| Library / Tipiṭaka / ติปิฎก • Tipiṭaka / วิภงฺคปาฬิ • Vibhaṅgapāḷi |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
อภิธมฺมปิฎเก
Abhidhammapiṭake
วิภงฺคปาฬิ
Vibhaṅgapāḷi
๑. ขนฺธวิภโงฺค
1. Khandhavibhaṅgo
๑. สุตฺตนฺตภาชนียํ
1. Suttantabhājanīyaṃ
๑. ปญฺจกฺขนฺธา – รูปกฺขโนฺธ, เวทนากฺขโนฺธ, สญฺญากฺขโนฺธ, สงฺขารกฺขโนฺธ, วิญฺญาณกฺขโนฺธฯ
1. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
๑. รูปกฺขโนฺธ
1. Rūpakkhandho
๒. ตตฺถ กตโม รูปกฺขโนฺธ? ยํ กิญฺจิ รูปํ อตีตานาคตปจฺจุปฺปนฺนํ อชฺฌตฺตํ วา พหิทฺธา วา โอฬาริกํ วา สุขุมํ วา หีนํ วา ปณีตํ วา ยํ ทูเร สนฺติเก วา, ตเทกชฺฌํ อภิสญฺญูหิตฺวา อภิสงฺขิปิตฺวา – อยํ วุจฺจติ รูปกฺขโนฺธฯ
2. Tattha katamo rūpakkhandho? Yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati rūpakkhandho.
๓. ตตฺถ กตมํ รูปํ อตีตํ? ยํ รูปํ อตีตํ นิรุทฺธํ วิคตํ วิปริณตํ อตฺถงฺคตํ อพฺภตฺถงฺคตํ อุปฺปชฺชิตฺวา วิคตํ อตีตํ อตีตํเสน สงฺคหิตํ, จตฺตาโร จ มหาภูตา จตุนฺนญฺจ มหาภูตานํ อุปาทายรูปํ – อิทํ วุจฺจติ รูปํ อตีตํฯ
3. Tattha katamaṃ rūpaṃ atītaṃ? Yaṃ rūpaṃ atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ uppajjitvā vigataṃ atītaṃ atītaṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ atītaṃ.
ตตฺถ กตมํ รูปํ อนาคตํ? ยํ รูปํ อชาตํ อภูตํ อสญฺชาตํ อนิพฺพตฺตํ อนภินิพฺพตฺตํ อปาตุภูตํ อนุปฺปนฺนํ อสมุปฺปนฺนํ อนุฎฺฐิตํ อสมุฎฺฐิตํ อนาคตํ อนาคตํเสน สงฺคหิตํ, จตฺตาโร จ มหาภูตา จตุนฺนญฺจ มหาภูตานํ อุปาทายรูปํ – อิทํ วุจฺจติ รูปํ อนาคตํฯ
Tattha katamaṃ rūpaṃ anāgataṃ? Yaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ anuppannaṃ asamuppannaṃ anuṭṭhitaṃ asamuṭṭhitaṃ anāgataṃ anāgataṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ anāgataṃ.
ตตฺถ กตมํ รูปํ ปจฺจุปฺปนฺนํ? ยํ รูปํ ชาตํ ภูตํ สญฺชาตํ นิพฺพตฺตํ อภินิพฺพตฺตํ ปาตุภูตํ อุปฺปนฺนํ สมุปฺปนฺนํ อุฎฺฐิตํ สมุฎฺฐิตํ ปจฺจุปฺปนฺนํ ปจฺจุปฺปนฺนํเสน สงฺคหิตํ, จตฺตาโร จ มหาภูตา จตุนฺนญฺจ มหาภูตานํ อุปาทายรูปํ – อิทํ วุจฺจติ รูปํ ปจฺจุปฺปนฺนํฯ
Tattha katamaṃ rūpaṃ paccuppannaṃ? Yaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtaṃ uppannaṃ samuppannaṃ uṭṭhitaṃ samuṭṭhitaṃ paccuppannaṃ paccuppannaṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ paccuppannaṃ.
๔. ตตฺถ กตมํ รูปํ อชฺฌตฺตํ? ยํ รูปํ เตสํ เตสํ สตฺตานํ อชฺฌตฺตํ ปจฺจตฺตํ นิยกํ ปาฎิปุคฺคลิกํ อุปาทินฺนํ, จตฺตาโร จ มหาภูตา จตุนฺนญฺจ มหาภูตานํ อุปาทายรูปํ – อิทํ วุจฺจติ รูปํ อชฺฌตฺตํฯ
4. Tattha katamaṃ rūpaṃ ajjhattaṃ? Yaṃ rūpaṃ tesaṃ tesaṃ sattānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ ajjhattaṃ.
ตตฺถ กตมํ รูปํ พหิทฺธา? ยํ รูปํ เตสํ เตสํ ปรสตฺตานํ ปรปุคฺคลานํ อชฺฌตฺตํ ปจฺจตฺตํ นิยกํ ปาฎิปุคฺคลิกํ อุปาทินฺนํ, จตฺตาโร จ มหาภูตา จตุนฺนญฺจ มหาภูตานํ อุปาทายรูปํ – อิทํ วุจฺจติ รูปํ พหิทฺธาฯ
Tattha katamaṃ rūpaṃ bahiddhā? Yaṃ rūpaṃ tesaṃ tesaṃ parasattānaṃ parapuggalānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ bahiddhā.
๕. ตตฺถ กตมํ รูปํ โอฬาริกํ? จกฺขายตนํ…เป.… โผฎฺฐพฺพายตนํ – อิทํ วุจฺจติ รูปํ โอฬาริกํฯ
5. Tattha katamaṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ vuccati rūpaṃ oḷārikaṃ.
ตตฺถ กตมํ รูปํ สุขุมํ? อิตฺถินฺทฺริยํ…เป.… กพฬีกาโร 1 อาหาโร – อิทํ วุจฺจติ รูปํ สุขุมํฯ
Tattha katamaṃ rūpaṃ sukhumaṃ? Itthindriyaṃ…pe… kabaḷīkāro 2 āhāro – idaṃ vuccati rūpaṃ sukhumaṃ.
๖. ตตฺถ กตมํ รูปํ หีนํ? ยํ รูปํ เตสํ เตสํ สตฺตานํ อุญฺญาตํ อวญฺญาตํ หีฬิตํ ปริภูตํ อจิตฺตีกตํ หีนํ หีนมตํ หีนสมฺมตํ อนิฎฺฐํ อกนฺตํ อมนาปํ, รูปา สทฺทา คนฺธา รสา โผฎฺฐพฺพา – อิทํ วุจฺจติ รูปํ หีนํฯ
6. Tattha katamaṃ rūpaṃ hīnaṃ? Yaṃ rūpaṃ tesaṃ tesaṃ sattānaṃ uññātaṃ avaññātaṃ hīḷitaṃ paribhūtaṃ acittīkataṃ hīnaṃ hīnamataṃ hīnasammataṃ aniṭṭhaṃ akantaṃ amanāpaṃ, rūpā saddā gandhā rasā phoṭṭhabbā – idaṃ vuccati rūpaṃ hīnaṃ.
ตตฺถ กตมํ รูปํ ปณีตํ? ยํ รูปํ เตสํ เตสํ สตฺตานํ อนุญฺญาตํ อนวญฺญาตํ อหีฬิตํ อปริภูตํ จิตฺตีกตํ ปณีตํ ปณีตมตํ ปณีตสมฺมตํ อิฎฺฐํ กนฺตํ มนาปํ, รูปา สทฺทา คนฺธา รสา โผฎฺฐพฺพา – อิทํ วุจฺจติ รูปํ ปณีตํฯ ตํ ตํ วา ปน รูปํ อุปาทายุปาทาย รูปํ หีนํ ปณีตํ ทฎฺฐพฺพํฯ
Tattha katamaṃ rūpaṃ paṇītaṃ? Yaṃ rūpaṃ tesaṃ tesaṃ sattānaṃ anuññātaṃ anavaññātaṃ ahīḷitaṃ aparibhūtaṃ cittīkataṃ paṇītaṃ paṇītamataṃ paṇītasammataṃ iṭṭhaṃ kantaṃ manāpaṃ, rūpā saddā gandhā rasā phoṭṭhabbā – idaṃ vuccati rūpaṃ paṇītaṃ. Taṃ taṃ vā pana rūpaṃ upādāyupādāya rūpaṃ hīnaṃ paṇītaṃ daṭṭhabbaṃ.
๗. ตตฺถ กตมํ รูปํ ทูเร? อิตฺถินฺทฺริยํ…เป.… กพฬีกาโร อาหาโร, ยํ วา ปนญฺญมฺปิ อตฺถิ รูปํ อนาสเนฺน อนุปกเฎฺฐ ทูเร อสนฺติเก – อิทํ วุจฺจติ รูปํ ทูเรฯ
7. Tattha katamaṃ rūpaṃ dūre? Itthindriyaṃ…pe… kabaḷīkāro āhāro, yaṃ vā panaññampi atthi rūpaṃ anāsanne anupakaṭṭhe dūre asantike – idaṃ vuccati rūpaṃ dūre.
ตตฺถ กตมํ รูปํ สนฺติเก? จกฺขายตนํ…เป.… โผฎฺฐพฺพายตนํ, ยํ วา ปนญฺญมฺปิ อตฺถิ รูปํ อาสเนฺน อุปกเฎฺฐ อวิทูเร สนฺติเก – อิทํ วุจฺจติ รูปํ สนฺติเกฯ ตํ ตํ วา ปน รูปํ อุปาทายุปาทาย รูปํ ทูเร สนฺติเก ทฎฺฐพฺพํฯ
Tattha katamaṃ rūpaṃ santike? Cakkhāyatanaṃ…pe… phoṭṭhabbāyatanaṃ, yaṃ vā panaññampi atthi rūpaṃ āsanne upakaṭṭhe avidūre santike – idaṃ vuccati rūpaṃ santike. Taṃ taṃ vā pana rūpaṃ upādāyupādāya rūpaṃ dūre santike daṭṭhabbaṃ.
๒. เวทนากฺขโนฺธ
2. Vedanākkhandho
๘. ตตฺถ กตโม เวทนากฺขโนฺธ? ยา กาจิ เวทนา อตีตานาคตปจฺจุปฺปนฺนา อชฺฌตฺตา วา พหิทฺธา วา โอฬาริกา วา สุขุมา วา หีนา วา ปณีตา วา ยา ทูเร สนฺติเก วา, ตเทกชฺฌํ อภิสญฺญูหิตฺวา อภิสงฺขิปิตฺวา – อยํ วุจฺจติ เวทนากฺขโนฺธฯ
8. Tattha katamo vedanākkhandho? Yā kāci vedanā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati vedanākkhandho.
๙. ตตฺถ กตมา เวทนา อตีตา? ยา เวทนา อตีตา นิรุทฺธา วิคตา วิปริณตา อตฺถงฺคตา อพฺภตฺถงฺคตา อุปฺปชฺชิตฺวา วิคตา อตีตา อตีตํเสน สงฺคหิตา, สุขา เวทนา ทุกฺขา เวทนา อทุกฺขมสุขา เวทนา – อยํ วุจฺจติ เวทนา อตีตาฯ
9. Tattha katamā vedanā atītā? Yā vedanā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā atītā.
ตตฺถ กตมา เวทนา อนาคตา? ยา เวทนา อชาตา อภูตา อสญฺชาตา อนิพฺพตฺตา อนภินิพฺพตฺตา อปาตุภูตา อนุปฺปนฺนา อสมุปฺปนฺนา อนุฎฺฐิตา อสมุฎฺฐิตา อนาคตา อนาคตํเสน สงฺคหิตา, สุขา เวทนา ทุกฺขา เวทนา อทุกฺขมสุขา เวทนา – อยํ วุจฺจติ เวทนา อนาคตาฯ
Tattha katamā vedanā anāgatā? Yā vedanā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā anāgatā.
ตตฺถ กตมา เวทนา ปจฺจุปฺปนฺนา? ยา เวทนา ชาตา ภูตา สญฺชาตา นิพฺพตฺตา อภินิพฺพตฺตา ปาตุภูตา อุปฺปนฺนา สมุปฺปนฺนา อุฎฺฐิตา สมุฎฺฐิตา ปจฺจุปฺปนฺนา ปจฺจุปฺปนฺนํเสน สงฺคหิตา, สุขา เวทนา ทุกฺขา เวทนา อทุกฺขมสุขา เวทนา – อยํ วุจฺจติ เวทนา ปจฺจุปฺปนฺนาฯ
Tattha katamā vedanā paccuppannā? Yā vedanā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā paccuppannā.
๑๐. ตตฺถ กตมา เวทนา อชฺฌตฺตา? ยา เวทนา เตสํ เตสํ สตฺตานํ อชฺฌตฺตํ ปจฺจตฺตํ นิยกา ปาฎิปุคฺคลิกา อุปาทินฺนา, สุขา เวทนา ทุกฺขา เวทนา อทุกฺขมสุขา เวทนา – อยํ วุจฺจติ เวทนา อชฺฌตฺตาฯ
10. Tattha katamā vedanā ajjhattā? Yā vedanā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā – ayaṃ vuccati vedanā ajjhattā.
ตตฺถ กตมา เวทนา พหิทฺธา? ยา เวทนา เตสํ เตสํ ปรสตฺตานํ ปรปุคฺคลานํ อชฺฌตฺตํ ปจฺจตฺตํ นิยกา ปาฎิปุคฺคลิกา อุปาทินฺนา, สุขา เวทนา ทุกฺขา เวทนา อทุกฺขมสุขา เวทนา – อยํ วุจฺจติ เวทนา พหิทฺธาฯ
Tattha katamā vedanā bahiddhā? Yā vedanā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā – ayaṃ vuccati vedanā bahiddhā.
๑๑. ตตฺถ กตมา เวทนา โอฬาริกา สุขุมา? อกุสลา เวทนา โอฬาริกา, กุสลาพฺยากตา เวทนา สุขุมาฯ กุสลากุสลา เวทนา โอฬาริกา, อพฺยากตา เวทนา สุขุมาฯ ทุกฺขา เวทนา โอฬาริกา, สุขา จ อทุกฺขมสุขา จ เวทนา สุขุมาฯ สุขทุกฺขา เวทนา โอฬาริกา, อทุกฺขมสุขา เวทนา สุขุมาฯ อสมาปนฺนสฺส เวทนา โอฬาริกา, สมาปนฺนสฺส เวทนา สุขุมาฯ สาสวา เวทนา โอฬาริกา, อนาสวา เวทนา สุขุมาฯ ตํ ตํ วา ปน เวทนํ อุปาทายุปาทาย เวทนา โอฬาริกา สุขุมา ทฎฺฐพฺพาฯ
11. Tattha katamā vedanā oḷārikā sukhumā? Akusalā vedanā oḷārikā, kusalābyākatā vedanā sukhumā. Kusalākusalā vedanā oḷārikā, abyākatā vedanā sukhumā. Dukkhā vedanā oḷārikā, sukhā ca adukkhamasukhā ca vedanā sukhumā. Sukhadukkhā vedanā oḷārikā, adukkhamasukhā vedanā sukhumā. Asamāpannassa vedanā oḷārikā, samāpannassa vedanā sukhumā. Sāsavā vedanā oḷārikā, anāsavā vedanā sukhumā. Taṃ taṃ vā pana vedanaṃ upādāyupādāya vedanā oḷārikā sukhumā daṭṭhabbā.
๑๒. ตตฺถ กตมา เวทนา หีนา ปณีตา? อกุสลา เวทนา หีนา, กุสลาพฺยากตา เวทนา ปณีตาฯ กุสลากุสลา เวทนา หีนา, อพฺยากตา เวทนา ปณีตาฯ ทุกฺขา เวทนา หีนา, สุขา จ อทุกฺขมสุขา จ เวทนา ปณีตาฯ สุขทุกฺขา เวทนา หีนา, อทุกฺขมสุขา เวทนา ปณีตาฯ อสมาปนฺนสฺส เวทนา หีนา, สมาปนฺนสฺส เวทนา ปณีตาฯ สาสวา เวทนา หีนา, อนาสวา เวทนา ปณีตาฯ ตํ ตํ วา ปน เวทนํ อุปาทายุปาทาย เวทนา หีนา ปณีตา ทฎฺฐพฺพาฯ
12. Tattha katamā vedanā hīnā paṇītā? Akusalā vedanā hīnā, kusalābyākatā vedanā paṇītā. Kusalākusalā vedanā hīnā, abyākatā vedanā paṇītā. Dukkhā vedanā hīnā, sukhā ca adukkhamasukhā ca vedanā paṇītā. Sukhadukkhā vedanā hīnā, adukkhamasukhā vedanā paṇītā. Asamāpannassa vedanā hīnā, samāpannassa vedanā paṇītā. Sāsavā vedanā hīnā, anāsavā vedanā paṇītā. Taṃ taṃ vā pana vedanaṃ upādāyupādāya vedanā hīnā paṇītā daṭṭhabbā.
๑๓. ตตฺถ กตมา เวทนา ทูเร? อกุสลา เวทนา กุสลาพฺยากตาหิ เวทนาหิ ทูเร; กุสลาพฺยากตา เวทนา อกุสลาย เวทนาย ทูเร; กุสลา เวทนา อกุสลาพฺยากตาหิ เวทนาหิ ทูเร; อกุสลาพฺยากตา เวทนา กุสลาย เวทนาย ทูเร; อพฺยากตา เวทนา กุสลากุสลาหิ เวทนาหิ ทูเร; กุสลากุสลา เวทนา อพฺยากตาย เวทนาย ทูเรฯ ทุกฺขา เวทนา สุขาย จ อทุกฺขมสุขาย จ เวทนาหิ ทูเร; สุขา จ อทุกฺขมสุขา จ เวทนา ทุกฺขาย เวทนาย ทูเร; สุขา เวทนา ทุกฺขาย จ อทุกฺขมสุขาย จ เวทนาหิ ทูเร; ทุกฺขา จ อทุกฺขมสุขา จ เวทนา สุขาย เวทนาย ทูเร; อทุกฺขมสุขา เวทนา สุขทุกฺขาหิ เวทนาหิ ทูเร; สุขทุกฺขา เวทนา อทุกฺขมสุขาย เวทนาย ทูเรฯ อสมาปนฺนสฺส เวทนา สมาปนฺนสฺส เวทนาย ทูเร; สมาปนฺนสฺส เวทนา อสมาปนฺนสฺส เวทนาย ทูเรฯ สาสวา เวทนา อนาสวาย เวทนาย ทูเร; อนาสวา เวทนา สาสวาย เวทนาย ทูเร – อยํ วุจฺจติ เวทนา ทูเรฯ
13. Tattha katamā vedanā dūre? Akusalā vedanā kusalābyākatāhi vedanāhi dūre; kusalābyākatā vedanā akusalāya vedanāya dūre; kusalā vedanā akusalābyākatāhi vedanāhi dūre; akusalābyākatā vedanā kusalāya vedanāya dūre; abyākatā vedanā kusalākusalāhi vedanāhi dūre; kusalākusalā vedanā abyākatāya vedanāya dūre. Dukkhā vedanā sukhāya ca adukkhamasukhāya ca vedanāhi dūre; sukhā ca adukkhamasukhā ca vedanā dukkhāya vedanāya dūre; sukhā vedanā dukkhāya ca adukkhamasukhāya ca vedanāhi dūre; dukkhā ca adukkhamasukhā ca vedanā sukhāya vedanāya dūre; adukkhamasukhā vedanā sukhadukkhāhi vedanāhi dūre; sukhadukkhā vedanā adukkhamasukhāya vedanāya dūre. Asamāpannassa vedanā samāpannassa vedanāya dūre; samāpannassa vedanā asamāpannassa vedanāya dūre. Sāsavā vedanā anāsavāya vedanāya dūre; anāsavā vedanā sāsavāya vedanāya dūre – ayaṃ vuccati vedanā dūre.
ตตฺถ กตมา เวทนา สนฺติเก? อกุสลา เวทนา อกุสลาย เวทนาย สนฺติเก; กุสลา เวทนา กุสลาย เวทนาย สนฺติเก; อพฺยากตา เวทนา อพฺยากตาย เวทนาย สนฺติเกฯ ทุกฺขา เวทนา ทุกฺขาย เวทนาย สนฺติเก; สุขา เวทนา สุขาย เวทนาย สนฺติเก; อทุกฺขมสุขา เวทนา อทุกฺขมสุขาย เวทนาย สนฺติเก ฯ อสมาปนฺนสฺส เวทนา อสมาปนฺนสฺส เวทนาย สนฺติเก; สมาปนฺนสฺส เวทนา สมาปนฺนสฺส เวทนาย สนฺติเกฯ สาสวา เวทนา สาสวาย เวทนาย สนฺติเก; อนาสวา เวทนา อนาสวาย เวทนาย สนฺติเกฯ อยํ วุจฺจติ เวทนา สนฺติเกฯ ตํ ตํ วา ปน เวทนํ อุปาทายุปาทาย เวทนา ทูเร สนฺติเก ทฎฺฐพฺพาฯ
Tattha katamā vedanā santike? Akusalā vedanā akusalāya vedanāya santike; kusalā vedanā kusalāya vedanāya santike; abyākatā vedanā abyākatāya vedanāya santike. Dukkhā vedanā dukkhāya vedanāya santike; sukhā vedanā sukhāya vedanāya santike; adukkhamasukhā vedanā adukkhamasukhāya vedanāya santike . Asamāpannassa vedanā asamāpannassa vedanāya santike; samāpannassa vedanā samāpannassa vedanāya santike. Sāsavā vedanā sāsavāya vedanāya santike; anāsavā vedanā anāsavāya vedanāya santike. Ayaṃ vuccati vedanā santike. Taṃ taṃ vā pana vedanaṃ upādāyupādāya vedanā dūre santike daṭṭhabbā.
๓. สญฺญากฺขโนฺธ
3. Saññākkhandho
๑๔. ตตฺถ กตโม สญฺญากฺขโนฺธ? ยา กาจิ สญฺญา อตีตานาคตปจฺจุปฺปนฺนา อชฺฌตฺตา วา พหิทฺธา วา โอฬาริกา วา สุขุมา วา หีนา วา ปณีตา วา ยา ทูเร สนฺติเก วา ตเทกชฺฌํ อภิสญฺญูหิตฺวา อภิสงฺขิปิตฺวา – อยํ วุจฺจติ สญฺญากฺขโนฺธฯ
14. Tattha katamo saññākkhandho? Yā kāci saññā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā tadekajjhaṃ abhisaññūhitvā abhisaṅkhipitvā – ayaṃ vuccati saññākkhandho.
๑๕. ตตฺถ กตมา สญฺญา อตีตา? ยา สญฺญา อตีตา นิรุทฺธา วิคตา วิปริณตา อตฺถงฺคตา อพฺภตฺถงฺคตา อุปฺปชฺชิตฺวา วิคตา อตีตา อตีตํเสน สงฺคหิตา, จกฺขุสมฺผสฺสชา สญฺญา โสตสมฺผสฺสชา สญฺญา ฆานสมฺผสฺสชา สญฺญา ชิวฺหาสมฺผสฺสชา สญฺญา กายสมฺผสฺสชา สญฺญา มโนสมฺผสฺสชา สญฺญา – อยํ วุจฺจติ สญฺญา อตีตาฯ
15. Tattha katamā saññā atītā? Yā saññā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā atītā.
ตตฺถ กตมา สญฺญา อนาคตา? ยา สญฺญา อชาตา อภูตา อสญฺชาตา อนิพฺพตฺตา อนภินิพฺพตฺตา อปาตุภูตา อนุปฺปนฺนา อสมุปฺปนฺนา อนุฎฺฐิตา อสมุฎฺฐิตา อนาคตา อนาคตํเสน สงฺคหิตา, จกฺขุสมฺผสฺสชา สญฺญา โสตสมฺผสฺสชา สญฺญา ฆานสมฺผสฺสชา สญฺญา ชิวฺหาสมฺผสฺสชา สญฺญา กายสมฺผสฺสชา สญฺญา มโนสมฺผสฺสชา สญฺญา – อยํ วุจฺจติ สญฺญา อนาคตาฯ
Tattha katamā saññā anāgatā? Yā saññā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā anāgatā.
ตตฺถ กตมา สญฺญา ปจฺจุปฺปนฺนา? ยา สญฺญา ชาตา ภูตา สญฺชาตา นิพฺพตฺตา อภินิพฺพตฺตา ปาตุภูตา อุปฺปนฺนา สมุปฺปนฺนา อุฎฺฐิตา สมุฎฺฐิตา ปจฺจุปฺปนฺนา ปจฺจุปฺปนฺนํเสน สงฺคหิตา, จกฺขุสมฺผสฺสชา สญฺญา โสตสมฺผสฺสชา สญฺญา ฆานสมฺผสฺสชา สญฺญา ชิวฺหาสมฺผสฺสชา สญฺญา กายสมฺผสฺสชา สญฺญา มโนสมฺผสฺสชา สญฺญา – อยํ วุจฺจติ สญฺญา ปจฺจุปฺปนฺนาฯ
Tattha katamā saññā paccuppannā? Yā saññā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā paccuppannā.
๑๖. ตตฺถ กตมา สญฺญา อชฺฌตฺตา? ยา สญฺญา เตสํ เตสํ สตฺตานํ อชฺฌตฺตํ ปจฺจตฺตํ นิยกา ปาฎิปุคฺคลิกา อุปาทินฺนา, จกฺขุสมฺผสฺสชา สญฺญา โสตสมฺผสฺสชา สญฺญา ฆานสมฺผสฺสชา สญฺญา ชิวฺหาสมฺผสฺสชา สญฺญา กายสมฺผสฺสชา สญฺญา มโนสมฺผสฺสชา สญฺญา – อยํ วุจฺจติ สญฺญา อชฺฌตฺตาฯ
16. Tattha katamā saññā ajjhattā? Yā saññā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā ajjhattā.
ตตฺถ กตมา สญฺญา พหิทฺธา? ยา สญฺญา เตสํ เตสํ ปรสตฺตานํ ปรปุคฺคลานํ อชฺฌตฺตํ ปจฺจตฺตํ นิยกา ปาฎิปุคฺคลิกา อุปาทินฺนา, จกฺขุสมฺผสฺสชา สญฺญา โสตสมฺผสฺสชา สญฺญา ฆานสมฺผสฺสชา สญฺญา ชิวฺหาสมฺผสฺสชา สญฺญา กายสมฺผสฺสชา สญฺญา มโนสมฺผสฺสชา สญฺญา – อยํ วุจฺจติ สญฺญา พหิทฺธาฯ
Tattha katamā saññā bahiddhā? Yā saññā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā bahiddhā.
๑๗. ตตฺถ กตมา สญฺญา โอฬาริกา สุขุมา? ปฎิฆสมฺผสฺสชา สญฺญา โอฬาริกา, อธิวจนสมฺผสฺสชา สญฺญา สุขุมาฯ อกุสลา สญฺญา โอฬาริกา, กุสลาพฺยากตา สญฺญา สุขุมาฯ กุสลากุสลา สญฺญา โอฬาริกา, อพฺยากตา สญฺญา สุขุมาฯ ทุกฺขาย เวทนาย สมฺปยุตฺตา สญฺญา โอฬาริกา, สุขาย จ อทุกฺขมสุขาย จ เวทนาหิ สมฺปยุตฺตา สญฺญา สุขุมาฯ สุขทุกฺขาหิ เวทนาหิ สมฺปยุตฺตา สญฺญา โอฬาริกา , อทุกฺขมสุขาย เวทนาย สมฺปยุตฺตา สญฺญา สุขุมาฯ อสมาปนฺนสฺส สญฺญา โอฬาริกา, สมาปนฺนสฺส สญฺญา สุขุมาฯ สาสวา สญฺญา โอฬาริกา, อนาสวา สญฺญา สุขุมาฯ ตํ ตํ วา ปน สญฺญํ อุปาทายุปาทาย สญฺญา โอฬาริกา สุขุมา ทฎฺฐพฺพาฯ
17. Tattha katamā saññā oḷārikā sukhumā? Paṭighasamphassajā saññā oḷārikā, adhivacanasamphassajā saññā sukhumā. Akusalā saññā oḷārikā, kusalābyākatā saññā sukhumā. Kusalākusalā saññā oḷārikā, abyākatā saññā sukhumā. Dukkhāya vedanāya sampayuttā saññā oḷārikā, sukhāya ca adukkhamasukhāya ca vedanāhi sampayuttā saññā sukhumā. Sukhadukkhāhi vedanāhi sampayuttā saññā oḷārikā , adukkhamasukhāya vedanāya sampayuttā saññā sukhumā. Asamāpannassa saññā oḷārikā, samāpannassa saññā sukhumā. Sāsavā saññā oḷārikā, anāsavā saññā sukhumā. Taṃ taṃ vā pana saññaṃ upādāyupādāya saññā oḷārikā sukhumā daṭṭhabbā.
๑๘. ตตฺถ กตมา สญฺญา หีนา ปณีตา? อกุสลา สญฺญา หีนา, กุสลาพฺยากตา สญฺญา ปณีตาฯ กุสลากุสลา สญฺญา หีนา, อพฺยากตา สญฺญา ปณีตาฯ ทุกฺขาย เวทนาย สมฺปยุตฺตา สญฺญา หีนา, สุขาย จ อทุกฺขมสุขาย จ เวทนาหิ สมฺปยุตฺตา สญฺญา ปณีตาฯ สุขทุกฺขาหิ เวทนาหิ สมฺปยุตฺตา สญฺญา หีนา, อทุกฺขมสุขาย เวทนาย สมฺปยุตฺตา สญฺญา ปณีตาฯ อสมาปนฺนสฺส สญฺญา หีนา, สมาปนฺนสฺส สญฺญา ปณีตาฯ สาสวา สญฺญา หีนา, อนาสวา สญฺญา ปณีตาฯ ตํ ตํ วา ปน สญฺญํ อุปาทายุปาทาย สญฺญา หีนา ปณีตา ทฎฺฐพฺพาฯ
18. Tattha katamā saññā hīnā paṇītā? Akusalā saññā hīnā, kusalābyākatā saññā paṇītā. Kusalākusalā saññā hīnā, abyākatā saññā paṇītā. Dukkhāya vedanāya sampayuttā saññā hīnā, sukhāya ca adukkhamasukhāya ca vedanāhi sampayuttā saññā paṇītā. Sukhadukkhāhi vedanāhi sampayuttā saññā hīnā, adukkhamasukhāya vedanāya sampayuttā saññā paṇītā. Asamāpannassa saññā hīnā, samāpannassa saññā paṇītā. Sāsavā saññā hīnā, anāsavā saññā paṇītā. Taṃ taṃ vā pana saññaṃ upādāyupādāya saññā hīnā paṇītā daṭṭhabbā.
๑๙. ตตฺถ กตมา สญฺญา ทูเร? อกุสลา สญฺญา กุสลาพฺยากตาหิ สญฺญาหิ ทูเร; กุสลาพฺยากตา สญฺญา อกุสลาย สญฺญาย ทูเร; กุสลา สญฺญา อกุสลาพฺยากตาหิ สญฺญาหิ ทูเร; อกุสลาพฺยากตา สญฺญา กุสลาย สญฺญาย ทูเรฯ อพฺยากตา สญฺญา กุสลากุสลาหิ สญฺญาหิ ทูเร; กุสลากุสลา สญฺญา อพฺยากตาย สญฺญาย ทูเรฯ ทุกฺขาย เวทนาย สมฺปยุตฺตา สญฺญา สุขาย จ อทุกฺขมสุขาย จ เวทนาหิ สมฺปยุตฺตาหิ สญฺญาหิ ทูเร; สุขาย จ อทุกฺขมสุขาย จ เวทนาหิ สมฺปยุตฺตา สญฺญา ทุกฺขาย เวทนาย สมฺปยุตฺตาย สญฺญาย ทูเร; สุขาย เวทนาย สมฺปยุตฺตา สญฺญา ทุกฺขาย จ อทุกฺขมสุขาย จ เวทนาหิ สมฺปยุตฺตาหิ สญฺญาหิ ทูเร; ทุกฺขาย จ อทุกฺขมสุขาย จ เวทนาหิ สมฺปยุตฺตา สญฺญา สุขาย เวทนาย สมฺปยุตฺตาย สญฺญาย ทูเร; อทุกฺขมสุขาย เวทนาย สมฺปยุตฺตา สญฺญา สุขทุกฺขาหิ เวทนาหิ สมฺปยุตฺตาหิ สญฺญาหิ ทูเร; สุขทุกฺขาหิ เวทนาหิ สมฺปยุตฺตา สญฺญา อทุกฺขมสุขาย เวทนาย สมฺปยุตฺตาย สญฺญาย ทูเรฯ อสมาปนฺนสฺส สญฺญา สมาปนฺนสฺส สญฺญาย ทูเร; สมาปนฺนสฺส สญฺญา อสมาปนฺนสฺส สญฺญาย ทูเรฯ สาสวา สญฺญา อนาสวาย สญฺญาย ทูเร; อนาสวา สญฺญา สาสวาย สญฺญาย ทูเร – อยํ วุจฺจติ สญฺญา ทูเรฯ
19. Tattha katamā saññā dūre? Akusalā saññā kusalābyākatāhi saññāhi dūre; kusalābyākatā saññā akusalāya saññāya dūre; kusalā saññā akusalābyākatāhi saññāhi dūre; akusalābyākatā saññā kusalāya saññāya dūre. Abyākatā saññā kusalākusalāhi saññāhi dūre; kusalākusalā saññā abyākatāya saññāya dūre. Dukkhāya vedanāya sampayuttā saññā sukhāya ca adukkhamasukhāya ca vedanāhi sampayuttāhi saññāhi dūre; sukhāya ca adukkhamasukhāya ca vedanāhi sampayuttā saññā dukkhāya vedanāya sampayuttāya saññāya dūre; sukhāya vedanāya sampayuttā saññā dukkhāya ca adukkhamasukhāya ca vedanāhi sampayuttāhi saññāhi dūre; dukkhāya ca adukkhamasukhāya ca vedanāhi sampayuttā saññā sukhāya vedanāya sampayuttāya saññāya dūre; adukkhamasukhāya vedanāya sampayuttā saññā sukhadukkhāhi vedanāhi sampayuttāhi saññāhi dūre; sukhadukkhāhi vedanāhi sampayuttā saññā adukkhamasukhāya vedanāya sampayuttāya saññāya dūre. Asamāpannassa saññā samāpannassa saññāya dūre; samāpannassa saññā asamāpannassa saññāya dūre. Sāsavā saññā anāsavāya saññāya dūre; anāsavā saññā sāsavāya saññāya dūre – ayaṃ vuccati saññā dūre.
ตตฺถ กตมา สญฺญา สนฺติเก? อกุสลา สญฺญา อกุสลาย สญฺญาย สนฺติเก; กุสลา สญฺญา กุสลาย สญฺญาย สนฺติเก; อพฺยากตา สญฺญา อพฺยากตาย สญฺญาย สนฺติเกฯ ทุกฺขาย เวทนาย สมฺปยุตฺตา สญฺญา ทุกฺขาย เวทนาย สมฺปยุตฺตาย สญฺญาย สนฺติเก; สุขาย เวทนาย สมฺปยุตฺตา สญฺญา สุขาย เวทนาย สมฺปยุตฺตาย สญฺญาย สนฺติเก; อทุกฺขมสุขาย เวทนาย สมฺปยุตฺตา สญฺญา อทุกฺขมสุขาย เวทนาย สมฺปยุตฺตาย สญฺญาย สนฺติเกฯ อสมาปนฺนสฺส สญฺญา อสมาปนฺนสฺส สญฺญาย สนฺติเก; สมาปนฺนสฺส สญฺญา สมาปนฺนสฺส สญฺญาย สนฺติเกฯ สาสวา สญฺญา สาสวาย สญฺญาย สนฺติเก; อนาสวา สญฺญา อนาสวาย สญฺญาย สนฺติเกฯ อยํ วุจฺจติ สญฺญา สนฺติเกฯ ตํ ตํ วา ปน สญฺญํ อุปาทายุปาทาย สญฺญา ทูเร สนฺติเก ทฎฺฐพฺพาฯ
Tattha katamā saññā santike? Akusalā saññā akusalāya saññāya santike; kusalā saññā kusalāya saññāya santike; abyākatā saññā abyākatāya saññāya santike. Dukkhāya vedanāya sampayuttā saññā dukkhāya vedanāya sampayuttāya saññāya santike; sukhāya vedanāya sampayuttā saññā sukhāya vedanāya sampayuttāya saññāya santike; adukkhamasukhāya vedanāya sampayuttā saññā adukkhamasukhāya vedanāya sampayuttāya saññāya santike. Asamāpannassa saññā asamāpannassa saññāya santike; samāpannassa saññā samāpannassa saññāya santike. Sāsavā saññā sāsavāya saññāya santike; anāsavā saññā anāsavāya saññāya santike. Ayaṃ vuccati saññā santike. Taṃ taṃ vā pana saññaṃ upādāyupādāya saññā dūre santike daṭṭhabbā.
๔. สงฺขารกฺขโนฺธ
4. Saṅkhārakkhandho
๒๐. ตตฺถ กตโม สงฺขารกฺขโนฺธ? เย เกจิ สงฺขารา อตีตานาคตปจฺจุปฺปนฺนา อชฺฌตฺตา วา พหิทฺธา วา โอฬาริกา วา สุขุมา วา หีนา วา ปณีตา วา เย ทูเร สนฺติเก วา, ตเทกชฺฌํ อภิสญฺญูหิตฺวา อภิสงฺขิปิตฺวา – อยํ วุจฺจติ สงฺขารกฺขโนฺธฯ
20. Tattha katamo saṅkhārakkhandho? Ye keci saṅkhārā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā ye dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati saṅkhārakkhandho.
๒๑. ตตฺถ กตเม สงฺขารา อตีตา? เย สงฺขารา อตีตา นิรุทฺธา วิคตา วิปริณตา อตฺถงฺคตา อพฺภตฺถงฺคตา อุปฺปชฺชิตฺวา วิคตา อตีตา อตีตํเสน สงฺคหิตา, จกฺขุสมฺผสฺสชา เจตนา โสตสมฺผสฺสชา เจตนา ฆานสมฺผสฺสชา เจตนา ชิวฺหาสมฺผสฺสชา เจตนา กายสมฺผสฺสชา เจตนา มโนสมฺผสฺสชา เจตนา – อิเม วุจฺจนฺติ สงฺขารา อตีตาฯ
21. Tattha katame saṅkhārā atītā? Ye saṅkhārā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā atītā.
ตตฺถ กตเม สงฺขารา อนาคตา? เย สงฺขารา อชาตา อภูตา อสญฺชาตา อนิพฺพตฺตา อนภินิพฺพตฺตา อปาตุภูตา อนุปฺปนฺนา อสมุปฺปนฺนา อนุฎฺฐิตา อสมุฎฺฐิตา อนาคตา อนาคตํเสน สงฺคหิตา, จกฺขุสมฺผสฺสชา เจตนา โสตสมฺผสฺสชา เจตนา ฆานสมฺผสฺสชา เจตนา ชิวฺหาสมฺผสฺสชา เจตนา กายสมฺผสฺสชา เจตนา มโนสมฺผสฺสชา เจตนา – อิเม วุจฺจนฺติ สงฺขารา อนาคตาฯ
Tattha katame saṅkhārā anāgatā? Ye saṅkhārā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā anāgatā.
ตตฺถ กตเม สงฺขารา ปจฺจุปฺปนฺนา? เย สงฺขารา ชาตา ภูตา สญฺชาตา นิพฺพตฺตา อภินิพฺพตฺตา ปาตุภูตา อุปฺปนฺนา สมุปฺปนฺนา อุฎฺฐิตา สมุฎฺฐิตา ปจฺจุปฺปนฺนา ปจฺจุปฺปนฺนํเสน สงฺคหิตา, จกฺขุสมฺผสฺสชา เจตนา โสตสมฺผสฺสชา เจตนา ฆานสมฺผสฺสชา เจตนา ชิวฺหาสมฺผสฺสชา เจตนา กายสมฺผสฺสชา เจตนา มโนสมฺผสฺสชา เจตนา – อิเม วุจฺจนฺติ สงฺขารา ปจฺจุปฺปนฺนาฯ
Tattha katame saṅkhārā paccuppannā? Ye saṅkhārā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā paccuppannā.
๒๒. ตตฺถ กตเม สงฺขารา อชฺฌตฺตา? เย สงฺขารา เตสํ เตสํ สตฺตานํ อชฺฌตฺตํ ปจฺจตฺตํ นิยกา ปาฎิปุคฺคลิกา อุปาทินฺนา, จกฺขุสมฺผสฺสชา เจตนา โสตสมฺผสฺสชา เจตนา ฆานสมฺผสฺสชา เจตนา ชิวฺหาสมฺผสฺสชา เจตนา กายสมฺผสฺสชา เจตนา มโนสมฺผสฺสชา เจตนา – อิเม วุจฺจนฺติ สงฺขารา อชฺฌตฺตาฯ
22. Tattha katame saṅkhārā ajjhattā? Ye saṅkhārā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā ajjhattā.
ตตฺถ กตเม สงฺขารา พหิทฺธา? เย สงฺขารา เตสํ เตสํ ปรสตฺตานํ ปรปุคฺคลานํ อชฺฌตฺตํ ปจฺจตฺตํ นิยกา ปาฎิปุคฺคลิกา อุปาทินฺนา, จกฺขุสมฺผสฺสชา เจตนา โสตสมฺผสฺสชา เจตนา ฆานสมฺผสฺสชา เจตนา ชิวฺหาสมฺผสฺสชา เจตนา กายสมฺผสฺสชา เจตนา มโนสมฺผสฺสชา เจตนา – อิเม วุจฺจนฺติ สงฺขารา พหิทฺธาฯ
Tattha katame saṅkhārā bahiddhā? Ye saṅkhārā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā bahiddhā.
๒๓. ตตฺถ กตเม สงฺขารา โอฬาริกา สุขุมา? อกุสลา สงฺขารา โอฬาริกา, กุสลาพฺยากตา สงฺขารา สุขุมาฯ กุสลากุสลา สงฺขารา โอฬาริกา, อพฺยากตา สงฺขารา สุขุมาฯ ทุกฺขาย เวทนาย สมฺปยุตฺตา สงฺขารา โอฬาริกา, สุขาย จ อทุกฺขมสุขาย จ เวทนาหิ สมฺปยุตฺตา สงฺขารา สุขุมาฯ สุขทุกฺขาหิ เวทนาหิ สมฺปยุตฺตา สงฺขารา โอฬาริกา, อทุกฺขมสุขาย เวทนาย สมฺปยุตฺตา สงฺขารา สุขุมาฯ อสมาปนฺนสฺส สงฺขารา โอฬาริกา, สมาปนฺนสฺส สงฺขารา สุขุมาฯ สาสวา สงฺขารา โอฬาริกา, อนาสวา สงฺขารา สุขุมาฯ เต เต วา ปน สงฺขาเร อุปาทายุปาทาย สงฺขารา โอฬาริกา สุขุมา ทฎฺฐพฺพาฯ
23. Tattha katame saṅkhārā oḷārikā sukhumā? Akusalā saṅkhārā oḷārikā, kusalābyākatā saṅkhārā sukhumā. Kusalākusalā saṅkhārā oḷārikā, abyākatā saṅkhārā sukhumā. Dukkhāya vedanāya sampayuttā saṅkhārā oḷārikā, sukhāya ca adukkhamasukhāya ca vedanāhi sampayuttā saṅkhārā sukhumā. Sukhadukkhāhi vedanāhi sampayuttā saṅkhārā oḷārikā, adukkhamasukhāya vedanāya sampayuttā saṅkhārā sukhumā. Asamāpannassa saṅkhārā oḷārikā, samāpannassa saṅkhārā sukhumā. Sāsavā saṅkhārā oḷārikā, anāsavā saṅkhārā sukhumā. Te te vā pana saṅkhāre upādāyupādāya saṅkhārā oḷārikā sukhumā daṭṭhabbā.
๒๔. ตตฺถ กตเม สงฺขารา หีนา ปณีตา? อกุสลา สงฺขารา หีนา, กุสลาพฺยากตา สงฺขารา ปณีตาฯ กุสลากุสลา สงฺขารา หีนา, อพฺยากตา สงฺขารา ปณีตาฯ ทุกฺขาย เวทนาย สมฺปยุตฺตา สงฺขารา หีนา , สุขาย จ อทุกฺขมสุขาย จ เวทนาหิ สมฺปยุตฺตา สงฺขารา ปณีตาฯ สุขทุกฺขาหิ เวทนาหิ สมฺปยุตฺตา สงฺขารา หีนา, อทุกฺขมสุขาย เวทนาย สมฺปยุตฺตา สงฺขารา ปณีตาฯ อสมาปนฺนสฺส สงฺขารา หีนา, สมาปนฺนสฺส สงฺขารา ปณีตาฯ สาสวา สงฺขารา หีนา, อนาสวา สงฺขารา ปณีตาฯ เต เต วา ปน สงฺขาเร อุปาทายุปาทาย สงฺขารา หีนา ปณีตา ทฎฺฐพฺพาฯ
24. Tattha katame saṅkhārā hīnā paṇītā? Akusalā saṅkhārā hīnā, kusalābyākatā saṅkhārā paṇītā. Kusalākusalā saṅkhārā hīnā, abyākatā saṅkhārā paṇītā. Dukkhāya vedanāya sampayuttā saṅkhārā hīnā , sukhāya ca adukkhamasukhāya ca vedanāhi sampayuttā saṅkhārā paṇītā. Sukhadukkhāhi vedanāhi sampayuttā saṅkhārā hīnā, adukkhamasukhāya vedanāya sampayuttā saṅkhārā paṇītā. Asamāpannassa saṅkhārā hīnā, samāpannassa saṅkhārā paṇītā. Sāsavā saṅkhārā hīnā, anāsavā saṅkhārā paṇītā. Te te vā pana saṅkhāre upādāyupādāya saṅkhārā hīnā paṇītā daṭṭhabbā.
๒๕. ตตฺถ กตเม สงฺขารา ทูเร? อกุสลา สงฺขารา กุสลาพฺยากเตหิ สงฺขาเรหิ ทูเร; กุสลาพฺยากตา สงฺขารา อกุสเลหิ สงฺขาเรหิ ทูเร; กุสลา สงฺขารา อกุสลาพฺยากเตหิ สงฺขาเรหิ ทูเร; อกุสลาพฺยากตา สงฺขารา กุสเลหิ สงฺขาเรหิ ทูเร; อพฺยากตา สงฺขารา กุสลากุสเลหิ สงฺขาเรหิ ทูเร; กุสลากุสลา สงฺขารา อพฺยากเตหิ สงฺขาเรหิ ทูเรฯ ทุกฺขาย เวทนาย สมฺปยุตฺตา สงฺขารา สุขาย จ อทุกฺขมสุขาย จ เวทนาหิ สมฺปยุเตฺตหิ สงฺขาเรหิ ทูเร; สุขาย จ อทุกฺขมสุขาย จ เวทนาหิ สมฺปยุตฺตา สงฺขารา ทุกฺขาย เวทนาย สมฺปยุเตฺตหิ สงฺขาเรหิ ทูเร; สุขาย เวทนาย สมฺปยุตฺตา สงฺขารา ทุกฺขาย จ อทุกฺขมสุขาย จ เวทนาหิ สมฺปยุเตฺตหิ สงฺขาเรหิ ทูเร; ทุกฺขาย จ อทุกฺขมสุขาย จ เวทนาหิ สมฺปยุตฺตา สงฺขารา สุขาย เวทนาย สมฺปยุเตฺตหิ สงฺขาเรหิ ทูเร; อทุกฺขมสุขาย เวทนาย สมฺปยุตฺตา สงฺขารา สุขทุกฺขาหิ เวทนาหิ สมฺปยุเตฺตหิ สงฺขาเรหิ ทูเร; สุขทุกฺขาหิ เวทนาหิ สมฺปยุตฺตา สงฺขารา อทุกฺขมสุขาย เวทนาย สมฺปยุเตฺตหิ สงฺขาเรหิ ทูเร ฯ อสมาปนฺนสฺส สงฺขารา สมาปนฺนสฺส สงฺขาเรหิ ทูเร; สมาปนฺนสฺส สงฺขารา อสมาปนฺนสฺส สงฺขาเรหิ ทูเรฯ สาสวา สงฺขารา อนาสเวหิ สงฺขาเรหิ ทูเร; อนาสวา สงฺขารา สาสเวหิ สงฺขาเรหิ ทูเรฯ อิเม วุจฺจนฺติ สงฺขารา ทูเรฯ
25. Tattha katame saṅkhārā dūre? Akusalā saṅkhārā kusalābyākatehi saṅkhārehi dūre; kusalābyākatā saṅkhārā akusalehi saṅkhārehi dūre; kusalā saṅkhārā akusalābyākatehi saṅkhārehi dūre; akusalābyākatā saṅkhārā kusalehi saṅkhārehi dūre; abyākatā saṅkhārā kusalākusalehi saṅkhārehi dūre; kusalākusalā saṅkhārā abyākatehi saṅkhārehi dūre. Dukkhāya vedanāya sampayuttā saṅkhārā sukhāya ca adukkhamasukhāya ca vedanāhi sampayuttehi saṅkhārehi dūre; sukhāya ca adukkhamasukhāya ca vedanāhi sampayuttā saṅkhārā dukkhāya vedanāya sampayuttehi saṅkhārehi dūre; sukhāya vedanāya sampayuttā saṅkhārā dukkhāya ca adukkhamasukhāya ca vedanāhi sampayuttehi saṅkhārehi dūre; dukkhāya ca adukkhamasukhāya ca vedanāhi sampayuttā saṅkhārā sukhāya vedanāya sampayuttehi saṅkhārehi dūre; adukkhamasukhāya vedanāya sampayuttā saṅkhārā sukhadukkhāhi vedanāhi sampayuttehi saṅkhārehi dūre; sukhadukkhāhi vedanāhi sampayuttā saṅkhārā adukkhamasukhāya vedanāya sampayuttehi saṅkhārehi dūre . Asamāpannassa saṅkhārā samāpannassa saṅkhārehi dūre; samāpannassa saṅkhārā asamāpannassa saṅkhārehi dūre. Sāsavā saṅkhārā anāsavehi saṅkhārehi dūre; anāsavā saṅkhārā sāsavehi saṅkhārehi dūre. Ime vuccanti saṅkhārā dūre.
ตตฺถ กตเม สงฺขารา สนฺติเก? อกุสลา สงฺขารา อกุสลานํ สงฺขารานํ สนฺติเก; กุสลา สงฺขารา กุสลานํ สงฺขารานํ สนฺติเก; อพฺยากตา สงฺขารา อพฺยากตานํ สงฺขารานํ สนฺติเกฯ ทุกฺขาย เวทนาย สมฺปยุตฺตา สงฺขารา ทุกฺขาย เวทนาย สมฺปยุตฺตานํ สงฺขารานํ สนฺติเก; สุขาย เวทนาย สมฺปยุตฺตา สงฺขารา สุขาย เวทนาย สมฺปยุตฺตานํ สงฺขารานํ สนฺติเก; อทุกฺขมสุขาย เวทนาย สมฺปยุตฺตา สงฺขารา อทุกฺขมสุขาย เวทนาย สมฺปยุตฺตานํ สงฺขารานํ สนฺติเกฯ อสมาปนฺนสฺส สงฺขารา อสมาปนฺนสฺส สงฺขารานํ สนฺติเก; สมาปนฺนสฺส สงฺขารา สมาปนฺนสฺส สงฺขารานํ สนฺติเกฯ สาสวา สงฺขารา สาสวานํ สงฺขารานํ สนฺติเก; อนาสวา สงฺขารา อนาสวานํ สงฺขารานํ สนฺติเกฯ อิเม วุจฺจนฺติ สงฺขารา สนฺติเกฯ เต เต วา ปน สงฺขาเร อุปาทายุปาทาย สงฺขารา ทูเร สนฺติเก ทฎฺฐพฺพาฯ
Tattha katame saṅkhārā santike? Akusalā saṅkhārā akusalānaṃ saṅkhārānaṃ santike; kusalā saṅkhārā kusalānaṃ saṅkhārānaṃ santike; abyākatā saṅkhārā abyākatānaṃ saṅkhārānaṃ santike. Dukkhāya vedanāya sampayuttā saṅkhārā dukkhāya vedanāya sampayuttānaṃ saṅkhārānaṃ santike; sukhāya vedanāya sampayuttā saṅkhārā sukhāya vedanāya sampayuttānaṃ saṅkhārānaṃ santike; adukkhamasukhāya vedanāya sampayuttā saṅkhārā adukkhamasukhāya vedanāya sampayuttānaṃ saṅkhārānaṃ santike. Asamāpannassa saṅkhārā asamāpannassa saṅkhārānaṃ santike; samāpannassa saṅkhārā samāpannassa saṅkhārānaṃ santike. Sāsavā saṅkhārā sāsavānaṃ saṅkhārānaṃ santike; anāsavā saṅkhārā anāsavānaṃ saṅkhārānaṃ santike. Ime vuccanti saṅkhārā santike. Te te vā pana saṅkhāre upādāyupādāya saṅkhārā dūre santike daṭṭhabbā.
๕. วิญฺญาณกฺขโนฺธ
5. Viññāṇakkhandho
๒๖. ตตฺถ กตโม วิญฺญาณกฺขโนฺธ? ยํ กิญฺจิ วิญฺญาณํ อตีตานาคตปจฺจุปฺปนฺนํ อชฺฌตฺตํ วา พหิทฺธา วา โอฬาริกํ วา สุขุมํ วา หีนํ วา ปณีตํ วา ยํ ทูเร สนฺติเก วา, ตเทกชฺฌํ อภิสญฺญูหิตฺวา อภิสงฺขิปิตฺวา – อยํ วุจฺจติ วิญฺญาณกฺขโนฺธฯ
26. Tattha katamo viññāṇakkhandho? Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati viññāṇakkhandho.
๒๗. ตตฺถ กตมํ วิญฺญาณํ อตีตํ? ยํ วิญฺญาณํ อตีตํ นิรุทฺธํ วิคตํ วิปริณตํ อตฺถงฺคตํ อพฺภตฺถงฺคตํ อุปฺปชฺชิตฺวา วิคตํ อตีตํ อตีตํเสน สงฺคหิตํ, จกฺขุวิญฺญาณํ โสตวิญฺญาณํ ฆานวิญฺญาณํ ชิวฺหาวิญฺญาณํ กายวิญฺญาณํ มโนวิญฺญาณํ – อิทํ วุจฺจติ วิญฺญาณํ อตีตํฯ
27. Tattha katamaṃ viññāṇaṃ atītaṃ? Yaṃ viññāṇaṃ atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ uppajjitvā vigataṃ atītaṃ atītaṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ atītaṃ.
ตตฺถ กตมํ วิญฺญาณํ อนาคตํ? ยํ วิญฺญาณํ อชาตํ อภูตํ อสญฺชาตํ อนิพฺพตฺตํ อนภินิพฺพตฺตํ อปาตุภูตํ อนุปฺปนฺนํ อสมุปฺปนฺนํ อนุฎฺฐิตํ อสมุฎฺฐิตํ อนาคตํ อนาคตํเสน สงฺคหิตํ, จกฺขุวิญฺญาณํ โสตวิญฺญาณํ ฆานวิญฺญาณํ ชิวฺหาวิญฺญาณํ กายวิญฺญาณํ มโนวิญฺญาณํ – อิทํ วุจฺจติ วิญฺญาณํ อนาคตํฯ
Tattha katamaṃ viññāṇaṃ anāgataṃ? Yaṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ anuppannaṃ asamuppannaṃ anuṭṭhitaṃ asamuṭṭhitaṃ anāgataṃ anāgataṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ anāgataṃ.
ตตฺถ กตมํ วิญฺญาณํ ปจฺจุปฺปนฺนํ? ยํ วิญฺญาณํ ชาตํ ภูตํ สญฺชาตํ นิพฺพตฺตํ อภินิพฺพตฺตํ ปาตุภูตํ อุปฺปนฺนํ สมุปฺปนฺนํ อุฎฺฐิตํ สมุฎฺฐิตํ ปจฺจุปฺปนฺนํ ปจฺจุปฺปนฺนํเสน สงฺคหิตํ, จกฺขุวิญฺญาณํ โสตวิญฺญาณํ ฆานวิญฺญาณํ ชิวฺหาวิญฺญาณํ กายวิญฺญาณํ มโนวิญฺญาณํ – อิทํ วุจฺจติ วิญฺญาณํ ปจฺจุปฺปนฺนํฯ
Tattha katamaṃ viññāṇaṃ paccuppannaṃ? Yaṃ viññāṇaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtaṃ uppannaṃ samuppannaṃ uṭṭhitaṃ samuṭṭhitaṃ paccuppannaṃ paccuppannaṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ paccuppannaṃ.
๒๘. ตตฺถ กตมํ วิญฺญาณํ อชฺฌตฺตํ? ยํ วิญฺญาณํ เตสํ เตสํ สตฺตานํ อชฺฌตฺตํ ปจฺจตฺตํ นิยกํ ปาฎิปุคฺคลิกํ อุปาทินฺนํ, จกฺขุวิญฺญาณํ โสตวิญฺญาณํ ฆานวิญฺญาณํ ชิวฺหาวิญฺญาณํ กายวิญฺญาณํ มโนวิญฺญาณํ – อิทํ วุจฺจติ วิญฺญาณํ อชฺฌตฺตํฯ
28. Tattha katamaṃ viññāṇaṃ ajjhattaṃ? Yaṃ viññāṇaṃ tesaṃ tesaṃ sattānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ ajjhattaṃ.
ตตฺถ กตมํ วิญฺญาณํ พหิทฺธา? ยํ วิญฺญาณํ เตสํ เตสํ ปรสตฺตานํ ปรปุคฺคลานํ อชฺฌตฺตํ ปจฺจตฺตํ นิยกํ ปาฎิปุคฺคลิกํ อุปาทินฺนํ, จกฺขุวิญฺญาณํ โสตวิญฺญาณํ ฆานวิญฺญาณํ ชิวฺหาวิญฺญาณํ กายวิญฺญาณํ มโนวิญฺญาณํ – อิทํ วุจฺจติ วิญฺญาณํ พหิทฺธาฯ
Tattha katamaṃ viññāṇaṃ bahiddhā? Yaṃ viññāṇaṃ tesaṃ tesaṃ parasattānaṃ parapuggalānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ bahiddhā.
๒๙. ตตฺถ กตมํ วิญฺญาณํ โอฬาริกํ สุขุมํ? อกุสลํ วิญฺญาณํ โอฬาริกํ, กุสลาพฺยากตา วิญฺญาณา สุขุมาฯ กุสลากุสลา วิญฺญาณา โอฬาริกา , อพฺยากตํ วิญฺญาณํ สุขุมํฯ ทุกฺขาย เวทนาย สมฺปยุตฺตํ วิญฺญาณํ โอฬาริกํ, สุขาย จ อทุกฺขมสุขาย จ เวทนาหิ สมฺปยุตฺตา วิญฺญาณา สุขุมาฯ สุขทุกฺขาหิ เวทนาหิ สมฺปยุตฺตา วิญฺญาณา โอฬาริกา, อทุกฺขมสุขาย เวทนาย สมฺปยุตฺตํ วิญฺญาณํ สุขุมํฯ อสมาปนฺนสฺส วิญฺญาณํ โอฬาริกํ, สมาปนฺนสฺส วิญฺญาณํ สุขุมํฯ สาสวํ วิญฺญาณํ โอฬาริกํ, อนาสวํ วิญฺญาณํ สุขุมํฯ ตํ ตํ วา ปน วิญฺญาณํ อุปาทายุปาทาย วิญฺญาณํ โอฬาริกํ สุขุมํ ทฎฺฐพฺพํฯ
29. Tattha katamaṃ viññāṇaṃ oḷārikaṃ sukhumaṃ? Akusalaṃ viññāṇaṃ oḷārikaṃ, kusalābyākatā viññāṇā sukhumā. Kusalākusalā viññāṇā oḷārikā , abyākataṃ viññāṇaṃ sukhumaṃ. Dukkhāya vedanāya sampayuttaṃ viññāṇaṃ oḷārikaṃ, sukhāya ca adukkhamasukhāya ca vedanāhi sampayuttā viññāṇā sukhumā. Sukhadukkhāhi vedanāhi sampayuttā viññāṇā oḷārikā, adukkhamasukhāya vedanāya sampayuttaṃ viññāṇaṃ sukhumaṃ. Asamāpannassa viññāṇaṃ oḷārikaṃ, samāpannassa viññāṇaṃ sukhumaṃ. Sāsavaṃ viññāṇaṃ oḷārikaṃ, anāsavaṃ viññāṇaṃ sukhumaṃ. Taṃ taṃ vā pana viññāṇaṃ upādāyupādāya viññāṇaṃ oḷārikaṃ sukhumaṃ daṭṭhabbaṃ.
๓๐. ตตฺถ กตมํ วิญฺญาณํ หีนํ ปณีตํ? อกุสลํ วิญฺญาณํ หีนํ, กุสลาพฺยากตา วิญฺญาณา ปณีตา ฯ กุสลากุสลา วิญฺญาณา หีนา, อพฺยากตํ วิญฺญาณํ ปณีตํฯ ทุกฺขาย เวทนาย สมฺปยุตฺตํ วิญฺญาณํ หีนํ, สุขาย จ อทุกฺขมสุขาย จ เวทนาหิ สมฺปยุตฺตา วิญฺญาณา ปณีตาฯ สุขทุกฺขาหิ เวทนาหิ สมฺปยุตฺตา วิญฺญาณา หีนา, อทุกฺขมสุขาย เวทนาย สมฺปยุตฺตํ วิญฺญาณํ ปณีตํฯ อสมาปนฺนสฺส วิญฺญาณํ หีนํ, สมาปนฺนสฺส วิญฺญาณํ ปณีตํฯ สาสวํ วิญฺญาณํ หีนํ, อนาสวํ วิญฺญาณํ ปณีตํฯ ตํ ตํ วา ปน วิญฺญาณํ อุปาทายุปาทาย วิญฺญาณํ หีนํ ปณีตํ ทฎฺฐพฺพํฯ
30. Tattha katamaṃ viññāṇaṃ hīnaṃ paṇītaṃ? Akusalaṃ viññāṇaṃ hīnaṃ, kusalābyākatā viññāṇā paṇītā . Kusalākusalā viññāṇā hīnā, abyākataṃ viññāṇaṃ paṇītaṃ. Dukkhāya vedanāya sampayuttaṃ viññāṇaṃ hīnaṃ, sukhāya ca adukkhamasukhāya ca vedanāhi sampayuttā viññāṇā paṇītā. Sukhadukkhāhi vedanāhi sampayuttā viññāṇā hīnā, adukkhamasukhāya vedanāya sampayuttaṃ viññāṇaṃ paṇītaṃ. Asamāpannassa viññāṇaṃ hīnaṃ, samāpannassa viññāṇaṃ paṇītaṃ. Sāsavaṃ viññāṇaṃ hīnaṃ, anāsavaṃ viññāṇaṃ paṇītaṃ. Taṃ taṃ vā pana viññāṇaṃ upādāyupādāya viññāṇaṃ hīnaṃ paṇītaṃ daṭṭhabbaṃ.
๓๑. ตตฺถ กตมํ วิญฺญาณํ ทูเร? อกุสลํ วิญฺญาณํ กุสลาพฺยากเตหิ วิญฺญาเณหิ ทูเร; กุสลาพฺยากตา วิญฺญาณา อกุสลา วิญฺญาณา ทูเร; กุสลํ วิญฺญาณํ อกุสลาพฺยากเตหิ วิญฺญาเณหิ ทูเร; อกุสลาพฺยากตา วิญฺญาณา กุสลา วิญฺญาณา ทูเร; อพฺยากตํ วิญฺญาณํ กุสลากุสเลหิ วิญฺญาเณหิ ทูเร; กุสลากุสลา วิญฺญาณา อพฺยากตา วิญฺญาณา ทูเรฯ ทุกฺขาย เวทนาย สมฺปยุตฺตํ วิญฺญาณํ สุขาย จ อทุกฺขมสุขาย จ เวทนาหิ สมฺปยุเตฺตหิ วิญฺญาเณหิ ทูเร; สุขาย จ อทุกฺขมสุขาย จ เวทนาหิ สมฺปยุตฺตา วิญฺญาณา ทุกฺขาย เวทนาย สมฺปยุตฺตา วิญฺญาณา ทูเร; สุขาย เวทนาย สมฺปยุตฺตํ วิญฺญาณํ ทุกฺขาย จ อทุกฺขมสุขาย จ เวทนาหิ สมฺปยุเตฺตหิ วิญฺญาเณหิ ทูเร; ทุกฺขาย จ อทุกฺขมสุขาย จ เวทนาหิ สมฺปยุตฺตา วิญฺญาณา สุขาย เวทนาย สมฺปยุตฺตา วิญฺญาณา ทูเร; อทุกฺขมสุขาย เวทนาย สมฺปยุตฺตํ วิญฺญาณํ สุขทุกฺขาหิ เวทนาหิ สมฺปยุเตฺตหิ วิญฺญาเณหิ ทูเร; สุขทุกฺขาหิ เวทนาหิ สมฺปยุตฺตา วิญฺญาณา อทุกฺขมสุขาย เวทนาย สมฺปยุตฺตา วิญฺญาณา ทูเรฯ อสมาปนฺนสฺส วิญฺญาณํ สมาปนฺนสฺส วิญฺญาณา ทูเร; สมาปนฺนสฺส วิญฺญาณํ อสมาปนฺนสฺส วิญฺญาณา ทูเรฯ สาสวํ วิญฺญาณํ อนาสวา วิญฺญาณา ทูเร; อนาสวํ วิญฺญาณํ สาสวา วิญฺญาณา ทูเร – อิทํ วุจฺจติ วิญฺญาณํ ทูเรฯ
31. Tattha katamaṃ viññāṇaṃ dūre? Akusalaṃ viññāṇaṃ kusalābyākatehi viññāṇehi dūre; kusalābyākatā viññāṇā akusalā viññāṇā dūre; kusalaṃ viññāṇaṃ akusalābyākatehi viññāṇehi dūre; akusalābyākatā viññāṇā kusalā viññāṇā dūre; abyākataṃ viññāṇaṃ kusalākusalehi viññāṇehi dūre; kusalākusalā viññāṇā abyākatā viññāṇā dūre. Dukkhāya vedanāya sampayuttaṃ viññāṇaṃ sukhāya ca adukkhamasukhāya ca vedanāhi sampayuttehi viññāṇehi dūre; sukhāya ca adukkhamasukhāya ca vedanāhi sampayuttā viññāṇā dukkhāya vedanāya sampayuttā viññāṇā dūre; sukhāya vedanāya sampayuttaṃ viññāṇaṃ dukkhāya ca adukkhamasukhāya ca vedanāhi sampayuttehi viññāṇehi dūre; dukkhāya ca adukkhamasukhāya ca vedanāhi sampayuttā viññāṇā sukhāya vedanāya sampayuttā viññāṇā dūre; adukkhamasukhāya vedanāya sampayuttaṃ viññāṇaṃ sukhadukkhāhi vedanāhi sampayuttehi viññāṇehi dūre; sukhadukkhāhi vedanāhi sampayuttā viññāṇā adukkhamasukhāya vedanāya sampayuttā viññāṇā dūre. Asamāpannassa viññāṇaṃ samāpannassa viññāṇā dūre; samāpannassa viññāṇaṃ asamāpannassa viññāṇā dūre. Sāsavaṃ viññāṇaṃ anāsavā viññāṇā dūre; anāsavaṃ viññāṇaṃ sāsavā viññāṇā dūre – idaṃ vuccati viññāṇaṃ dūre.
ตตฺถ กตมํ วิญฺญาณํ สนฺติเก? อกุสลํ วิญฺญาณํ อกุสลสฺส วิญฺญาณสฺส สนฺติเก; กุสลํ วิญฺญาณํ กุสลสฺส วิญฺญาณสฺส สนฺติเก; อพฺยากตํ วิญฺญาณํ อพฺยากตสฺส วิญฺญาณสฺส สนฺติเกฯ ทุกฺขาย เวทนาย สมฺปยุตฺตํ วิญฺญาณํ ทุกฺขาย เวทนาย สมฺปยุตฺตสฺส วิญฺญาณสฺส สนฺติเก; สุขาย เวทนาย สมฺปยุตฺตํ วิญฺญาณํ สุขาย เวทนาย สมฺปยุตฺตสฺส วิญฺญาณสฺส สนฺติเก; อทุกฺขมสุขาย เวทนาย สมฺปยุตฺตํ วิญฺญาณํ อทุกฺขมสุขาย เวทนาย สมฺปยุตฺตสฺส วิญฺญาณสฺส สนฺติเกฯ อสมาปนฺนสฺส วิญฺญาณํ อสมาปนฺนสฺส วิญฺญาณสฺส สนฺติเก; สมาปนฺนสฺส วิญฺญาณํ สมาปนฺนสฺส วิญฺญาณสฺส สนฺติเกฯ สาสวํ วิญฺญาณํ สาสวสฺส วิญฺญาณสฺส สนฺติเก; อนาสวํ วิญฺญาณํ อนาสวสฺส วิญฺญาณสฺส สนฺติเก – อิทํ วุจฺจติ วิญฺญาณํ สนฺติเกฯ ตํ ตํ วา ปน วิญฺญาณํ อุปาทายุปาทาย วิญฺญาณํ ทูเร สนฺติเก ทฎฺฐพฺพํฯ
Tattha katamaṃ viññāṇaṃ santike? Akusalaṃ viññāṇaṃ akusalassa viññāṇassa santike; kusalaṃ viññāṇaṃ kusalassa viññāṇassa santike; abyākataṃ viññāṇaṃ abyākatassa viññāṇassa santike. Dukkhāya vedanāya sampayuttaṃ viññāṇaṃ dukkhāya vedanāya sampayuttassa viññāṇassa santike; sukhāya vedanāya sampayuttaṃ viññāṇaṃ sukhāya vedanāya sampayuttassa viññāṇassa santike; adukkhamasukhāya vedanāya sampayuttaṃ viññāṇaṃ adukkhamasukhāya vedanāya sampayuttassa viññāṇassa santike. Asamāpannassa viññāṇaṃ asamāpannassa viññāṇassa santike; samāpannassa viññāṇaṃ samāpannassa viññāṇassa santike. Sāsavaṃ viññāṇaṃ sāsavassa viññāṇassa santike; anāsavaṃ viññāṇaṃ anāsavassa viññāṇassa santike – idaṃ vuccati viññāṇaṃ santike. Taṃ taṃ vā pana viññāṇaṃ upādāyupādāya viññāṇaṃ dūre santike daṭṭhabbaṃ.
สุตฺตนฺตภาชนียํฯ
Suttantabhājanīyaṃ.
๒. อภิธมฺมภาชนียํ
2. Abhidhammabhājanīyaṃ
๓๒. ปญฺจกฺขนฺธา – รูปกฺขโนฺธ, เวทนากฺขโนฺธ, สญฺญากฺขโนฺธ, สงฺขารกฺขโนฺธ, วิญฺญาณกฺขโนฺธฯ
32. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
๑. รูปกฺขโนฺธ
1. Rūpakkhandho
๓๓. ตตฺถ กตโม รูปกฺขโนฺธ? เอกวิเธน รูปกฺขโนฺธ – สพฺพํ รูปํ น เหตุ, อเหตุกํ, เหตุวิปฺปยุตฺตํ, สปฺปจฺจยํ, สงฺขตํ, รูปํ, โลกิยํ, สาสวํ, สํโยชนิยํ, คนฺถนิยํ, โอฆนิยํ, โยคนิยํ, นีวรณิยํ, ปรามฎฺฐํ, อุปาทานิยํ, สํกิเลสิกํ, อพฺยากตํ, อนารมฺมณํ, อเจตสิกํ, จิตฺตวิปฺปยุตฺตํ, เนววิปากนวิปากธมฺมธมฺมํ, อสํกิลิฎฺฐสํกิเลสิกํ, น สวิตกฺกสวิจารํ, น อวิตกฺกวิจารมตฺตํ, อวิตกฺกอวิจารํ, น ปีติสหคตํ, น สุขสหคตํ, น อุเปกฺขาสหคตํ, เนว ทสฺสเนน น ภาวนาย ปหาตพฺพํ, เนว ทสฺสเนน น ภาวนาย ปหาตพฺพเหตุกํ, เนวาจยคามินาปจยคามี, เนวเสกฺขนาเสกฺขํ, ปริตฺตํ, กามาวจรํ, น รูปาวจรํ, น อรูปาวจรํ, ปริยาปนฺนํ, โน อปริยาปนฺนํ, อนิยตํ, อนิยฺยานิกํ, อุปฺปนฺนํ, ฉหิ วิญฺญาเณหิ วิเญฺญยฺยํ, อนิจฺจํ, ชราภิภูตํฯ เอวํ เอกวิเธน รูปกฺขโนฺธฯ
33. Tattha katamo rūpakkhandho? Ekavidhena rūpakkhandho – sabbaṃ rūpaṃ na hetu, ahetukaṃ, hetuvippayuttaṃ, sappaccayaṃ, saṅkhataṃ, rūpaṃ, lokiyaṃ, sāsavaṃ, saṃyojaniyaṃ, ganthaniyaṃ, oghaniyaṃ, yoganiyaṃ, nīvaraṇiyaṃ, parāmaṭṭhaṃ, upādāniyaṃ, saṃkilesikaṃ, abyākataṃ, anārammaṇaṃ, acetasikaṃ, cittavippayuttaṃ, nevavipākanavipākadhammadhammaṃ, asaṃkiliṭṭhasaṃkilesikaṃ, na savitakkasavicāraṃ, na avitakkavicāramattaṃ, avitakkaavicāraṃ, na pītisahagataṃ, na sukhasahagataṃ, na upekkhāsahagataṃ, neva dassanena na bhāvanāya pahātabbaṃ, neva dassanena na bhāvanāya pahātabbahetukaṃ, nevācayagāmināpacayagāmī, nevasekkhanāsekkhaṃ, parittaṃ, kāmāvacaraṃ, na rūpāvacaraṃ, na arūpāvacaraṃ, pariyāpannaṃ, no apariyāpannaṃ, aniyataṃ, aniyyānikaṃ, uppannaṃ, chahi viññāṇehi viññeyyaṃ, aniccaṃ, jarābhibhūtaṃ. Evaṃ ekavidhena rūpakkhandho.
ทุวิเธน รูปกฺขโนฺธ – อตฺถิ รูปํ อุปาทา, อตฺถิ รูปํ โน อุปาทา 3ฯ อตฺถิ รูปํ อุปาทินฺนํ, อตฺถิ รูปํ อนุปาทินฺนํฯ อตฺถิ รูปํ อุปาทินฺนุปาทานิยํ, อตฺถิ รูปํ อนุปาทินฺนุปาทานิยํฯ อตฺถิ รูปํ สนิทสฺสนํ, อตฺถิ รูปํ อนิทสฺสนํฯ อตฺถิ รูปํ สปฺปฎิฆํ, อตฺถิ รูปํ อปฺปฎิฆํฯ อตฺถิ รูปํ อินฺทฺริยํ, อตฺถิ รูปํ น อินฺทฺริยํฯ อตฺถิ รูปํ มหาภูตํ, อตฺถิ รูปํ น มหาภูตํฯ อตฺถิ รูปํ วิญฺญตฺติ, อตฺถิ รูปํ น วิญฺญตฺติฯ อตฺถิ รูปํ จิตฺตสมุฎฺฐานํ, อตฺถิ รูปํ น จิตฺตสมุฎฺฐานํฯ อตฺถิ รูปํ จิตฺตสหภุ, อตฺถิ รูปํ น จิตฺตสหภุฯ อตฺถิ รูปํ จิตฺตานุปริวตฺติ, อตฺถิ รูปํ น จิตฺตานุปริวตฺติฯ อตฺถิ รูปํ อชฺฌตฺติกํ, อตฺถิ รูปํ พาหิรํฯ อตฺถิ รูปํ โอฬาริกํ, อตฺถิ รูปํ สุขุมํฯ อตฺถิ รูปํ ทูเร, อตฺถิ รูปํ สนฺติเก…เป.… อตฺถิ รูปํ กพฬีกาโร อาหาโร, อตฺถิ รูปํ น กพฬีกาโร อาหาโรฯ เอวํ ทุวิเธน รูปกฺขโนฺธฯ
Duvidhena rūpakkhandho – atthi rūpaṃ upādā, atthi rūpaṃ no upādā 4. Atthi rūpaṃ upādinnaṃ, atthi rūpaṃ anupādinnaṃ. Atthi rūpaṃ upādinnupādāniyaṃ, atthi rūpaṃ anupādinnupādāniyaṃ. Atthi rūpaṃ sanidassanaṃ, atthi rūpaṃ anidassanaṃ. Atthi rūpaṃ sappaṭighaṃ, atthi rūpaṃ appaṭighaṃ. Atthi rūpaṃ indriyaṃ, atthi rūpaṃ na indriyaṃ. Atthi rūpaṃ mahābhūtaṃ, atthi rūpaṃ na mahābhūtaṃ. Atthi rūpaṃ viññatti, atthi rūpaṃ na viññatti. Atthi rūpaṃ cittasamuṭṭhānaṃ, atthi rūpaṃ na cittasamuṭṭhānaṃ. Atthi rūpaṃ cittasahabhu, atthi rūpaṃ na cittasahabhu. Atthi rūpaṃ cittānuparivatti, atthi rūpaṃ na cittānuparivatti. Atthi rūpaṃ ajjhattikaṃ, atthi rūpaṃ bāhiraṃ. Atthi rūpaṃ oḷārikaṃ, atthi rūpaṃ sukhumaṃ. Atthi rūpaṃ dūre, atthi rūpaṃ santike…pe… atthi rūpaṃ kabaḷīkāro āhāro, atthi rūpaṃ na kabaḷīkāro āhāro. Evaṃ duvidhena rūpakkhandho.
(ยถา รูปกเณฺฑ วิภตฺตํ, ตถา อิธ วิภชิตพฺพํฯ)
(Yathā rūpakaṇḍe vibhattaṃ, tathā idha vibhajitabbaṃ.)
ติวิเธน รูปกฺขโนฺธ – ยํ ตํ รูปํ อชฺฌตฺติกํ ตํ อุปาทา, ยํ ตํ รูปํ พาหิรํ ตํ อตฺถิ อุปาทา, อตฺถิ โน อุปาทาฯ ยํ ตํ รูปํ อชฺฌตฺติกํ ตํ อุปาทินฺนํ, ยํ ตํ รูปํ พาหิรํ ตํ อตฺถิ อุปาทินฺนํ, อตฺถิ อนุปาทินฺนํฯ ยํ ตํ รูปํ อชฺฌตฺติกํ ตํ อุปาทินฺนุปาทานิยํ, ยํ ตํ รูปํ พาหิรํ ตํ อตฺถิ อุปาทินฺนุปาทานิยํ, อตฺถิ อนุปาทินฺนุปาทานิยํ…เป.… ยํ ตํ รูปํ อชฺฌตฺติกํ ตํ น กพฬีกาโร อาหาโร, ยํ ตํ รูปํ พาหิรํ ตํ อตฺถิ กพฬีกาโร อาหาโร, อตฺถิ น กพฬีกาโร อาหาโรฯ เอวํ ติวิเธน รูปกฺขโนฺธฯ
Tividhena rūpakkhandho – yaṃ taṃ rūpaṃ ajjhattikaṃ taṃ upādā, yaṃ taṃ rūpaṃ bāhiraṃ taṃ atthi upādā, atthi no upādā. Yaṃ taṃ rūpaṃ ajjhattikaṃ taṃ upādinnaṃ, yaṃ taṃ rūpaṃ bāhiraṃ taṃ atthi upādinnaṃ, atthi anupādinnaṃ. Yaṃ taṃ rūpaṃ ajjhattikaṃ taṃ upādinnupādāniyaṃ, yaṃ taṃ rūpaṃ bāhiraṃ taṃ atthi upādinnupādāniyaṃ, atthi anupādinnupādāniyaṃ…pe… yaṃ taṃ rūpaṃ ajjhattikaṃ taṃ na kabaḷīkāro āhāro, yaṃ taṃ rūpaṃ bāhiraṃ taṃ atthi kabaḷīkāro āhāro, atthi na kabaḷīkāro āhāro. Evaṃ tividhena rūpakkhandho.
จตุพฺพิเธน รูปกฺขโนฺธ – ยํ ตํ รูปํ อุปาทา ตํ อตฺถิ อุปาทินฺนํ, อตฺถิ อนุปาทินฺนํ; ยํ ตํ รูปํ โน อุปาทา ตํ อตฺถิ อุปาทินฺนํ, อตฺถิ อนุปาทินฺนํฯ ยํ ตํ รูปํ อุปาทา ตํ อตฺถิ อุปาทินฺนุปาทานิยํ, อตฺถิ อนุปาทินฺนุปาทานิยํ; ยํ ตํ รูปํ โน อุปาทา ตํ อตฺถิ อุปาทินฺนุปาทานิยํ, อตฺถิ อนุปาทินฺนุปาทานิยํฯ ยํ ตํ รูปํ อุปาทา ตํ อตฺถิ สปฺปฎิฆํ, อตฺถิ อปฺปฎิฆํ; ยํ ตํ รูปํ โน อุปาทา ตํ อตฺถิ สปฺปฎิฆํ, อตฺถิ อปฺปฎิฆํ ฯ ยํ ตํ รูปํ อุปาทา ตํ อตฺถิ โอฬาริกํ, อตฺถิ สุขุมํ; ยํ ตํ รูปํ โน อุปาทา ตํ อตฺถิ โอฬาริกํ, อตฺถิ สุขุมํฯ ยํ ตํ รูปํ อุปาทา ตํ อตฺถิ ทูเร, อตฺถิ สนฺติเก; ยํ ตํ รูปํ โน อุปาทา ตํ อตฺถิ ทูเร, อตฺถิ สนฺติเก…เป.… ทิฎฺฐํ, สุตํ, มุตํ, วิญฺญาตํ รูปํฯ เอวํ จตุพฺพิเธน รูปกฺขโนฺธฯ
Catubbidhena rūpakkhandho – yaṃ taṃ rūpaṃ upādā taṃ atthi upādinnaṃ, atthi anupādinnaṃ; yaṃ taṃ rūpaṃ no upādā taṃ atthi upādinnaṃ, atthi anupādinnaṃ. Yaṃ taṃ rūpaṃ upādā taṃ atthi upādinnupādāniyaṃ, atthi anupādinnupādāniyaṃ; yaṃ taṃ rūpaṃ no upādā taṃ atthi upādinnupādāniyaṃ, atthi anupādinnupādāniyaṃ. Yaṃ taṃ rūpaṃ upādā taṃ atthi sappaṭighaṃ, atthi appaṭighaṃ; yaṃ taṃ rūpaṃ no upādā taṃ atthi sappaṭighaṃ, atthi appaṭighaṃ . Yaṃ taṃ rūpaṃ upādā taṃ atthi oḷārikaṃ, atthi sukhumaṃ; yaṃ taṃ rūpaṃ no upādā taṃ atthi oḷārikaṃ, atthi sukhumaṃ. Yaṃ taṃ rūpaṃ upādā taṃ atthi dūre, atthi santike; yaṃ taṃ rūpaṃ no upādā taṃ atthi dūre, atthi santike…pe… diṭṭhaṃ, sutaṃ, mutaṃ, viññātaṃ rūpaṃ. Evaṃ catubbidhena rūpakkhandho.
ปญฺจวิเธน รูปกฺขโนฺธ – ปถวีธาตุ, อาโปธาตุ, เตโชธาตุ, วาโยธาตุ, ยญฺจ รูปํ อุปาทาฯ เอวํ ปญฺจวิเธน รูปกฺขโนฺธฯ
Pañcavidhena rūpakkhandho – pathavīdhātu, āpodhātu, tejodhātu, vāyodhātu, yañca rūpaṃ upādā. Evaṃ pañcavidhena rūpakkhandho.
ฉพฺพิเธน รูปกฺขโนฺธ – จกฺขุวิเญฺญยฺยํ รูปํ, โสตวิเญฺญยฺยํ รูปํ, ฆานวิเญฺญยฺยํ รูปํ, ชิวฺหาวิเญฺญยฺยํ รูปํ, กายวิเญฺญยฺยํ รูปํ, มโนวิเญฺญยฺยํ รูปํฯ เอวํ ฉพฺพิเธน รูปกฺขโนฺธฯ
Chabbidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ, manoviññeyyaṃ rūpaṃ. Evaṃ chabbidhena rūpakkhandho.
สตฺตวิเธน รูปกฺขโนฺธ – จกฺขุวิเญฺญยฺยํ รูปํ, โสตวิเญฺญยฺยํ รูปํ, ฆานวิเญฺญยฺยํ รูปํ, ชิวฺหาวิเญฺญยฺยํ รูปํ, กายวิเญฺญยฺยํ รูปํ, มโนธาตุวิเญฺญยฺยํ รูปํ, มโนวิญฺญาณธาตุวิเญฺญยฺยํ รูปํฯ เอวํ สตฺตวิเธน รูปกฺขโนฺธ ฯ
Sattavidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ, manodhātuviññeyyaṃ rūpaṃ, manoviññāṇadhātuviññeyyaṃ rūpaṃ. Evaṃ sattavidhena rūpakkhandho .
อฎฺฐวิเธน รูปกฺขโนฺธ – จกฺขุวิเญฺญยฺยํ รูปํ, โสตวิเญฺญยฺยํ รูปํ, ฆานวิเญฺญยฺยํ รูปํ, ชิวฺหาวิเญฺญยฺยํ รูปํ, กายวิเญฺญยฺยํ รูปํ อตฺถิ สุขสมฺผสฺสํ, อตฺถิ ทุกฺขสมฺผสฺสํ, มโนธาตุวิเญฺญยฺยํ รูปํ, มโนวิญฺญาณธาตุวิเญฺญยฺยํ รูปํฯ เอวํ อฎฺฐวิเธน รูปกฺขโนฺธฯ
Aṭṭhavidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ atthi sukhasamphassaṃ, atthi dukkhasamphassaṃ, manodhātuviññeyyaṃ rūpaṃ, manoviññāṇadhātuviññeyyaṃ rūpaṃ. Evaṃ aṭṭhavidhena rūpakkhandho.
นววิเธน รูปกฺขโนฺธ – จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ, กายินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, ยญฺจ รูปํ น อินฺทฺริยํฯ เอวํ นววิเธน รูปกฺขโนฺธฯ
Navavidhena rūpakkhandho – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, itthindriyaṃ, purisindriyaṃ, jīvitindriyaṃ, yañca rūpaṃ na indriyaṃ. Evaṃ navavidhena rūpakkhandho.
ทสวิเธน รูปกฺขโนฺธ – จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ, กายินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, น อินฺทฺริยํ รูปํ อตฺถิ สปฺปฎิฆํ, อตฺถิ อปฺปฎิฆํฯ เอวํ ทสวิเธน รูปกฺขโนฺธฯ
Dasavidhena rūpakkhandho – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, itthindriyaṃ, purisindriyaṃ, jīvitindriyaṃ, na indriyaṃ rūpaṃ atthi sappaṭighaṃ, atthi appaṭighaṃ. Evaṃ dasavidhena rūpakkhandho.
เอกาทสวิเธน รูปกฺขโนฺธ – จกฺขายตนํ, โสตายตนํ, ฆานายตนํ, ชิวฺหายตนํ, กายายตนํ, รูปายตนํ, สทฺทายตนํ, คนฺธายตนํ, รสายตนํ, โผฎฺฐพฺพายตนํ, ยญฺจ รูปํ อนิทสฺสนอปฺปฎิฆํ ธมฺมายตนปริยาปนฺนํฯ เอวํ เอกาทสวิเธน รูปกฺขโนฺธฯ
Ekādasavidhena rūpakkhandho – cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, phoṭṭhabbāyatanaṃ, yañca rūpaṃ anidassanaappaṭighaṃ dhammāyatanapariyāpannaṃ. Evaṃ ekādasavidhena rūpakkhandho.
อยํ วุจฺจติ รูปกฺขโนฺธฯ
Ayaṃ vuccati rūpakkhandho.
๒. เวทนากฺขโนฺธ
2. Vedanākkhandho
๓๔. ตตฺถ กตโม เวทนากฺขโนฺธ? เอกวิเธน เวทนากฺขโนฺธ – ผสฺสสมฺปยุโตฺตฯ
34. Tattha katamo vedanākkhandho? Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena vedanākkhandho – atthi sahetuko, atthi ahetuko.
ติวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโตฯ
Tividhena vedanākkhandho – atthi kusalo, atthi akusalo, atthi abyākato.
จตุพฺพิเธน เวทนากฺขโนฺธ – อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ
Catubbidhena vedanākkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ปญฺจวิเธน เวทนากฺขโนฺธ – อตฺถิ สุขินฺทฺริยํ, อตฺถิ ทุกฺขินฺทฺริยํ, อตฺถิ โสมนสฺสินฺทฺริยํ, อตฺถิ โทมนสฺสินฺทฺริยํ, อตฺถิ อุเปกฺขินฺทฺริยํฯ เอวํ ปญฺจวิเธน เวทนากฺขโนฺธฯ
Pañcavidhena vedanākkhandho – atthi sukhindriyaṃ, atthi dukkhindriyaṃ, atthi somanassindriyaṃ, atthi domanassindriyaṃ, atthi upekkhindriyaṃ. Evaṃ pañcavidhena vedanākkhandho.
ฉพฺพิเธน เวทนากฺขโนฺธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ ฉพฺพิเธน เวทนากฺขโนฺธฯ
Chabbidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ chabbidhena vedanākkhandho.
สตฺตวิเธน เวทนากฺขโนฺธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนาฯ เอวํ สตฺตวิเธน เวทนากฺขโนฺธฯ
Sattavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā. Evaṃ sattavidhena vedanākkhandho.
อฎฺฐวิเธน เวทนากฺขโนฺธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา อตฺถิ สุขา, อตฺถิ ทุกฺขา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนาฯ เอวํ อฎฺฐวิเธน เวทนากฺขโนฺธฯ
Aṭṭhavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā. Evaṃ aṭṭhavidhena vedanākkhandho.
นววิเธน เวทนากฺขโนฺธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ นววิเธน เวทนากฺขโนฺธฯ
Navavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā. Evaṃ navavidhena vedanākkhandho.
ทสวิเธน เวทนากฺขโนฺธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา อตฺถิ สุขา, อตฺถิ ทุกฺขา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ ทสวิเธน เวทนากฺขโนฺธฯ
Dasavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā. Evaṃ dasavidhena vedanākkhandho.
๓๕. เอกวิเธน เวทนากฺขโนฺธ – ผสฺสสมฺปยุโตฺตฯ
35. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena vedanākkhandho – atthi sahetuko, atthi ahetuko.
ติวิเธน เวทนากฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺมฯ อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโยฯ อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโกฯ อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโรฯ อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺขฯ อตฺถิ ปริโตฺต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปโนฺนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
๓๖. เอกวิเธน เวทนากฺขโนฺธ – ผสฺสสมฺปยุโตฺตฯ
36. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺต…เป.… อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ อตฺถิ สํโยชนิโย, อตฺถิ อสํโยชนิโยฯ อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺตฯ อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ อตฺถิ คนฺถนิโย, อตฺถิ อคนฺถนิโยฯ อตฺถิ คนฺถสมฺปยุโตฺต, อตฺถิ คนฺถวิปฺปยุโตฺต ฯ อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ อตฺถิ โอฆนิโย, อตฺถิ อโนฆนิโยฯ อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ อตฺถิ โยคนิโย, อตฺถิ อโยคนิโยฯ อตฺถิ โยคสมฺปยุโตฺต, อตฺถิ โยควิปฺปยุโตฺตฯ อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ อตฺถิ นีวรณิโย, อตฺถิ อนีวรณิโยฯ อตฺถิ นีวรณสมฺปยุโตฺต, อตฺถิ นีวรณวิปฺปยุโตฺตฯ อตฺถิ นีวรณวิปฺปยุตฺตนีวรณิโย, อตฺถิ นีวรณวิปฺปยุตฺตอนีวรณิโยฯ อตฺถิ ปรามโฎฺฐ, อตฺถิ อปรามโฎฺฐฯ อตฺถิ ปรามาสสมฺปยุโตฺต, อตฺถิ ปรามาสวิปฺปยุโตฺต ฯ อตฺถิ ปรามาสวิปฺปยุตฺตปรามโฎฺฐ, อตฺถิ ปรามาสวิปฺปยุตฺตอปรามโฎฺฐฯ อตฺถิ อุปาทิโนฺน, อตฺถิ อนุปาทิโนฺนฯ อตฺถิ อุปาทานิโย, อตฺถิ อนุปาทานิโยฯ อตฺถิ อุปาทานสมฺปยุโตฺต, อตฺถิ อุปาทานวิปฺปยุโตฺตฯ อตฺถิ อุปาทานวิปฺปยุตฺตอุปาทานิโย, อตฺถิ อุปาทานวิปฺปยุตฺตอนุปาทานิโยฯ อตฺถิ สํกิเลสิโก, อตฺถิ อสํกิเลสิโกฯ อตฺถิ สํกิลิโฎฺฐ, อตฺถิ อสํกิลิโฎฺฐฯ อตฺถิ กิเลสสมฺปยุโตฺต, อตฺถิ กิเลสวิปฺปยุโตฺตฯ อตฺถิ กิเลสวิปฺปยุตฺตสํกิเลสิโก, อตฺถิ กิเลสวิปฺปยุตฺตอสํกิเลสิโกฯ อตฺถิ ทสฺสเนน ปหาตโพฺพ, อตฺถิ น ทสฺสเนน ปหาตโพฺพฯ อตฺถิ ภาวนาย ปหาตโพฺพ, อตฺถิ น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ น ทสฺสเนน ปหาตพฺพเหตุโกฯ อตฺถิ ภาวนาย ปหาตพฺพเหตุโก, อตฺถิ น ภาวนาย ปหาตพฺพเหตุโกฯ อตฺถิ สวิตโกฺก, อตฺถิ อวิตโกฺกฯ อตฺถิ สวิจาโร, อตฺถิ อวิจาโรฯ อตฺถิ สปฺปีติโก, อตฺถิ อปฺปีติโกฯ อตฺถิ ปีติสหคโต, อตฺถิ น ปีติสหคโตฯ อตฺถิ กามาวจโร, อตฺถิ น กามาวจโรฯ อตฺถิ รูปาวจโร, อตฺถิ น รูปาวจโรฯ อตฺถิ อรูปาวจโร, อตฺถิ น อรูปาวจโรฯ อตฺถิ ปริยาปโนฺน, อตฺถิ อปริยาปโนฺนฯ อตฺถิ นิยฺยานิโก, อตฺถิ อนิยฺยานิโกฯ อตฺถิ นิยโต, อตฺถิ อนิยโตฯ อตฺถิ สอุตฺตโร, อตฺถิ อนุตฺตโรฯ อตฺถิ สรโณ, อตฺถิ อรโณฯ
Duvidhena vedanākkhandho – atthi hetusampayutto, atthi hetuvippayutto…pe… atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo. Atthi ganthaniyo, atthi aganthaniyo. Atthi ganthasampayutto, atthi ganthavippayutto . Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto . Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko. Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ติวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
๓๗. เอกวิเธน เวทนากฺขโนฺธ – ผสฺสสมฺปยุโตฺตฯ
37. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สรโณ, อตฺถิ อรโณฯ
Duvidhena vedanākkhandho – atthi saraṇo, atthi araṇo.
ติวิเธน เวทนากฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺมฯ อตฺถิ อุปาทินฺนุปาทานิโย…เป.… อตฺถิ อชฺฌตฺตารมฺมโณ , อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
ทุกมูลกํฯ
Dukamūlakaṃ.
๓๘. เอกวิเธน เวทนากฺขโนฺธ – ผสฺสสมฺปยุโตฺตฯ
38. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena vedanākkhandho – atthi sahetuko, atthi ahetuko.
ติวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
๓๙. เอกวิเธน เวทนากฺขโนฺธ – ผสฺสสมฺปยุโตฺตฯ
39. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ
Duvidhena vedanākkhandho – atthi hetusampayutto, atthi hetuvippayutto.
ติวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
๔๐. เอกวิเธน เวทนากฺขโนฺธ – ผสฺสสมฺปยุโตฺตฯ
40. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโว…เป.… อตฺถิ สรโณ, อตฺถิ อรโณฯ
Duvidhena vedanākkhandho – atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo…pe… atthi saraṇo, atthi araṇo.
ติวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
๔๑. เอกวิเธน เวทนากฺขโนฺธ – ผสฺสสมฺปยุโตฺตฯ
41. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena vedanākkhandho – atthi sahetuko, atthi ahetuko.
ติวิเธน เวทนากฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺมฯ อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย , อตฺถิ อนุปาทินฺนอนุปาทานิโยฯ อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโกฯ อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโรฯ อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺขฯ อตฺถิ ปริโตฺต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปโนฺนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo , atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
๔๒. เอกวิเธน เวทนากฺขโนฺธ – ผสฺสสมฺปยุโตฺตฯ
42. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิเญฺญโยฺย , อตฺถิ เกนจิ น วิเญฺญโยฺยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ อตฺถิ สํโยชนิโย, อตฺถิ อสํโยชนิโย…เป.… อตฺถิ สรโณ , อตฺถิ อรโณฯ
Duvidhena vedanākkhandho – atthi hetusampayutto, atthi hetuvippayutto. Atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo , atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo…pe… atthi saraṇo , atthi araṇo.
ติวิเธน เวทนากฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
ติกมูลกํฯ
Tikamūlakaṃ.
๔๓. เอกวิเธน เวทนากฺขโนฺธ – ผสฺสสมฺปยุโตฺตฯ
43. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena vedanākkhandho – atthi sahetuko, atthi ahetuko.
ติวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
๔๔. เอกวิเธน เวทนากฺขโนฺธ – ผสฺสสมฺปยุโตฺตฯ
44. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ
Duvidhena vedanākkhandho – atthi hetusampayutto, atthi hetuvippayutto.
ติวิเธน เวทนากฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺม…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena vedanākkhandho.
๔๕. เอกวิเธน เวทนากฺขโนฺธ – ผสฺสสมฺปยุโตฺตฯ
45. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ น เหตุสเหตุโก, อตฺถิ น เหตุอเหตุโกฯ
Duvidhena vedanākkhandho – atthi na hetusahetuko, atthi na hetuahetuko.
ติวิเธน เวทนากฺขโนฺธ – อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโย…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena vedanākkhandho.
๔๖. เอกวิเธน เวทนากฺขโนฺธ – ผสฺสสมฺปยุโตฺตฯ
46. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ โลกิโย, อตฺถิ โลกุตฺตโรฯ
Duvidhena vedanākkhandho – atthi lokiyo, atthi lokuttaro.
ติวิเธน เวทนากฺขโนฺธ – อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโก…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena vedanākkhandho.
๔๗. เอกวิเธน เวทนากฺขโนฺธ – ผสฺสสมฺปยุโตฺตฯ
47. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ เกนจิ วิเญฺญโยฺย , อตฺถิ เกนจิ น วิเญฺญโยฺยฯ
Duvidhena vedanākkhandho – atthi kenaci viññeyyo , atthi kenaci na viññeyyo.
ติวิเธน เวทนากฺขโนฺธ – อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโร…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena vedanākkhandho.
๔๘. เอกวิเธน เวทนากฺขโนฺธ – ผสฺสสมฺปยุโตฺตฯ
48. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สาสโว, อตฺถิ อนาสโวฯ
Duvidhena vedanākkhandho – atthi sāsavo, atthi anāsavo.
ติวิเธน เวทนากฺขโนฺธ – อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena vedanākkhandho.
๔๙. เอกวิเธน เวทนากฺขโนฺธ – ผสฺสสมฺปยุโตฺตฯ
49. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ
Duvidhena vedanākkhandho – atthi āsavasampayutto, atthi āsavavippayutto.
ติวิเธน เวทนากฺขโนฺธ – อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโก…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena vedanākkhandho.
๕๐. เอกวิเธน เวทนากฺขโนฺธ – ผสฺสสมฺปยุโตฺตฯ
50. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ
Duvidhena vedanākkhandho – atthi āsavavippayuttasāsavo, atthi āsavavippayuttaanāsavo.
ติวิเธน เวทนากฺขโนฺธ – อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามี…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena vedanākkhandho.
๕๑. เอกวิเธน เวทนากฺขโนฺธ – ผสฺสสมฺปยุโตฺตฯ
51. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สํโยชนิโย, อตฺถิ อสํโยชนิโยฯ
Duvidhena vedanākkhandho – atthi saṃyojaniyo, atthi asaṃyojaniyo.
ติวิเธน เวทนากฺขโนฺธ – อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺข…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena vedanākkhandho.
๕๒. เอกวิเธน เวทนากฺขโนฺธ – ผสฺสสมฺปยุโตฺตฯ
52. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺต ฯ
Duvidhena vedanākkhandho – atthi saṃyojanasampayutto, atthi saṃyojanavippayutto .
ติวิเธน เวทนากฺขโนฺธ – อตฺถิ ปริโตฺต, อตฺถิ มหคฺคโต, อตฺถิ อปฺปมาโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi paritto, atthi mahaggato, atthi appamāṇo…pe…. Evaṃ dasavidhena vedanākkhandho.
๕๓. เอกวิเธน เวทนากฺขโนฺธ – ผสฺสสมฺปยุโตฺตฯ
53. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ
Duvidhena vedanākkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ติวิเธน เวทนากฺขโนฺธ – อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena vedanākkhandho.
๕๔. เอกวิเธน เวทนากฺขโนฺธ – ผสฺสสมฺปยุโตฺตฯ
54. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ คนฺถนิโย, อตฺถิ อคนฺถนิโยฯ
Duvidhena vedanākkhandho – atthi ganthaniyo, atthi aganthaniyo.
ติวิเธน เวทนากฺขโนฺธ – อตฺถิ หีโน, อตฺถิ มชฺฌิโม, อตฺถิ ปณีโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi hīno, atthi majjhimo, atthi paṇīto…pe…. Evaṃ dasavidhena vedanākkhandho.
๕๕. เอกวิเธน เวทนากฺขโนฺธ – ผสฺสสมฺปยุโตฺตฯ
55. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ คนฺถสมฺปยุโตฺต, อตฺถิ คนฺถวิปฺปยุโตฺตฯ
Duvidhena vedanākkhandho – atthi ganthasampayutto, atthi ganthavippayutto.
ติวิเธน เวทนากฺขโนฺธ – อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโต…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena vedanākkhandho.
๕๖. เอกวิเธน เวทนากฺขโนฺธ – ผสฺสสมฺปยุโตฺตฯ
56. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ
Duvidhena vedanākkhandho – atthi ganthavippayuttaganthaniyo, atthi ganthavippayuttaaganthaniyo.
ติวิเธน เวทนากฺขโนฺธ – อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena vedanākkhandho.
๕๗. เอกวิเธน เวทนากฺขโนฺธ – ผสฺสสมฺปยุโตฺตฯ
57. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ โอฆนิโย, อตฺถิ อโนฆนิโยฯ
Duvidhena vedanākkhandho – atthi oghaniyo, atthi anoghaniyo.
ติวิเธน เวทนากฺขโนฺธ – อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาที…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi uppanno, atthi anuppanno, atthi uppādī…pe…. Evaṃ dasavidhena vedanākkhandho.
๕๘. เอกวิเธน เวทนากฺขโนฺธ – ผสฺสสมฺปยุโตฺตฯ
58. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ
Duvidhena vedanākkhandho – atthi oghasampayutto, atthi oghavippayutto.
ติวิเธน เวทนากฺขโนฺธ – อตฺถิ อตีโต, อตฺถิ อนาคโต, อตฺถิ ปจฺจุปฺปโนฺน…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi atīto, atthi anāgato, atthi paccuppanno…pe…. Evaṃ dasavidhena vedanākkhandho.
๕๙. เอกวิเธน เวทนากฺขโนฺธ – ผสฺสสมฺปยุโตฺตฯ
59. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ
Duvidhena vedanākkhandho – atthi oghavippayuttaoghaniyo, atthi oghavippayuttaanoghaniyo.
ติวิเธน เวทนากฺขโนฺธ – อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena vedanākkhandho.
๖๐. เอกวิเธน เวทนากฺขโนฺธ – ผสฺสสมฺปยุโตฺตฯ
60. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ โยคนิโย, อตฺถิ อโยคนิโยฯ
Duvidhena vedanākkhandho – atthi yoganiyo, atthi ayoganiyo.
ติวิเธน เวทนากฺขโนฺธ – อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena vedanākkhandho.
๖๑. เอกวิเธน เวทนากฺขโนฺธ – ผสฺสสมฺปยุโตฺตฯ
61. Ekavidhena vedanākkhandho – phassasampayutto.
ทุวิเธน เวทนากฺขโนฺธ – อตฺถิ โยคสมฺปยุโตฺต, อตฺถิ โยควิปฺปยุโตฺตฯ
Duvidhena vedanākkhandho – atthi yogasampayutto, atthi yogavippayutto.
ติวิเธน เวทนากฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขโนฺธฯ
Tividhena vedanākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
อุภโตวฑฺฒกํฯ
Ubhatovaḍḍhakaṃ.
สตฺตวิเธน เวทนากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน เวทนากฺขโนฺธฯ
Sattavidhena vedanākkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena vedanākkhandho.
อปโรปิ สตฺตวิเธน เวทนากฺขโนฺธ – อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ , อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน เวทนากฺขโนฺธฯ
Aparopi sattavidhena vedanākkhandho – atthi vipāko…pe… atthi ajjhattārammaṇo, atthi bahiddhārammaṇo , atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena vedanākkhandho.
จตุวีสติวิเธน เวทนากฺขโนฺธ – จกฺขุสมฺผสฺสปจฺจยา เวทนากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; โสตสมฺผสฺสปจฺจยา เวทนากฺขโนฺธ…เป.… ฆานสมฺผสฺสปจฺจยา เวทนากฺขโนฺธ…เป.… ชิวฺหาสมฺผสฺสปจฺจยา เวทนากฺขโนฺธ…เป.… กายสมฺผสฺสปจฺจยา เวทนากฺขโนฺธ…เป.… มโนสมฺผสฺสปจฺจยา เวทนากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ จตุวีสติวิเธน เวทนากฺขโนฺธฯ
Catuvīsatividhena vedanākkhandho – cakkhusamphassapaccayā vedanākkhandho atthi kusalo, atthi akusalo, atthi abyākato; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi kusalo, atthi akusalo, atthi abyākato; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ catuvīsatividhena vedanākkhandho.
อปโรปิ จตุวีสติวิเธน เวทนากฺขโนฺธ – จกฺขุสมฺผสฺสปจฺจยา เวทนากฺขโนฺธ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, จกฺขุสมฺผสฺสชา เวทนา…เป.… มโนสมฺผสฺสชา เวทนา; โสตสมฺผสฺสปจฺจยา เวทนากฺขโนฺธ…เป.… ฆานสมฺผสฺสปจฺจยา เวทนากฺขโนฺธ…เป.… ชิวฺหาสมฺผสฺสปจฺจยา เวทนากฺขโนฺธ…เป.… กายสมฺผสฺสปจฺจยา เวทนากฺขโนฺธ…เป.… มโนสมฺผสฺสปจฺจยา เวทนากฺขโนฺธ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, จกฺขุสมฺผสฺสชา เวทนา…เป.… มโนสมฺผสฺสชา เวทนาฯ เอวํ จตุวีสติวิเธน เวทนากฺขโนฺธฯ
Aparopi catuvīsatividhena vedanākkhandho – cakkhusamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā…pe… manosamphassajā vedanā; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā…pe… manosamphassajā vedanā. Evaṃ catuvīsatividhena vedanākkhandho.
ติํสวิเธน เวทนากฺขโนฺธ – จกฺขุสมฺผสฺสปจฺจยา เวทนากฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา เวทนากฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ ติํสวิเธน เวทนากฺขโนฺธฯ
Tiṃsavidhena vedanākkhandho – cakkhusamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ tiṃsavidhena vedanākkhandho.
พหุวิเธน เวทนากฺขโนฺธ – จกฺขุสมฺผสฺสปจฺจยา เวทนากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา เวทนากฺขโนฺธ อตฺถิ กุสโล , อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ พหุวิเธน เวทนากฺขโนฺธฯ
Bahuvidhena vedanākkhandho – cakkhusamphassapaccayā vedanākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā vedanākkhandho atthi kusalo , atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ bahuvidhena vedanākkhandho.
อปโรปิ พหุวิเธน เวทนากฺขโนฺธ – จกฺขุสมฺผสฺสปจฺจยา เวทนากฺขโนฺธ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร , อตฺถิ อปริยาปโนฺน; โสตสมฺผสฺสปจฺจยา เวทนากฺขโนฺธ…เป.… ฆานสมฺผสฺสปจฺจยา เวทนากฺขโนฺธ…เป.… ชิวฺหาสมฺผสฺสปจฺจยา เวทนากฺขโนฺธ…เป.… กายสมฺผสฺสปจฺจยา เวทนากฺขโนฺธ…เป.… มโนสมฺผสฺสปจฺจยา เวทนากฺขโนฺธ อตฺถิ วิปาโก…เป.… อตฺถิ อชฺฌตฺตารมฺมโณ , อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร , อตฺถิ อปริยาปโนฺน; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ พหุวิเธน เวทนากฺขโนฺธฯ
Aparopi bahuvidhena vedanākkhandho – cakkhusamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro , atthi apariyāpanno; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi vipāko…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro , atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ bahuvidhena vedanākkhandho.
อยํ วุจฺจติ เวทนากฺขโนฺธฯ
Ayaṃ vuccati vedanākkhandho.
๓. สญฺญากฺขโนฺธ
3. Saññākkhandho
๖๒. ตตฺถ กตโม สญฺญากฺขโนฺธ? เอกวิเธน สญฺญากฺขโนฺธ – ผสฺสสมฺปยุโตฺตฯ
62. Tattha katamo saññākkhandho? Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena saññākkhandho – atthi sahetuko, atthi ahetuko.
ติวิเธน สญฺญากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโตฯ
Tividhena saññākkhandho – atthi kusalo, atthi akusalo, atthi abyākato.
จตุพฺพิเธน สญฺญากฺขโนฺธ – อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ
Catubbidhena saññākkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ปญฺจวิเธน สญฺญากฺขโนฺธ – อตฺถิ สุขินฺทฺริยสมฺปยุโตฺต, อตฺถิ ทุกฺขินฺทฺริยสมฺปยุโตฺต, อตฺถิ โสมนสฺสินฺทฺริยสมฺปยุโตฺต, อตฺถิ โทมนสฺสินฺทฺริยสมฺปยุโตฺต, อตฺถิ อุเปกฺขินฺทฺริยสมฺปยุโตฺตฯ เอวํ ปญฺจวิเธน สญฺญากฺขโนฺธฯ
Pañcavidhena saññākkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena saññākkhandho.
ฉพฺพิเธน สญฺญากฺขโนฺธ – จกฺขุสมฺผสฺสชา สญฺญา, โสตสมฺผสฺสชา สญฺญา, ฆานสมฺผสฺสชา สญฺญา, ชิวฺหาสมฺผสฺสชา สญฺญา, กายสมฺผสฺสชา สญฺญา, มโนสมฺผสฺสชา สญฺญาฯ เอวํ ฉพฺพิเธน สญฺญากฺขโนฺธฯ
Chabbidhena saññākkhandho – cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ chabbidhena saññākkhandho.
สตฺตวิเธน สญฺญากฺขโนฺธ – จกฺขุสมฺผสฺสชา สญฺญา, โสตสมฺผสฺสชา สญฺญา, ฆานสมฺผสฺสชา สญฺญา, ชิวฺหาสมฺผสฺสชา สญฺญา, กายสมฺผสฺสชา สญฺญา, มโนธาตุสมฺผสฺสชา สญฺญา, มโนวิญฺญาณธาตุสมฺผสฺสชา สญฺญาฯ เอวํ สตฺตวิเธน สญฺญากฺขโนฺธฯ
Sattavidhena saññākkhandho – cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā. Evaṃ sattavidhena saññākkhandho.
อฎฺฐวิเธน สญฺญากฺขโนฺธ – จกฺขุสมฺผสฺสชา สญฺญา…เป.… กายสมฺผสฺสชา สญฺญา อตฺถิ สุขสหคตา, อตฺถิ ทุกฺขสหคตา, มโนธาตุสมฺผสฺสชา สญฺญา, มโนวิญฺญาณธาตุสมฺผสฺสชา สญฺญาฯ เอวํ อฎฺฐวิเธน สญฺญากฺขโนฺธฯ
Aṭṭhavidhena saññākkhandho – cakkhusamphassajā saññā…pe… kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā. Evaṃ aṭṭhavidhena saññākkhandho.
นววิเธน สญฺญากฺขโนฺธ – จกฺขุสมฺผสฺสชา สญฺญา…เป.… กายสมฺผสฺสชา สญฺญา, มโนธาตุสมฺผสฺสชา สญฺญา, มโนวิญฺญาณธาตุสมฺผสฺสชา สญฺญา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ นววิเธน สญฺญากฺขโนฺธฯ
Navavidhena saññākkhandho – cakkhusamphassajā saññā…pe… kāyasamphassajā saññā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā. Evaṃ navavidhena saññākkhandho.
ทสวิเธน สญฺญากฺขโนฺธ – จกฺขุสมฺผสฺสชา สญฺญา…เป.… กายสมฺผสฺสชา สญฺญา อตฺถิ สุขสหคตา, อตฺถิ ทุกฺขสหคตา, มโนธาตุสมฺผสฺสชา สญฺญา, มโนวิญฺญาณธาตุสมฺผสฺสชา สญฺญา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ ทสวิเธน สญฺญากฺขโนฺธฯ
Dasavidhena saññākkhandho – cakkhusamphassajā saññā…pe… kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā. Evaṃ dasavidhena saññākkhandho.
๖๓. เอกวิเธน สญฺญากฺขโนฺธ – ผสฺสสมฺปยุโตฺตฯ
63. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena saññākkhandho – atthi sahetuko, atthi ahetuko.
ติวิเธน สญฺญากฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saññākkhandho.
๖๔. เอกวิเธน สญฺญากฺขโนฺธ – ผสฺสสมฺปยุโตฺตฯ
64. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena saññākkhandho – atthi sahetuko, atthi ahetuko.
ติวิเธน สญฺญากฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺมฯ อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโยฯ อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโกฯ อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโรฯ อตฺถิ ปีติสหคโต, อตฺถิ สุขสหคโต, อตฺถิ อุเปกฺขาสหคโตฯ อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺขฯ อตฺถิ ปริโตฺต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปโนฺนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.… เอวํ ทสวิเธน สญฺญากฺขโนฺธฯ
Tividhena saññākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe… evaṃ dasavidhena saññākkhandho.
๖๕. เอกวิเธน สญฺญากฺขโนฺธ – ผสฺสสมฺปยุโตฺตฯ
65. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโร ฯ อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ อตฺถิ อาสววิปฺปยุตฺตสาสโว , อตฺถิ อาสววิปฺปยุตฺตอนาสโวฯ อตฺถิ สํโยชนิโย, อตฺถิ อสํโยชนิโยฯ อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺตฯ อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ อตฺถิ คนฺถนิโย, อตฺถิ อคนฺถนิโยฯ อตฺถิ คนฺถสมฺปยุโตฺต, อตฺถิ คนฺถวิปฺปยุโตฺตฯ อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ อตฺถิ โอฆนิโย , อตฺถิ อโนฆนิโยฯ อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ อตฺถิ โยคนิโย, อตฺถิ อโยคนิโยฯ อตฺถิ โยคสมฺปยุโตฺต, อตฺถิ โยควิปฺปยุโตฺตฯ อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ อตฺถิ นีวรณิโย, อตฺถิ อนีวรณิโยฯ อตฺถิ นีวรณสมฺปยุโตฺต, อตฺถิ นีวรณวิปฺปยุโตฺตฯ อตฺถิ นีวรณวิปฺปยุตฺตนีวรณิโย, อตฺถิ นีวรณวิปฺปยุตฺตอนีวรณิโยฯ อตฺถิ ปรามโฎฺฐ, อตฺถิ อปรามโฎฺฐฯ อตฺถิ ปรามาสสมฺปยุโตฺต, อตฺถิ ปรามาสวิปฺปยุโตฺตฯ อตฺถิ ปรามาสวิปฺปยุตฺตปรามโฎฺฐ, อตฺถิ ปรามาสวิปฺปยุตฺตอปรามโฎฺฐฯ อตฺถิ อุปาทิโนฺน, อตฺถิ อนุปาทิโนฺนฯ อตฺถิ อุปาทานิโย, อตฺถิ อนุปาทานิโยฯ อตฺถิ อุปาทานสมฺปยุโตฺต, อตฺถิ อุปาทานวิปฺปยุโตฺตฯ อตฺถิ อุปาทานวิปฺปยุตฺตอุปาทานิโย, อตฺถิ อุปาทานวิปฺปยุตฺตอนุปาทานิโยฯ อตฺถิ สํกิเลสิโก , อตฺถิ อสํกิเลสิโกฯ อตฺถิ สํกิลิโฎฺฐ, อตฺถิ อสํกิลิโฎฺฐฯ อตฺถิ กิเลสสมฺปยุโตฺต, อตฺถิ กิเลสวิปฺปยุโตฺตฯ อตฺถิ กิเลสวิปฺปยุตฺตสํกิเลสิโก, อตฺถิ กิเลสวิปฺปยุตฺตอสํกิเลสิโกฯ อตฺถิ ทสฺสเนน ปหาตโพฺพ, อตฺถิ น ทสฺสเนน ปหาตโพฺพฯ อตฺถิ ภาวนาย ปหาตโพฺพ, อตฺถิ น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ น ทสฺสเนน ปหาตพฺพเหตุโกฯ อตฺถิ ภาวนาย ปหาตพฺพเหตุโก, อตฺถิ น ภาวนาย ปหาตพฺพเหตุโกฯ อตฺถิ สวิตโกฺก, อตฺถิ อวิตโกฺกฯ อตฺถิ สวิจาโร, อตฺถิ อวิจาโรฯ อตฺถิ สปฺปีติโก, อตฺถิ อปฺปีติโกฯ อตฺถิ ปีติสหคโต, อตฺถิ น ปีติสหคโตฯ อตฺถิ สุขสหคโต, อตฺถิ น สุขสหคโตฯ อตฺถิ อุเปกฺขาสหคโต, อตฺถิ น อุเปกฺขาสหคโตฯ อตฺถิ กามาวจโร, อตฺถิ น กามาวจโรฯ อตฺถิ รูปาวจโร, อตฺถิ น รูปาวจโรฯ อตฺถิ อรูปาวจโร, อตฺถิ น อรูปาวจโรฯ อตฺถิ ปริยาปโนฺน , อตฺถิ อปริยาปโนฺนฯ อตฺถิ นิยฺยานิโก, อตฺถิ อนิยฺยานิโกฯ อตฺถิ นิยโต, อตฺถิ อนิยโตฯ อตฺถิ สอุตฺตโร, อตฺถิ อนุตฺตโรฯ อตฺถิ สรโณ, อตฺถิ อรโณฯ
Duvidhena saññākkhandho – atthi hetusampayutto, atthi hetuvippayutto. Atthi na hetusahetuko, atthi na hetuahetuko. Atthi lokiyo, atthi lokuttaro . Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo , atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo. Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo , atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko , atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko. Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno , atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ติวิเธน สญฺญากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
๖๖. เอกวิเธน สญฺญากฺขโนฺธ – ผสฺสสมฺปยุโตฺตฯ
66. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สรโณ, อตฺถิ อรโณฯ
Duvidhena saññākkhandho – atthi saraṇo, atthi araṇo.
ติวิเธน สญฺญากฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺตฯ อตฺถิ วิปาโก…เป.… อตฺถิ อชฺฌตฺตารมฺมโณ , อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
(ยถา กุสลตฺติเก วิตฺถาโร, เอวํ สเพฺพปิ ติกา วิตฺถาเรตพฺพาฯ)
(Yathā kusalattike vitthāro, evaṃ sabbepi tikā vitthāretabbā.)
ทุกมูลกํฯ
Dukamūlakaṃ.
๖๗. เอกวิเธน สญฺญากฺขโนฺธ – ผสฺสสมฺปยุโตฺตฯ
67. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena saññākkhandho – atthi sahetuko, atthi ahetuko.
ติวิเธน สญฺญากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
๖๘. เอกวิเธน สญฺญากฺขโนฺธ – ผสฺสสมฺปยุโตฺตฯ
68. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺต…เป.… อตฺถิ สรโณ, อตฺถิ อรโณฯ
Duvidhena saññākkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ติวิเธน สญฺญากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
๖๙. เอกวิเธน สญฺญากฺขโนฺธ – ผสฺสสมฺปยุโตฺตฯ
69. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena saññākkhandho – atthi sahetuko, atthi ahetuko.
ติวิเธน สญฺญากฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต ฯ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto . Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
๗๐. เอกวิเธน สญฺญากฺขโนฺธ – ผสฺสสมฺปยุโตฺตฯ
70. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺต…เป.… อตฺถิ สรโณ, อตฺถิ อรโณฯ
Duvidhena saññākkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ติวิเธน สญฺญากฺขโนฺธ…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
ติกมูลกํฯ
Tikamūlakaṃ.
๗๑. เอกวิเธน สญฺญากฺขโนฺธ – ผสฺสสมฺปยุโตฺตฯ
71. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สเหตุโก, อตฺถิ อเหตุโกฯ
Duvidhena saññākkhandho – atthi sahetuko, atthi ahetuko.
ติวิเธน สญฺญากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
๗๒. เอกวิเธน สญฺญากฺขโนฺธ – ผสฺสสมฺปยุโตฺตฯ
72. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ
Duvidhena saññākkhandho – atthi hetusampayutto, atthi hetuvippayutto.
ติวิเธน สญฺญากฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saññākkhandho.
๗๓. เอกวิเธน สญฺญากฺขโนฺธ – ผสฺสสมฺปยุโตฺตฯ
73. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ น เหตุ สเหตุโก, อตฺถิ น เหตุ อเหตุโกฯ
Duvidhena saññākkhandho – atthi na hetu sahetuko, atthi na hetu ahetuko.
ติวิเธน สญฺญากฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺม…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena saññākkhandho.
๗๔. เอกวิเธน สญฺญากฺขโนฺธ – ผสฺสสมฺปยุโตฺตฯ
74. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โลกิโย, อตฺถิ โลกุตฺตโรฯ
Duvidhena saññākkhandho – atthi lokiyo, atthi lokuttaro.
ติวิเธน สญฺญากฺขโนฺธ – อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโย…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena saññākkhandho.
๗๕. เอกวิเธน สญฺญากฺขโนฺธ – ผสฺสสมฺปยุโตฺตฯ
75. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ
Duvidhena saññākkhandho – atthi kenaci viññeyyo, atthi kenaci na viññeyyo.
ติวิเธน สญฺญากฺขโนฺธ – อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโก…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena saññākkhandho.
๗๖. เอกวิเธน สญฺญากฺขโนฺธ – ผสฺสสมฺปยุโตฺตฯ
76. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สาสโว, อตฺถิ อนาสโวฯ
Duvidhena saññākkhandho – atthi sāsavo, atthi anāsavo.
ติวิเธน สญฺญากฺขโนฺธ – อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโร…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena saññākkhandho.
๗๗. เอกวิเธน สญฺญากฺขโนฺธ – ผสฺสสมฺปยุโตฺตฯ
77. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ
Duvidhena saññākkhandho – atthi āsavasampayutto, atthi āsavavippayutto.
ติวิเธน สญฺญากฺขโนฺธ – อตฺถิ ปีติสหคโต, อตฺถิ สุขสหคโต, อตฺถิ อุเปกฺขาสหคโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena saññākkhandho.
๗๘. เอกวิเธน สญฺญากฺขโนฺธ – ผสฺสสมฺปยุโตฺตฯ
78. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ
Duvidhena saññākkhandho – atthi āsavavippayuttasāsavo, atthi āsavavippayuttaanāsavo.
ติวิเธน สญฺญากฺขโนฺธ – อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena saññākkhandho.
๗๙. เอกวิเธน สญฺญากฺขโนฺธ – ผสฺสสมฺปยุโตฺตฯ
79. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สํโยชนิโย, อตฺถิ อสํโยชนิโยฯ
Duvidhena saññākkhandho – atthi saṃyojaniyo, atthi asaṃyojaniyo.
ติวิเธน สญฺญากฺขโนฺธ – อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโก…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena saññākkhandho.
๘๐. เอกวิเธน สญฺญากฺขโนฺธ – ผสฺสสมฺปยุโตฺตฯ
80. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺต ฯ
Duvidhena saññākkhandho – atthi saṃyojanasampayutto, atthi saṃyojanavippayutto .
ติวิเธน สญฺญากฺขโนฺธ – อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามี…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena saññākkhandho.
๘๑. เอกวิเธน สญฺญากฺขโนฺธ – ผสฺสสมฺปยุโตฺตฯ
81. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ
Duvidhena saññākkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ติวิเธน สญฺญากฺขโนฺธ – อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺข…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena saññākkhandho.
๘๒. เอกวิเธน สญฺญากฺขโนฺธ – ผสฺสสมฺปยุโตฺตฯ
82. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ คนฺถนิโย, อตฺถิ อคนฺถนิโยฯ
Duvidhena saññākkhandho – atthi ganthaniyo, atthi aganthaniyo.
ติวิเธน สญฺญากฺขโนฺธ – อตฺถิ ปริโตฺต, อตฺถิ มหคฺคโต, อตฺถิ อปฺปมาโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi paritto, atthi mahaggato, atthi appamāṇo…pe…. Evaṃ dasavidhena saññākkhandho.
๘๓. เอกวิเธน สญฺญากฺขโนฺธ – ผสฺสสมฺปยุโตฺตฯ
83. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ คนฺถสมฺปยุโตฺต, อตฺถิ คนฺถวิปฺปยุโตฺตฯ
Duvidhena saññākkhandho – atthi ganthasampayutto, atthi ganthavippayutto.
ติวิเธน สญฺญากฺขโนฺธ – อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena saññākkhandho.
๘๔. เอกวิเธน สญฺญากฺขโนฺธ – ผสฺสสมฺปยุโตฺตฯ
84. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ
Duvidhena saññākkhandho – atthi ganthavippayuttaganthaniyo, atthi ganthavippayuttaaganthaniyo.
ติวิเธน สญฺญากฺขโนฺธ – อตฺถิ หีโน, อตฺถิ มชฺฌิโม, อตฺถิ ปณีโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi hīno, atthi majjhimo, atthi paṇīto…pe…. Evaṃ dasavidhena saññākkhandho.
๘๕. เอกวิเธน สญฺญากฺขโนฺธ – ผสฺสสมฺปยุโตฺตฯ
85. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โอฆนิโย, อตฺถิ อโนฆนิโยฯ
Duvidhena saññākkhandho – atthi oghaniyo, atthi anoghaniyo.
ติวิเธน สญฺญากฺขโนฺธ – อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโต…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena saññākkhandho.
๘๖. เอกวิเธน สญฺญากฺขโนฺธ – ผสฺสสมฺปยุโตฺตฯ
86. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ
Duvidhena saññākkhandho – atthi oghasampayutto, atthi oghavippayutto.
ติวิเธน สญฺญากฺขโนฺธ – อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena saññākkhandho.
๘๗. เอกวิเธน สญฺญากฺขโนฺธ – ผสฺสสมฺปยุโตฺตฯ
87. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ
Duvidhena saññākkhandho – atthi oghavippayuttaoghaniyo, atthi oghavippayuttaanoghaniyo.
ติวิเธน สญฺญากฺขโนฺธ – อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาที…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi uppanno, atthi anuppanno, atthi uppādī…pe…. Evaṃ dasavidhena saññākkhandho.
๘๘. เอกวิเธน สญฺญากฺขโนฺธ – ผสฺสสมฺปยุโตฺตฯ
88. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โยคนิโย, อตฺถิ อโยคนิโยฯ
Duvidhena saññākkhandho – atthi yoganiyo, atthi ayoganiyo.
ติวิเธน สญฺญากฺขโนฺธ – อตฺถิ อตีโต, อตฺถิ อนาคโต, อตฺถิ ปจฺจุปฺปโนฺน…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi atīto, atthi anāgato, atthi paccuppanno…pe…. Evaṃ dasavidhena saññākkhandho.
๘๙. เอกวิเธน สญฺญากฺขโนฺธ – ผสฺสสมฺปยุโตฺตฯ
89. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โยคสมฺปยุโตฺต, อตฺถิ โยควิปฺปยุโตฺตฯ
Duvidhena saññākkhandho – atthi yogasampayutto, atthi yogavippayutto.
ติวิเธน สญฺญากฺขโนฺธ – อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena saññākkhandho.
๙๐. เอกวิเธน สญฺญากฺขโนฺธ – ผสฺสสมฺปยุโตฺตฯ
90. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ
Duvidhena saññākkhandho – atthi yogavippayuttayoganiyo, atthi yogavippayuttaayoganiyo.
ติวิเธน สญฺญากฺขโนฺธ – อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena saññākkhandho.
๙๑. เอกวิเธน สญฺญากฺขโนฺธ – ผสฺสสมฺปยุโตฺตฯ
91. Ekavidhena saññākkhandho – phassasampayutto.
ทุวิเธน สญฺญากฺขโนฺธ – อตฺถิ นีวรณิโย, อตฺถิ อนีวรณิโยฯ
Duvidhena saññākkhandho – atthi nīvaraṇiyo, atthi anīvaraṇiyo.
ติวิเธน สญฺญากฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สญฺญากฺขโนฺธฯ
Tividhena saññākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
อุภโตวฑฺฒกํฯ
Ubhatovaḍḍhakaṃ.
สตฺตวิเธน สญฺญากฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน สญฺญากฺขโนฺธฯ
Sattavidhena saññākkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saññākkhandho.
อปโรปิ สตฺตวิเธน สญฺญากฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน สญฺญากฺขโนฺธฯ
Aparopi sattavidhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saññākkhandho.
จตุวีสติวิเธน สญฺญากฺขโนฺธ – จกฺขุสมฺผสฺสปจฺจยา สญฺญากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สญฺญากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; จกฺขุสมฺผสฺสชา สญฺญา, โสตสมฺผสฺสชา สญฺญา, ฆานสมฺผสฺสชา สญฺญา, ชิวฺหาสมฺผสฺสชา สญฺญา, กายสมฺผสฺสชา สญฺญา, มโนสมฺผสฺสชา สญฺญาฯ เอวํ จตุวีสติวิเธน สญฺญากฺขโนฺธฯ
Catuvīsatividhena saññākkhandho – cakkhusamphassapaccayā saññākkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kusalo, atthi akusalo, atthi abyākato; cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ catuvīsatividhena saññākkhandho.
อปโรปิ จตุวีสติวิเธน สญฺญากฺขโนฺธ – จกฺขุสมฺผสฺสปจฺจยา สญฺญากฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, จกฺขุสมฺผสฺสชา สญฺญา…เป.… มโนสมฺผสฺสชา สญฺญาฯ โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สญฺญากฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ; จกฺขุสมฺผสฺสชา สญฺญา…เป.… มโนสมฺผสฺสชา สญฺญาฯ เอวํ จตุวีสติวิเธน สญฺญากฺขโนฺธฯ
Aparopi catuvīsatividhena saññākkhandho – cakkhusamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā saññā…pe… manosamphassajā saññā. Sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā saññā…pe… manosamphassajā saññā. Evaṃ catuvīsatividhena saññākkhandho.
ติํสติวิเธน สญฺญากฺขโนฺธ – จกฺขุสมฺผสฺสปจฺจยา สญฺญากฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, โสตสมฺผสฺสปจฺจยา…เป.… ฆานสมฺผสฺสปจฺจยา …เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สญฺญากฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, จกฺขุสมฺผสฺสชา สญฺญา…เป.… มโนสมฺผสฺสชา สญฺญาฯ เอวํ ติํสติวิเธน สญฺญากฺขโนฺธฯ
Tiṃsatividhena saññākkhandho – cakkhusamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā…pe… ghānasamphassapaccayā …pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā…pe… manosamphassajā saññā. Evaṃ tiṃsatividhena saññākkhandho.
พหุวิเธน สญฺญากฺขโนฺธ – จกฺขุสมฺผสฺสปจฺจยา สญฺญากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, โสตสมฺผสฺสปจฺจยา …เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สญฺญากฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร , อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, จกฺขุสมฺผสฺสชา สญฺญา…เป.… มโนสมฺผสฺสชา สญฺญาฯ เอวํ พหุวิเธน สญฺญากฺขโนฺธฯ
Bahuvidhena saññākkhandho – cakkhusamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā …pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro , atthi rūpāvacaro, atthi arūpāvacaro, atthi apariyāpanno, cakkhusamphassajā saññā…pe… manosamphassajā saññā. Evaṃ bahuvidhena saññākkhandho.
อปโรปิ พหุวิเธน สญฺญากฺขโนฺธ – จกฺขุสมฺผสฺสปจฺจยา สญฺญากฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สญฺญากฺขโนฺธ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, จกฺขุสมฺผสฺสชา สญฺญา, โสตสมฺผสฺสชา สญฺญา, ฆานสมฺผสฺสชา สญฺญา, ชิวฺหาสมฺผสฺสชา สญฺญา, กายสมฺผสฺสชา สญฺญา, มโนสมฺผสฺสชา สญฺญาฯ เอวํ พหุวิเธน สญฺญากฺขโนฺธฯ
Aparopi bahuvidhena saññākkhandho – cakkhusamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ bahuvidhena saññākkhandho.
อยํ วุจฺจติ สญฺญากฺขโนฺธฯ
Ayaṃ vuccati saññākkhandho.
๔. สงฺขารกฺขโนฺธ
4. Saṅkhārakkhandho
๙๒. ตตฺถ กตโม สงฺขารกฺขโนฺธ? เอกวิเธน สงฺขารกฺขโนฺธ – จิตฺตสมฺปยุโตฺตฯ
92. Tattha katamo saṅkhārakkhandho? Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ, อตฺถิ น เหตุฯ
Duvidhena saṅkhārakkhandho – atthi hetu, atthi na hetu.
ติวิเธน สงฺขารกฺขโนฺธ – อตฺถิ กุสโล , อตฺถิ อกุสโล, อตฺถิ อพฺยากโตฯ
Tividhena saṅkhārakkhandho – atthi kusalo , atthi akusalo, atthi abyākato.
จตุพฺพิเธน สงฺขารกฺขโนฺธ – อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ
Catubbidhena saṅkhārakkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ปญฺจวิเธน สงฺขารกฺขโนฺธ – อตฺถิ สุขินฺทฺริยสมฺปยุโตฺต, อตฺถิ ทุกฺขินฺทฺริยสมฺปยุโตฺต, อตฺถิ โสมนสฺสินฺทฺริยสมฺปยุโตฺต, อตฺถิ โทมนสฺสินฺทฺริยสมฺปยุโตฺต, อตฺถิ อุเปกฺขินฺทฺริยสมฺปยุโตฺตฯ เอวํ ปญฺจวิเธน สงฺขารกฺขโนฺธฯ
Pañcavidhena saṅkhārakkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena saṅkhārakkhandho.
ฉพฺพิเธน สงฺขารกฺขโนฺธ – จกฺขุสมฺผสฺสชา เจตนา, โสตสมฺผสฺสชา เจตนา, ฆานสมฺผสฺสชา เจตนา, ชิวฺหาสมฺผสฺสชา เจตนา, กายสมฺผสฺสชา เจตนา, มโนสมฺผสฺสชา เจตนาฯ เอวํ ฉพฺพิเธน สงฺขารกฺขโนฺธฯ
Chabbidhena saṅkhārakkhandho – cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ chabbidhena saṅkhārakkhandho.
สตฺตวิเธน สงฺขารกฺขโนฺธ – จกฺขุสมฺผสฺสชา เจตนา, โสตสมฺผสฺสชา เจตนา, ฆานสมฺผสฺสชา เจตนา, ชิวฺหาสมฺผสฺสชา เจตนา, กายสมฺผสฺสชา เจตนา, มโนธาตุสมฺผสฺสชา เจตนา, มโนวิญฺญาณธาตุสมฺผสฺสชา เจตนาฯ เอวํ สตฺตวิเธน สงฺขารกฺขโนฺธฯ
Sattavidhena saṅkhārakkhandho – cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā. Evaṃ sattavidhena saṅkhārakkhandho.
อฎฺฐวิเธน สงฺขารกฺขโนฺธ – จกฺขุสมฺผสฺสชา เจตนา…เป.… กายสมฺผสฺสชา เจตนา อตฺถิ สุขสหคตา, อตฺถิ ทุกฺขสหคตา, มโนธาตุสมฺผสฺสชา เจตนา, มโนวิญฺญาณธาตุสมฺผสฺสชา เจตนา ฯ เอวํ อฎฺฐวิเธน สงฺขารกฺขโนฺธฯ
Aṭṭhavidhena saṅkhārakkhandho – cakkhusamphassajā cetanā…pe… kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā . Evaṃ aṭṭhavidhena saṅkhārakkhandho.
นววิเธน สงฺขารกฺขโนฺธ – จกฺขุสมฺผสฺสชา เจตนา…เป.… มโนธาตุสมฺผสฺสชา เจตนา, มโนวิญฺญาณธาตุสมฺผสฺสชา เจตนา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ นววิเธน สงฺขารกฺขโนฺธฯ
Navavidhena saṅkhārakkhandho – cakkhusamphassajā cetanā…pe… manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā. Evaṃ navavidhena saṅkhārakkhandho.
ทสวิเธน สงฺขารกฺขโนฺธ – จกฺขุสมฺผสฺสชา เจตนา…เป.… กายสมฺผสฺสชา เจตนา อตฺถิ สุขสหคตา, อตฺถิ ทุกฺขสหคตา, มโนธาตุสมฺผสฺสชา เจตนา, มโนวิญฺญาณธาตุสมฺผสฺสชา เจตนา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ ทสวิเธน สงฺขารกฺขโนฺธฯ
Dasavidhena saṅkhārakkhandho – cakkhusamphassajā cetanā…pe… kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā. Evaṃ dasavidhena saṅkhārakkhandho.
๙๓. เอกวิเธน สงฺขารกฺขโนฺธ – จิตฺตสมฺปยุโตฺตฯ
93. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ, อตฺถิ น เหตุฯ
Duvidhena saṅkhārakkhandho – atthi hetu, atthi na hetu.
ติวิเธน สงฺขารกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺตฯ อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺมฯ อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโยฯ อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโกฯ อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโรฯ อตฺถิ ปีติสหคโต, อตฺถิ สุขสหคโต, อตฺถิ อุเปกฺขาสหคโตฯ อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺขฯ อตฺถิ ปริโตฺต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปโนฺนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธ ฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho . Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
๙๔. เอกวิเธน สงฺขารกฺขโนฺธ – จิตฺตสมฺปยุโตฺตฯ
94. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สเหตุโก, อตฺถิ อเหตุโกฯ อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ อตฺถิ เหตุ เจว สเหตุโก จ, อตฺถิ สเหตุโก เจว น จ เหตุฯ อตฺถิ เหตุ เจว เหตุสมฺปยุโตฺต จ, อตฺถิ เหตุสมฺปยุโตฺต เจว น จ เหตุฯ อตฺถิ น เหตุ สเหตุโก, อตฺถิ น เหตุ อเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ อตฺถิ อาสโว, อตฺถิ โน อาสโวฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ อตฺถิ อาสโว เจว สาสโว จ, อตฺถิ สาสโว เจว โน จ อาสโวฯ อตฺถิ อาสโว เจว อาสวสมฺปยุโตฺต จ, อตฺถิ อาสวสมฺปยุโตฺต เจว โน จ อาสโวฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ อตฺถิ สํโยชนํ, อตฺถิ โน สํโยชนํฯ อตฺถิ สํโยชนิโย, อตฺถิ อสํโยชนิโยฯ อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺตฯ อตฺถิ สํโยชนเญฺจว สํโยชนิโย จ, อตฺถิ สํโยชนิโย เจว โน จ สํโยชนํฯ อตฺถิ สํโยชนเญฺจว สํโยชนสมฺปยุโตฺต จ, อตฺถิ สํโยชนสมฺปยุโตฺต เจว โน จ สํโยชนํฯ อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ
Duvidhena saṅkhārakkhandho – atthi sahetuko, atthi ahetuko. Atthi hetusampayutto, atthi hetuvippayutto. Atthi hetu ceva sahetuko ca, atthi sahetuko ceva na ca hetu. Atthi hetu ceva hetusampayutto ca, atthi hetusampayutto ceva na ca hetu. Atthi na hetu sahetuko, atthi na hetu ahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi āsavo, atthi no āsavo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavo ceva sāsavo ca, atthi sāsavo ceva no ca āsavo. Atthi āsavo ceva āsavasampayutto ca, atthi āsavasampayutto ceva no ca āsavo. Atthi āsavavippayuttasāsavo, atthi āsavavippayuttaanāsavo. Atthi saṃyojanaṃ, atthi no saṃyojanaṃ. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanañceva saṃyojaniyo ca, atthi saṃyojaniyo ceva no ca saṃyojanaṃ. Atthi saṃyojanañceva saṃyojanasampayutto ca, atthi saṃyojanasampayutto ceva no ca saṃyojanaṃ. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
อตฺถิ คโนฺถ, อตฺถิ โน คโนฺถฯ อตฺถิ คนฺถนิโย, อตฺถิ อคนฺถนิโยฯ อตฺถิ คนฺถสมฺปยุโตฺต, อตฺถิ คนฺถวิปฺปยุโตฺตฯ อตฺถิ คโนฺถ เจว คนฺถนิโย จ, อตฺถิ คนฺถนิโย เจว โน จ คโนฺถฯ อตฺถิ คโนฺถ เจว คนฺถสมฺปยุโตฺต จ, อตฺถิ คนฺถสมฺปยุโตฺต เจว โน จ คโนฺถฯ อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ อตฺถิ โอโฆ, อตฺถิ โน โอโฆฯ อตฺถิ โอฆนิโย, อตฺถิ อโนฆนิโยฯ อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ อตฺถิ โอโฆ เจว โอฆนิโย จ, อตฺถิ โอฆนิโย เจว โน จ โอโฆฯ อตฺถิ โอโฆ เจว โอฆสมฺปยุโตฺต จ, อตฺถิ โอฆสมฺปยุโตฺต เจว โน จ โอโฆฯ อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ อตฺถิ โยโค, อตฺถิ โน โยโคฯ อตฺถิ โยคนิโย, อตฺถิ อโยคนิโยฯ อตฺถิ โยคสมฺปยุโตฺต, อตฺถิ โยควิปฺปยุโตฺตฯ อตฺถิ โยโค เจว โยคนิโย จ, อตฺถิ โยคนิโย เจว โน จ โยโคฯ อตฺถิ โยโค เจว โยคสมฺปยุโตฺต จ, อตฺถิ โยคสมฺปยุโตฺต เจว โน จ โยโคฯ อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ อตฺถิ นีวรณํ, อตฺถิ โน นีวรณํฯ อตฺถิ นีวรณิโย, อตฺถิ อนีวรณิโยฯ อตฺถิ นีวรณสมฺปยุโตฺต, อตฺถิ นีวรณวิปฺปยุโตฺตฯ อตฺถิ นีวรณเญฺจว นีวรณิโย จ, อตฺถิ นีวรณิโย เจว โน จ นีวรณํฯ อตฺถิ นีวรณเญฺจว นีวรณสมฺปยุโตฺต จ, อตฺถิ นีวรณสมฺปยุโตฺต เจว โน จ นีวรณํฯ อตฺถิ นีวรณวิปฺปยุตฺตนีวรณิโย, อตฺถิ นีวรณวิปฺปยุตฺตอนีวรณิโยฯ
Atthi gantho, atthi no gantho. Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi gantho ceva ganthaniyo ca, atthi ganthaniyo ceva no ca gantho. Atthi gantho ceva ganthasampayutto ca, atthi ganthasampayutto ceva no ca gantho. Atthi ganthavippayuttaganthaniyo, atthi ganthavippayuttaaganthaniyo. Atthi ogho, atthi no ogho. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi ogho ceva oghaniyo ca, atthi oghaniyo ceva no ca ogho. Atthi ogho ceva oghasampayutto ca, atthi oghasampayutto ceva no ca ogho. Atthi oghavippayuttaoghaniyo, atthi oghavippayuttaanoghaniyo. Atthi yogo, atthi no yogo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogo ceva yoganiyo ca, atthi yoganiyo ceva no ca yogo. Atthi yogo ceva yogasampayutto ca, atthi yogasampayutto ceva no ca yogo. Atthi yogavippayuttayoganiyo, atthi yogavippayuttaayoganiyo. Atthi nīvaraṇaṃ, atthi no nīvaraṇaṃ. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇañceva nīvaraṇiyo ca, atthi nīvaraṇiyo ceva no ca nīvaraṇaṃ. Atthi nīvaraṇañceva nīvaraṇasampayutto ca, atthi nīvaraṇasampayutto ceva no ca nīvaraṇaṃ. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
อตฺถิ ปรามาโส, อตฺถิ โน ปรามาโสฯ อตฺถิ ปรามโฎฺฐ, อตฺถิ อปรามโฎฺฐฯ อตฺถิ ปรามาสสมฺปยุโตฺต, อตฺถิ ปรามาสวิปฺปยุโตฺตฯ อตฺถิ ปรามาโส เจว ปรามโฎฺฐ จ, อตฺถิ ปรามโฎฺฐ เจว โน จ ปรามาโสฯ อตฺถิ ปรามาสวิปฺปยุตฺตปรามโฎฺฐ, อตฺถิ ปรามาสวิปฺปยุตฺตอปรามโฎฺฐฯ อตฺถิ อุปาทิโนฺน, อตฺถิ อนุปาทิโนฺนฯ อตฺถิ อุปาทานํ, อตฺถิ โน อุปาทานํฯ อตฺถิ อุปาทานิโย, อตฺถิ อนุปาทานิโยฯ อตฺถิ อุปาทานสมฺปยุโตฺต, อตฺถิ อุปาทานวิปฺปยุโตฺตฯ อตฺถิ อุปาทานเญฺจว อุปาทานิโย จ, อตฺถิ อุปาทานิโย เจว โน จ อุปาทานํฯ อตฺถิ อุปาทานเญฺจว อุปาทานสมฺปยุโตฺต จ , อตฺถิ อุปาทานสมฺปยุโตฺต เจว โน จ อุปาทานํฯ อตฺถิ อุปาทานวิปฺปยุตฺตอุปาทานิโย, อตฺถิ อุปาทานวิปฺปยุตฺตอนุปาทานิโยฯ
Atthi parāmāso, atthi no parāmāso. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāso ceva parāmaṭṭho ca, atthi parāmaṭṭho ceva no ca parāmāso. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādānaṃ, atthi no upādānaṃ. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānañceva upādāniyo ca, atthi upādāniyo ceva no ca upādānaṃ. Atthi upādānañceva upādānasampayutto ca , atthi upādānasampayutto ceva no ca upādānaṃ. Atthi upādānavippayuttaupādāniyo, atthi upādānavippayuttaanupādāniyo.
อตฺถิ กิเลโส, อตฺถิ โน กิเลโสฯ อตฺถิ สํกิเลสิโก, อตฺถิ อสํกิเลสิโกฯ อตฺถิ สํกิลิโฎฺฐ, อตฺถิ อสํกิลิโฎฺฐฯ อตฺถิ กิเลสสมฺปยุโตฺต, อตฺถิ กิเลสวิปฺปยุโตฺตฯ อตฺถิ กิเลโส เจว สํกิเลสิโก จ, อตฺถิ สํกิเลสิโก เจว โน จ กิเลโสฯ อตฺถิ กิเลโส เจว สํกิลิโฎฺฐ จ, อตฺถิ สํกิลิโฎฺฐ เจว โน จ กิเลโสฯ อตฺถิ กิเลโส เจว กิเลสสมฺปยุโตฺต จ, อตฺถิ กิเลสสมฺปยุโตฺต เจว โน จ กิเลโสฯ อตฺถิ กิเลสวิปฺปยุตฺตสํกิเลสิโก, อตฺถิ กิเลสวิปฺปยุตฺตอสํกิเลสิโกฯ อตฺถิ ทสฺสเนน ปหาตโพฺพ, อตฺถิ น ทสฺสเนน ปหาตโพฺพฯ อตฺถิ ภาวนาย ปหาตโพฺพ, อตฺถิ น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ น ทสฺสเนน ปหาตพฺพเหตุโกฯ อตฺถิ ภาวนาย ปหาตพฺพเหตุโก, อตฺถิ น ภาวนาย ปหาตพฺพเหตุโกฯ
Atthi kileso, atthi no kileso. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kileso ceva saṃkilesiko ca, atthi saṃkilesiko ceva no ca kileso. Atthi kileso ceva saṃkiliṭṭho ca, atthi saṃkiliṭṭho ceva no ca kileso. Atthi kileso ceva kilesasampayutto ca, atthi kilesasampayutto ceva no ca kileso. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko.
อตฺถิ สวิตโกฺก, อตฺถิ อวิตโกฺกฯ อตฺถิ สวิจาโร, อตฺถิ อวิจาโรฯ อตฺถิ สปฺปีติโก , อตฺถิ อปฺปีติโกฯ อตฺถิ ปีติสหคโต, อตฺถิ น ปีติสหคโตฯ อตฺถิ สุขสหคโต, อตฺถิ น สุขสหคโตฯ อตฺถิ อุเปกฺขาสหคโต, อตฺถิ น อุเปกฺขาสหคโตฯ อตฺถิ กามาวจโร, อตฺถิ น กามาวจโรฯ อตฺถิ รูปาวจโร, อตฺถิ น รูปาวจโรฯ อตฺถิ อรูปาวจโร, อตฺถิ น อรูปาวจโรฯ อตฺถิ ปริยาปโนฺน, อตฺถิ อปริยาปโนฺนฯ อตฺถิ นิยฺยานิโก, อตฺถิ อนิยฺยานิโกฯ อตฺถิ นิยโต, อตฺถิ อนิยโตฯ อตฺถิ สอุตฺตโร, อตฺถิ อนุตฺตโรฯ อตฺถิ สรโณ, อตฺถิ อรโณฯ
Atthi savitakko, atthi avitakko. Atthi savicāro, atthi avicāro. Atthi sappītiko , atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ติวิเธน สงฺขารกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
๙๕. เอกวิเธน สงฺขารกฺขโนฺธ – จิตฺตสมฺปยุโตฺตฯ
95. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สรโณ, อตฺถิ อรโณฯ
Duvidhena saṅkhārakkhandho – atthi saraṇo, atthi araṇo.
ติวิเธน สงฺขารกฺขโนฺธ – อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
ทุกมูลกํฯ
Dukamūlakaṃ.
๙๖. เอกวิเธน สงฺขารกฺขโนฺธ – จิตฺตสมฺปยุโตฺตฯ
96. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ, อตฺถิ น เหตุฯ
Duvidhena saṅkhārakkhandho – atthi hetu, atthi na hetu.
ติวิเธน สงฺขารกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สงฺขารกฺขโนฺธ ฯ
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho .
๙๗. เอกวิเธน สงฺขารกฺขโนฺธ – จิตฺตสมฺปยุโตฺตฯ
97. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สรโณ, อตฺถิ อรโณฯ
Duvidhena saṅkhārakkhandho – atthi saraṇo, atthi araṇo.
ติวิเธน สงฺขารกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
๙๘. เอกวิเธน สงฺขารกฺขโนฺธ – จิตฺตสมฺปยุโตฺตฯ
98. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ, อตฺถิ น เหตุฯ
Duvidhena saṅkhārakkhandho – atthi hetu, atthi na hetu.
ติวิเธน สงฺขารกฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
๙๙. เอกวิเธน สงฺขารกฺขโนฺธ – จิตฺตสมฺปยุโตฺตฯ
99. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สรโณ, อตฺถิ อรโณฯ
Duvidhena saṅkhārakkhandho – atthi saraṇo, atthi araṇo.
ติวิเธน สงฺขารกฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
ติกมูลกํฯ
Tikamūlakaṃ.
๑๐๐. เอกวิเธน สงฺขารกฺขโนฺธ – จิตฺตสมฺปยุโตฺตฯ
100. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ, อตฺถิ น เหตุฯ
Duvidhena saṅkhārakkhandho – atthi hetu, atthi na hetu.
ติวิเธน สงฺขารกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
๑๐๑. เอกวิเธน สงฺขารกฺขโนฺธ จิตฺตสมฺปยุโตฺตฯ
101. Ekavidhena saṅkhārakkhandho cittasampayutto.
ทุวิเธน สงฺขารกฺขโนฺธ อตฺถิ สเหตุโก, อตฺถิ อเหตุโกฯ
Duvidhena saṅkhārakkhandho atthi sahetuko, atthi ahetuko.
ติวิเธน สงฺขารกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saṅkhārakkhandho.
๑๐๒. เอกวิเธน สงฺขารกฺขโนฺธ – จิตฺตสมฺปยุโตฺตฯ
102. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ
Duvidhena saṅkhārakkhandho – atthi hetusampayutto, atthi hetuvippayutto.
ติวิเธน สงฺขารกฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺม…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena saṅkhārakkhandho.
๑๐๓. เอกวิเธน สงฺขารกฺขโนฺธ – จิตฺตสมฺปยุโตฺตฯ
103. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ เจว สเหตุโก จ, อตฺถิ สเหตุโก เจว น จ เหตุฯ
Duvidhena saṅkhārakkhandho – atthi hetu ceva sahetuko ca, atthi sahetuko ceva na ca hetu.
ติวิเธน สงฺขารกฺขโนฺธ – อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโย…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena saṅkhārakkhandho.
๑๐๔. เอกวิเธน สงฺขารกฺขโนฺธ – จิตฺตสมฺปยุโตฺตฯ
104. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เหตุ เจว เหตุสมฺปยุโตฺต จ, อตฺถิ เหตุสมฺปยุโตฺต เจว น จ เหตุฯ
Duvidhena saṅkhārakkhandho – atthi hetu ceva hetusampayutto ca, atthi hetusampayutto ceva na ca hetu.
ติวิเธน สงฺขารกฺขโนฺธ – อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโก…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena saṅkhārakkhandho.
๑๐๕. เอกวิเธน สงฺขารกฺขโนฺธ – จิตฺตสมฺปยุโตฺตฯ
105. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ น เหตุ สเหตุโก, อตฺถิ น เหตุ อเหตุโกฯ
Duvidhena saṅkhārakkhandho – atthi na hetu sahetuko, atthi na hetu ahetuko.
ติวิเธน สงฺขารกฺขโนฺธ – อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโร…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena saṅkhārakkhandho.
๑๐๖. เอกวิเธน สงฺขารกฺขโนฺธ – จิตฺตสมฺปยุโตฺตฯ
106. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ โลกิโย, อตฺถิ โลกุตฺตโรฯ
Duvidhena saṅkhārakkhandho – atthi lokiyo, atthi lokuttaro.
ติวิเธน สงฺขารกฺขโนฺธ – อตฺถิ ปีติสหคโต, อตฺถิ สุขสหคโต, อตฺถิ อุเปกฺขาสหคโต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena saṅkhārakkhandho.
๑๐๗. เอกวิเธน สงฺขารกฺขโนฺธ – จิตฺตสมฺปยุโตฺตฯ
107. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ
Duvidhena saṅkhārakkhandho – atthi kenaci viññeyyo, atthi kenaci na viññeyyo.
ติวิเธน สงฺขารกฺขโนฺธ – อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena saṅkhārakkhandho.
๑๐๘. เอกวิเธน สงฺขารกฺขโนฺธ – จิตฺตสมฺปยุโตฺตฯ
108. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ อาสโว, อตฺถิ โน อาสโวฯ
Duvidhena saṅkhārakkhandho – atthi āsavo, atthi no āsavo.
ติวิเธน สงฺขารกฺขโนฺธ – อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโก…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena saṅkhārakkhandho.
๑๐๙. เอกวิเธน สงฺขารกฺขโนฺธ – จิตฺตสมฺปยุโตฺตฯ
109. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สาสโว, อตฺถิ อนาสโวฯ
Duvidhena saṅkhārakkhandho – atthi sāsavo, atthi anāsavo.
ติวิเธน สงฺขารกฺขโนฺธ – อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามี…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena saṅkhārakkhandho.
๑๑๐. เอกวิเธน สงฺขารกฺขโนฺธ – จิตฺตสมฺปยุโตฺตฯ
110. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ
Duvidhena saṅkhārakkhandho – atthi āsavasampayutto, atthi āsavavippayutto.
ติวิเธน สงฺขารกฺขโนฺธ – อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺข…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena saṅkhārakkhandho.
๑๑๑. เอกวิเธน สงฺขารกฺขโนฺธ – จิตฺตสมฺปยุโตฺตฯ
111. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ อาสโว เจว สาสโว จ, อตฺถิ สาสโว เจว โน จ อาสโว ฯ
Duvidhena saṅkhārakkhandho – atthi āsavo ceva sāsavo ca, atthi sāsavo ceva no ca āsavo .
ติวิเธน สงฺขารกฺขโนฺธ – อตฺถิ ปริโตฺต, อตฺถิ มหคฺคโต, อตฺถิ อปฺปมาโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi paritto, atthi mahaggato, atthi appamāṇo…pe…. Evaṃ dasavidhena saṅkhārakkhandho.
๑๑๒. เอกวิเธน สงฺขารกฺขโนฺธ – จิตฺตสมฺปยุโตฺตฯ
112. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ อาสโว เจว อาสวสมฺปยุโตฺต จ, อตฺถิ อาสวสมฺปยุโตฺต เจว โน จ อาสโวฯ
Duvidhena saṅkhārakkhandho – atthi āsavo ceva āsavasampayutto ca, atthi āsavasampayutto ceva no ca āsavo.
ติวิเธน สงฺขารกฺขโนฺธ – อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena saṅkhārakkhandho.
๑๑๓. เอกวิเธน สงฺขารกฺขโนฺธ – จิตฺตสมฺปยุโตฺตฯ
113. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ อาสววิปฺปยุตฺตสาสโว, อตฺถิ อาสวิปฺปยุตฺตอนาสโวฯ
Duvidhena saṅkhārakkhandho – atthi āsavavippayuttasāsavo, atthi āsavippayuttaanāsavo.
ติวิเธน สงฺขารกฺขโนฺธ – อตฺถิ หีโน, อตฺถิ มชฺฌิโม, อตฺถิ ปณีโต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi hīno, atthi majjhimo, atthi paṇīto…pe…. Evaṃ dasavidhena saṅkhārakkhandho.
๑๑๔. เอกวิเธน สงฺขารกฺขโนฺธ – จิตฺตสมฺปยุโตฺตฯ
114. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สํโยชนํ, อตฺถิ โน สํโยชนํฯ
Duvidhena saṅkhārakkhandho – atthi saṃyojanaṃ, atthi no saṃyojanaṃ.
ติวิเธน สงฺขารกฺขโนฺธ – อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโต…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena saṅkhārakkhandho.
๑๑๕. เอกวิเธน สงฺขารกฺขโนฺธ – จิตฺตสมฺปยุโตฺตฯ
115. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สํโยชนิโย, อตฺถิ อสํโยชนิโยฯ
Duvidhena saṅkhārakkhandho – atthi saṃyojaniyo, atthi asaṃyojaniyo.
ติวิเธน สงฺขารกฺขโนฺธ – อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena saṅkhārakkhandho.
๑๑๖. เอกวิเธน สงฺขารกฺขโนฺธ – จิตฺตสมฺปยุโตฺตฯ
116. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺตฯ
Duvidhena saṅkhārakkhandho – atthi saṃyojanasampayutto, atthi saṃyojanavippayutto.
ติวิเธน สงฺขารกฺขโนฺธ – อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาที…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi uppanno, atthi anuppanno, atthi uppādī…pe…. Evaṃ dasavidhena saṅkhārakkhandho.
๑๑๗. เอกวิเธน สงฺขารกฺขโนฺธ – จิตฺตสมฺปยุโตฺต ฯ
117. Ekavidhena saṅkhārakkhandho – cittasampayutto .
ทุวิเธน สงฺขารกฺขโนฺธ – อตฺถิ สํโยชนเญฺจว สํโยชนิโย จ, อตฺถิ สํโยชนิโย เจว โน จ สํโยชนํฯ
Duvidhena saṅkhārakkhandho – atthi saṃyojanañceva saṃyojaniyo ca, atthi saṃyojaniyo ceva no ca saṃyojanaṃ.
ติวิเธน สงฺขารกฺขโนฺธ – อตฺถิ อตีโต, อตฺถิ อนาคโต, อตฺถิ ปจฺจุปฺปโนฺน…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi atīto, atthi anāgato, atthi paccuppanno…pe…. Evaṃ dasavidhena saṅkhārakkhandho.
๑๑๘. เอกวิเธน สงฺขารกฺขโนฺธ – จิตฺตสมฺปยุโตฺตฯ
118. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สํโยชนเญฺจว สํโยชนสมฺปยุโตฺต จ, อตฺถิ สํโยชนสมฺปยุโตฺต เจว โน จ สํโยชนํฯ
Duvidhena saṅkhārakkhandho – atthi saṃyojanañceva saṃyojanasampayutto ca, atthi saṃyojanasampayutto ceva no ca saṃyojanaṃ.
ติวิเธน สงฺขารกฺขโนฺธ – อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena saṅkhārakkhandho.
๑๑๙. เอกวิเธน สงฺขารกฺขโนฺธ – จิตฺตสมฺปยุโตฺตฯ
119. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ
Duvidhena saṅkhārakkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ติวิเธน สงฺขารกฺขโนฺธ – อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena saṅkhārakkhandho.
๑๒๐. เอกวิเธน สงฺขารกฺขโนฺธ – จิตฺตสมฺปยุโตฺตฯ
120. Ekavidhena saṅkhārakkhandho – cittasampayutto.
ทุวิเธน สงฺขารกฺขโนฺธ – อตฺถิ คโนฺถ, อตฺถิ โน คโนฺถฯ
Duvidhena saṅkhārakkhandho – atthi gantho, atthi no gantho.
ติวิเธน สงฺขารกฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน สงฺขารกฺขโนฺธฯ
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
อุภโตวฑฺฒกํฯ
Ubhatovaḍḍhakaṃ.
สตฺตวิเธน สงฺขารกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต; อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน สงฺขารกฺขโนฺธฯ
Sattavidhena saṅkhārakkhandho – atthi kusalo, atthi akusalo, atthi abyākato; atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saṅkhārakkhandho.
อปโรปิ สตฺตวิเธน สงฺขารกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต; อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ อตฺถิ อชฺฌตฺตพหิทฺธารมฺมโณ; อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน สงฺขารกฺขโนฺธฯ
Aparopi sattavidhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto; atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo atthi ajjhattabahiddhārammaṇo; atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saṅkhārakkhandho.
จตุวีสติวิเธน สงฺขารกฺขโนฺธ – จกฺขุสมฺผสฺสปจฺจยา สงฺขารกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สงฺขารกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; จกฺขุสมฺผสฺสชา เจตนา…เป.… มโนสมฺผสฺสชา เจตนาฯ เอวํ จตุวีสติวิเธน สงฺขารกฺขโนฺธฯ
Catuvīsatividhena saṅkhārakkhandho – cakkhusamphassapaccayā saṅkhārakkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kusalo, atthi akusalo, atthi abyākato; cakkhusamphassajā cetanā…pe… manosamphassajā cetanā. Evaṃ catuvīsatividhena saṅkhārakkhandho.
อปโรปิ จตุวีสติวิเธน สงฺขารกฺขโนฺธ – จกฺขุสมฺผสฺสปจฺจยา สงฺขารกฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ; จกฺขุสมฺผสฺสชา เจตนา…เป.… มโนสมฺผสฺสชา เจตนา; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สงฺขารกฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ; จกฺขุสมฺผสฺสชา เจตนา, โสตสมฺผสฺสชา เจตนา, ฆานสมฺผสฺสชา เจตนา, ชิวฺหาสมฺผสฺสชา เจตนา, กายสมฺผสฺสชา เจตนา, มโนสมฺผสฺสชา เจตนาฯ เอวํ จตุวีสติวิเธน สงฺขารกฺขโนฺธฯ
Aparopi catuvīsatividhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā cetanā…pe… manosamphassajā cetanā; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ catuvīsatividhena saṅkhārakkhandho.
ติํสติวิเธน สงฺขารกฺขโนฺธ – จกฺขุสมฺผสฺสปจฺจยา สงฺขารกฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน ; โสตสมฺผสฺสปจฺจยา…เป.… ฆานสมฺผสฺสปจฺจยา …เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สงฺขารกฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุสมฺผสฺสชา เจตนา…เป.… มโนสมฺผสฺสชา เจตนาฯ เอวํ ติํสติวิเธน สงฺขารกฺขโนฺธฯ
Tiṃsatividhena saṅkhārakkhandho – cakkhusamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno ; sotasamphassapaccayā…pe… ghānasamphassapaccayā …pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā…pe… manosamphassajā cetanā. Evaṃ tiṃsatividhena saṅkhārakkhandho.
พหุวิเธน สงฺขารกฺขโนฺธ – จกฺขุสมฺผสฺสปจฺจยา สงฺขารกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สงฺขารกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุสมฺผสฺสชา เจตนา, โสตสมฺผสฺสชา เจตนา, ฆานสมฺผสฺสชา เจตนา, ชิวฺหาสมฺผสฺสชา เจตนา, กายสมฺผสฺสชา เจตนา, มโนสมฺผสฺสชา เจตนาฯ เอวํ พหุวิเธน สงฺขารกฺขโนฺธฯ
Bahuvidhena saṅkhārakkhandho – cakkhusamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ bahuvidhena saṅkhārakkhandho.
อปโรปิ พหุวิเธน สงฺขารกฺขโนฺธ – จกฺขุสมฺผสฺสปจฺจยา สงฺขารกฺขโนฺธ อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา สงฺขารกฺขโนฺธ อตฺถิ สุขาย เวทนาย สมฺปยุโตฺต …เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุสมฺผสฺสชา เจตนา, โสตสมฺผสฺสชา เจตนา, ฆานสมฺผสฺสชา เจตนา, ชิวฺหาสมฺผสฺสชา เจตนา, กายสมฺผสฺสชา เจตนา, มโนสมฺผสฺสชา เจตนาฯ เอวํ พหุวิเธน สงฺขารกฺขโนฺธฯ
Aparopi bahuvidhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ bahuvidhena saṅkhārakkhandho.
อยํ วุจฺจติ สงฺขารกฺขโนฺธฯ
Ayaṃ vuccati saṅkhārakkhandho.
๕. วิญฺญาณกฺขโนฺธ
5. Viññāṇakkhandho
๑๒๑. ตตฺถ กตโม วิญฺญาณกฺขโนฺธ? เอกวิเธน วิญฺญาณกฺขโนฺธ – ผสฺสสมฺปยุโตฺตฯ
121. Tattha katamo viññāṇakkhandho? Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สเหตุโก, อตฺถิ อเหตุโกฯ
Duvidhena viññāṇakkhandho – atthi sahetuko, atthi ahetuko.
ติวิเธน วิญฺญาณกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโตฯ
Tividhena viññāṇakkhandho – atthi kusalo, atthi akusalo, atthi abyākato.
จตุพฺพิเธน วิญฺญาณกฺขโนฺธ – อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ
Catubbidhena viññāṇakkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ปญฺจวิเธน วิญฺญาณกฺขโนฺธ – อตฺถิ สุขินฺทฺริยสมฺปยุโตฺต, อตฺถิ ทุกฺขินฺทฺริยสมฺปยุโตฺต, อตฺถิ โสมนสฺสินฺทฺริยสมฺปยุโตฺต, อตฺถิ โทมนสฺสินฺทฺริยสมฺปยุโตฺต, อตฺถิ อุเปกฺขินฺทฺริยสมฺปยุโตฺตฯ เอวํ ปญฺจวิเธน วิญฺญาณกฺขโนฺธฯ
Pañcavidhena viññāṇakkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena viññāṇakkhandho.
ฉพฺพิเธน วิญฺญาณกฺขโนฺธ – จกฺขุวิญฺญาณํ, โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ, มโนวิญฺญาณํฯ เอวํ ฉพฺพิเธน วิญฺญาณกฺขโนฺธฯ
Chabbidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ chabbidhena viññāṇakkhandho.
สตฺตวิเธน วิญฺญาณกฺขโนฺธ – จกฺขุวิญฺญาณํ, โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ, มโนธาตุ, มโนวิญฺญาณธาตุฯ เอวํ สตฺตวิเธน วิญฺญาณกฺขโนฺธฯ
Sattavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu. Evaṃ sattavidhena viññāṇakkhandho.
อฎฺฐวิเธน วิญฺญาณกฺขโนฺธ – จกฺขุวิญฺญาณํ, โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ อตฺถิ สุขสหคตํ, อตฺถิ ทุกฺขสหคตํ, มโนธาตุ, มโนวิญฺญาณธาตุ ฯ เอวํ อฎฺฐวิเธน วิญฺญาณกฺขโนฺธฯ
Aṭṭhavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu . Evaṃ aṭṭhavidhena viññāṇakkhandho.
นววิเธน วิญฺญาณกฺขโนฺธ – จกฺขุวิญฺญาณํ, โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ, มโนธาตุ, มโนวิญฺญาณธาตุ อตฺถิ กุสลํ, อตฺถิ อกุสลํ, อตฺถิ อพฺยากตํฯ เอวํ นววิเธน วิญฺญาณกฺขโนฺธฯ
Navavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu atthi kusalaṃ, atthi akusalaṃ, atthi abyākataṃ. Evaṃ navavidhena viññāṇakkhandho.
ทสวิเธน วิญฺญาณกฺขโนฺธ – จกฺขุวิญฺญาณํ…เป.… กายวิญฺญาณํ อตฺถิ สุขสหคตํ, อตฺถิ ทุกฺขสหคตํ, มโนธาตุ, มโนวิญฺญาณธาตุ อตฺถิ กุสลํ, อตฺถิ อกุสลํ, อตฺถิ อพฺยากตํฯ เอวํ ทสวิเธน วิญฺญาณกฺขโนฺธฯ
Dasavidhena viññāṇakkhandho – cakkhuviññāṇaṃ…pe… kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu atthi kusalaṃ, atthi akusalaṃ, atthi abyākataṃ. Evaṃ dasavidhena viññāṇakkhandho.
๑๒๒. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
122. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สเหตุโก, อตฺถิ อเหตุโกฯ
Duvidhena viññāṇakkhandho – atthi sahetuko, atthi ahetuko.
ติวิเธน วิญฺญาณกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺตฯ อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺมฯ อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโยฯ อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโกฯ อตฺถิ สวิตกฺกสวิจาโร, อตฺถิ อวิตกฺกวิจารมโตฺต , อตฺถิ อวิตกฺกอวิจาโรฯ อตฺถิ ปีติสหคโต, อตฺถิ สุขสหคโต, อตฺถิ อุเปกฺขาสหคโตฯ อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺขฯ อตฺถิ ปริโตฺต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปโนฺนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto , atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
๑๒๓. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
123. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ อตฺถิ น เหตุ สเหตุโก, อตฺถิ น เหตุ อเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุโตฺต , อตฺถิ อาสววิปฺปยุโตฺตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ อตฺถิ สํโยชนิโย, อตฺถิ อสํโยชนิโยฯ อตฺถิ สํโยชนสมฺปยุโตฺต , อตฺถิ สํโยชนวิปฺปยุโตฺตฯ อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ
Duvidhena viññāṇakkhandho – atthi hetusampayutto, atthi hetuvippayutto. Atthi na hetu sahetuko, atthi na hetu ahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto , atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto , atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
อตฺถิ คนฺถนิโย, อตฺถิ อคนฺถนิโยฯ อตฺถิ คนฺถสมฺปยุโตฺต, อตฺถิ คนฺถวิปฺปยุโตฺตฯ อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ อตฺถิ โอฆนิโย, อตฺถิ อโนฆนิโยฯ อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ อตฺถิ โยคนิโย, อตฺถิ อโยคนิโยฯ อตฺถิ โยคสมฺปยุโตฺต, อตฺถิ โยควิปฺปยุโตฺต ฯ อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ อตฺถิ นีวรณิโย, อตฺถิ อนีวรณิโยฯ อตฺถิ นีวรณสมฺปยุโตฺต, อตฺถิ นีวรณวิปฺปยุโตฺตฯ อตฺถิ นีวรณวิปฺปยุตฺตนีวรณิโย, อตฺถิ นีวรณวิปฺปยุตฺตอนีวรณิโยฯ
Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto . Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
อตฺถิ ปรามโฎฺฐ, อตฺถิ อปรามโฎฺฐฯ อตฺถิ ปรามาสสมฺปยุโตฺต, อตฺถิ ปรามาสวิปฺปยุโตฺตฯ อตฺถิ ปรามาสวิปฺปยุตฺตปรามโฎฺฐ, อตฺถิ ปรามาสวิปฺปยุตฺตอปรามโฎฺฐฯ อตฺถิ อุปาทิโนฺน, อตฺถิ อนุปาทิโนฺนฯ อตฺถิ อุปาทานิโย, อตฺถิ อนุปาทานิโยฯ อตฺถิ อุปาทานสมฺปยุโตฺต, อตฺถิ อุปาทานวิปฺปยุโตฺตฯ อตฺถิ อุปาทานวิปฺปยุตฺตอุปาทานิโย, อตฺถิ อุปาทานวิปฺปยุตฺตอนุปาทานิโยฯ อตฺถิ สํกิเลสิโก, อตฺถิ อสํกิเลสิโกฯ อตฺถิ สํกิลิโฎฺฐ, อตฺถิ อสํกิลิโฎฺฐฯ อตฺถิ กิเลสสมฺปยุโตฺต, อตฺถิ กิเลสวิปฺปยุโตฺตฯ อตฺถิ กิเลสวิปฺปยุตฺตสํกิเลสิโก, อตฺถิ กิเลสวิปฺปยุตฺตอสํกิเลสิโกฯ อตฺถิ ทสฺสเนน ปหาตโพฺพ, อตฺถิ น ทสฺสเนน ปหาตโพฺพฯ อตฺถิ ภาวนาย ปหาตโพฺพ , อตฺถิ น ภาวนาย ปหาตโพฺพฯ อตฺถิ ทสฺสเนน ปหาตพฺพเหตุโก, อตฺถิ น ทสฺสเนน ปหาตพฺพเหตุโกฯ อตฺถิ ภาวนาย ปหาตพฺพเหตุโก, อตฺถิ น ภาวนาย ปหาตพฺพเหตุโกฯ
Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo , atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko.
อตฺถิ สวิตโกฺก, อตฺถิ อวิตโกฺกฯ อตฺถิ สวิจาโร, อตฺถิ อวิจาโรฯ อตฺถิ สปฺปีติโก, อตฺถิ อปฺปีติโกฯ อตฺถิ ปีติสหคโต, อตฺถิ น ปีติสหคโตฯ อตฺถิ สุขสหคโต, อตฺถิ น สุขสหคโตฯ อตฺถิ อุเปกฺขาสหคโต, อตฺถิ น อุเปกฺขาสหคโตฯ อตฺถิ กามาวจโร , อตฺถิ น กามาวจโรฯ อตฺถิ รูปาวจโร, อตฺถิ น รูปาวจโรฯ อตฺถิ อรูปาวจโร, อตฺถิ น อรูปาวจโร, อตฺถิ ปริยาปโนฺน, อตฺถิ อปริยาปโนฺนฯ อตฺถิ นิยฺยานิโก, อตฺถิ อนิยฺยานิโกฯ อตฺถิ นิยโต, อตฺถิ อนิยโตฯ อตฺถิ สอุตฺตโร, อตฺถิ อนุตฺตโรฯ อตฺถิ สรโณ, อตฺถิ อรโณฯ
Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro , atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro, atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ติวิเธน วิญฺญาณกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
๑๒๔. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
124. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สรโณ, อตฺถิ อรโณฯ
Duvidhena viññāṇakkhandho – atthi saraṇo, atthi araṇo.
ติวิเธน วิญฺญาณกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺตฯ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
ทุกมูลกํฯ
Dukamūlakaṃ.
๑๒๕. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
125. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สเหตุโก, อตฺถิ อเหตุโกฯ
Duvidhena viññāṇakkhandho – atthi sahetuko, atthi ahetuko.
ติวิเธน วิญฺญาณกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
๑๒๖. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
126. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺต…เป.… อตฺถิ สรโณ, อตฺถิ อรโณฯ
Duvidhena viññāṇakkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ติวิเธน วิญฺญาณกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
๑๒๗. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
127. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สเหตุโก, อตฺถิ อเหตุโกฯ
Duvidhena viññāṇakkhandho – atthi sahetuko, atthi ahetuko.
ติวิเธน วิญฺญาณกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต ฯ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto . Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
๑๒๘. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
128. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺต…เป.… อตฺถิ สรโณ, อตฺถิ อรโณฯ
Duvidhena viññāṇakkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ติวิเธน วิญฺญาณกฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
ติกมูลกํฯ
Tikamūlakaṃ.
๑๒๙. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
129. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สเหตุโก, อตฺถิ อเหตุโกฯ
Duvidhena viññāṇakkhandho – atthi sahetuko, atthi ahetuko.
ติวิเธน วิญฺญาณกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
๑๓๐. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
130. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ เหตุสมฺปยุโตฺต, อตฺถิ เหตุวิปฺปยุโตฺตฯ
Duvidhena viññāṇakkhandho – atthi hetusampayutto, atthi hetuvippayutto.
ติวิเธน วิญฺญาณกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena viññāṇakkhandho.
๑๓๑. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
131. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ น เหตุ สเหตุโก, อตฺถิ น เหตุอเหตุโกฯ
Duvidhena viññāṇakkhandho – atthi na hetu sahetuko, atthi na hetuahetuko.
ติวิเธน วิญฺญาณกฺขโนฺธ – อตฺถิ วิปาโก, อตฺถิ วิปากธมฺมธโมฺม, อตฺถิ เนววิปากนวิปากธมฺมธโมฺม…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena viññāṇakkhandho.
๑๓๒. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
132. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โลกิโย, อตฺถิ โลกุตฺตโรฯ
Duvidhena viññāṇakkhandho – atthi lokiyo, atthi lokuttaro.
ติวิเธน วิญฺญาณกฺขโนฺธ – อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโย…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena viññāṇakkhandho.
๑๓๓. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
133. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ เกนจิ วิเญฺญโยฺย, อตฺถิ เกนจิ น วิเญฺญโยฺยฯ
Duvidhena viññāṇakkhandho – atthi kenaci viññeyyo, atthi kenaci na viññeyyo.
ติวิเธน วิญฺญาณกฺขโนฺธ – อตฺถิ สํกิลิฎฺฐสํกิเลสิโก, อตฺถิ อสํกิลิฎฺฐสํกิเลสิโก, อตฺถิ อสํกิลิฎฺฐอสํกิเลสิโก…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena viññāṇakkhandho.
๑๓๔. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
134. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สาสโว, อตฺถิ อนาสโวฯ
Duvidhena viññāṇakkhandho – atthi sāsavo, atthi anāsavo.
ติวิเธน วิญฺญาณกฺขโนฺธ – อตฺถิ สวิตกฺกสวิจาโร, อตฺถิ อวิตกฺกวิจารมโตฺต, อตฺถิ อวิตกฺกอวิจาโร…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena viññāṇakkhandho.
๑๓๕. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
135. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ อาสวสมฺปยุโตฺต, อตฺถิ อาสววิปฺปยุโตฺตฯ
Duvidhena viññāṇakkhandho – atthi āsavasampayutto, atthi āsavavippayutto.
ติวิเธน วิญฺญาณกฺขโนฺธ – อตฺถิ ปีติสหคโต, อตฺถิ สุขสหคโต, อตฺถิ อุเปกฺขาสหคโต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena viññāṇakkhandho.
๑๓๖. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
136. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ
Duvidhena viññāṇakkhandho – atthi āsavavippayuttasāsavo, atthi āsavavippayuttaanāsavo.
ติวิเธน วิญฺญาณกฺขโนฺธ – อตฺถิ ทสฺสเนน ปหาตโพฺพ, อตฺถิ ภาวนาย ปหาตโพฺพ, อตฺถิ เนว ทสฺสเนน น ภาวนาย ปหาตโพฺพ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena viññāṇakkhandho.
๑๓๗. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
137. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สํโยชนิโย, อตฺถิ อสํโยชนิโยฯ
Duvidhena viññāṇakkhandho – atthi saṃyojaniyo, atthi asaṃyojaniyo.
ติวิเธน วิญฺญาณกฺขโนฺธ – อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโก…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena viññāṇakkhandho.
๑๓๘. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
138. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สํโยชนสมฺปยุโตฺต, อตฺถิ สํโยชนวิปฺปยุโตฺตฯ
Duvidhena viññāṇakkhandho – atthi saṃyojanasampayutto, atthi saṃyojanavippayutto.
ติวิเธน วิญฺญาณกฺขโนฺธ – อตฺถิ อาจยคามี, อตฺถิ อปจยคามี , อตฺถิ เนวาจยคามินาปจยคามี…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi ācayagāmī, atthi apacayagāmī , atthi nevācayagāmināpacayagāmī…pe…. Evaṃ dasavidhena viññāṇakkhandho.
๑๓๙. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
139. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ
Duvidhena viññāṇakkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ติวิเธน วิญฺญาณกฺขโนฺธ – อตฺถิ เสโกฺข, อตฺถิ อเสโกฺข, อตฺถิ เนวเสกฺขนาเสโกฺข…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena viññāṇakkhandho.
๑๔๐. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
140. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ คนฺถนิโย, อตฺถิ อคนฺถนิโยฯ
Duvidhena viññāṇakkhandho – atthi ganthaniyo, atthi aganthaniyo.
ติวิเธน วิญฺญาณกฺขโนฺธ – อตฺถิ ปริโตฺต, อตฺถิ มหคฺคโต, อตฺถิ อปฺปมาโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi paritto, atthi mahaggato, atthi appamāṇo…pe…. Evaṃ dasavidhena viññāṇakkhandho.
๑๔๑. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
141. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ คนฺถสมฺปยุโตฺต, อตฺถิ คนฺถวิปฺปยุโตฺตฯ
Duvidhena viññāṇakkhandho – atthi ganthasampayutto, atthi ganthavippayutto.
ติวิเธน วิญฺญาณกฺขโนฺธ – อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena viññāṇakkhandho.
๑๔๒. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
142. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ
Duvidhena viññāṇakkhandho – atthi ganthavippayuttaganthaniyo, atthi ganthavippayuttaaganthaniyo.
ติวิเธน วิญฺญาณกฺขโนฺธ – อตฺถิ หีโน, อตฺถิ มชฺฌิโม, อตฺถิ ปณีโต…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi hīno, atthi majjhimo, atthi paṇīto…pe…. Evaṃ dasavidhena viññāṇakkhandho.
๑๔๓. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
143. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โอฆนิโย, อตฺถิ อโนฆนิโยฯ
Duvidhena viññāṇakkhandho – atthi oghaniyo, atthi anoghaniyo.
ติวิเธน วิญฺญาณกฺขโนฺธ – อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโต…เป.…ฯ เอวํ ทสวิเธน วิญฺญาณกฺขโนฺธ ฯ
Tividhena viññāṇakkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena viññāṇakkhandho .
๑๔๔. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
144. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โอฆสมฺปยุโตฺต, อตฺถิ โอฆวิปฺปยุโตฺตฯ
Duvidhena viññāṇakkhandho – atthi oghasampayutto, atthi oghavippayutto.
ติวิเธน วิญฺญาณกฺขโนฺธ – อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena viññāṇakkhandho.
๑๔๕. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
145. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ
Duvidhena viññāṇakkhandho – atthi oghavippayuttaoghaniyo, atthi oghavippayuttaanoghaniyo.
ติวิเธน วิญฺญาณกฺขโนฺธ – อตฺถิ อุปฺปโนฺน, อตฺถิ อนุปฺปโนฺน, อตฺถิ อุปฺปาที…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi uppanno, atthi anuppanno, atthi uppādī…pe…. Evaṃ dasavidhena viññāṇakkhandho.
๑๔๖. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
146. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โยคนิโย, อตฺถิ อโยคนิโยฯ
Duvidhena viññāṇakkhandho – atthi yoganiyo, atthi ayoganiyo.
ติวิเธน วิญฺญาณกฺขโนฺธ – อตฺถิ อตีโต, อตฺถิ อนาคโต, อตฺถิ ปจฺจุปฺปโนฺน…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi atīto, atthi anāgato, atthi paccuppanno…pe…. Evaṃ dasavidhena viññāṇakkhandho.
๑๔๗. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
147. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โยคสมฺปยุโตฺต, อตฺถิ โยควิปฺปยุโตฺตฯ
Duvidhena viññāṇakkhandho – atthi yogasampayutto, atthi yogavippayutto.
ติวิเธน วิญฺญาณกฺขโนฺธ – อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena viññāṇakkhandho.
๑๔๘. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
148. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ
Duvidhena viññāṇakkhandho – atthi yogavippayuttayoganiyo, atthi yogavippayuttaayoganiyo.
ติวิเธน วิญฺญาณกฺขโนฺธ – อตฺถิ อชฺฌโตฺต, อตฺถิ พหิโทฺธ, อตฺถิ อชฺฌตฺตพหิโทฺธ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena viññāṇakkhandho.
๑๔๙. เอกวิเธน วิญฺญาณกฺขโนฺธ – ผสฺสสมฺปยุโตฺตฯ
149. Ekavidhena viññāṇakkhandho – phassasampayutto.
ทุวิเธน วิญฺญาณกฺขโนฺธ – อตฺถิ นีวรณิโย, อตฺถิ อนีวรณิโยฯ
Duvidhena viññāṇakkhandho – atthi nīvaraṇiyo, atthi anīvaraṇiyo.
ติวิเธน วิญฺญาณกฺขโนฺธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน วิญฺญาณกฺขโนฺธฯ
Tividhena viññāṇakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
อุภโตวฑฺฒกํฯ
Ubhatovaḍḍhakaṃ.
สตฺตวิเธน วิญฺญาณกฺขโนฺธ – อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน วิญฺญาณกฺขโนฺธฯ
Sattavidhena viññāṇakkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena viññāṇakkhandho.
อปโรปิ สตฺตวิเธน วิญฺญาณกฺขโนฺธ – อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺนฯ เอวํ สตฺตวิเธน วิญฺญาณกฺขโนฺธฯ
Aparopi sattavidhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena viññāṇakkhandho.
จตุวีสติวิเธน วิญฺญาณกฺขโนฺธ – จกฺขุสมฺผสฺสปจฺจยา วิญฺญาณกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา วิญฺญาณกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต; จกฺขุวิญฺญาณํ, โสตวิญฺญาณํ, ฆานวิญฺญาณํ , ชิวฺหาวิญฺญาณํ, กายวิญฺญาณํ, มโนวิญฺญาณํฯ เอวํ จตุวีสติวิเธน วิญฺญาณกฺขโนฺธ ฯ
Catuvīsatividhena viññāṇakkhandho – cakkhusamphassapaccayā viññāṇakkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi kusalo, atthi akusalo, atthi abyākato; cakkhuviññāṇaṃ, sotaviññāṇaṃ, ghānaviññāṇaṃ , jivhāviññāṇaṃ, kāyaviññāṇaṃ, manoviññāṇaṃ. Evaṃ catuvīsatividhena viññāṇakkhandho .
อปโรปิ จตุวีสติวิเธน วิญฺญาณกฺขโนฺธ – จกฺขุสมฺผสฺสปจฺจยา วิญฺญาณกฺขโนฺธ อตฺถิ สุขาย เวทนาย สมฺปยุโตฺต, อตฺถิ ทุกฺขาย เวทนาย สมฺปยุโตฺต, อตฺถิ อทุกฺขมสุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ; จกฺขุวิญฺญาณํ…เป.… กายวิญฺญาณํ, มโนวิญฺญาณํ; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา วิญฺญาณกฺขโนฺธ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ; จกฺขุวิญฺญาณํ, โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ, มโนวิญฺญาณํฯ เอวํ จตุวีสติวิเธน วิญฺญาณกฺขโนฺธฯ
Aparopi catuvīsatividhena viññāṇakkhandho – cakkhusamphassapaccayā viññāṇakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhuviññāṇaṃ…pe… kāyaviññāṇaṃ, manoviññāṇaṃ; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ catuvīsatividhena viññāṇakkhandho.
ติํสติวิเธน วิญฺญาณกฺขโนฺธ – จกฺขุสมฺผสฺสปจฺจยา วิญฺญาณกฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; โสตสมฺผสฺสปจฺจยา …เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา วิญฺญาณกฺขโนฺธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุวิญฺญาณํ , โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ, มโนวิญฺญาณํฯ เอวํ ติํสติวิเธน วิญฺญาณกฺขโนฺธฯ
Tiṃsatividhena viññāṇakkhandho – cakkhusamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā …pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhuviññāṇaṃ , sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ tiṃsatividhena viññāṇakkhandho.
พหุวิเธน วิญฺญาณกฺขโนฺธ – จกฺขุสมฺผสฺสปจฺจยา วิญฺญาณกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, จกฺขุวิญฺญาณํ…เป.… มโนวิญฺญาณํ; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา …เป.… กายสมฺผสฺสปจฺจยา…เป.… มโนสมฺผสฺสปจฺจยา วิญฺญาณกฺขโนฺธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน, จกฺขุวิญฺญาณํ…เป.… มโนวิญฺญาณํฯ เอวํ พหุวิเธน วิญฺญาณกฺขโนฺธฯ
Bahuvidhena viññāṇakkhandho – cakkhusamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṃ…pe… manoviññāṇaṃ; sotasamphassapaccayā…pe… ghānasamphassapaccayā…pe… jivhāsamphassapaccayā …pe… kāyasamphassapaccayā…pe… manosamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṃ…pe… manoviññāṇaṃ. Evaṃ bahuvidhena viññāṇakkhandho.
อปโรปิ พหุวิเธน วิญฺญาณกฺขโนฺธ – จกฺขุสมฺผสฺสปจฺจยา วิญฺญาณกฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา วิญฺญาณกฺขโนฺธ อตฺถิ สุขาย เวทนาย สมฺปยุโตฺต…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปโนฺน; จกฺขุวิญฺญาณํ, โสตวิญฺญาณํ, ฆานวิญฺญาณํ, ชิวฺหาวิญฺญาณํ, กายวิญฺญาณํ, มโนวิญฺญาณํฯ เอวํ พหุวิเธน วิญฺญาณกฺขโนฺธฯ
Aparopi bahuvidhena viññāṇakkhandho – cakkhusamphassapaccayā viññāṇakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ bahuvidhena viññāṇakkhandho.
อยํ วุจฺจติ วิญฺญาณกฺขโนฺธฯ
Ayaṃ vuccati viññāṇakkhandho.
อภิธมฺมภาชนียํฯ
Abhidhammabhājanīyaṃ.
๓. ปญฺหาปุจฺฉกํ
3. Pañhāpucchakaṃ
๑๕๐. ปญฺจกฺขนฺธา – รูปกฺขโนฺธ, เวทนากฺขโนฺธ, สญฺญากฺขโนฺธ, สงฺขารกฺขโนฺธ, วิญฺญาณกฺขโนฺธฯ
150. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
๑๕๑. ปญฺจนฺนํ ขนฺธานํ กติ กุสลา, กติ อกุสลา, กติ อพฺยากตา…เป.… กติ สรณา, กติ อรณา?
151. Pañcannaṃ khandhānaṃ kati kusalā, kati akusalā, kati abyākatā…pe… kati saraṇā, kati araṇā?
๑. ติกํ
1. Tikaṃ
๑๕๒. รูปกฺขโนฺธ อพฺยากโตฯ จตฺตาโร ขนฺธา สิยา กุสลา, สิยา อกุสลา, สิยา อพฺยากตาฯ เทฺว ขนฺธา น วตฺตพฺพา – ‘‘สุขาย เวทนาย สมฺปยุตฺตา’’ติปิ, ‘‘ทุกฺขาย เวทนาย สมฺปยุตฺตา’’ติปิ, ‘‘อทุกฺขมสุขาย เวทนาย สมฺปยุตฺตา’’ติปิฯ ตโย ขนฺธา สิยา สุขาย เวทนาย สมฺปยุตฺตา, สิยา ทุกฺขาย เวทนาย สมฺปยุตฺตา, สิยา อทุกฺขมสุขาย เวทนาย สมฺปยุตฺตาฯ รูปกฺขโนฺธ เนววิปากนวิปากธมฺมธโมฺมฯ จตฺตาโร ขนฺธา สิยา วิปากา, สิยา วิปากธมฺมธมฺมา, สิยา เนววิปากนวิปากธมฺมธมฺมาฯ รูปกฺขโนฺธ สิยา อุปาทินฺนุปาทานิโย, สิยา อนุปาทินฺนุปาทานิโย ฯ จตฺตาโร ขนฺธา สิยา อุปาทินฺนุปาทานิยา, สิยา อนุปาทินฺนุปาทานิยา, สิยา อนุปาทินฺนอนุปาทานิยาฯ
152. Rūpakkhandho abyākato. Cattāro khandhā siyā kusalā, siyā akusalā, siyā abyākatā. Dve khandhā na vattabbā – ‘‘sukhāya vedanāya sampayuttā’’tipi, ‘‘dukkhāya vedanāya sampayuttā’’tipi, ‘‘adukkhamasukhāya vedanāya sampayuttā’’tipi. Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Rūpakkhandho nevavipākanavipākadhammadhammo. Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā. Rūpakkhandho siyā upādinnupādāniyo, siyā anupādinnupādāniyo . Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.
รูปกฺขโนฺธ อสํกิลิฎฺฐสํกิเลสิโกฯ จตฺตาโร ขนฺธา สิยา สํกิลิฎฺฐสํกิเลสิกา, สิยา อสํกิลิฎฺฐสํกิเลสิกา, สิยา อสํกิลิฎฺฐอสํกิเลสิกาฯ รูปกฺขโนฺธ อวิตกฺกอวิจาโรฯ ตโย ขนฺธา สิยา สวิตกฺกสวิจารา, สิยา อวิตกฺกวิจารมตฺตา, สิยา อวิตกฺกอวิจาราฯ สงฺขารกฺขโนฺธ สิยา สวิตกฺกสวิจาโร, สิยา อวิตกฺกวิจารมโตฺต, สิยา อวิตกฺกอวิจาโร, สิยา น วตฺตโพฺพ – ‘‘สวิตกฺกสวิจาโร’’ติปิ, ‘‘อวิตกฺกวิจารมโตฺต’’ติปิ, ‘‘อวิตกฺกอวิจาโร’’ติปิฯ รูปกฺขโนฺธ น วตฺตโพฺพ – ‘‘ปีติสหคโต’’ติปิ, ‘‘สุขสหคโต’’ติปิ, ‘‘อุเปกฺขาสหคโต’’ติปิฯ เวทนากฺขโนฺธ สิยา ปีติสหคโต น สุขสหคโต น อุเปกฺขาสหคโต, สิยา น วตฺตโพฺพ – ‘‘ปีติสหคโต’’ติฯ ตโย ขนฺธา สิยา ปีติสหคตา, สิยา สุขสหคตา, สิยา อุเปกฺขาสหคตา, สิยา น วตฺตพฺพา – ‘‘ปีติสหคตา’’ติปิ, ‘‘สุขสหคตา’’ติปิ, ‘‘อุเปกฺขาสหคตา’’ติปิฯ
Rūpakkhandho asaṃkiliṭṭhasaṃkilesiko. Cattāro khandhā siyā saṃkiliṭṭhasaṃkilesikā, siyā asaṃkiliṭṭhasaṃkilesikā, siyā asaṃkiliṭṭhaasaṃkilesikā. Rūpakkhandho avitakkaavicāro. Tayo khandhā siyā savitakkasavicārā, siyā avitakkavicāramattā, siyā avitakkaavicārā. Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro, siyā na vattabbo – ‘‘savitakkasavicāro’’tipi, ‘‘avitakkavicāramatto’’tipi, ‘‘avitakkaavicāro’’tipi. Rūpakkhandho na vattabbo – ‘‘pītisahagato’’tipi, ‘‘sukhasahagato’’tipi, ‘‘upekkhāsahagato’’tipi. Vedanākkhandho siyā pītisahagato na sukhasahagato na upekkhāsahagato, siyā na vattabbo – ‘‘pītisahagato’’ti. Tayo khandhā siyā pītisahagatā, siyā sukhasahagatā, siyā upekkhāsahagatā, siyā na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi.
รูปกฺขโนฺธ เนว ทสฺสเนน น ภาวนาย ปหาตโพฺพฯ จตฺตาโร ขนฺธา สิยา ทสฺสเนน ปหาตพฺพา, สิยา ภาวนาย ปหาตพฺพา, สิยา เนว ทสฺสเนน น ภาวนาย ปหาตพฺพาฯ รูปกฺขโนฺธ เนว ทสฺสเนน น ภาวนาย ปหาตพฺพเหตุโกฯ จตฺตาโร ขนฺธา สิยา ทสฺสเนน ปหาตพฺพเหตุกา, สิยา ภาวนาย ปหาตพฺพเหตุกา, สิยา เนว ทสฺสเนน น ภาวนาย ปหาตพฺพเหตุกาฯ รูปกฺขโนฺธ เนวาจยคามินาปจยคามีฯ จตฺตาโร ขนฺธา สิยา อาจยคามิโน, สิยา อปจยคามิโน, สิยา เนวาจยคามินาปจยคามิโนฯ รูปกฺขโนฺธ เนวเสกฺขนาเสโกฺขฯ จตฺตาโร ขนฺธา สิยา เสกฺขา, สิยา อเสกฺขา, สิยา เนวเสกฺขนาเสกฺขาฯ รูปกฺขโนฺธ ปริโตฺตฯ จตฺตาโร ขนฺธา สิยา ปริตฺตา, สิยา มหคฺคตา, สิยา อปฺปมาณาฯ รูปกฺขโนฺธ อนารมฺมโณฯ จตฺตาโร ขนฺธา สิยา ปริตฺตารมฺมณา, สิยา มหคฺคตารมฺมณา, สิยา อปฺปมาณารมฺมณา, สิยา น วตฺตพฺพา – ‘‘ปริตฺตารมฺมณา’’ติปิ , ‘‘มหคฺคตารมฺมณา’’ติปิ, ‘‘อปฺปมาณารมฺมณา’’ติปิฯ รูปกฺขโนฺธ มชฺฌิโมฯ จตฺตาโร ขนฺธา สิยา หีนา, สิยา มชฺฌิมา, สิยา ปณีตาฯ รูปกฺขโนฺธ อนิยโต ฯ จตฺตาโร ขนฺธา สิยา มิจฺฉตฺตนิยตา, สิยา สมฺมตฺตนิยตา, สิยา อนิยตาฯ
Rūpakkhandho neva dassanena na bhāvanāya pahātabbo. Cattāro khandhā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā. Rūpakkhandho neva dassanena na bhāvanāya pahātabbahetuko. Cattāro khandhā siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā. Rūpakkhandho nevācayagāmināpacayagāmī. Cattāro khandhā siyā ācayagāmino, siyā apacayagāmino, siyā nevācayagāmināpacayagāmino. Rūpakkhandho nevasekkhanāsekkho. Cattāro khandhā siyā sekkhā, siyā asekkhā, siyā nevasekkhanāsekkhā. Rūpakkhandho paritto. Cattāro khandhā siyā parittā, siyā mahaggatā, siyā appamāṇā. Rūpakkhandho anārammaṇo. Cattāro khandhā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā – ‘‘parittārammaṇā’’tipi , ‘‘mahaggatārammaṇā’’tipi, ‘‘appamāṇārammaṇā’’tipi. Rūpakkhandho majjhimo. Cattāro khandhā siyā hīnā, siyā majjhimā, siyā paṇītā. Rūpakkhandho aniyato . Cattāro khandhā siyā micchattaniyatā, siyā sammattaniyatā, siyā aniyatā.
รูปกฺขโนฺธ อนารมฺมโณฯ จตฺตาโร ขนฺธา สิยา มคฺคารมฺมณา, สิยา มคฺคเหตุกา, สิยา มคฺคาธิปติโน, สิยา น วตฺตพฺพา – ‘‘มคฺคารมฺมณา’’ติปิ, ‘‘มคฺคเหตุกา’’ติปิ , ‘‘มคฺคาธิปติโน’’ติปิ; สิยา อุปฺปนฺนา, สิยา อนุปฺปนฺนา, สิยา อุปฺปาทิโน; สิยา อตีตา, สิยา อนาคตา, สิยา ปจฺจุปฺปนฺนาฯ รูปกฺขโนฺธ อนารมฺมโณฯ จตฺตาโร ขนฺธา สิยา อตีตารมฺมณา, สิยา อนาคตารมฺมณา, สิยา ปจฺจุปฺปนฺนารมฺมณา, สิยา น วตฺตพฺพา – ‘‘อตีตารมฺมณา’’ติปิ, ‘‘อนาคตารมฺมณา’’ติปิ, ‘‘ปจฺจุปฺปนฺนารมฺมณา’’ติปิ; สิยา อชฺฌตฺตา, สิยา พหิทฺธา, สิยา อชฺฌตฺตพหิทฺธาฯ รูปกฺขโนฺธ อนารมฺมโณฯ จตฺตาโร ขนฺธา สิยา อชฺฌตฺตารมฺมณา, สิยา พหิทฺธารมฺมณา, สิยา อชฺฌตฺตพหิทฺธารมฺมณา, สิยา น วตฺตพฺพา – ‘‘อชฺฌตฺตารมฺมณา’’ติปิ, ‘‘พหิทฺธารมฺมณา’’ติปิ, ‘‘อชฺฌตฺตพหิทฺธารมฺมณา’’ติปิฯ จตฺตาโร ขนฺธา อนิทสฺสนอปฺปฎิฆาฯ รูปกฺขโนฺธ สิยา สนิทสฺสนสปฺปฎิโฆ, สิยา อนิทสฺสนสปฺปฎิโฆ, สิยา อนิทสฺสนอปฺปฎิโฆฯ
Rūpakkhandho anārammaṇo. Cattāro khandhā siyā maggārammaṇā, siyā maggahetukā, siyā maggādhipatino, siyā na vattabbā – ‘‘maggārammaṇā’’tipi, ‘‘maggahetukā’’tipi , ‘‘maggādhipatino’’tipi; siyā uppannā, siyā anuppannā, siyā uppādino; siyā atītā, siyā anāgatā, siyā paccuppannā. Rūpakkhandho anārammaṇo. Cattāro khandhā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā – ‘‘atītārammaṇā’’tipi, ‘‘anāgatārammaṇā’’tipi, ‘‘paccuppannārammaṇā’’tipi; siyā ajjhattā, siyā bahiddhā, siyā ajjhattabahiddhā. Rūpakkhandho anārammaṇo. Cattāro khandhā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā – ‘‘ajjhattārammaṇā’’tipi, ‘‘bahiddhārammaṇā’’tipi, ‘‘ajjhattabahiddhārammaṇā’’tipi. Cattāro khandhā anidassanaappaṭighā. Rūpakkhandho siyā sanidassanasappaṭigho, siyā anidassanasappaṭigho, siyā anidassanaappaṭigho.
๒. ทุกํ
2. Dukaṃ
๑๕๓. จตฺตาโร ขนฺธา น เหตูฯ สงฺขารกฺขโนฺธ สิยา เหตุ, สิยา น เหตุฯ รูปกฺขโนฺธ อเหตุโกฯ จตฺตาโร ขนฺธา สิยา สเหตุกา, สิยา อเหตุกาฯ รูปกฺขโนฺธ เหตุวิปฺปยุโตฺตฯ จตฺตาโร ขนฺธา สิยา เหตุสมฺปยุตฺตา, สิยา เหตุวิปฺปยุตฺตาฯ รูปกฺขโนฺธ น วตฺตโพฺพ – ‘‘เหตุ เจว สเหตุโก จา’’ติปิ, ‘‘สเหตุโก เจว น จ เหตู’’ติปิฯ ตโย ขนฺธา น วตฺตพฺพา – ‘‘เหตู เจว สเหตุกา จา’’ติ, สิยา สเหตุกา เจว น จ เหตู, สิยา น วตฺตพฺพา – ‘‘สเหตุกา เจว น จ เหตู’’ติฯ สงฺขารกฺขโนฺธ สิยา เหตุ เจว สเหตุโก จ, สิยา สเหตุโก เจว น จ เหตุ, สิยา น วตฺตโพฺพ – ‘‘เหตุ เจว สเหตุโก จา’’ติปิ, ‘‘สเหตุโก เจว น จ เหตู’’ติปิฯ รูปกฺขโนฺธ น วตฺตโพฺพ – ‘‘เหตุ เจว เหตุสมฺปยุโตฺต จา’’ติปิ, ‘‘เหตุสมฺปยุโตฺต เจว น จ เหตู’’ติปิฯ ตโย ขนฺธา น วตฺตพฺพา – ‘‘เหตู เจว เหตุสมฺปยุตฺตา จา’’ติ, สิยา เหตุสมฺปยุตฺตา เจว น จ เหตู, สิยา น วตฺตพฺพา – ‘‘เหตุสมฺปยุตฺตา เจว น จ เหตู’’ติฯ สงฺขารกฺขโนฺธ สิยา เหตุ เจว เหตุสมฺปยุโตฺต จ, สิยา เหตุสมฺปยุโตฺต เจว น จ เหตุ, สิยา น วตฺตโพฺพ – ‘‘เหตุ เจว เหตุสมฺปยุโตฺต จา’’ติปิ, ‘‘เหตุสมฺปยุโตฺต เจว น จ เหตู’’ติปิฯ รูปกฺขโนฺธ น เหตุ อเหตุโก ฯ ตโย ขนฺธา สิยา น เหตู สเหตุกา, สิยา น เหตู อเหตุกาฯ สงฺขารกฺขโนฺธ สิยา น เหตุ สเหตุโก, สิยา น เหตุ อเหตุโก, สิยา น วตฺตโพฺพ – ‘‘น เหตุ สเหตุโก’’ติปิ, ‘‘น เหตุ อเหตุโก’’ติปิฯ
153. Cattāro khandhā na hetū. Saṅkhārakkhandho siyā hetu, siyā na hetu. Rūpakkhandho ahetuko. Cattāro khandhā siyā sahetukā, siyā ahetukā. Rūpakkhandho hetuvippayutto. Cattāro khandhā siyā hetusampayuttā, siyā hetuvippayuttā. Rūpakkhandho na vattabbo – ‘‘hetu ceva sahetuko cā’’tipi, ‘‘sahetuko ceva na ca hetū’’tipi. Tayo khandhā na vattabbā – ‘‘hetū ceva sahetukā cā’’ti, siyā sahetukā ceva na ca hetū, siyā na vattabbā – ‘‘sahetukā ceva na ca hetū’’ti. Saṅkhārakkhandho siyā hetu ceva sahetuko ca, siyā sahetuko ceva na ca hetu, siyā na vattabbo – ‘‘hetu ceva sahetuko cā’’tipi, ‘‘sahetuko ceva na ca hetū’’tipi. Rūpakkhandho na vattabbo – ‘‘hetu ceva hetusampayutto cā’’tipi, ‘‘hetusampayutto ceva na ca hetū’’tipi. Tayo khandhā na vattabbā – ‘‘hetū ceva hetusampayuttā cā’’ti, siyā hetusampayuttā ceva na ca hetū, siyā na vattabbā – ‘‘hetusampayuttā ceva na ca hetū’’ti. Saṅkhārakkhandho siyā hetu ceva hetusampayutto ca, siyā hetusampayutto ceva na ca hetu, siyā na vattabbo – ‘‘hetu ceva hetusampayutto cā’’tipi, ‘‘hetusampayutto ceva na ca hetū’’tipi. Rūpakkhandho na hetu ahetuko . Tayo khandhā siyā na hetū sahetukā, siyā na hetū ahetukā. Saṅkhārakkhandho siyā na hetu sahetuko, siyā na hetu ahetuko, siyā na vattabbo – ‘‘na hetu sahetuko’’tipi, ‘‘na hetu ahetuko’’tipi.
สปฺปจฺจยา, สงฺขตาฯ
Sappaccayā, saṅkhatā.
จตฺตาโร ขนฺธา อนิทสฺสนาฯ รูปกฺขโนฺธ สิยา สนิทสฺสโน, สิยา อนิทสฺสโนฯ จตฺตาโร ขนฺธา อปฺปฎิฆาฯ รูปกฺขโนฺธ สิยา สปฺปฎิโฆ, สิยา อปฺปฎิโฆฯ รูปกฺขโนฺธ รูปํฯ จตฺตาโร ขนฺธา อรูปาฯ รูปกฺขโนฺธ โลกิโยฯ จตฺตาโร ขนฺธา สิยา โลกิยา, สิยา โลกุตฺตรา; เกนจิ วิเญฺญยฺยา, เกนจิ น วิเญฺญยฺยาฯ
Cattāro khandhā anidassanā. Rūpakkhandho siyā sanidassano, siyā anidassano. Cattāro khandhā appaṭighā. Rūpakkhandho siyā sappaṭigho, siyā appaṭigho. Rūpakkhandho rūpaṃ. Cattāro khandhā arūpā. Rūpakkhandho lokiyo. Cattāro khandhā siyā lokiyā, siyā lokuttarā; kenaci viññeyyā, kenaci na viññeyyā.
จตฺตาโร ขนฺธา โน อาสวาฯ สงฺขารกฺขโนฺธ สิยา อาสโว, สิยา โน อาสโวฯ รูปกฺขโนฺธ สาสโวฯ จตฺตาโร ขนฺธา สิยา สาสวา, สิยา อนาสวาฯ รูปกฺขโนฺธ อาสววิปฺปยุโตฺตฯ จตฺตาโร ขนฺธา สิยา อาสวสมฺปยุตฺตา, สิยา อาสววิปฺปยุตฺตาฯ รูปกฺขโนฺธ น วตฺตโพฺพ – ‘‘อาสโว เจว สาสโว จา’’ติ, สาสโว เจว โน จ อาสโวฯ ตโย ขนฺธา น วตฺตพฺพา – ‘‘อาสวา เจว สาสวา จา’’ติ, สิยา สาสวา เจว โน จ อาสวา, สิยา น วตฺตพฺพา – ‘‘สาสวา เจว โน จ อาสวา’’ติฯ สงฺขารกฺขโนฺธ สิยา อาสโว เจว สาสโว จ, สิยา สาสโว เจว โน จ อาสโว, สิยา น วตฺตโพฺพ – ‘‘อาสโว เจว สาสโว จา’’ติปิ, ‘‘สาสโว เจว โน จ อาสโว’’ติปิฯ รูปกฺขโนฺธ น วตฺตโพฺพ – ‘‘อาสโว เจว อาสวสมฺปยุโตฺต จา’’ติปิ, ‘‘อาสวสมฺปยุโตฺต เจว โน จ อาสโว’’ติปิฯ ตโย ขนฺธา น วตฺตพฺพา – ‘‘อาสวา เจว อาสวสมฺปยุตฺตา จา’’ติ, สิยา อาสวสมฺปยุตฺตา เจว โน จ อาสวา, สิยา น วตฺตพฺพา – ‘‘อาสวสมฺปยุตฺตา เจว โน จ อาสวา’’ติฯ สงฺขารกฺขโนฺธ สิยา อาสโว เจว อาสวสมฺปยุโตฺต จ, สิยา อาสวสมฺปยุโตฺต เจว โน จ อาสโว, สิยา น วตฺตโพฺพ – ‘‘อาสโว เจว อาสวสมฺปยุโตฺต จา’’ติปิ, ‘‘อาสวสมฺปยุโตฺต เจว โน จ อาสโว’’ติปิฯ รูปกฺขโนฺธ อาสววิปฺปยุตฺตสาสโวฯ จตฺตาโร ขนฺธา สิยา อาสววิปฺปยุตฺตสาสวา, สิยา อาสววิปฺปยุตฺตอนาสวา, สิยา น วตฺตพฺพา – ‘‘อาสววิปฺปยุตฺตสาสวา’’ติปิ, ‘‘อาสววิปฺปยุตฺตอนาสวา’’ติปิฯ
Cattāro khandhā no āsavā. Saṅkhārakkhandho siyā āsavo, siyā no āsavo. Rūpakkhandho sāsavo. Cattāro khandhā siyā sāsavā, siyā anāsavā. Rūpakkhandho āsavavippayutto. Cattāro khandhā siyā āsavasampayuttā, siyā āsavavippayuttā. Rūpakkhandho na vattabbo – ‘‘āsavo ceva sāsavo cā’’ti, sāsavo ceva no ca āsavo. Tayo khandhā na vattabbā – ‘‘āsavā ceva sāsavā cā’’ti, siyā sāsavā ceva no ca āsavā, siyā na vattabbā – ‘‘sāsavā ceva no ca āsavā’’ti. Saṅkhārakkhandho siyā āsavo ceva sāsavo ca, siyā sāsavo ceva no ca āsavo, siyā na vattabbo – ‘‘āsavo ceva sāsavo cā’’tipi, ‘‘sāsavo ceva no ca āsavo’’tipi. Rūpakkhandho na vattabbo – ‘‘āsavo ceva āsavasampayutto cā’’tipi, ‘‘āsavasampayutto ceva no ca āsavo’’tipi. Tayo khandhā na vattabbā – ‘‘āsavā ceva āsavasampayuttā cā’’ti, siyā āsavasampayuttā ceva no ca āsavā, siyā na vattabbā – ‘‘āsavasampayuttā ceva no ca āsavā’’ti. Saṅkhārakkhandho siyā āsavo ceva āsavasampayutto ca, siyā āsavasampayutto ceva no ca āsavo, siyā na vattabbo – ‘‘āsavo ceva āsavasampayutto cā’’tipi, ‘‘āsavasampayutto ceva no ca āsavo’’tipi. Rūpakkhandho āsavavippayuttasāsavo. Cattāro khandhā siyā āsavavippayuttasāsavā, siyā āsavavippayuttaanāsavā, siyā na vattabbā – ‘‘āsavavippayuttasāsavā’’tipi, ‘‘āsavavippayuttaanāsavā’’tipi.
จตฺตาโร ขนฺธา โน สํโยชนาฯ สงฺขารกฺขโนฺธ สิยา สํโยชนํ, สิยา โน สํโยชนํฯ รูปกฺขโนฺธ สํโยชนิโยฯ จตฺตาโร ขนฺธา สิยา สํโยชนิยา, สิยา อสํโยชนิยาฯ รูปกฺขโนฺธ สํโยชนวิปฺปยุโตฺตฯ จตฺตาโร ขนฺธา สิยา สํโยชนสมฺปยุตฺตา, สิยา สํโยชนวิปฺปยุตฺตาฯ รูปกฺขโนฺธ น วตฺตโพฺพ – ‘‘สํโยชนเญฺจว สํโยชนิโย จา’’ติ, ‘‘สํโยชนิโย เจว โน จ สํโยชนํ’’ฯ ตโย ขนฺธา น วตฺตพฺพา – ‘‘สํโยชนา เจว สํโยชนิยา จา’’ติ, สิยา สํโยชนิยา เจว โน จ สํโยชนา, สิยา น วตฺตพฺพา – ‘‘สํโยชนิยา เจว โน จ สํโยชนา’’ติฯ สงฺขารกฺขโนฺธ สิยา สํโยชนเญฺจว สํโยชนิโย จ, สิยา สํโยชนิโย เจว โน จ สํโยชนํ, สิยา น วตฺตโพฺพ – ‘‘สํโยชนเญฺจว สํโยชนิโย จา’’ติปิ, ‘‘สํโยชนิโย เจว โน จ สํโยชน’’นฺติปิฯ รูปกฺขโนฺธ น วตฺตโพฺพ – ‘‘สํโยชนเญฺจว สํโยชนสมฺปยุโตฺต จา’’ติปิ, ‘‘สํโยชนสมฺปยุโตฺต เจว โน จ สํโยชน’’นฺติปิฯ ตโย ขนฺธา น วตฺตพฺพา – ‘‘สํโยชนา เจว สํโยชนสมฺปยุตฺตา จา’’ติ, สิยา สํโยชนสมฺปยุตฺตา เจว โน จ สํโยชนา, สิยา น วตฺตพฺพา – ‘‘สํโยชนสมฺปยุตฺตา เจว โน จ สํโยชนา’’ติฯ สงฺขารกฺขโนฺธ สิยา สํโยชนเญฺจว สํโยชนสมฺปยุโตฺต จ, สิยา สํโยชนสมฺปยุโตฺต เจว โน จ สํโยชนํ, สิยา น วตฺตโพฺพ – ‘‘สํโยชนเญฺจว สํโยชนสมฺปยุโตฺต จา’’ติปิ, ‘‘สํโยชนสมฺปยุโตฺต เจว โน จ สํโยชน’’นฺติปิฯ รูปกฺขโนฺธ สํโยชนวิปฺปยุตฺตสํโยชนิโยฯ จตฺตาโร ขนฺธา สิยา สํโยชนวิปฺปยุตฺตสํโยชนิยา, สิยา สํโยชนวิปฺปยุตฺตอสํโยชนิยา, สิยา น วตฺตพฺพา – ‘‘สํโยชนวิปฺปยุตฺตสํโยชนิยา’’ติปิ, ‘‘สํโยชนวิปฺปยุตฺตอสํโยชนิยา’’ติปิฯ
Cattāro khandhā no saṃyojanā. Saṅkhārakkhandho siyā saṃyojanaṃ, siyā no saṃyojanaṃ. Rūpakkhandho saṃyojaniyo. Cattāro khandhā siyā saṃyojaniyā, siyā asaṃyojaniyā. Rūpakkhandho saṃyojanavippayutto. Cattāro khandhā siyā saṃyojanasampayuttā, siyā saṃyojanavippayuttā. Rūpakkhandho na vattabbo – ‘‘saṃyojanañceva saṃyojaniyo cā’’ti, ‘‘saṃyojaniyo ceva no ca saṃyojanaṃ’’. Tayo khandhā na vattabbā – ‘‘saṃyojanā ceva saṃyojaniyā cā’’ti, siyā saṃyojaniyā ceva no ca saṃyojanā, siyā na vattabbā – ‘‘saṃyojaniyā ceva no ca saṃyojanā’’ti. Saṅkhārakkhandho siyā saṃyojanañceva saṃyojaniyo ca, siyā saṃyojaniyo ceva no ca saṃyojanaṃ, siyā na vattabbo – ‘‘saṃyojanañceva saṃyojaniyo cā’’tipi, ‘‘saṃyojaniyo ceva no ca saṃyojana’’ntipi. Rūpakkhandho na vattabbo – ‘‘saṃyojanañceva saṃyojanasampayutto cā’’tipi, ‘‘saṃyojanasampayutto ceva no ca saṃyojana’’ntipi. Tayo khandhā na vattabbā – ‘‘saṃyojanā ceva saṃyojanasampayuttā cā’’ti, siyā saṃyojanasampayuttā ceva no ca saṃyojanā, siyā na vattabbā – ‘‘saṃyojanasampayuttā ceva no ca saṃyojanā’’ti. Saṅkhārakkhandho siyā saṃyojanañceva saṃyojanasampayutto ca, siyā saṃyojanasampayutto ceva no ca saṃyojanaṃ, siyā na vattabbo – ‘‘saṃyojanañceva saṃyojanasampayutto cā’’tipi, ‘‘saṃyojanasampayutto ceva no ca saṃyojana’’ntipi. Rūpakkhandho saṃyojanavippayuttasaṃyojaniyo. Cattāro khandhā siyā saṃyojanavippayuttasaṃyojaniyā, siyā saṃyojanavippayuttaasaṃyojaniyā, siyā na vattabbā – ‘‘saṃyojanavippayuttasaṃyojaniyā’’tipi, ‘‘saṃyojanavippayuttaasaṃyojaniyā’’tipi.
จตฺตาโร ขนฺธา โน คนฺถาฯ สงฺขารกฺขโนฺธ สิยา คโนฺถ, สิยา โน คโนฺถฯ รูปกฺขโนฺธ คนฺถนิโยฯ จตฺตาโร ขนฺธา สิยา คนฺถนิยา, สิยา อคนฺถนิยาฯ รูปกฺขโนฺธ คนฺถวิปฺปยุโตฺตฯ จตฺตาโร ขนฺธา สิยา คนฺถสมฺปยุตฺตา, สิยา คนฺถวิปฺปยุตฺตาฯ รูปกฺขโนฺธ น วตฺตโพฺพ – ‘‘คโนฺถ เจว คนฺถนิโย จา’’ติ, ‘‘คนฺถนิโย เจว โน จ คโนฺถ’’ฯ ตโย ขนฺธา น วตฺตพฺพา – ‘‘คนฺถา เจว คนฺถนิยา จา’’ติ, สิยา คนฺถนิยา เจว โน จ คนฺถา, สิยา น วตฺตพฺพา – ‘‘คนฺถนิยา เจว โน จ คนฺถา’’ติฯ สงฺขารกฺขโนฺธ สิยา คโนฺถ เจว คนฺถนิโย จ, สิยา คนฺถนิโย เจว โน จ คโนฺถ, สิยา น วตฺตโพฺพ – ‘‘คโนฺถ เจว คนฺถนิโย จา’’ติปิ, ‘‘คนฺถนิโย เจว โน จ คโนฺถ’’ติปิฯ รูปกฺขโนฺธ น วตฺตโพฺพ – ‘‘คโนฺถ เจว คนฺถสมฺปยุโตฺต จา’’ติปิ, ‘‘คนฺถสมฺปยุโตฺต เจว โน จ คโนฺถ’’ติปิฯ ตโย ขนฺธา น วตฺตพฺพา – ‘‘คนฺถา เจว คนฺถสมฺปยุตฺตา จา’’ติ, สิยา คนฺถสมฺปยุตฺตา เจว โน จ คนฺถา, สิยา น วตฺตพฺพา – ‘‘คนฺถสมฺปยุตฺตา เจว โน จ คนฺถา’’ติฯ สงฺขารกฺขโนฺธ สิยา คโนฺถ เจว คนฺถสมฺปยุโตฺต จ, สิยา คนฺถสมฺปยุโตฺต เจว โน จ คโนฺถ, สิยา น วตฺตโพฺพ – ‘‘คโนฺถ เจว คนฺถสมฺปยุโตฺต จา’’ติปิ, ‘‘คนฺถสมฺปยุโตฺต เจว โน จ คโนฺถ’’ติ ปิฯ รูปกฺขโนฺธ คนฺถวิปฺปยุตฺตคนฺถนิโยฯ จตฺตาโร ขนฺธา สิยา คนฺถวิปฺปยุตฺตคนฺถนิยา , สิยา คนฺถวิปฺปยุตฺตอคนฺถนิยา, สิยา น วตฺตพฺพา – ‘‘คนฺถวิปฺปยุตฺตคนฺถนิยา’’ติปิ, ‘‘คนฺถวิปฺปยุตฺตอคนฺถนิยา’’ติปิฯ
Cattāro khandhā no ganthā. Saṅkhārakkhandho siyā gantho, siyā no gantho. Rūpakkhandho ganthaniyo. Cattāro khandhā siyā ganthaniyā, siyā aganthaniyā. Rūpakkhandho ganthavippayutto. Cattāro khandhā siyā ganthasampayuttā, siyā ganthavippayuttā. Rūpakkhandho na vattabbo – ‘‘gantho ceva ganthaniyo cā’’ti, ‘‘ganthaniyo ceva no ca gantho’’. Tayo khandhā na vattabbā – ‘‘ganthā ceva ganthaniyā cā’’ti, siyā ganthaniyā ceva no ca ganthā, siyā na vattabbā – ‘‘ganthaniyā ceva no ca ganthā’’ti. Saṅkhārakkhandho siyā gantho ceva ganthaniyo ca, siyā ganthaniyo ceva no ca gantho, siyā na vattabbo – ‘‘gantho ceva ganthaniyo cā’’tipi, ‘‘ganthaniyo ceva no ca gantho’’tipi. Rūpakkhandho na vattabbo – ‘‘gantho ceva ganthasampayutto cā’’tipi, ‘‘ganthasampayutto ceva no ca gantho’’tipi. Tayo khandhā na vattabbā – ‘‘ganthā ceva ganthasampayuttā cā’’ti, siyā ganthasampayuttā ceva no ca ganthā, siyā na vattabbā – ‘‘ganthasampayuttā ceva no ca ganthā’’ti. Saṅkhārakkhandho siyā gantho ceva ganthasampayutto ca, siyā ganthasampayutto ceva no ca gantho, siyā na vattabbo – ‘‘gantho ceva ganthasampayutto cā’’tipi, ‘‘ganthasampayutto ceva no ca gantho’’ti pi. Rūpakkhandho ganthavippayuttaganthaniyo. Cattāro khandhā siyā ganthavippayuttaganthaniyā , siyā ganthavippayuttaaganthaniyā, siyā na vattabbā – ‘‘ganthavippayuttaganthaniyā’’tipi, ‘‘ganthavippayuttaaganthaniyā’’tipi.
จตฺตาโร ขนฺธา โน โอฆา…เป.… โน โยคา…เป.… โน นีวรณาฯ สงฺขารกฺขโนฺธ สิยา นีวรณํ, สิยา โน นีวรณํฯ รูปกฺขโนฺธ นีวรณิโยฯ จตฺตาโร ขนฺธา สิยา นีวรณิยา, สิยา อนีวรณิยาฯ รูปกฺขโนฺธ นีวรณวิปฺปยุโตฺตฯ จตฺตาโร ขนฺธา สิยา นีวรณสมฺปยุตฺตา, สิยา นีวรณวิปฺปยุตฺตาฯ รูปกฺขโนฺธ น วตฺตโพฺพ – ‘‘นีวรณเญฺจว นีวรณิโย จา’’ติ, ‘‘นีวรณิโย เจว โน จ นีวรณํ’’ฯ ตโย ขนฺธา น วตฺตพฺพา – ‘‘นีวรณา เจว นีวรณิยา จา’’ติ, สิยา นีวรณิยา เจว โน จ นีวรณา, สิยา น วตฺตพฺพา – ‘‘นีวรณิยา เจว โน จ นีวรณา’’ติฯ สงฺขารกฺขโนฺธ สิยา นีวรณเญฺจว นีวรณิโย จ, สิยา นีวรณิโย เจว โน จ นีวรณํ, สิยา น วตฺตโพฺพ – ‘‘นีวรณเญฺจว นีวรณิโย จา’’ติปิ, ‘‘นีวรณิโย เจว โน จ นีวรณ’’นฺติปิฯ รูปกฺขโนฺธ น วตฺตโพฺพ – ‘‘นีวรณเญฺจว นีวรณสมฺปยุโตฺต จา’’ติปิ, ‘‘นีวรณสมฺปยุโตฺต เจว โน จ นีวรณ’’นฺติปิฯ ตโย ขนฺธา น วตฺตพฺพา – ‘‘นีวรณา เจว นีวรณสมฺปยุตฺตา จา’’ติ, สิยา นีวรณสมฺปยุตฺตา เจว โน จ นีวรณา, สิยา น วตฺตพฺพา – ‘‘นีวรณสมฺปยุตฺตา เจว โน จ นีวรณา’’ติฯ สงฺขารกฺขโนฺธ สิยา นีวรณเญฺจว นีวรณสมฺปยุโตฺต จ, สิยา นีวรณสมฺปยุโตฺต เจว โน จ นีวรณํ, สิยา น วตฺตโพฺพ – ‘‘นีวรณเญฺจว นีวรณสมฺปยุโตฺต จา’’ติปิ, ‘‘นีวรณสมฺปยุโตฺต เจว โน จ นีวรณ’’นฺติปิฯ รูปกฺขโนฺธ นีวรณวิปฺปยุตฺตนีวรณิโยฯ จตฺตาโร ขนฺธา สิยา นีวรณวิปฺปยุตฺตนีวรณิยา, สิยา นีวรณวิปฺปยุตฺตอนีวรณิยา, สิยา น วตฺตพฺพา – ‘‘นีวรณวิปฺปยุตฺตนีวรณิยา’’ติปิ, ‘‘นีวรณวิปฺปยุตฺตอนีวรณิยา’’ติปิฯ
Cattāro khandhā no oghā…pe… no yogā…pe… no nīvaraṇā. Saṅkhārakkhandho siyā nīvaraṇaṃ, siyā no nīvaraṇaṃ. Rūpakkhandho nīvaraṇiyo. Cattāro khandhā siyā nīvaraṇiyā, siyā anīvaraṇiyā. Rūpakkhandho nīvaraṇavippayutto. Cattāro khandhā siyā nīvaraṇasampayuttā, siyā nīvaraṇavippayuttā. Rūpakkhandho na vattabbo – ‘‘nīvaraṇañceva nīvaraṇiyo cā’’ti, ‘‘nīvaraṇiyo ceva no ca nīvaraṇaṃ’’. Tayo khandhā na vattabbā – ‘‘nīvaraṇā ceva nīvaraṇiyā cā’’ti, siyā nīvaraṇiyā ceva no ca nīvaraṇā, siyā na vattabbā – ‘‘nīvaraṇiyā ceva no ca nīvaraṇā’’ti. Saṅkhārakkhandho siyā nīvaraṇañceva nīvaraṇiyo ca, siyā nīvaraṇiyo ceva no ca nīvaraṇaṃ, siyā na vattabbo – ‘‘nīvaraṇañceva nīvaraṇiyo cā’’tipi, ‘‘nīvaraṇiyo ceva no ca nīvaraṇa’’ntipi. Rūpakkhandho na vattabbo – ‘‘nīvaraṇañceva nīvaraṇasampayutto cā’’tipi, ‘‘nīvaraṇasampayutto ceva no ca nīvaraṇa’’ntipi. Tayo khandhā na vattabbā – ‘‘nīvaraṇā ceva nīvaraṇasampayuttā cā’’ti, siyā nīvaraṇasampayuttā ceva no ca nīvaraṇā, siyā na vattabbā – ‘‘nīvaraṇasampayuttā ceva no ca nīvaraṇā’’ti. Saṅkhārakkhandho siyā nīvaraṇañceva nīvaraṇasampayutto ca, siyā nīvaraṇasampayutto ceva no ca nīvaraṇaṃ, siyā na vattabbo – ‘‘nīvaraṇañceva nīvaraṇasampayutto cā’’tipi, ‘‘nīvaraṇasampayutto ceva no ca nīvaraṇa’’ntipi. Rūpakkhandho nīvaraṇavippayuttanīvaraṇiyo. Cattāro khandhā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā – ‘‘nīvaraṇavippayuttanīvaraṇiyā’’tipi, ‘‘nīvaraṇavippayuttaanīvaraṇiyā’’tipi.
จตฺตาโร ขนฺธา โน ปรามาสาฯ สงฺขารกฺขโนฺธ สิยา ปรามาโส, สิยา โน ปรามาโสฯ รูปกฺขโนฺธ ปรามโฎฺฐฯ จตฺตาโร ขนฺธา สิยา ปรามฎฺฐา, สิยา อปรามฎฺฐาฯ รูปกฺขโนฺธ ปรามาสวิปฺปยุโตฺตฯ ตโย ขนฺธา สิยา ปรามาสสมฺปยุตฺตา, สิยา ปรามาสวิปฺปยุตฺตาฯ สงฺขารกฺขโนฺธ สิยา ปรามาสสมฺปยุโตฺต, สิยา ปรามาสวิปฺปยุโตฺต, สิยา น วตฺตโพฺพ – ‘‘ปรามาสสมฺปยุโตฺต’’ติปิ, ‘‘ปรามาสวิปฺปยุโตฺต’’ติปิฯ รูปกฺขโนฺธ น วตฺตโพฺพ – ‘‘ปรามาโส เจว ปรามโฎฺฐ จา’’ติ, ‘‘ปรามโฎฺฐ เจว โน จ ปรามาโส’’ฯ ตโย ขนฺธา น วตฺตพฺพา – ‘‘ปรามาสา เจว ปรามฎฺฐา จา’’ติ, สิยา ปรามฎฺฐา เจว โน จ ปรามาสา, สิยา น วตฺตพฺพา – ‘‘ปรามฎฺฐา เจว โน จ ปรามาสา’’ติฯ สงฺขารกฺขโนฺธ สิยา ปรามาโส เจว ปรามโฎฺฐ จ, สิยา ปรามโฎฺฐ เจว โน จ ปรามาโส, สิยา น วตฺตโพฺพ – ‘‘ปรามาโส เจว ปรามโฎฺฐ จา’’ติปิ, ‘‘ปรามโฎฺฐ เจว โน จ ปรามาโส’’ติปิฯ รูปกฺขโนฺธ ปรามาสวิปฺปยุตฺตปรามโฎฺฐฯ จตฺตาโร ขนฺธา สิยา ปรามาสวิปฺปยุตฺตปรามฎฺฐา, สิยา ปรามาสวิปฺปยุตฺตอปรามฎฺฐา , สิยา น วตฺตพฺพา – ‘‘ปรามาสวิปฺปยุตฺตปรามฎฺฐา’’ติปิ, ‘‘ปรามาสวิปฺปยุตฺตอปรามฎฺฐา’’ติปิฯ
Cattāro khandhā no parāmāsā. Saṅkhārakkhandho siyā parāmāso, siyā no parāmāso. Rūpakkhandho parāmaṭṭho. Cattāro khandhā siyā parāmaṭṭhā, siyā aparāmaṭṭhā. Rūpakkhandho parāmāsavippayutto. Tayo khandhā siyā parāmāsasampayuttā, siyā parāmāsavippayuttā. Saṅkhārakkhandho siyā parāmāsasampayutto, siyā parāmāsavippayutto, siyā na vattabbo – ‘‘parāmāsasampayutto’’tipi, ‘‘parāmāsavippayutto’’tipi. Rūpakkhandho na vattabbo – ‘‘parāmāso ceva parāmaṭṭho cā’’ti, ‘‘parāmaṭṭho ceva no ca parāmāso’’. Tayo khandhā na vattabbā – ‘‘parāmāsā ceva parāmaṭṭhā cā’’ti, siyā parāmaṭṭhā ceva no ca parāmāsā, siyā na vattabbā – ‘‘parāmaṭṭhā ceva no ca parāmāsā’’ti. Saṅkhārakkhandho siyā parāmāso ceva parāmaṭṭho ca, siyā parāmaṭṭho ceva no ca parāmāso, siyā na vattabbo – ‘‘parāmāso ceva parāmaṭṭho cā’’tipi, ‘‘parāmaṭṭho ceva no ca parāmāso’’tipi. Rūpakkhandho parāmāsavippayuttaparāmaṭṭho. Cattāro khandhā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā , siyā na vattabbā – ‘‘parāmāsavippayuttaparāmaṭṭhā’’tipi, ‘‘parāmāsavippayuttaaparāmaṭṭhā’’tipi.
รูปกฺขโนฺธ อนารมฺมโณฯ จตฺตาโร ขนฺธา สารมฺมณาฯ วิญฺญาณกฺขโนฺธ จิตฺตํฯ จตฺตาโร ขนฺธา โน จิตฺตาฯ ตโย ขนฺธา เจตสิกาฯ เทฺว ขนฺธา อเจตสิกาฯ ตโย ขนฺธา จิตฺตสมฺปยุตฺตา ฯ รูปกฺขโนฺธ จิตฺตวิปฺปยุโตฺตฯ วิญฺญาณกฺขโนฺธ น วตฺตโพฺพ – ‘‘จิเตฺตน สมฺปยุโตฺต’’ติปิ, ‘‘จิเตฺตน วิปฺปยุโตฺต’’ติปิฯ ตโย ขนฺธา จิตฺตสํสฎฺฐาฯ รูปกฺขโนฺธ จิตฺตวิสํสโฎฺฐฯ วิญฺญาณกฺขโนฺธ น วตฺตโพฺพ – ‘‘จิเตฺตน สํสโฎฺฐ’’ติปิ, ‘‘จิเตฺตน วิสํสโฎฺฐ’’ติปิฯ ตโย ขนฺธา จิตฺตสมุฎฺฐานาฯ วิญฺญาณกฺขโนฺธ โน จิตฺตสมุฎฺฐาโนฯ รูปกฺขโนฺธ สิยา จิตฺตสมุฎฺฐาโน, สิยา โน จิตฺตสมุฎฺฐาโนฯ ตโย ขนฺธา จิตฺตสหภุโนฯ วิญฺญาณกฺขโนฺธ โน จิตฺตสหภูฯ รูปกฺขโนฺธ สิยา จิตฺตสหภู, สิยา โน จิตฺตสหภูฯ ตโย ขนฺธา จิตฺตานุปริวตฺติโนฯ วิญฺญาณกฺขโนฺธ โน จิตฺตานุปริวตฺติฯ รูปกฺขโนฺธ สิยา จิตฺตานุปริวตฺติ, สิยา โน จิตฺตานุปริวตฺติฯ ตโย ขนฺธา จิตฺตสํสฎฺฐสมุฎฺฐานาฯ เทฺว ขนฺธา โน จิตฺตสํสฎฺฐสมุฎฺฐานาฯ ตโย ขนฺธา จิตฺตสํสฎฺฐสมุฎฺฐานสหภุโนฯ เทฺว ขนฺธา โน จิตฺตสํสฎฺฐสมุฎฺฐานสหภุโนฯ ตโย ขนฺธา จิตฺตสํสฎฺฐสมุฎฺฐานานุปริวตฺติโนฯ เทฺว ขนฺธา โน จิตฺตสํสฎฺฐสมุฎฺฐานานุปริวตฺติโนฯ
Rūpakkhandho anārammaṇo. Cattāro khandhā sārammaṇā. Viññāṇakkhandho cittaṃ. Cattāro khandhā no cittā. Tayo khandhā cetasikā. Dve khandhā acetasikā. Tayo khandhā cittasampayuttā . Rūpakkhandho cittavippayutto. Viññāṇakkhandho na vattabbo – ‘‘cittena sampayutto’’tipi, ‘‘cittena vippayutto’’tipi. Tayo khandhā cittasaṃsaṭṭhā. Rūpakkhandho cittavisaṃsaṭṭho. Viññāṇakkhandho na vattabbo – ‘‘cittena saṃsaṭṭho’’tipi, ‘‘cittena visaṃsaṭṭho’’tipi. Tayo khandhā cittasamuṭṭhānā. Viññāṇakkhandho no cittasamuṭṭhāno. Rūpakkhandho siyā cittasamuṭṭhāno, siyā no cittasamuṭṭhāno. Tayo khandhā cittasahabhuno. Viññāṇakkhandho no cittasahabhū. Rūpakkhandho siyā cittasahabhū, siyā no cittasahabhū. Tayo khandhā cittānuparivattino. Viññāṇakkhandho no cittānuparivatti. Rūpakkhandho siyā cittānuparivatti, siyā no cittānuparivatti. Tayo khandhā cittasaṃsaṭṭhasamuṭṭhānā. Dve khandhā no cittasaṃsaṭṭhasamuṭṭhānā. Tayo khandhā cittasaṃsaṭṭhasamuṭṭhānasahabhuno. Dve khandhā no cittasaṃsaṭṭhasamuṭṭhānasahabhuno. Tayo khandhā cittasaṃsaṭṭhasamuṭṭhānānuparivattino. Dve khandhā no cittasaṃsaṭṭhasamuṭṭhānānuparivattino.
วิญฺญาณกฺขโนฺธ อชฺฌตฺติโกฯ ตโย ขนฺธา พาหิราฯ รูปกฺขโนฺธ สิยา อชฺฌตฺติโก, สิยา พาหิโรฯ จตฺตาโร ขนฺธา โน อุปาทาฯ รูปกฺขโนฺธ สิยา อุปาทา, สิยา โน อุปาทา, สิยา อุปาทินฺนา, สิยา อนุปาทินฺนาฯ จตฺตาโร ขนฺธา โน อุปาทานาฯ สงฺขารกฺขโนฺธ สิยา อุปาทานํ, สิยา โน อุปาทานํฯ รูปกฺขโนฺธ อุปาทานิโยฯ จตฺตาโร ขนฺธา สิยา อุปาทานิยา, สิยา อนุปาทานิยาฯ รูปกฺขโนฺธ อุปาทานวิปฺปยุโตฺตฯ จตฺตาโร ขนฺธา สิยา อุปาทานสมฺปยุตฺตา, สิยา อุปาทานวิปฺปยุตฺตาฯ รูปกฺขโนฺธ น วตฺตโพฺพ – ‘‘อุปาทานเญฺจว อุปาทานิโย จา’’ติ, ‘‘อุปาทานิโย เจว โน จ อุปาทานํ’’ฯ ตโย ขนฺธา น วตฺตพฺพา – ‘‘อุปาทานเญฺจว อุปาทานิยา จา’’ติ, สิยา อุปาทานิยา เจว โน จ อุปาทานา, สิยา น วตฺตพฺพา – ‘‘อุปาทานิยา เจว โน จ อุปาทานา’’ติฯ สงฺขารกฺขโนฺธ สิยา อุปาทานเญฺจว อุปาทานิโย จ, สิยา อุปาทานิโย เจว โน จ อุปาทานํ, สิยา น วตฺตโพฺพ – ‘‘อุปาทานเญฺจว อุปาทานิโย จา’’ติปิ, ‘‘อุปาทานิโย เจว โน จ อุปาทาน’’นฺติปิฯ รูปกฺขโนฺธ น วตฺตโพฺพ – ‘‘อุปาทานเญฺจว อุปาทานสมฺปยุโตฺต จา’’ติปิ, ‘‘อุปาทานสมฺปยุโตฺต เจว โน จ อุปาทาน’’นฺติปิฯ ตโย ขนฺธา น วตฺตพฺพา – ‘‘อุปาทานา เจว อุปาทานสมฺปยุตฺตา จา’’ติ, สิยา อุปาทานสมฺปยุตฺตา เจว โน จ อุปาทานา, สิยา น วตฺตพฺพา – ‘‘อุปาทานสมฺปยุตฺตา เจว โน จ อุปาทานา’’ติฯ สงฺขารกฺขโนฺธ สิยา อุปาทานเญฺจว อุปาทานสมฺปยุโตฺต จ, สิยา อุปาทานสมฺปยุโตฺต เจว โน จ อุปาทานํ, สิยา น วตฺตโพฺพ – ‘‘อุปาทานเญฺจว อุปาทานสมฺปยุโตฺต จา’’ติปิ, ‘‘อุปาทานสมฺปยุโตฺต เจว โน จ อุปาทาน’’นฺติปิฯ รูปกฺขโนฺธ อุปาทานวิปฺปยุตฺตอุปาทานิโยฯ จตฺตาโร ขนฺธา สิยา อุปาทานวิปฺปยุตฺตอุปาทานิยา, สิยา อุปาทานวิปฺปยุตฺตอนุปาทานิยา , สิยา น วตฺตพฺพา – ‘‘อุปาทานวิปฺปยุตฺตอุปาทานิยา’’ติปิ, ‘‘อุปาทานวิปฺปยุตฺตอนุปาทานิยา’’ติปิฯ
Viññāṇakkhandho ajjhattiko. Tayo khandhā bāhirā. Rūpakkhandho siyā ajjhattiko, siyā bāhiro. Cattāro khandhā no upādā. Rūpakkhandho siyā upādā, siyā no upādā, siyā upādinnā, siyā anupādinnā. Cattāro khandhā no upādānā. Saṅkhārakkhandho siyā upādānaṃ, siyā no upādānaṃ. Rūpakkhandho upādāniyo. Cattāro khandhā siyā upādāniyā, siyā anupādāniyā. Rūpakkhandho upādānavippayutto. Cattāro khandhā siyā upādānasampayuttā, siyā upādānavippayuttā. Rūpakkhandho na vattabbo – ‘‘upādānañceva upādāniyo cā’’ti, ‘‘upādāniyo ceva no ca upādānaṃ’’. Tayo khandhā na vattabbā – ‘‘upādānañceva upādāniyā cā’’ti, siyā upādāniyā ceva no ca upādānā, siyā na vattabbā – ‘‘upādāniyā ceva no ca upādānā’’ti. Saṅkhārakkhandho siyā upādānañceva upādāniyo ca, siyā upādāniyo ceva no ca upādānaṃ, siyā na vattabbo – ‘‘upādānañceva upādāniyo cā’’tipi, ‘‘upādāniyo ceva no ca upādāna’’ntipi. Rūpakkhandho na vattabbo – ‘‘upādānañceva upādānasampayutto cā’’tipi, ‘‘upādānasampayutto ceva no ca upādāna’’ntipi. Tayo khandhā na vattabbā – ‘‘upādānā ceva upādānasampayuttā cā’’ti, siyā upādānasampayuttā ceva no ca upādānā, siyā na vattabbā – ‘‘upādānasampayuttā ceva no ca upādānā’’ti. Saṅkhārakkhandho siyā upādānañceva upādānasampayutto ca, siyā upādānasampayutto ceva no ca upādānaṃ, siyā na vattabbo – ‘‘upādānañceva upādānasampayutto cā’’tipi, ‘‘upādānasampayutto ceva no ca upādāna’’ntipi. Rūpakkhandho upādānavippayuttaupādāniyo. Cattāro khandhā siyā upādānavippayuttaupādāniyā, siyā upādānavippayuttaanupādāniyā , siyā na vattabbā – ‘‘upādānavippayuttaupādāniyā’’tipi, ‘‘upādānavippayuttaanupādāniyā’’tipi.
จตฺตาโร ขนฺธา โน กิเลสาฯ สงฺขารกฺขโนฺธ สิยา กิเลโส, สิยา โน กิเลโสฯ รูปกฺขโนฺธ สํกิเลสิโกฯ จตฺตาโร ขนฺธา สิยา สํกิเลสิกา , สิยา อสํกิเลสิกาฯ รูปกฺขโนฺธ อสํกิลิโฎฺฐฯ จตฺตาโร ขนฺธา สิยา สํกิลิฎฺฐา, สิยา อสํกิลิฎฺฐาฯ รูปกฺขโนฺธ กิเลสวิปฺปยุโตฺตฯ จตฺตาโร ขนฺธา สิยา กิเลสสมฺปยุตฺตา, สิยา กิเลสวิปฺปยุตฺตาฯ รูปกฺขโนฺธ น วตฺตโพฺพ – ‘‘กิเลโส เจว สํกิเลสิโก จา’’ติ, ‘‘สํกิเลสิโก เจว โน จ กิเลโส’’ฯ ตโย ขนฺธา น วตฺตพฺพา – ‘‘กิเลสา เจว สํกิเลสิกา จา’’ติ, สิยา สํกิเลสิกา เจว โน จ กิเลสา, สิยา น วตฺตพฺพา – ‘‘สํกิเลสิกา เจว โน จ กิเลสา’’ติฯ สงฺขารกฺขโนฺธ สิยา กิเลโส เจว สํกิเลสิโก จ, สิยา สํกิเลสิโก เจว โน จ กิเลโส, สิยา น วตฺตโพฺพ – ‘‘กิเลโส เจว สํกิเลสิโก จา’’ติปิ, ‘‘สํกิเลสิโก เจว โน จ กิเลโส’’ติปิฯ รูปกฺขโนฺธ น วตฺตโพฺพ – ‘‘กิเลโส เจว สํกิลิโฎฺฐ จา’’ติปิ, ‘‘สํกิลิโฎฺฐ เจว โน จ กิเลโส’’ติปิฯ ตโย ขนฺธา น วตฺตพฺพา – ‘‘กิเลโส เจว สํกิลิฎฺฐา จา’’ติ, สิยา สํกิลิฎฺฐา เจว โน จ กิเลสา, สิยา น วตฺตพฺพา – ‘‘สํกิลิฎฺฐา เจว โน จ กิเลสา’’ติฯ สงฺขารกฺขโนฺธ สิยา กิเลโส เจว สํกิลิโฎฺฐ จ, สิยา สํกิลิโฎฺฐ เจว โน จ กิเลโส, สิยา น วตฺตโพฺพ – ‘‘กิเลโส เจว สํกิลิโฎฺฐ จา’’ติปิ, ‘‘สํกิลิโฎฺฐ เจว โน จ กิเลโส’’ติปิฯ
Cattāro khandhā no kilesā. Saṅkhārakkhandho siyā kileso, siyā no kileso. Rūpakkhandho saṃkilesiko. Cattāro khandhā siyā saṃkilesikā , siyā asaṃkilesikā. Rūpakkhandho asaṃkiliṭṭho. Cattāro khandhā siyā saṃkiliṭṭhā, siyā asaṃkiliṭṭhā. Rūpakkhandho kilesavippayutto. Cattāro khandhā siyā kilesasampayuttā, siyā kilesavippayuttā. Rūpakkhandho na vattabbo – ‘‘kileso ceva saṃkilesiko cā’’ti, ‘‘saṃkilesiko ceva no ca kileso’’. Tayo khandhā na vattabbā – ‘‘kilesā ceva saṃkilesikā cā’’ti, siyā saṃkilesikā ceva no ca kilesā, siyā na vattabbā – ‘‘saṃkilesikā ceva no ca kilesā’’ti. Saṅkhārakkhandho siyā kileso ceva saṃkilesiko ca, siyā saṃkilesiko ceva no ca kileso, siyā na vattabbo – ‘‘kileso ceva saṃkilesiko cā’’tipi, ‘‘saṃkilesiko ceva no ca kileso’’tipi. Rūpakkhandho na vattabbo – ‘‘kileso ceva saṃkiliṭṭho cā’’tipi, ‘‘saṃkiliṭṭho ceva no ca kileso’’tipi. Tayo khandhā na vattabbā – ‘‘kileso ceva saṃkiliṭṭhā cā’’ti, siyā saṃkiliṭṭhā ceva no ca kilesā, siyā na vattabbā – ‘‘saṃkiliṭṭhā ceva no ca kilesā’’ti. Saṅkhārakkhandho siyā kileso ceva saṃkiliṭṭho ca, siyā saṃkiliṭṭho ceva no ca kileso, siyā na vattabbo – ‘‘kileso ceva saṃkiliṭṭho cā’’tipi, ‘‘saṃkiliṭṭho ceva no ca kileso’’tipi.
รูปกฺขโนฺธ น วตฺตโพฺพ – ‘‘กิเลโส เจว กิเลสสมฺปยุโตฺต จา’’ติปิ, ‘‘กิเลสสมฺปยุโตฺต เจว โน จ กิเลโส’’ติปิฯ ตโย ขนฺธา น วตฺตพฺพา – ‘‘กิเลสา เจว กิเลสสมฺปยุตฺตา จา’’ติ, สิยา กิเลสสมฺปยุตฺตา เจว โน จ กิเลสา, สิยา น วตฺตพฺพา – กิเลสสมฺปยุตฺตา เจว โน จ กิเลสา’’ติฯ สงฺขารกฺขโนฺธ สิยา กิเลโส เจว กิเลสสมฺปยุโตฺต จ, สิยา กิเลสสมฺปยุโตฺต เจว โน จ กิเลโส, สิยา น วตฺตโพฺพ – ‘‘กิเลโส เจว กิเลสสมฺปยุโตฺต จา’’ติปิ, ‘‘กิเลสสมฺปยุโตฺต เจว โน จ กิเลโส’’ติปิฯ รูปกฺขโนฺธ กิเลสวิปฺปยุตฺตสํกิเลสิโกฯ จตฺตาโร ขนฺธา สิยา กิเลสวิปฺปยุตฺตสํกิเลสิกา , สิยา กิเลสวิปฺปยุตฺตอสํกิเลสิกา, สิยา น วตฺตพฺพา – ‘‘กิเลสวิปฺปยุตฺตสํกิเลสิกา’’ติปิ, ‘‘กิเลสวิปฺปยุตฺตอสํกิเลสิกา’’ติปิฯ
Rūpakkhandho na vattabbo – ‘‘kileso ceva kilesasampayutto cā’’tipi, ‘‘kilesasampayutto ceva no ca kileso’’tipi. Tayo khandhā na vattabbā – ‘‘kilesā ceva kilesasampayuttā cā’’ti, siyā kilesasampayuttā ceva no ca kilesā, siyā na vattabbā – kilesasampayuttā ceva no ca kilesā’’ti. Saṅkhārakkhandho siyā kileso ceva kilesasampayutto ca, siyā kilesasampayutto ceva no ca kileso, siyā na vattabbo – ‘‘kileso ceva kilesasampayutto cā’’tipi, ‘‘kilesasampayutto ceva no ca kileso’’tipi. Rūpakkhandho kilesavippayuttasaṃkilesiko. Cattāro khandhā siyā kilesavippayuttasaṃkilesikā , siyā kilesavippayuttaasaṃkilesikā, siyā na vattabbā – ‘‘kilesavippayuttasaṃkilesikā’’tipi, ‘‘kilesavippayuttaasaṃkilesikā’’tipi.
รูปกฺขโนฺธ น ทสฺสเนน ปหาตโพฺพฯ จตฺตาโร ขนฺธา สิยา ทสฺสเนน ปหาตพฺพา, สิยา น ทสฺสเนน ปหาตพฺพาฯ รูปกฺขโนฺธ น ภาวนาย ปหาตโพฺพ ฯ จตฺตาโร ขนฺธา สิยา ภาวนาย ปหาตพฺพา, สิยา น ภาวนาย ปหาตพฺพาฯ รูปกฺขโนฺธ น ทสฺสเนน ปหาตพฺพเหตุโกฯ จตฺตาโร ขนฺธา สิยา ทสฺสเนน ปหาตพฺพเหตุกา, สิยา น ทสฺสเนน ปหาตพฺพเหตุกาฯ รูปกฺขโนฺธ น ภาวนาย ปหาตพฺพเหตุโกฯ จตฺตาโร ขนฺธา สิยา ภาวนาย ปหาตพฺพเหตุกา, สิยา น ภาวนาย ปหาตพฺพเหตุกาฯ รูปกฺขโนฺธ อวิตโกฺกฯ จตฺตาโร ขนฺธา สิยา สวิตกฺกา, สิยา อวิตกฺกาฯ รูปกฺขโนฺธ อวิจาโรฯ จตฺตาโร ขนฺธา สิยา สวิจารา, สิยา อวิจาราฯ รูปกฺขโนฺธ อปฺปีติโก, จตฺตาโร ขนฺธา สิยา สปฺปีติกา, สิยา อปฺปีติกาฯ รูปกฺขโนฺธ น ปีติสหคโตฯ จตฺตาโร ขนฺธา สิยา ปีติสหคตา, สิยา น ปีติสหคตาฯ เทฺว ขนฺธา น สุขสหคตาฯ ตโย ขนฺธา สิยา สุขสหคตา, สิยา น สุขสหคตาฯ เทฺว ขนฺธา น อุเปกฺขาสหคตาฯ ตโย ขนฺธา สิยา อุเปกฺขาสหคตา, สิยา น อุเปกฺขาสหคตาฯ
Rūpakkhandho na dassanena pahātabbo. Cattāro khandhā siyā dassanena pahātabbā, siyā na dassanena pahātabbā. Rūpakkhandho na bhāvanāya pahātabbo . Cattāro khandhā siyā bhāvanāya pahātabbā, siyā na bhāvanāya pahātabbā. Rūpakkhandho na dassanena pahātabbahetuko. Cattāro khandhā siyā dassanena pahātabbahetukā, siyā na dassanena pahātabbahetukā. Rūpakkhandho na bhāvanāya pahātabbahetuko. Cattāro khandhā siyā bhāvanāya pahātabbahetukā, siyā na bhāvanāya pahātabbahetukā. Rūpakkhandho avitakko. Cattāro khandhā siyā savitakkā, siyā avitakkā. Rūpakkhandho avicāro. Cattāro khandhā siyā savicārā, siyā avicārā. Rūpakkhandho appītiko, cattāro khandhā siyā sappītikā, siyā appītikā. Rūpakkhandho na pītisahagato. Cattāro khandhā siyā pītisahagatā, siyā na pītisahagatā. Dve khandhā na sukhasahagatā. Tayo khandhā siyā sukhasahagatā, siyā na sukhasahagatā. Dve khandhā na upekkhāsahagatā. Tayo khandhā siyā upekkhāsahagatā, siyā na upekkhāsahagatā.
รูปกฺขโนฺธ กามาวจโรฯ จตฺตาโร ขนฺธา สิยา กามาวจรา, สิยา น กามาวจราฯ รูปกฺขโนฺธ น รูปาวจโรฯ จตฺตาโร ขนฺธา สิยา รูปาวจรา, สิยา น รูปาวจราฯ รูปกฺขโนฺธ น อรูปาวจโรฯ จตฺตาโร ขนฺธา สิยา อรูปาวจรา, สิยา น อรูปาวจราฯ รูปกฺขโนฺธ ปริยาปโนฺนฯ จตฺตาโร ขนฺธา สิยา ปริยาปนฺนา, สิยา อปริยาปนฺนาฯ รูปกฺขโนฺธ อนิยฺยานิโกฯ จตฺตาโร ขนฺธา สิยา นิยฺยานิกา, สิยา อนิยฺยานิกาฯ รูปกฺขโนฺธ อนิยโตฯ จตฺตาโร ขนฺธา สิยา นิยตา, สิยา อนิยตาฯ รูปกฺขโนฺธ สอุตฺตโรฯ จตฺตาโร ขนฺธา สิยา สอุตฺตรา, สิยา อนุตฺตราฯ รูปกฺขโนฺธ อรโณฯ จตฺตาโร ขนฺธา สิยา สรณา, สิยา อรณาติฯ
Rūpakkhandho kāmāvacaro. Cattāro khandhā siyā kāmāvacarā, siyā na kāmāvacarā. Rūpakkhandho na rūpāvacaro. Cattāro khandhā siyā rūpāvacarā, siyā na rūpāvacarā. Rūpakkhandho na arūpāvacaro. Cattāro khandhā siyā arūpāvacarā, siyā na arūpāvacarā. Rūpakkhandho pariyāpanno. Cattāro khandhā siyā pariyāpannā, siyā apariyāpannā. Rūpakkhandho aniyyāniko. Cattāro khandhā siyā niyyānikā, siyā aniyyānikā. Rūpakkhandho aniyato. Cattāro khandhā siyā niyatā, siyā aniyatā. Rūpakkhandho sauttaro. Cattāro khandhā siyā sauttarā, siyā anuttarā. Rūpakkhandho araṇo. Cattāro khandhā siyā saraṇā, siyā araṇāti.
ปญฺหาปุจฺฉกํฯ
Pañhāpucchakaṃ.
ขนฺธวิภโงฺค นิฎฺฐิโตฯ
Khandhavibhaṅgo niṭṭhito.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / สโมฺมหวิโนทนี-อฎฺฐกถา • Sammohavinodanī-aṭṭhakathā
๑. สุตฺตนฺตภาชนียวณฺณนา • 1. Suttantabhājanīyavaṇṇanā
๒. อภิธมฺมภาชนียวณฺณนา • 2. Abhidhammabhājanīyavaṇṇanā
๓. ปญฺหาปุจฺฉกวณฺณนา • 3. Pañhāpucchakavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / วิภงฺค-มูลฎีกา • Vibhaṅga-mūlaṭīkā
๑. ขนฺธวิภโงฺค • 1. Khandhavibhaṅgo
๒. อายตนวิภโงฺค • 2. Āyatanavibhaṅgo
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / วิภงฺค-อนุฎีกา • Vibhaṅga-anuṭīkā / ๑. ขนฺธวิภโงฺค • 1. Khandhavibhaṅgo
