখায চ ৰেদনাহি সম্পযুত্তাহি সঞ্ঞাহি দূরে; দুক্খায চ অদুক্খমসুখায চ ৰেদনাহি সম্পযুত্তা সঞ্ঞা সুখায ৰেদনায সম্পযুত্তায সঞ্ঞায দূরে; অদুক্খমসুখায ৰেদনায সম্পযুত্তা সঞ্ঞা সুখদুক্খাহি ৰেদনাহি সম্পযুত্তাহি সঞ্ঞাহি দূরে; সুখদুক্খাহি ৰেদনাহি সম্পযুত্তা সঞ্ঞা অদুক্খমসুখায ৰেদনায সম্পযুত্তায সঞ্ঞায দূরে। অসমাপন্নস্স সঞ্ঞা সমাপন্নস্স সঞ্ঞায দূরে; সমাপন্নস্স সঞ্ঞা অসমাপন্নস্স সঞ্ঞায দূরে। সাসৰা সঞ্ঞা অনাসৰায সঞ্ঞায দূরে; অনাসৰা সঞ্ঞা সাসৰায সঞ্ঞায দূরে – অযং ৰুচ্চতি সঞ্ঞা দূরে।
19. Tattha katamā saññā dūre? Akusalā saññā kusalābyākatāhi saññāhi dūre; kusalābyākatā saññā akusalāya saññāya dūre; kusalā saññā akusalābyākatāhi saññāhi dūre; akusalābyākatā saññā kusalāya saññāya dūre. Abyākatā saññā kusalākusalāhi saññāhi dūre; kusalākusalā saññā abyākatāya saññāya dūre. Dukkhāya vedanāya sampayuttā saññā sukhāya ca adukkhamasukhāya ca vedanāhi sampayuttāhi saññāhi dūre; sukhāya ca adukkhamasukhāya ca vedanāhi sampayuttā saññā dukkhāya vedanāya sampayuttāya saññāya dūre; sukhāya vedanāya sampayuttā saññā dukkhāya ca adukkhamasukhāya ca vedanāhi sampayuttāhi saññāhi dūre; dukkhāya ca adukkhamasukhāya ca vedanāhi sampayuttā saññā sukhāya vedanāya sampayuttāya saññāya dūre; adukkhamasukhāya vedanāya sampayuttā saññā sukhadukkhāhi vedanāhi sampayuttāhi saññāhi dūre; sukhadukkhāhi vedanāhi sampayuttā saññā adukkhamasukhāya vedanāya sampayuttāya saññāya dūre. Asamāpannassa saññā samāpannassa saññāya dūre; samāpannassa saññā asamāpannassa saññāya dūre. Sāsavā saññā anāsavāya saññāya dūre; anāsavā saññā sāsavāya saññāya dūre – ayaṃ vuccati saññā dūre.
তত্থ কতমা সঞ্ঞা সন্তিকে? অকুসলা সঞ্ঞা অকুসলায সঞ্ঞায সন্তিকে; কুসলা সঞ্ঞা কুসলায সঞ্ঞায সন্তিকে; অব্যাকতা সঞ্ঞা অব্যাকতায সঞ্ঞায সন্তিকে। দুক্খায ৰেদনায সম্পযুত্তা সঞ্ঞা দুক্খায ৰেদনায সম্পযুত্তায সঞ্ঞায সন্তিকে; সুখায ৰেদনায সম্পযুত্তা সঞ্ঞা সুখায ৰেদনায সম্পযুত্তায সঞ্ঞায সন্তিকে; অদুক্খমসুখায ৰেদনায সম্পযুত্তা সঞ্ঞা অদুক্খমসুখায ৰেদনায সম্পযুত্তায সঞ্ঞায সন্তিকে। অসমাপন্নস্স সঞ্ঞা অসমাপন্নস্স সঞ্ঞায সন্তিকে; সমাপন্নস্স সঞ্ঞা সমাপন্নস্স সঞ্ঞায সন্তিকে। সাসৰা সঞ্ঞা সাসৰায সঞ্ঞায সন্তিকে; অনাসৰা সঞ্ঞা অনাসৰায সঞ্ঞায সন্তিকে। অযং ৰুচ্চতি সঞ্ঞা সন্তিকে। তং তং ৰা পন সঞ্ঞং উপাদাযুপাদায সঞ্ঞা দূরে সন্তিকে দট্ঠব্বা।
Tattha katamā saññā santike? Akusalā saññā akusalāya saññāya santike; kusalā saññā kusalāya saññāya santike; abyākatā saññā abyākatāya saññāya santike. Dukkhāya vedanāya sampayuttā saññā dukkhāya vedanāya sampayuttāya saññāya santike; sukhāya vedanāya sampayuttā saññā sukhāya vedanāya sampayuttāya saññāya santike; adukkhamasukhāya vedanāya sampayuttā saññā adukkhamasukhāya vedanāya sampayuttāya saññāya santike. Asamāpannassa saññā asamāpannassa saññāya santike; samāpannassa saññā samāpannassa saññāya santike. Sāsavā saññā sāsavāya saññāya santike; anāsavā saññā anāsavāya saññāya santike. Ayaṃ vuccati saññā santike. Taṃ taṃ vā pana saññaṃ upādāyupādāya saññā dūre santike daṭṭhabbā.
৪. সঙ্খারক্খন্ধো
4. Saṅkhārakkhandho
২০. তত্থ কতমো সঙ্খারক্খন্ধো? যে কেচি সঙ্খারা অতীতানাগতপচ্চুপ্পন্না অজ্ঝত্তা ৰা বহিদ্ধা ৰা ওল়ারিকা ৰা সুখুমা ৰা হীনা ৰা পণীতা ৰা যে দূরে সন্তিকে ৰা, তদেকজ্ঝং অভিসঞ্ঞূহিত্ৰা অভিসঙ্খিপিত্ৰা – অযং ৰুচ্চতি সঙ্খারক্খন্ধো।
20. Tattha katamo saṅkhārakkhandho? Ye keci saṅkhārā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā ye dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati saṅkhārakkhandho.
২১. তত্থ কতমে সঙ্খারা অতীতা? যে সঙ্খারা অতীতা নিরুদ্ধা ৰিগতা ৰিপরিণতা অত্থঙ্গতা অব্ভত্থঙ্গতা উপ্পজ্জিত্ৰা ৰিগতা অতীতা অতীতংসেন সঙ্গহিতা, চক্খুসম্ফস্সজা চেতনা সোতসম্ফস্সজা চেতনা ঘানসম্ফস্সজা চেতনা জিৰ্হাসম্ফস্সজা চেতনা কাযসম্ফস্সজা চেতনা মনোসম্ফস্সজা চেতনা – ইমে ৰুচ্চন্তি সঙ্খারা অতীতা।
21. Tattha katame saṅkhārā atītā? Ye saṅkhārā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā atītā.
তত্থ কতমে সঙ্খারা অনাগতা? যে সঙ্খারা অজাতা অভূতা অসঞ্জাতা অনিব্বত্তা অনভিনিব্বত্তা অপাতুভূতা অনুপ্পন্না অসমুপ্পন্না অনুট্ঠিতা অসমুট্ঠিতা অনাগতা অনাগতংসেন সঙ্গহিতা, চক্খুসম্ফস্সজা চেতনা সোতসম্ফস্সজা চেতনা ঘানসম্ফস্সজা চেতনা জিৰ্হাসম্ফস্সজা চেতনা কাযসম্ফস্সজা চেতনা মনোসম্ফস্সজা চেতনা – ইমে ৰুচ্চন্তি সঙ্খারা অনাগতা।
Tattha katame saṅkhārā anāgatā? Ye saṅkhārā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā anāgatā.
তত্থ কতমে সঙ্খারা পচ্চুপ্পন্না? যে সঙ্খারা জাতা ভূতা সঞ্জাতা নিব্বত্তা অভিনিব্বত্তা পাতুভূতা উপ্পন্না সমুপ্পন্না উট্ঠিতা সমুট্ঠিতা পচ্চুপ্পন্না পচ্চুপ্পন্নংসেন সঙ্গহিতা, চক্খুসম্ফস্সজা চেতনা সোতসম্ফস্সজা চেতনা ঘানসম্ফস্সজা চেতনা জিৰ্হাসম্ফস্সজা চেতনা কাযসম্ফস্সজা চেতনা মনোসম্ফস্সজা চেতনা – ইমে ৰুচ্চন্তি সঙ্খারা পচ্চুপ্পন্না।
Tattha katame saṅkhārā paccuppannā? Ye saṅkhārā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā paccuppannā.
২২. তত্থ কতমে সঙ্খারা অজ্ঝত্তা? যে সঙ্খারা তেসং তেসং সত্তানং অজ্ঝত্তং পচ্চত্তং নিযকা পাটিপুগ্গলিকা উপাদিন্না, চক্খুসম্ফস্সজা চেতনা সোতসম্ফস্সজা চেতনা ঘানসম্ফস্সজা চেতনা জিৰ্হাসম্ফস্সজা চেতনা কাযসম্ফস্সজা চেতনা মনোসম্ফস্সজা চেতনা – ইমে ৰুচ্চন্তি সঙ্খারা অজ্ঝত্তা।
22. Tattha katame saṅkhārā ajjhattā? Ye saṅkhārā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā ajjhattā.
তত্থ কতমে সঙ্খারা বহিদ্ধা? যে সঙ্খারা তেসং তেসং পরসত্তানং পরপুগ্গলানং অজ্ঝত্তং পচ্চত্তং নিযকা পাটিপুগ্গলিকা উপাদিন্না, চক্খুসম্ফস্সজা চেতনা সোতসম্ফস্সজা চেতনা ঘানসম্ফস্সজা চেতনা জিৰ্হাসম্ফস্সজা চেতনা কাযসম্ফস্সজা চেতনা মনোসম্ফস্সজা চেতনা – ইমে ৰুচ্চন্তি সঙ্খারা বহিদ্ধা।
Tattha katame saṅkhārā bahiddhā? Ye saṅkhārā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā bahiddhā.
২৩. তত্থ কতমে সঙ্খারা ওল়ারিকা সুখুমা? অকুসলা সঙ্খারা ওল়ারিকা, কুসলাব্যাকতা সঙ্খারা সুখুমা। কুসলাকুসলা সঙ্খারা ওল়ারিকা, অব্যাকতা সঙ্খারা সুখুমা। দুক্খায ৰেদনায সম্পযুত্তা সঙ্খারা ওল়ারিকা, সুখায চ অদুক্খমসুখায চ ৰেদনাহি সম্পযুত্তা সঙ্খারা সুখুমা। সুখদুক্খাহি ৰেদনাহি সম্পযুত্তা সঙ্খারা ওল়ারিকা, অদুক্খমসুখায ৰেদনায সম্পযুত্তা সঙ্খারা সুখুমা। অসমাপন্নস্স সঙ্খারা ওল়ারিকা, সমাপন্নস্স সঙ্খারা সুখুমা। সাসৰা সঙ্খারা ওল়ারিকা, অনাসৰা সঙ্খারা সুখুমা। তে তে ৰা পন সঙ্খারে উপাদাযুপাদায সঙ্খারা ওল়ারিকা সুখুমা দট্ঠব্বা।
23. Tattha katame saṅkhārā oḷārikā sukhumā? Akusalā saṅkhārā oḷārikā, kusalābyākatā saṅkhārā sukhumā. Kusalākusalā saṅkhārā oḷārikā, abyākatā saṅkhārā sukhumā. Dukkhāya vedanāya sampayuttā saṅkhārā oḷārikā, sukhāya ca adukkhamasukhāya ca vedanāhi sampayuttā saṅkhārā sukhumā. Sukhadukkhāhi vedanāhi sampayuttā saṅkhārā oḷārikā, adukkhamasukhāya vedanāya sampayuttā saṅkhārā sukhumā. Asamāpannassa saṅkhārā oḷārikā, samāpannassa saṅkhārā sukhumā. Sāsavā saṅkhārā oḷārikā, anāsavā saṅkhārā sukhumā. Te te vā pana saṅkhāre upādāyupādāya saṅkhārā oḷārikā sukhumā daṭṭhabbā.
২৪. তত্থ কতমে সঙ্খারা হীনা পণীতা? অকুসলা সঙ্খারা হীনা, কুসলাব্যাকতা সঙ্খারা পণীতা। কুসলাকুসলা সঙ্খারা হীনা, অব্যাকতা সঙ্খারা পণীতা। দুক্খায ৰেদনায সম্পযুত্তা সঙ্খারা হীনা , সুখায চ অদুক্খমসুখায চ ৰেদনাহি সম্পযুত্তা সঙ্খারা পণীতা। সুখদুক্খাহি ৰেদনাহি সম্পযুত্তা সঙ্খারা হীনা, অদুক্খমসুখায ৰেদনায সম্পযুত্তা সঙ্খারা পণীতা। অসমাপন্নস্স সঙ্খারা হীনা, সমাপন্নস্স সঙ্খারা পণীতা। সাসৰা সঙ্খারা হীনা, অনাসৰা সঙ্খারা পণীতা। তে তে ৰা পন সঙ্খারে উপাদাযুপাদায সঙ্খারা হীনা পণীতা দট্ঠব্বা।
24. Tattha katame saṅkhārā hīnā paṇītā? Akusalā saṅkhārā hīnā, kusalābyākatā saṅkhārā paṇītā. Kusalākusalā saṅkhārā hīnā, abyākatā saṅkhārā paṇītā. Dukkhāya vedanāya sampayuttā saṅkhārā hīnā , sukhāya ca adukkhamasukhāya ca vedanāhi sampayuttā saṅkhārā paṇītā. Sukhadukkhāhi vedanāhi sampayuttā saṅkhārā hīnā, adukkhamasukhāya vedanāya sampayuttā saṅkhārā paṇītā. Asamāpannassa saṅkhārā hīnā, samāpannassa saṅkhārā paṇītā. Sāsavā saṅkhārā hīnā, anāsavā saṅkhārā paṇītā. Te te vā pana saṅkhāre upādāyupādāya saṅkhārā hīnā paṇītā daṭṭhabbā.
২৫. তত্থ কতমে সঙ্খারা দূরে? অকুসলা সঙ্খারা কুসলাব্যাকতেহি সঙ্খারেহি দূরে; কুসলাব্যাকতা সঙ্খারা অকুসলেহি সঙ্খারেহি দূরে; কুসলা সঙ্খারা অকুসলাব্যাকতেহি সঙ্খারেহি দূরে; অকুসলাব্যাকতা সঙ্খারা কুসলেহি সঙ্খারেহি দূরে; অব্যাকতা সঙ্খারা কুসলাকুসলেহি সঙ্খারেহি দূরে; কুসলাকুসলা সঙ্খারা অব্যাকতেহি সঙ্খারেহি দূরে। দুক্খায ৰেদনায সম্পযুত্তা সঙ্খারা সুখায চ অদুক্খমসুখায চ ৰেদনাহি সম্পযুত্তেহি সঙ্খারেহি দূরে; সুখায চ অদুক্খমসুখায চ ৰেদনাহি সম্পযুত্তা সঙ্খারা দুক্খায ৰেদনায সম্পযুত্তেহি সঙ্খারেহি দূরে; সুখায ৰেদনায সম্পযুত্তা সঙ্খারা দুক্খায চ অদুক্খমসুখায চ ৰেদনাহি সম্পযুত্তেহি সঙ্খারেহি দূরে; দুক্খায চ অদুক্খমসুখায চ ৰেদনাহি সম্পযুত্তা সঙ্খারা সুখায ৰেদনায সম্পযুত্তেহি সঙ্খারেহি দূরে; অদুক্খমসুখায ৰেদনায সম্পযুত্তা সঙ্খারা সুখদুক্খাহি ৰেদনাহি সম্পযুত্তেহি সঙ্খারেহি দূরে; সুখদুক্খাহি ৰেদনাহি সম্পযুত্তা সঙ্খারা অদুক্খমসুখায ৰেদনায সম্পযুত্তেহি সঙ্খারেহি দূরে । অসমাপন্নস্স সঙ্খারা সমাপন্নস্স সঙ্খারেহি দূরে; সমাপন্নস্স সঙ্খারা অসমাপন্নস্স সঙ্খারেহি দূরে। সাসৰা সঙ্খারা অনাসৰেহি সঙ্খারেহি দূরে; অনাসৰা সঙ্খারা সাসৰেহি সঙ্খারেহি দূরে। ইমে ৰুচ্চন্তি সঙ্খারা দূরে।
25. Tattha katame saṅkhārā dūre? Akusalā saṅkhārā kusalābyākatehi saṅkhārehi dūre; kusalābyākatā saṅkhārā akusalehi saṅkhārehi dūre; kusalā saṅkhārā akusalābyākatehi saṅkhārehi dūre; akusalābyākatā saṅkhārā kusalehi saṅkhārehi dūre; abyākatā saṅkhārā kusalākusalehi saṅkhārehi dūre; kusalākusalā saṅkhārā abyākatehi saṅkhārehi dūre. Dukkhāya vedanāya sampayuttā saṅkhārā sukhāya ca adukkhamasukhāya ca vedanāhi sampayuttehi saṅkhārehi dūre; sukhāya ca adukkhamasukhāya ca vedanāhi sampayuttā saṅkhārā dukkhāya vedanāya sampayuttehi saṅkhārehi dūre; sukhāya vedanāya sampayuttā saṅkhārā dukkhāya ca adukkhamasukhāya ca vedanāhi sampayuttehi saṅkhārehi dūre; dukkhāya ca adukkhamasukhāya ca vedanāhi sampayuttā saṅkhārā sukhāya vedanāya sampayuttehi saṅkhārehi dūre; adukkhamasukhāya vedanāya sampayuttā saṅkhārā sukhadukkhāhi vedanāhi sampayuttehi saṅkhārehi dūre; sukhadukkhāhi vedanāhi sampayuttā saṅkhārā adukkhamasukhāya vedanāya sampayuttehi saṅkhārehi dūre . Asamāpannassa saṅkhārā samāpannassa saṅkhārehi dūre; samāpannassa saṅkhārā asamāpannassa saṅkhārehi dūre. Sāsavā saṅkhārā anāsavehi saṅkhārehi dūre; anāsavā saṅkhārā sāsavehi saṅkhārehi dūre. Ime vuccanti saṅkhārā dūre.
তত্থ কতমে সঙ্খারা সন্তিকে? অকুসলা সঙ্খারা অকুসলানং সঙ্খারানং সন্তিকে; কুসলা সঙ্খারা কুসলানং সঙ্খারানং সন্তিকে; অব্যাকতা সঙ্খারা অব্যাকতানং সঙ্খারানং সন্তিকে। দুক্খায ৰেদনায সম্পযুত্তা সঙ্খারা দুক্খায ৰেদনায সম্পযুত্তানং সঙ্খারানং সন্তিকে; সুখায ৰেদনায সম্পযুত্তা সঙ্খারা সুখায ৰেদনায সম্পযুত্তানং সঙ্খারানং সন্তিকে; অদুক্খমসুখায ৰেদনায সম্পযুত্তা সঙ্খারা অদুক্খমসুখায ৰেদনায সম্পযুত্তানং সঙ্খারানং সন্তিকে। অসমাপন্নস্স সঙ্খারা অসমাপন্নস্স সঙ্খারানং সন্তিকে; সমাপন্নস্স সঙ্খারা সমাপন্নস্স সঙ্খারানং সন্তিকে। সাসৰা সঙ্খারা সাসৰানং সঙ্খারানং সন্তিকে; অনাসৰা সঙ্খারা অনাসৰানং সঙ্খারানং সন্তিকে। ইমে ৰুচ্চন্তি সঙ্খারা সন্তিকে। তে তে ৰা পন সঙ্খারে উপাদাযুপাদায সঙ্খারা দূরে সন্তিকে দট্ঠব্বা।
Tattha katame saṅkhārā santike? Akusalā saṅkhārā akusalānaṃ saṅkhārānaṃ santike; kusalā saṅkhārā kusalānaṃ saṅkhārānaṃ santike; abyākatā saṅkhārā abyākatānaṃ saṅkhārānaṃ santike. Dukkhāya vedanāya sampayuttā saṅkhārā dukkhāya vedanāya sampayuttānaṃ saṅkhārānaṃ santike; sukhāya vedanāya sampayuttā saṅkhārā sukhāya vedanāya sampayuttānaṃ saṅkhārānaṃ santike; adukkhamasukhāya vedanāya sampayuttā saṅkhārā adukkhamasukhāya vedanāya sampayuttānaṃ saṅkhārānaṃ santike. Asamāpannassa saṅkhārā asamāpannassa saṅkhārānaṃ santike; samāpannassa saṅkhārā samāpannassa saṅkhārānaṃ santike. Sāsavā saṅkhārā sāsavānaṃ saṅkhārānaṃ santike; anāsavā saṅkhārā anāsavānaṃ saṅkhārānaṃ santike. Ime vuccanti saṅkhārā santike. Te te vā pana saṅkhāre upādāyupādāya saṅkhārā dūre santike daṭṭhabbā.
৫. ৰিঞ্ঞাণক্খন্ধো
5. Viññāṇakkhandho
২৬. তত্থ কতমো ৰিঞ্ঞাণক্খন্ধো? যং কিঞ্চি ৰিঞ্ঞাণং অতীতানাগতপচ্চুপ্পন্নং অজ্ঝত্তং ৰা বহিদ্ধা ৰা ওল়ারিকং ৰা সুখুমং ৰা হীনং ৰা পণীতং ৰা যং দূরে সন্তিকে ৰা, তদেকজ্ঝং অভিসঞ্ঞূহিত্ৰা অভিসঙ্খিপিত্ৰা – অযং ৰুচ্চতি ৰিঞ্ঞাণক্খন্ধো।
26. Tattha katamo viññāṇakkhandho? Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati viññāṇakkhandho.
২৭. তত্থ কতমং ৰিঞ্ঞাণং অতীতং? যং ৰিঞ্ঞাণং অতীতং নিরুদ্ধং ৰিগতং ৰিপরিণতং অত্থঙ্গতং অব্ভত্থঙ্গতং উপ্পজ্জিত্ৰা ৰিগতং অতীতং অতীতংসেন সঙ্গহিতং, চক্খুৰিঞ্ঞাণং সোতৰিঞ্ঞাণং ঘানৰিঞ্ঞাণং জিৰ্হাৰিঞ্ঞাণং কাযৰিঞ্ঞাণং মনোৰিঞ্ঞাণং – ইদং ৰুচ্চতি ৰিঞ্ঞাণং অতীতং।
27. Tattha katamaṃ viññāṇaṃ atītaṃ? Yaṃ viññāṇaṃ atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ uppajjitvā vigataṃ atītaṃ atītaṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ atītaṃ.
তত্থ কতমং ৰিঞ্ঞাণং অনাগতং? যং ৰিঞ্ঞাণং অজাতং অভূতং অসঞ্জাতং অনিব্বত্তং অনভিনিব্বত্তং অপাতুভূতং অনুপ্পন্নং অসমুপ্পন্নং অনুট্ঠিতং অসমুট্ঠিতং অনাগতং অনাগতংসেন সঙ্গহিতং, চক্খুৰিঞ্ঞাণং সোতৰিঞ্ঞাণং ঘানৰিঞ্ঞাণং জিৰ্হাৰিঞ্ঞাণং কাযৰিঞ্ঞাণং মনোৰিঞ্ঞাণং – ইদং ৰুচ্চতি ৰিঞ্ঞাণং অনাগতং।
Tattha katamaṃ viññāṇaṃ anāgataṃ? Yaṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ anuppannaṃ asamuppannaṃ anuṭṭhitaṃ asamuṭṭhitaṃ anāgataṃ anāgataṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ anāgataṃ.
তত্থ কতমং ৰিঞ্ঞাণং পচ্চুপ্পন্নং? যং ৰিঞ্ঞাণং জাতং ভূতং সঞ্জাতং নিব্বত্তং অভিনিব্বত্তং পাতুভূতং উপ্পন্নং সমুপ্পন্নং উট্ঠিতং সমুট্ঠিতং পচ্চুপ্পন্নং পচ্চুপ্পন্নংসেন সঙ্গহিতং, চক্খুৰিঞ্ঞাণং সোতৰিঞ্ঞাণং ঘানৰিঞ্ঞাণং জিৰ্হাৰিঞ্ঞাণং কাযৰিঞ্ঞাণং মনোৰিঞ্ঞাণং – ইদং ৰুচ্চতি ৰিঞ্ঞাণং পচ্চুপ্পন্নং।
Tattha katamaṃ viññāṇaṃ paccuppannaṃ? Yaṃ viññāṇaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtaṃ uppannaṃ samuppannaṃ uṭṭhitaṃ samuṭṭhitaṃ paccuppannaṃ paccuppannaṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ paccuppannaṃ.
২৮. তত্থ কতমং ৰিঞ্ঞাণং অজ্ঝত্তং? যং ৰিঞ্ঞাণং তেসং তেসং সত্তানং অজ্ঝত্তং পচ্চত্তং নিযকং পাটিপুগ্গলিকং উপাদিন্নং, চক্খুৰিঞ্ঞাণং সোতৰিঞ্ঞাণং ঘানৰিঞ্ঞাণং জিৰ্হাৰিঞ্ঞাণং কাযৰিঞ্ঞাণং মনোৰিঞ্ঞাণং – ইদং ৰুচ্চতি ৰিঞ্ঞাণং অজ্ঝত্তং।
28. Tattha katamaṃ viññāṇaṃ ajjhattaṃ? Yaṃ viññāṇaṃ tesaṃ tesaṃ sattānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ ajjhattaṃ.
তত্থ কতমং ৰিঞ্ঞাণং বহিদ্ধা? যং ৰিঞ্ঞাণং তেসং তেসং পরসত্তানং পরপুগ্গলানং অজ্ঝত্তং পচ্চত্তং নিযকং পাটিপুগ্গলিকং উপাদিন্নং, চক্খুৰিঞ্ঞাণং সোতৰিঞ্ঞাণং ঘানৰিঞ্ঞাণং জিৰ্হাৰিঞ্ঞাণং কাযৰিঞ্ঞাণং মনোৰিঞ্ঞাণং – ইদং ৰুচ্চতি ৰিঞ্ঞাণং বহিদ্ধা।
Tattha katamaṃ viññāṇaṃ bahiddhā? Yaṃ viññāṇaṃ tesaṃ tesaṃ parasattānaṃ parapuggalānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ bahiddhā.
২৯. তত্থ কতমং ৰিঞ্ঞাণং ওল়ারিকং সুখুমং? অকুসলং ৰিঞ্ঞাণং ওল়ারিকং, কুসলাব্যাকতা ৰিঞ্ঞাণা সুখুমা। কুসলাকুসলা ৰিঞ্ঞাণা ওল়ারিকা , অব্যাকতং ৰিঞ্ঞাণং সুখুমং। দুক্খায ৰেদনায সম্পযুত্তং ৰিঞ্ঞাণং ওল়ারিকং, সুখায চ অদুক্খমসুখায চ ৰেদনাহি সম্পযুত্তা ৰিঞ্ঞাণা সুখুমা। সুখদুক্খাহি ৰেদনাহি সম্পযুত্তা ৰিঞ্ঞাণা ওল়ারিকা, অদুক্খমসুখায ৰেদনায সম্পযুত্তং ৰিঞ্ঞাণং সুখুমং। অসমাপন্নস্স ৰিঞ্ঞাণং ওল়ারিকং, সমাপন্নস্স ৰিঞ্ঞাণং সুখুমং। সাসৰং ৰিঞ্ঞাণং ওল়ারিকং, অনাসৰং ৰিঞ্ঞাণং সুখুমং। তং তং ৰা পন ৰিঞ্ঞাণং উপাদাযুপাদায ৰিঞ্ঞাণং ওল়ারিকং সুখুমং দট্ঠব্বং।
29. Tattha katamaṃ viññāṇaṃ oḷārikaṃ sukhumaṃ? Akusalaṃ viññāṇaṃ oḷārikaṃ, kusalābyākatā viññāṇā sukhumā. Kusalākusalā viññāṇā oḷārikā , abyākataṃ viññāṇaṃ sukhumaṃ. Dukkhāya vedanāya sampayuttaṃ viññāṇaṃ oḷārikaṃ, sukhāya ca adukkhamasukhāya ca vedanāhi sampayuttā viññāṇā sukhumā. Sukhadukkhāhi vedanāhi sampayuttā viññāṇā oḷārikā, adukkhamasukhāya vedanāya sampayuttaṃ viññāṇaṃ sukhumaṃ. Asamāpannassa viññāṇaṃ oḷārikaṃ, samāpannassa viññāṇaṃ sukhumaṃ. Sāsavaṃ viññāṇaṃ oḷārikaṃ, anāsavaṃ viññāṇaṃ sukhumaṃ. Taṃ taṃ vā pana viññāṇaṃ upādāyupādāya viññāṇaṃ oḷārikaṃ sukhumaṃ daṭṭhabbaṃ.
৩০. তত্থ কতমং ৰিঞ্ঞাণং হীনং পণীতং? অকুসলং ৰিঞ্ঞাণং হীনং, কুসলাব্যাকতা ৰিঞ্ঞাণা পণীতা । কুসলাকুসলা ৰিঞ্ঞাণা হীনা, অব্যাকতং ৰিঞ্ঞাণং পণীতং। দুক্খায ৰেদনায সম্পযুত্তং ৰিঞ্ঞাণং হীনং, সুখায চ অদুক্খমসুখায চ ৰেদনাহি সম্পযুত্তা ৰিঞ্ঞাণা পণীতা। সুখদুক্খাহি ৰেদনাহি সম্পযুত্তা ৰিঞ্ঞাণা হীনা, অদুক্খমসুখায ৰেদনায সম্পযুত্তং ৰিঞ্ঞাণং পণীতং। অসমাপন্নস্স ৰিঞ্ঞাণং হীনং, সমাপন্নস্স ৰিঞ্ঞাণং পণীতং। সাসৰং ৰিঞ্ঞাণং হীনং, অনাসৰং ৰিঞ্ঞাণং পণীতং। তং তং ৰা পন ৰিঞ্ঞাণং উপাদাযুপাদায ৰিঞ্ঞাণং হীনং পণীতং দট্ঠব্বং।
30. Tattha katamaṃ viññāṇaṃ hīnaṃ paṇītaṃ? Akusalaṃ viññāṇaṃ hīnaṃ, kusalābyākatā viññāṇā paṇītā . Kusalākusalā viññāṇā hīnā, abyākataṃ viññāṇaṃ paṇītaṃ. Dukkhāya vedanāya sampayuttaṃ viññāṇaṃ hīnaṃ, sukhāya ca adukkhamasukhāya ca vedanāhi sampayuttā viññāṇā paṇītā. Sukhadukkhāhi vedanāhi sampayuttā viññāṇā hīnā, adukkhamasukhāya vedanāya sampayuttaṃ viññāṇaṃ paṇītaṃ. Asamāpannassa viññāṇaṃ hīnaṃ, samāpannassa viññāṇaṃ paṇītaṃ. Sāsavaṃ viññāṇaṃ hīnaṃ, anāsavaṃ viññāṇaṃ paṇītaṃ. Taṃ taṃ vā pana viññāṇaṃ upādāyupādāya viññāṇaṃ hīnaṃ paṇītaṃ daṭṭhabbaṃ.
৩১. তত্থ কতমং ৰিঞ্ঞাণং দূরে? অকুসলং ৰিঞ্ঞাণং কুসলাব্যাকতেহি ৰিঞ্ঞাণেহি দূরে; কুসলাব্যাকতা ৰিঞ্ঞাণা অকুসলা ৰিঞ্ঞাণা দূরে; কুসলং ৰিঞ্ঞাণং অকুসলাব্যাকতেহি ৰিঞ্ঞাণেহি দূরে; অকুসলাব্যাকতা ৰিঞ্ঞাণা কুসলা ৰিঞ্ঞাণা দূরে; অব্যাকতং ৰিঞ্ঞাণং কুসলাকুসলেহি ৰিঞ্ঞাণেহি দূরে; কুসলাকুসলা ৰিঞ্ঞাণা অব্যাকতা ৰিঞ্ঞাণা দূরে। দুক্খায ৰেদনায সম্পযুত্তং ৰিঞ্ঞাণং সুখায চ অদুক্খমসুখায চ ৰেদনাহি সম্পযুত্তেহি ৰিঞ্ঞাণেহি দূরে; সুখায চ অদুক্খমসুখায চ ৰেদনাহি সম্পযুত্তা ৰিঞ্ঞাণা দুক্খায ৰেদনায সম্পযুত্তা ৰিঞ্ঞাণা দূরে; সুখায ৰেদনায সম্পযুত্তং ৰিঞ্ঞাণং দুক্খায চ অদুক্খমসুখায চ ৰেদনাহি সম্পযুত্তেহি ৰিঞ্ঞাণেহি দূরে; দুক্খায চ অদুক্খমসুখায চ ৰেদনাহি সম্পযুত্তা ৰিঞ্ঞাণা সুখায ৰেদনায সম্পযুত্তা ৰিঞ্ঞাণা দূরে; অদুক্খমসুখায ৰেদনায সম্পযুত্তং ৰিঞ্ঞাণং সুখদুক্খাহি ৰেদনাহি সম্পযুত্তেহি ৰিঞ্ঞাণেহি দূরে; সুখদুক্খাহি ৰেদনাহি সম্পযুত্তা ৰিঞ্ঞাণা অদুক্খমসুখায ৰেদনায সম্পযুত্তা ৰিঞ্ঞাণা দূরে। অসমাপন্নস্স ৰিঞ্ঞাণং সমাপন্নস্স ৰিঞ্ঞাণা দূরে; সমাপন্নস্স ৰিঞ্ঞাণং অসমাপন্নস্স ৰিঞ্ঞাণা দূরে। সাসৰং ৰিঞ্ঞাণং অনাসৰা ৰিঞ্ঞাণা দূরে; অনাসৰং ৰিঞ্ঞাণং সাসৰা ৰিঞ্ঞাণা দূরে – ইদং ৰুচ্চতি ৰিঞ্ঞাণং দূরে।
31. Tattha katamaṃ viññāṇaṃ dūre? Akusalaṃ viññāṇaṃ kusalābyākatehi viññāṇehi dūre; kusalābyākatā viññāṇā akusalā viññāṇā dūre; kusalaṃ viññāṇaṃ akusalābyākatehi viññāṇehi dūre; akusalābyākatā viññāṇā kusalā viññāṇā dūre; abyākataṃ viññāṇaṃ kusalākusalehi viññāṇehi dūre; kusalākusalā viññāṇā abyākatā viññāṇā dūre. Dukkhāya vedanāya sampayuttaṃ viññāṇaṃ sukhāya ca adukkhamasukhāya ca vedanāhi sampayuttehi viññāṇehi dūre; sukhāya ca adukkhamasukhāya ca vedanāhi sampayuttā viññāṇā dukkhāya vedanāya sampayuttā viññāṇā dūre; sukhāya vedanāya sampayuttaṃ viññāṇaṃ dukkhāya ca adukkhamasukhāya ca vedanāhi sampayuttehi viññāṇehi dūre; dukkhāya ca adukkhamasukhāya ca vedanāhi sampayuttā viññāṇā sukhāya vedanāya sampayuttā viññāṇā dūre; adukkhamasukhāya vedanāya sampayuttaṃ viññāṇaṃ sukhadukkhāhi vedanāhi sampayuttehi viññāṇehi dūre; sukhadukkhāhi vedanāhi sampayuttā viññāṇā adukkhamasukhāya vedanāya sampayuttā viññāṇā dūre. Asamāpannassa viññāṇaṃ samāpannassa viññāṇā dūre; samāpannassa viññāṇaṃ asamāpannassa viññāṇā dūre. Sāsavaṃ viññāṇaṃ anāsavā viññāṇā dūre; anāsavaṃ viññāṇaṃ sāsavā viññāṇā dūre – idaṃ vuccati viññāṇaṃ dūre.
তত্থ কতমং ৰিঞ্ঞাণং সন্তিকে? অকুসলং ৰিঞ্ঞাণং অকুসলস্স ৰিঞ্ঞাণস্স সন্তিকে; কুসলং ৰিঞ্ঞাণং কুসলস্স ৰিঞ্ঞাণস্স সন্তিকে; অব্যাকতং ৰিঞ্ঞাণং অব্যাকতস্স ৰিঞ্ঞাণস্স সন্তিকে। দুক্খায ৰেদনায সম্পযুত্তং ৰিঞ্ঞাণং দুক্খায ৰেদনায সম্পযুত্তস্স ৰিঞ্ঞাণস্স সন্তিকে; সুখায ৰেদনায সম্পযুত্তং ৰিঞ্ঞাণং সুখায ৰেদনায সম্পযুত্তস্স ৰিঞ্ঞাণস্স সন্তিকে; অদুক্খমসুখায ৰেদনায সম্পযুত্তং ৰিঞ্ঞাণং অদুক্খমসুখায ৰেদনায সম্পযুত্তস্স ৰিঞ্ঞাণস্স সন্তিকে। অসমাপন্নস্স ৰিঞ্ঞাণং অসমাপন্নস্স ৰিঞ্ঞাণস্স সন্তিকে; সমাপন্নস্স ৰিঞ্ঞাণং সমাপন্নস্স ৰিঞ্ঞাণস্স সন্তিকে। সাসৰং ৰিঞ্ঞাণং সাসৰস্স ৰিঞ্ঞাণস্স সন্তিকে; অনাসৰং ৰিঞ্ঞাণং অনাসৰস্স ৰিঞ্ঞাণস্স সন্তিকে – ইদং ৰুচ্চতি ৰিঞ্ঞাণং সন্তিকে। তং তং ৰা পন ৰিঞ্ঞাণং উপাদাযুপাদায ৰিঞ্ঞাণং দূরে সন্তিকে দট্ঠব্বং।
Tattha katamaṃ viññāṇaṃ santike? Akusalaṃ viññāṇaṃ akusalassa viññāṇassa santike; kusalaṃ viññāṇaṃ kusalassa viññāṇassa santike; abyākataṃ viññāṇaṃ abyākatassa viññāṇassa santike. Dukkhāya vedanāya sampayuttaṃ viññāṇaṃ dukkhāya vedanāya sampayuttassa viññāṇassa santike; sukhāya vedanāya sampayuttaṃ viññāṇaṃ sukhāya vedanāya sampayuttassa viññāṇassa santike; adukkhamasukhāya vedanāya sampayuttaṃ viññāṇaṃ adukkhamasukhāya vedanāya sampayuttassa viññāṇassa santike. Asamāpannassa viññāṇaṃ asamāpannassa viññāṇassa santike; samāpannassa viññāṇaṃ samāpannassa viññāṇassa santike. Sāsavaṃ viññāṇaṃ sāsavassa viññāṇassa santike; anāsavaṃ viññāṇaṃ anāsavassa viññāṇassa santike – idaṃ vuccati viññāṇaṃ santike. Taṃ taṃ vā pana viññāṇaṃ upādāyupādāya viññāṇaṃ dūre santike daṭṭhabbaṃ.
সুত্তন্তভাজনীযং।
Suttantabhājanīyaṃ.
২. অভিধম্মভাজনীযং
2. Abhidhammabhājanīyaṃ
৩২. পঞ্চক্খন্ধা – রূপক্খন্ধো, ৰেদনাক্খন্ধো, সঞ্ঞাক্খন্ধো, সঙ্খারক্খন্ধো, ৰিঞ্ঞাণক্খন্ধো।
32. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
১. রূপক্খন্ধো
1. Rūpakkhandho
৩৩. তত্থ কতমো রূপক্খন্ধো? একৰিধেন রূপক্খন্ধো – সব্বং রূপং ন হেতু, অহেতুকং, হেতুৰিপ্পযুত্তং, সপ্পচ্চযং, সঙ্খতং, রূপং, লোকিযং, সাসৰং, সংযোজনিযং, গন্থনিযং, ওঘনিযং, যোগনিযং, নীৰরণিযং, পরামট্ঠং, উপাদানিযং, সংকিলেসিকং, অব্যাকতং, অনারম্মণং, অচেতসিকং, চিত্তৰিপ্পযুত্তং, নেৰৰিপাকনৰিপাকধম্মধম্মং, অসংকিলিট্ঠসংকিলেসিকং, ন সৰিতক্কসৰিচারং, ন অৰিতক্কৰিচারমত্তং, অৰিতক্কঅৰিচারং, ন পীতিসহগতং, ন সুখসহগতং, ন উপেক্খাসহগতং, নেৰ দস্সনেন ন ভাৰনায পহাতব্বং, নেৰ দস্সনেন ন ভাৰনায পহাতব্বহেতুকং, নেৰাচযগামিনাপচযগামী, নেৰসেক্খনাসেক্খং, পরিত্তং, কামাৰচরং, ন রূপাৰচরং, ন অরূপাৰচরং, পরিযাপন্নং, নো অপরিযাপন্নং, অনিযতং, অনিয্যানিকং, উপ্পন্নং, ছহি ৰিঞ্ঞাণেহি ৰিঞ্ঞেয্যং, অনিচ্চং, জরাভিভূতং। এৰং একৰিধেন রূপক্খন্ধো।
33. Tattha katamo rūpakkhandho? Ekavidhena rūpakkhandho – sabbaṃ rūpaṃ na hetu, ahetukaṃ, hetuvippayuttaṃ, sappaccayaṃ, saṅkhataṃ, rūpaṃ, lokiyaṃ, sāsavaṃ, saṃyojaniyaṃ, ganthaniyaṃ, oghaniyaṃ, yoganiyaṃ, nīvaraṇiyaṃ, parāmaṭṭhaṃ, upādāniyaṃ, saṃkilesikaṃ, abyākataṃ, anārammaṇaṃ, acetasikaṃ, cittavippayuttaṃ, nevavipākanavipākadhammadhammaṃ, asaṃkiliṭṭhasaṃkilesikaṃ, na savitakkasavicāraṃ, na avitakkavicāramattaṃ, avitakkaavicāraṃ, na pītisahagataṃ, na sukhasahagataṃ, na upekkhāsahagataṃ, neva dassanena na bhāvanāya pahātabbaṃ, neva dassanena na bhāvanāya pahātabbahetukaṃ, nevācayagāmināpacayagāmī, nevasekkhanāsekkhaṃ, parittaṃ, kāmāvacaraṃ, na rūpāvacaraṃ, na arūpāvacaraṃ, pariyāpannaṃ, no apariyāpannaṃ, aniyataṃ, aniyyānikaṃ, uppannaṃ, chahi viññāṇehi viññeyyaṃ, aniccaṃ, jarābhibhūtaṃ. Evaṃ ekavidhena rūpakkhandho.
দুৰিধেন রূপক্খন্ধো – অত্থি রূপং উপাদা, অত্থি রূপং নো উপাদা 3। অত্থি রূপং উপাদিন্নং, অত্থি রূপং অনুপাদিন্নং। অত্থি রূপং উপাদিন্নুপাদানিযং, অত্থি রূপং অনুপাদিন্নুপাদানিযং। অত্থি রূপং সনিদস্সনং, অত্থি রূপং অনিদস্সনং। অত্থি রূপং সপ্পটিঘং, অত্থি রূপং অপ্পটিঘং। অত্থি রূপং ইন্দ্রিযং, অত্থি রূপং ন ইন্দ্রিযং। অত্থি রূপং মহাভূতং, অত্থি রূপং ন মহাভূতং। অত্থি রূপং ৰিঞ্ঞত্তি, অত্থি রূপং ন ৰিঞ্ঞত্তি। অত্থি রূপং চিত্তসমুট্ঠানং, অত্থি রূপং ন চিত্তসমুট্ঠানং। অত্থি রূপং চিত্তসহভু, অত্থি রূপং ন চিত্তসহভু। অত্থি রূপং চিত্তানুপরিৰত্তি, অত্থি রূপং ন চিত্তানুপরিৰত্তি। অত্থি রূপং অজ্ঝত্তিকং, অত্থি রূপং বাহিরং। অত্থি রূপং ওল়ারিকং, অত্থি রূপং সুখুমং। অত্থি রূপং দূরে, অত্থি রূপং সন্তিকে…পে॰… অত্থি রূপং কবল়ীকারো আহারো, অত্থি রূপং ন কবল়ীকারো আহারো। এৰং দুৰিধেন রূপক্খন্ধো।
Duvidhena rūpakkhandho – atthi rūpaṃ upādā, atthi rūpaṃ no upādā 4. Atthi rūpaṃ upādinnaṃ, atthi rūpaṃ anupādinnaṃ. Atthi rūpaṃ upādinnupādāniyaṃ, atthi rūpaṃ anupādinnupādāniyaṃ. Atthi rūpaṃ sanidassanaṃ, atthi rūpaṃ anidassanaṃ. Atthi rūpaṃ sappaṭighaṃ, atthi rūpaṃ appaṭighaṃ. Atthi rūpaṃ indriyaṃ, atthi rūpaṃ na indriyaṃ. Atthi rūpaṃ mahābhūtaṃ, atthi rūpaṃ na mahābhūtaṃ. Atthi rūpaṃ viññatti, atthi rūpaṃ na viññatti. Atthi rūpaṃ cittasamuṭṭhānaṃ, atthi rūpaṃ na cittasamuṭṭhānaṃ. Atthi rūpaṃ cittasahabhu, atthi rūpaṃ na cittasahabhu. Atthi rūpaṃ cittānuparivatti, atthi rūpaṃ na cittānuparivatti. Atthi rūpaṃ ajjhattikaṃ, atthi rūpaṃ bāhiraṃ. Atthi rūpaṃ oḷārikaṃ, atthi rūpaṃ sukhumaṃ. Atthi rūpaṃ dūre, atthi rūpaṃ santike…pe… atthi rūpaṃ kabaḷīkāro āhāro, atthi rūpaṃ na kabaḷīkāro āhāro. Evaṃ duvidhena rūpakkhandho.
(যথা রূপকণ্ডে ৰিভত্তং, তথা ইধ ৰিভজিতব্বং।)
(Yathā rūpakaṇḍe vibhattaṃ, tathā idha vibhajitabbaṃ.)
তিৰিধেন রূপক্খন্ধো – যং তং রূপং অজ্ঝত্তিকং তং উপাদা, যং তং রূপং বাহিরং তং অত্থি উপাদা, অত্থি নো উপাদা। যং তং রূপং অজ্ঝত্তিকং তং উপাদিন্নং, যং তং রূপং বাহিরং তং অত্থি উপাদিন্নং, অত্থি অনুপাদিন্নং। যং তং রূপং অজ্ঝত্তিকং তং উপাদিন্নুপাদানিযং, যং তং রূপং বাহিরং তং অত্থি উপাদিন্নুপাদানিযং, অত্থি অনুপাদিন্নুপাদানিযং…পে॰… যং তং রূপং অজ্ঝত্তিকং তং ন কবল়ীকারো আহারো, যং তং রূপং বাহিরং তং অত্থি কবল়ীকারো আহারো, অত্থি ন কবল়ীকারো আহারো। এৰং তিৰিধেন রূপক্খন্ধো।
Tividhena rūpakkhandho – yaṃ taṃ rūpaṃ ajjhattikaṃ taṃ upādā, yaṃ taṃ rūpaṃ bāhiraṃ taṃ atthi upādā, atthi no upādā. Yaṃ taṃ rūpaṃ ajjhattikaṃ taṃ upādinnaṃ, yaṃ taṃ rūpaṃ bāhiraṃ taṃ atthi upādinnaṃ, atthi anupādinnaṃ. Yaṃ taṃ rūpaṃ ajjhattikaṃ taṃ upādinnupādāniyaṃ, yaṃ taṃ rūpaṃ bāhiraṃ taṃ atthi upādinnupādāniyaṃ, atthi anupādinnupādāniyaṃ…pe… yaṃ taṃ rūpaṃ ajjhattikaṃ taṃ na kabaḷīkāro āhāro, yaṃ taṃ rūpaṃ bāhiraṃ taṃ atthi kabaḷīkāro āhāro, atthi na kabaḷīkāro āhāro. Evaṃ tividhena rūpakkhandho.
চতুব্বিধেন রূপক্খন্ধো – যং তং রূপং উপাদা তং অত্থি উপাদিন্নং, অত্থি অনুপাদিন্নং; যং তং রূপং নো উপাদা তং অত্থি উপাদিন্নং, অত্থি অনুপাদিন্নং। যং তং রূপং উপাদা তং অত্থি উপাদিন্নুপাদানিযং, অত্থি অনুপাদিন্নুপাদানিযং; যং তং রূপং নো উপাদা তং অত্থি উপাদিন্নুপাদানিযং, অত্থি অনুপাদিন্নুপাদানিযং। যং তং রূপং উপাদা তং অত্থি সপ্পটিঘং, অত্থি অপ্পটিঘং; যং তং রূপং নো উপাদা তং অত্থি সপ্পটিঘং, অত্থি অপ্পটিঘং । যং তং রূপং উপাদা তং অত্থি ওল়ারিকং, অত্থি সুখুমং; যং তং রূপং নো উপাদা তং অত্থি ওল়ারিকং, অত্থি সুখুমং। যং তং রূপং উপাদা তং অত্থি দূরে, অত্থি সন্তিকে; যং তং রূপং নো উপাদা তং অত্থি দূরে, অত্থি সন্তিকে…পে॰… দিট্ঠং, সুতং, মুতং, ৰিঞ্ঞাতং রূপং। এৰং চতুব্বিধেন রূপক্খন্ধো।
Catubbidhena rūpakkhandho – yaṃ taṃ rūpaṃ upādā taṃ atthi upādinnaṃ, atthi anupādinnaṃ; yaṃ taṃ rūpaṃ no upādā taṃ atthi upādinnaṃ, atthi anupādinnaṃ. Yaṃ taṃ rūpaṃ upādā taṃ atthi upādinnupādāniyaṃ, atthi anupādinnupādāniyaṃ; yaṃ taṃ rūpaṃ no upādā taṃ atthi upādinnupādāniyaṃ, atthi anupādinnupādāniyaṃ. Yaṃ taṃ rūpaṃ upādā taṃ atthi sappaṭighaṃ, atthi appaṭighaṃ; yaṃ taṃ rūpaṃ no upādā taṃ atthi sappaṭighaṃ, atthi appaṭighaṃ . Yaṃ taṃ rūpaṃ upādā taṃ atthi oḷārikaṃ, atthi sukhumaṃ; yaṃ taṃ rūpaṃ no upādā taṃ atthi oḷārikaṃ, atthi sukhumaṃ. Yaṃ taṃ rūpaṃ upādā taṃ atthi dūre, atthi santike; yaṃ taṃ rūpaṃ no upādā taṃ atthi dūre, atthi santike…pe… diṭṭhaṃ, sutaṃ, mutaṃ, viññātaṃ rūpaṃ. Evaṃ catubbidhena rūpakkhandho.
পঞ্চৰিধেন রূপক্খন্ধো – পথৰীধাতু, আপোধাতু, তেজোধাতু, ৰাযোধাতু, যঞ্চ রূপং উপাদা। এৰং পঞ্চৰিধেন রূপক্খন্ধো।
Pañcavidhena rūpakkhandho – pathavīdhātu, āpodhātu, tejodhātu, vāyodhātu, yañca rūpaṃ upādā. Evaṃ pañcavidhena rūpakkhandho.
ছব্বিধেন রূপক্খন্ধো – চক্খুৰিঞ্ঞেয্যং রূপং, সোতৰিঞ্ঞেয্যং রূপং, ঘানৰিঞ্ঞেয্যং রূপং, জিৰ্হাৰিঞ্ঞেয্যং রূপং, কাযৰিঞ্ঞেয্যং রূপং, মনোৰিঞ্ঞেয্যং রূপং। এৰং ছব্বিধেন রূপক্খন্ধো।
Chabbidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ, manoviññeyyaṃ rūpaṃ. Evaṃ chabbidhena rūpakkhandho.
সত্তৰিধেন রূপক্খন্ধো – চক্খুৰিঞ্ঞেয্যং রূপং, সোতৰিঞ্ঞেয্যং রূপং, ঘানৰিঞ্ঞেয্যং রূপং, জিৰ্হাৰিঞ্ঞেয্যং রূপং, কাযৰিঞ্ঞেয্যং রূপং, মনোধাতুৰিঞ্ঞেয্যং রূপং, মনোৰিঞ্ঞাণধাতুৰিঞ্ঞেয্যং রূপং। এৰং সত্তৰিধেন রূপক্খন্ধো ।
Sattavidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ, manodhātuviññeyyaṃ rūpaṃ, manoviññāṇadhātuviññeyyaṃ rūpaṃ. Evaṃ sattavidhena rūpakkhandho .
অট্ঠৰিধেন রূপক্খন্ধো – চক্খুৰিঞ্ঞেয্যং রূপং, সোতৰিঞ্ঞেয্যং রূপং, ঘানৰিঞ্ঞেয্যং রূপং, জিৰ্হাৰিঞ্ঞেয্যং রূপং, কাযৰিঞ্ঞেয্যং রূপং অত্থি সুখসম্ফস্সং, অত্থি দুক্খসম্ফস্সং, মনোধাতুৰিঞ্ঞেয্যং রূপং, মনোৰিঞ্ঞাণধাতুৰিঞ্ঞেয্যং রূপং। এৰং অট্ঠৰিধেন রূপক্খন্ধো।
Aṭṭhavidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ atthi sukhasamphassaṃ, atthi dukkhasamphassaṃ, manodhātuviññeyyaṃ rūpaṃ, manoviññāṇadhātuviññeyyaṃ rūpaṃ. Evaṃ aṭṭhavidhena rūpakkhandho.
নৰৰিধেন রূপক্খন্ধো – চক্খুন্দ্রিযং, সোতিন্দ্রিযং, ঘানিন্দ্রিযং, জিৰ্হিন্দ্রিযং, কাযিন্দ্রিযং, ইত্থিন্দ্রিযং, পুরিসিন্দ্রিযং, জীৰিতিন্দ্রিযং, যঞ্চ রূপং ন ইন্দ্রিযং। এৰং নৰৰিধেন রূপক্খন্ধো।
Navavidhena rūpakkhandho – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, itthindriyaṃ, purisindriyaṃ, jīvitindriyaṃ, yañca rūpaṃ na indriyaṃ. Evaṃ navavidhena rūpakkhandho.
দসৰিধেন রূপক্খন্ধো – চক্খুন্দ্রিযং, সোতিন্দ্রিযং, ঘানিন্দ্রিযং, জিৰ্হিন্দ্রিযং, কাযিন্দ্রিযং, ইত্থিন্দ্রিযং, পুরিসিন্দ্রিযং, জীৰিতিন্দ্রিযং, ন ইন্দ্রিযং রূপং অত্থি সপ্পটিঘং, অত্থি অপ্পটিঘং। এৰং দসৰিধেন রূপক্খন্ধো।
Dasavidhena rūpakkhandho – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, itthindriyaṃ, purisindriyaṃ, jīvitindriyaṃ, na indriyaṃ rūpaṃ atthi sappaṭighaṃ, atthi appaṭighaṃ. Evaṃ dasavidhena rūpakkhandho.
একাদসৰিধেন রূপক্খন্ধো – চক্খাযতনং, সোতাযতনং, ঘানাযতনং, জিৰ্হাযতনং, কাযাযতনং, রূপাযতনং, সদ্দাযতনং, গন্ধাযতনং, রসাযতনং, ফোট্ঠব্বাযতনং, যঞ্চ রূপং অনিদস্সনঅপ্পটিঘং ধম্মাযতনপরিযাপন্নং। এৰং একাদসৰিধেন রূপক্খন্ধো।
Ekādasavidhena rūpakkhandho – cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, phoṭṭhabbāyatanaṃ, yañca rūpaṃ anidassanaappaṭighaṃ dhammāyatanapariyāpannaṃ. Evaṃ ekādasavidhena rūpakkhandho.
অযং ৰুচ্চতি রূপক্খন্ধো।
Ayaṃ vuccati rūpakkhandho.
২. ৰেদনাক্খন্ধো
2. Vedanākkhandho
৩৪. তত্থ কতমো ৰেদনাক্খন্ধো? একৰিধেন ৰেদনাক্খন্ধো – ফস্সসম্পযুত্তো।
34. Tattha katamo vedanākkhandho? Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সহেতুকো, অত্থি অহেতুকো।
Duvidhena vedanākkhandho – atthi sahetuko, atthi ahetuko.
তিৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো।
Tividhena vedanākkhandho – atthi kusalo, atthi akusalo, atthi abyākato.
চতুব্বিধেন ৰেদনাক্খন্ধো – অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো।
Catubbidhena vedanākkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
পঞ্চৰিধেন ৰেদনাক্খন্ধো – অত্থি সুখিন্দ্রিযং, অত্থি দুক্খিন্দ্রিযং, অত্থি সোমনস্সিন্দ্রিযং, অত্থি দোমনস্সিন্দ্রিযং, অত্থি উপেক্খিন্দ্রিযং। এৰং পঞ্চৰিধেন ৰেদনাক্খন্ধো।
Pañcavidhena vedanākkhandho – atthi sukhindriyaṃ, atthi dukkhindriyaṃ, atthi somanassindriyaṃ, atthi domanassindriyaṃ, atthi upekkhindriyaṃ. Evaṃ pañcavidhena vedanākkhandho.
ছব্বিধেন ৰেদনাক্খন্ধো – চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোসম্ফস্সজা ৰেদনা। এৰং ছব্বিধেন ৰেদনাক্খন্ধো।
Chabbidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ chabbidhena vedanākkhandho.
সত্তৰিধেন ৰেদনাক্খন্ধো – চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোধাতুসম্ফস্সজা ৰেদনা, মনোৰিঞ্ঞাণধাতুসম্ফস্সজা ৰেদনা। এৰং সত্তৰিধেন ৰেদনাক্খন্ধো।
Sattavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā. Evaṃ sattavidhena vedanākkhandho.
অট্ঠৰিধেন ৰেদনাক্খন্ধো – চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা অত্থি সুখা, অত্থি দুক্খা, মনোধাতুসম্ফস্সজা ৰেদনা, মনোৰিঞ্ঞাণধাতুসম্ফস্সজা ৰেদনা। এৰং অট্ঠৰিধেন ৰেদনাক্খন্ধো।
Aṭṭhavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā. Evaṃ aṭṭhavidhena vedanākkhandho.
নৰৰিধেন ৰেদনাক্খন্ধো – চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোধাতুসম্ফস্সজা ৰেদনা, মনোৰিঞ্ঞাণধাতুসম্ফস্সজা ৰেদনা অত্থি কুসলা, অত্থি অকুসলা, অত্থি অব্যাকতা। এৰং নৰৰিধেন ৰেদনাক্খন্ধো।
Navavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā. Evaṃ navavidhena vedanākkhandho.
দসৰিধেন ৰেদনাক্খন্ধো – চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা অত্থি সুখা, অত্থি দুক্খা, মনোধাতুসম্ফস্সজা ৰেদনা, মনোৰিঞ্ঞাণধাতুসম্ফস্সজা ৰেদনা অত্থি কুসলা, অত্থি অকুসলা, অত্থি অব্যাকতা। এৰং দসৰিধেন ৰেদনাক্খন্ধো।
Dasavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā. Evaṃ dasavidhena vedanākkhandho.
৩৫. একৰিধেন ৰেদনাক্খন্ধো – ফস্সসম্পযুত্তো।
35. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সহেতুকো, অত্থি অহেতুকো।
Duvidhena vedanākkhandho – atthi sahetuko, atthi ahetuko.
তিৰিধেন ৰেদনাক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো। অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো। অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো। অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো। অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো। অত্থি আচযগামী, অত্থি অপচযগামী, অত্থি নেৰাচযগামিনাপচযগামী। অত্থি সেক্খো, অত্থি অসেক্খো, অত্থি নেৰসেক্খনাসেক্খো। অত্থি পরিত্তো, অত্থি মহগ্গতো, অত্থি অপ্পমাণো। অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো। অত্থি হীনো, অত্থি মজ্ঝিমো, অত্থি পণীতো। অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো। অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি। অত্থি উপ্পন্নো, অত্থি অনুপ্পন্নো, অত্থি উপ্পাদী। অত্থি অতীতো, অত্থি অনাগতো, অত্থি পচ্চুপ্পন্নো। অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো। অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো। অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
৩৬. একৰিধেন ৰেদনাক্খন্ধো – ফস্সসম্পযুত্তো।
36. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো…পে॰… অত্থি ন হেতুসহেতুকো, অত্থি ন হেতুঅহেতুকো। অত্থি লোকিযো, অত্থি লোকুত্তরো। অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো। অত্থি সাসৰো, অত্থি অনাসৰো। অত্থি আসৰসম্পযুত্তো, অত্থি আসৰৰিপ্পযুত্তো। অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো। অত্থি সংযোজনিযো, অত্থি অসংযোজনিযো। অত্থি সংযোজনসম্পযুত্তো, অত্থি সংযোজনৰিপ্পযুত্তো। অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো। অত্থি গন্থনিযো, অত্থি অগন্থনিযো। অত্থি গন্থসম্পযুত্তো, অত্থি গন্থৰিপ্পযুত্তো । অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো। অত্থি ওঘনিযো, অত্থি অনোঘনিযো। অত্থি ওঘসম্পযুত্তো, অত্থি ওঘৰিপ্পযুত্তো। অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো। অত্থি যোগনিযো, অত্থি অযোগনিযো। অত্থি যোগসম্পযুত্তো, অত্থি যোগৰিপ্পযুত্তো। অত্থি যোগৰিপ্পযুত্তযোগনিযো, অত্থি যোগৰিপ্পযুত্তঅযোগনিযো। অত্থি নীৰরণিযো, অত্থি অনীৰরণিযো। অত্থি নীৰরণসম্পযুত্তো, অত্থি নীৰরণৰিপ্পযুত্তো। অত্থি নীৰরণৰিপ্পযুত্তনীৰরণিযো, অত্থি নীৰরণৰিপ্পযুত্তঅনীৰরণিযো। অত্থি পরামট্ঠো, অত্থি অপরামট্ঠো। অত্থি পরামাসসম্পযুত্তো, অত্থি পরামাসৰিপ্পযুত্তো । অত্থি পরামাসৰিপ্পযুত্তপরামট্ঠো, অত্থি পরামাসৰিপ্পযুত্তঅপরামট্ঠো। অত্থি উপাদিন্নো, অত্থি অনুপাদিন্নো। অত্থি উপাদানিযো, অত্থি অনুপাদানিযো। অত্থি উপাদানসম্পযুত্তো, অত্থি উপাদানৰিপ্পযুত্তো। অত্থি উপাদানৰিপ্পযুত্তউপাদানিযো, অত্থি উপাদানৰিপ্পযুত্তঅনুপাদানিযো। অত্থি সংকিলেসিকো, অত্থি অসংকিলেসিকো। অত্থি সংকিলিট্ঠো, অত্থি অসংকিলিট্ঠো। অত্থি কিলেসসম্পযুত্তো, অত্থি কিলেসৰিপ্পযুত্তো। অত্থি কিলেসৰিপ্পযুত্তসংকিলেসিকো, অত্থি কিলেসৰিপ্পযুত্তঅসংকিলেসিকো। অত্থি দস্সনেন পহাতব্বো, অত্থি ন দস্সনেন পহাতব্বো। অত্থি ভাৰনায পহাতব্বো, অত্থি ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ন দস্সনেন পহাতব্বহেতুকো। অত্থি ভাৰনায পহাতব্বহেতুকো, অত্থি ন ভাৰনায পহাতব্বহেতুকো। অত্থি সৰিতক্কো, অত্থি অৰিতক্কো। অত্থি সৰিচারো, অত্থি অৰিচারো। অত্থি সপ্পীতিকো, অত্থি অপ্পীতিকো। অত্থি পীতিসহগতো, অত্থি ন পীতিসহগতো। অত্থি কামাৰচরো, অত্থি ন কামাৰচরো। অত্থি রূপাৰচরো, অত্থি ন রূপাৰচরো। অত্থি অরূপাৰচরো, অত্থি ন অরূপাৰচরো। অত্থি পরিযাপন্নো, অত্থি অপরিযাপন্নো। অত্থি নিয্যানিকো, অত্থি অনিয্যানিকো। অত্থি নিযতো, অত্থি অনিযতো। অত্থি সউত্তরো, অত্থি অনুত্তরো। অত্থি সরণো, অত্থি অরণো।
Duvidhena vedanākkhandho – atthi hetusampayutto, atthi hetuvippayutto…pe… atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo. Atthi ganthaniyo, atthi aganthaniyo. Atthi ganthasampayutto, atthi ganthavippayutto . Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto . Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko. Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
তিৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
৩৭. একৰিধেন ৰেদনাক্খন্ধো – ফস্সসম্পযুত্তো।
37. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সরণো, অত্থি অরণো।
Duvidhena vedanākkhandho – atthi saraṇo, atthi araṇo.
তিৰিধেন ৰেদনাক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো। অত্থি উপাদিন্নুপাদানিযো…পে॰… অত্থি অজ্ঝত্তারম্মণো , অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
দুকমূলকং।
Dukamūlakaṃ.
৩৮. একৰিধেন ৰেদনাক্খন্ধো – ফস্সসম্পযুত্তো।
38. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সহেতুকো, অত্থি অহেতুকো।
Duvidhena vedanākkhandho – atthi sahetuko, atthi ahetuko.
তিৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
৩৯. একৰিধেন ৰেদনাক্খন্ধো – ফস্সসম্পযুত্তো।
39. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো।
Duvidhena vedanākkhandho – atthi hetusampayutto, atthi hetuvippayutto.
তিৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
৪০. একৰিধেন ৰেদনাক্খন্ধো – ফস্সসম্পযুত্তো।
40. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি ন হেতুসহেতুকো, অত্থি ন হেতুঅহেতুকো। অত্থি লোকিযো, অত্থি লোকুত্তরো। অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো। অত্থি সাসৰো, অত্থি অনাসৰো। অত্থি আসৰসম্পযুত্তো, অত্থি আসৰৰিপ্পযুত্তো। অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো…পে॰… অত্থি সরণো, অত্থি অরণো।
Duvidhena vedanākkhandho – atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo…pe… atthi saraṇo, atthi araṇo.
তিৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
৪১. একৰিধেন ৰেদনাক্খন্ধো – ফস্সসম্পযুত্তো।
41. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সহেতুকো, অত্থি অহেতুকো।
Duvidhena vedanākkhandho – atthi sahetuko, atthi ahetuko.
তিৰিধেন ৰেদনাক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো। অত্থি উপাদিন্নুপাদানিযো, অত্থি অনুপাদিন্নুপাদানিযো , অত্থি অনুপাদিন্নঅনুপাদানিযো। অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো। অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো। অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো। অত্থি আচযগামী, অত্থি অপচযগামী, অত্থি নেৰাচযগামিনাপচযগামী। অত্থি সেক্খো, অত্থি অসেক্খো, অত্থি নেৰসেক্খনাসেক্খো। অত্থি পরিত্তো, অত্থি মহগ্গতো, অত্থি অপ্পমাণো। অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো। অত্থি হীনো, অত্থি মজ্ঝিমো, অত্থি পণীতো। অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো। অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি। অত্থি উপ্পন্নো, অত্থি অনুপ্পন্নো, অত্থি উপ্পাদী। অত্থি অতীতো, অত্থি অনাগতো, অত্থি পচ্চুপ্পন্নো। অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো। অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো। অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo , atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
৪২. একৰিধেন ৰেদনাক্খন্ধো – ফস্সসম্পযুত্তো।
42. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো। অত্থি ন হেতুসহেতুকো, অত্থি ন হেতুঅহেতুকো। অত্থি লোকিযো, অত্থি লোকুত্তরো। অত্থি কেনচি ৰিঞ্ঞেয্যো , অত্থি কেনচি ন ৰিঞ্ঞেয্যো। অত্থি সাসৰো, অত্থি অনাসৰো। অত্থি আসৰসম্পযুত্তো, অত্থি আসৰৰিপ্পযুত্তো। অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো। অত্থি সংযোজনিযো, অত্থি অসংযোজনিযো…পে॰… অত্থি সরণো , অত্থি অরণো।
Duvidhena vedanākkhandho – atthi hetusampayutto, atthi hetuvippayutto. Atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo , atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo…pe… atthi saraṇo , atthi araṇo.
তিৰিধেন ৰেদনাক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
তিকমূলকং।
Tikamūlakaṃ.
৪৩. একৰিধেন ৰেদনাক্খন্ধো – ফস্সসম্পযুত্তো।
43. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সহেতুকো, অত্থি অহেতুকো।
Duvidhena vedanākkhandho – atthi sahetuko, atthi ahetuko.
তিৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
৪৪. একৰিধেন ৰেদনাক্খন্ধো – ফস্সসম্পযুত্তো।
44. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো।
Duvidhena vedanākkhandho – atthi hetusampayutto, atthi hetuvippayutto.
তিৰিধেন ৰেদনাক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena vedanākkhandho.
৪৫. একৰিধেন ৰেদনাক্খন্ধো – ফস্সসম্পযুত্তো।
45. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি ন হেতুসহেতুকো, অত্থি ন হেতুঅহেতুকো।
Duvidhena vedanākkhandho – atthi na hetusahetuko, atthi na hetuahetuko.
তিৰিধেন ৰেদনাক্খন্ধো – অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena vedanākkhandho.
৪৬. একৰিধেন ৰেদনাক্খন্ধো – ফস্সসম্পযুত্তো।
46. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি লোকিযো, অত্থি লোকুত্তরো।
Duvidhena vedanākkhandho – atthi lokiyo, atthi lokuttaro.
তিৰিধেন ৰেদনাক্খন্ধো – অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena vedanākkhandho.
৪৭. একৰিধেন ৰেদনাক্খন্ধো – ফস্সসম্পযুত্তো।
47. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি কেনচি ৰিঞ্ঞেয্যো , অত্থি কেনচি ন ৰিঞ্ঞেয্যো।
Duvidhena vedanākkhandho – atthi kenaci viññeyyo , atthi kenaci na viññeyyo.
তিৰিধেন ৰেদনাক্খন্ধো – অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena vedanākkhandho.
৪৮. একৰিধেন ৰেদনাক্খন্ধো – ফস্সসম্পযুত্তো।
48. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সাসৰো, অত্থি অনাসৰো।
Duvidhena vedanākkhandho – atthi sāsavo, atthi anāsavo.
তিৰিধেন ৰেদনাক্খন্ধো – অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena vedanākkhandho.
৪৯. একৰিধেন ৰেদনাক্খন্ধো – ফস্সসম্পযুত্তো।
49. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি আসৰসম্পযুত্তো, অত্থি আসৰৰিপ্পযুত্তো।
Duvidhena vedanākkhandho – atthi āsavasampayutto, atthi āsavavippayutto.
তিৰিধেন ৰেদনাক্খন্ধো – অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena vedanākkhandho.
৫০. একৰিধেন ৰেদনাক্খন্ধো – ফস্সসম্পযুত্তো।
50. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো।
Duvidhena vedanākkhandho – atthi āsavavippayuttasāsavo, atthi āsavavippayuttaanāsavo.
তিৰিধেন ৰেদনাক্খন্ধো – অত্থি আচযগামী, অত্থি অপচযগামী, অত্থি নেৰাচযগামিনাপচযগামী…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena vedanākkhandho.
৫১. একৰিধেন ৰেদনাক্খন্ধো – ফস্সসম্পযুত্তো।
51. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সংযোজনিযো, অত্থি অসংযোজনিযো।
Duvidhena vedanākkhandho – atthi saṃyojaniyo, atthi asaṃyojaniyo.
তিৰিধেন ৰেদনাক্খন্ধো – অত্থি সেক্খো, অত্থি অসেক্খো, অত্থি নেৰসেক্খনাসেক্খো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena vedanākkhandho.
৫২. একৰিধেন ৰেদনাক্খন্ধো – ফস্সসম্পযুত্তো।
52. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সংযোজনসম্পযুত্তো, অত্থি সংযোজনৰিপ্পযুত্তো ।
Duvidhena vedanākkhandho – atthi saṃyojanasampayutto, atthi saṃyojanavippayutto .
তিৰিধেন ৰেদনাক্খন্ধো – অত্থি পরিত্তো, অত্থি মহগ্গতো, অত্থি অপ্পমাণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi paritto, atthi mahaggato, atthi appamāṇo…pe…. Evaṃ dasavidhena vedanākkhandho.
৫৩. একৰিধেন ৰেদনাক্খন্ধো – ফস্সসম্পযুত্তো।
53. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো।
Duvidhena vedanākkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
তিৰিধেন ৰেদনাক্খন্ধো – অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena vedanākkhandho.
৫৪. একৰিধেন ৰেদনাক্খন্ধো – ফস্সসম্পযুত্তো।
54. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি গন্থনিযো, অত্থি অগন্থনিযো।
Duvidhena vedanākkhandho – atthi ganthaniyo, atthi aganthaniyo.
তিৰিধেন ৰেদনাক্খন্ধো – অত্থি হীনো, অত্থি মজ্ঝিমো, অত্থি পণীতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi hīno, atthi majjhimo, atthi paṇīto…pe…. Evaṃ dasavidhena vedanākkhandho.
৫৫. একৰিধেন ৰেদনাক্খন্ধো – ফস্সসম্পযুত্তো।
55. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি গন্থসম্পযুত্তো, অত্থি গন্থৰিপ্পযুত্তো।
Duvidhena vedanākkhandho – atthi ganthasampayutto, atthi ganthavippayutto.
তিৰিধেন ৰেদনাক্খন্ধো – অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena vedanākkhandho.
৫৬. একৰিধেন ৰেদনাক্খন্ধো – ফস্সসম্পযুত্তো।
56. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো।
Duvidhena vedanākkhandho – atthi ganthavippayuttaganthaniyo, atthi ganthavippayuttaaganthaniyo.
তিৰিধেন ৰেদনাক্খন্ধো – অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena vedanākkhandho.
৫৭. একৰিধেন ৰেদনাক্খন্ধো – ফস্সসম্পযুত্তো।
57. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি ওঘনিযো, অত্থি অনোঘনিযো।
Duvidhena vedanākkhandho – atthi oghaniyo, atthi anoghaniyo.
তিৰিধেন ৰেদনাক্খন্ধো – অত্থি উপ্পন্নো, অত্থি অনুপ্পন্নো, অত্থি উপ্পাদী…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi uppanno, atthi anuppanno, atthi uppādī…pe…. Evaṃ dasavidhena vedanākkhandho.
৫৮. একৰিধেন ৰেদনাক্খন্ধো – ফস্সসম্পযুত্তো।
58. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি ওঘসম্পযুত্তো, অত্থি ওঘৰিপ্পযুত্তো।
Duvidhena vedanākkhandho – atthi oghasampayutto, atthi oghavippayutto.
তিৰিধেন ৰেদনাক্খন্ধো – অত্থি অতীতো, অত্থি অনাগতো, অত্থি পচ্চুপ্পন্নো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi atīto, atthi anāgato, atthi paccuppanno…pe…. Evaṃ dasavidhena vedanākkhandho.
৫৯. একৰিধেন ৰেদনাক্খন্ধো – ফস্সসম্পযুত্তো।
59. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো।
Duvidhena vedanākkhandho – atthi oghavippayuttaoghaniyo, atthi oghavippayuttaanoghaniyo.
তিৰিধেন ৰেদনাক্খন্ধো – অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena vedanākkhandho.
৬০. একৰিধেন ৰেদনাক্খন্ধো – ফস্সসম্পযুত্তো।
60. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি যোগনিযো, অত্থি অযোগনিযো।
Duvidhena vedanākkhandho – atthi yoganiyo, atthi ayoganiyo.
তিৰিধেন ৰেদনাক্খন্ধো – অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena vedanākkhandho.
৬১. একৰিধেন ৰেদনাক্খন্ধো – ফস্সসম্পযুত্তো।
61. Ekavidhena vedanākkhandho – phassasampayutto.
দুৰিধেন ৰেদনাক্খন্ধো – অত্থি যোগসম্পযুত্তো, অত্থি যোগৰিপ্পযুত্তো।
Duvidhena vedanākkhandho – atthi yogasampayutto, atthi yogavippayutto.
তিৰিধেন ৰেদনাক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰেদনাক্খন্ধো।
Tividhena vedanākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
উভতোৰড্ঢকং।
Ubhatovaḍḍhakaṃ.
সত্তৰিধেন ৰেদনাক্খন্ধো – অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন ৰেদনাক্খন্ধো।
Sattavidhena vedanākkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena vedanākkhandho.
অপরোপি সত্তৰিধেন ৰেদনাক্খন্ধো – অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো , অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন ৰেদনাক্খন্ধো।
Aparopi sattavidhena vedanākkhandho – atthi vipāko…pe… atthi ajjhattārammaṇo, atthi bahiddhārammaṇo , atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena vedanākkhandho.
চতুৰীসতিৰিধেন ৰেদনাক্খন্ধো – চক্খুসম্ফস্সপচ্চযা ৰেদনাক্খন্ধো অত্থি কুসলো, অত্থি অকুসলো, অত্থি অব্যাকতো; সোতসম্ফস্সপচ্চযা ৰেদনাক্খন্ধো…পে॰… ঘানসম্ফস্সপচ্চযা ৰেদনাক্খন্ধো…পে॰… জিৰ্হাসম্ফস্সপচ্চযা ৰেদনাক্খন্ধো…পে॰… কাযসম্ফস্সপচ্চযা ৰেদনাক্খন্ধো…পে॰… মনোসম্ফস্সপচ্চযা ৰেদনাক্খন্ধো অত্থি কুসলো, অত্থি অকুসলো, অত্থি অব্যাকতো; চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোসম্ফস্সজা ৰেদনা। এৰং চতুৰীসতিৰিধেন ৰেদনাক্খন্ধো।
Catuvīsatividhena vedanākkhandho – cakkhusamphassapaccayā vedanākkhandho atthi kusalo, atthi akusalo, atthi abyākato; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi kusalo, atthi akusalo, atthi abyākato; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ catuvīsatividhena vedanākkhandho.
অপরোপি চতুৰীসতিৰিধেন ৰেদনাক্খন্ধো – চক্খুসম্ফস্সপচ্চযা ৰেদনাক্খন্ধো অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, চক্খুসম্ফস্সজা ৰেদনা…পে॰… মনোসম্ফস্সজা ৰেদনা; সোতসম্ফস্সপচ্চযা ৰেদনাক্খন্ধো…পে॰… ঘানসম্ফস্সপচ্চযা ৰেদনাক্খন্ধো…পে॰… জিৰ্হাসম্ফস্সপচ্চযা ৰেদনাক্খন্ধো…পে॰… কাযসম্ফস্সপচ্চযা ৰেদনাক্খন্ধো…পে॰… মনোসম্ফস্সপচ্চযা ৰেদনাক্খন্ধো অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, চক্খুসম্ফস্সজা ৰেদনা…পে॰… মনোসম্ফস্সজা ৰেদনা। এৰং চতুৰীসতিৰিধেন ৰেদনাক্খন্ধো।
Aparopi catuvīsatividhena vedanākkhandho – cakkhusamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā…pe… manosamphassajā vedanā; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā…pe… manosamphassajā vedanā. Evaṃ catuvīsatividhena vedanākkhandho.
তিংসৰিধেন ৰেদনাক্খন্ধো – চক্খুসম্ফস্সপচ্চযা ৰেদনাক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰেদনাক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোসম্ফস্সজা ৰেদনা। এৰং তিংসৰিধেন ৰেদনাক্খন্ধো।
Tiṃsavidhena vedanākkhandho – cakkhusamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ tiṃsavidhena vedanākkhandho.
বহুৰিধেন ৰেদনাক্খন্ধো – চক্খুসম্ফস্সপচ্চযা ৰেদনাক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰেদনাক্খন্ধো অত্থি কুসলো , অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোসম্ফস্সজা ৰেদনা। এৰং বহুৰিধেন ৰেদনাক্খন্ধো।
Bahuvidhena vedanākkhandho – cakkhusamphassapaccayā vedanākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā vedanākkhandho atthi kusalo , atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ bahuvidhena vedanākkhandho.
অপরোপি বহুৰিধেন ৰেদনাক্খন্ধো – চক্খুসম্ফস্সপচ্চযা ৰেদনাক্খন্ধো অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো , অত্থি অপরিযাপন্নো; সোতসম্ফস্সপচ্চযা ৰেদনাক্খন্ধো…পে॰… ঘানসম্ফস্সপচ্চযা ৰেদনাক্খন্ধো…পে॰… জিৰ্হাসম্ফস্সপচ্চযা ৰেদনাক্খন্ধো…পে॰… কাযসম্ফস্সপচ্চযা ৰেদনাক্খন্ধো…পে॰… মনোসম্ফস্সপচ্চযা ৰেদনাক্খন্ধো অত্থি ৰিপাকো…পে॰… অত্থি অজ্ঝত্তারম্মণো , অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো , অত্থি অপরিযাপন্নো; চক্খুসম্ফস্সজা ৰেদনা, সোতসম্ফস্সজা ৰেদনা, ঘানসম্ফস্সজা ৰেদনা, জিৰ্হাসম্ফস্সজা ৰেদনা, কাযসম্ফস্সজা ৰেদনা, মনোসম্ফস্সজা ৰেদনা। এৰং বহুৰিধেন ৰেদনাক্খন্ধো।
Aparopi bahuvidhena vedanākkhandho – cakkhusamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro , atthi apariyāpanno; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi vipāko…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro , atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ bahuvidhena vedanākkhandho.
অযং ৰুচ্চতি ৰেদনাক্খন্ধো।
Ayaṃ vuccati vedanākkhandho.
৩. সঞ্ঞাক্খন্ধো
3. Saññākkhandho
৬২. তত্থ কতমো সঞ্ঞাক্খন্ধো? একৰিধেন সঞ্ঞাক্খন্ধো – ফস্সসম্পযুত্তো।
62. Tattha katamo saññākkhandho? Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সহেতুকো, অত্থি অহেতুকো।
Duvidhena saññākkhandho – atthi sahetuko, atthi ahetuko.
তিৰিধেন সঞ্ঞাক্খন্ধো – অত্থি কুসলো, অত্থি অকুসলো, অত্থি অব্যাকতো।
Tividhena saññākkhandho – atthi kusalo, atthi akusalo, atthi abyākato.
চতুব্বিধেন সঞ্ঞাক্খন্ধো – অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো।
Catubbidhena saññākkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
পঞ্চৰিধেন সঞ্ঞাক্খন্ধো – অত্থি সুখিন্দ্রিযসম্পযুত্তো, অত্থি দুক্খিন্দ্রিযসম্পযুত্তো, অত্থি সোমনস্সিন্দ্রিযসম্পযুত্তো, অত্থি দোমনস্সিন্দ্রিযসম্পযুত্তো, অত্থি উপেক্খিন্দ্রিযসম্পযুত্তো। এৰং পঞ্চৰিধেন সঞ্ঞাক্খন্ধো।
Pañcavidhena saññākkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena saññākkhandho.
ছব্বিধেন সঞ্ঞাক্খন্ধো – চক্খুসম্ফস্সজা সঞ্ঞা, সোতসম্ফস্সজা সঞ্ঞা, ঘানসম্ফস্সজা সঞ্ঞা, জিৰ্হাসম্ফস্সজা সঞ্ঞা, কাযসম্ফস্সজা সঞ্ঞা, মনোসম্ফস্সজা সঞ্ঞা। এৰং ছব্বিধেন সঞ্ঞাক্খন্ধো।
Chabbidhena saññākkhandho – cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ chabbidhena saññākkhandho.
সত্তৰিধেন সঞ্ঞাক্খন্ধো – চক্খুসম্ফস্সজা সঞ্ঞা, সোতসম্ফস্সজা সঞ্ঞা, ঘানসম্ফস্সজা সঞ্ঞা, জিৰ্হাসম্ফস্সজা সঞ্ঞা, কাযসম্ফস্সজা সঞ্ঞা, মনোধাতুসম্ফস্সজা সঞ্ঞা, মনোৰিঞ্ঞাণধাতুসম্ফস্সজা সঞ্ঞা। এৰং সত্তৰিধেন সঞ্ঞাক্খন্ধো।
Sattavidhena saññākkhandho – cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā. Evaṃ sattavidhena saññākkhandho.
অট্ঠৰিধেন সঞ্ঞাক্খন্ধো – চক্খুসম্ফস্সজা সঞ্ঞা…পে॰… কাযসম্ফস্সজা সঞ্ঞা অত্থি সুখসহগতা, অত্থি দুক্খসহগতা, মনোধাতুসম্ফস্সজা সঞ্ঞা, মনোৰিঞ্ঞাণধাতুসম্ফস্সজা সঞ্ঞা। এৰং অট্ঠৰিধেন সঞ্ঞাক্খন্ধো।
Aṭṭhavidhena saññākkhandho – cakkhusamphassajā saññā…pe… kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā. Evaṃ aṭṭhavidhena saññākkhandho.
নৰৰিধেন সঞ্ঞাক্খন্ধো – চক্খুসম্ফস্সজা সঞ্ঞা…পে॰… কাযসম্ফস্সজা সঞ্ঞা, মনোধাতুসম্ফস্সজা সঞ্ঞা, মনোৰিঞ্ঞাণধাতুসম্ফস্সজা সঞ্ঞা অত্থি কুসলা, অত্থি অকুসলা, অত্থি অব্যাকতা। এৰং নৰৰিধেন সঞ্ঞাক্খন্ধো।
Navavidhena saññākkhandho – cakkhusamphassajā saññā…pe… kāyasamphassajā saññā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā. Evaṃ navavidhena saññākkhandho.
দসৰিধেন সঞ্ঞাক্খন্ধো – চক্খুসম্ফস্সজা সঞ্ঞা…পে॰… কাযসম্ফস্সজা সঞ্ঞা অত্থি সুখসহগতা, অত্থি দুক্খসহগতা, মনোধাতুসম্ফস্সজা সঞ্ঞা, মনোৰিঞ্ঞাণধাতুসম্ফস্সজা সঞ্ঞা অত্থি কুসলা, অত্থি অকুসলা, অত্থি অব্যাকতা। এৰং দসৰিধেন সঞ্ঞাক্খন্ধো।
Dasavidhena saññākkhandho – cakkhusamphassajā saññā…pe… kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā. Evaṃ dasavidhena saññākkhandho.
৬৩. একৰিধেন সঞ্ঞাক্খন্ধো – ফস্সসম্পযুত্তো।
63. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সহেতুকো, অত্থি অহেতুকো।
Duvidhena saññākkhandho – atthi sahetuko, atthi ahetuko.
তিৰিধেন সঞ্ঞাক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saññākkhandho.
৬৪. একৰিধেন সঞ্ঞাক্খন্ধো – ফস্সসম্পযুত্তো।
64. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সহেতুকো, অত্থি অহেতুকো।
Duvidhena saññākkhandho – atthi sahetuko, atthi ahetuko.
তিৰিধেন সঞ্ঞাক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো। অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো। অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো। অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো। অত্থি পীতিসহগতো, অত্থি সুখসহগতো, অত্থি উপেক্খাসহগতো। অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো। অত্থি আচযগামী, অত্থি অপচযগামী, অত্থি নেৰাচযগামিনাপচযগামী। অত্থি সেক্খো, অত্থি অসেক্খো, অত্থি নেৰসেক্খনাসেক্খো। অত্থি পরিত্তো, অত্থি মহগ্গতো, অত্থি অপ্পমাণো। অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো। অত্থি হীনো, অত্থি মজ্ঝিমো, অত্থি পণীতো। অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো। অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি। অত্থি উপ্পন্নো, অত্থি অনুপ্পন্নো, অত্থি উপ্পাদী। অত্থি অতীতো, অত্থি অনাগতো, অত্থি পচ্চুপ্পন্নো। অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো। অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো। অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰… এৰং দসৰিধেন সঞ্ঞাক্খন্ধো।
Tividhena saññākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe… evaṃ dasavidhena saññākkhandho.
৬৫. একৰিধেন সঞ্ঞাক্খন্ধো – ফস্সসম্পযুত্তো।
65. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো। অত্থি ন হেতুসহেতুকো, অত্থি ন হেতুঅহেতুকো। অত্থি লোকিযো, অত্থি লোকুত্তরো । অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো। অত্থি সাসৰো, অত্থি অনাসৰো। অত্থি আসৰসম্পযুত্তো, অত্থি আসৰৰিপ্পযুত্তো। অত্থি আসৰৰিপ্পযুত্তসাসৰো , অত্থি আসৰৰিপ্পযুত্তঅনাসৰো। অত্থি সংযোজনিযো, অত্থি অসংযোজনিযো। অত্থি সংযোজনসম্পযুত্তো, অত্থি সংযোজনৰিপ্পযুত্তো। অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো। অত্থি গন্থনিযো, অত্থি অগন্থনিযো। অত্থি গন্থসম্পযুত্তো, অত্থি গন্থৰিপ্পযুত্তো। অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো। অত্থি ওঘনিযো , অত্থি অনোঘনিযো। অত্থি ওঘসম্পযুত্তো, অত্থি ওঘৰিপ্পযুত্তো। অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো। অত্থি যোগনিযো, অত্থি অযোগনিযো। অত্থি যোগসম্পযুত্তো, অত্থি যোগৰিপ্পযুত্তো। অত্থি যোগৰিপ্পযুত্তযোগনিযো, অত্থি যোগৰিপ্পযুত্তঅযোগনিযো। অত্থি নীৰরণিযো, অত্থি অনীৰরণিযো। অত্থি নীৰরণসম্পযুত্তো, অত্থি নীৰরণৰিপ্পযুত্তো। অত্থি নীৰরণৰিপ্পযুত্তনীৰরণিযো, অত্থি নীৰরণৰিপ্পযুত্তঅনীৰরণিযো। অত্থি পরামট্ঠো, অত্থি অপরামট্ঠো। অত্থি পরামাসসম্পযুত্তো, অত্থি পরামাসৰিপ্পযুত্তো। অত্থি পরামাসৰিপ্পযুত্তপরামট্ঠো, অত্থি পরামাসৰিপ্পযুত্তঅপরামট্ঠো। অত্থি উপাদিন্নো, অত্থি অনুপাদিন্নো। অত্থি উপাদানিযো, অত্থি অনুপাদানিযো। অত্থি উপাদানসম্পযুত্তো, অত্থি উপাদানৰিপ্পযুত্তো। অত্থি উপাদানৰিপ্পযুত্তউপাদানিযো, অত্থি উপাদানৰিপ্পযুত্তঅনুপাদানিযো। অত্থি সংকিলেসিকো , অত্থি অসংকিলেসিকো। অত্থি সংকিলিট্ঠো, অত্থি অসংকিলিট্ঠো। অত্থি কিলেসসম্পযুত্তো, অত্থি কিলেসৰিপ্পযুত্তো। অত্থি কিলেসৰিপ্পযুত্তসংকিলেসিকো, অত্থি কিলেসৰিপ্পযুত্তঅসংকিলেসিকো। অত্থি দস্সনেন পহাতব্বো, অত্থি ন দস্সনেন পহাতব্বো। অত্থি ভাৰনায পহাতব্বো, অত্থি ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ন দস্সনেন পহাতব্বহেতুকো। অত্থি ভাৰনায পহাতব্বহেতুকো, অত্থি ন ভাৰনায পহাতব্বহেতুকো। অত্থি সৰিতক্কো, অত্থি অৰিতক্কো। অত্থি সৰিচারো, অত্থি অৰিচারো। অত্থি সপ্পীতিকো, অত্থি অপ্পীতিকো। অত্থি পীতিসহগতো, অত্থি ন পীতিসহগতো। অত্থি সুখসহগতো, অত্থি ন সুখসহগতো। অত্থি উপেক্খাসহগতো, অত্থি ন উপেক্খাসহগতো। অত্থি কামাৰচরো, অত্থি ন কামাৰচরো। অত্থি রূপাৰচরো, অত্থি ন রূপাৰচরো। অত্থি অরূপাৰচরো, অত্থি ন অরূপাৰচরো। অত্থি পরিযাপন্নো , অত্থি অপরিযাপন্নো। অত্থি নিয্যানিকো, অত্থি অনিয্যানিকো। অত্থি নিযতো, অত্থি অনিযতো। অত্থি সউত্তরো, অত্থি অনুত্তরো। অত্থি সরণো, অত্থি অরণো।
Duvidhena saññākkhandho – atthi hetusampayutto, atthi hetuvippayutto. Atthi na hetusahetuko, atthi na hetuahetuko. Atthi lokiyo, atthi lokuttaro . Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo , atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo. Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo , atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko , atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko. Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno , atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
তিৰিধেন সঞ্ঞাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
৬৬. একৰিধেন সঞ্ঞাক্খন্ধো – ফস্সসম্পযুত্তো।
66. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সরণো, অত্থি অরণো।
Duvidhena saññākkhandho – atthi saraṇo, atthi araṇo.
তিৰিধেন সঞ্ঞাক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো। অত্থি ৰিপাকো…পে॰… অত্থি অজ্ঝত্তারম্মণো , অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
(যথা কুসলত্তিকে ৰিত্থারো, এৰং সব্বেপি তিকা ৰিত্থারেতব্বা।)
(Yathā kusalattike vitthāro, evaṃ sabbepi tikā vitthāretabbā.)
দুকমূলকং।
Dukamūlakaṃ.
৬৭. একৰিধেন সঞ্ঞাক্খন্ধো – ফস্সসম্পযুত্তো।
67. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সহেতুকো, অত্থি অহেতুকো।
Duvidhena saññākkhandho – atthi sahetuko, atthi ahetuko.
তিৰিধেন সঞ্ঞাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
৬৮. একৰিধেন সঞ্ঞাক্খন্ধো – ফস্সসম্পযুত্তো।
68. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো…পে॰… অত্থি সরণো, অত্থি অরণো।
Duvidhena saññākkhandho – atthi hetusampayutto, atthi hetuvippayutto…pe… atthi saraṇo, atthi araṇo.
তিৰিধেন সঞ্ঞাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
৬৯. একৰিধেন সঞ্ঞাক্খন্ধো – ফস্সসম্পযুত্তো।
69. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সহেতুকো, অত্থি অহেতুকো।
Duvidhena saññākkhandho – atthi sahetuko, atthi ahetuko.
তিৰিধেন সঞ্ঞাক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো । অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto . Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
৭০. একৰিধেন সঞ্ঞাক্খন্ধো – ফস্সসম্পযুত্তো।
70. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো…পে॰… অত্থি সরণো, অত্থি অরণো।
Duvidhena saññākkhandho – atthi hetusampayutto, atthi hetuvippayutto…pe… atthi saraṇo, atthi araṇo.
তিৰিধেন সঞ্ঞাক্খন্ধো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
তিকমূলকং।
Tikamūlakaṃ.
৭১. একৰিধেন সঞ্ঞাক্খন্ধো – ফস্সসম্পযুত্তো।
71. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সহেতুকো, অত্থি অহেতুকো।
Duvidhena saññākkhandho – atthi sahetuko, atthi ahetuko.
তিৰিধেন সঞ্ঞাক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
৭২. একৰিধেন সঞ্ঞাক্খন্ধো – ফস্সসম্পযুত্তো।
72. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো।
Duvidhena saññākkhandho – atthi hetusampayutto, atthi hetuvippayutto.
তিৰিধেন সঞ্ঞাক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saññākkhandho.
৭৩. একৰিধেন সঞ্ঞাক্খন্ধো – ফস্সসম্পযুত্তো।
73. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি ন হেতু সহেতুকো, অত্থি ন হেতু অহেতুকো।
Duvidhena saññākkhandho – atthi na hetu sahetuko, atthi na hetu ahetuko.
তিৰিধেন সঞ্ঞাক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena saññākkhandho.
৭৪. একৰিধেন সঞ্ঞাক্খন্ধো – ফস্সসম্পযুত্তো।
74. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি লোকিযো, অত্থি লোকুত্তরো।
Duvidhena saññākkhandho – atthi lokiyo, atthi lokuttaro.
তিৰিধেন সঞ্ঞাক্খন্ধো – অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena saññākkhandho.
৭৫. একৰিধেন সঞ্ঞাক্খন্ধো – ফস্সসম্পযুত্তো।
75. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো।
Duvidhena saññākkhandho – atthi kenaci viññeyyo, atthi kenaci na viññeyyo.
তিৰিধেন সঞ্ঞাক্খন্ধো – অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena saññākkhandho.
৭৬. একৰিধেন সঞ্ঞাক্খন্ধো – ফস্সসম্পযুত্তো।
76. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সাসৰো, অত্থি অনাসৰো।
Duvidhena saññākkhandho – atthi sāsavo, atthi anāsavo.
তিৰিধেন সঞ্ঞাক্খন্ধো – অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena saññākkhandho.
৭৭. একৰিধেন সঞ্ঞাক্খন্ধো – ফস্সসম্পযুত্তো।
77. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি আসৰসম্পযুত্তো, অত্থি আসৰৰিপ্পযুত্তো।
Duvidhena saññākkhandho – atthi āsavasampayutto, atthi āsavavippayutto.
তিৰিধেন সঞ্ঞাক্খন্ধো – অত্থি পীতিসহগতো, অত্থি সুখসহগতো, অত্থি উপেক্খাসহগতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena saññākkhandho.
৭৮. একৰিধেন সঞ্ঞাক্খন্ধো – ফস্সসম্পযুত্তো।
78. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো।
Duvidhena saññākkhandho – atthi āsavavippayuttasāsavo, atthi āsavavippayuttaanāsavo.
তিৰিধেন সঞ্ঞাক্খন্ধো – অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena saññākkhandho.
৭৯. একৰিধেন সঞ্ঞাক্খন্ধো – ফস্সসম্পযুত্তো।
79. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সংযোজনিযো, অত্থি অসংযোজনিযো।
Duvidhena saññākkhandho – atthi saṃyojaniyo, atthi asaṃyojaniyo.
তিৰিধেন সঞ্ঞাক্খন্ধো – অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena saññākkhandho.
৮০. একৰিধেন সঞ্ঞাক্খন্ধো – ফস্সসম্পযুত্তো।
80. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সংযোজনসম্পযুত্তো, অত্থি সংযোজনৰিপ্পযুত্তো ।
Duvidhena saññākkhandho – atthi saṃyojanasampayutto, atthi saṃyojanavippayutto .
তিৰিধেন সঞ্ঞাক্খন্ধো – অত্থি আচযগামী, অত্থি অপচযগামী, অত্থি নেৰাচযগামিনাপচযগামী…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena saññākkhandho.
৮১. একৰিধেন সঞ্ঞাক্খন্ধো – ফস্সসম্পযুত্তো।
81. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো।
Duvidhena saññākkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
তিৰিধেন সঞ্ঞাক্খন্ধো – অত্থি সেক্খো, অত্থি অসেক্খো, অত্থি নেৰসেক্খনাসেক্খো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena saññākkhandho.
৮২. একৰিধেন সঞ্ঞাক্খন্ধো – ফস্সসম্পযুত্তো।
82. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি গন্থনিযো, অত্থি অগন্থনিযো।
Duvidhena saññākkhandho – atthi ganthaniyo, atthi aganthaniyo.
তিৰিধেন সঞ্ঞাক্খন্ধো – অত্থি পরিত্তো, অত্থি মহগ্গতো, অত্থি অপ্পমাণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi paritto, atthi mahaggato, atthi appamāṇo…pe…. Evaṃ dasavidhena saññākkhandho.
৮৩. একৰিধেন সঞ্ঞাক্খন্ধো – ফস্সসম্পযুত্তো।
83. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি গন্থসম্পযুত্তো, অত্থি গন্থৰিপ্পযুত্তো।
Duvidhena saññākkhandho – atthi ganthasampayutto, atthi ganthavippayutto.
তিৰিধেন সঞ্ঞাক্খন্ধো – অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena saññākkhandho.
৮৪. একৰিধেন সঞ্ঞাক্খন্ধো – ফস্সসম্পযুত্তো।
84. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো।
Duvidhena saññākkhandho – atthi ganthavippayuttaganthaniyo, atthi ganthavippayuttaaganthaniyo.
তিৰিধেন সঞ্ঞাক্খন্ধো – অত্থি হীনো, অত্থি মজ্ঝিমো, অত্থি পণীতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi hīno, atthi majjhimo, atthi paṇīto…pe…. Evaṃ dasavidhena saññākkhandho.
৮৫. একৰিধেন সঞ্ঞাক্খন্ধো – ফস্সসম্পযুত্তো।
85. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি ওঘনিযো, অত্থি অনোঘনিযো।
Duvidhena saññākkhandho – atthi oghaniyo, atthi anoghaniyo.
তিৰিধেন সঞ্ঞাক্খন্ধো – অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena saññākkhandho.
৮৬. একৰিধেন সঞ্ঞাক্খন্ধো – ফস্সসম্পযুত্তো।
86. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি ওঘসম্পযুত্তো, অত্থি ওঘৰিপ্পযুত্তো।
Duvidhena saññākkhandho – atthi oghasampayutto, atthi oghavippayutto.
তিৰিধেন সঞ্ঞাক্খন্ধো – অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena saññākkhandho.
৮৭. একৰিধেন সঞ্ঞাক্খন্ধো – ফস্সসম্পযুত্তো।
87. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো।
Duvidhena saññākkhandho – atthi oghavippayuttaoghaniyo, atthi oghavippayuttaanoghaniyo.
তিৰিধেন সঞ্ঞাক্খন্ধো – অত্থি উপ্পন্নো, অত্থি অনুপ্পন্নো, অত্থি উপ্পাদী…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi uppanno, atthi anuppanno, atthi uppādī…pe…. Evaṃ dasavidhena saññākkhandho.
৮৮. একৰিধেন সঞ্ঞাক্খন্ধো – ফস্সসম্পযুত্তো।
88. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি যোগনিযো, অত্থি অযোগনিযো।
Duvidhena saññākkhandho – atthi yoganiyo, atthi ayoganiyo.
তিৰিধেন সঞ্ঞাক্খন্ধো – অত্থি অতীতো, অত্থি অনাগতো, অত্থি পচ্চুপ্পন্নো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi atīto, atthi anāgato, atthi paccuppanno…pe…. Evaṃ dasavidhena saññākkhandho.
৮৯. একৰিধেন সঞ্ঞাক্খন্ধো – ফস্সসম্পযুত্তো।
89. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি যোগসম্পযুত্তো, অত্থি যোগৰিপ্পযুত্তো।
Duvidhena saññākkhandho – atthi yogasampayutto, atthi yogavippayutto.
তিৰিধেন সঞ্ঞাক্খন্ধো – অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena saññākkhandho.
৯০. একৰিধেন সঞ্ঞাক্খন্ধো – ফস্সসম্পযুত্তো।
90. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি যোগৰিপ্পযুত্তযোগনিযো, অত্থি যোগৰিপ্পযুত্তঅযোগনিযো।
Duvidhena saññākkhandho – atthi yogavippayuttayoganiyo, atthi yogavippayuttaayoganiyo.
তিৰিধেন সঞ্ঞাক্খন্ধো – অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena saññākkhandho.
৯১. একৰিধেন সঞ্ঞাক্খন্ধো – ফস্সসম্পযুত্তো।
91. Ekavidhena saññākkhandho – phassasampayutto.
দুৰিধেন সঞ্ঞাক্খন্ধো – অত্থি নীৰরণিযো, অত্থি অনীৰরণিযো।
Duvidhena saññākkhandho – atthi nīvaraṇiyo, atthi anīvaraṇiyo.
তিৰিধেন সঞ্ঞাক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঞ্ঞাক্খন্ধো।
Tividhena saññākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
উভতোৰড্ঢকং।
Ubhatovaḍḍhakaṃ.
সত্তৰিধেন সঞ্ঞাক্খন্ধো – অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন সঞ্ঞাক্খন্ধো।
Sattavidhena saññākkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saññākkhandho.
অপরোপি সত্তৰিধেন সঞ্ঞাক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন সঞ্ঞাক্খন্ধো।
Aparopi sattavidhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saññākkhandho.
চতুৰীসতিৰিধেন সঞ্ঞাক্খন্ধো – চক্খুসম্ফস্সপচ্চযা সঞ্ঞাক্খন্ধো অত্থি কুসলো, অত্থি অকুসলো, অত্থি অব্যাকতো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঞ্ঞাক্খন্ধো অত্থি কুসলো, অত্থি অকুসলো, অত্থি অব্যাকতো; চক্খুসম্ফস্সজা সঞ্ঞা, সোতসম্ফস্সজা সঞ্ঞা, ঘানসম্ফস্সজা সঞ্ঞা, জিৰ্হাসম্ফস্সজা সঞ্ঞা, কাযসম্ফস্সজা সঞ্ঞা, মনোসম্ফস্সজা সঞ্ঞা। এৰং চতুৰীসতিৰিধেন সঞ্ঞাক্খন্ধো।
Catuvīsatividhena saññākkhandho – cakkhusamphassapaccayā saññākkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kusalo, atthi akusalo, atthi abyākato; cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ catuvīsatividhena saññākkhandho.
অপরোপি চতুৰীসতিৰিধেন সঞ্ঞাক্খন্ধো – চক্খুসম্ফস্সপচ্চযা সঞ্ঞাক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, চক্খুসম্ফস্সজা সঞ্ঞা…পে॰… মনোসম্ফস্সজা সঞ্ঞা। সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঞ্ঞাক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো; চক্খুসম্ফস্সজা সঞ্ঞা…পে॰… মনোসম্ফস্সজা সঞ্ঞা। এৰং চতুৰীসতিৰিধেন সঞ্ঞাক্খন্ধো।
Aparopi catuvīsatividhena saññākkhandho – cakkhusamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā saññā…pe… manosamphassajā saññā. Sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā saññā…pe… manosamphassajā saññā. Evaṃ catuvīsatividhena saññākkhandho.
তিংসতিৰিধেন সঞ্ঞাক্খন্ধো – চক্খুসম্ফস্সপচ্চযা সঞ্ঞাক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, সোতসম্ফস্সপচ্চযা…পে॰… ঘানসম্ফস্সপচ্চযা …পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঞ্ঞাক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, চক্খুসম্ফস্সজা সঞ্ঞা…পে॰… মনোসম্ফস্সজা সঞ্ঞা। এৰং তিংসতিৰিধেন সঞ্ঞাক্খন্ধো।
Tiṃsatividhena saññākkhandho – cakkhusamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā…pe… ghānasamphassapaccayā …pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā…pe… manosamphassajā saññā. Evaṃ tiṃsatividhena saññākkhandho.
বহুৰিধেন সঞ্ঞাক্খন্ধো – চক্খুসম্ফস্সপচ্চযা সঞ্ঞাক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, সোতসম্ফস্সপচ্চযা …পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঞ্ঞাক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো , অত্থি রূপাৰচরো, অত্থি অরূপাৰচরো, অত্থি অপরিযাপন্নো, চক্খুসম্ফস্সজা সঞ্ঞা…পে॰… মনোসম্ফস্সজা সঞ্ঞা। এৰং বহুৰিধেন সঞ্ঞাক্খন্ধো।
Bahuvidhena saññākkhandho – cakkhusamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā …pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro , atthi rūpāvacaro, atthi arūpāvacaro, atthi apariyāpanno, cakkhusamphassajā saññā…pe… manosamphassajā saññā. Evaṃ bahuvidhena saññākkhandho.
অপরোপি বহুৰিধেন সঞ্ঞাক্খন্ধো – চক্খুসম্ফস্সপচ্চযা সঞ্ঞাক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঞ্ঞাক্খন্ধো অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, চক্খুসম্ফস্সজা সঞ্ঞা, সোতসম্ফস্সজা সঞ্ঞা, ঘানসম্ফস্সজা সঞ্ঞা, জিৰ্হাসম্ফস্সজা সঞ্ঞা, কাযসম্ফস্সজা সঞ্ঞা, মনোসম্ফস্সজা সঞ্ঞা। এৰং বহুৰিধেন সঞ্ঞাক্খন্ধো।
Aparopi bahuvidhena saññākkhandho – cakkhusamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ bahuvidhena saññākkhandho.
অযং ৰুচ্চতি সঞ্ঞাক্খন্ধো।
Ayaṃ vuccati saññākkhandho.
৪. সঙ্খারক্খন্ধো
4. Saṅkhārakkhandho
৯২. তত্থ কতমো সঙ্খারক্খন্ধো? একৰিধেন সঙ্খারক্খন্ধো – চিত্তসম্পযুত্তো।
92. Tattha katamo saṅkhārakkhandho? Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু, অত্থি ন হেতু।
Duvidhena saṅkhārakkhandho – atthi hetu, atthi na hetu.
তিৰিধেন সঙ্খারক্খন্ধো – অত্থি কুসলো , অত্থি অকুসলো, অত্থি অব্যাকতো।
Tividhena saṅkhārakkhandho – atthi kusalo , atthi akusalo, atthi abyākato.
চতুব্বিধেন সঙ্খারক্খন্ধো – অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো।
Catubbidhena saṅkhārakkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
পঞ্চৰিধেন সঙ্খারক্খন্ধো – অত্থি সুখিন্দ্রিযসম্পযুত্তো, অত্থি দুক্খিন্দ্রিযসম্পযুত্তো, অত্থি সোমনস্সিন্দ্রিযসম্পযুত্তো, অত্থি দোমনস্সিন্দ্রিযসম্পযুত্তো, অত্থি উপেক্খিন্দ্রিযসম্পযুত্তো। এৰং পঞ্চৰিধেন সঙ্খারক্খন্ধো।
Pañcavidhena saṅkhārakkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena saṅkhārakkhandho.
ছব্বিধেন সঙ্খারক্খন্ধো – চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৰ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা। এৰং ছব্বিধেন সঙ্খারক্খন্ধো।
Chabbidhena saṅkhārakkhandho – cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ chabbidhena saṅkhārakkhandho.
সত্তৰিধেন সঙ্খারক্খন্ধো – চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৰ্হাসম্ফস্সজা চেতনা, কাযসম্ফস্সজা চেতনা, মনোধাতুসম্ফস্সজা চেতনা, মনোৰিঞ্ঞাণধাতুসম্ফস্সজা চেতনা। এৰং সত্তৰিধেন সঙ্খারক্খন্ধো।
Sattavidhena saṅkhārakkhandho – cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā. Evaṃ sattavidhena saṅkhārakkhandho.
অট্ঠৰিধেন সঙ্খারক্খন্ধো – চক্খুসম্ফস্সজা চেতনা…পে॰… কাযসম্ফস্সজা চেতনা অত্থি সুখসহগতা, অত্থি দুক্খসহগতা, মনোধাতুসম্ফস্সজা চেতনা, মনোৰিঞ্ঞাণধাতুসম্ফস্সজা চেতনা । এৰং অট্ঠৰিধেন সঙ্খারক্খন্ধো।
Aṭṭhavidhena saṅkhārakkhandho – cakkhusamphassajā cetanā…pe… kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā . Evaṃ aṭṭhavidhena saṅkhārakkhandho.
নৰৰিধেন সঙ্খারক্খন্ধো – চক্খুসম্ফস্সজা চেতনা…পে॰… মনোধাতুসম্ফস্সজা চেতনা, মনোৰিঞ্ঞাণধাতুসম্ফস্সজা চেতনা অত্থি কুসলা, অত্থি অকুসলা, অত্থি অব্যাকতা। এৰং নৰৰিধেন সঙ্খারক্খন্ধো।
Navavidhena saṅkhārakkhandho – cakkhusamphassajā cetanā…pe… manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā. Evaṃ navavidhena saṅkhārakkhandho.
দসৰিধেন সঙ্খারক্খন্ধো – চক্খুসম্ফস্সজা চেতনা…পে॰… কাযসম্ফস্সজা চেতনা অত্থি সুখসহগতা, অত্থি দুক্খসহগতা, মনোধাতুসম্ফস্সজা চেতনা, মনোৰিঞ্ঞাণধাতুসম্ফস্সজা চেতনা অত্থি কুসলা, অত্থি অকুসলা, অত্থি অব্যাকতা। এৰং দসৰিধেন সঙ্খারক্খন্ধো।
Dasavidhena saṅkhārakkhandho – cakkhusamphassajā cetanā…pe… kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā. Evaṃ dasavidhena saṅkhārakkhandho.
৯৩. একৰিধেন সঙ্খারক্খন্ধো – চিত্তসম্পযুত্তো।
93. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু, অত্থি ন হেতু।
Duvidhena saṅkhārakkhandho – atthi hetu, atthi na hetu.
তিৰিধেন সঙ্খারক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো। অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো। অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো। অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো। অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো। অত্থি পীতিসহগতো, অত্থি সুখসহগতো, অত্থি উপেক্খাসহগতো। অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো। অত্থি আচযগামী, অত্থি অপচযগামী, অত্থি নেৰাচযগামিনাপচযগামী। অত্থি সেক্খো, অত্থি অসেক্খো, অত্থি নেৰসেক্খনাসেক্খো। অত্থি পরিত্তো, অত্থি মহগ্গতো, অত্থি অপ্পমাণো। অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো। অত্থি হীনো, অত্থি মজ্ঝিমো, অত্থি পণীতো। অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো। অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি। অত্থি উপ্পন্নো, অত্থি অনুপ্পন্নো, অত্থি উপ্পাদী। অত্থি অতীতো, অত্থি অনাগতো, অত্থি পচ্চুপ্পন্নো। অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো। অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো । অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho . Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
৯৪. একৰিধেন সঙ্খারক্খন্ধো – চিত্তসম্পযুত্তো।
94. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সহেতুকো, অত্থি অহেতুকো। অত্থি হেতুসম্পযুত্তো, অত্থি হেতুৰিপ্পযুত্তো। অত্থি হেতু চেৰ সহেতুকো চ, অত্থি সহেতুকো চেৰ ন চ হেতু। অত্থি হেতু চেৰ হেতুসম্পযুত্তো চ, অত্থি হেতুসম্পযুত্তো চেৰ ন চ হেতু। অত্থি ন হেতু সহেতুকো, অত্থি ন হেতু অহেতুকো। অত্থি লোকিযো, অত্থি লোকুত্তরো। অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো। অত্থি আসৰো, অত্থি নো আসৰো। অত্থি সাসৰো, অত্থি অনাসৰো। অত্থি আসৰসম্পযুত্তো, অত্থি আসৰৰিপ্পযুত্তো। অত্থি আসৰো চেৰ সাসৰো চ, অত্থি সাসৰো চেৰ নো চ আসৰো। অত্থি আসৰো চেৰ আসৰসম্পযুত্তো চ, অত্থি আসৰসম্পযুত্তো চেৰ নো চ আসৰো। অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো। অত্থি সংযোজনং, অত্থি নো সংযোজনং। অত্থি সংযোজনিযো, অত্থি অসংযোজনিযো। অত্থি সংযোজনসম্পযুত্তো, অত্থি সংযোজনৰিপ্পযুত্তো। অত্থি সংযোজনঞ্চেৰ সংযোজনিযো চ, অত্থি সংযোজনিযো চেৰ নো চ সংযোজনং। অত্থি সংযোজনঞ্চেৰ সংযোজনসম্পযুত্তো চ, অত্থি সংযোজনসম্পযুত্তো চেৰ নো চ সংযোজনং। অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো।
Duvidhena saṅkhārakkhandho – atthi sahetuko, atthi ahetuko. Atthi hetusampayutto, atthi hetuvippayutto. Atthi hetu ceva sahetuko ca, atthi sahetuko ceva na ca hetu. Atthi hetu ceva hetusampayutto ca, atthi hetusampayutto ceva na ca hetu. Atthi na hetu sahetuko, atthi na hetu ahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi āsavo, atthi no āsavo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavo ceva sāsavo ca, atthi sāsavo ceva no ca āsavo. Atthi āsavo ceva āsavasampayutto ca, atthi āsavasampayutto ceva no ca āsavo. Atthi āsavavippayuttasāsavo, atthi āsavavippayuttaanāsavo. Atthi saṃyojanaṃ, atthi no saṃyojanaṃ. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanañceva saṃyojaniyo ca, atthi saṃyojaniyo ceva no ca saṃyojanaṃ. Atthi saṃyojanañceva saṃyojanasampayutto ca, atthi saṃyojanasampayutto ceva no ca saṃyojanaṃ. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
অত্থি গন্থো, অত্থি নো গন্থো। অত্থি গন্থনিযো, অত্থি অগন্থনিযো। অত্থি গন্থসম্পযুত্তো, অত্থি গন্থৰিপ্পযুত্তো। অত্থি গন্থো চেৰ গন্থনিযো চ, অত্থি গন্থনিযো চেৰ নো চ গন্থো। অত্থি গন্থো চেৰ গন্থসম্পযুত্তো চ, অত্থি গন্থসম্পযুত্তো চেৰ নো চ গন্থো। অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো। অত্থি ওঘো, অত্থি নো ওঘো। অত্থি ওঘনিযো, অত্থি অনোঘনিযো। অত্থি ওঘসম্পযুত্তো, অত্থি ওঘৰিপ্পযুত্তো। অত্থি ওঘো চেৰ ওঘনিযো চ, অত্থি ওঘনিযো চেৰ নো চ ওঘো। অত্থি ওঘো চেৰ ওঘসম্পযুত্তো চ, অত্থি ওঘসম্পযুত্তো চেৰ নো চ ওঘো। অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো। অত্থি যোগো, অত্থি নো যোগো। অত্থি যোগনিযো, অত্থি অযোগনিযো। অত্থি যোগসম্পযুত্তো, অত্থি যোগৰিপ্পযুত্তো। অত্থি যোগো চেৰ যোগনিযো চ, অত্থি যোগনিযো চেৰ নো চ যোগো। অত্থি যোগো চেৰ যোগসম্পযুত্তো চ, অত্থি যোগসম্পযুত্তো চেৰ নো চ যোগো। অত্থি যোগৰিপ্পযুত্তযোগনিযো, অত্থি যোগৰিপ্পযুত্তঅযোগনিযো। অত্থি নীৰরণং, অত্থি নো নীৰরণং। অত্থি নীৰরণিযো, অত্থি অনীৰরণিযো। অত্থি নীৰরণসম্পযুত্তো, অত্থি নীৰরণৰিপ্পযুত্তো। অত্থি নীৰরণঞ্চেৰ নীৰরণিযো চ, অত্থি নীৰরণিযো চেৰ নো চ নীৰরণং। অত্থি নীৰরণঞ্চেৰ নীৰরণসম্পযুত্তো চ, অত্থি নীৰরণসম্পযুত্তো চেৰ নো চ নীৰরণং। অত্থি নীৰরণৰিপ্পযুত্তনীৰরণিযো, অত্থি নীৰরণৰিপ্পযুত্তঅনীৰরণিযো।
Atthi gantho, atthi no gantho. Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi gantho ceva ganthaniyo ca, atthi ganthaniyo ceva no ca gantho. Atthi gantho ceva ganthasampayutto ca, atthi ganthasampayutto ceva no ca gantho. Atthi ganthavippayuttaganthaniyo, atthi ganthavippayuttaaganthaniyo. Atthi ogho, atthi no ogho. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi ogho ceva oghaniyo ca, atthi oghaniyo ceva no ca ogho. Atthi ogho ceva oghasampayutto ca, atthi oghasampayutto ceva no ca ogho. Atthi oghavippayuttaoghaniyo, atthi oghavippayuttaanoghaniyo. Atthi yogo, atthi no yogo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogo ceva yoganiyo ca, atthi yoganiyo ceva no ca yogo. Atthi yogo ceva yogasampayutto ca, atthi yogasampayutto ceva no ca yogo. Atthi yogavippayuttayoganiyo, atthi yogavippayuttaayoganiyo. Atthi nīvaraṇaṃ, atthi no nīvaraṇaṃ. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇañceva nīvaraṇiyo ca, atthi nīvaraṇiyo ceva no ca nīvaraṇaṃ. Atthi nīvaraṇañceva nīvaraṇasampayutto ca, atthi nīvaraṇasampayutto ceva no ca nīvaraṇaṃ. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
অত্থি পরামাসো, অত্থি নো পরামাসো। অত্থি পরামট্ঠো, অত্থি অপরামট্ঠো। অত্থি পরামাসসম্পযুত্তো, অত্থি পরামাসৰিপ্পযুত্তো। অত্থি পরামাসো চেৰ পরামট্ঠো চ, অত্থি পরামট্ঠো চেৰ নো চ পরামাসো। অত্থি পরামাসৰিপ্পযুত্তপরামট্ঠো, অত্থি পরামাসৰিপ্পযুত্তঅপরামট্ঠো। অত্থি উপাদিন্নো, অত্থি অনুপাদিন্নো। অত্থি উপাদানং, অত্থি নো উপাদানং। অত্থি উপাদানিযো, অত্থি অনুপাদানিযো। অত্থি উপাদানসম্পযুত্তো, অত্থি উপাদানৰিপ্পযুত্তো। অত্থি উপাদানঞ্চেৰ উপাদানিযো চ, অত্থি উপাদানিযো চেৰ নো চ উপাদানং। অত্থি উপাদানঞ্চেৰ উপাদানসম্পযুত্তো চ , অত্থি উপাদানসম্পযুত্তো চেৰ নো চ উপাদানং। অত্থি উপাদানৰিপ্পযুত্তউপাদানিযো, অত্থি উপাদানৰিপ্পযুত্তঅনুপাদানিযো।
Atthi parāmāso, atthi no parāmāso. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāso ceva parāmaṭṭho ca, atthi parāmaṭṭho ceva no ca parāmāso. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādānaṃ, atthi no upādānaṃ. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānañceva upādāniyo ca, atthi upādāniyo ceva no ca upādānaṃ. Atthi upādānañceva upādānasampayutto ca , atthi upādānasampayutto ceva no ca upādānaṃ. Atthi upādānavippayuttaupādāniyo, atthi upādānavippayuttaanupādāniyo.
অত্থি কিলেসো, অত্থি নো কিলেসো। অত্থি সংকিলেসিকো, অত্থি অসংকিলেসিকো। অত্থি সংকিলিট্ঠো, অত্থি অসংকিলিট্ঠো। অত্থি কিলেসসম্পযুত্তো, অত্থি কিলেসৰিপ্পযুত্তো। অত্থি কিলেসো চেৰ সংকিলেসিকো চ, অত্থি সংকিলেসিকো চেৰ নো চ কিলেসো। অত্থি কিলেসো চেৰ সংকিলিট্ঠো চ, অত্থি সংকিলিট্ঠো চেৰ নো চ কিলেসো। অত্থি কিলেসো চেৰ কিলেসসম্পযুত্তো চ, অত্থি কিলেসসম্পযুত্তো চেৰ নো চ কিলেসো। অত্থি কিলেসৰিপ্পযুত্তসংকিলেসিকো, অত্থি কিলেসৰিপ্পযুত্তঅসংকিলেসিকো। অত্থি দস্সনেন পহাতব্বো, অত্থি ন দস্সনেন পহাতব্বো। অত্থি ভাৰনায পহাতব্বো, অত্থি ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ন দস্সনেন পহাতব্বহেতুকো। অত্থি ভাৰনায পহাতব্বহেতুকো, অত্থি ন ভাৰনায পহাতব্বহেতুকো।
Atthi kileso, atthi no kileso. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kileso ceva saṃkilesiko ca, atthi saṃkilesiko ceva no ca kileso. Atthi kileso ceva saṃkiliṭṭho ca, atthi saṃkiliṭṭho ceva no ca kileso. Atthi kileso ceva kilesasampayutto ca, atthi kilesasampayutto ceva no ca kileso. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko.
অত্থি সৰিতক্কো, অত্থি অৰিতক্কো। অত্থি সৰিচারো, অত্থি অৰিচারো। অত্থি সপ্পীতিকো , অত্থি অপ্পীতিকো। অত্থি পীতিসহগতো, অত্থি ন পীতিসহগতো। অত্থি সুখসহগতো, অত্থি ন সুখসহগতো। অত্থি উপেক্খাসহগতো, অত্থি ন উপেক্খাসহগতো। অত্থি কামাৰচরো, অত্থি ন কামাৰচরো। অত্থি রূপাৰচরো, অত্থি ন রূপাৰচরো। অত্থি অরূপাৰচরো, অত্থি ন অরূপাৰচরো। অত্থি পরিযাপন্নো, অত্থি অপরিযাপন্নো। অত্থি নিয্যানিকো, অত্থি অনিয্যানিকো। অত্থি নিযতো, অত্থি অনিযতো। অত্থি সউত্তরো, অত্থি অনুত্তরো। অত্থি সরণো, অত্থি অরণো।
Atthi savitakko, atthi avitakko. Atthi savicāro, atthi avicāro. Atthi sappītiko , atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
তিৰিধেন সঙ্খারক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
৯৫. একৰিধেন সঙ্খারক্খন্ধো – চিত্তসম্পযুত্তো।
95. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সরণো, অত্থি অরণো।
Duvidhena saṅkhārakkhandho – atthi saraṇo, atthi araṇo.
তিৰিধেন সঙ্খারক্খন্ধো – অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
দুকমূলকং।
Dukamūlakaṃ.
৯৬. একৰিধেন সঙ্খারক্খন্ধো – চিত্তসম্পযুত্তো।
96. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু, অত্থি ন হেতু।
Duvidhena saṅkhārakkhandho – atthi hetu, atthi na hetu.
তিৰিধেন সঙ্খারক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঙ্খারক্খন্ধো ।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho .
৯৭. একৰিধেন সঙ্খারক্খন্ধো – চিত্তসম্পযুত্তো।
97. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সরণো, অত্থি অরণো।
Duvidhena saṅkhārakkhandho – atthi saraṇo, atthi araṇo.
তিৰিধেন সঙ্খারক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
৯৮. একৰিধেন সঙ্খারক্খন্ধো – চিত্তসম্পযুত্তো।
98. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু, অত্থি ন হেতু।
Duvidhena saṅkhārakkhandho – atthi hetu, atthi na hetu.
তিৰিধেন সঙ্খারক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
৯৯. একৰিধেন সঙ্খারক্খন্ধো – চিত্তসম্পযুত্তো।
99. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সরণো, অত্থি অরণো।
Duvidhena saṅkhārakkhandho – atthi saraṇo, atthi araṇo.
তিৰিধেন সঙ্খারক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
তিকমূলকং।
Tikamūlakaṃ.
১০০. একৰিধেন সঙ্খারক্খন্ধো – চিত্তসম্পযুত্তো।
100. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু, অত্থি ন হেতু।
Duvidhena saṅkhārakkhandho – atthi hetu, atthi na hetu.
তিৰিধেন সঙ্খারক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
১০১. একৰিধেন সঙ্খারক্খন্ধো চিত্তসম্পযুত্তো।
101. Ekavidhena saṅkhārakkhandho cittasampayutto.
দুৰিধেন সঙ্খারক্খন্ধো অত্থি সহেতুকো, অত্থি অহেতুকো।
Duvidhena saṅkhārakkhandho atthi sahetuko, atthi ahetuko.
তিৰিধেন সঙ্খারক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saṅkhārakkhandho.
১০২. একৰিধেন সঙ্খারক্খন্ধো – চিত্তসম্পযুত্তো।
102. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো।
Duvidhena saṅkhārakkhandho – atthi hetusampayutto, atthi hetuvippayutto.
তিৰিধেন সঙ্খারক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena saṅkhārakkhandho.
১০৩. একৰিধেন সঙ্খারক্খন্ধো – চিত্তসম্পযুত্তো।
103. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু চেৰ সহেতুকো চ, অত্থি সহেতুকো চেৰ ন চ হেতু।
Duvidhena saṅkhārakkhandho – atthi hetu ceva sahetuko ca, atthi sahetuko ceva na ca hetu.
তিৰিধেন সঙ্খারক্খন্ধো – অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena saṅkhārakkhandho.
১০৪. একৰিধেন সঙ্খারক্খন্ধো – চিত্তসম্পযুত্তো।
104. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি হেতু চেৰ হেতুসম্পযুত্তো চ, অত্থি হেতুসম্পযুত্তো চেৰ ন চ হেতু।
Duvidhena saṅkhārakkhandho – atthi hetu ceva hetusampayutto ca, atthi hetusampayutto ceva na ca hetu.
তিৰিধেন সঙ্খারক্খন্ধো – অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena saṅkhārakkhandho.
১০৫. একৰিধেন সঙ্খারক্খন্ধো – চিত্তসম্পযুত্তো।
105. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি ন হেতু সহেতুকো, অত্থি ন হেতু অহেতুকো।
Duvidhena saṅkhārakkhandho – atthi na hetu sahetuko, atthi na hetu ahetuko.
তিৰিধেন সঙ্খারক্খন্ধো – অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena saṅkhārakkhandho.
১০৬. একৰিধেন সঙ্খারক্খন্ধো – চিত্তসম্পযুত্তো।
106. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি লোকিযো, অত্থি লোকুত্তরো।
Duvidhena saṅkhārakkhandho – atthi lokiyo, atthi lokuttaro.
তিৰিধেন সঙ্খারক্খন্ধো – অত্থি পীতিসহগতো, অত্থি সুখসহগতো, অত্থি উপেক্খাসহগতো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena saṅkhārakkhandho.
১০৭. একৰিধেন সঙ্খারক্খন্ধো – চিত্তসম্পযুত্তো।
107. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো।
Duvidhena saṅkhārakkhandho – atthi kenaci viññeyyo, atthi kenaci na viññeyyo.
তিৰিধেন সঙ্খারক্খন্ধো – অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena saṅkhārakkhandho.
১০৮. একৰিধেন সঙ্খারক্খন্ধো – চিত্তসম্পযুত্তো।
108. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি আসৰো, অত্থি নো আসৰো।
Duvidhena saṅkhārakkhandho – atthi āsavo, atthi no āsavo.
তিৰিধেন সঙ্খারক্খন্ধো – অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena saṅkhārakkhandho.
১০৯. একৰিধেন সঙ্খারক্খন্ধো – চিত্তসম্পযুত্তো।
109. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সাসৰো, অত্থি অনাসৰো।
Duvidhena saṅkhārakkhandho – atthi sāsavo, atthi anāsavo.
তিৰিধেন সঙ্খারক্খন্ধো – অত্থি আচযগামী, অত্থি অপচযগামী, অত্থি নেৰাচযগামিনাপচযগামী…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena saṅkhārakkhandho.
১১০. একৰিধেন সঙ্খারক্খন্ধো – চিত্তসম্পযুত্তো।
110. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি আসৰসম্পযুত্তো, অত্থি আসৰৰিপ্পযুত্তো।
Duvidhena saṅkhārakkhandho – atthi āsavasampayutto, atthi āsavavippayutto.
তিৰিধেন সঙ্খারক্খন্ধো – অত্থি সেক্খো, অত্থি অসেক্খো, অত্থি নেৰসেক্খনাসেক্খো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena saṅkhārakkhandho.
১১১. একৰিধেন সঙ্খারক্খন্ধো – চিত্তসম্পযুত্তো।
111. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি আসৰো চেৰ সাসৰো চ, অত্থি সাসৰো চেৰ নো চ আসৰো ।
Duvidhena saṅkhārakkhandho – atthi āsavo ceva sāsavo ca, atthi sāsavo ceva no ca āsavo .
তিৰিধেন সঙ্খারক্খন্ধো – অত্থি পরিত্তো, অত্থি মহগ্গতো, অত্থি অপ্পমাণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi paritto, atthi mahaggato, atthi appamāṇo…pe…. Evaṃ dasavidhena saṅkhārakkhandho.
১১২. একৰিধেন সঙ্খারক্খন্ধো – চিত্তসম্পযুত্তো।
112. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি আসৰো চেৰ আসৰসম্পযুত্তো চ, অত্থি আসৰসম্পযুত্তো চেৰ নো চ আসৰো।
Duvidhena saṅkhārakkhandho – atthi āsavo ceva āsavasampayutto ca, atthi āsavasampayutto ceva no ca āsavo.
তিৰিধেন সঙ্খারক্খন্ধো – অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena saṅkhārakkhandho.
১১৩. একৰিধেন সঙ্খারক্খন্ধো – চিত্তসম্পযুত্তো।
113. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি আসৰৰিপ্পযুত্তসাসৰো, অত্থি আসৰিপ্পযুত্তঅনাসৰো।
Duvidhena saṅkhārakkhandho – atthi āsavavippayuttasāsavo, atthi āsavippayuttaanāsavo.
তিৰিধেন সঙ্খারক্খন্ধো – অত্থি হীনো, অত্থি মজ্ঝিমো, অত্থি পণীতো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi hīno, atthi majjhimo, atthi paṇīto…pe…. Evaṃ dasavidhena saṅkhārakkhandho.
১১৪. একৰিধেন সঙ্খারক্খন্ধো – চিত্তসম্পযুত্তো।
114. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সংযোজনং, অত্থি নো সংযোজনং।
Duvidhena saṅkhārakkhandho – atthi saṃyojanaṃ, atthi no saṃyojanaṃ.
তিৰিধেন সঙ্খারক্খন্ধো – অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena saṅkhārakkhandho.
১১৫. একৰিধেন সঙ্খারক্খন্ধো – চিত্তসম্পযুত্তো।
115. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সংযোজনিযো, অত্থি অসংযোজনিযো।
Duvidhena saṅkhārakkhandho – atthi saṃyojaniyo, atthi asaṃyojaniyo.
তিৰিধেন সঙ্খারক্খন্ধো – অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena saṅkhārakkhandho.
১১৬. একৰিধেন সঙ্খারক্খন্ধো – চিত্তসম্পযুত্তো।
116. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সংযোজনসম্পযুত্তো, অত্থি সংযোজনৰিপ্পযুত্তো।
Duvidhena saṅkhārakkhandho – atthi saṃyojanasampayutto, atthi saṃyojanavippayutto.
তিৰিধেন সঙ্খারক্খন্ধো – অত্থি উপ্পন্নো, অত্থি অনুপ্পন্নো, অত্থি উপ্পাদী…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi uppanno, atthi anuppanno, atthi uppādī…pe…. Evaṃ dasavidhena saṅkhārakkhandho.
১১৭. একৰিধেন সঙ্খারক্খন্ধো – চিত্তসম্পযুত্তো ।
117. Ekavidhena saṅkhārakkhandho – cittasampayutto .
দুৰিধেন সঙ্খারক্খন্ধো – অত্থি সংযোজনঞ্চেৰ সংযোজনিযো চ, অত্থি সংযোজনিযো চেৰ নো চ সংযোজনং।
Duvidhena saṅkhārakkhandho – atthi saṃyojanañceva saṃyojaniyo ca, atthi saṃyojaniyo ceva no ca saṃyojanaṃ.
তিৰিধেন সঙ্খারক্খন্ধো – অত্থি অতীতো, অত্থি অনাগতো, অত্থি পচ্চুপ্পন্নো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi atīto, atthi anāgato, atthi paccuppanno…pe…. Evaṃ dasavidhena saṅkhārakkhandho.
১১৮. একৰিধেন সঙ্খারক্খন্ধো – চিত্তসম্পযুত্তো।
118. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সংযোজনঞ্চেৰ সংযোজনসম্পযুত্তো চ, অত্থি সংযোজনসম্পযুত্তো চেৰ নো চ সংযোজনং।
Duvidhena saṅkhārakkhandho – atthi saṃyojanañceva saṃyojanasampayutto ca, atthi saṃyojanasampayutto ceva no ca saṃyojanaṃ.
তিৰিধেন সঙ্খারক্খন্ধো – অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena saṅkhārakkhandho.
১১৯. একৰিধেন সঙ্খারক্খন্ধো – চিত্তসম্পযুত্তো।
119. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো।
Duvidhena saṅkhārakkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
তিৰিধেন সঙ্খারক্খন্ধো – অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena saṅkhārakkhandho.
১২০. একৰিধেন সঙ্খারক্খন্ধো – চিত্তসম্পযুত্তো।
120. Ekavidhena saṅkhārakkhandho – cittasampayutto.
দুৰিধেন সঙ্খারক্খন্ধো – অত্থি গন্থো, অত্থি নো গন্থো।
Duvidhena saṅkhārakkhandho – atthi gantho, atthi no gantho.
তিৰিধেন সঙ্খারক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন সঙ্খারক্খন্ধো।
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
উভতোৰড্ঢকং।
Ubhatovaḍḍhakaṃ.
সত্তৰিধেন সঙ্খারক্খন্ধো – অত্থি কুসলো, অত্থি অকুসলো, অত্থি অব্যাকতো; অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন সঙ্খারক্খন্ধো।
Sattavidhena saṅkhārakkhandho – atthi kusalo, atthi akusalo, atthi abyākato; atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saṅkhārakkhandho.
অপরোপি সত্তৰিধেন সঙ্খারক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো; অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো…পে॰… অত্থি অজ্ঝত্তারম্মণো, অত্থি বহিদ্ধারম্মণো অত্থি অজ্ঝত্তবহিদ্ধারম্মণো; অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন সঙ্খারক্খন্ধো।
Aparopi sattavidhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto; atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo atthi ajjhattabahiddhārammaṇo; atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saṅkhārakkhandho.
চতুৰীসতিৰিধেন সঙ্খারক্খন্ধো – চক্খুসম্ফস্সপচ্চযা সঙ্খারক্খন্ধো অত্থি কুসলো, অত্থি অকুসলো, অত্থি অব্যাকতো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঙ্খারক্খন্ধো অত্থি কুসলো, অত্থি অকুসলো, অত্থি অব্যাকতো; চক্খুসম্ফস্সজা চেতনা…পে॰… মনোসম্ফস্সজা চেতনা। এৰং চতুৰীসতিৰিধেন সঙ্খারক্খন্ধো।
Catuvīsatividhena saṅkhārakkhandho – cakkhusamphassapaccayā saṅkhārakkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kusalo, atthi akusalo, atthi abyākato; cakkhusamphassajā cetanā…pe… manosamphassajā cetanā. Evaṃ catuvīsatividhena saṅkhārakkhandho.
অপরোপি চতুৰীসতিৰিধেন সঙ্খারক্খন্ধো – চক্খুসম্ফস্সপচ্চযা সঙ্খারক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো; চক্খুসম্ফস্সজা চেতনা…পে॰… মনোসম্ফস্সজা চেতনা; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঙ্খারক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো; চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৰ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা। এৰং চতুৰীসতিৰিধেন সঙ্খারক্খন্ধো।
Aparopi catuvīsatividhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā cetanā…pe… manosamphassajā cetanā; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ catuvīsatividhena saṅkhārakkhandho.
তিংসতিৰিধেন সঙ্খারক্খন্ধো – চক্খুসম্ফস্সপচ্চযা সঙ্খারক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো ; সোতসম্ফস্সপচ্চযা…পে॰… ঘানসম্ফস্সপচ্চযা …পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঙ্খারক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুসম্ফস্সজা চেতনা…পে॰… মনোসম্ফস্সজা চেতনা। এৰং তিংসতিৰিধেন সঙ্খারক্খন্ধো।
Tiṃsatividhena saṅkhārakkhandho – cakkhusamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno ; sotasamphassapaccayā…pe… ghānasamphassapaccayā …pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā…pe… manosamphassajā cetanā. Evaṃ tiṃsatividhena saṅkhārakkhandho.
বহুৰিধেন সঙ্খারক্খন্ধো – চক্খুসম্ফস্সপচ্চযা সঙ্খারক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঙ্খারক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৰ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা। এৰং বহুৰিধেন সঙ্খারক্খন্ধো।
Bahuvidhena saṅkhārakkhandho – cakkhusamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ bahuvidhena saṅkhārakkhandho.
অপরোপি বহুৰিধেন সঙ্খারক্খন্ধো – চক্খুসম্ফস্সপচ্চযা সঙ্খারক্খন্ধো অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা সঙ্খারক্খন্ধো অত্থি সুখায ৰেদনায সম্পযুত্তো …পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুসম্ফস্সজা চেতনা, সোতসম্ফস্সজা চেতনা, ঘানসম্ফস্সজা চেতনা, জিৰ্হাসম্ফস্সজা চেতনা, কাযসম্ফস্সজা চেতনা, মনোসম্ফস্সজা চেতনা। এৰং বহুৰিধেন সঙ্খারক্খন্ধো।
Aparopi bahuvidhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ bahuvidhena saṅkhārakkhandho.
অযং ৰুচ্চতি সঙ্খারক্খন্ধো।
Ayaṃ vuccati saṅkhārakkhandho.
৫. ৰিঞ্ঞাণক্খন্ধো
5. Viññāṇakkhandho
১২১. তত্থ কতমো ৰিঞ্ঞাণক্খন্ধো? একৰিধেন ৰিঞ্ঞাণক্খন্ধো – ফস্সসম্পযুত্তো।
121. Tattha katamo viññāṇakkhandho? Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সহেতুকো, অত্থি অহেতুকো।
Duvidhena viññāṇakkhandho – atthi sahetuko, atthi ahetuko.
তিৰিধেন ৰিঞ্ঞাণক্খন্ধো – অত্থি কুসলো, অত্থি অকুসলো, অত্থি অব্যাকতো।
Tividhena viññāṇakkhandho – atthi kusalo, atthi akusalo, atthi abyākato.
চতুব্বিধেন ৰিঞ্ঞাণক্খন্ধো – অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো।
Catubbidhena viññāṇakkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
পঞ্চৰিধেন ৰিঞ্ঞাণক্খন্ধো – অত্থি সুখিন্দ্রিযসম্পযুত্তো, অত্থি দুক্খিন্দ্রিযসম্পযুত্তো, অত্থি সোমনস্সিন্দ্রিযসম্পযুত্তো, অত্থি দোমনস্সিন্দ্রিযসম্পযুত্তো, অত্থি উপেক্খিন্দ্রিযসম্পযুত্তো। এৰং পঞ্চৰিধেন ৰিঞ্ঞাণক্খন্ধো।
Pañcavidhena viññāṇakkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena viññāṇakkhandho.
ছব্বিধেন ৰিঞ্ঞাণক্খন্ধো – চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং, মনোৰিঞ্ঞাণং। এৰং ছব্বিধেন ৰিঞ্ঞাণক্খন্ধো।
Chabbidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ chabbidhena viññāṇakkhandho.
সত্তৰিধেন ৰিঞ্ঞাণক্খন্ধো – চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং, মনোধাতু, মনোৰিঞ্ঞাণধাতু। এৰং সত্তৰিধেন ৰিঞ্ঞাণক্খন্ধো।
Sattavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu. Evaṃ sattavidhena viññāṇakkhandho.
অট্ঠৰিধেন ৰিঞ্ঞাণক্খন্ধো – চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং অত্থি সুখসহগতং, অত্থি দুক্খসহগতং, মনোধাতু, মনোৰিঞ্ঞাণধাতু । এৰং অট্ঠৰিধেন ৰিঞ্ঞাণক্খন্ধো।
Aṭṭhavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu . Evaṃ aṭṭhavidhena viññāṇakkhandho.
নৰৰিধেন ৰিঞ্ঞাণক্খন্ধো – চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং, মনোধাতু, মনোৰিঞ্ঞাণধাতু অত্থি কুসলং, অত্থি অকুসলং, অত্থি অব্যাকতং। এৰং নৰৰিধেন ৰিঞ্ঞাণক্খন্ধো।
Navavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu atthi kusalaṃ, atthi akusalaṃ, atthi abyākataṃ. Evaṃ navavidhena viññāṇakkhandho.
দসৰিধেন ৰিঞ্ঞাণক্খন্ধো – চক্খুৰিঞ্ঞাণং…পে॰… কাযৰিঞ্ঞাণং অত্থি সুখসহগতং, অত্থি দুক্খসহগতং, মনোধাতু, মনোৰিঞ্ঞাণধাতু অত্থি কুসলং, অত্থি অকুসলং, অত্থি অব্যাকতং। এৰং দসৰিধেন ৰিঞ্ঞাণক্খন্ধো।
Dasavidhena viññāṇakkhandho – cakkhuviññāṇaṃ…pe… kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu atthi kusalaṃ, atthi akusalaṃ, atthi abyākataṃ. Evaṃ dasavidhena viññāṇakkhandho.
১২২. একৰিধেন ৰিঞ্ঞাণক্খন্ধো – ফস্সসম্পযুত্তো।
122. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সহেতুকো, অত্থি অহেতুকো।
Duvidhena viññāṇakkhandho – atthi sahetuko, atthi ahetuko.
তিৰিধেন ৰিঞ্ঞাণক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো। অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো। অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো। অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো। অত্থি সৰিতক্কসৰিচারো, অত্থি অৰিতক্কৰিচারমত্তো , অত্থি অৰিতক্কঅৰিচারো। অত্থি পীতিসহগতো, অত্থি সুখসহগতো, অত্থি উপেক্খাসহগতো। অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো। অত্থি আচযগামী, অত্থি অপচযগামী, অত্থি নেৰাচযগামিনাপচযগামী। অত্থি সেক্খো, অত্থি অসেক্খো, অত্থি নেৰসেক্খনাসেক্খো। অত্থি পরিত্তো, অত্থি মহগ্গতো, অত্থি অপ্পমাণো। অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো। অত্থি হীনো, অত্থি মজ্ঝিমো, অত্থি পণীতো। অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো। অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি। অত্থি উপ্পন্নো, অত্থি অনুপ্পন্নো, অত্থি উপ্পাদী। অত্থি অতীতো, অত্থি অনাগতো, অত্থি পচ্চুপ্পন্নো। অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো। অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো। অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto , atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
১২৩. একৰিধেন ৰিঞ্ঞাণক্খন্ধো – ফস্সসম্পযুত্তো।
123. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো। অত্থি ন হেতু সহেতুকো, অত্থি ন হেতু অহেতুকো। অত্থি লোকিযো, অত্থি লোকুত্তরো। অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো। অত্থি সাসৰো, অত্থি অনাসৰো। অত্থি আসৰসম্পযুত্তো , অত্থি আসৰৰিপ্পযুত্তো। অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো। অত্থি সংযোজনিযো, অত্থি অসংযোজনিযো। অত্থি সংযোজনসম্পযুত্তো , অত্থি সংযোজনৰিপ্পযুত্তো। অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো।
Duvidhena viññāṇakkhandho – atthi hetusampayutto, atthi hetuvippayutto. Atthi na hetu sahetuko, atthi na hetu ahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto , atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto , atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
অত্থি গন্থনিযো, অত্থি অগন্থনিযো। অত্থি গন্থসম্পযুত্তো, অত্থি গন্থৰিপ্পযুত্তো। অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো। অত্থি ওঘনিযো, অত্থি অনোঘনিযো। অত্থি ওঘসম্পযুত্তো, অত্থি ওঘৰিপ্পযুত্তো। অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো। অত্থি যোগনিযো, অত্থি অযোগনিযো। অত্থি যোগসম্পযুত্তো, অত্থি যোগৰিপ্পযুত্তো । অত্থি যোগৰিপ্পযুত্তযোগনিযো, অত্থি যোগৰিপ্পযুত্তঅযোগনিযো। অত্থি নীৰরণিযো, অত্থি অনীৰরণিযো। অত্থি নীৰরণসম্পযুত্তো, অত্থি নীৰরণৰিপ্পযুত্তো। অত্থি নীৰরণৰিপ্পযুত্তনীৰরণিযো, অত্থি নীৰরণৰিপ্পযুত্তঅনীৰরণিযো।
Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto . Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
অত্থি পরামট্ঠো, অত্থি অপরামট্ঠো। অত্থি পরামাসসম্পযুত্তো, অত্থি পরামাসৰিপ্পযুত্তো। অত্থি পরামাসৰিপ্পযুত্তপরামট্ঠো, অত্থি পরামাসৰিপ্পযুত্তঅপরামট্ঠো। অত্থি উপাদিন্নো, অত্থি অনুপাদিন্নো। অত্থি উপাদানিযো, অত্থি অনুপাদানিযো। অত্থি উপাদানসম্পযুত্তো, অত্থি উপাদানৰিপ্পযুত্তো। অত্থি উপাদানৰিপ্পযুত্তউপাদানিযো, অত্থি উপাদানৰিপ্পযুত্তঅনুপাদানিযো। অত্থি সংকিলেসিকো, অত্থি অসংকিলেসিকো। অত্থি সংকিলিট্ঠো, অত্থি অসংকিলিট্ঠো। অত্থি কিলেসসম্পযুত্তো, অত্থি কিলেসৰিপ্পযুত্তো। অত্থি কিলেসৰিপ্পযুত্তসংকিলেসিকো, অত্থি কিলেসৰিপ্পযুত্তঅসংকিলেসিকো। অত্থি দস্সনেন পহাতব্বো, অত্থি ন দস্সনেন পহাতব্বো। অত্থি ভাৰনায পহাতব্বো , অত্থি ন ভাৰনায পহাতব্বো। অত্থি দস্সনেন পহাতব্বহেতুকো, অত্থি ন দস্সনেন পহাতব্বহেতুকো। অত্থি ভাৰনায পহাতব্বহেতুকো, অত্থি ন ভাৰনায পহাতব্বহেতুকো।
Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo , atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko.
অত্থি সৰিতক্কো, অত্থি অৰিতক্কো। অত্থি সৰিচারো, অত্থি অৰিচারো। অত্থি সপ্পীতিকো, অত্থি অপ্পীতিকো। অত্থি পীতিসহগতো, অত্থি ন পীতিসহগতো। অত্থি সুখসহগতো, অত্থি ন সুখসহগতো। অত্থি উপেক্খাসহগতো, অত্থি ন উপেক্খাসহগতো। অত্থি কামাৰচরো , অত্থি ন কামাৰচরো। অত্থি রূপাৰচরো, অত্থি ন রূপাৰচরো। অত্থি অরূপাৰচরো, অত্থি ন অরূপাৰচরো, অত্থি পরিযাপন্নো, অত্থি অপরিযাপন্নো। অত্থি নিয্যানিকো, অত্থি অনিয্যানিকো। অত্থি নিযতো, অত্থি অনিযতো। অত্থি সউত্তরো, অত্থি অনুত্তরো। অত্থি সরণো, অত্থি অরণো।
Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro , atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro, atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
তিৰিধেন ৰিঞ্ঞাণক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
১২৪. একৰিধেন ৰিঞ্ঞাণক্খন্ধো – ফস্সসম্পযুত্তো।
124. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সরণো, অত্থি অরণো।
Duvidhena viññāṇakkhandho – atthi saraṇo, atthi araṇo.
তিৰিধেন ৰিঞ্ঞাণক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো। অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
দুকমূলকং।
Dukamūlakaṃ.
১২৫. একৰিধেন ৰিঞ্ঞাণক্খন্ধো – ফস্সসম্পযুত্তো।
125. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সহেতুকো, অত্থি অহেতুকো।
Duvidhena viññāṇakkhandho – atthi sahetuko, atthi ahetuko.
তিৰিধেন ৰিঞ্ঞাণক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
১২৬. একৰিধেন ৰিঞ্ঞাণক্খন্ধো – ফস্সসম্পযুত্তো।
126. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো…পে॰… অত্থি সরণো, অত্থি অরণো।
Duvidhena viññāṇakkhandho – atthi hetusampayutto, atthi hetuvippayutto…pe… atthi saraṇo, atthi araṇo.
তিৰিধেন ৰিঞ্ঞাণক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
১২৭. একৰিধেন ৰিঞ্ঞাণক্খন্ধো – ফস্সসম্পযুত্তো।
127. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সহেতুকো, অত্থি অহেতুকো।
Duvidhena viññāṇakkhandho – atthi sahetuko, atthi ahetuko.
তিৰিধেন ৰিঞ্ঞাণক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো । অত্থি ৰিপাকো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto . Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
১২৮. একৰিধেন ৰিঞ্ঞাণক্খন্ধো – ফস্সসম্পযুত্তো।
128. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো…পে॰… অত্থি সরণো, অত্থি অরণো।
Duvidhena viññāṇakkhandho – atthi hetusampayutto, atthi hetuvippayutto…pe… atthi saraṇo, atthi araṇo.
তিৰিধেন ৰিঞ্ঞাণক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
তিকমূলকং।
Tikamūlakaṃ.
১২৯. একৰিধেন ৰিঞ্ঞাণক্খন্ধো – ফস্সসম্পযুত্তো।
129. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সহেতুকো, অত্থি অহেতুকো।
Duvidhena viññāṇakkhandho – atthi sahetuko, atthi ahetuko.
তিৰিধেন ৰিঞ্ঞাণক্খন্ধো – অত্থি কুসলো, অত্থি অকুসলো, অত্থি অব্যাকতো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
১৩০. একৰিধেন ৰিঞ্ঞাণক্খন্ধো – ফস্সসম্পযুত্তো।
130. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি হেতুসম্পযুত্তো, অত্থি হেতুৰিপ্পযুত্তো।
Duvidhena viññāṇakkhandho – atthi hetusampayutto, atthi hetuvippayutto.
তিৰিধেন ৰিঞ্ঞাণক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena viññāṇakkhandho.
১৩১. একৰিধেন ৰিঞ্ঞাণক্খন্ধো – ফস্সসম্পযুত্তো।
131. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি ন হেতু সহেতুকো, অত্থি ন হেতুঅহেতুকো।
Duvidhena viññāṇakkhandho – atthi na hetu sahetuko, atthi na hetuahetuko.
তিৰিধেন ৰিঞ্ঞাণক্খন্ধো – অত্থি ৰিপাকো, অত্থি ৰিপাকধম্মধম্মো, অত্থি নেৰৰিপাকনৰিপাকধম্মধম্মো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena viññāṇakkhandho.
১৩২. একৰিধেন ৰিঞ্ঞাণক্খন্ধো – ফস্সসম্পযুত্তো।
132. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি লোকিযো, অত্থি লোকুত্তরো।
Duvidhena viññāṇakkhandho – atthi lokiyo, atthi lokuttaro.
তিৰিধেন ৰিঞ্ঞাণক্খন্ধো – অত্থি উপাদিন্নুপাদানিযো, অত্থি অনুপাদিন্নুপাদানিযো, অত্থি অনুপাদিন্নঅনুপাদানিযো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena viññāṇakkhandho.
১৩৩. একৰিধেন ৰিঞ্ঞাণক্খন্ধো – ফস্সসম্পযুত্তো।
133. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি কেনচি ৰিঞ্ঞেয্যো, অত্থি কেনচি ন ৰিঞ্ঞেয্যো।
Duvidhena viññāṇakkhandho – atthi kenaci viññeyyo, atthi kenaci na viññeyyo.
তিৰিধেন ৰিঞ্ঞাণক্খন্ধো – অত্থি সংকিলিট্ঠসংকিলেসিকো, অত্থি অসংকিলিট্ঠসংকিলেসিকো, অত্থি অসংকিলিট্ঠঅসংকিলেসিকো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena viññāṇakkhandho.
১৩৪. একৰিধেন ৰিঞ্ঞাণক্খন্ধো – ফস্সসম্পযুত্তো।
134. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সাসৰো, অত্থি অনাসৰো।
Duvidhena viññāṇakkhandho – atthi sāsavo, atthi anāsavo.
তিৰিধেন ৰিঞ্ঞাণক্খন্ধো – অত্থি সৰিতক্কসৰিচারো, অত্থি অৰিতক্কৰিচারমত্তো, অত্থি অৰিতক্কঅৰিচারো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena viññāṇakkhandho.
১৩৫. একৰিধেন ৰিঞ্ঞাণক্খন্ধো – ফস্সসম্পযুত্তো।
135. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি আসৰসম্পযুত্তো, অত্থি আসৰৰিপ্পযুত্তো।
Duvidhena viññāṇakkhandho – atthi āsavasampayutto, atthi āsavavippayutto.
তিৰিধেন ৰিঞ্ঞাণক্খন্ধো – অত্থি পীতিসহগতো, অত্থি সুখসহগতো, অত্থি উপেক্খাসহগতো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena viññāṇakkhandho.
১৩৬. একৰিধেন ৰিঞ্ঞাণক্খন্ধো – ফস্সসম্পযুত্তো।
136. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি আসৰৰিপ্পযুত্তসাসৰো, অত্থি আসৰৰিপ্পযুত্তঅনাসৰো।
Duvidhena viññāṇakkhandho – atthi āsavavippayuttasāsavo, atthi āsavavippayuttaanāsavo.
তিৰিধেন ৰিঞ্ঞাণক্খন্ধো – অত্থি দস্সনেন পহাতব্বো, অত্থি ভাৰনায পহাতব্বো, অত্থি নেৰ দস্সনেন ন ভাৰনায পহাতব্বো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena viññāṇakkhandho.
১৩৭. একৰিধেন ৰিঞ্ঞাণক্খন্ধো – ফস্সসম্পযুত্তো।
137. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সংযোজনিযো, অত্থি অসংযোজনিযো।
Duvidhena viññāṇakkhandho – atthi saṃyojaniyo, atthi asaṃyojaniyo.
তিৰিধেন ৰিঞ্ঞাণক্খন্ধো – অত্থি দস্সনেন পহাতব্বহেতুকো, অত্থি ভাৰনায পহাতব্বহেতুকো, অত্থি নেৰ দস্সনেন ন ভাৰনায পহাতব্বহেতুকো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena viññāṇakkhandho.
১৩৮. একৰিধেন ৰিঞ্ঞাণক্খন্ধো – ফস্সসম্পযুত্তো।
138. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সংযোজনসম্পযুত্তো, অত্থি সংযোজনৰিপ্পযুত্তো।
Duvidhena viññāṇakkhandho – atthi saṃyojanasampayutto, atthi saṃyojanavippayutto.
তিৰিধেন ৰিঞ্ঞাণক্খন্ধো – অত্থি আচযগামী, অত্থি অপচযগামী , অত্থি নেৰাচযগামিনাপচযগামী…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi ācayagāmī, atthi apacayagāmī , atthi nevācayagāmināpacayagāmī…pe…. Evaṃ dasavidhena viññāṇakkhandho.
১৩৯. একৰিধেন ৰিঞ্ঞাণক্খন্ধো – ফস্সসম্পযুত্তো।
139. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি সংযোজনৰিপ্পযুত্তসংযোজনিযো, অত্থি সংযোজনৰিপ্পযুত্তঅসংযোজনিযো।
Duvidhena viññāṇakkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
তিৰিধেন ৰিঞ্ঞাণক্খন্ধো – অত্থি সেক্খো, অত্থি অসেক্খো, অত্থি নেৰসেক্খনাসেক্খো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena viññāṇakkhandho.
১৪০. একৰিধেন ৰিঞ্ঞাণক্খন্ধো – ফস্সসম্পযুত্তো।
140. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি গন্থনিযো, অত্থি অগন্থনিযো।
Duvidhena viññāṇakkhandho – atthi ganthaniyo, atthi aganthaniyo.
তিৰিধেন ৰিঞ্ঞাণক্খন্ধো – অত্থি পরিত্তো, অত্থি মহগ্গতো, অত্থি অপ্পমাণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi paritto, atthi mahaggato, atthi appamāṇo…pe…. Evaṃ dasavidhena viññāṇakkhandho.
১৪১. একৰিধেন ৰিঞ্ঞাণক্খন্ধো – ফস্সসম্পযুত্তো।
141. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি গন্থসম্পযুত্তো, অত্থি গন্থৰিপ্পযুত্তো।
Duvidhena viññāṇakkhandho – atthi ganthasampayutto, atthi ganthavippayutto.
তিৰিধেন ৰিঞ্ঞাণক্খন্ধো – অত্থি পরিত্তারম্মণো, অত্থি মহগ্গতারম্মণো, অত্থি অপ্পমাণারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena viññāṇakkhandho.
১৪২. একৰিধেন ৰিঞ্ঞাণক্খন্ধো – ফস্সসম্পযুত্তো।
142. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি গন্থৰিপ্পযুত্তগন্থনিযো, অত্থি গন্থৰিপ্পযুত্তঅগন্থনিযো।
Duvidhena viññāṇakkhandho – atthi ganthavippayuttaganthaniyo, atthi ganthavippayuttaaganthaniyo.
তিৰিধেন ৰিঞ্ঞাণক্খন্ধো – অত্থি হীনো, অত্থি মজ্ঝিমো, অত্থি পণীতো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi hīno, atthi majjhimo, atthi paṇīto…pe…. Evaṃ dasavidhena viññāṇakkhandho.
১৪৩. একৰিধেন ৰিঞ্ঞাণক্খন্ধো – ফস্সসম্পযুত্তো।
143. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি ওঘনিযো, অত্থি অনোঘনিযো।
Duvidhena viññāṇakkhandho – atthi oghaniyo, atthi anoghaniyo.
তিৰিধেন ৰিঞ্ঞাণক্খন্ধো – অত্থি মিচ্ছত্তনিযতো, অত্থি সম্মত্তনিযতো, অত্থি অনিযতো…পে॰…। এৰং দসৰিধেন ৰিঞ্ঞাণক্খন্ধো ।
Tividhena viññāṇakkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena viññāṇakkhandho .
১৪৪. একৰিধেন ৰিঞ্ঞাণক্খন্ধো – ফস্সসম্পযুত্তো।
144. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি ওঘসম্পযুত্তো, অত্থি ওঘৰিপ্পযুত্তো।
Duvidhena viññāṇakkhandho – atthi oghasampayutto, atthi oghavippayutto.
তিৰিধেন ৰিঞ্ঞাণক্খন্ধো – অত্থি মগ্গারম্মণো, অত্থি মগ্গহেতুকো, অত্থি মগ্গাধিপতি…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena viññāṇakkhandho.
১৪৫. একৰিধেন ৰিঞ্ঞাণক্খন্ধো – ফস্সসম্পযুত্তো।
145. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি ওঘৰিপ্পযুত্তওঘনিযো, অত্থি ওঘৰিপ্পযুত্তঅনোঘনিযো।
Duvidhena viññāṇakkhandho – atthi oghavippayuttaoghaniyo, atthi oghavippayuttaanoghaniyo.
তিৰিধেন ৰিঞ্ঞাণক্খন্ধো – অত্থি উপ্পন্নো, অত্থি অনুপ্পন্নো, অত্থি উপ্পাদী…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi uppanno, atthi anuppanno, atthi uppādī…pe…. Evaṃ dasavidhena viññāṇakkhandho.
১৪৬. একৰিধেন ৰিঞ্ঞাণক্খন্ধো – ফস্সসম্পযুত্তো।
146. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি যোগনিযো, অত্থি অযোগনিযো।
Duvidhena viññāṇakkhandho – atthi yoganiyo, atthi ayoganiyo.
তিৰিধেন ৰিঞ্ঞাণক্খন্ধো – অত্থি অতীতো, অত্থি অনাগতো, অত্থি পচ্চুপ্পন্নো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi atīto, atthi anāgato, atthi paccuppanno…pe…. Evaṃ dasavidhena viññāṇakkhandho.
১৪৭. একৰিধেন ৰিঞ্ঞাণক্খন্ধো – ফস্সসম্পযুত্তো।
147. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি যোগসম্পযুত্তো, অত্থি যোগৰিপ্পযুত্তো।
Duvidhena viññāṇakkhandho – atthi yogasampayutto, atthi yogavippayutto.
তিৰিধেন ৰিঞ্ঞাণক্খন্ধো – অত্থি অতীতারম্মণো, অত্থি অনাগতারম্মণো, অত্থি পচ্চুপ্পন্নারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena viññāṇakkhandho.
১৪৮. একৰিধেন ৰিঞ্ঞাণক্খন্ধো – ফস্সসম্পযুত্তো।
148. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি যোগৰিপ্পযুত্তযোগনিযো, অত্থি যোগৰিপ্পযুত্তঅযোগনিযো।
Duvidhena viññāṇakkhandho – atthi yogavippayuttayoganiyo, atthi yogavippayuttaayoganiyo.
তিৰিধেন ৰিঞ্ঞাণক্খন্ধো – অত্থি অজ্ঝত্তো, অত্থি বহিদ্ধো, অত্থি অজ্ঝত্তবহিদ্ধো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena viññāṇakkhandho.
১৪৯. একৰিধেন ৰিঞ্ঞাণক্খন্ধো – ফস্সসম্পযুত্তো।
149. Ekavidhena viññāṇakkhandho – phassasampayutto.
দুৰিধেন ৰিঞ্ঞাণক্খন্ধো – অত্থি নীৰরণিযো, অত্থি অনীৰরণিযো।
Duvidhena viññāṇakkhandho – atthi nīvaraṇiyo, atthi anīvaraṇiyo.
তিৰিধেন ৰিঞ্ঞাণক্খন্ধো – অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো…পে॰…। এৰং দসৰিধেন ৰিঞ্ঞাণক্খন্ধো।
Tividhena viññāṇakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
উভতোৰড্ঢকং।
Ubhatovaḍḍhakaṃ.
সত্তৰিধেন ৰিঞ্ঞাণক্খন্ধো – অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন ৰিঞ্ঞাণক্খন্ধো।
Sattavidhena viññāṇakkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena viññāṇakkhandho.
অপরোপি সত্তৰিধেন ৰিঞ্ঞাণক্খন্ধো – অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো। এৰং সত্তৰিধেন ৰিঞ্ঞাণক্খন্ধো।
Aparopi sattavidhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena viññāṇakkhandho.
চতুৰীসতিৰিধেন ৰিঞ্ঞাণক্খন্ধো – চক্খুসম্ফস্সপচ্চযা ৰিঞ্ঞাণক্খন্ধো অত্থি কুসলো, অত্থি অকুসলো, অত্থি অব্যাকতো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰিঞ্ঞাণক্খন্ধো অত্থি কুসলো, অত্থি অকুসলো, অত্থি অব্যাকতো; চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং , জিৰ্হাৰিঞ্ঞাণং, কাযৰিঞ্ঞাণং, মনোৰিঞ্ঞাণং। এৰং চতুৰীসতিৰিধেন ৰিঞ্ঞাণক্খন্ধো ।
Catuvīsatividhena viññāṇakkhandho – cakkhusamphassapaccayā viññāṇakkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi kusalo, atthi akusalo, atthi abyākato; cakkhuviññāṇaṃ, sotaviññāṇaṃ, ghānaviññāṇaṃ , jivhāviññāṇaṃ, kāyaviññāṇaṃ, manoviññāṇaṃ. Evaṃ catuvīsatividhena viññāṇakkhandho .
অপরোপি চতুৰীসতিৰিধেন ৰিঞ্ঞাণক্খন্ধো – চক্খুসম্ফস্সপচ্চযা ৰিঞ্ঞাণক্খন্ধো অত্থি সুখায ৰেদনায সম্পযুত্তো, অত্থি দুক্খায ৰেদনায সম্পযুত্তো, অত্থি অদুক্খমসুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো; চক্খুৰিঞ্ঞাণং…পে॰… কাযৰিঞ্ঞাণং, মনোৰিঞ্ঞাণং; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰিঞ্ঞাণক্খন্ধো অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো; চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং, মনোৰিঞ্ঞাণং। এৰং চতুৰীসতিৰিধেন ৰিঞ্ঞাণক্খন্ধো।
Aparopi catuvīsatividhena viññāṇakkhandho – cakkhusamphassapaccayā viññāṇakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhuviññāṇaṃ…pe… kāyaviññāṇaṃ, manoviññāṇaṃ; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ catuvīsatividhena viññāṇakkhandho.
তিংসতিৰিধেন ৰিঞ্ঞাণক্খন্ধো – চক্খুসম্ফস্সপচ্চযা ৰিঞ্ঞাণক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; সোতসম্ফস্সপচ্চযা …পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰিঞ্ঞাণক্খন্ধো অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুৰিঞ্ঞাণং , সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং, মনোৰিঞ্ঞাণং। এৰং তিংসতিৰিধেন ৰিঞ্ঞাণক্খন্ধো।
Tiṃsatividhena viññāṇakkhandho – cakkhusamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā …pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhuviññāṇaṃ , sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ tiṃsatividhena viññāṇakkhandho.
বহুৰিধেন ৰিঞ্ঞাণক্খন্ধো – চক্খুসম্ফস্সপচ্চযা ৰিঞ্ঞাণক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, চক্খুৰিঞ্ঞাণং…পে॰… মনোৰিঞ্ঞাণং; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা …পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰিঞ্ঞাণক্খন্ধো অত্থি কুসলো, অত্থি অকুসলো, অত্থি অব্যাকতো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো, চক্খুৰিঞ্ঞাণং…পে॰… মনোৰিঞ্ঞাণং। এৰং বহুৰিধেন ৰিঞ্ঞাণক্খন্ধো।
Bahuvidhena viññāṇakkhandho – cakkhusamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṃ…pe… manoviññāṇaṃ; sotasamphassapaccayā…pe… ghānasamphassapaccayā…pe… jivhāsamphassapaccayā …pe… kāyasamphassapaccayā…pe… manosamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṃ…pe… manoviññāṇaṃ. Evaṃ bahuvidhena viññāṇakkhandho.
অপরোপি বহুৰিধেন ৰিঞ্ঞাণক্খন্ধো – চক্খুসম্ফস্সপচ্চযা ৰিঞ্ঞাণক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; সোতসম্ফস্সপচ্চযা…পে॰… ঘানসম্ফস্সপচ্চযা…পে॰… জিৰ্হাসম্ফস্সপচ্চযা…পে॰… কাযসম্ফস্সপচ্চযা…পে॰… মনোসম্ফস্সপচ্চযা ৰিঞ্ঞাণক্খন্ধো অত্থি সুখায ৰেদনায সম্পযুত্তো…পে॰… অত্থি অজ্ঝত্তারম্মণো, অত্থি বহিদ্ধারম্মণো, অত্থি অজ্ঝত্তবহিদ্ধারম্মণো, অত্থি কামাৰচরো, অত্থি রূপাৰচরো, অত্থি অরূপাৰচরো, অত্থি অপরিযাপন্নো; চক্খুৰিঞ্ঞাণং, সোতৰিঞ্ঞাণং, ঘানৰিঞ্ঞাণং, জিৰ্হাৰিঞ্ঞাণং, কাযৰিঞ্ঞাণং, মনোৰিঞ্ঞাণং। এৰং বহুৰিধেন ৰিঞ্ঞাণক্খন্ধো।
Aparopi bahuvidhena viññāṇakkhandho – cakkhusamphassapaccayā viññāṇakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ bahuvidhena viññāṇakkhandho.
অযং ৰুচ্চতি ৰিঞ্ঞাণক্খন্ধো।
Ayaṃ vuccati viññāṇakkhandho.
অভিধম্মভাজনীযং।
Abhidhammabhājanīyaṃ.
৩. পঞ্হাপুচ্ছকং
3. Pañhāpucchakaṃ
১৫০. পঞ্চক্খন্ধা – রূপক্খন্ধো, ৰেদনাক্খন্ধো, সঞ্ঞাক্খন্ধো, সঙ্খারক্খন্ধো, ৰিঞ্ঞাণক্খন্ধো।
150. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
১৫১. পঞ্চন্নং খন্ধানং কতি কুসলা, কতি অকুসলা, কতি অব্যাকতা…পে॰… কতি সরণা, কতি অরণা?
151. Pañcannaṃ khandhānaṃ kati kusalā, kati akusalā, kati abyākatā…pe… kati saraṇā, kati araṇā?
১. তিকং
1. Tikaṃ
১৫২. রূপক্খন্ধো অব্যাকতো। চত্তারো খন্ধা সিযা কুসলা, সিযা অকুসলা, সিযা অব্যাকতা। দ্ৰে খন্ধা ন ৰত্তব্বা – ‘‘সুখায ৰেদনায সম্পযুত্তা’’তিপি, ‘‘দুক্খায ৰেদনায সম্পযুত্তা’’তিপি, ‘‘অদুক্খমসুখায ৰেদনায সম্পযুত্তা’’তিপি। তযো খন্ধা সিযা সুখায ৰেদনায সম্পযুত্তা, সিযা দুক্খায ৰেদনায সম্পযুত্তা, সিযা অদুক্খমসুখায ৰেদনায সম্পযুত্তা। রূপক্খন্ধো নেৰৰিপাকনৰিপাকধম্মধম্মো। চত্তারো খন্ধা সিযা ৰিপাকা, সিযা ৰিপাকধম্মধম্মা, সিযা নেৰৰিপাকনৰিপাকধম্মধম্মা। রূপক্খন্ধো সিযা উপাদিন্নুপাদানিযো, সিযা অনুপাদিন্নুপাদানিযো । চত্তারো খন্ধা সিযা উপাদিন্নুপাদানিযা, সিযা অনুপাদিন্নুপাদানিযা, সিযা অনুপাদিন্নঅনুপাদানিযা।
152. Rūpakkhandho abyākato. Cattāro khandhā siyā kusalā, siyā akusalā, siyā abyākatā. Dve khandhā na vattabbā – ‘‘sukhāya vedanāya sampayuttā’’tipi, ‘‘dukkhāya vedanāya sampayuttā’’tipi, ‘‘adukkhamasukhāya vedanāya sampayuttā’’tipi. Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Rūpakkhandho nevavipākanavipākadhammadhammo. Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā. Rūpakkhandho siyā upādinnupādāniyo, siyā anupādinnupādāniyo . Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.
রূপক্খন্ধো অসংকিলিট্ঠসংকিলেসিকো। চত্তারো খন্ধা সিযা সংকিলিট্ঠসংকিলেসিকা, সিযা অসংকিলিট্ঠসংকিলেসিকা, সিযা অসংকিলিট্ঠঅসংকিলেসিকা। রূপক্খন্ধো অৰিতক্কঅৰিচারো। তযো খন্ধা সিযা সৰিতক্কসৰিচারা, সিযা অৰিতক্কৰিচারমত্তা, সিযা অৰিতক্কঅৰিচারা। সঙ্খারক্খন্ধো সিযা সৰিতক্কসৰিচারো, সিযা অৰিতক্কৰিচারমত্তো, সিযা অৰিতক্কঅৰিচারো, সিযা ন ৰত্তব্বো – ‘‘সৰিতক্কসৰিচারো’’তিপি, ‘‘অৰিতক্কৰিচারমত্তো’’তিপি, ‘‘অৰিতক্কঅৰিচারো’’তিপি। রূপক্খন্ধো ন ৰত্তব্বো – ‘‘পীতিসহগতো’’তিপি, ‘‘সুখসহগতো’’তিপি, ‘‘উপেক্খাসহগতো’’তিপি। ৰেদনাক্খন্ধো সিযা পীতিসহগতো ন সুখসহগতো ন উপেক্খাসহগতো, সিযা ন ৰত্তব্বো – ‘‘পীতিসহগতো’’তি। তযো খন্ধা সিযা পীতিসহগতা, সিযা সুখসহগতা, সিযা উপেক্খাসহগতা, সিযা ন ৰত্তব্বা – ‘‘পীতিসহগতা’’তিপি, ‘‘সুখসহগতা’’তিপি, ‘‘উপেক্খাসহগতা’’তিপি।
Rūpakkhandho asaṃkiliṭṭhasaṃkilesiko. Cattāro khandhā siyā saṃkiliṭṭhasaṃkilesikā, siyā asaṃkiliṭṭhasaṃkilesikā, siyā asaṃkiliṭṭhaasaṃkilesikā. Rūpakkhandho avitakkaavicāro. Tayo khandhā siyā savitakkasavicārā, siyā avitakkavicāramattā, siyā avitakkaavicārā. Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro, siyā na vattabbo – ‘‘savitakkasavicāro’’tipi, ‘‘avitakkavicāramatto’’tipi, ‘‘avitakkaavicāro’’tipi. Rūpakkhandho na vattabbo – ‘‘pītisahagato’’tipi, ‘‘sukhasahagato’’tipi, ‘‘upekkhāsahagato’’tipi. Vedanākkhandho siyā pītisahagato na sukhasahagato na upekkhāsahagato, siyā na vattabbo – ‘‘pītisahagato’’ti. Tayo khandhā siyā pītisahagatā, siyā sukhasahagatā, siyā upekkhāsahagatā, siyā na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi.
রূপক্খন্ধো নেৰ দস্সনেন ন ভাৰনায পহাতব্বো। চত্তারো খন্ধা সিযা দস্সনেন পহাতব্বা, সিযা ভাৰনায পহাতব্বা, সিযা নেৰ দস্সনেন ন ভাৰনায পহাতব্বা। রূপক্খন্ধো নেৰ দস্সনেন ন ভাৰনায পহাতব্বহেতুকো। চত্তারো খন্ধা সিযা দস্সনেন পহাতব্বহেতুকা, সিযা ভাৰনায পহাতব্বহেতুকা, সিযা নেৰ দস্সনেন ন ভাৰনায পহাতব্বহেতুকা। রূপক্খন্ধো নেৰাচযগামিনাপচযগামী। চত্তারো খন্ধা সিযা আচযগামিনো, সিযা অপচযগামিনো, সিযা নেৰাচযগামিনাপচযগামিনো। রূপক্খন্ধো নেৰসেক্খনাসেক্খো। চত্তারো খন্ধা সিযা সেক্খা, সিযা অসেক্খা, সিযা নেৰসেক্খনাসেক্খা। রূপক্খন্ধো পরিত্তো। চত্তারো খন্ধা সিযা পরিত্তা, সিযা মহগ্গতা, সিযা অপ্পমাণা। রূপক্খন্ধো অনারম্মণো। চত্তারো খন্ধা সিযা পরিত্তারম্মণা, সিযা মহগ্গতারম্মণা, সিযা অপ্পমাণারম্মণা, সিযা ন ৰত্তব্বা – ‘‘পরিত্তারম্মণা’’তিপি , ‘‘মহগ্গতারম্মণা’’তিপি, ‘‘অপ্পমাণারম্মণা’’তিপি। রূপক্খন্ধো মজ্ঝিমো। চত্তারো খন্ধা সিযা হীনা, সিযা মজ্ঝিমা, সিযা পণীতা। রূপক্খন্ধো অনিযতো । চত্তারো খন্ধা সিযা মিচ্ছত্তনিযতা, সিযা সম্মত্তনিযতা, সিযা অনিযতা।
Rūpakkhandho neva dassanena na bhāvanāya pahātabbo. Cattāro khandhā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā. Rūpakkhandho neva dassanena na bhāvanāya pahātabbahetuko. Cattāro khandhā siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā. Rūpakkhandho nevācayagāmināpacayagāmī. Cattāro khandhā siyā ācayagāmino, siyā apacayagāmino, siyā nevācayagāmināpacayagāmino. Rūpakkhandho nevasekkhanāsekkho. Cattāro khandhā siyā sekkhā, siyā asekkhā, siyā nevasekkhanāsekkhā. Rūpakkhandho paritto. Cattāro khandhā siyā parittā, siyā mahaggatā, siyā appamāṇā. Rūpakkhandho anārammaṇo. Cattāro khandhā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā – ‘‘parittārammaṇā’’tipi , ‘‘mahaggatārammaṇā’’tipi, ‘‘appamāṇārammaṇā’’tipi. Rūpakkhandho majjhimo. Cattāro khandhā siyā hīnā, siyā majjhimā, siyā paṇītā. Rūpakkhandho aniyato . Cattāro khandhā siyā micchattaniyatā, siyā sammattaniyatā, siyā aniyatā.
রূপক্খন্ধো অনারম্মণো। চত্তারো খন্ধা সিযা মগ্গারম্মণা, সিযা মগ্গহেতুকা, সিযা মগ্গাধিপতিনো, সিযা ন ৰত্তব্বা – ‘‘মগ্গারম্মণা’’তিপি, ‘‘মগ্গহেতুকা’’তিপি , ‘‘মগ্গাধিপতিনো’’তিপি; সিযা উপ্পন্না, সিযা অনুপ্পন্না, সিযা উপ্পাদিনো; সিযা অতীতা, সিযা অনাগতা, সিযা পচ্চুপ্পন্না। রূপক্খন্ধো অনারম্মণো। চত্তারো খন্ধা সিযা অতীতারম্মণা, সিযা অনাগতারম্মণা, সিযা পচ্চুপ্পন্নারম্মণা, সিযা ন ৰত্তব্বা – ‘‘অতীতারম্মণা’’তিপি, ‘‘অনাগতারম্মণা’’তিপি, ‘‘পচ্চুপ্পন্নারম্মণা’’তিপি; সিযা অজ্ঝত্তা, সিযা বহিদ্ধা, সিযা অজ্ঝত্তবহিদ্ধা। রূপক্খন্ধো অনারম্মণো। চত্তারো খন্ধা সিযা অজ্ঝত্তারম্মণা, সিযা বহিদ্ধারম্মণা, সিযা অজ্ঝত্তবহিদ্ধারম্মণা, সিযা ন ৰত্তব্বা – ‘‘অজ্ঝত্তারম্মণা’’তিপি, ‘‘বহিদ্ধারম্মণা’’তিপি, ‘‘অজ্ঝত্তবহিদ্ধারম্মণা’’তিপি। চত্তারো খন্ধা অনিদস্সনঅপ্পটিঘা। রূপক্খন্ধো সিযা সনিদস্সনসপ্পটিঘো, সিযা অনিদস্সনসপ্পটিঘো, সিযা অনিদস্সনঅপ্পটিঘো।
Rūpakkhandho anārammaṇo. Cattāro khandhā siyā maggārammaṇā, siyā maggahetukā, siyā maggādhipatino, siyā na vattabbā – ‘‘maggārammaṇā’’tipi, ‘‘maggahetukā’’tipi , ‘‘maggādhipatino’’tipi; siyā uppannā, siyā anuppannā, siyā uppādino; siyā atītā, siyā anāgatā, siyā paccuppannā. Rūpakkhandho anārammaṇo. Cattāro khandhā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā – ‘‘atītārammaṇā’’tipi, ‘‘anāgatārammaṇā’’tipi, ‘‘paccuppannārammaṇā’’tipi; siyā ajjhattā, siyā bahiddhā, siyā ajjhattabahiddhā. Rūpakkhandho anārammaṇo. Cattāro khandhā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā – ‘‘ajjhattārammaṇā’’tipi, ‘‘bahiddhārammaṇā’’tipi, ‘‘ajjhattabahiddhārammaṇā’’tipi. Cattāro khandhā anidassanaappaṭighā. Rūpakkhandho siyā sanidassanasappaṭigho, siyā anidassanasappaṭigho, siyā anidassanaappaṭigho.
২. দুকং
2. Dukaṃ
১৫৩. চত্তারো খন্ধা ন হেতূ। সঙ্খারক্খন্ধো সিযা হেতু, সিযা ন হেতু। রূপক্খন্ধো অহেতুকো। চত্তারো খন্ধা সিযা সহেতুকা, সিযা অহেতুকা। রূপক্খন্ধো হেতুৰিপ্পযুত্তো। চত্তারো খন্ধা সিযা হেতুসম্পযুত্তা, সিযা হেতুৰিপ্পযুত্তা। রূপক্খন্ধো ন ৰত্তব্বো – ‘‘হেতু চেৰ সহেতুকো চা’’তিপি, ‘‘সহেতুকো চেৰ ন চ হেতূ’’তিপি। তযো খন্ধা ন ৰত্তব্বা – ‘‘হেতূ চেৰ সহেতুকা চা’’তি, সিযা সহেতুকা চেৰ ন চ হেতূ, সিযা ন ৰত্তব্বা – ‘‘সহেতুকা চেৰ ন চ হেতূ’’তি। সঙ্খারক্খন্ধো সিযা হেতু চেৰ সহেতুকো চ, সিযা সহেতুকো চেৰ ন চ হেতু, সিযা ন ৰত্তব্বো – ‘‘হেতু চেৰ সহেতুকো চা’’তিপি, ‘‘সহেতুকো চেৰ ন চ হেতূ’’তিপি। রূপক্খন্ধো ন ৰত্তব্বো – ‘‘হেতু চেৰ হেতুসম্পযুত্তো চা’’তিপি, ‘‘হেতুসম্পযুত্তো চেৰ ন চ হেতূ’’তিপি। তযো খন্ধা ন ৰত্তব্বা – ‘‘হেতূ চেৰ হেতুসম্পযুত্তা চা’’তি, সিযা হেতুসম্পযুত্তা চেৰ ন চ হেতূ, সিযা ন ৰত্তব্বা – ‘‘হেতুসম্পযুত্তা চেৰ ন চ হেতূ’’তি। সঙ্খারক্খন্ধো সিযা হেতু চেৰ হেতুসম্পযুত্তো চ, সিযা হেতুসম্পযুত্তো চেৰ ন চ হেতু, সিযা ন ৰত্তব্বো – ‘‘হেতু চেৰ হেতুসম্পযুত্তো চা’’তিপি, ‘‘হেতুসম্পযুত্তো চেৰ ন চ হেতূ’’তিপি। রূপক্খন্ধো ন হেতু অহেতুকো । তযো খন্ধা সিযা ন হেতূ সহেতুকা, সিযা ন হেতূ অহেতুকা। সঙ্খারক্খন্ধো সিযা ন হেতু সহেতুকো, সিযা ন হেতু অহেতুকো, সিযা ন ৰত্তব্বো – ‘‘ন হেতু সহেতুকো’’তিপি, ‘‘ন হেতু অহেতুকো’’তিপি।
153. Cattāro khandhā na hetū. Saṅkhārakkhandho siyā hetu, siyā na hetu. Rūpakkhandho ahetuko. Cattāro khandhā siyā sahetukā, siyā ahetukā. Rūpakkhandho hetuvippayutto. Cattāro khandhā siyā hetusampayuttā, siyā hetuvippayuttā. Rūpakkhandho na vattabbo – ‘‘hetu ceva sahetuko cā’’tipi, ‘‘sahetuko ceva na ca hetū’’tipi. Tayo khandhā na vattabbā – ‘‘hetū ceva sahetukā cā’’ti, siyā sahetukā ceva na ca hetū, siyā na vattabbā – ‘‘sahetukā ceva na ca hetū’’ti. Saṅkhārakkhandho siyā hetu ceva sahetuko ca, siyā sahetuko ceva na ca hetu, siyā na vattabbo – ‘‘hetu ceva sahetuko cā’’tipi, ‘‘sahetuko ceva na ca hetū’’tipi. Rūpakkhandho na vattabbo – ‘‘hetu ceva hetusampayutto cā’’tipi, ‘‘hetusampayutto ceva na ca hetū’’tipi. Tayo khandhā na vattabbā – ‘‘hetū ceva hetusampayuttā cā’’ti, siyā hetusampayuttā ceva na ca hetū, siyā na vattabbā – ‘‘hetusampayuttā ceva na ca hetū’’ti. Saṅkhārakkhandho siyā hetu ceva hetusampayutto ca, siyā hetusampayutto ceva na ca hetu, siyā na vattabbo – ‘‘hetu ceva hetusampayutto cā’’tipi, ‘‘hetusampayutto ceva na ca hetū’’tipi. Rūpakkhandho na hetu ahetuko . Tayo khandhā siyā na hetū sahetukā, siyā na hetū ahetukā. Saṅkhārakkhandho siyā na hetu sahetuko, siyā na hetu ahetuko, siyā na vattabbo – ‘‘na hetu sahetuko’’tipi, ‘‘na hetu ahetuko’’tipi.
সপ্পচ্চযা, সঙ্খতা।
Sappaccayā, saṅkhatā.
চত্তারো খন্ধা অনিদস্সনা। রূপক্খন্ধো সিযা সনিদস্সনো, সিযা অনিদস্সনো। চত্তারো খন্ধা অপ্পটিঘা। রূপক্খন্ধো সিযা সপ্পটিঘো, সিযা অপ্পটিঘো। রূপক্খন্ধো রূপং। চত্তারো খন্ধা অরূপা। রূপক্খন্ধো লোকিযো। চত্তারো খন্ধা সিযা লোকিযা, সিযা লোকুত্তরা; কেনচি ৰিঞ্ঞেয্যা, কেনচি ন ৰিঞ্ঞেয্যা।
Cattāro khandhā anidassanā. Rūpakkhandho siyā sanidassano, siyā anidassano. Cattāro khandhā appaṭighā. Rūpakkhandho siyā sappaṭigho, siyā appaṭigho. Rūpakkhandho rūpaṃ. Cattāro khandhā arūpā. Rūpakkhandho lokiyo. Cattāro khandhā siyā lokiyā, siyā lokuttarā; kenaci viññeyyā, kenaci na viññeyyā.
চত্তারো খন্ধা নো আসৰা। সঙ্খারক্খন্ধো সিযা আসৰো, সিযা নো আসৰো। রূপক্খন্ধো সাসৰো। চত্তারো খন্ধা সিযা সাসৰা, সিযা অনাসৰা। রূপক্খন্ধো আসৰৰিপ্পযুত্তো। চত্তারো খন্ধা সিযা আসৰসম্পযুত্তা, সিযা আসৰৰিপ্পযুত্তা। রূপক্খন্ধো ন ৰত্তব্বো – ‘‘আসৰো চেৰ সাসৰো চা’’তি, সাসৰো চেৰ নো চ আসৰো। তযো খন্ধা ন ৰত্তব্বা – ‘‘আসৰা চেৰ সাসৰা চা’’তি, সিযা সাসৰা চেৰ নো চ আসৰা, সিযা ন ৰত্তব্বা – ‘‘সাসৰা চেৰ নো চ আসৰা’’তি। সঙ্খারক্খন্ধো সিযা আসৰো চেৰ সাসৰো চ, সিযা সাসৰো চেৰ নো চ আসৰো, সিযা ন ৰত্তব্বো – ‘‘আসৰো চেৰ সাসৰো চা’’তিপি, ‘‘সাসৰো চেৰ নো চ আসৰো’’তিপি। রূপক্খন্ধো ন ৰত্তব্বো – ‘‘আসৰো চেৰ আসৰসম্পযুত্তো চা’’তিপি, ‘‘আসৰসম্পযুত্তো চেৰ নো চ আসৰো’’তিপি। তযো খন্ধা ন ৰত্তব্বা – ‘‘আসৰা চেৰ আসৰসম্পযুত্তা চা’’তি, সিযা আসৰসম্পযুত্তা চেৰ নো চ আসৰা, সিযা ন ৰত্তব্বা – ‘‘আসৰসম্পযুত্তা চেৰ নো চ আসৰা’’তি। সঙ্খারক্খন্ধো সিযা আসৰো চেৰ আসৰসম্পযুত্তো চ, সিযা আসৰসম্পযুত্তো চেৰ নো চ আসৰো, সিযা ন ৰত্তব্বো – ‘‘আসৰো চেৰ আসৰসম্পযুত্তো চা’’তিপি, ‘‘আসৰসম্পযুত্তো চেৰ নো চ আসৰো’’তিপি। রূপক্খন্ধো আসৰৰিপ্পযুত্তসাসৰো। চত্তারো খন্ধা সিযা আসৰৰিপ্পযুত্তসাসৰা, সিযা আসৰৰিপ্পযুত্তঅনাসৰা, সিযা ন ৰত্তব্বা – ‘‘আসৰৰিপ্পযুত্তসাসৰা’’তিপি, ‘‘আসৰৰিপ্পযুত্তঅনাসৰা’’তিপি।
Cattāro khandhā no āsavā. Saṅkhārakkhandho siyā āsavo, siyā no āsavo. Rūpakkhandho sāsavo. Cattāro khandhā siyā sāsavā, siyā anāsavā. Rūpakkhandho āsavavippayutto. Cattāro khandhā siyā āsavasampayuttā, siyā āsavavippayuttā. Rūpakkhandho na vattabbo – ‘‘āsavo ceva sāsavo cā’’ti, sāsavo ceva no ca āsavo. Tayo khandhā na vattabbā – ‘‘āsavā ceva sāsavā cā’’ti, siyā sāsavā ceva no ca āsavā, siyā na vattabbā – ‘‘sāsavā ceva no ca āsavā’’ti. Saṅkhārakkhandho siyā āsavo ceva sāsavo ca, siyā sāsavo ceva no ca āsavo, siyā na vattabbo – ‘‘āsavo ceva sāsavo cā’’tipi, ‘‘sāsavo ceva no ca āsavo’’tipi. Rūpakkhandho na vattabbo – ‘‘āsavo ceva āsavasampayutto cā’’tipi, ‘‘āsavasampayutto ceva no ca āsavo’’tipi. Tayo khandhā na vattabbā – ‘‘āsavā ceva āsavasampayuttā cā’’ti, siyā āsavasampayuttā ceva no ca āsavā, siyā na vattabbā – ‘‘āsavasampayuttā ceva no ca āsavā’’ti. Saṅkhārakkhandho siyā āsavo ceva āsavasampayutto ca, siyā āsavasampayutto ceva no ca āsavo, siyā na vattabbo – ‘‘āsavo ceva āsavasampayutto cā’’tipi, ‘‘āsavasampayutto ceva no ca āsavo’’tipi. Rūpakkhandho āsavavippayuttasāsavo. Cattāro khandhā siyā āsavavippayuttasāsavā, siyā āsavavippayuttaanāsavā, siyā na vattabbā – ‘‘āsavavippayuttasāsavā’’tipi, ‘‘āsavavippayuttaanāsavā’’tipi.
চত্তারো খন্ধা নো সংযোজনা। সঙ্খারক্খন্ধো সিযা সংযোজনং, সিযা নো সংযোজনং। রূপক্খন্ধো সংযোজনিযো। চত্তারো খন্ধা সিযা সংযোজনিযা, সিযা অসংযোজনিযা। রূপক্খন্ধো সংযোজনৰিপ্পযুত্তো। চত্তারো খন্ধা সিযা সংযোজনসম্পযুত্তা, সিযা সংযোজনৰিপ্পযুত্তা। রূপক্খন্ধো ন ৰত্তব্বো – ‘‘সংযোজনঞ্চেৰ সংযোজনিযো চা’’তি, ‘‘সংযোজনিযো চেৰ নো চ সংযোজনং’’। তযো খন্ধা ন ৰত্তব্বা – ‘‘সংযোজনা চেৰ সংযোজনিযা চা’’তি, সিযা সংযোজনিযা চেৰ নো চ সংযোজনা, সিযা ন ৰত্তব্বা – ‘‘সংযোজনিযা চেৰ নো চ সংযোজনা’’তি। সঙ্খারক্খন্ধো সিযা সংযোজনঞ্চেৰ সংযোজনিযো চ, সিযা সংযোজনিযো চেৰ নো চ সংযোজনং, সিযা ন ৰত্তব্বো – ‘‘সংযোজনঞ্চেৰ সংযোজনিযো চা’’তিপি, ‘‘সংযোজনিযো চেৰ নো চ সংযোজন’’ন্তিপি। রূপক্খন্ধো ন ৰত্তব্বো – ‘‘সংযোজনঞ্চেৰ সংযোজনসম্পযুত্তো চা’’তিপি, ‘‘সংযোজনসম্পযুত্তো চেৰ নো চ সংযোজন’’ন্তিপি। তযো খন্ধা ন ৰত্তব্বা – ‘‘সংযোজনা চেৰ সংযোজনসম্পযুত্তা চা’’তি, সিযা সংযোজনসম্পযুত্তা চেৰ নো চ সংযোজনা, সিযা ন ৰত্তব্বা – ‘‘সংযোজনসম্পযুত্তা চেৰ নো চ সংযোজনা’’তি। সঙ্খারক্খন্ধো সিযা সংযোজনঞ্চেৰ সংযোজনসম্পযুত্তো চ, সিযা সংযোজনসম্পযুত্তো চেৰ নো চ সংযোজনং, সিযা ন ৰত্তব্বো – ‘‘সংযোজনঞ্চেৰ সংযোজনসম্পযুত্তো চা’’তিপি, ‘‘সংযোজনসম্পযুত্তো চেৰ নো চ সংযোজন’’ন্তিপি। রূপক্খন্ধো সংযোজনৰিপ্পযুত্তসংযোজনিযো। চত্তারো খন্ধা সিযা সংযোজনৰিপ্পযুত্তসংযোজনিযা, সিযা সংযোজনৰিপ্পযুত্তঅসংযোজনিযা, সিযা ন ৰত্তব্বা – ‘‘সংযোজনৰিপ্পযুত্তসংযোজনিযা’’তিপি, ‘‘সংযোজনৰিপ্পযুত্তঅসংযোজনিযা’’তিপি।
Cattāro khandhā no saṃyojanā. Saṅkhārakkhandho siyā saṃyojanaṃ, siyā no saṃyojanaṃ. Rūpakkhandho saṃyojaniyo. Cattāro khandhā siyā saṃyojaniyā, siyā asaṃyojaniyā. Rūpakkhandho saṃyojanavippayutto. Cattāro khandhā siyā saṃyojanasampayuttā, siyā saṃyojanavippayuttā. Rūpakkhandho na vattabbo – ‘‘saṃyojanañceva saṃyojaniyo cā’’ti, ‘‘saṃyojaniyo ceva no ca saṃyojanaṃ’’. Tayo khandhā na vattabbā – ‘‘saṃyojanā ceva saṃyojaniyā cā’’ti, siyā saṃyojaniyā ceva no ca saṃyojanā, siyā na vattabbā – ‘‘saṃyojaniyā ceva no ca saṃyojanā’’ti. Saṅkhārakkhandho siyā saṃyojanañceva saṃyojaniyo ca, siyā saṃyojaniyo ceva no ca saṃyojanaṃ, siyā na vattabbo – ‘‘saṃyojanañceva saṃyojaniyo cā’’tipi, ‘‘saṃyojaniyo ceva no ca saṃyojana’’ntipi. Rūpakkhandho na vattabbo – ‘‘saṃyojanañceva saṃyojanasampayutto cā’’tipi, ‘‘saṃyojanasampayutto ceva no ca saṃyojana’’ntipi. Tayo khandhā na vattabbā – ‘‘saṃyojanā ceva saṃyojanasampayuttā cā’’ti, siyā saṃyojanasampayuttā ceva no ca saṃyojanā, siyā na vattabbā – ‘‘saṃyojanasampayuttā ceva no ca saṃyojanā’’ti. Saṅkhārakkhandho siyā saṃyojanañceva saṃyojanasampayutto ca, siyā saṃyojanasampayutto ceva no ca saṃyojanaṃ, siyā na vattabbo – ‘‘saṃyojanañceva saṃyojanasampayutto cā’’tipi, ‘‘saṃyojanasampayutto ceva no ca saṃyojana’’ntipi. Rūpakkhandho saṃyojanavippayuttasaṃyojaniyo. Cattāro khandhā siyā saṃyojanavippayuttasaṃyojaniyā, siyā saṃyojanavippayuttaasaṃyojaniyā, siyā na vattabbā – ‘‘saṃyojanavippayuttasaṃyojaniyā’’tipi, ‘‘saṃyojanavippayuttaasaṃyojaniyā’’tipi.
চত্তারো খন্ধা নো গন্থা। সঙ্খারক্খন্ধো সিযা গন্থো, সিযা নো গন্থো। রূপক্খন্ধো গন্থনিযো। চত্তারো খন্ধা সিযা গন্থনিযা, সিযা অগন্থনিযা। রূপক্খন্ধো গন্থৰিপ্পযুত্তো। চত্তারো খন্ধা সিযা গন্থসম্পযুত্তা, সিযা গন্থৰিপ্পযুত্তা। রূপক্খন্ধো ন ৰত্তব্বো – ‘‘গন্থো চেৰ গন্থনিযো চা’’তি, ‘‘গন্থনিযো চেৰ নো চ গন্থো’’। তযো খন্ধা ন ৰত্তব্বা – ‘‘গন্থা চেৰ গন্থনিযা চা’’তি, সিযা গন্থনিযা চেৰ নো চ গন্থা, সিযা ন ৰত্তব্বা – ‘‘গন্থনিযা চেৰ নো চ গন্থা’’তি। সঙ্খারক্খন্ধো সিযা গন্থো চেৰ গন্থনিযো চ, সিযা গন্থনিযো চেৰ নো চ গন্থো, সিযা ন ৰত্তব্বো – ‘‘গন্থো চেৰ গন্থনিযো চা’’তিপি, ‘‘গন্থনিযো চেৰ নো চ গন্থো’’তিপি। রূপক্খন্ধো ন ৰত্তব্বো – ‘‘গন্থো চেৰ গন্থসম্পযুত্তো চা’’তিপি, ‘‘গন্থসম্পযুত্তো চেৰ নো চ গন্থো’’তিপি। তযো খন্ধা ন ৰত্তব্বা – ‘‘গন্থা চেৰ গন্থসম্পযুত্তা চা’’তি, সিযা গন্থসম্পযুত্তা চেৰ নো চ গন্থা, সিযা ন ৰত্তব্বা – ‘‘গন্থসম্পযুত্তা চেৰ নো চ গন্থা’’তি। সঙ্খারক্খন্ধো সিযা গন্থো চেৰ গন্থসম্পযুত্তো চ, সিযা গন্থসম্পযুত্তো চেৰ নো চ গন্থো, সিযা ন ৰত্তব্বো – ‘‘গন্থো চেৰ গন্থসম্পযুত্তো চা’’তিপি, ‘‘গন্থসম্পযুত্তো চেৰ নো চ গন্থো’’তি পি। রূপক্খন্ধো গন্থৰিপ্পযুত্তগন্থনিযো। চত্তারো খন্ধা সিযা গন্থৰিপ্পযুত্তগন্থনিযা , সিযা গন্থৰিপ্পযুত্তঅগন্থনিযা, সিযা ন ৰত্তব্বা – ‘‘গন্থৰিপ্পযুত্তগন্থনিযা’’তিপি, ‘‘গন্থৰিপ্পযুত্তঅগন্থনিযা’’তিপি।
Cattāro khandhā no ganthā. Saṅkhārakkhandho siyā gantho, siyā no gantho. Rūpakkhandho ganthaniyo. Cattāro khandhā siyā ganthaniyā, siyā aganthaniyā. Rūpakkhandho ganthavippayutto. Cattāro khandhā siyā ganthasampayuttā, siyā ganthavippayuttā. Rūpakkhandho na vattabbo – ‘‘gantho ceva ganthaniyo cā’’ti, ‘‘ganthaniyo ceva no ca gantho’’. Tayo khandhā na vattabbā – ‘‘ganthā ceva ganthaniyā cā’’ti, siyā ganthaniyā ceva no ca ganthā, siyā na vattabbā – ‘‘ganthaniyā ceva no ca ganthā’’ti. Saṅkhārakkhandho siyā gantho ceva ganthaniyo ca, siyā ganthaniyo ceva no ca gantho, siyā na vattabbo – ‘‘gantho ceva ganthaniyo cā’’tipi, ‘‘ganthaniyo ceva no ca gantho’’tipi. Rūpakkhandho na vattabbo – ‘‘gantho ceva ganthasampayutto cā’’tipi, ‘‘ganthasampayutto ceva no ca gantho’’tipi. Tayo khandhā na vattabbā – ‘‘ganthā ceva ganthasampayuttā cā’’ti, siyā ganthasampayuttā ceva no ca ganthā, siyā na vattabbā – ‘‘ganthasampayuttā ceva no ca ganthā’’ti. Saṅkhārakkhandho siyā gantho ceva ganthasampayutto ca, siyā ganthasampayutto ceva no ca gantho, siyā na vattabbo – ‘‘gantho ceva ganthasampayutto cā’’tipi, ‘‘ganthasampayutto ceva no ca gantho’’ti pi. Rūpakkhandho ganthavippayuttaganthaniyo. Cattāro khandhā siyā ganthavippayuttaganthaniyā , siyā ganthavippayuttaaganthaniyā, siyā na vattabbā – ‘‘ganthavippayuttaganthaniyā’’tipi, ‘‘ganthavippayuttaaganthaniyā’’tipi.
চত্তারো খন্ধা নো ওঘা…পে॰… নো যোগা…পে॰… নো নীৰরণা। সঙ্খারক্খন্ধো সিযা নীৰরণং, সিযা নো নীৰরণং। রূপক্খন্ধো নীৰরণিযো। চত্তারো খন্ধা সিযা নীৰরণিযা, সিযা অনীৰরণিযা। রূপক্খন্ধো নীৰরণৰিপ্পযুত্তো। চত্তারো খন্ধা সিযা নীৰরণসম্পযুত্তা, সিযা নীৰরণৰিপ্পযুত্তা। রূপক্খন্ধো ন ৰত্তব্বো – ‘‘নীৰরণঞ্চেৰ নীৰরণিযো চা’’তি, ‘‘নীৰরণিযো চেৰ নো চ নীৰরণং’’। তযো খন্ধা ন ৰত্তব্বা – ‘‘নীৰরণা চেৰ নীৰরণিযা চা’’তি, সিযা নীৰরণিযা চেৰ নো চ নীৰরণা, সিযা ন ৰত্তব্বা – ‘‘নীৰরণিযা চেৰ নো চ নীৰরণা’’তি। সঙ্খারক্খন্ধো সিযা নীৰরণঞ্চেৰ নীৰরণিযো চ, সিযা নীৰরণিযো চেৰ নো চ নীৰরণং, সিযা ন ৰত্তব্বো – ‘‘নীৰরণঞ্চেৰ নীৰরণিযো চা’’তিপি, ‘‘নীৰরণিযো চেৰ নো চ নীৰরণ’’ন্তিপি। রূপক্খন্ধো ন ৰত্তব্বো – ‘‘নীৰরণঞ্চেৰ নীৰরণসম্পযুত্তো চা’’তিপি, ‘‘নীৰরণসম্পযুত্তো চেৰ নো চ নীৰরণ’’ন্তিপি। তযো খন্ধা ন ৰত্তব্বা – ‘‘নীৰরণা চেৰ নীৰরণসম্পযুত্তা চা’’তি, সিযা নীৰরণসম্পযুত্তা চেৰ নো চ নীৰরণা, সিযা ন ৰত্তব্বা – ‘‘নীৰরণসম্পযুত্তা চেৰ নো চ নীৰরণা’’তি। সঙ্খারক্খন্ধো সিযা নীৰরণঞ্চেৰ নীৰরণসম্পযুত্তো চ, সিযা নীৰরণসম্পযুত্তো চেৰ নো চ নীৰরণং, সিযা ন ৰত্তব্বো – ‘‘নীৰরণঞ্চেৰ নীৰরণসম্পযুত্তো চা’’তিপি, ‘‘নীৰরণসম্পযুত্তো চেৰ নো চ নীৰরণ’’ন্তিপি। রূপক্খন্ধো নীৰরণৰিপ্পযুত্তনীৰরণিযো। চত্তারো খন্ধা সিযা নীৰরণৰিপ্পযুত্তনীৰরণিযা, সিযা নীৰরণৰিপ্পযুত্তঅনীৰরণিযা, সিযা ন ৰত্তব্বা – ‘‘নীৰরণৰিপ্পযুত্তনীৰরণিযা’’তিপি, ‘‘নীৰরণৰিপ্পযুত্তঅনীৰরণিযা’’তিপি।
Cattāro khandhā no oghā…pe… no yogā…pe… no nīvaraṇā. Saṅkhārakkhandho siyā nīvaraṇaṃ, siyā no nīvaraṇaṃ. Rūpakkhandho nīvaraṇiyo. Cattāro khandhā siyā nīvaraṇiyā, siyā anīvaraṇiyā. Rūpakkhandho nīvaraṇavippayutto. Cattāro khandhā siyā nīvaraṇasampayuttā, siyā nīvaraṇavippayuttā. Rūpakkhandho na vattabbo – ‘‘nīvaraṇañceva nīvaraṇiyo cā’’ti, ‘‘nīvaraṇiyo ceva no ca nīvaraṇaṃ’’. Tayo khandhā na vattabbā – ‘‘nīvaraṇā ceva nīvaraṇiyā cā’’ti, siyā nīvaraṇiyā ceva no ca nīvaraṇā, siyā na vattabbā – ‘‘nīvaraṇiyā ceva no ca nīvaraṇā’’ti. Saṅkhārakkhandho siyā nīvaraṇañceva nīvaraṇiyo ca, siyā nīvaraṇiyo ceva no ca nīvaraṇaṃ, siyā na vattabbo – ‘‘nīvaraṇañceva nīvaraṇiyo cā’’tipi, ‘‘nīvaraṇiyo ceva no ca nīvaraṇa’’ntipi. Rūpakkhandho na vattabbo – ‘‘nīvaraṇañceva nīvaraṇasampayutto cā’’tipi, ‘‘nīvaraṇasampayutto ceva no ca nīvaraṇa’’ntipi. Tayo khandhā na vattabbā – ‘‘nīvaraṇā ceva nīvaraṇasampayuttā cā’’ti, siyā nīvaraṇasampayuttā ceva no ca nīvaraṇā, siyā na vattabbā – ‘‘nīvaraṇasampayuttā ceva no ca nīvaraṇā’’ti. Saṅkhārakkhandho siyā nīvaraṇañceva nīvaraṇasampayutto ca, siyā nīvaraṇasampayutto ceva no ca nīvaraṇaṃ, siyā na vattabbo – ‘‘nīvaraṇañceva nīvaraṇasampayutto cā’’tipi, ‘‘nīvaraṇasampayutto ceva no ca nīvaraṇa’’ntipi. Rūpakkhandho nīvaraṇavippayuttanīvaraṇiyo. Cattāro khandhā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā – ‘‘nīvaraṇavippayuttanīvaraṇiyā’’tipi, ‘‘nīvaraṇavippayuttaanīvaraṇiyā’’tipi.
চত্তারো খন্ধা নো পরামাসা। সঙ্খারক্খন্ধো সিযা পরামাসো, সিযা নো পরামাসো। রূপক্খন্ধো পরামট্ঠো। চত্তারো খন্ধা সিযা পরামট্ঠা, সিযা অপরামট্ঠা। রূপক্খন্ধো পরামাসৰিপ্পযুত্তো। তযো খন্ধা সিযা পরামাসসম্পযুত্তা, সিযা পরামাসৰিপ্পযুত্তা। সঙ্খারক্খন্ধো সিযা পরামাসসম্পযুত্তো, সিযা পরামাসৰিপ্পযুত্তো, সিযা ন ৰত্তব্বো – ‘‘পরামাসসম্পযুত্তো’’তিপি, ‘‘পরামাসৰিপ্পযুত্তো’’তিপি। রূপক্খন্ধো ন ৰত্তব্বো – ‘‘পরামাসো চেৰ পরামট্ঠো চা’’তি, ‘‘পরামট্ঠো চেৰ নো চ পরামাসো’’। তযো খন্ধা ন ৰত্তব্বা – ‘‘পরামাসা চেৰ পরামট্ঠা চা’’তি, সিযা পরামট্ঠা চেৰ নো চ পরামাসা, সিযা ন ৰত্তব্বা – ‘‘পরামট্ঠা চেৰ নো চ পরামাসা’’তি। সঙ্খারক্খন্ধো সিযা পরামাসো চেৰ পরামট্ঠো চ, সিযা পরামট্ঠো চেৰ নো চ পরামাসো, সিযা ন ৰত্তব্বো – ‘‘পরামাসো চেৰ পরামট্ঠো চা’’তিপি, ‘‘পরামট্ঠো চেৰ নো চ পরামাসো’’তিপি। রূপক্খন্ধো পরামাসৰিপ্পযুত্তপরামট্ঠো। চত্তারো খন্ধা সিযা পরামাসৰিপ্পযুত্তপরামট্ঠা, সিযা পরামাসৰিপ্পযুত্তঅপরামট্ঠা , সিযা ন ৰত্তব্বা – ‘‘পরামাসৰিপ্পযুত্তপরামট্ঠা’’তিপি, ‘‘পরামাসৰিপ্পযুত্তঅপরামট্ঠা’’তিপি।
Cattāro khandhā no parāmāsā. Saṅkhārakkhandho siyā parāmāso, siyā no parāmāso. Rūpakkhandho parāmaṭṭho. Cattāro khandhā siyā parāmaṭṭhā, siyā aparāmaṭṭhā. Rūpakkhandho parāmāsavippayutto. Tayo khandhā siyā parāmāsasampayuttā, siyā parāmāsavippayuttā. Saṅkhārakkhandho siyā parāmāsasampayutto, siyā parāmāsavippayutto, siyā na vattabbo – ‘‘parāmāsasampayutto’’tipi, ‘‘parāmāsavippayutto’’tipi. Rūpakkhandho na vattabbo – ‘‘parāmāso ceva parāmaṭṭho cā’’ti, ‘‘parāmaṭṭho ceva no ca parāmāso’’. Tayo khandhā na vattabbā – ‘‘parāmāsā ceva parāmaṭṭhā cā’’ti, siyā parāmaṭṭhā ceva no ca parāmāsā, siyā na vattabbā – ‘‘parāmaṭṭhā ceva no ca parāmāsā’’ti. Saṅkhārakkhandho siyā parāmāso ceva parāmaṭṭho ca, siyā parāmaṭṭho ceva no ca parāmāso, siyā na vattabbo – ‘‘parāmāso ceva parāmaṭṭho cā’’tipi, ‘‘parāmaṭṭho ceva no ca parāmāso’’tipi. Rūpakkhandho parāmāsavippayuttaparāmaṭṭho. Cattāro khandhā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā , siyā na vattabbā – ‘‘parāmāsavippayuttaparāmaṭṭhā’’tipi, ‘‘parāmāsavippayuttaaparāmaṭṭhā’’tipi.
রূপক্খন্ধো অনারম্মণো। চত্তারো খন্ধা সারম্মণা। ৰিঞ্ঞাণক্খন্ধো চিত্তং। চত্তারো খন্ধা নো চিত্তা। তযো খন্ধা চেতসিকা। দ্ৰে খন্ধা অচেতসিকা। তযো খন্ধা চিত্তসম্পযুত্তা । রূপক্খন্ধো চিত্তৰিপ্পযুত্তো। ৰিঞ্ঞাণক্খন্ধো ন ৰত্তব্বো – ‘‘চিত্তেন সম্পযুত্তো’’তিপি, ‘‘চিত্তেন ৰিপ্পযুত্তো’’তিপি। তযো খন্ধা চিত্তসংসট্ঠা। রূপক্খন্ধো চিত্তৰিসংসট্ঠো। ৰিঞ্ঞাণক্খন্ধো ন ৰত্তব্বো – ‘‘চিত্তেন সংসট্ঠো’’তিপি, ‘‘চিত্তেন ৰিসংসট্ঠো’’তিপি। তযো খন্ধা চিত্তসমুট্ঠানা। ৰিঞ্ঞাণক্খন্ধো নো চিত্তসমুট্ঠানো। রূপক্খন্ধো সিযা চিত্তসমুট্ঠানো, সিযা নো চিত্তসমুট্ঠানো। তযো খন্ধা চিত্তসহভুনো। ৰিঞ্ঞাণক্খন্ধো নো চিত্তসহভূ। রূপক্খন্ধো সিযা চিত্তসহভূ, সিযা নো চিত্তসহভূ। তযো খন্ধা চিত্তানুপরিৰত্তিনো। ৰিঞ্ঞাণক্খন্ধো নো চিত্তানুপরিৰত্তি। রূপক্খন্ধো সিযা চিত্তানুপরিৰত্তি, সিযা নো চিত্তানুপরিৰত্তি। তযো খন্ধা চিত্তসংসট্ঠসমুট্ঠানা। দ্ৰে খন্ধা নো চিত্তসংসট্ঠসমুট্ঠানা। তযো খন্ধা চিত্তসংসট্ঠসমুট্ঠানসহভুনো। দ্ৰে খন্ধা নো চিত্তসংসট্ঠসমুট্ঠানসহভুনো। তযো খন্ধা চিত্তসংসট্ঠসমুট্ঠানানুপরিৰত্তিনো। দ্ৰে খন্ধা নো চিত্তসংসট্ঠসমুট্ঠানানুপরিৰত্তিনো।
Rūpakkhandho anārammaṇo. Cattāro khandhā sārammaṇā. Viññāṇakkhandho cittaṃ. Cattāro khandhā no cittā. Tayo khandhā cetasikā. Dve khandhā acetasikā. Tayo khandhā cittasampayuttā . Rūpakkhandho cittavippayutto. Viññāṇakkhandho na vattabbo – ‘‘cittena sampayutto’’tipi, ‘‘cittena vippayutto’’tipi. Tayo khandhā cittasaṃsaṭṭhā. Rūpakkhandho cittavisaṃsaṭṭho. Viññāṇakkhandho na vattabbo – ‘‘cittena saṃsaṭṭho’’tipi, ‘‘cittena visaṃsaṭṭho’’tipi. Tayo khandhā cittasamuṭṭhānā. Viññāṇakkhandho no cittasamuṭṭhāno. Rūpakkhandho siyā cittasamuṭṭhāno, siyā no cittasamuṭṭhāno. Tayo khandhā cittasahabhuno. Viññāṇakkhandho no cittasahabhū. Rūpakkhandho siyā cittasahabhū, siyā no cittasahabhū. Tayo khandhā cittānuparivattino. Viññāṇakkhandho no cittānuparivatti. Rūpakkhandho siyā cittānuparivatti, siyā no cittānuparivatti. Tayo khandhā cittasaṃsaṭṭhasamuṭṭhānā. Dve khandhā no cittasaṃsaṭṭhasamuṭṭhānā. Tayo khandhā cittasaṃsaṭṭhasamuṭṭhānasahabhuno. Dve khandhā no cittasaṃsaṭṭhasamuṭṭhānasahabhuno. Tayo khandhā cittasaṃsaṭṭhasamuṭṭhānānuparivattino. Dve khandhā no cittasaṃsaṭṭhasamuṭṭhānānuparivattino.
ৰিঞ্ঞাণক্খন্ধো অজ্ঝত্তিকো। তযো খন্ধা বাহিরা। রূপক্খন্ধো সিযা অজ্ঝত্তিকো, সিযা বাহিরো। চত্তারো খন্ধা নো উপাদা। রূপক্খন্ধো সিযা উপাদা, সিযা নো উপাদা, সিযা উপাদিন্না, সিযা অনুপাদিন্না। চত্তারো খন্ধা নো উপাদানা। সঙ্খারক্খন্ধো সিযা উপাদানং, সিযা নো উপাদানং। রূপক্খন্ধো উপাদানিযো। চত্তারো খন্ধা সিযা উপাদানিযা, সিযা অনুপাদানিযা। রূপক্খন্ধো উপাদানৰিপ্পযুত্তো। চত্তারো খন্ধা সিযা উপাদানসম্পযুত্তা, সিযা উপাদানৰিপ্পযুত্তা। রূপক্খন্ধো ন ৰত্তব্বো – ‘‘উপাদানঞ্চেৰ উপাদানিযো চা’’তি, ‘‘উপাদানিযো চেৰ নো চ উপাদানং’’। তযো খন্ধা ন ৰত্তব্বা – ‘‘উপাদানঞ্চেৰ উপাদানিযা চা’’তি, সিযা উপাদানিযা চেৰ নো চ উপাদানা, সিযা ন ৰত্তব্বা – ‘‘উপাদানিযা চেৰ নো চ উপাদানা’’তি। সঙ্খারক্খন্ধো সিযা উপাদানঞ্চেৰ উপাদানিযো চ, সিযা উপাদানিযো চেৰ নো চ উপাদানং, সিযা ন ৰত্তব্বো – ‘‘উপাদানঞ্চেৰ উপাদানিযো চা’’তিপি, ‘‘উপাদানিযো চেৰ নো চ উপাদান’’ন্তিপি। রূপক্খন্ধো ন ৰত্তব্বো – ‘‘উপাদানঞ্চেৰ উপাদানসম্পযুত্তো চা’’তিপি, ‘‘উপাদানসম্পযুত্তো চেৰ নো চ উপাদান’’ন্তিপি। তযো খন্ধা ন ৰত্তব্বা – ‘‘উপাদানা চেৰ উপাদানসম্পযুত্তা চা’’তি, সিযা উপাদানসম্পযুত্তা চেৰ নো চ উপাদানা, সিযা ন ৰত্তব্বা – ‘‘উপাদানসম্পযুত্তা চেৰ নো চ উপাদানা’’তি। সঙ্খারক্খন্ধো সিযা উপাদানঞ্চেৰ উপাদানসম্পযুত্তো চ, সিযা উপাদানসম্পযুত্তো চেৰ নো চ উপাদানং, সিযা ন ৰত্তব্বো – ‘‘উপাদানঞ্চেৰ উপাদানসম্পযুত্তো চা’’তিপি, ‘‘উপাদানসম্পযুত্তো চেৰ নো চ উপাদান’’ন্তিপি। রূপক্খন্ধো উপাদানৰিপ্পযুত্তউপাদানিযো। চত্তারো খন্ধা সিযা উপাদানৰিপ্পযুত্তউপাদানিযা, সিযা উপাদানৰিপ্পযুত্তঅনুপাদানিযা , সিযা ন ৰত্তব্বা – ‘‘উপাদানৰিপ্পযুত্তউপাদানিযা’’তিপি, ‘‘উপাদানৰিপ্পযুত্তঅনুপাদানিযা’’তিপি।
Viññāṇakkhandho ajjhattiko. Tayo khandhā bāhirā. Rūpakkhandho siyā ajjhattiko, siyā bāhiro. Cattāro khandhā no upādā. Rūpakkhandho siyā upādā, siyā no upādā, siyā upādinnā, siyā anupādinnā. Cattāro khandhā no upādānā. Saṅkhārakkhandho siyā upādānaṃ, siyā no upādānaṃ. Rūpakkhandho upādāniyo. Cattāro khandhā siyā upādāniyā, siyā anupādāniyā. Rūpakkhandho upādānavippayutto. Cattāro khandhā siyā upādānasampayuttā, siyā upādānavippayuttā. Rūpakkhandho na vattabbo – ‘‘upādānañceva upādāniyo cā’’ti, ‘‘upādāniyo ceva no ca upādānaṃ’’. Tayo khandhā na vattabbā – ‘‘upādānañceva upādāniyā cā’’ti, siyā upādāniyā ceva no ca upādānā, siyā na vattabbā – ‘‘upādāniyā ceva no ca upādānā’’ti. Saṅkhārakkhandho siyā upādānañceva upādāniyo ca, siyā upādāniyo ceva no ca upādānaṃ, siyā na vattabbo – ‘‘upādānañceva upādāniyo cā’’tipi, ‘‘upādāniyo ceva no ca upādāna’’ntipi. Rūpakkhandho na vattabbo – ‘‘upādānañceva upādānasampayutto cā’’tipi, ‘‘upādānasampayutto ceva no ca upādāna’’ntipi. Tayo khandhā na vattabbā – ‘‘upādānā ceva upādānasampayuttā cā’’ti, siyā upādānasampayuttā ceva no ca upādānā, siyā na vattabbā – ‘‘upādānasampayuttā ceva no ca upādānā’’ti. Saṅkhārakkhandho siyā upādānañceva upādānasampayutto ca, siyā upādānasampayutto ceva no ca upādānaṃ, siyā na vattabbo – ‘‘upādānañceva upādānasampayutto cā’’tipi, ‘‘upādānasampayutto ceva no ca upādāna’’ntipi. Rūpakkhandho upādānavippayuttaupādāniyo. Cattāro khandhā siyā upādānavippayuttaupādāniyā, siyā upādānavippayuttaanupādāniyā , siyā na vattabbā – ‘‘upādānavippayuttaupādāniyā’’tipi, ‘‘upādānavippayuttaanupādāniyā’’tipi.
চত্তারো খন্ধা নো কিলেসা। সঙ্খারক্খন্ধো সিযা কিলেসো, সিযা নো কিলেসো। রূপক্খন্ধো সংকিলেসিকো। চত্তারো খন্ধা সিযা সংকিলেসিকা , সিযা অসংকিলেসিকা। রূপক্খন্ধো অসংকিলিট্ঠো। চত্তারো খন্ধা সিযা সংকিলিট্ঠা, সিযা অসংকিলিট্ঠা। রূপক্খন্ধো কিলেসৰিপ্পযুত্তো। চত্তারো খন্ধা সিযা কিলেসসম্পযুত্তা, সিযা কিলেসৰিপ্পযুত্তা। রূপক্খন্ধো ন ৰত্তব্বো – ‘‘কিলেসো চেৰ সংকিলেসিকো চা’’তি, ‘‘সংকিলেসিকো চেৰ নো চ কিলেসো’’। তযো খন্ধা ন ৰত্তব্বা – ‘‘কিলেসা চেৰ সংকিলেসিকা চা’’তি, সিযা সংকিলেসিকা চেৰ নো চ কিলেসা, সিযা ন ৰত্তব্বা – ‘‘সংকিলেসিকা চেৰ নো চ কিলেসা’’তি। সঙ্খারক্খন্ধো সিযা কিলেসো চেৰ সংকিলেসিকো চ, সিযা সংকিলেসিকো চেৰ নো চ কিলেসো, সিযা ন ৰত্তব্বো – ‘‘কিলেসো চেৰ সংকিলেসিকো চা’’তিপি, ‘‘সংকিলেসিকো চেৰ নো চ কিলেসো’’তিপি। রূপক্খন্ধো ন ৰত্তব্বো – ‘‘কিলেসো চেৰ সংকিলিট্ঠো চা’’তিপি, ‘‘সংকিলিট্ঠো চেৰ নো চ কিলেসো’’তিপি। তযো খন্ধা ন ৰত্তব্বা – ‘‘কিলেসো চেৰ সংকিলিট্ঠা চা’’তি, সিযা সংকিলিট্ঠা চেৰ নো চ কিলেসা, সিযা ন ৰত্তব্বা – ‘‘সংকিলিট্ঠা চেৰ নো চ কিলেসা’’তি। সঙ্খারক্খন্ধো সিযা কিলেসো চেৰ সংকিলিট্ঠো চ, সিযা সংকিলিট্ঠো চেৰ নো চ কিলেসো, সিযা ন ৰত্তব্বো – ‘‘কিলেসো চেৰ সংকিলিট্ঠো চা’’তিপি, ‘‘সংকিলিট্ঠো চেৰ নো চ কিলেসো’’তিপি।
Cattāro khandhā no kilesā. Saṅkhārakkhandho siyā kileso, siyā no kileso. Rūpakkhandho saṃkilesiko. Cattāro khandhā siyā saṃkilesikā , siyā asaṃkilesikā. Rūpakkhandho asaṃkiliṭṭho. Cattāro khandhā siyā saṃkiliṭṭhā, siyā asaṃkiliṭṭhā. Rūpakkhandho kilesavippayutto. Cattāro khandhā siyā kilesasampayuttā, siyā kilesavippayuttā. Rūpakkhandho na vattabbo – ‘‘kileso ceva saṃkilesiko cā’’ti, ‘‘saṃkilesiko ceva no ca kileso’’. Tayo khandhā na vattabbā – ‘‘kilesā ceva saṃkilesikā cā’’ti, siyā saṃkilesikā ceva no ca kilesā, siyā na vattabbā – ‘‘saṃkilesikā ceva no ca kilesā’’ti. Saṅkhārakkhandho siyā kileso ceva saṃkilesiko ca, siyā saṃkilesiko ceva no ca kileso, siyā na vattabbo – ‘‘kileso ceva saṃkilesiko cā’’tipi, ‘‘saṃkilesiko ceva no ca kileso’’tipi. Rūpakkhandho na vattabbo – ‘‘kileso ceva saṃkiliṭṭho cā’’tipi, ‘‘saṃkiliṭṭho ceva no ca kileso’’tipi. Tayo khandhā na vattabbā – ‘‘kileso ceva saṃkiliṭṭhā cā’’ti, siyā saṃkiliṭṭhā ceva no ca kilesā, siyā na vattabbā – ‘‘saṃkiliṭṭhā ceva no ca kilesā’’ti. Saṅkhārakkhandho siyā kileso ceva saṃkiliṭṭho ca, siyā saṃkiliṭṭho ceva no ca kileso, siyā na vattabbo – ‘‘kileso ceva saṃkiliṭṭho cā’’tipi, ‘‘saṃkiliṭṭho ceva no ca kileso’’tipi.
রূপক্খন্ধো ন ৰত্তব্বো – ‘‘কিলেসো চেৰ কিলেসসম্পযুত্তো চা’’তিপি, ‘‘কিলেসসম্পযুত্তো চেৰ নো চ কিলেসো’’তিপি। তযো খন্ধা ন ৰত্তব্বা – ‘‘কিলেসা চেৰ কিলেসসম্পযুত্তা চা’’তি, সিযা কিলেসসম্পযুত্তা চেৰ নো চ কিলেসা, সিযা ন ৰত্তব্বা – কিলেসসম্পযুত্তা চেৰ নো চ কিলেসা’’তি। সঙ্খারক্খন্ধো সিযা কিলেসো চেৰ কিলেসসম্পযুত্তো চ, সিযা কিলেসসম্পযুত্তো চেৰ নো চ কিলেসো, সিযা ন ৰত্তব্বো – ‘‘কিলেসো চেৰ কিলেসসম্পযুত্তো চা’’তিপি, ‘‘কিলেসসম্পযুত্তো চেৰ নো চ কিলেসো’’তিপি। রূপক্খন্ধো কিলেসৰিপ্পযুত্তসংকিলেসিকো। চত্তারো খন্ধা সিযা কিলেসৰিপ্পযুত্তসংকিলেসিকা , সিযা কিলেসৰিপ্পযুত্তঅসংকিলেসিকা, সিযা ন ৰত্তব্বা – ‘‘কিলেসৰিপ্পযুত্তসংকিলেসিকা’’তিপি, ‘‘কিলেসৰিপ্পযুত্তঅসংকিলেসিকা’’তিপি।
Rūpakkhandho na vattabbo – ‘‘kileso ceva kilesasampayutto cā’’tipi, ‘‘kilesasampayutto ceva no ca kileso’’tipi. Tayo khandhā na vattabbā – ‘‘kilesā ceva kilesasampayuttā cā’’ti, siyā kilesasampayuttā ceva no ca kilesā, siyā na vattabbā – kilesasampayuttā ceva no ca kilesā’’ti. Saṅkhārakkhandho siyā kileso ceva kilesasampayutto ca, siyā kilesasampayutto ceva no ca kileso, siyā na vattabbo – ‘‘kileso ceva kilesasampayutto cā’’tipi, ‘‘kilesasampayutto ceva no ca kileso’’tipi. Rūpakkhandho kilesavippayuttasaṃkilesiko. Cattāro khandhā siyā kilesavippayuttasaṃkilesikā , siyā kilesavippayuttaasaṃkilesikā, siyā na vattabbā – ‘‘kilesavippayuttasaṃkilesikā’’tipi, ‘‘kilesavippayuttaasaṃkilesikā’’tipi.
রূপক্খন্ধো ন দস্সনেন পহাতব্বো। চত্তারো খন্ধা সিযা দস্সনেন পহাতব্বা, সিযা ন দস্সনেন পহাতব্বা। রূপক্খন্ধো ন ভাৰনায পহাতব্বো । চত্তারো খন্ধা সিযা ভাৰনায পহাতব্বা, সিযা ন ভাৰনায পহাতব্বা। রূপক্খন্ধো ন দস্সনেন পহাতব্বহেতুকো। চত্তারো খন্ধা সিযা দস্সনেন পহাতব্বহেতুকা, সিযা ন দস্সনেন পহাতব্বহেতুকা। রূপক্খন্ধো ন ভাৰনায পহাতব্বহেতুকো। চত্তারো খন্ধা সিযা ভাৰনায পহাতব্বহেতুকা, সিযা ন ভাৰনায পহাতব্বহেতুকা। রূপক্খন্ধো অৰিতক্কো। চত্তারো খন্ধা সিযা সৰিতক্কা, সিযা অৰিতক্কা। রূপক্খন্ধো অৰিচারো। চত্তারো খন্ধা সিযা সৰিচারা, সিযা অৰিচারা। রূপক্খন্ধো অপ্পীতিকো, চত্তারো খন্ধা সিযা সপ্পীতিকা, সিযা অপ্পীতিকা। রূপক্খন্ধো ন পীতিসহগতো। চত্তারো খন্ধা সিযা পীতিসহগতা, সিযা ন পীতিসহগতা। দ্ৰে খন্ধা ন সুখসহগতা। তযো খন্ধা সিযা সুখসহগতা, সিযা ন সুখসহগতা। দ্ৰে খন্ধা ন উপেক্খাসহগতা। তযো খন্ধা সিযা উপেক্খাসহগতা, সিযা ন উপেক্খাসহগতা।
Rūpakkhandho na dassanena pahātabbo. Cattāro khandhā siyā dassanena pahātabbā, siyā na dassanena pahātabbā. Rūpakkhandho na bhāvanāya pahātabbo . Cattāro khandhā siyā bhāvanāya pahātabbā, siyā na bhāvanāya pahātabbā. Rūpakkhandho na dassanena pahātabbahetuko. Cattāro khandhā siyā dassanena pahātabbahetukā, siyā na dassanena pahātabbahetukā. Rūpakkhandho na bhāvanāya pahātabbahetuko. Cattāro khandhā siyā bhāvanāya pahātabbahetukā, siyā na bhāvanāya pahātabbahetukā. Rūpakkhandho avitakko. Cattāro khandhā siyā savitakkā, siyā avitakkā. Rūpakkhandho avicāro. Cattāro khandhā siyā savicārā, siyā avicārā. Rūpakkhandho appītiko, cattāro khandhā siyā sappītikā, siyā appītikā. Rūpakkhandho na pītisahagato. Cattāro khandhā siyā pītisahagatā, siyā na pītisahagatā. Dve khandhā na sukhasahagatā. Tayo khandhā siyā sukhasahagatā, siyā na sukhasahagatā. Dve khandhā na upekkhāsahagatā. Tayo khandhā siyā upekkhāsahagatā, siyā na upekkhāsahagatā.
রূপক্খন্ধো কামাৰচরো। চত্তারো খন্ধা সিযা কামাৰচরা, সিযা ন কামাৰচরা। রূপক্খন্ধো ন রূপাৰচরো। চত্তারো খন্ধা সিযা রূপাৰচরা, সিযা ন রূপাৰচরা। রূপক্খন্ধো ন অরূপাৰচরো। চত্তারো খন্ধা সিযা অরূপাৰচরা, সিযা ন অরূপাৰচরা। রূপক্খন্ধো পরিযাপন্নো। চত্তারো খন্ধা সিযা পরিযাপন্না, সিযা অপরিযাপন্না। রূপক্খন্ধো অনিয্যানিকো। চত্তারো খন্ধা সিযা নিয্যানিকা, সিযা অনিয্যানিকা। রূপক্খন্ধো অনিযতো। চত্তারো খন্ধা সিযা নিযতা, সিযা অনিযতা। রূপক্খন্ধো সউত্তরো। চত্তারো খন্ধা সিযা সউত্তরা, সিযা অনুত্তরা। রূপক্খন্ধো অরণো। চত্তারো খন্ধা সিযা সরণা, সিযা অরণাতি।
Rūpakkhandho kāmāvacaro. Cattāro khandhā siyā kāmāvacarā, siyā na kāmāvacarā. Rūpakkhandho na rūpāvacaro. Cattāro khandhā siyā rūpāvacarā, siyā na rūpāvacarā. Rūpakkhandho na arūpāvacaro. Cattāro khandhā siyā arūpāvacarā, siyā na arūpāvacarā. Rūpakkhandho pariyāpanno. Cattāro khandhā siyā pariyāpannā, siyā apariyāpannā. Rūpakkhandho aniyyāniko. Cattāro khandhā siyā niyyānikā, siyā aniyyānikā. Rūpakkhandho aniyato. Cattāro khandhā siyā niyatā, siyā aniyatā. Rūpakkhandho sauttaro. Cattāro khandhā siyā sauttarā, siyā anuttarā. Rūpakkhandho araṇo. Cattāro khandhā siyā saraṇā, siyā araṇāti.
পঞ্হাপুচ্ছকং।
Pañhāpucchakaṃ.
খন্ধৰিভঙ্গো নিট্ঠিতো।
Khandhavibhaṅgo niṭṭhito.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / সম্মোহৰিনোদনী-অট্ঠকথা • Sammohavinodanī-aṭṭhakathā
১. সুত্তন্তভাজনীযৰণ্ণনা • 1. Suttantabhājanīyavaṇṇanā
২. অভিধম্মভাজনীযৰণ্ণনা • 2. Abhidhammabhājanīyavaṇṇanā
৩. পঞ্হাপুচ্ছকৰণ্ণনা • 3. Pañhāpucchakavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ৰিভঙ্গ-মূলটীকা • Vibhaṅga-mūlaṭīkā
১. খন্ধৰিভঙ্গো • 1. Khandhavibhaṅgo
২. আযতনৰিভঙ্গো • 2. Āyatanavibhaṅgo
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ৰিভঙ্গ-অনুটীকা • Vibhaṅga-anuṭīkā / ১. খন্ধৰিভঙ্গো • 1. Khandhavibhaṅgo
