| Library / Tipiṭaka / ತಿಪಿಟಕ • Tipiṭaka / ವಿಭಙ್ಗಪಾಳಿ • Vibhaṅgapāḷi |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಅಭಿಧಮ್ಮಪಿಟಕೇ
Abhidhammapiṭake
ವಿಭಙ್ಗಪಾಳಿ
Vibhaṅgapāḷi
೧. ಖನ್ಧವಿಭಙ್ಗೋ
1. Khandhavibhaṅgo
೧. ಸುತ್ತನ್ತಭಾಜನೀಯಂ
1. Suttantabhājanīyaṃ
೧. ಪಞ್ಚಕ್ಖನ್ಧಾ – ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ।
1. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
೧. ರೂಪಕ್ಖನ್ಧೋ
1. Rūpakkhandho
೨. ತತ್ಥ ಕತಮೋ ರೂಪಕ್ಖನ್ಧೋ? ಯಂ ಕಿಞ್ಚಿ ರೂಪಂ ಅತೀತಾನಾಗತಪಚ್ಚುಪ್ಪನ್ನಂ ಅಜ್ಝತ್ತಂ ವಾ ಬಹಿದ್ಧಾ ವಾ ಓಳಾರಿಕಂ ವಾ ಸುಖುಮಂ ವಾ ಹೀನಂ ವಾ ಪಣೀತಂ ವಾ ಯಂ ದೂರೇ ಸನ್ತಿಕೇ ವಾ, ತದೇಕಜ್ಝಂ ಅಭಿಸಞ್ಞೂಹಿತ್ವಾ ಅಭಿಸಙ್ಖಿಪಿತ್ವಾ – ಅಯಂ ವುಚ್ಚತಿ ರೂಪಕ್ಖನ್ಧೋ।
2. Tattha katamo rūpakkhandho? Yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati rūpakkhandho.
೩. ತತ್ಥ ಕತಮಂ ರೂಪಂ ಅತೀತಂ? ಯಂ ರೂಪಂ ಅತೀತಂ ನಿರುದ್ಧಂ ವಿಗತಂ ವಿಪರಿಣತಂ ಅತ್ಥಙ್ಗತಂ ಅಬ್ಭತ್ಥಙ್ಗತಂ ಉಪ್ಪಜ್ಜಿತ್ವಾ ವಿಗತಂ ಅತೀತಂ ಅತೀತಂಸೇನ ಸಙ್ಗಹಿತಂ, ಚತ್ತಾರೋ ಚ ಮಹಾಭೂತಾ ಚತುನ್ನಞ್ಚ ಮಹಾಭೂತಾನಂ ಉಪಾದಾಯರೂಪಂ – ಇದಂ ವುಚ್ಚತಿ ರೂಪಂ ಅತೀತಂ।
3. Tattha katamaṃ rūpaṃ atītaṃ? Yaṃ rūpaṃ atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ uppajjitvā vigataṃ atītaṃ atītaṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ atītaṃ.
ತತ್ಥ ಕತಮಂ ರೂಪಂ ಅನಾಗತಂ? ಯಂ ರೂಪಂ ಅಜಾತಂ ಅಭೂತಂ ಅಸಞ್ಜಾತಂ ಅನಿಬ್ಬತ್ತಂ ಅನಭಿನಿಬ್ಬತ್ತಂ ಅಪಾತುಭೂತಂ ಅನುಪ್ಪನ್ನಂ ಅಸಮುಪ್ಪನ್ನಂ ಅನುಟ್ಠಿತಂ ಅಸಮುಟ್ಠಿತಂ ಅನಾಗತಂ ಅನಾಗತಂಸೇನ ಸಙ್ಗಹಿತಂ, ಚತ್ತಾರೋ ಚ ಮಹಾಭೂತಾ ಚತುನ್ನಞ್ಚ ಮಹಾಭೂತಾನಂ ಉಪಾದಾಯರೂಪಂ – ಇದಂ ವುಚ್ಚತಿ ರೂಪಂ ಅನಾಗತಂ।
Tattha katamaṃ rūpaṃ anāgataṃ? Yaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ anuppannaṃ asamuppannaṃ anuṭṭhitaṃ asamuṭṭhitaṃ anāgataṃ anāgataṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ anāgataṃ.
ತತ್ಥ ಕತಮಂ ರೂಪಂ ಪಚ್ಚುಪ್ಪನ್ನಂ? ಯಂ ರೂಪಂ ಜಾತಂ ಭೂತಂ ಸಞ್ಜಾತಂ ನಿಬ್ಬತ್ತಂ ಅಭಿನಿಬ್ಬತ್ತಂ ಪಾತುಭೂತಂ ಉಪ್ಪನ್ನಂ ಸಮುಪ್ಪನ್ನಂ ಉಟ್ಠಿತಂ ಸಮುಟ್ಠಿತಂ ಪಚ್ಚುಪ್ಪನ್ನಂ ಪಚ್ಚುಪ್ಪನ್ನಂಸೇನ ಸಙ್ಗಹಿತಂ, ಚತ್ತಾರೋ ಚ ಮಹಾಭೂತಾ ಚತುನ್ನಞ್ಚ ಮಹಾಭೂತಾನಂ ಉಪಾದಾಯರೂಪಂ – ಇದಂ ವುಚ್ಚತಿ ರೂಪಂ ಪಚ್ಚುಪ್ಪನ್ನಂ।
Tattha katamaṃ rūpaṃ paccuppannaṃ? Yaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtaṃ uppannaṃ samuppannaṃ uṭṭhitaṃ samuṭṭhitaṃ paccuppannaṃ paccuppannaṃsena saṅgahitaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ paccuppannaṃ.
೪. ತತ್ಥ ಕತಮಂ ರೂಪಂ ಅಜ್ಝತ್ತಂ? ಯಂ ರೂಪಂ ತೇಸಂ ತೇಸಂ ಸತ್ತಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಂ ಪಾಟಿಪುಗ್ಗಲಿಕಂ ಉಪಾದಿನ್ನಂ, ಚತ್ತಾರೋ ಚ ಮಹಾಭೂತಾ ಚತುನ್ನಞ್ಚ ಮಹಾಭೂತಾನಂ ಉಪಾದಾಯರೂಪಂ – ಇದಂ ವುಚ್ಚತಿ ರೂಪಂ ಅಜ್ಝತ್ತಂ।
4. Tattha katamaṃ rūpaṃ ajjhattaṃ? Yaṃ rūpaṃ tesaṃ tesaṃ sattānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ ajjhattaṃ.
ತತ್ಥ ಕತಮಂ ರೂಪಂ ಬಹಿದ್ಧಾ? ಯಂ ರೂಪಂ ತೇಸಂ ತೇಸಂ ಪರಸತ್ತಾನಂ ಪರಪುಗ್ಗಲಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಂ ಪಾಟಿಪುಗ್ಗಲಿಕಂ ಉಪಾದಿನ್ನಂ, ಚತ್ತಾರೋ ಚ ಮಹಾಭೂತಾ ಚತುನ್ನಞ್ಚ ಮಹಾಭೂತಾನಂ ಉಪಾದಾಯರೂಪಂ – ಇದಂ ವುಚ್ಚತಿ ರೂಪಂ ಬಹಿದ್ಧಾ।
Tattha katamaṃ rūpaṃ bahiddhā? Yaṃ rūpaṃ tesaṃ tesaṃ parasattānaṃ parapuggalānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cattāro ca mahābhūtā catunnañca mahābhūtānaṃ upādāyarūpaṃ – idaṃ vuccati rūpaṃ bahiddhā.
೫. ತತ್ಥ ಕತಮಂ ರೂಪಂ ಓಳಾರಿಕಂ? ಚಕ್ಖಾಯತನಂ…ಪೇ॰… ಫೋಟ್ಠಬ್ಬಾಯತನಂ – ಇದಂ ವುಚ್ಚತಿ ರೂಪಂ ಓಳಾರಿಕಂ।
5. Tattha katamaṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ vuccati rūpaṃ oḷārikaṃ.
ತತ್ಥ ಕತಮಂ ರೂಪಂ ಸುಖುಮಂ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ 1 ಆಹಾರೋ – ಇದಂ ವುಚ್ಚತಿ ರೂಪಂ ಸುಖುಮಂ।
Tattha katamaṃ rūpaṃ sukhumaṃ? Itthindriyaṃ…pe… kabaḷīkāro 2 āhāro – idaṃ vuccati rūpaṃ sukhumaṃ.
೬. ತತ್ಥ ಕತಮಂ ರೂಪಂ ಹೀನಂ? ಯಂ ರೂಪಂ ತೇಸಂ ತೇಸಂ ಸತ್ತಾನಂ ಉಞ್ಞಾತಂ ಅವಞ್ಞಾತಂ ಹೀಳಿತಂ ಪರಿಭೂತಂ ಅಚಿತ್ತೀಕತಂ ಹೀನಂ ಹೀನಮತಂ ಹೀನಸಮ್ಮತಂ ಅನಿಟ್ಠಂ ಅಕನ್ತಂ ಅಮನಾಪಂ, ರೂಪಾ ಸದ್ದಾ ಗನ್ಧಾ ರಸಾ ಫೋಟ್ಠಬ್ಬಾ – ಇದಂ ವುಚ್ಚತಿ ರೂಪಂ ಹೀನಂ।
6. Tattha katamaṃ rūpaṃ hīnaṃ? Yaṃ rūpaṃ tesaṃ tesaṃ sattānaṃ uññātaṃ avaññātaṃ hīḷitaṃ paribhūtaṃ acittīkataṃ hīnaṃ hīnamataṃ hīnasammataṃ aniṭṭhaṃ akantaṃ amanāpaṃ, rūpā saddā gandhā rasā phoṭṭhabbā – idaṃ vuccati rūpaṃ hīnaṃ.
ತತ್ಥ ಕತಮಂ ರೂಪಂ ಪಣೀತಂ? ಯಂ ರೂಪಂ ತೇಸಂ ತೇಸಂ ಸತ್ತಾನಂ ಅನುಞ್ಞಾತಂ ಅನವಞ್ಞಾತಂ ಅಹೀಳಿತಂ ಅಪರಿಭೂತಂ ಚಿತ್ತೀಕತಂ ಪಣೀತಂ ಪಣೀತಮತಂ ಪಣೀತಸಮ್ಮತಂ ಇಟ್ಠಂ ಕನ್ತಂ ಮನಾಪಂ, ರೂಪಾ ಸದ್ದಾ ಗನ್ಧಾ ರಸಾ ಫೋಟ್ಠಬ್ಬಾ – ಇದಂ ವುಚ್ಚತಿ ರೂಪಂ ಪಣೀತಂ। ತಂ ತಂ ವಾ ಪನ ರೂಪಂ ಉಪಾದಾಯುಪಾದಾಯ ರೂಪಂ ಹೀನಂ ಪಣೀತಂ ದಟ್ಠಬ್ಬಂ।
Tattha katamaṃ rūpaṃ paṇītaṃ? Yaṃ rūpaṃ tesaṃ tesaṃ sattānaṃ anuññātaṃ anavaññātaṃ ahīḷitaṃ aparibhūtaṃ cittīkataṃ paṇītaṃ paṇītamataṃ paṇītasammataṃ iṭṭhaṃ kantaṃ manāpaṃ, rūpā saddā gandhā rasā phoṭṭhabbā – idaṃ vuccati rūpaṃ paṇītaṃ. Taṃ taṃ vā pana rūpaṃ upādāyupādāya rūpaṃ hīnaṃ paṇītaṃ daṭṭhabbaṃ.
೭. ತತ್ಥ ಕತಮಂ ರೂಪಂ ದೂರೇ? ಇತ್ಥಿನ್ದ್ರಿಯಂ…ಪೇ॰… ಕಬಳೀಕಾರೋ ಆಹಾರೋ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಅನಾಸನ್ನೇ ಅನುಪಕಟ್ಠೇ ದೂರೇ ಅಸನ್ತಿಕೇ – ಇದಂ ವುಚ್ಚತಿ ರೂಪಂ ದೂರೇ।
7. Tattha katamaṃ rūpaṃ dūre? Itthindriyaṃ…pe… kabaḷīkāro āhāro, yaṃ vā panaññampi atthi rūpaṃ anāsanne anupakaṭṭhe dūre asantike – idaṃ vuccati rūpaṃ dūre.
ತತ್ಥ ಕತಮಂ ರೂಪಂ ಸನ್ತಿಕೇ? ಚಕ್ಖಾಯತನಂ…ಪೇ॰… ಫೋಟ್ಠಬ್ಬಾಯತನಂ, ಯಂ ವಾ ಪನಞ್ಞಮ್ಪಿ ಅತ್ಥಿ ರೂಪಂ ಆಸನ್ನೇ ಉಪಕಟ್ಠೇ ಅವಿದೂರೇ ಸನ್ತಿಕೇ – ಇದಂ ವುಚ್ಚತಿ ರೂಪಂ ಸನ್ತಿಕೇ। ತಂ ತಂ ವಾ ಪನ ರೂಪಂ ಉಪಾದಾಯುಪಾದಾಯ ರೂಪಂ ದೂರೇ ಸನ್ತಿಕೇ ದಟ್ಠಬ್ಬಂ।
Tattha katamaṃ rūpaṃ santike? Cakkhāyatanaṃ…pe… phoṭṭhabbāyatanaṃ, yaṃ vā panaññampi atthi rūpaṃ āsanne upakaṭṭhe avidūre santike – idaṃ vuccati rūpaṃ santike. Taṃ taṃ vā pana rūpaṃ upādāyupādāya rūpaṃ dūre santike daṭṭhabbaṃ.
೨. ವೇದನಾಕ್ಖನ್ಧೋ
2. Vedanākkhandho
೮. ತತ್ಥ ಕತಮೋ ವೇದನಾಕ್ಖನ್ಧೋ? ಯಾ ಕಾಚಿ ವೇದನಾ ಅತೀತಾನಾಗತಪಚ್ಚುಪ್ಪನ್ನಾ ಅಜ್ಝತ್ತಾ ವಾ ಬಹಿದ್ಧಾ ವಾ ಓಳಾರಿಕಾ ವಾ ಸುಖುಮಾ ವಾ ಹೀನಾ ವಾ ಪಣೀತಾ ವಾ ಯಾ ದೂರೇ ಸನ್ತಿಕೇ ವಾ, ತದೇಕಜ್ಝಂ ಅಭಿಸಞ್ಞೂಹಿತ್ವಾ ಅಭಿಸಙ್ಖಿಪಿತ್ವಾ – ಅಯಂ ವುಚ್ಚತಿ ವೇದನಾಕ್ಖನ್ಧೋ।
8. Tattha katamo vedanākkhandho? Yā kāci vedanā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati vedanākkhandho.
೯. ತತ್ಥ ಕತಮಾ ವೇದನಾ ಅತೀತಾ? ಯಾ ವೇದನಾ ಅತೀತಾ ನಿರುದ್ಧಾ ವಿಗತಾ ವಿಪರಿಣತಾ ಅತ್ಥಙ್ಗತಾ ಅಬ್ಭತ್ಥಙ್ಗತಾ ಉಪ್ಪಜ್ಜಿತ್ವಾ ವಿಗತಾ ಅತೀತಾ ಅತೀತಂಸೇನ ಸಙ್ಗಹಿತಾ, ಸುಖಾ ವೇದನಾ ದುಕ್ಖಾ ವೇದನಾ ಅದುಕ್ಖಮಸುಖಾ ವೇದನಾ – ಅಯಂ ವುಚ್ಚತಿ ವೇದನಾ ಅತೀತಾ।
9. Tattha katamā vedanā atītā? Yā vedanā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā atītā.
ತತ್ಥ ಕತಮಾ ವೇದನಾ ಅನಾಗತಾ? ಯಾ ವೇದನಾ ಅಜಾತಾ ಅಭೂತಾ ಅಸಞ್ಜಾತಾ ಅನಿಬ್ಬತ್ತಾ ಅನಭಿನಿಬ್ಬತ್ತಾ ಅಪಾತುಭೂತಾ ಅನುಪ್ಪನ್ನಾ ಅಸಮುಪ್ಪನ್ನಾ ಅನುಟ್ಠಿತಾ ಅಸಮುಟ್ಠಿತಾ ಅನಾಗತಾ ಅನಾಗತಂಸೇನ ಸಙ್ಗಹಿತಾ, ಸುಖಾ ವೇದನಾ ದುಕ್ಖಾ ವೇದನಾ ಅದುಕ್ಖಮಸುಖಾ ವೇದನಾ – ಅಯಂ ವುಚ್ಚತಿ ವೇದನಾ ಅನಾಗತಾ।
Tattha katamā vedanā anāgatā? Yā vedanā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā anāgatā.
ತತ್ಥ ಕತಮಾ ವೇದನಾ ಪಚ್ಚುಪ್ಪನ್ನಾ? ಯಾ ವೇದನಾ ಜಾತಾ ಭೂತಾ ಸಞ್ಜಾತಾ ನಿಬ್ಬತ್ತಾ ಅಭಿನಿಬ್ಬತ್ತಾ ಪಾತುಭೂತಾ ಉಪ್ಪನ್ನಾ ಸಮುಪ್ಪನ್ನಾ ಉಟ್ಠಿತಾ ಸಮುಟ್ಠಿತಾ ಪಚ್ಚುಪ್ಪನ್ನಾ ಪಚ್ಚುಪ್ಪನ್ನಂಸೇನ ಸಙ್ಗಹಿತಾ, ಸುಖಾ ವೇದನಾ ದುಕ್ಖಾ ವೇದನಾ ಅದುಕ್ಖಮಸುಖಾ ವೇದನಾ – ಅಯಂ ವುಚ್ಚತಿ ವೇದನಾ ಪಚ್ಚುಪ್ಪನ್ನಾ।
Tattha katamā vedanā paccuppannā? Yā vedanā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, sukhā vedanā dukkhā vedanā adukkhamasukhā vedanā – ayaṃ vuccati vedanā paccuppannā.
೧೦. ತತ್ಥ ಕತಮಾ ವೇದನಾ ಅಜ್ಝತ್ತಾ? ಯಾ ವೇದನಾ ತೇಸಂ ತೇಸಂ ಸತ್ತಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಾ ಪಾಟಿಪುಗ್ಗಲಿಕಾ ಉಪಾದಿನ್ನಾ, ಸುಖಾ ವೇದನಾ ದುಕ್ಖಾ ವೇದನಾ ಅದುಕ್ಖಮಸುಖಾ ವೇದನಾ – ಅಯಂ ವುಚ್ಚತಿ ವೇದನಾ ಅಜ್ಝತ್ತಾ।
10. Tattha katamā vedanā ajjhattā? Yā vedanā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā – ayaṃ vuccati vedanā ajjhattā.
ತತ್ಥ ಕತಮಾ ವೇದನಾ ಬಹಿದ್ಧಾ? ಯಾ ವೇದನಾ ತೇಸಂ ತೇಸಂ ಪರಸತ್ತಾನಂ ಪರಪುಗ್ಗಲಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಾ ಪಾಟಿಪುಗ್ಗಲಿಕಾ ಉಪಾದಿನ್ನಾ, ಸುಖಾ ವೇದನಾ ದುಕ್ಖಾ ವೇದನಾ ಅದುಕ್ಖಮಸುಖಾ ವೇದನಾ – ಅಯಂ ವುಚ್ಚತಿ ವೇದನಾ ಬಹಿದ್ಧಾ।
Tattha katamā vedanā bahiddhā? Yā vedanā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā – ayaṃ vuccati vedanā bahiddhā.
೧೧. ತತ್ಥ ಕತಮಾ ವೇದನಾ ಓಳಾರಿಕಾ ಸುಖುಮಾ? ಅಕುಸಲಾ ವೇದನಾ ಓಳಾರಿಕಾ, ಕುಸಲಾಬ್ಯಾಕತಾ ವೇದನಾ ಸುಖುಮಾ। ಕುಸಲಾಕುಸಲಾ ವೇದನಾ ಓಳಾರಿಕಾ, ಅಬ್ಯಾಕತಾ ವೇದನಾ ಸುಖುಮಾ। ದುಕ್ಖಾ ವೇದನಾ ಓಳಾರಿಕಾ, ಸುಖಾ ಚ ಅದುಕ್ಖಮಸುಖಾ ಚ ವೇದನಾ ಸುಖುಮಾ। ಸುಖದುಕ್ಖಾ ವೇದನಾ ಓಳಾರಿಕಾ, ಅದುಕ್ಖಮಸುಖಾ ವೇದನಾ ಸುಖುಮಾ। ಅಸಮಾಪನ್ನಸ್ಸ ವೇದನಾ ಓಳಾರಿಕಾ, ಸಮಾಪನ್ನಸ್ಸ ವೇದನಾ ಸುಖುಮಾ। ಸಾಸವಾ ವೇದನಾ ಓಳಾರಿಕಾ, ಅನಾಸವಾ ವೇದನಾ ಸುಖುಮಾ। ತಂ ತಂ ವಾ ಪನ ವೇದನಂ ಉಪಾದಾಯುಪಾದಾಯ ವೇದನಾ ಓಳಾರಿಕಾ ಸುಖುಮಾ ದಟ್ಠಬ್ಬಾ।
11. Tattha katamā vedanā oḷārikā sukhumā? Akusalā vedanā oḷārikā, kusalābyākatā vedanā sukhumā. Kusalākusalā vedanā oḷārikā, abyākatā vedanā sukhumā. Dukkhā vedanā oḷārikā, sukhā ca adukkhamasukhā ca vedanā sukhumā. Sukhadukkhā vedanā oḷārikā, adukkhamasukhā vedanā sukhumā. Asamāpannassa vedanā oḷārikā, samāpannassa vedanā sukhumā. Sāsavā vedanā oḷārikā, anāsavā vedanā sukhumā. Taṃ taṃ vā pana vedanaṃ upādāyupādāya vedanā oḷārikā sukhumā daṭṭhabbā.
೧೨. ತತ್ಥ ಕತಮಾ ವೇದನಾ ಹೀನಾ ಪಣೀತಾ? ಅಕುಸಲಾ ವೇದನಾ ಹೀನಾ, ಕುಸಲಾಬ್ಯಾಕತಾ ವೇದನಾ ಪಣೀತಾ। ಕುಸಲಾಕುಸಲಾ ವೇದನಾ ಹೀನಾ, ಅಬ್ಯಾಕತಾ ವೇದನಾ ಪಣೀತಾ। ದುಕ್ಖಾ ವೇದನಾ ಹೀನಾ, ಸುಖಾ ಚ ಅದುಕ್ಖಮಸುಖಾ ಚ ವೇದನಾ ಪಣೀತಾ। ಸುಖದುಕ್ಖಾ ವೇದನಾ ಹೀನಾ, ಅದುಕ್ಖಮಸುಖಾ ವೇದನಾ ಪಣೀತಾ। ಅಸಮಾಪನ್ನಸ್ಸ ವೇದನಾ ಹೀನಾ, ಸಮಾಪನ್ನಸ್ಸ ವೇದನಾ ಪಣೀತಾ। ಸಾಸವಾ ವೇದನಾ ಹೀನಾ, ಅನಾಸವಾ ವೇದನಾ ಪಣೀತಾ। ತಂ ತಂ ವಾ ಪನ ವೇದನಂ ಉಪಾದಾಯುಪಾದಾಯ ವೇದನಾ ಹೀನಾ ಪಣೀತಾ ದಟ್ಠಬ್ಬಾ।
12. Tattha katamā vedanā hīnā paṇītā? Akusalā vedanā hīnā, kusalābyākatā vedanā paṇītā. Kusalākusalā vedanā hīnā, abyākatā vedanā paṇītā. Dukkhā vedanā hīnā, sukhā ca adukkhamasukhā ca vedanā paṇītā. Sukhadukkhā vedanā hīnā, adukkhamasukhā vedanā paṇītā. Asamāpannassa vedanā hīnā, samāpannassa vedanā paṇītā. Sāsavā vedanā hīnā, anāsavā vedanā paṇītā. Taṃ taṃ vā pana vedanaṃ upādāyupādāya vedanā hīnā paṇītā daṭṭhabbā.
೧೩. ತತ್ಥ ಕತಮಾ ವೇದನಾ ದೂರೇ? ಅಕುಸಲಾ ವೇದನಾ ಕುಸಲಾಬ್ಯಾಕತಾಹಿ ವೇದನಾಹಿ ದೂರೇ; ಕುಸಲಾಬ್ಯಾಕತಾ ವೇದನಾ ಅಕುಸಲಾಯ ವೇದನಾಯ ದೂರೇ; ಕುಸಲಾ ವೇದನಾ ಅಕುಸಲಾಬ್ಯಾಕತಾಹಿ ವೇದನಾಹಿ ದೂರೇ; ಅಕುಸಲಾಬ್ಯಾಕತಾ ವೇದನಾ ಕುಸಲಾಯ ವೇದನಾಯ ದೂರೇ; ಅಬ್ಯಾಕತಾ ವೇದನಾ ಕುಸಲಾಕುಸಲಾಹಿ ವೇದನಾಹಿ ದೂರೇ; ಕುಸಲಾಕುಸಲಾ ವೇದನಾ ಅಬ್ಯಾಕತಾಯ ವೇದನಾಯ ದೂರೇ। ದುಕ್ಖಾ ವೇದನಾ ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ದೂರೇ; ಸುಖಾ ಚ ಅದುಕ್ಖಮಸುಖಾ ಚ ವೇದನಾ ದುಕ್ಖಾಯ ವೇದನಾಯ ದೂರೇ; ಸುಖಾ ವೇದನಾ ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ದೂರೇ; ದುಕ್ಖಾ ಚ ಅದುಕ್ಖಮಸುಖಾ ಚ ವೇದನಾ ಸುಖಾಯ ವೇದನಾಯ ದೂರೇ; ಅದುಕ್ಖಮಸುಖಾ ವೇದನಾ ಸುಖದುಕ್ಖಾಹಿ ವೇದನಾಹಿ ದೂರೇ; ಸುಖದುಕ್ಖಾ ವೇದನಾ ಅದುಕ್ಖಮಸುಖಾಯ ವೇದನಾಯ ದೂರೇ। ಅಸಮಾಪನ್ನಸ್ಸ ವೇದನಾ ಸಮಾಪನ್ನಸ್ಸ ವೇದನಾಯ ದೂರೇ; ಸಮಾಪನ್ನಸ್ಸ ವೇದನಾ ಅಸಮಾಪನ್ನಸ್ಸ ವೇದನಾಯ ದೂರೇ। ಸಾಸವಾ ವೇದನಾ ಅನಾಸವಾಯ ವೇದನಾಯ ದೂರೇ; ಅನಾಸವಾ ವೇದನಾ ಸಾಸವಾಯ ವೇದನಾಯ ದೂರೇ – ಅಯಂ ವುಚ್ಚತಿ ವೇದನಾ ದೂರೇ।
13. Tattha katamā vedanā dūre? Akusalā vedanā kusalābyākatāhi vedanāhi dūre; kusalābyākatā vedanā akusalāya vedanāya dūre; kusalā vedanā akusalābyākatāhi vedanāhi dūre; akusalābyākatā vedanā kusalāya vedanāya dūre; abyākatā vedanā kusalākusalāhi vedanāhi dūre; kusalākusalā vedanā abyākatāya vedanāya dūre. Dukkhā vedanā sukhāya ca adukkhamasukhāya ca vedanāhi dūre; sukhā ca adukkhamasukhā ca vedanā dukkhāya vedanāya dūre; sukhā vedanā dukkhāya ca adukkhamasukhāya ca vedanāhi dūre; dukkhā ca adukkhamasukhā ca vedanā sukhāya vedanāya dūre; adukkhamasukhā vedanā sukhadukkhāhi vedanāhi dūre; sukhadukkhā vedanā adukkhamasukhāya vedanāya dūre. Asamāpannassa vedanā samāpannassa vedanāya dūre; samāpannassa vedanā asamāpannassa vedanāya dūre. Sāsavā vedanā anāsavāya vedanāya dūre; anāsavā vedanā sāsavāya vedanāya dūre – ayaṃ vuccati vedanā dūre.
ತತ್ಥ ಕತಮಾ ವೇದನಾ ಸನ್ತಿಕೇ? ಅಕುಸಲಾ ವೇದನಾ ಅಕುಸಲಾಯ ವೇದನಾಯ ಸನ್ತಿಕೇ; ಕುಸಲಾ ವೇದನಾ ಕುಸಲಾಯ ವೇದನಾಯ ಸನ್ತಿಕೇ; ಅಬ್ಯಾಕತಾ ವೇದನಾ ಅಬ್ಯಾಕತಾಯ ವೇದನಾಯ ಸನ್ತಿಕೇ। ದುಕ್ಖಾ ವೇದನಾ ದುಕ್ಖಾಯ ವೇದನಾಯ ಸನ್ತಿಕೇ; ಸುಖಾ ವೇದನಾ ಸುಖಾಯ ವೇದನಾಯ ಸನ್ತಿಕೇ; ಅದುಕ್ಖಮಸುಖಾ ವೇದನಾ ಅದುಕ್ಖಮಸುಖಾಯ ವೇದನಾಯ ಸನ್ತಿಕೇ । ಅಸಮಾಪನ್ನಸ್ಸ ವೇದನಾ ಅಸಮಾಪನ್ನಸ್ಸ ವೇದನಾಯ ಸನ್ತಿಕೇ; ಸಮಾಪನ್ನಸ್ಸ ವೇದನಾ ಸಮಾಪನ್ನಸ್ಸ ವೇದನಾಯ ಸನ್ತಿಕೇ। ಸಾಸವಾ ವೇದನಾ ಸಾಸವಾಯ ವೇದನಾಯ ಸನ್ತಿಕೇ; ಅನಾಸವಾ ವೇದನಾ ಅನಾಸವಾಯ ವೇದನಾಯ ಸನ್ತಿಕೇ। ಅಯಂ ವುಚ್ಚತಿ ವೇದನಾ ಸನ್ತಿಕೇ। ತಂ ತಂ ವಾ ಪನ ವೇದನಂ ಉಪಾದಾಯುಪಾದಾಯ ವೇದನಾ ದೂರೇ ಸನ್ತಿಕೇ ದಟ್ಠಬ್ಬಾ।
Tattha katamā vedanā santike? Akusalā vedanā akusalāya vedanāya santike; kusalā vedanā kusalāya vedanāya santike; abyākatā vedanā abyākatāya vedanāya santike. Dukkhā vedanā dukkhāya vedanāya santike; sukhā vedanā sukhāya vedanāya santike; adukkhamasukhā vedanā adukkhamasukhāya vedanāya santike . Asamāpannassa vedanā asamāpannassa vedanāya santike; samāpannassa vedanā samāpannassa vedanāya santike. Sāsavā vedanā sāsavāya vedanāya santike; anāsavā vedanā anāsavāya vedanāya santike. Ayaṃ vuccati vedanā santike. Taṃ taṃ vā pana vedanaṃ upādāyupādāya vedanā dūre santike daṭṭhabbā.
೩. ಸಞ್ಞಾಕ್ಖನ್ಧೋ
3. Saññākkhandho
೧೪. ತತ್ಥ ಕತಮೋ ಸಞ್ಞಾಕ್ಖನ್ಧೋ? ಯಾ ಕಾಚಿ ಸಞ್ಞಾ ಅತೀತಾನಾಗತಪಚ್ಚುಪ್ಪನ್ನಾ ಅಜ್ಝತ್ತಾ ವಾ ಬಹಿದ್ಧಾ ವಾ ಓಳಾರಿಕಾ ವಾ ಸುಖುಮಾ ವಾ ಹೀನಾ ವಾ ಪಣೀತಾ ವಾ ಯಾ ದೂರೇ ಸನ್ತಿಕೇ ವಾ ತದೇಕಜ್ಝಂ ಅಭಿಸಞ್ಞೂಹಿತ್ವಾ ಅಭಿಸಙ್ಖಿಪಿತ್ವಾ – ಅಯಂ ವುಚ್ಚತಿ ಸಞ್ಞಾಕ್ಖನ್ಧೋ।
14. Tattha katamo saññākkhandho? Yā kāci saññā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā tadekajjhaṃ abhisaññūhitvā abhisaṅkhipitvā – ayaṃ vuccati saññākkhandho.
೧೫. ತತ್ಥ ಕತಮಾ ಸಞ್ಞಾ ಅತೀತಾ? ಯಾ ಸಞ್ಞಾ ಅತೀತಾ ನಿರುದ್ಧಾ ವಿಗತಾ ವಿಪರಿಣತಾ ಅತ್ಥಙ್ಗತಾ ಅಬ್ಭತ್ಥಙ್ಗತಾ ಉಪ್ಪಜ್ಜಿತ್ವಾ ವಿಗತಾ ಅತೀತಾ ಅತೀತಂಸೇನ ಸಙ್ಗಹಿತಾ, ಚಕ್ಖುಸಮ್ಫಸ್ಸಜಾ ಸಞ್ಞಾ ಸೋತಸಮ್ಫಸ್ಸಜಾ ಸಞ್ಞಾ ಘಾನಸಮ್ಫಸ್ಸಜಾ ಸಞ್ಞಾ ಜಿವ್ಹಾಸಮ್ಫಸ್ಸಜಾ ಸಞ್ಞಾ ಕಾಯಸಮ್ಫಸ್ಸಜಾ ಸಞ್ಞಾ ಮನೋಸಮ್ಫಸ್ಸಜಾ ಸಞ್ಞಾ – ಅಯಂ ವುಚ್ಚತಿ ಸಞ್ಞಾ ಅತೀತಾ।
15. Tattha katamā saññā atītā? Yā saññā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā atītā.
ತತ್ಥ ಕತಮಾ ಸಞ್ಞಾ ಅನಾಗತಾ? ಯಾ ಸಞ್ಞಾ ಅಜಾತಾ ಅಭೂತಾ ಅಸಞ್ಜಾತಾ ಅನಿಬ್ಬತ್ತಾ ಅನಭಿನಿಬ್ಬತ್ತಾ ಅಪಾತುಭೂತಾ ಅನುಪ್ಪನ್ನಾ ಅಸಮುಪ್ಪನ್ನಾ ಅನುಟ್ಠಿತಾ ಅಸಮುಟ್ಠಿತಾ ಅನಾಗತಾ ಅನಾಗತಂಸೇನ ಸಙ್ಗಹಿತಾ, ಚಕ್ಖುಸಮ್ಫಸ್ಸಜಾ ಸಞ್ಞಾ ಸೋತಸಮ್ಫಸ್ಸಜಾ ಸಞ್ಞಾ ಘಾನಸಮ್ಫಸ್ಸಜಾ ಸಞ್ಞಾ ಜಿವ್ಹಾಸಮ್ಫಸ್ಸಜಾ ಸಞ್ಞಾ ಕಾಯಸಮ್ಫಸ್ಸಜಾ ಸಞ್ಞಾ ಮನೋಸಮ್ಫಸ್ಸಜಾ ಸಞ್ಞಾ – ಅಯಂ ವುಚ್ಚತಿ ಸಞ್ಞಾ ಅನಾಗತಾ।
Tattha katamā saññā anāgatā? Yā saññā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā anāgatā.
ತತ್ಥ ಕತಮಾ ಸಞ್ಞಾ ಪಚ್ಚುಪ್ಪನ್ನಾ? ಯಾ ಸಞ್ಞಾ ಜಾತಾ ಭೂತಾ ಸಞ್ಜಾತಾ ನಿಬ್ಬತ್ತಾ ಅಭಿನಿಬ್ಬತ್ತಾ ಪಾತುಭೂತಾ ಉಪ್ಪನ್ನಾ ಸಮುಪ್ಪನ್ನಾ ಉಟ್ಠಿತಾ ಸಮುಟ್ಠಿತಾ ಪಚ್ಚುಪ್ಪನ್ನಾ ಪಚ್ಚುಪ್ಪನ್ನಂಸೇನ ಸಙ್ಗಹಿತಾ, ಚಕ್ಖುಸಮ್ಫಸ್ಸಜಾ ಸಞ್ಞಾ ಸೋತಸಮ್ಫಸ್ಸಜಾ ಸಞ್ಞಾ ಘಾನಸಮ್ಫಸ್ಸಜಾ ಸಞ್ಞಾ ಜಿವ್ಹಾಸಮ್ಫಸ್ಸಜಾ ಸಞ್ಞಾ ಕಾಯಸಮ್ಫಸ್ಸಜಾ ಸಞ್ಞಾ ಮನೋಸಮ್ಫಸ್ಸಜಾ ಸಞ್ಞಾ – ಅಯಂ ವುಚ್ಚತಿ ಸಞ್ಞಾ ಪಚ್ಚುಪ್ಪನ್ನಾ।
Tattha katamā saññā paccuppannā? Yā saññā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā paccuppannā.
೧೬. ತತ್ಥ ಕತಮಾ ಸಞ್ಞಾ ಅಜ್ಝತ್ತಾ? ಯಾ ಸಞ್ಞಾ ತೇಸಂ ತೇಸಂ ಸತ್ತಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಾ ಪಾಟಿಪುಗ್ಗಲಿಕಾ ಉಪಾದಿನ್ನಾ, ಚಕ್ಖುಸಮ್ಫಸ್ಸಜಾ ಸಞ್ಞಾ ಸೋತಸಮ್ಫಸ್ಸಜಾ ಸಞ್ಞಾ ಘಾನಸಮ್ಫಸ್ಸಜಾ ಸಞ್ಞಾ ಜಿವ್ಹಾಸಮ್ಫಸ್ಸಜಾ ಸಞ್ಞಾ ಕಾಯಸಮ್ಫಸ್ಸಜಾ ಸಞ್ಞಾ ಮನೋಸಮ್ಫಸ್ಸಜಾ ಸಞ್ಞಾ – ಅಯಂ ವುಚ್ಚತಿ ಸಞ್ಞಾ ಅಜ್ಝತ್ತಾ।
16. Tattha katamā saññā ajjhattā? Yā saññā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā ajjhattā.
ತತ್ಥ ಕತಮಾ ಸಞ್ಞಾ ಬಹಿದ್ಧಾ? ಯಾ ಸಞ್ಞಾ ತೇಸಂ ತೇಸಂ ಪರಸತ್ತಾನಂ ಪರಪುಗ್ಗಲಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಾ ಪಾಟಿಪುಗ್ಗಲಿಕಾ ಉಪಾದಿನ್ನಾ, ಚಕ್ಖುಸಮ್ಫಸ್ಸಜಾ ಸಞ್ಞಾ ಸೋತಸಮ್ಫಸ್ಸಜಾ ಸಞ್ಞಾ ಘಾನಸಮ್ಫಸ್ಸಜಾ ಸಞ್ಞಾ ಜಿವ್ಹಾಸಮ್ಫಸ್ಸಜಾ ಸಞ್ಞಾ ಕಾಯಸಮ್ಫಸ್ಸಜಾ ಸಞ್ಞಾ ಮನೋಸಮ್ಫಸ್ಸಜಾ ಸಞ್ಞಾ – ಅಯಂ ವುಚ್ಚತಿ ಸಞ್ಞಾ ಬಹಿದ್ಧಾ।
Tattha katamā saññā bahiddhā? Yā saññā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā – ayaṃ vuccati saññā bahiddhā.
೧೭. ತತ್ಥ ಕತಮಾ ಸಞ್ಞಾ ಓಳಾರಿಕಾ ಸುಖುಮಾ? ಪಟಿಘಸಮ್ಫಸ್ಸಜಾ ಸಞ್ಞಾ ಓಳಾರಿಕಾ, ಅಧಿವಚನಸಮ್ಫಸ್ಸಜಾ ಸಞ್ಞಾ ಸುಖುಮಾ। ಅಕುಸಲಾ ಸಞ್ಞಾ ಓಳಾರಿಕಾ, ಕುಸಲಾಬ್ಯಾಕತಾ ಸಞ್ಞಾ ಸುಖುಮಾ। ಕುಸಲಾಕುಸಲಾ ಸಞ್ಞಾ ಓಳಾರಿಕಾ, ಅಬ್ಯಾಕತಾ ಸಞ್ಞಾ ಸುಖುಮಾ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಓಳಾರಿಕಾ, ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಞ್ಞಾ ಸುಖುಮಾ। ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ಸಞ್ಞಾ ಓಳಾರಿಕಾ , ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಸುಖುಮಾ। ಅಸಮಾಪನ್ನಸ್ಸ ಸಞ್ಞಾ ಓಳಾರಿಕಾ, ಸಮಾಪನ್ನಸ್ಸ ಸಞ್ಞಾ ಸುಖುಮಾ। ಸಾಸವಾ ಸಞ್ಞಾ ಓಳಾರಿಕಾ, ಅನಾಸವಾ ಸಞ್ಞಾ ಸುಖುಮಾ। ತಂ ತಂ ವಾ ಪನ ಸಞ್ಞಂ ಉಪಾದಾಯುಪಾದಾಯ ಸಞ್ಞಾ ಓಳಾರಿಕಾ ಸುಖುಮಾ ದಟ್ಠಬ್ಬಾ।
17. Tattha katamā saññā oḷārikā sukhumā? Paṭighasamphassajā saññā oḷārikā, adhivacanasamphassajā saññā sukhumā. Akusalā saññā oḷārikā, kusalābyākatā saññā sukhumā. Kusalākusalā saññā oḷārikā, abyākatā saññā sukhumā. Dukkhāya vedanāya sampayuttā saññā oḷārikā, sukhāya ca adukkhamasukhāya ca vedanāhi sampayuttā saññā sukhumā. Sukhadukkhāhi vedanāhi sampayuttā saññā oḷārikā , adukkhamasukhāya vedanāya sampayuttā saññā sukhumā. Asamāpannassa saññā oḷārikā, samāpannassa saññā sukhumā. Sāsavā saññā oḷārikā, anāsavā saññā sukhumā. Taṃ taṃ vā pana saññaṃ upādāyupādāya saññā oḷārikā sukhumā daṭṭhabbā.
೧೮. ತತ್ಥ ಕತಮಾ ಸಞ್ಞಾ ಹೀನಾ ಪಣೀತಾ? ಅಕುಸಲಾ ಸಞ್ಞಾ ಹೀನಾ, ಕುಸಲಾಬ್ಯಾಕತಾ ಸಞ್ಞಾ ಪಣೀತಾ। ಕುಸಲಾಕುಸಲಾ ಸಞ್ಞಾ ಹೀನಾ, ಅಬ್ಯಾಕತಾ ಸಞ್ಞಾ ಪಣೀತಾ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಹೀನಾ, ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಞ್ಞಾ ಪಣೀತಾ। ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ಸಞ್ಞಾ ಹೀನಾ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಪಣೀತಾ। ಅಸಮಾಪನ್ನಸ್ಸ ಸಞ್ಞಾ ಹೀನಾ, ಸಮಾಪನ್ನಸ್ಸ ಸಞ್ಞಾ ಪಣೀತಾ। ಸಾಸವಾ ಸಞ್ಞಾ ಹೀನಾ, ಅನಾಸವಾ ಸಞ್ಞಾ ಪಣೀತಾ। ತಂ ತಂ ವಾ ಪನ ಸಞ್ಞಂ ಉಪಾದಾಯುಪಾದಾಯ ಸಞ್ಞಾ ಹೀನಾ ಪಣೀತಾ ದಟ್ಠಬ್ಬಾ।
18. Tattha katamā saññā hīnā paṇītā? Akusalā saññā hīnā, kusalābyākatā saññā paṇītā. Kusalākusalā saññā hīnā, abyākatā saññā paṇītā. Dukkhāya vedanāya sampayuttā saññā hīnā, sukhāya ca adukkhamasukhāya ca vedanāhi sampayuttā saññā paṇītā. Sukhadukkhāhi vedanāhi sampayuttā saññā hīnā, adukkhamasukhāya vedanāya sampayuttā saññā paṇītā. Asamāpannassa saññā hīnā, samāpannassa saññā paṇītā. Sāsavā saññā hīnā, anāsavā saññā paṇītā. Taṃ taṃ vā pana saññaṃ upādāyupādāya saññā hīnā paṇītā daṭṭhabbā.
೧೯. ತತ್ಥ ಕತಮಾ ಸಞ್ಞಾ ದೂರೇ? ಅಕುಸಲಾ ಸಞ್ಞಾ ಕುಸಲಾಬ್ಯಾಕತಾಹಿ ಸಞ್ಞಾಹಿ ದೂರೇ; ಕುಸಲಾಬ್ಯಾಕತಾ ಸಞ್ಞಾ ಅಕುಸಲಾಯ ಸಞ್ಞಾಯ ದೂರೇ; ಕುಸಲಾ ಸಞ್ಞಾ ಅಕುಸಲಾಬ್ಯಾಕತಾಹಿ ಸಞ್ಞಾಹಿ ದೂರೇ; ಅಕುಸಲಾಬ್ಯಾಕತಾ ಸಞ್ಞಾ ಕುಸಲಾಯ ಸಞ್ಞಾಯ ದೂರೇ। ಅಬ್ಯಾಕತಾ ಸಞ್ಞಾ ಕುಸಲಾಕುಸಲಾಹಿ ಸಞ್ಞಾಹಿ ದೂರೇ; ಕುಸಲಾಕುಸಲಾ ಸಞ್ಞಾ ಅಬ್ಯಾಕತಾಯ ಸಞ್ಞಾಯ ದೂರೇ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾಹಿ ಸಞ್ಞಾಹಿ ದೂರೇ; ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಞ್ಞಾ ದುಕ್ಖಾಯ ವೇದನಾಯ ಸಮ್ಪಯುತ್ತಾಯ ಸಞ್ಞಾಯ ದೂರೇ; ಸುಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾಹಿ ಸಞ್ಞಾಹಿ ದೂರೇ; ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಞ್ಞಾ ಸುಖಾಯ ವೇದನಾಯ ಸಮ್ಪಯುತ್ತಾಯ ಸಞ್ಞಾಯ ದೂರೇ; ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾಹಿ ಸಞ್ಞಾಹಿ ದೂರೇ; ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ಸಞ್ಞಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾಯ ಸಞ್ಞಾಯ ದೂರೇ। ಅಸಮಾಪನ್ನಸ್ಸ ಸಞ್ಞಾ ಸಮಾಪನ್ನಸ್ಸ ಸಞ್ಞಾಯ ದೂರೇ; ಸಮಾಪನ್ನಸ್ಸ ಸಞ್ಞಾ ಅಸಮಾಪನ್ನಸ್ಸ ಸಞ್ಞಾಯ ದೂರೇ। ಸಾಸವಾ ಸಞ್ಞಾ ಅನಾಸವಾಯ ಸಞ್ಞಾಯ ದೂರೇ; ಅನಾಸವಾ ಸಞ್ಞಾ ಸಾಸವಾಯ ಸಞ್ಞಾಯ ದೂರೇ – ಅಯಂ ವುಚ್ಚತಿ ಸಞ್ಞಾ ದೂರೇ।
19. Tattha katamā saññā dūre? Akusalā saññā kusalābyākatāhi saññāhi dūre; kusalābyākatā saññā akusalāya saññāya dūre; kusalā saññā akusalābyākatāhi saññāhi dūre; akusalābyākatā saññā kusalāya saññāya dūre. Abyākatā saññā kusalākusalāhi saññāhi dūre; kusalākusalā saññā abyākatāya saññāya dūre. Dukkhāya vedanāya sampayuttā saññā sukhāya ca adukkhamasukhāya ca vedanāhi sampayuttāhi saññāhi dūre; sukhāya ca adukkhamasukhāya ca vedanāhi sampayuttā saññā dukkhāya vedanāya sampayuttāya saññāya dūre; sukhāya vedanāya sampayuttā saññā dukkhāya ca adukkhamasukhāya ca vedanāhi sampayuttāhi saññāhi dūre; dukkhāya ca adukkhamasukhāya ca vedanāhi sampayuttā saññā sukhāya vedanāya sampayuttāya saññāya dūre; adukkhamasukhāya vedanāya sampayuttā saññā sukhadukkhāhi vedanāhi sampayuttāhi saññāhi dūre; sukhadukkhāhi vedanāhi sampayuttā saññā adukkhamasukhāya vedanāya sampayuttāya saññāya dūre. Asamāpannassa saññā samāpannassa saññāya dūre; samāpannassa saññā asamāpannassa saññāya dūre. Sāsavā saññā anāsavāya saññāya dūre; anāsavā saññā sāsavāya saññāya dūre – ayaṃ vuccati saññā dūre.
ತತ್ಥ ಕತಮಾ ಸಞ್ಞಾ ಸನ್ತಿಕೇ? ಅಕುಸಲಾ ಸಞ್ಞಾ ಅಕುಸಲಾಯ ಸಞ್ಞಾಯ ಸನ್ತಿಕೇ; ಕುಸಲಾ ಸಞ್ಞಾ ಕುಸಲಾಯ ಸಞ್ಞಾಯ ಸನ್ತಿಕೇ; ಅಬ್ಯಾಕತಾ ಸಞ್ಞಾ ಅಬ್ಯಾಕತಾಯ ಸಞ್ಞಾಯ ಸನ್ತಿಕೇ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ದುಕ್ಖಾಯ ವೇದನಾಯ ಸಮ್ಪಯುತ್ತಾಯ ಸಞ್ಞಾಯ ಸನ್ತಿಕೇ; ಸುಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಸುಖಾಯ ವೇದನಾಯ ಸಮ್ಪಯುತ್ತಾಯ ಸಞ್ಞಾಯ ಸನ್ತಿಕೇ; ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಞ್ಞಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾಯ ಸಞ್ಞಾಯ ಸನ್ತಿಕೇ। ಅಸಮಾಪನ್ನಸ್ಸ ಸಞ್ಞಾ ಅಸಮಾಪನ್ನಸ್ಸ ಸಞ್ಞಾಯ ಸನ್ತಿಕೇ; ಸಮಾಪನ್ನಸ್ಸ ಸಞ್ಞಾ ಸಮಾಪನ್ನಸ್ಸ ಸಞ್ಞಾಯ ಸನ್ತಿಕೇ। ಸಾಸವಾ ಸಞ್ಞಾ ಸಾಸವಾಯ ಸಞ್ಞಾಯ ಸನ್ತಿಕೇ; ಅನಾಸವಾ ಸಞ್ಞಾ ಅನಾಸವಾಯ ಸಞ್ಞಾಯ ಸನ್ತಿಕೇ। ಅಯಂ ವುಚ್ಚತಿ ಸಞ್ಞಾ ಸನ್ತಿಕೇ। ತಂ ತಂ ವಾ ಪನ ಸಞ್ಞಂ ಉಪಾದಾಯುಪಾದಾಯ ಸಞ್ಞಾ ದೂರೇ ಸನ್ತಿಕೇ ದಟ್ಠಬ್ಬಾ।
Tattha katamā saññā santike? Akusalā saññā akusalāya saññāya santike; kusalā saññā kusalāya saññāya santike; abyākatā saññā abyākatāya saññāya santike. Dukkhāya vedanāya sampayuttā saññā dukkhāya vedanāya sampayuttāya saññāya santike; sukhāya vedanāya sampayuttā saññā sukhāya vedanāya sampayuttāya saññāya santike; adukkhamasukhāya vedanāya sampayuttā saññā adukkhamasukhāya vedanāya sampayuttāya saññāya santike. Asamāpannassa saññā asamāpannassa saññāya santike; samāpannassa saññā samāpannassa saññāya santike. Sāsavā saññā sāsavāya saññāya santike; anāsavā saññā anāsavāya saññāya santike. Ayaṃ vuccati saññā santike. Taṃ taṃ vā pana saññaṃ upādāyupādāya saññā dūre santike daṭṭhabbā.
೪. ಸಙ್ಖಾರಕ್ಖನ್ಧೋ
4. Saṅkhārakkhandho
೨೦. ತತ್ಥ ಕತಮೋ ಸಙ್ಖಾರಕ್ಖನ್ಧೋ? ಯೇ ಕೇಚಿ ಸಙ್ಖಾರಾ ಅತೀತಾನಾಗತಪಚ್ಚುಪ್ಪನ್ನಾ ಅಜ್ಝತ್ತಾ ವಾ ಬಹಿದ್ಧಾ ವಾ ಓಳಾರಿಕಾ ವಾ ಸುಖುಮಾ ವಾ ಹೀನಾ ವಾ ಪಣೀತಾ ವಾ ಯೇ ದೂರೇ ಸನ್ತಿಕೇ ವಾ, ತದೇಕಜ್ಝಂ ಅಭಿಸಞ್ಞೂಹಿತ್ವಾ ಅಭಿಸಙ್ಖಿಪಿತ್ವಾ – ಅಯಂ ವುಚ್ಚತಿ ಸಙ್ಖಾರಕ್ಖನ್ಧೋ।
20. Tattha katamo saṅkhārakkhandho? Ye keci saṅkhārā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā ye dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati saṅkhārakkhandho.
೨೧. ತತ್ಥ ಕತಮೇ ಸಙ್ಖಾರಾ ಅತೀತಾ? ಯೇ ಸಙ್ಖಾರಾ ಅತೀತಾ ನಿರುದ್ಧಾ ವಿಗತಾ ವಿಪರಿಣತಾ ಅತ್ಥಙ್ಗತಾ ಅಬ್ಭತ್ಥಙ್ಗತಾ ಉಪ್ಪಜ್ಜಿತ್ವಾ ವಿಗತಾ ಅತೀತಾ ಅತೀತಂಸೇನ ಸಙ್ಗಹಿತಾ, ಚಕ್ಖುಸಮ್ಫಸ್ಸಜಾ ಚೇತನಾ ಸೋತಸಮ್ಫಸ್ಸಜಾ ಚೇತನಾ ಘಾನಸಮ್ಫಸ್ಸಜಾ ಚೇತನಾ ಜಿವ್ಹಾಸಮ್ಫಸ್ಸಜಾ ಚೇತನಾ ಕಾಯಸಮ್ಫಸ್ಸಜಾ ಚೇತನಾ ಮನೋಸಮ್ಫಸ್ಸಜಾ ಚೇತನಾ – ಇಮೇ ವುಚ್ಚನ್ತಿ ಸಙ್ಖಾರಾ ಅತೀತಾ।
21. Tattha katame saṅkhārā atītā? Ye saṅkhārā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā atītā.
ತತ್ಥ ಕತಮೇ ಸಙ್ಖಾರಾ ಅನಾಗತಾ? ಯೇ ಸಙ್ಖಾರಾ ಅಜಾತಾ ಅಭೂತಾ ಅಸಞ್ಜಾತಾ ಅನಿಬ್ಬತ್ತಾ ಅನಭಿನಿಬ್ಬತ್ತಾ ಅಪಾತುಭೂತಾ ಅನುಪ್ಪನ್ನಾ ಅಸಮುಪ್ಪನ್ನಾ ಅನುಟ್ಠಿತಾ ಅಸಮುಟ್ಠಿತಾ ಅನಾಗತಾ ಅನಾಗತಂಸೇನ ಸಙ್ಗಹಿತಾ, ಚಕ್ಖುಸಮ್ಫಸ್ಸಜಾ ಚೇತನಾ ಸೋತಸಮ್ಫಸ್ಸಜಾ ಚೇತನಾ ಘಾನಸಮ್ಫಸ್ಸಜಾ ಚೇತನಾ ಜಿವ್ಹಾಸಮ್ಫಸ್ಸಜಾ ಚೇತನಾ ಕಾಯಸಮ್ಫಸ್ಸಜಾ ಚೇತನಾ ಮನೋಸಮ್ಫಸ್ಸಜಾ ಚೇತನಾ – ಇಮೇ ವುಚ್ಚನ್ತಿ ಸಙ್ಖಾರಾ ಅನಾಗತಾ।
Tattha katame saṅkhārā anāgatā? Ye saṅkhārā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā anāgatā.
ತತ್ಥ ಕತಮೇ ಸಙ್ಖಾರಾ ಪಚ್ಚುಪ್ಪನ್ನಾ? ಯೇ ಸಙ್ಖಾರಾ ಜಾತಾ ಭೂತಾ ಸಞ್ಜಾತಾ ನಿಬ್ಬತ್ತಾ ಅಭಿನಿಬ್ಬತ್ತಾ ಪಾತುಭೂತಾ ಉಪ್ಪನ್ನಾ ಸಮುಪ್ಪನ್ನಾ ಉಟ್ಠಿತಾ ಸಮುಟ್ಠಿತಾ ಪಚ್ಚುಪ್ಪನ್ನಾ ಪಚ್ಚುಪ್ಪನ್ನಂಸೇನ ಸಙ್ಗಹಿತಾ, ಚಕ್ಖುಸಮ್ಫಸ್ಸಜಾ ಚೇತನಾ ಸೋತಸಮ್ಫಸ್ಸಜಾ ಚೇತನಾ ಘಾನಸಮ್ಫಸ್ಸಜಾ ಚೇತನಾ ಜಿವ್ಹಾಸಮ್ಫಸ್ಸಜಾ ಚೇತನಾ ಕಾಯಸಮ್ಫಸ್ಸಜಾ ಚೇತನಾ ಮನೋಸಮ್ಫಸ್ಸಜಾ ಚೇತನಾ – ಇಮೇ ವುಚ್ಚನ್ತಿ ಸಙ್ಖಾರಾ ಪಚ್ಚುಪ್ಪನ್ನಾ।
Tattha katame saṅkhārā paccuppannā? Ye saṅkhārā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṃsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā paccuppannā.
೨೨. ತತ್ಥ ಕತಮೇ ಸಙ್ಖಾರಾ ಅಜ್ಝತ್ತಾ? ಯೇ ಸಙ್ಖಾರಾ ತೇಸಂ ತೇಸಂ ಸತ್ತಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಾ ಪಾಟಿಪುಗ್ಗಲಿಕಾ ಉಪಾದಿನ್ನಾ, ಚಕ್ಖುಸಮ್ಫಸ್ಸಜಾ ಚೇತನಾ ಸೋತಸಮ್ಫಸ್ಸಜಾ ಚೇತನಾ ಘಾನಸಮ್ಫಸ್ಸಜಾ ಚೇತನಾ ಜಿವ್ಹಾಸಮ್ಫಸ್ಸಜಾ ಚೇತನಾ ಕಾಯಸಮ್ಫಸ್ಸಜಾ ಚೇತನಾ ಮನೋಸಮ್ಫಸ್ಸಜಾ ಚೇತನಾ – ಇಮೇ ವುಚ್ಚನ್ತಿ ಸಙ್ಖಾರಾ ಅಜ್ಝತ್ತಾ।
22. Tattha katame saṅkhārā ajjhattā? Ye saṅkhārā tesaṃ tesaṃ sattānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā ajjhattā.
ತತ್ಥ ಕತಮೇ ಸಙ್ಖಾರಾ ಬಹಿದ್ಧಾ? ಯೇ ಸಙ್ಖಾರಾ ತೇಸಂ ತೇಸಂ ಪರಸತ್ತಾನಂ ಪರಪುಗ್ಗಲಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಾ ಪಾಟಿಪುಗ್ಗಲಿಕಾ ಉಪಾದಿನ್ನಾ, ಚಕ್ಖುಸಮ್ಫಸ್ಸಜಾ ಚೇತನಾ ಸೋತಸಮ್ಫಸ್ಸಜಾ ಚೇತನಾ ಘಾನಸಮ್ಫಸ್ಸಜಾ ಚೇತನಾ ಜಿವ್ಹಾಸಮ್ಫಸ್ಸಜಾ ಚೇತನಾ ಕಾಯಸಮ್ಫಸ್ಸಜಾ ಚೇತನಾ ಮನೋಸಮ್ಫಸ್ಸಜಾ ಚೇತನಾ – ಇಮೇ ವುಚ್ಚನ್ತಿ ಸಙ್ಖಾರಾ ಬಹಿದ್ಧಾ।
Tattha katame saṅkhārā bahiddhā? Ye saṅkhārā tesaṃ tesaṃ parasattānaṃ parapuggalānaṃ ajjhattaṃ paccattaṃ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā – ime vuccanti saṅkhārā bahiddhā.
೨೩. ತತ್ಥ ಕತಮೇ ಸಙ್ಖಾರಾ ಓಳಾರಿಕಾ ಸುಖುಮಾ? ಅಕುಸಲಾ ಸಙ್ಖಾರಾ ಓಳಾರಿಕಾ, ಕುಸಲಾಬ್ಯಾಕತಾ ಸಙ್ಖಾರಾ ಸುಖುಮಾ। ಕುಸಲಾಕುಸಲಾ ಸಙ್ಖಾರಾ ಓಳಾರಿಕಾ, ಅಬ್ಯಾಕತಾ ಸಙ್ಖಾರಾ ಸುಖುಮಾ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಓಳಾರಿಕಾ, ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ಸುಖುಮಾ। ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ಓಳಾರಿಕಾ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಸುಖುಮಾ। ಅಸಮಾಪನ್ನಸ್ಸ ಸಙ್ಖಾರಾ ಓಳಾರಿಕಾ, ಸಮಾಪನ್ನಸ್ಸ ಸಙ್ಖಾರಾ ಸುಖುಮಾ। ಸಾಸವಾ ಸಙ್ಖಾರಾ ಓಳಾರಿಕಾ, ಅನಾಸವಾ ಸಙ್ಖಾರಾ ಸುಖುಮಾ। ತೇ ತೇ ವಾ ಪನ ಸಙ್ಖಾರೇ ಉಪಾದಾಯುಪಾದಾಯ ಸಙ್ಖಾರಾ ಓಳಾರಿಕಾ ಸುಖುಮಾ ದಟ್ಠಬ್ಬಾ।
23. Tattha katame saṅkhārā oḷārikā sukhumā? Akusalā saṅkhārā oḷārikā, kusalābyākatā saṅkhārā sukhumā. Kusalākusalā saṅkhārā oḷārikā, abyākatā saṅkhārā sukhumā. Dukkhāya vedanāya sampayuttā saṅkhārā oḷārikā, sukhāya ca adukkhamasukhāya ca vedanāhi sampayuttā saṅkhārā sukhumā. Sukhadukkhāhi vedanāhi sampayuttā saṅkhārā oḷārikā, adukkhamasukhāya vedanāya sampayuttā saṅkhārā sukhumā. Asamāpannassa saṅkhārā oḷārikā, samāpannassa saṅkhārā sukhumā. Sāsavā saṅkhārā oḷārikā, anāsavā saṅkhārā sukhumā. Te te vā pana saṅkhāre upādāyupādāya saṅkhārā oḷārikā sukhumā daṭṭhabbā.
೨೪. ತತ್ಥ ಕತಮೇ ಸಙ್ಖಾರಾ ಹೀನಾ ಪಣೀತಾ? ಅಕುಸಲಾ ಸಙ್ಖಾರಾ ಹೀನಾ, ಕುಸಲಾಬ್ಯಾಕತಾ ಸಙ್ಖಾರಾ ಪಣೀತಾ। ಕುಸಲಾಕುಸಲಾ ಸಙ್ಖಾರಾ ಹೀನಾ, ಅಬ್ಯಾಕತಾ ಸಙ್ಖಾರಾ ಪಣೀತಾ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಹೀನಾ , ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ಪಣೀತಾ। ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ಹೀನಾ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಪಣೀತಾ। ಅಸಮಾಪನ್ನಸ್ಸ ಸಙ್ಖಾರಾ ಹೀನಾ, ಸಮಾಪನ್ನಸ್ಸ ಸಙ್ಖಾರಾ ಪಣೀತಾ। ಸಾಸವಾ ಸಙ್ಖಾರಾ ಹೀನಾ, ಅನಾಸವಾ ಸಙ್ಖಾರಾ ಪಣೀತಾ। ತೇ ತೇ ವಾ ಪನ ಸಙ್ಖಾರೇ ಉಪಾದಾಯುಪಾದಾಯ ಸಙ್ಖಾರಾ ಹೀನಾ ಪಣೀತಾ ದಟ್ಠಬ್ಬಾ।
24. Tattha katame saṅkhārā hīnā paṇītā? Akusalā saṅkhārā hīnā, kusalābyākatā saṅkhārā paṇītā. Kusalākusalā saṅkhārā hīnā, abyākatā saṅkhārā paṇītā. Dukkhāya vedanāya sampayuttā saṅkhārā hīnā , sukhāya ca adukkhamasukhāya ca vedanāhi sampayuttā saṅkhārā paṇītā. Sukhadukkhāhi vedanāhi sampayuttā saṅkhārā hīnā, adukkhamasukhāya vedanāya sampayuttā saṅkhārā paṇītā. Asamāpannassa saṅkhārā hīnā, samāpannassa saṅkhārā paṇītā. Sāsavā saṅkhārā hīnā, anāsavā saṅkhārā paṇītā. Te te vā pana saṅkhāre upādāyupādāya saṅkhārā hīnā paṇītā daṭṭhabbā.
೨೫. ತತ್ಥ ಕತಮೇ ಸಙ್ಖಾರಾ ದೂರೇ? ಅಕುಸಲಾ ಸಙ್ಖಾರಾ ಕುಸಲಾಬ್ಯಾಕತೇಹಿ ಸಙ್ಖಾರೇಹಿ ದೂರೇ; ಕುಸಲಾಬ್ಯಾಕತಾ ಸಙ್ಖಾರಾ ಅಕುಸಲೇಹಿ ಸಙ್ಖಾರೇಹಿ ದೂರೇ; ಕುಸಲಾ ಸಙ್ಖಾರಾ ಅಕುಸಲಾಬ್ಯಾಕತೇಹಿ ಸಙ್ಖಾರೇಹಿ ದೂರೇ; ಅಕುಸಲಾಬ್ಯಾಕತಾ ಸಙ್ಖಾರಾ ಕುಸಲೇಹಿ ಸಙ್ಖಾರೇಹಿ ದೂರೇ; ಅಬ್ಯಾಕತಾ ಸಙ್ಖಾರಾ ಕುಸಲಾಕುಸಲೇಹಿ ಸಙ್ಖಾರೇಹಿ ದೂರೇ; ಕುಸಲಾಕುಸಲಾ ಸಙ್ಖಾರಾ ಅಬ್ಯಾಕತೇಹಿ ಸಙ್ಖಾರೇಹಿ ದೂರೇ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತೇಹಿ ಸಙ್ಖಾರೇಹಿ ದೂರೇ; ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ದುಕ್ಖಾಯ ವೇದನಾಯ ಸಮ್ಪಯುತ್ತೇಹಿ ಸಙ್ಖಾರೇಹಿ ದೂರೇ; ಸುಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತೇಹಿ ಸಙ್ಖಾರೇಹಿ ದೂರೇ; ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ಸುಖಾಯ ವೇದನಾಯ ಸಮ್ಪಯುತ್ತೇಹಿ ಸಙ್ಖಾರೇಹಿ ದೂರೇ; ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತೇಹಿ ಸಙ್ಖಾರೇಹಿ ದೂರೇ; ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ಸಙ್ಖಾರಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೇಹಿ ಸಙ್ಖಾರೇಹಿ ದೂರೇ । ಅಸಮಾಪನ್ನಸ್ಸ ಸಙ್ಖಾರಾ ಸಮಾಪನ್ನಸ್ಸ ಸಙ್ಖಾರೇಹಿ ದೂರೇ; ಸಮಾಪನ್ನಸ್ಸ ಸಙ್ಖಾರಾ ಅಸಮಾಪನ್ನಸ್ಸ ಸಙ್ಖಾರೇಹಿ ದೂರೇ। ಸಾಸವಾ ಸಙ್ಖಾರಾ ಅನಾಸವೇಹಿ ಸಙ್ಖಾರೇಹಿ ದೂರೇ; ಅನಾಸವಾ ಸಙ್ಖಾರಾ ಸಾಸವೇಹಿ ಸಙ್ಖಾರೇಹಿ ದೂರೇ। ಇಮೇ ವುಚ್ಚನ್ತಿ ಸಙ್ಖಾರಾ ದೂರೇ।
25. Tattha katame saṅkhārā dūre? Akusalā saṅkhārā kusalābyākatehi saṅkhārehi dūre; kusalābyākatā saṅkhārā akusalehi saṅkhārehi dūre; kusalā saṅkhārā akusalābyākatehi saṅkhārehi dūre; akusalābyākatā saṅkhārā kusalehi saṅkhārehi dūre; abyākatā saṅkhārā kusalākusalehi saṅkhārehi dūre; kusalākusalā saṅkhārā abyākatehi saṅkhārehi dūre. Dukkhāya vedanāya sampayuttā saṅkhārā sukhāya ca adukkhamasukhāya ca vedanāhi sampayuttehi saṅkhārehi dūre; sukhāya ca adukkhamasukhāya ca vedanāhi sampayuttā saṅkhārā dukkhāya vedanāya sampayuttehi saṅkhārehi dūre; sukhāya vedanāya sampayuttā saṅkhārā dukkhāya ca adukkhamasukhāya ca vedanāhi sampayuttehi saṅkhārehi dūre; dukkhāya ca adukkhamasukhāya ca vedanāhi sampayuttā saṅkhārā sukhāya vedanāya sampayuttehi saṅkhārehi dūre; adukkhamasukhāya vedanāya sampayuttā saṅkhārā sukhadukkhāhi vedanāhi sampayuttehi saṅkhārehi dūre; sukhadukkhāhi vedanāhi sampayuttā saṅkhārā adukkhamasukhāya vedanāya sampayuttehi saṅkhārehi dūre . Asamāpannassa saṅkhārā samāpannassa saṅkhārehi dūre; samāpannassa saṅkhārā asamāpannassa saṅkhārehi dūre. Sāsavā saṅkhārā anāsavehi saṅkhārehi dūre; anāsavā saṅkhārā sāsavehi saṅkhārehi dūre. Ime vuccanti saṅkhārā dūre.
ತತ್ಥ ಕತಮೇ ಸಙ್ಖಾರಾ ಸನ್ತಿಕೇ? ಅಕುಸಲಾ ಸಙ್ಖಾರಾ ಅಕುಸಲಾನಂ ಸಙ್ಖಾರಾನಂ ಸನ್ತಿಕೇ; ಕುಸಲಾ ಸಙ್ಖಾರಾ ಕುಸಲಾನಂ ಸಙ್ಖಾರಾನಂ ಸನ್ತಿಕೇ; ಅಬ್ಯಾಕತಾ ಸಙ್ಖಾರಾ ಅಬ್ಯಾಕತಾನಂ ಸಙ್ಖಾರಾನಂ ಸನ್ತಿಕೇ। ದುಕ್ಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ದುಕ್ಖಾಯ ವೇದನಾಯ ಸಮ್ಪಯುತ್ತಾನಂ ಸಙ್ಖಾರಾನಂ ಸನ್ತಿಕೇ; ಸುಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಸುಖಾಯ ವೇದನಾಯ ಸಮ್ಪಯುತ್ತಾನಂ ಸಙ್ಖಾರಾನಂ ಸನ್ತಿಕೇ; ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಸಙ್ಖಾರಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾನಂ ಸಙ್ಖಾರಾನಂ ಸನ್ತಿಕೇ। ಅಸಮಾಪನ್ನಸ್ಸ ಸಙ್ಖಾರಾ ಅಸಮಾಪನ್ನಸ್ಸ ಸಙ್ಖಾರಾನಂ ಸನ್ತಿಕೇ; ಸಮಾಪನ್ನಸ್ಸ ಸಙ್ಖಾರಾ ಸಮಾಪನ್ನಸ್ಸ ಸಙ್ಖಾರಾನಂ ಸನ್ತಿಕೇ। ಸಾಸವಾ ಸಙ್ಖಾರಾ ಸಾಸವಾನಂ ಸಙ್ಖಾರಾನಂ ಸನ್ತಿಕೇ; ಅನಾಸವಾ ಸಙ್ಖಾರಾ ಅನಾಸವಾನಂ ಸಙ್ಖಾರಾನಂ ಸನ್ತಿಕೇ। ಇಮೇ ವುಚ್ಚನ್ತಿ ಸಙ್ಖಾರಾ ಸನ್ತಿಕೇ। ತೇ ತೇ ವಾ ಪನ ಸಙ್ಖಾರೇ ಉಪಾದಾಯುಪಾದಾಯ ಸಙ್ಖಾರಾ ದೂರೇ ಸನ್ತಿಕೇ ದಟ್ಠಬ್ಬಾ।
Tattha katame saṅkhārā santike? Akusalā saṅkhārā akusalānaṃ saṅkhārānaṃ santike; kusalā saṅkhārā kusalānaṃ saṅkhārānaṃ santike; abyākatā saṅkhārā abyākatānaṃ saṅkhārānaṃ santike. Dukkhāya vedanāya sampayuttā saṅkhārā dukkhāya vedanāya sampayuttānaṃ saṅkhārānaṃ santike; sukhāya vedanāya sampayuttā saṅkhārā sukhāya vedanāya sampayuttānaṃ saṅkhārānaṃ santike; adukkhamasukhāya vedanāya sampayuttā saṅkhārā adukkhamasukhāya vedanāya sampayuttānaṃ saṅkhārānaṃ santike. Asamāpannassa saṅkhārā asamāpannassa saṅkhārānaṃ santike; samāpannassa saṅkhārā samāpannassa saṅkhārānaṃ santike. Sāsavā saṅkhārā sāsavānaṃ saṅkhārānaṃ santike; anāsavā saṅkhārā anāsavānaṃ saṅkhārānaṃ santike. Ime vuccanti saṅkhārā santike. Te te vā pana saṅkhāre upādāyupādāya saṅkhārā dūre santike daṭṭhabbā.
೫. ವಿಞ್ಞಾಣಕ್ಖನ್ಧೋ
5. Viññāṇakkhandho
೨೬. ತತ್ಥ ಕತಮೋ ವಿಞ್ಞಾಣಕ್ಖನ್ಧೋ? ಯಂ ಕಿಞ್ಚಿ ವಿಞ್ಞಾಣಂ ಅತೀತಾನಾಗತಪಚ್ಚುಪ್ಪನ್ನಂ ಅಜ್ಝತ್ತಂ ವಾ ಬಹಿದ್ಧಾ ವಾ ಓಳಾರಿಕಂ ವಾ ಸುಖುಮಂ ವಾ ಹೀನಂ ವಾ ಪಣೀತಂ ವಾ ಯಂ ದೂರೇ ಸನ್ತಿಕೇ ವಾ, ತದೇಕಜ್ಝಂ ಅಭಿಸಞ್ಞೂಹಿತ್ವಾ ಅಭಿಸಙ್ಖಿಪಿತ್ವಾ – ಅಯಂ ವುಚ್ಚತಿ ವಿಞ್ಞಾಣಕ್ಖನ್ಧೋ।
26. Tattha katamo viññāṇakkhandho? Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, tadekajjhaṃ abhisaññūhitvā abhisaṅkhipitvā – ayaṃ vuccati viññāṇakkhandho.
೨೭. ತತ್ಥ ಕತಮಂ ವಿಞ್ಞಾಣಂ ಅತೀತಂ? ಯಂ ವಿಞ್ಞಾಣಂ ಅತೀತಂ ನಿರುದ್ಧಂ ವಿಗತಂ ವಿಪರಿಣತಂ ಅತ್ಥಙ್ಗತಂ ಅಬ್ಭತ್ಥಙ್ಗತಂ ಉಪ್ಪಜ್ಜಿತ್ವಾ ವಿಗತಂ ಅತೀತಂ ಅತೀತಂಸೇನ ಸಙ್ಗಹಿತಂ, ಚಕ್ಖುವಿಞ್ಞಾಣಂ ಸೋತವಿಞ್ಞಾಣಂ ಘಾನವಿಞ್ಞಾಣಂ ಜಿವ್ಹಾವಿಞ್ಞಾಣಂ ಕಾಯವಿಞ್ಞಾಣಂ ಮನೋವಿಞ್ಞಾಣಂ – ಇದಂ ವುಚ್ಚತಿ ವಿಞ್ಞಾಣಂ ಅತೀತಂ।
27. Tattha katamaṃ viññāṇaṃ atītaṃ? Yaṃ viññāṇaṃ atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ uppajjitvā vigataṃ atītaṃ atītaṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ atītaṃ.
ತತ್ಥ ಕತಮಂ ವಿಞ್ಞಾಣಂ ಅನಾಗತಂ? ಯಂ ವಿಞ್ಞಾಣಂ ಅಜಾತಂ ಅಭೂತಂ ಅಸಞ್ಜಾತಂ ಅನಿಬ್ಬತ್ತಂ ಅನಭಿನಿಬ್ಬತ್ತಂ ಅಪಾತುಭೂತಂ ಅನುಪ್ಪನ್ನಂ ಅಸಮುಪ್ಪನ್ನಂ ಅನುಟ್ಠಿತಂ ಅಸಮುಟ್ಠಿತಂ ಅನಾಗತಂ ಅನಾಗತಂಸೇನ ಸಙ್ಗಹಿತಂ, ಚಕ್ಖುವಿಞ್ಞಾಣಂ ಸೋತವಿಞ್ಞಾಣಂ ಘಾನವಿಞ್ಞಾಣಂ ಜಿವ್ಹಾವಿಞ್ಞಾಣಂ ಕಾಯವಿಞ್ಞಾಣಂ ಮನೋವಿಞ್ಞಾಣಂ – ಇದಂ ವುಚ್ಚತಿ ವಿಞ್ಞಾಣಂ ಅನಾಗತಂ।
Tattha katamaṃ viññāṇaṃ anāgataṃ? Yaṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ anuppannaṃ asamuppannaṃ anuṭṭhitaṃ asamuṭṭhitaṃ anāgataṃ anāgataṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ anāgataṃ.
ತತ್ಥ ಕತಮಂ ವಿಞ್ಞಾಣಂ ಪಚ್ಚುಪ್ಪನ್ನಂ? ಯಂ ವಿಞ್ಞಾಣಂ ಜಾತಂ ಭೂತಂ ಸಞ್ಜಾತಂ ನಿಬ್ಬತ್ತಂ ಅಭಿನಿಬ್ಬತ್ತಂ ಪಾತುಭೂತಂ ಉಪ್ಪನ್ನಂ ಸಮುಪ್ಪನ್ನಂ ಉಟ್ಠಿತಂ ಸಮುಟ್ಠಿತಂ ಪಚ್ಚುಪ್ಪನ್ನಂ ಪಚ್ಚುಪ್ಪನ್ನಂಸೇನ ಸಙ್ಗಹಿತಂ, ಚಕ್ಖುವಿಞ್ಞಾಣಂ ಸೋತವಿಞ್ಞಾಣಂ ಘಾನವಿಞ್ಞಾಣಂ ಜಿವ್ಹಾವಿಞ್ಞಾಣಂ ಕಾಯವಿಞ್ಞಾಣಂ ಮನೋವಿಞ್ಞಾಣಂ – ಇದಂ ವುಚ್ಚತಿ ವಿಞ್ಞಾಣಂ ಪಚ್ಚುಪ್ಪನ್ನಂ।
Tattha katamaṃ viññāṇaṃ paccuppannaṃ? Yaṃ viññāṇaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtaṃ uppannaṃ samuppannaṃ uṭṭhitaṃ samuṭṭhitaṃ paccuppannaṃ paccuppannaṃsena saṅgahitaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ paccuppannaṃ.
೨೮. ತತ್ಥ ಕತಮಂ ವಿಞ್ಞಾಣಂ ಅಜ್ಝತ್ತಂ? ಯಂ ವಿಞ್ಞಾಣಂ ತೇಸಂ ತೇಸಂ ಸತ್ತಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಂ ಪಾಟಿಪುಗ್ಗಲಿಕಂ ಉಪಾದಿನ್ನಂ, ಚಕ್ಖುವಿಞ್ಞಾಣಂ ಸೋತವಿಞ್ಞಾಣಂ ಘಾನವಿಞ್ಞಾಣಂ ಜಿವ್ಹಾವಿಞ್ಞಾಣಂ ಕಾಯವಿಞ್ಞಾಣಂ ಮನೋವಿಞ್ಞಾಣಂ – ಇದಂ ವುಚ್ಚತಿ ವಿಞ್ಞಾಣಂ ಅಜ್ಝತ್ತಂ।
28. Tattha katamaṃ viññāṇaṃ ajjhattaṃ? Yaṃ viññāṇaṃ tesaṃ tesaṃ sattānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ ajjhattaṃ.
ತತ್ಥ ಕತಮಂ ವಿಞ್ಞಾಣಂ ಬಹಿದ್ಧಾ? ಯಂ ವಿಞ್ಞಾಣಂ ತೇಸಂ ತೇಸಂ ಪರಸತ್ತಾನಂ ಪರಪುಗ್ಗಲಾನಂ ಅಜ್ಝತ್ತಂ ಪಚ್ಚತ್ತಂ ನಿಯಕಂ ಪಾಟಿಪುಗ್ಗಲಿಕಂ ಉಪಾದಿನ್ನಂ, ಚಕ್ಖುವಿಞ್ಞಾಣಂ ಸೋತವಿಞ್ಞಾಣಂ ಘಾನವಿಞ್ಞಾಣಂ ಜಿವ್ಹಾವಿಞ್ಞಾಣಂ ಕಾಯವಿಞ್ಞಾಣಂ ಮನೋವಿಞ್ಞಾಣಂ – ಇದಂ ವುಚ್ಚತಿ ವಿಞ್ಞಾಣಂ ಬಹಿದ್ಧಾ।
Tattha katamaṃ viññāṇaṃ bahiddhā? Yaṃ viññāṇaṃ tesaṃ tesaṃ parasattānaṃ parapuggalānaṃ ajjhattaṃ paccattaṃ niyakaṃ pāṭipuggalikaṃ upādinnaṃ, cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – idaṃ vuccati viññāṇaṃ bahiddhā.
೨೯. ತತ್ಥ ಕತಮಂ ವಿಞ್ಞಾಣಂ ಓಳಾರಿಕಂ ಸುಖುಮಂ? ಅಕುಸಲಂ ವಿಞ್ಞಾಣಂ ಓಳಾರಿಕಂ, ಕುಸಲಾಬ್ಯಾಕತಾ ವಿಞ್ಞಾಣಾ ಸುಖುಮಾ। ಕುಸಲಾಕುಸಲಾ ವಿಞ್ಞಾಣಾ ಓಳಾರಿಕಾ , ಅಬ್ಯಾಕತಂ ವಿಞ್ಞಾಣಂ ಸುಖುಮಂ। ದುಕ್ಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಓಳಾರಿಕಂ, ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ಸುಖುಮಾ। ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ಓಳಾರಿಕಾ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಸುಖುಮಂ। ಅಸಮಾಪನ್ನಸ್ಸ ವಿಞ್ಞಾಣಂ ಓಳಾರಿಕಂ, ಸಮಾಪನ್ನಸ್ಸ ವಿಞ್ಞಾಣಂ ಸುಖುಮಂ। ಸಾಸವಂ ವಿಞ್ಞಾಣಂ ಓಳಾರಿಕಂ, ಅನಾಸವಂ ವಿಞ್ಞಾಣಂ ಸುಖುಮಂ। ತಂ ತಂ ವಾ ಪನ ವಿಞ್ಞಾಣಂ ಉಪಾದಾಯುಪಾದಾಯ ವಿಞ್ಞಾಣಂ ಓಳಾರಿಕಂ ಸುಖುಮಂ ದಟ್ಠಬ್ಬಂ।
29. Tattha katamaṃ viññāṇaṃ oḷārikaṃ sukhumaṃ? Akusalaṃ viññāṇaṃ oḷārikaṃ, kusalābyākatā viññāṇā sukhumā. Kusalākusalā viññāṇā oḷārikā , abyākataṃ viññāṇaṃ sukhumaṃ. Dukkhāya vedanāya sampayuttaṃ viññāṇaṃ oḷārikaṃ, sukhāya ca adukkhamasukhāya ca vedanāhi sampayuttā viññāṇā sukhumā. Sukhadukkhāhi vedanāhi sampayuttā viññāṇā oḷārikā, adukkhamasukhāya vedanāya sampayuttaṃ viññāṇaṃ sukhumaṃ. Asamāpannassa viññāṇaṃ oḷārikaṃ, samāpannassa viññāṇaṃ sukhumaṃ. Sāsavaṃ viññāṇaṃ oḷārikaṃ, anāsavaṃ viññāṇaṃ sukhumaṃ. Taṃ taṃ vā pana viññāṇaṃ upādāyupādāya viññāṇaṃ oḷārikaṃ sukhumaṃ daṭṭhabbaṃ.
೩೦. ತತ್ಥ ಕತಮಂ ವಿಞ್ಞಾಣಂ ಹೀನಂ ಪಣೀತಂ? ಅಕುಸಲಂ ವಿಞ್ಞಾಣಂ ಹೀನಂ, ಕುಸಲಾಬ್ಯಾಕತಾ ವಿಞ್ಞಾಣಾ ಪಣೀತಾ । ಕುಸಲಾಕುಸಲಾ ವಿಞ್ಞಾಣಾ ಹೀನಾ, ಅಬ್ಯಾಕತಂ ವಿಞ್ಞಾಣಂ ಪಣೀತಂ। ದುಕ್ಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಹೀನಂ, ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ಪಣೀತಾ। ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ಹೀನಾ, ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಪಣೀತಂ। ಅಸಮಾಪನ್ನಸ್ಸ ವಿಞ್ಞಾಣಂ ಹೀನಂ, ಸಮಾಪನ್ನಸ್ಸ ವಿಞ್ಞಾಣಂ ಪಣೀತಂ। ಸಾಸವಂ ವಿಞ್ಞಾಣಂ ಹೀನಂ, ಅನಾಸವಂ ವಿಞ್ಞಾಣಂ ಪಣೀತಂ। ತಂ ತಂ ವಾ ಪನ ವಿಞ್ಞಾಣಂ ಉಪಾದಾಯುಪಾದಾಯ ವಿಞ್ಞಾಣಂ ಹೀನಂ ಪಣೀತಂ ದಟ್ಠಬ್ಬಂ।
30. Tattha katamaṃ viññāṇaṃ hīnaṃ paṇītaṃ? Akusalaṃ viññāṇaṃ hīnaṃ, kusalābyākatā viññāṇā paṇītā . Kusalākusalā viññāṇā hīnā, abyākataṃ viññāṇaṃ paṇītaṃ. Dukkhāya vedanāya sampayuttaṃ viññāṇaṃ hīnaṃ, sukhāya ca adukkhamasukhāya ca vedanāhi sampayuttā viññāṇā paṇītā. Sukhadukkhāhi vedanāhi sampayuttā viññāṇā hīnā, adukkhamasukhāya vedanāya sampayuttaṃ viññāṇaṃ paṇītaṃ. Asamāpannassa viññāṇaṃ hīnaṃ, samāpannassa viññāṇaṃ paṇītaṃ. Sāsavaṃ viññāṇaṃ hīnaṃ, anāsavaṃ viññāṇaṃ paṇītaṃ. Taṃ taṃ vā pana viññāṇaṃ upādāyupādāya viññāṇaṃ hīnaṃ paṇītaṃ daṭṭhabbaṃ.
೩೧. ತತ್ಥ ಕತಮಂ ವಿಞ್ಞಾಣಂ ದೂರೇ? ಅಕುಸಲಂ ವಿಞ್ಞಾಣಂ ಕುಸಲಾಬ್ಯಾಕತೇಹಿ ವಿಞ್ಞಾಣೇಹಿ ದೂರೇ; ಕುಸಲಾಬ್ಯಾಕತಾ ವಿಞ್ಞಾಣಾ ಅಕುಸಲಾ ವಿಞ್ಞಾಣಾ ದೂರೇ; ಕುಸಲಂ ವಿಞ್ಞಾಣಂ ಅಕುಸಲಾಬ್ಯಾಕತೇಹಿ ವಿಞ್ಞಾಣೇಹಿ ದೂರೇ; ಅಕುಸಲಾಬ್ಯಾಕತಾ ವಿಞ್ಞಾಣಾ ಕುಸಲಾ ವಿಞ್ಞಾಣಾ ದೂರೇ; ಅಬ್ಯಾಕತಂ ವಿಞ್ಞಾಣಂ ಕುಸಲಾಕುಸಲೇಹಿ ವಿಞ್ಞಾಣೇಹಿ ದೂರೇ; ಕುಸಲಾಕುಸಲಾ ವಿಞ್ಞಾಣಾ ಅಬ್ಯಾಕತಾ ವಿಞ್ಞಾಣಾ ದೂರೇ। ದುಕ್ಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತೇಹಿ ವಿಞ್ಞಾಣೇಹಿ ದೂರೇ; ಸುಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ ವಿಞ್ಞಾಣಾ ದೂರೇ; ಸುಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತೇಹಿ ವಿಞ್ಞಾಣೇಹಿ ದೂರೇ; ದುಕ್ಖಾಯ ಚ ಅದುಕ್ಖಮಸುಖಾಯ ಚ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ಸುಖಾಯ ವೇದನಾಯ ಸಮ್ಪಯುತ್ತಾ ವಿಞ್ಞಾಣಾ ದೂರೇ; ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತೇಹಿ ವಿಞ್ಞಾಣೇಹಿ ದೂರೇ; ಸುಖದುಕ್ಖಾಹಿ ವೇದನಾಹಿ ಸಮ್ಪಯುತ್ತಾ ವಿಞ್ಞಾಣಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ವಿಞ್ಞಾಣಾ ದೂರೇ। ಅಸಮಾಪನ್ನಸ್ಸ ವಿಞ್ಞಾಣಂ ಸಮಾಪನ್ನಸ್ಸ ವಿಞ್ಞಾಣಾ ದೂರೇ; ಸಮಾಪನ್ನಸ್ಸ ವಿಞ್ಞಾಣಂ ಅಸಮಾಪನ್ನಸ್ಸ ವಿಞ್ಞಾಣಾ ದೂರೇ। ಸಾಸವಂ ವಿಞ್ಞಾಣಂ ಅನಾಸವಾ ವಿಞ್ಞಾಣಾ ದೂರೇ; ಅನಾಸವಂ ವಿಞ್ಞಾಣಂ ಸಾಸವಾ ವಿಞ್ಞಾಣಾ ದೂರೇ – ಇದಂ ವುಚ್ಚತಿ ವಿಞ್ಞಾಣಂ ದೂರೇ।
31. Tattha katamaṃ viññāṇaṃ dūre? Akusalaṃ viññāṇaṃ kusalābyākatehi viññāṇehi dūre; kusalābyākatā viññāṇā akusalā viññāṇā dūre; kusalaṃ viññāṇaṃ akusalābyākatehi viññāṇehi dūre; akusalābyākatā viññāṇā kusalā viññāṇā dūre; abyākataṃ viññāṇaṃ kusalākusalehi viññāṇehi dūre; kusalākusalā viññāṇā abyākatā viññāṇā dūre. Dukkhāya vedanāya sampayuttaṃ viññāṇaṃ sukhāya ca adukkhamasukhāya ca vedanāhi sampayuttehi viññāṇehi dūre; sukhāya ca adukkhamasukhāya ca vedanāhi sampayuttā viññāṇā dukkhāya vedanāya sampayuttā viññāṇā dūre; sukhāya vedanāya sampayuttaṃ viññāṇaṃ dukkhāya ca adukkhamasukhāya ca vedanāhi sampayuttehi viññāṇehi dūre; dukkhāya ca adukkhamasukhāya ca vedanāhi sampayuttā viññāṇā sukhāya vedanāya sampayuttā viññāṇā dūre; adukkhamasukhāya vedanāya sampayuttaṃ viññāṇaṃ sukhadukkhāhi vedanāhi sampayuttehi viññāṇehi dūre; sukhadukkhāhi vedanāhi sampayuttā viññāṇā adukkhamasukhāya vedanāya sampayuttā viññāṇā dūre. Asamāpannassa viññāṇaṃ samāpannassa viññāṇā dūre; samāpannassa viññāṇaṃ asamāpannassa viññāṇā dūre. Sāsavaṃ viññāṇaṃ anāsavā viññāṇā dūre; anāsavaṃ viññāṇaṃ sāsavā viññāṇā dūre – idaṃ vuccati viññāṇaṃ dūre.
ತತ್ಥ ಕತಮಂ ವಿಞ್ಞಾಣಂ ಸನ್ತಿಕೇ? ಅಕುಸಲಂ ವಿಞ್ಞಾಣಂ ಅಕುಸಲಸ್ಸ ವಿಞ್ಞಾಣಸ್ಸ ಸನ್ತಿಕೇ; ಕುಸಲಂ ವಿಞ್ಞಾಣಂ ಕುಸಲಸ್ಸ ವಿಞ್ಞಾಣಸ್ಸ ಸನ್ತಿಕೇ; ಅಬ್ಯಾಕತಂ ವಿಞ್ಞಾಣಂ ಅಬ್ಯಾಕತಸ್ಸ ವಿಞ್ಞಾಣಸ್ಸ ಸನ್ತಿಕೇ। ದುಕ್ಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ವಿಞ್ಞಾಣಸ್ಸ ಸನ್ತಿಕೇ; ಸುಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ವಿಞ್ಞಾಣಸ್ಸ ಸನ್ತಿಕೇ; ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ವಿಞ್ಞಾಣಂ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ವಿಞ್ಞಾಣಸ್ಸ ಸನ್ತಿಕೇ। ಅಸಮಾಪನ್ನಸ್ಸ ವಿಞ್ಞಾಣಂ ಅಸಮಾಪನ್ನಸ್ಸ ವಿಞ್ಞಾಣಸ್ಸ ಸನ್ತಿಕೇ; ಸಮಾಪನ್ನಸ್ಸ ವಿಞ್ಞಾಣಂ ಸಮಾಪನ್ನಸ್ಸ ವಿಞ್ಞಾಣಸ್ಸ ಸನ್ತಿಕೇ। ಸಾಸವಂ ವಿಞ್ಞಾಣಂ ಸಾಸವಸ್ಸ ವಿಞ್ಞಾಣಸ್ಸ ಸನ್ತಿಕೇ; ಅನಾಸವಂ ವಿಞ್ಞಾಣಂ ಅನಾಸವಸ್ಸ ವಿಞ್ಞಾಣಸ್ಸ ಸನ್ತಿಕೇ – ಇದಂ ವುಚ್ಚತಿ ವಿಞ್ಞಾಣಂ ಸನ್ತಿಕೇ। ತಂ ತಂ ವಾ ಪನ ವಿಞ್ಞಾಣಂ ಉಪಾದಾಯುಪಾದಾಯ ವಿಞ್ಞಾಣಂ ದೂರೇ ಸನ್ತಿಕೇ ದಟ್ಠಬ್ಬಂ।
Tattha katamaṃ viññāṇaṃ santike? Akusalaṃ viññāṇaṃ akusalassa viññāṇassa santike; kusalaṃ viññāṇaṃ kusalassa viññāṇassa santike; abyākataṃ viññāṇaṃ abyākatassa viññāṇassa santike. Dukkhāya vedanāya sampayuttaṃ viññāṇaṃ dukkhāya vedanāya sampayuttassa viññāṇassa santike; sukhāya vedanāya sampayuttaṃ viññāṇaṃ sukhāya vedanāya sampayuttassa viññāṇassa santike; adukkhamasukhāya vedanāya sampayuttaṃ viññāṇaṃ adukkhamasukhāya vedanāya sampayuttassa viññāṇassa santike. Asamāpannassa viññāṇaṃ asamāpannassa viññāṇassa santike; samāpannassa viññāṇaṃ samāpannassa viññāṇassa santike. Sāsavaṃ viññāṇaṃ sāsavassa viññāṇassa santike; anāsavaṃ viññāṇaṃ anāsavassa viññāṇassa santike – idaṃ vuccati viññāṇaṃ santike. Taṃ taṃ vā pana viññāṇaṃ upādāyupādāya viññāṇaṃ dūre santike daṭṭhabbaṃ.
ಸುತ್ತನ್ತಭಾಜನೀಯಂ।
Suttantabhājanīyaṃ.
೨. ಅಭಿಧಮ್ಮಭಾಜನೀಯಂ
2. Abhidhammabhājanīyaṃ
೩೨. ಪಞ್ಚಕ್ಖನ್ಧಾ – ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ।
32. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
೧. ರೂಪಕ್ಖನ್ಧೋ
1. Rūpakkhandho
೩೩. ತತ್ಥ ಕತಮೋ ರೂಪಕ್ಖನ್ಧೋ? ಏಕವಿಧೇನ ರೂಪಕ್ಖನ್ಧೋ – ಸಬ್ಬಂ ರೂಪಂ ನ ಹೇತು, ಅಹೇತುಕಂ, ಹೇತುವಿಪ್ಪಯುತ್ತಂ, ಸಪ್ಪಚ್ಚಯಂ, ಸಙ್ಖತಂ, ರೂಪಂ, ಲೋಕಿಯಂ, ಸಾಸವಂ, ಸಂಯೋಜನಿಯಂ, ಗನ್ಥನಿಯಂ, ಓಘನಿಯಂ, ಯೋಗನಿಯಂ, ನೀವರಣಿಯಂ, ಪರಾಮಟ್ಠಂ, ಉಪಾದಾನಿಯಂ, ಸಂಕಿಲೇಸಿಕಂ, ಅಬ್ಯಾಕತಂ, ಅನಾರಮ್ಮಣಂ, ಅಚೇತಸಿಕಂ, ಚಿತ್ತವಿಪ್ಪಯುತ್ತಂ, ನೇವವಿಪಾಕನವಿಪಾಕಧಮ್ಮಧಮ್ಮಂ, ಅಸಂಕಿಲಿಟ್ಠಸಂಕಿಲೇಸಿಕಂ, ನ ಸವಿತಕ್ಕಸವಿಚಾರಂ, ನ ಅವಿತಕ್ಕವಿಚಾರಮತ್ತಂ, ಅವಿತಕ್ಕಅವಿಚಾರಂ, ನ ಪೀತಿಸಹಗತಂ, ನ ಸುಖಸಹಗತಂ, ನ ಉಪೇಕ್ಖಾಸಹಗತಂ, ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಂ, ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕಂ, ನೇವಾಚಯಗಾಮಿನಾಪಚಯಗಾಮೀ, ನೇವಸೇಕ್ಖನಾಸೇಕ್ಖಂ, ಪರಿತ್ತಂ, ಕಾಮಾವಚರಂ, ನ ರೂಪಾವಚರಂ, ನ ಅರೂಪಾವಚರಂ, ಪರಿಯಾಪನ್ನಂ, ನೋ ಅಪರಿಯಾಪನ್ನಂ, ಅನಿಯತಂ, ಅನಿಯ್ಯಾನಿಕಂ, ಉಪ್ಪನ್ನಂ, ಛಹಿ ವಿಞ್ಞಾಣೇಹಿ ವಿಞ್ಞೇಯ್ಯಂ, ಅನಿಚ್ಚಂ, ಜರಾಭಿಭೂತಂ। ಏವಂ ಏಕವಿಧೇನ ರೂಪಕ್ಖನ್ಧೋ।
33. Tattha katamo rūpakkhandho? Ekavidhena rūpakkhandho – sabbaṃ rūpaṃ na hetu, ahetukaṃ, hetuvippayuttaṃ, sappaccayaṃ, saṅkhataṃ, rūpaṃ, lokiyaṃ, sāsavaṃ, saṃyojaniyaṃ, ganthaniyaṃ, oghaniyaṃ, yoganiyaṃ, nīvaraṇiyaṃ, parāmaṭṭhaṃ, upādāniyaṃ, saṃkilesikaṃ, abyākataṃ, anārammaṇaṃ, acetasikaṃ, cittavippayuttaṃ, nevavipākanavipākadhammadhammaṃ, asaṃkiliṭṭhasaṃkilesikaṃ, na savitakkasavicāraṃ, na avitakkavicāramattaṃ, avitakkaavicāraṃ, na pītisahagataṃ, na sukhasahagataṃ, na upekkhāsahagataṃ, neva dassanena na bhāvanāya pahātabbaṃ, neva dassanena na bhāvanāya pahātabbahetukaṃ, nevācayagāmināpacayagāmī, nevasekkhanāsekkhaṃ, parittaṃ, kāmāvacaraṃ, na rūpāvacaraṃ, na arūpāvacaraṃ, pariyāpannaṃ, no apariyāpannaṃ, aniyataṃ, aniyyānikaṃ, uppannaṃ, chahi viññāṇehi viññeyyaṃ, aniccaṃ, jarābhibhūtaṃ. Evaṃ ekavidhena rūpakkhandho.
ದುವಿಧೇನ ರೂಪಕ್ಖನ್ಧೋ – ಅತ್ಥಿ ರೂಪಂ ಉಪಾದಾ, ಅತ್ಥಿ ರೂಪಂ ನೋ ಉಪಾದಾ 3। ಅತ್ಥಿ ರೂಪಂ ಉಪಾದಿನ್ನಂ, ಅತ್ಥಿ ರೂಪಂ ಅನುಪಾದಿನ್ನಂ। ಅತ್ಥಿ ರೂಪಂ ಉಪಾದಿನ್ನುಪಾದಾನಿಯಂ, ಅತ್ಥಿ ರೂಪಂ ಅನುಪಾದಿನ್ನುಪಾದಾನಿಯಂ। ಅತ್ಥಿ ರೂಪಂ ಸನಿದಸ್ಸನಂ, ಅತ್ಥಿ ರೂಪಂ ಅನಿದಸ್ಸನಂ। ಅತ್ಥಿ ರೂಪಂ ಸಪ್ಪಟಿಘಂ, ಅತ್ಥಿ ರೂಪಂ ಅಪ್ಪಟಿಘಂ। ಅತ್ಥಿ ರೂಪಂ ಇನ್ದ್ರಿಯಂ, ಅತ್ಥಿ ರೂಪಂ ನ ಇನ್ದ್ರಿಯಂ। ಅತ್ಥಿ ರೂಪಂ ಮಹಾಭೂತಂ, ಅತ್ಥಿ ರೂಪಂ ನ ಮಹಾಭೂತಂ। ಅತ್ಥಿ ರೂಪಂ ವಿಞ್ಞತ್ತಿ, ಅತ್ಥಿ ರೂಪಂ ನ ವಿಞ್ಞತ್ತಿ। ಅತ್ಥಿ ರೂಪಂ ಚಿತ್ತಸಮುಟ್ಠಾನಂ, ಅತ್ಥಿ ರೂಪಂ ನ ಚಿತ್ತಸಮುಟ್ಠಾನಂ। ಅತ್ಥಿ ರೂಪಂ ಚಿತ್ತಸಹಭು, ಅತ್ಥಿ ರೂಪಂ ನ ಚಿತ್ತಸಹಭು। ಅತ್ಥಿ ರೂಪಂ ಚಿತ್ತಾನುಪರಿವತ್ತಿ, ಅತ್ಥಿ ರೂಪಂ ನ ಚಿತ್ತಾನುಪರಿವತ್ತಿ। ಅತ್ಥಿ ರೂಪಂ ಅಜ್ಝತ್ತಿಕಂ, ಅತ್ಥಿ ರೂಪಂ ಬಾಹಿರಂ। ಅತ್ಥಿ ರೂಪಂ ಓಳಾರಿಕಂ, ಅತ್ಥಿ ರೂಪಂ ಸುಖುಮಂ। ಅತ್ಥಿ ರೂಪಂ ದೂರೇ, ಅತ್ಥಿ ರೂಪಂ ಸನ್ತಿಕೇ…ಪೇ॰… ಅತ್ಥಿ ರೂಪಂ ಕಬಳೀಕಾರೋ ಆಹಾರೋ, ಅತ್ಥಿ ರೂಪಂ ನ ಕಬಳೀಕಾರೋ ಆಹಾರೋ। ಏವಂ ದುವಿಧೇನ ರೂಪಕ್ಖನ್ಧೋ।
Duvidhena rūpakkhandho – atthi rūpaṃ upādā, atthi rūpaṃ no upādā 4. Atthi rūpaṃ upādinnaṃ, atthi rūpaṃ anupādinnaṃ. Atthi rūpaṃ upādinnupādāniyaṃ, atthi rūpaṃ anupādinnupādāniyaṃ. Atthi rūpaṃ sanidassanaṃ, atthi rūpaṃ anidassanaṃ. Atthi rūpaṃ sappaṭighaṃ, atthi rūpaṃ appaṭighaṃ. Atthi rūpaṃ indriyaṃ, atthi rūpaṃ na indriyaṃ. Atthi rūpaṃ mahābhūtaṃ, atthi rūpaṃ na mahābhūtaṃ. Atthi rūpaṃ viññatti, atthi rūpaṃ na viññatti. Atthi rūpaṃ cittasamuṭṭhānaṃ, atthi rūpaṃ na cittasamuṭṭhānaṃ. Atthi rūpaṃ cittasahabhu, atthi rūpaṃ na cittasahabhu. Atthi rūpaṃ cittānuparivatti, atthi rūpaṃ na cittānuparivatti. Atthi rūpaṃ ajjhattikaṃ, atthi rūpaṃ bāhiraṃ. Atthi rūpaṃ oḷārikaṃ, atthi rūpaṃ sukhumaṃ. Atthi rūpaṃ dūre, atthi rūpaṃ santike…pe… atthi rūpaṃ kabaḷīkāro āhāro, atthi rūpaṃ na kabaḷīkāro āhāro. Evaṃ duvidhena rūpakkhandho.
(ಯಥಾ ರೂಪಕಣ್ಡೇ ವಿಭತ್ತಂ, ತಥಾ ಇಧ ವಿಭಜಿತಬ್ಬಂ।)
(Yathā rūpakaṇḍe vibhattaṃ, tathā idha vibhajitabbaṃ.)
ತಿವಿಧೇನ ರೂಪಕ್ಖನ್ಧೋ – ಯಂ ತಂ ರೂಪಂ ಅಜ್ಝತ್ತಿಕಂ ತಂ ಉಪಾದಾ, ಯಂ ತಂ ರೂಪಂ ಬಾಹಿರಂ ತಂ ಅತ್ಥಿ ಉಪಾದಾ, ಅತ್ಥಿ ನೋ ಉಪಾದಾ। ಯಂ ತಂ ರೂಪಂ ಅಜ್ಝತ್ತಿಕಂ ತಂ ಉಪಾದಿನ್ನಂ, ಯಂ ತಂ ರೂಪಂ ಬಾಹಿರಂ ತಂ ಅತ್ಥಿ ಉಪಾದಿನ್ನಂ, ಅತ್ಥಿ ಅನುಪಾದಿನ್ನಂ। ಯಂ ತಂ ರೂಪಂ ಅಜ್ಝತ್ತಿಕಂ ತಂ ಉಪಾದಿನ್ನುಪಾದಾನಿಯಂ, ಯಂ ತಂ ರೂಪಂ ಬಾಹಿರಂ ತಂ ಅತ್ಥಿ ಉಪಾದಿನ್ನುಪಾದಾನಿಯಂ, ಅತ್ಥಿ ಅನುಪಾದಿನ್ನುಪಾದಾನಿಯಂ…ಪೇ॰… ಯಂ ತಂ ರೂಪಂ ಅಜ್ಝತ್ತಿಕಂ ತಂ ನ ಕಬಳೀಕಾರೋ ಆಹಾರೋ, ಯಂ ತಂ ರೂಪಂ ಬಾಹಿರಂ ತಂ ಅತ್ಥಿ ಕಬಳೀಕಾರೋ ಆಹಾರೋ, ಅತ್ಥಿ ನ ಕಬಳೀಕಾರೋ ಆಹಾರೋ। ಏವಂ ತಿವಿಧೇನ ರೂಪಕ್ಖನ್ಧೋ।
Tividhena rūpakkhandho – yaṃ taṃ rūpaṃ ajjhattikaṃ taṃ upādā, yaṃ taṃ rūpaṃ bāhiraṃ taṃ atthi upādā, atthi no upādā. Yaṃ taṃ rūpaṃ ajjhattikaṃ taṃ upādinnaṃ, yaṃ taṃ rūpaṃ bāhiraṃ taṃ atthi upādinnaṃ, atthi anupādinnaṃ. Yaṃ taṃ rūpaṃ ajjhattikaṃ taṃ upādinnupādāniyaṃ, yaṃ taṃ rūpaṃ bāhiraṃ taṃ atthi upādinnupādāniyaṃ, atthi anupādinnupādāniyaṃ…pe… yaṃ taṃ rūpaṃ ajjhattikaṃ taṃ na kabaḷīkāro āhāro, yaṃ taṃ rūpaṃ bāhiraṃ taṃ atthi kabaḷīkāro āhāro, atthi na kabaḷīkāro āhāro. Evaṃ tividhena rūpakkhandho.
ಚತುಬ್ಬಿಧೇನ ರೂಪಕ್ಖನ್ಧೋ – ಯಂ ತಂ ರೂಪಂ ಉಪಾದಾ ತಂ ಅತ್ಥಿ ಉಪಾದಿನ್ನಂ, ಅತ್ಥಿ ಅನುಪಾದಿನ್ನಂ; ಯಂ ತಂ ರೂಪಂ ನೋ ಉಪಾದಾ ತಂ ಅತ್ಥಿ ಉಪಾದಿನ್ನಂ, ಅತ್ಥಿ ಅನುಪಾದಿನ್ನಂ। ಯಂ ತಂ ರೂಪಂ ಉಪಾದಾ ತಂ ಅತ್ಥಿ ಉಪಾದಿನ್ನುಪಾದಾನಿಯಂ, ಅತ್ಥಿ ಅನುಪಾದಿನ್ನುಪಾದಾನಿಯಂ; ಯಂ ತಂ ರೂಪಂ ನೋ ಉಪಾದಾ ತಂ ಅತ್ಥಿ ಉಪಾದಿನ್ನುಪಾದಾನಿಯಂ, ಅತ್ಥಿ ಅನುಪಾದಿನ್ನುಪಾದಾನಿಯಂ। ಯಂ ತಂ ರೂಪಂ ಉಪಾದಾ ತಂ ಅತ್ಥಿ ಸಪ್ಪಟಿಘಂ, ಅತ್ಥಿ ಅಪ್ಪಟಿಘಂ; ಯಂ ತಂ ರೂಪಂ ನೋ ಉಪಾದಾ ತಂ ಅತ್ಥಿ ಸಪ್ಪಟಿಘಂ, ಅತ್ಥಿ ಅಪ್ಪಟಿಘಂ । ಯಂ ತಂ ರೂಪಂ ಉಪಾದಾ ತಂ ಅತ್ಥಿ ಓಳಾರಿಕಂ, ಅತ್ಥಿ ಸುಖುಮಂ; ಯಂ ತಂ ರೂಪಂ ನೋ ಉಪಾದಾ ತಂ ಅತ್ಥಿ ಓಳಾರಿಕಂ, ಅತ್ಥಿ ಸುಖುಮಂ। ಯಂ ತಂ ರೂಪಂ ಉಪಾದಾ ತಂ ಅತ್ಥಿ ದೂರೇ, ಅತ್ಥಿ ಸನ್ತಿಕೇ; ಯಂ ತಂ ರೂಪಂ ನೋ ಉಪಾದಾ ತಂ ಅತ್ಥಿ ದೂರೇ, ಅತ್ಥಿ ಸನ್ತಿಕೇ…ಪೇ॰… ದಿಟ್ಠಂ, ಸುತಂ, ಮುತಂ, ವಿಞ್ಞಾತಂ ರೂಪಂ। ಏವಂ ಚತುಬ್ಬಿಧೇನ ರೂಪಕ್ಖನ್ಧೋ।
Catubbidhena rūpakkhandho – yaṃ taṃ rūpaṃ upādā taṃ atthi upādinnaṃ, atthi anupādinnaṃ; yaṃ taṃ rūpaṃ no upādā taṃ atthi upādinnaṃ, atthi anupādinnaṃ. Yaṃ taṃ rūpaṃ upādā taṃ atthi upādinnupādāniyaṃ, atthi anupādinnupādāniyaṃ; yaṃ taṃ rūpaṃ no upādā taṃ atthi upādinnupādāniyaṃ, atthi anupādinnupādāniyaṃ. Yaṃ taṃ rūpaṃ upādā taṃ atthi sappaṭighaṃ, atthi appaṭighaṃ; yaṃ taṃ rūpaṃ no upādā taṃ atthi sappaṭighaṃ, atthi appaṭighaṃ . Yaṃ taṃ rūpaṃ upādā taṃ atthi oḷārikaṃ, atthi sukhumaṃ; yaṃ taṃ rūpaṃ no upādā taṃ atthi oḷārikaṃ, atthi sukhumaṃ. Yaṃ taṃ rūpaṃ upādā taṃ atthi dūre, atthi santike; yaṃ taṃ rūpaṃ no upādā taṃ atthi dūre, atthi santike…pe… diṭṭhaṃ, sutaṃ, mutaṃ, viññātaṃ rūpaṃ. Evaṃ catubbidhena rūpakkhandho.
ಪಞ್ಚವಿಧೇನ ರೂಪಕ್ಖನ್ಧೋ – ಪಥವೀಧಾತು, ಆಪೋಧಾತು, ತೇಜೋಧಾತು, ವಾಯೋಧಾತು, ಯಞ್ಚ ರೂಪಂ ಉಪಾದಾ। ಏವಂ ಪಞ್ಚವಿಧೇನ ರೂಪಕ್ಖನ್ಧೋ।
Pañcavidhena rūpakkhandho – pathavīdhātu, āpodhātu, tejodhātu, vāyodhātu, yañca rūpaṃ upādā. Evaṃ pañcavidhena rūpakkhandho.
ಛಬ್ಬಿಧೇನ ರೂಪಕ್ಖನ್ಧೋ – ಚಕ್ಖುವಿಞ್ಞೇಯ್ಯಂ ರೂಪಂ, ಸೋತವಿಞ್ಞೇಯ್ಯಂ ರೂಪಂ, ಘಾನವಿಞ್ಞೇಯ್ಯಂ ರೂಪಂ, ಜಿವ್ಹಾವಿಞ್ಞೇಯ್ಯಂ ರೂಪಂ, ಕಾಯವಿಞ್ಞೇಯ್ಯಂ ರೂಪಂ, ಮನೋವಿಞ್ಞೇಯ್ಯಂ ರೂಪಂ। ಏವಂ ಛಬ್ಬಿಧೇನ ರೂಪಕ್ಖನ್ಧೋ।
Chabbidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ, manoviññeyyaṃ rūpaṃ. Evaṃ chabbidhena rūpakkhandho.
ಸತ್ತವಿಧೇನ ರೂಪಕ್ಖನ್ಧೋ – ಚಕ್ಖುವಿಞ್ಞೇಯ್ಯಂ ರೂಪಂ, ಸೋತವಿಞ್ಞೇಯ್ಯಂ ರೂಪಂ, ಘಾನವಿಞ್ಞೇಯ್ಯಂ ರೂಪಂ, ಜಿವ್ಹಾವಿಞ್ಞೇಯ್ಯಂ ರೂಪಂ, ಕಾಯವಿಞ್ಞೇಯ್ಯಂ ರೂಪಂ, ಮನೋಧಾತುವಿಞ್ಞೇಯ್ಯಂ ರೂಪಂ, ಮನೋವಿಞ್ಞಾಣಧಾತುವಿಞ್ಞೇಯ್ಯಂ ರೂಪಂ। ಏವಂ ಸತ್ತವಿಧೇನ ರೂಪಕ್ಖನ್ಧೋ ।
Sattavidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ, manodhātuviññeyyaṃ rūpaṃ, manoviññāṇadhātuviññeyyaṃ rūpaṃ. Evaṃ sattavidhena rūpakkhandho .
ಅಟ್ಠವಿಧೇನ ರೂಪಕ್ಖನ್ಧೋ – ಚಕ್ಖುವಿಞ್ಞೇಯ್ಯಂ ರೂಪಂ, ಸೋತವಿಞ್ಞೇಯ್ಯಂ ರೂಪಂ, ಘಾನವಿಞ್ಞೇಯ್ಯಂ ರೂಪಂ, ಜಿವ್ಹಾವಿಞ್ಞೇಯ್ಯಂ ರೂಪಂ, ಕಾಯವಿಞ್ಞೇಯ್ಯಂ ರೂಪಂ ಅತ್ಥಿ ಸುಖಸಮ್ಫಸ್ಸಂ, ಅತ್ಥಿ ದುಕ್ಖಸಮ್ಫಸ್ಸಂ, ಮನೋಧಾತುವಿಞ್ಞೇಯ್ಯಂ ರೂಪಂ, ಮನೋವಿಞ್ಞಾಣಧಾತುವಿಞ್ಞೇಯ್ಯಂ ರೂಪಂ। ಏವಂ ಅಟ್ಠವಿಧೇನ ರೂಪಕ್ಖನ್ಧೋ।
Aṭṭhavidhena rūpakkhandho – cakkhuviññeyyaṃ rūpaṃ, sotaviññeyyaṃ rūpaṃ, ghānaviññeyyaṃ rūpaṃ, jivhāviññeyyaṃ rūpaṃ, kāyaviññeyyaṃ rūpaṃ atthi sukhasamphassaṃ, atthi dukkhasamphassaṃ, manodhātuviññeyyaṃ rūpaṃ, manoviññāṇadhātuviññeyyaṃ rūpaṃ. Evaṃ aṭṭhavidhena rūpakkhandho.
ನವವಿಧೇನ ರೂಪಕ್ಖನ್ಧೋ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಇತ್ಥಿನ್ದ್ರಿಯಂ, ಪುರಿಸಿನ್ದ್ರಿಯಂ, ಜೀವಿತಿನ್ದ್ರಿಯಂ, ಯಞ್ಚ ರೂಪಂ ನ ಇನ್ದ್ರಿಯಂ। ಏವಂ ನವವಿಧೇನ ರೂಪಕ್ಖನ್ಧೋ।
Navavidhena rūpakkhandho – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, itthindriyaṃ, purisindriyaṃ, jīvitindriyaṃ, yañca rūpaṃ na indriyaṃ. Evaṃ navavidhena rūpakkhandho.
ದಸವಿಧೇನ ರೂಪಕ್ಖನ್ಧೋ – ಚಕ್ಖುನ್ದ್ರಿಯಂ, ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಇತ್ಥಿನ್ದ್ರಿಯಂ, ಪುರಿಸಿನ್ದ್ರಿಯಂ, ಜೀವಿತಿನ್ದ್ರಿಯಂ, ನ ಇನ್ದ್ರಿಯಂ ರೂಪಂ ಅತ್ಥಿ ಸಪ್ಪಟಿಘಂ, ಅತ್ಥಿ ಅಪ್ಪಟಿಘಂ। ಏವಂ ದಸವಿಧೇನ ರೂಪಕ್ಖನ್ಧೋ।
Dasavidhena rūpakkhandho – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, itthindriyaṃ, purisindriyaṃ, jīvitindriyaṃ, na indriyaṃ rūpaṃ atthi sappaṭighaṃ, atthi appaṭighaṃ. Evaṃ dasavidhena rūpakkhandho.
ಏಕಾದಸವಿಧೇನ ರೂಪಕ್ಖನ್ಧೋ – ಚಕ್ಖಾಯತನಂ, ಸೋತಾಯತನಂ, ಘಾನಾಯತನಂ, ಜಿವ್ಹಾಯತನಂ, ಕಾಯಾಯತನಂ, ರೂಪಾಯತನಂ, ಸದ್ದಾಯತನಂ, ಗನ್ಧಾಯತನಂ, ರಸಾಯತನಂ, ಫೋಟ್ಠಬ್ಬಾಯತನಂ, ಯಞ್ಚ ರೂಪಂ ಅನಿದಸ್ಸನಅಪ್ಪಟಿಘಂ ಧಮ್ಮಾಯತನಪರಿಯಾಪನ್ನಂ। ಏವಂ ಏಕಾದಸವಿಧೇನ ರೂಪಕ್ಖನ್ಧೋ।
Ekādasavidhena rūpakkhandho – cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, phoṭṭhabbāyatanaṃ, yañca rūpaṃ anidassanaappaṭighaṃ dhammāyatanapariyāpannaṃ. Evaṃ ekādasavidhena rūpakkhandho.
ಅಯಂ ವುಚ್ಚತಿ ರೂಪಕ್ಖನ್ಧೋ।
Ayaṃ vuccati rūpakkhandho.
೨. ವೇದನಾಕ್ಖನ್ಧೋ
2. Vedanākkhandho
೩೪. ತತ್ಥ ಕತಮೋ ವೇದನಾಕ್ಖನ್ಧೋ? ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
34. Tattha katamo vedanākkhandho? Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena vedanākkhandho – atthi sahetuko, atthi ahetuko.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ।
Tividhena vedanākkhandho – atthi kusalo, atthi akusalo, atthi abyākato.
ಚತುಬ್ಬಿಧೇನ ವೇದನಾಕ್ಖನ್ಧೋ – ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ।
Catubbidhena vedanākkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ಪಞ್ಚವಿಧೇನ ವೇದನಾಕ್ಖನ್ಧೋ – ಅತ್ಥಿ ಸುಖಿನ್ದ್ರಿಯಂ, ಅತ್ಥಿ ದುಕ್ಖಿನ್ದ್ರಿಯಂ, ಅತ್ಥಿ ಸೋಮನಸ್ಸಿನ್ದ್ರಿಯಂ, ಅತ್ಥಿ ದೋಮನಸ್ಸಿನ್ದ್ರಿಯಂ, ಅತ್ಥಿ ಉಪೇಕ್ಖಿನ್ದ್ರಿಯಂ। ಏವಂ ಪಞ್ಚವಿಧೇನ ವೇದನಾಕ್ಖನ್ಧೋ।
Pañcavidhena vedanākkhandho – atthi sukhindriyaṃ, atthi dukkhindriyaṃ, atthi somanassindriyaṃ, atthi domanassindriyaṃ, atthi upekkhindriyaṃ. Evaṃ pañcavidhena vedanākkhandho.
ಛಬ್ಬಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಸಮ್ಫಸ್ಸಜಾ ವೇದನಾ। ಏವಂ ಛಬ್ಬಿಧೇನ ವೇದನಾಕ್ಖನ್ಧೋ।
Chabbidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ chabbidhena vedanākkhandho.
ಸತ್ತವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಧಾತುಸಮ್ಫಸ್ಸಜಾ ವೇದನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ। ಏವಂ ಸತ್ತವಿಧೇನ ವೇದನಾಕ್ಖನ್ಧೋ।
Sattavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā. Evaṃ sattavidhena vedanākkhandho.
ಅಟ್ಠವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ ಅತ್ಥಿ ಸುಖಾ, ಅತ್ಥಿ ದುಕ್ಖಾ, ಮನೋಧಾತುಸಮ್ಫಸ್ಸಜಾ ವೇದನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ। ಏವಂ ಅಟ್ಠವಿಧೇನ ವೇದನಾಕ್ಖನ್ಧೋ।
Aṭṭhavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā. Evaṃ aṭṭhavidhena vedanākkhandho.
ನವವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಧಾತುಸಮ್ಫಸ್ಸಜಾ ವೇದನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ ಅತ್ಥಿ ಕುಸಲಾ, ಅತ್ಥಿ ಅಕುಸಲಾ, ಅತ್ಥಿ ಅಬ್ಯಾಕತಾ। ಏವಂ ನವವಿಧೇನ ವೇದನಾಕ್ಖನ್ಧೋ।
Navavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā. Evaṃ navavidhena vedanākkhandho.
ದಸವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ ಅತ್ಥಿ ಸುಖಾ, ಅತ್ಥಿ ದುಕ್ಖಾ, ಮನೋಧಾತುಸಮ್ಫಸ್ಸಜಾ ವೇದನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ವೇದನಾ ಅತ್ಥಿ ಕುಸಲಾ, ಅತ್ಥಿ ಅಕುಸಲಾ, ಅತ್ಥಿ ಅಬ್ಯಾಕತಾ। ಏವಂ ದಸವಿಧೇನ ವೇದನಾಕ್ಖನ್ಧೋ।
Dasavidhena vedanākkhandho – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā. Evaṃ dasavidhena vedanākkhandho.
೩೫. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
35. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena vedanākkhandho – atthi sahetuko, atthi ahetuko.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ। ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ। ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ। ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ। ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ। ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ। ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ। ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ। ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ। ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ। ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ। ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ। ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ। ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ। ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
೩೬. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
36. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ…ಪೇ॰… ಅತ್ಥಿ ನ ಹೇತುಸಹೇತುಕೋ, ಅತ್ಥಿ ನ ಹೇತುಅಹೇತುಕೋ। ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ। ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ। ಅತ್ಥಿ ಸಾಸವೋ, ಅತ್ಥಿ ಅನಾಸವೋ। ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ। ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ। ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ। ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ। ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ। ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ। ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ । ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ। ಅತ್ಥಿ ಓಘನಿಯೋ, ಅತ್ಥಿ ಅನೋಘನಿಯೋ। ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ। ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ। ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ। ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ। ಅತ್ಥಿ ಯೋಗವಿಪ್ಪಯುತ್ತಯೋಗನಿಯೋ, ಅತ್ಥಿ ಯೋಗವಿಪ್ಪಯುತ್ತಅಯೋಗನಿಯೋ। ಅತ್ಥಿ ನೀವರಣಿಯೋ, ಅತ್ಥಿ ಅನೀವರಣಿಯೋ। ಅತ್ಥಿ ನೀವರಣಸಮ್ಪಯುತ್ತೋ, ಅತ್ಥಿ ನೀವರಣವಿಪ್ಪಯುತ್ತೋ। ಅತ್ಥಿ ನೀವರಣವಿಪ್ಪಯುತ್ತನೀವರಣಿಯೋ, ಅತ್ಥಿ ನೀವರಣವಿಪ್ಪಯುತ್ತಅನೀವರಣಿಯೋ। ಅತ್ಥಿ ಪರಾಮಟ್ಠೋ, ಅತ್ಥಿ ಅಪರಾಮಟ್ಠೋ। ಅತ್ಥಿ ಪರಾಮಾಸಸಮ್ಪಯುತ್ತೋ, ಅತ್ಥಿ ಪರಾಮಾಸವಿಪ್ಪಯುತ್ತೋ । ಅತ್ಥಿ ಪರಾಮಾಸವಿಪ್ಪಯುತ್ತಪರಾಮಟ್ಠೋ, ಅತ್ಥಿ ಪರಾಮಾಸವಿಪ್ಪಯುತ್ತಅಪರಾಮಟ್ಠೋ। ಅತ್ಥಿ ಉಪಾದಿನ್ನೋ, ಅತ್ಥಿ ಅನುಪಾದಿನ್ನೋ। ಅತ್ಥಿ ಉಪಾದಾನಿಯೋ, ಅತ್ಥಿ ಅನುಪಾದಾನಿಯೋ। ಅತ್ಥಿ ಉಪಾದಾನಸಮ್ಪಯುತ್ತೋ, ಅತ್ಥಿ ಉಪಾದಾನವಿಪ್ಪಯುತ್ತೋ। ಅತ್ಥಿ ಉಪಾದಾನವಿಪ್ಪಯುತ್ತಉಪಾದಾನಿಯೋ, ಅತ್ಥಿ ಉಪಾದಾನವಿಪ್ಪಯುತ್ತಅನುಪಾದಾನಿಯೋ। ಅತ್ಥಿ ಸಂಕಿಲೇಸಿಕೋ, ಅತ್ಥಿ ಅಸಂಕಿಲೇಸಿಕೋ। ಅತ್ಥಿ ಸಂಕಿಲಿಟ್ಠೋ, ಅತ್ಥಿ ಅಸಂಕಿಲಿಟ್ಠೋ। ಅತ್ಥಿ ಕಿಲೇಸಸಮ್ಪಯುತ್ತೋ, ಅತ್ಥಿ ಕಿಲೇಸವಿಪ್ಪಯುತ್ತೋ। ಅತ್ಥಿ ಕಿಲೇಸವಿಪ್ಪಯುತ್ತಸಂಕಿಲೇಸಿಕೋ, ಅತ್ಥಿ ಕಿಲೇಸವಿಪ್ಪಯುತ್ತಅಸಂಕಿಲೇಸಿಕೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ನ ದಸ್ಸನೇನ ಪಹಾತಬ್ಬೋ। ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ನ ದಸ್ಸನೇನ ಪಹಾತಬ್ಬಹೇತುಕೋ। ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಸವಿತಕ್ಕೋ, ಅತ್ಥಿ ಅವಿತಕ್ಕೋ। ಅತ್ಥಿ ಸವಿಚಾರೋ, ಅತ್ಥಿ ಅವಿಚಾರೋ। ಅತ್ಥಿ ಸಪ್ಪೀತಿಕೋ, ಅತ್ಥಿ ಅಪ್ಪೀತಿಕೋ। ಅತ್ಥಿ ಪೀತಿಸಹಗತೋ, ಅತ್ಥಿ ನ ಪೀತಿಸಹಗತೋ। ಅತ್ಥಿ ಕಾಮಾವಚರೋ, ಅತ್ಥಿ ನ ಕಾಮಾವಚರೋ। ಅತ್ಥಿ ರೂಪಾವಚರೋ, ಅತ್ಥಿ ನ ರೂಪಾವಚರೋ। ಅತ್ಥಿ ಅರೂಪಾವಚರೋ, ಅತ್ಥಿ ನ ಅರೂಪಾವಚರೋ। ಅತ್ಥಿ ಪರಿಯಾಪನ್ನೋ, ಅತ್ಥಿ ಅಪರಿಯಾಪನ್ನೋ। ಅತ್ಥಿ ನಿಯ್ಯಾನಿಕೋ, ಅತ್ಥಿ ಅನಿಯ್ಯಾನಿಕೋ। ಅತ್ಥಿ ನಿಯತೋ, ಅತ್ಥಿ ಅನಿಯತೋ। ಅತ್ಥಿ ಸಉತ್ತರೋ, ಅತ್ಥಿ ಅನುತ್ತರೋ। ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena vedanākkhandho – atthi hetusampayutto, atthi hetuvippayutto…pe… atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo. Atthi ganthaniyo, atthi aganthaniyo. Atthi ganthasampayutto, atthi ganthavippayutto . Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto . Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko. Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
೩೭. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
37. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena vedanākkhandho – atthi saraṇo, atthi araṇo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ। ಅತ್ಥಿ ಉಪಾದಿನ್ನುಪಾದಾನಿಯೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ , ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
ದುಕಮೂಲಕಂ।
Dukamūlakaṃ.
೩೮. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
38. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena vedanākkhandho – atthi sahetuko, atthi ahetuko.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
೩೯. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
39. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ।
Duvidhena vedanākkhandho – atthi hetusampayutto, atthi hetuvippayutto.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
೪೦. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
40. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ನ ಹೇತುಸಹೇತುಕೋ, ಅತ್ಥಿ ನ ಹೇತುಅಹೇತುಕೋ। ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ। ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ। ಅತ್ಥಿ ಸಾಸವೋ, ಅತ್ಥಿ ಅನಾಸವೋ। ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ। ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ…ಪೇ॰… ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena vedanākkhandho – atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo…pe… atthi saraṇo, atthi araṇo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
೪೧. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
41. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena vedanākkhandho – atthi sahetuko, atthi ahetuko.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ। ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ , ಅತ್ಥಿ ಅನುಪಾದಿನ್ನಅನುಪಾದಾನಿಯೋ। ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ। ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ। ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ। ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ। ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ। ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ। ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ। ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ। ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ। ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ। ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ। ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ। ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo , atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
೪೨. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
42. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ। ಅತ್ಥಿ ನ ಹೇತುಸಹೇತುಕೋ, ಅತ್ಥಿ ನ ಹೇತುಅಹೇತುಕೋ। ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ। ಅತ್ಥಿ ಕೇನಚಿ ವಿಞ್ಞೇಯ್ಯೋ , ಅತ್ಥಿ ಕೇನಚಿ ನ ವಿಞ್ಞೇಯ್ಯೋ। ಅತ್ಥಿ ಸಾಸವೋ, ಅತ್ಥಿ ಅನಾಸವೋ। ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ। ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ। ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ…ಪೇ॰… ಅತ್ಥಿ ಸರಣೋ , ಅತ್ಥಿ ಅರಣೋ।
Duvidhena vedanākkhandho – atthi hetusampayutto, atthi hetuvippayutto. Atthi na hetusahetuko, atthi na hetuahetuko. Atthi lokiyo, atthi lokuttaro. Atthi kenaci viññeyyo , atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo…pe… atthi saraṇo , atthi araṇo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
ತಿಕಮೂಲಕಂ।
Tikamūlakaṃ.
೪೩. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
43. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena vedanākkhandho – atthi sahetuko, atthi ahetuko.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi kusalo, atthi akusalo, atthi abyākato…pe…. Evaṃ dasavidhena vedanākkhandho.
೪೪. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
44. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ।
Duvidhena vedanākkhandho – atthi hetusampayutto, atthi hetuvippayutto.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena vedanākkhandho.
೪೫. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
45. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ನ ಹೇತುಸಹೇತುಕೋ, ಅತ್ಥಿ ನ ಹೇತುಅಹೇತುಕೋ।
Duvidhena vedanākkhandho – atthi na hetusahetuko, atthi na hetuahetuko.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena vedanākkhandho.
೪೬. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
46. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ।
Duvidhena vedanākkhandho – atthi lokiyo, atthi lokuttaro.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena vedanākkhandho.
೪೭. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
47. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಕೇನಚಿ ವಿಞ್ಞೇಯ್ಯೋ , ಅತ್ಥಿ ಕೇನಚಿ ನ ವಿಞ್ಞೇಯ್ಯೋ।
Duvidhena vedanākkhandho – atthi kenaci viññeyyo , atthi kenaci na viññeyyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena vedanākkhandho.
೪೮. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
48. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಾಸವೋ, ಅತ್ಥಿ ಅನಾಸವೋ।
Duvidhena vedanākkhandho – atthi sāsavo, atthi anāsavo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena vedanākkhandho.
೪೯. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
49. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ।
Duvidhena vedanākkhandho – atthi āsavasampayutto, atthi āsavavippayutto.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena vedanākkhandho.
೫೦. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
50. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ।
Duvidhena vedanākkhandho – atthi āsavavippayuttasāsavo, atthi āsavavippayuttaanāsavo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena vedanākkhandho.
೫೧. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
51. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ।
Duvidhena vedanākkhandho – atthi saṃyojaniyo, atthi asaṃyojaniyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena vedanākkhandho.
೫೨. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
52. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ ।
Duvidhena vedanākkhandho – atthi saṃyojanasampayutto, atthi saṃyojanavippayutto .
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi paritto, atthi mahaggato, atthi appamāṇo…pe…. Evaṃ dasavidhena vedanākkhandho.
೫೩. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
53. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ।
Duvidhena vedanākkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena vedanākkhandho.
೫೪. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
54. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ।
Duvidhena vedanākkhandho – atthi ganthaniyo, atthi aganthaniyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi hīno, atthi majjhimo, atthi paṇīto…pe…. Evaṃ dasavidhena vedanākkhandho.
೫೫. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
55. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ।
Duvidhena vedanākkhandho – atthi ganthasampayutto, atthi ganthavippayutto.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena vedanākkhandho.
೫೬. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
56. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ।
Duvidhena vedanākkhandho – atthi ganthavippayuttaganthaniyo, atthi ganthavippayuttaaganthaniyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena vedanākkhandho.
೫೭. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
57. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಓಘನಿಯೋ, ಅತ್ಥಿ ಅನೋಘನಿಯೋ।
Duvidhena vedanākkhandho – atthi oghaniyo, atthi anoghaniyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi uppanno, atthi anuppanno, atthi uppādī…pe…. Evaṃ dasavidhena vedanākkhandho.
೫೮. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
58. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ।
Duvidhena vedanākkhandho – atthi oghasampayutto, atthi oghavippayutto.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi atīto, atthi anāgato, atthi paccuppanno…pe…. Evaṃ dasavidhena vedanākkhandho.
೫೯. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
59. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ।
Duvidhena vedanākkhandho – atthi oghavippayuttaoghaniyo, atthi oghavippayuttaanoghaniyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena vedanākkhandho.
೬೦. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
60. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ।
Duvidhena vedanākkhandho – atthi yoganiyo, atthi ayoganiyo.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena vedanākkhandho.
೬೧. ಏಕವಿಧೇನ ವೇದನಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
61. Ekavidhena vedanākkhandho – phassasampayutto.
ದುವಿಧೇನ ವೇದನಾಕ್ಖನ್ಧೋ – ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ।
Duvidhena vedanākkhandho – atthi yogasampayutto, atthi yogavippayutto.
ತಿವಿಧೇನ ವೇದನಾಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವೇದನಾಕ್ಖನ್ಧೋ।
Tividhena vedanākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena vedanākkhandho.
ಉಭತೋವಡ್ಢಕಂ।
Ubhatovaḍḍhakaṃ.
ಸತ್ತವಿಧೇನ ವೇದನಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ವೇದನಾಕ್ಖನ್ಧೋ।
Sattavidhena vedanākkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena vedanākkhandho.
ಅಪರೋಪಿ ಸತ್ತವಿಧೇನ ವೇದನಾಕ್ಖನ್ಧೋ – ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ , ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ವೇದನಾಕ್ಖನ್ಧೋ।
Aparopi sattavidhena vedanākkhandho – atthi vipāko…pe… atthi ajjhattārammaṇo, atthi bahiddhārammaṇo , atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena vedanākkhandho.
ಚತುವೀಸತಿವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಸೋತಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಘಾನಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಕಾಯಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಮನೋಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಸಮ್ಫಸ್ಸಜಾ ವೇದನಾ। ಏವಂ ಚತುವೀಸತಿವಿಧೇನ ವೇದನಾಕ್ಖನ್ಧೋ।
Catuvīsatividhena vedanākkhandho – cakkhusamphassapaccayā vedanākkhandho atthi kusalo, atthi akusalo, atthi abyākato; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi kusalo, atthi akusalo, atthi abyākato; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ catuvīsatividhena vedanākkhandho.
ಅಪರೋಪಿ ಚತುವೀಸತಿವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಚಕ್ಖುಸಮ್ಫಸ್ಸಜಾ ವೇದನಾ…ಪೇ॰… ಮನೋಸಮ್ಫಸ್ಸಜಾ ವೇದನಾ; ಸೋತಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಘಾನಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಕಾಯಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಮನೋಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಚಕ್ಖುಸಮ್ಫಸ್ಸಜಾ ವೇದನಾ…ಪೇ॰… ಮನೋಸಮ್ಫಸ್ಸಜಾ ವೇದನಾ। ಏವಂ ಚತುವೀಸತಿವಿಧೇನ ವೇದನಾಕ್ಖನ್ಧೋ।
Aparopi catuvīsatividhena vedanākkhandho – cakkhusamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā…pe… manosamphassajā vedanā; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā…pe… manosamphassajā vedanā. Evaṃ catuvīsatividhena vedanākkhandho.
ತಿಂಸವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಸಮ್ಫಸ್ಸಜಾ ವೇದನಾ। ಏವಂ ತಿಂಸವಿಧೇನ ವೇದನಾಕ್ಖನ್ಧೋ।
Tiṃsavidhena vedanākkhandho – cakkhusamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ tiṃsavidhena vedanākkhandho.
ಬಹುವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ಕುಸಲೋ , ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಸಮ್ಫಸ್ಸಜಾ ವೇದನಾ। ಏವಂ ಬಹುವಿಧೇನ ವೇದನಾಕ್ಖನ್ಧೋ।
Bahuvidhena vedanākkhandho – cakkhusamphassapaccayā vedanākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā vedanākkhandho atthi kusalo , atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ bahuvidhena vedanākkhandho.
ಅಪರೋಪಿ ಬಹುವಿಧೇನ ವೇದನಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ , ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಘಾನಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಕಾಯಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ…ಪೇ॰… ಮನೋಸಮ್ಫಸ್ಸಪಚ್ಚಯಾ ವೇದನಾಕ್ಖನ್ಧೋ ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ , ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ , ಅತ್ಥಿ ಅಪರಿಯಾಪನ್ನೋ; ಚಕ್ಖುಸಮ್ಫಸ್ಸಜಾ ವೇದನಾ, ಸೋತಸಮ್ಫಸ್ಸಜಾ ವೇದನಾ, ಘಾನಸಮ್ಫಸ್ಸಜಾ ವೇದನಾ, ಜಿವ್ಹಾಸಮ್ಫಸ್ಸಜಾ ವೇದನಾ, ಕಾಯಸಮ್ಫಸ್ಸಜಾ ವೇದನಾ, ಮನೋಸಮ್ಫಸ್ಸಜಾ ವೇದನಾ। ಏವಂ ಬಹುವಿಧೇನ ವೇದನಾಕ್ಖನ್ಧೋ।
Aparopi bahuvidhena vedanākkhandho – cakkhusamphassapaccayā vedanākkhandho atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro , atthi apariyāpanno; sotasamphassapaccayā vedanākkhandho…pe… ghānasamphassapaccayā vedanākkhandho…pe… jivhāsamphassapaccayā vedanākkhandho…pe… kāyasamphassapaccayā vedanākkhandho…pe… manosamphassapaccayā vedanākkhandho atthi vipāko…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro , atthi apariyāpanno; cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Evaṃ bahuvidhena vedanākkhandho.
ಅಯಂ ವುಚ್ಚತಿ ವೇದನಾಕ್ಖನ್ಧೋ।
Ayaṃ vuccati vedanākkhandho.
೩. ಸಞ್ಞಾಕ್ಖನ್ಧೋ
3. Saññākkhandho
೬೨. ತತ್ಥ ಕತಮೋ ಸಞ್ಞಾಕ್ಖನ್ಧೋ? ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
62. Tattha katamo saññākkhandho? Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saññākkhandho – atthi sahetuko, atthi ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ।
Tividhena saññākkhandho – atthi kusalo, atthi akusalo, atthi abyākato.
ಚತುಬ್ಬಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ।
Catubbidhena saññākkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ಪಞ್ಚವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸುಖಿನ್ದ್ರಿಯಸಮ್ಪಯುತ್ತೋ, ಅತ್ಥಿ ದುಕ್ಖಿನ್ದ್ರಿಯಸಮ್ಪಯುತ್ತೋ, ಅತ್ಥಿ ಸೋಮನಸ್ಸಿನ್ದ್ರಿಯಸಮ್ಪಯುತ್ತೋ, ಅತ್ಥಿ ದೋಮನಸ್ಸಿನ್ದ್ರಿಯಸಮ್ಪಯುತ್ತೋ, ಅತ್ಥಿ ಉಪೇಕ್ಖಿನ್ದ್ರಿಯಸಮ್ಪಯುತ್ತೋ। ಏವಂ ಪಞ್ಚವಿಧೇನ ಸಞ್ಞಾಕ್ಖನ್ಧೋ।
Pañcavidhena saññākkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena saññākkhandho.
ಛಬ್ಬಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಸಞ್ಞಾ, ಸೋತಸಮ್ಫಸ್ಸಜಾ ಸಞ್ಞಾ, ಘಾನಸಮ್ಫಸ್ಸಜಾ ಸಞ್ಞಾ, ಜಿವ್ಹಾಸಮ್ಫಸ್ಸಜಾ ಸಞ್ಞಾ, ಕಾಯಸಮ್ಫಸ್ಸಜಾ ಸಞ್ಞಾ, ಮನೋಸಮ್ಫಸ್ಸಜಾ ಸಞ್ಞಾ। ಏವಂ ಛಬ್ಬಿಧೇನ ಸಞ್ಞಾಕ್ಖನ್ಧೋ।
Chabbidhena saññākkhandho – cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ chabbidhena saññākkhandho.
ಸತ್ತವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಸಞ್ಞಾ, ಸೋತಸಮ್ಫಸ್ಸಜಾ ಸಞ್ಞಾ, ಘಾನಸಮ್ಫಸ್ಸಜಾ ಸಞ್ಞಾ, ಜಿವ್ಹಾಸಮ್ಫಸ್ಸಜಾ ಸಞ್ಞಾ, ಕಾಯಸಮ್ಫಸ್ಸಜಾ ಸಞ್ಞಾ, ಮನೋಧಾತುಸಮ್ಫಸ್ಸಜಾ ಸಞ್ಞಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ। ಏವಂ ಸತ್ತವಿಧೇನ ಸಞ್ಞಾಕ್ಖನ್ಧೋ।
Sattavidhena saññākkhandho – cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā. Evaṃ sattavidhena saññākkhandho.
ಅಟ್ಠವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಕಾಯಸಮ್ಫಸ್ಸಜಾ ಸಞ್ಞಾ ಅತ್ಥಿ ಸುಖಸಹಗತಾ, ಅತ್ಥಿ ದುಕ್ಖಸಹಗತಾ, ಮನೋಧಾತುಸಮ್ಫಸ್ಸಜಾ ಸಞ್ಞಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ। ಏವಂ ಅಟ್ಠವಿಧೇನ ಸಞ್ಞಾಕ್ಖನ್ಧೋ।
Aṭṭhavidhena saññākkhandho – cakkhusamphassajā saññā…pe… kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā. Evaṃ aṭṭhavidhena saññākkhandho.
ನವವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಕಾಯಸಮ್ಫಸ್ಸಜಾ ಸಞ್ಞಾ, ಮನೋಧಾತುಸಮ್ಫಸ್ಸಜಾ ಸಞ್ಞಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ ಅತ್ಥಿ ಕುಸಲಾ, ಅತ್ಥಿ ಅಕುಸಲಾ, ಅತ್ಥಿ ಅಬ್ಯಾಕತಾ। ಏವಂ ನವವಿಧೇನ ಸಞ್ಞಾಕ್ಖನ್ಧೋ।
Navavidhena saññākkhandho – cakkhusamphassajā saññā…pe… kāyasamphassajā saññā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā. Evaṃ navavidhena saññākkhandho.
ದಸವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಕಾಯಸಮ್ಫಸ್ಸಜಾ ಸಞ್ಞಾ ಅತ್ಥಿ ಸುಖಸಹಗತಾ, ಅತ್ಥಿ ದುಕ್ಖಸಹಗತಾ, ಮನೋಧಾತುಸಮ್ಫಸ್ಸಜಾ ಸಞ್ಞಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಸಞ್ಞಾ ಅತ್ಥಿ ಕುಸಲಾ, ಅತ್ಥಿ ಅಕುಸಲಾ, ಅತ್ಥಿ ಅಬ್ಯಾಕತಾ। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Dasavidhena saññākkhandho – cakkhusamphassajā saññā…pe… kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā. Evaṃ dasavidhena saññākkhandho.
೬೩. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
63. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saññākkhandho – atthi sahetuko, atthi ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saññākkhandho.
೬೪. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
64. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saññākkhandho – atthi sahetuko, atthi ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ। ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ। ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ। ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ। ಅತ್ಥಿ ಪೀತಿಸಹಗತೋ, ಅತ್ಥಿ ಸುಖಸಹಗತೋ, ಅತ್ಥಿ ಉಪೇಕ್ಖಾಸಹಗತೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ। ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ। ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ। ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ। ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ। ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ। ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ। ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ। ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ। ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ। ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ। ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰… ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe… evaṃ dasavidhena saññākkhandho.
೬೫. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
65. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ। ಅತ್ಥಿ ನ ಹೇತುಸಹೇತುಕೋ, ಅತ್ಥಿ ನ ಹೇತುಅಹೇತುಕೋ। ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ । ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ। ಅತ್ಥಿ ಸಾಸವೋ, ಅತ್ಥಿ ಅನಾಸವೋ। ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ। ಅತ್ಥಿ ಆಸವವಿಪ್ಪಯುತ್ತಸಾಸವೋ , ಅತ್ಥಿ ಆಸವವಿಪ್ಪಯುತ್ತಅನಾಸವೋ। ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ। ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ। ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ। ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ। ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ। ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ। ಅತ್ಥಿ ಓಘನಿಯೋ , ಅತ್ಥಿ ಅನೋಘನಿಯೋ। ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ। ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ। ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ। ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ। ಅತ್ಥಿ ಯೋಗವಿಪ್ಪಯುತ್ತಯೋಗನಿಯೋ, ಅತ್ಥಿ ಯೋಗವಿಪ್ಪಯುತ್ತಅಯೋಗನಿಯೋ। ಅತ್ಥಿ ನೀವರಣಿಯೋ, ಅತ್ಥಿ ಅನೀವರಣಿಯೋ। ಅತ್ಥಿ ನೀವರಣಸಮ್ಪಯುತ್ತೋ, ಅತ್ಥಿ ನೀವರಣವಿಪ್ಪಯುತ್ತೋ। ಅತ್ಥಿ ನೀವರಣವಿಪ್ಪಯುತ್ತನೀವರಣಿಯೋ, ಅತ್ಥಿ ನೀವರಣವಿಪ್ಪಯುತ್ತಅನೀವರಣಿಯೋ। ಅತ್ಥಿ ಪರಾಮಟ್ಠೋ, ಅತ್ಥಿ ಅಪರಾಮಟ್ಠೋ। ಅತ್ಥಿ ಪರಾಮಾಸಸಮ್ಪಯುತ್ತೋ, ಅತ್ಥಿ ಪರಾಮಾಸವಿಪ್ಪಯುತ್ತೋ। ಅತ್ಥಿ ಪರಾಮಾಸವಿಪ್ಪಯುತ್ತಪರಾಮಟ್ಠೋ, ಅತ್ಥಿ ಪರಾಮಾಸವಿಪ್ಪಯುತ್ತಅಪರಾಮಟ್ಠೋ। ಅತ್ಥಿ ಉಪಾದಿನ್ನೋ, ಅತ್ಥಿ ಅನುಪಾದಿನ್ನೋ। ಅತ್ಥಿ ಉಪಾದಾನಿಯೋ, ಅತ್ಥಿ ಅನುಪಾದಾನಿಯೋ। ಅತ್ಥಿ ಉಪಾದಾನಸಮ್ಪಯುತ್ತೋ, ಅತ್ಥಿ ಉಪಾದಾನವಿಪ್ಪಯುತ್ತೋ। ಅತ್ಥಿ ಉಪಾದಾನವಿಪ್ಪಯುತ್ತಉಪಾದಾನಿಯೋ, ಅತ್ಥಿ ಉಪಾದಾನವಿಪ್ಪಯುತ್ತಅನುಪಾದಾನಿಯೋ। ಅತ್ಥಿ ಸಂಕಿಲೇಸಿಕೋ , ಅತ್ಥಿ ಅಸಂಕಿಲೇಸಿಕೋ। ಅತ್ಥಿ ಸಂಕಿಲಿಟ್ಠೋ, ಅತ್ಥಿ ಅಸಂಕಿಲಿಟ್ಠೋ। ಅತ್ಥಿ ಕಿಲೇಸಸಮ್ಪಯುತ್ತೋ, ಅತ್ಥಿ ಕಿಲೇಸವಿಪ್ಪಯುತ್ತೋ। ಅತ್ಥಿ ಕಿಲೇಸವಿಪ್ಪಯುತ್ತಸಂಕಿಲೇಸಿಕೋ, ಅತ್ಥಿ ಕಿಲೇಸವಿಪ್ಪಯುತ್ತಅಸಂಕಿಲೇಸಿಕೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ನ ದಸ್ಸನೇನ ಪಹಾತಬ್ಬೋ। ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ನ ದಸ್ಸನೇನ ಪಹಾತಬ್ಬಹೇತುಕೋ। ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಸವಿತಕ್ಕೋ, ಅತ್ಥಿ ಅವಿತಕ್ಕೋ। ಅತ್ಥಿ ಸವಿಚಾರೋ, ಅತ್ಥಿ ಅವಿಚಾರೋ। ಅತ್ಥಿ ಸಪ್ಪೀತಿಕೋ, ಅತ್ಥಿ ಅಪ್ಪೀತಿಕೋ। ಅತ್ಥಿ ಪೀತಿಸಹಗತೋ, ಅತ್ಥಿ ನ ಪೀತಿಸಹಗತೋ। ಅತ್ಥಿ ಸುಖಸಹಗತೋ, ಅತ್ಥಿ ನ ಸುಖಸಹಗತೋ। ಅತ್ಥಿ ಉಪೇಕ್ಖಾಸಹಗತೋ, ಅತ್ಥಿ ನ ಉಪೇಕ್ಖಾಸಹಗತೋ। ಅತ್ಥಿ ಕಾಮಾವಚರೋ, ಅತ್ಥಿ ನ ಕಾಮಾವಚರೋ। ಅತ್ಥಿ ರೂಪಾವಚರೋ, ಅತ್ಥಿ ನ ರೂಪಾವಚರೋ। ಅತ್ಥಿ ಅರೂಪಾವಚರೋ, ಅತ್ಥಿ ನ ಅರೂಪಾವಚರೋ। ಅತ್ಥಿ ಪರಿಯಾಪನ್ನೋ , ಅತ್ಥಿ ಅಪರಿಯಾಪನ್ನೋ। ಅತ್ಥಿ ನಿಯ್ಯಾನಿಕೋ, ಅತ್ಥಿ ಅನಿಯ್ಯಾನಿಕೋ। ಅತ್ಥಿ ನಿಯತೋ, ಅತ್ಥಿ ಅನಿಯತೋ। ಅತ್ಥಿ ಸಉತ್ತರೋ, ಅತ್ಥಿ ಅನುತ್ತರೋ। ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saññākkhandho – atthi hetusampayutto, atthi hetuvippayutto. Atthi na hetusahetuko, atthi na hetuahetuko. Atthi lokiyo, atthi lokuttaro . Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavavippayuttasāsavo , atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo. Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo , atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko , atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko. Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno , atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
೬೬. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
66. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saññākkhandho – atthi saraṇo, atthi araṇo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ। ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ , ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko…pe… atthi ajjhattārammaṇo , atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
(ಯಥಾ ಕುಸಲತ್ತಿಕೇ ವಿತ್ಥಾರೋ, ಏವಂ ಸಬ್ಬೇಪಿ ತಿಕಾ ವಿತ್ಥಾರೇತಬ್ಬಾ।)
(Yathā kusalattike vitthāro, evaṃ sabbepi tikā vitthāretabbā.)
ದುಕಮೂಲಕಂ।
Dukamūlakaṃ.
೬೭. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
67. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saññākkhandho – atthi sahetuko, atthi ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
೬೮. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
68. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ…ಪೇ॰… ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saññākkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
೬೯. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
69. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saññākkhandho – atthi sahetuko, atthi ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ । ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto . Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
೭೦. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
70. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ…ಪೇ॰… ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saññākkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ತಿವಿಧೇನ ಸಞ್ಞಾಕ್ಖನ್ಧೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
ತಿಕಮೂಲಕಂ।
Tikamūlakaṃ.
೭೧. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
71. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saññākkhandho – atthi sahetuko, atthi ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi kusalo, atthi akusalo, atthi abyākato…pe…. Evaṃ dasavidhena saññākkhandho.
೭೨. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
72. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ।
Duvidhena saññākkhandho – atthi hetusampayutto, atthi hetuvippayutto.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saññākkhandho.
೭೩. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
73. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ನ ಹೇತು ಸಹೇತುಕೋ, ಅತ್ಥಿ ನ ಹೇತು ಅಹೇತುಕೋ।
Duvidhena saññākkhandho – atthi na hetu sahetuko, atthi na hetu ahetuko.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena saññākkhandho.
೭೪. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
74. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ।
Duvidhena saññākkhandho – atthi lokiyo, atthi lokuttaro.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena saññākkhandho.
೭೫. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
75. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ।
Duvidhena saññākkhandho – atthi kenaci viññeyyo, atthi kenaci na viññeyyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena saññākkhandho.
೭೬. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
76. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಾಸವೋ, ಅತ್ಥಿ ಅನಾಸವೋ।
Duvidhena saññākkhandho – atthi sāsavo, atthi anāsavo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena saññākkhandho.
೭೭. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
77. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ।
Duvidhena saññākkhandho – atthi āsavasampayutto, atthi āsavavippayutto.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಪೀತಿಸಹಗತೋ, ಅತ್ಥಿ ಸುಖಸಹಗತೋ, ಅತ್ಥಿ ಉಪೇಕ್ಖಾಸಹಗತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena saññākkhandho.
೭೮. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
78. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ।
Duvidhena saññākkhandho – atthi āsavavippayuttasāsavo, atthi āsavavippayuttaanāsavo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena saññākkhandho.
೭೯. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
79. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ।
Duvidhena saññākkhandho – atthi saṃyojaniyo, atthi asaṃyojaniyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena saññākkhandho.
೮೦. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
80. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ ।
Duvidhena saññākkhandho – atthi saṃyojanasampayutto, atthi saṃyojanavippayutto .
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena saññākkhandho.
೮೧. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
81. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ।
Duvidhena saññākkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena saññākkhandho.
೮೨. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
82. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ।
Duvidhena saññākkhandho – atthi ganthaniyo, atthi aganthaniyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi paritto, atthi mahaggato, atthi appamāṇo…pe…. Evaṃ dasavidhena saññākkhandho.
೮೩. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
83. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ।
Duvidhena saññākkhandho – atthi ganthasampayutto, atthi ganthavippayutto.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena saññākkhandho.
೮೪. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
84. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ।
Duvidhena saññākkhandho – atthi ganthavippayuttaganthaniyo, atthi ganthavippayuttaaganthaniyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi hīno, atthi majjhimo, atthi paṇīto…pe…. Evaṃ dasavidhena saññākkhandho.
೮೫. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
85. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಓಘನಿಯೋ, ಅತ್ಥಿ ಅನೋಘನಿಯೋ।
Duvidhena saññākkhandho – atthi oghaniyo, atthi anoghaniyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena saññākkhandho.
೮೬. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
86. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ।
Duvidhena saññākkhandho – atthi oghasampayutto, atthi oghavippayutto.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena saññākkhandho.
೮೭. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
87. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ।
Duvidhena saññākkhandho – atthi oghavippayuttaoghaniyo, atthi oghavippayuttaanoghaniyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi uppanno, atthi anuppanno, atthi uppādī…pe…. Evaṃ dasavidhena saññākkhandho.
೮೮. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
88. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ।
Duvidhena saññākkhandho – atthi yoganiyo, atthi ayoganiyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi atīto, atthi anāgato, atthi paccuppanno…pe…. Evaṃ dasavidhena saññākkhandho.
೮೯. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
89. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ।
Duvidhena saññākkhandho – atthi yogasampayutto, atthi yogavippayutto.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena saññākkhandho.
೯೦. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
90. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಯೋಗವಿಪ್ಪಯುತ್ತಯೋಗನಿಯೋ, ಅತ್ಥಿ ಯೋಗವಿಪ್ಪಯುತ್ತಅಯೋಗನಿಯೋ।
Duvidhena saññākkhandho – atthi yogavippayuttayoganiyo, atthi yogavippayuttaayoganiyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena saññākkhandho.
೯೧. ಏಕವಿಧೇನ ಸಞ್ಞಾಕ್ಖನ್ಧೋ – ಫಸ್ಸಸಮ್ಪಯುತ್ತೋ।
91. Ekavidhena saññākkhandho – phassasampayutto.
ದುವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ನೀವರಣಿಯೋ, ಅತ್ಥಿ ಅನೀವರಣಿಯೋ।
Duvidhena saññākkhandho – atthi nīvaraṇiyo, atthi anīvaraṇiyo.
ತಿವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಞ್ಞಾಕ್ಖನ್ಧೋ।
Tividhena saññākkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saññākkhandho.
ಉಭತೋವಡ್ಢಕಂ।
Ubhatovaḍḍhakaṃ.
ಸತ್ತವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ಸಞ್ಞಾಕ್ಖನ್ಧೋ।
Sattavidhena saññākkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saññākkhandho.
ಅಪರೋಪಿ ಸತ್ತವಿಧೇನ ಸಞ್ಞಾಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ಸಞ್ಞಾಕ್ಖನ್ಧೋ।
Aparopi sattavidhena saññākkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saññākkhandho.
ಚತುವೀಸತಿವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಚಕ್ಖುಸಮ್ಫಸ್ಸಜಾ ಸಞ್ಞಾ, ಸೋತಸಮ್ಫಸ್ಸಜಾ ಸಞ್ಞಾ, ಘಾನಸಮ್ಫಸ್ಸಜಾ ಸಞ್ಞಾ, ಜಿವ್ಹಾಸಮ್ಫಸ್ಸಜಾ ಸಞ್ಞಾ, ಕಾಯಸಮ್ಫಸ್ಸಜಾ ಸಞ್ಞಾ, ಮನೋಸಮ್ಫಸ್ಸಜಾ ಸಞ್ಞಾ। ಏವಂ ಚತುವೀಸತಿವಿಧೇನ ಸಞ್ಞಾಕ್ಖನ್ಧೋ।
Catuvīsatividhena saññākkhandho – cakkhusamphassapaccayā saññākkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kusalo, atthi akusalo, atthi abyākato; cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ catuvīsatividhena saññākkhandho.
ಅಪರೋಪಿ ಚತುವೀಸತಿವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಮನೋಸಮ್ಫಸ್ಸಜಾ ಸಞ್ಞಾ। ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ; ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಮನೋಸಮ್ಫಸ್ಸಜಾ ಸಞ್ಞಾ। ಏವಂ ಚತುವೀಸತಿವಿಧೇನ ಸಞ್ಞಾಕ್ಖನ್ಧೋ।
Aparopi catuvīsatividhena saññākkhandho – cakkhusamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā saññā…pe… manosamphassajā saññā. Sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā saññā…pe… manosamphassajā saññā. Evaṃ catuvīsatividhena saññākkhandho.
ತಿಂಸತಿವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ …ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಮನೋಸಮ್ಫಸ್ಸಜಾ ಸಞ್ಞಾ। ಏವಂ ತಿಂಸತಿವಿಧೇನ ಸಞ್ಞಾಕ್ಖನ್ಧೋ।
Tiṃsatividhena saññākkhandho – cakkhusamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā…pe… ghānasamphassapaccayā …pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā…pe… manosamphassajā saññā. Evaṃ tiṃsatividhena saññākkhandho.
ಬಹುವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಸೋತಸಮ್ಫಸ್ಸಪಚ್ಚಯಾ …ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ , ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಚಕ್ಖುಸಮ್ಫಸ್ಸಜಾ ಸಞ್ಞಾ…ಪೇ॰… ಮನೋಸಮ್ಫಸ್ಸಜಾ ಸಞ್ಞಾ। ಏವಂ ಬಹುವಿಧೇನ ಸಞ್ಞಾಕ್ಖನ್ಧೋ।
Bahuvidhena saññākkhandho – cakkhusamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā …pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro , atthi rūpāvacaro, atthi arūpāvacaro, atthi apariyāpanno, cakkhusamphassajā saññā…pe… manosamphassajā saññā. Evaṃ bahuvidhena saññākkhandho.
ಅಪರೋಪಿ ಬಹುವಿಧೇನ ಸಞ್ಞಾಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಞ್ಞಾಕ್ಖನ್ಧೋ ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಚಕ್ಖುಸಮ್ಫಸ್ಸಜಾ ಸಞ್ಞಾ, ಸೋತಸಮ್ಫಸ್ಸಜಾ ಸಞ್ಞಾ, ಘಾನಸಮ್ಫಸ್ಸಜಾ ಸಞ್ಞಾ, ಜಿವ್ಹಾಸಮ್ಫಸ್ಸಜಾ ಸಞ್ಞಾ, ಕಾಯಸಮ್ಫಸ್ಸಜಾ ಸಞ್ಞಾ, ಮನೋಸಮ್ಫಸ್ಸಜಾ ಸಞ್ಞಾ। ಏವಂ ಬಹುವಿಧೇನ ಸಞ್ಞಾಕ್ಖನ್ಧೋ।
Aparopi bahuvidhena saññākkhandho – cakkhusamphassapaccayā saññākkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saññākkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā. Evaṃ bahuvidhena saññākkhandho.
ಅಯಂ ವುಚ್ಚತಿ ಸಞ್ಞಾಕ್ಖನ್ಧೋ।
Ayaṃ vuccati saññākkhandho.
೪. ಸಙ್ಖಾರಕ್ಖನ್ಧೋ
4. Saṅkhārakkhandho
೯೨. ತತ್ಥ ಕತಮೋ ಸಙ್ಖಾರಕ್ಖನ್ಧೋ? ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
92. Tattha katamo saṅkhārakkhandho? Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು, ಅತ್ಥಿ ನ ಹೇತು।
Duvidhena saṅkhārakkhandho – atthi hetu, atthi na hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕುಸಲೋ , ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ।
Tividhena saṅkhārakkhandho – atthi kusalo , atthi akusalo, atthi abyākato.
ಚತುಬ್ಬಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ।
Catubbidhena saṅkhārakkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ಪಞ್ಚವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸುಖಿನ್ದ್ರಿಯಸಮ್ಪಯುತ್ತೋ, ಅತ್ಥಿ ದುಕ್ಖಿನ್ದ್ರಿಯಸಮ್ಪಯುತ್ತೋ, ಅತ್ಥಿ ಸೋಮನಸ್ಸಿನ್ದ್ರಿಯಸಮ್ಪಯುತ್ತೋ, ಅತ್ಥಿ ದೋಮನಸ್ಸಿನ್ದ್ರಿಯಸಮ್ಪಯುತ್ತೋ, ಅತ್ಥಿ ಉಪೇಕ್ಖಿನ್ದ್ರಿಯಸಮ್ಪಯುತ್ತೋ। ಏವಂ ಪಞ್ಚವಿಧೇನ ಸಙ್ಖಾರಕ್ಖನ್ಧೋ।
Pañcavidhena saṅkhārakkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena saṅkhārakkhandho.
ಛಬ್ಬಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಸಮ್ಫಸ್ಸಜಾ ಚೇತನಾ। ಏವಂ ಛಬ್ಬಿಧೇನ ಸಙ್ಖಾರಕ್ಖನ್ಧೋ।
Chabbidhena saṅkhārakkhandho – cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ chabbidhena saṅkhārakkhandho.
ಸತ್ತವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಧಾತುಸಮ್ಫಸ್ಸಜಾ ಚೇತನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ। ಏವಂ ಸತ್ತವಿಧೇನ ಸಙ್ಖಾರಕ್ಖನ್ಧೋ।
Sattavidhena saṅkhārakkhandho – cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā. Evaṃ sattavidhena saṅkhārakkhandho.
ಅಟ್ಠವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಚೇತನಾ…ಪೇ॰… ಕಾಯಸಮ್ಫಸ್ಸಜಾ ಚೇತನಾ ಅತ್ಥಿ ಸುಖಸಹಗತಾ, ಅತ್ಥಿ ದುಕ್ಖಸಹಗತಾ, ಮನೋಧಾತುಸಮ್ಫಸ್ಸಜಾ ಚೇತನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ । ಏವಂ ಅಟ್ಠವಿಧೇನ ಸಙ್ಖಾರಕ್ಖನ್ಧೋ।
Aṭṭhavidhena saṅkhārakkhandho – cakkhusamphassajā cetanā…pe… kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā . Evaṃ aṭṭhavidhena saṅkhārakkhandho.
ನವವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಚೇತನಾ…ಪೇ॰… ಮನೋಧಾತುಸಮ್ಫಸ್ಸಜಾ ಚೇತನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ ಅತ್ಥಿ ಕುಸಲಾ, ಅತ್ಥಿ ಅಕುಸಲಾ, ಅತ್ಥಿ ಅಬ್ಯಾಕತಾ। ಏವಂ ನವವಿಧೇನ ಸಙ್ಖಾರಕ್ಖನ್ಧೋ।
Navavidhena saṅkhārakkhandho – cakkhusamphassajā cetanā…pe… manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā. Evaṃ navavidhena saṅkhārakkhandho.
ದಸವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಜಾ ಚೇತನಾ…ಪೇ॰… ಕಾಯಸಮ್ಫಸ್ಸಜಾ ಚೇತನಾ ಅತ್ಥಿ ಸುಖಸಹಗತಾ, ಅತ್ಥಿ ದುಕ್ಖಸಹಗತಾ, ಮನೋಧಾತುಸಮ್ಫಸ್ಸಜಾ ಚೇತನಾ, ಮನೋವಿಞ್ಞಾಣಧಾತುಸಮ್ಫಸ್ಸಜಾ ಚೇತನಾ ಅತ್ಥಿ ಕುಸಲಾ, ಅತ್ಥಿ ಅಕುಸಲಾ, ಅತ್ಥಿ ಅಬ್ಯಾಕತಾ। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Dasavidhena saṅkhārakkhandho – cakkhusamphassajā cetanā…pe… kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā. Evaṃ dasavidhena saṅkhārakkhandho.
೯೩. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
93. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು, ಅತ್ಥಿ ನ ಹೇತು।
Duvidhena saṅkhārakkhandho – atthi hetu, atthi na hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ। ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ। ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ। ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ। ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ। ಅತ್ಥಿ ಪೀತಿಸಹಗತೋ, ಅತ್ಥಿ ಸುಖಸಹಗತೋ, ಅತ್ಥಿ ಉಪೇಕ್ಖಾಸಹಗತೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ। ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ। ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ। ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ। ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ। ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ। ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ। ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ। ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ। ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ। ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ । ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto, atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho . Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
೯೪. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
94. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ। ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ। ಅತ್ಥಿ ಹೇತು ಚೇವ ಸಹೇತುಕೋ ಚ, ಅತ್ಥಿ ಸಹೇತುಕೋ ಚೇವ ನ ಚ ಹೇತು। ಅತ್ಥಿ ಹೇತು ಚೇವ ಹೇತುಸಮ್ಪಯುತ್ತೋ ಚ, ಅತ್ಥಿ ಹೇತುಸಮ್ಪಯುತ್ತೋ ಚೇವ ನ ಚ ಹೇತು। ಅತ್ಥಿ ನ ಹೇತು ಸಹೇತುಕೋ, ಅತ್ಥಿ ನ ಹೇತು ಅಹೇತುಕೋ। ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ। ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ। ಅತ್ಥಿ ಆಸವೋ, ಅತ್ಥಿ ನೋ ಆಸವೋ। ಅತ್ಥಿ ಸಾಸವೋ, ಅತ್ಥಿ ಅನಾಸವೋ। ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ। ಅತ್ಥಿ ಆಸವೋ ಚೇವ ಸಾಸವೋ ಚ, ಅತ್ಥಿ ಸಾಸವೋ ಚೇವ ನೋ ಚ ಆಸವೋ। ಅತ್ಥಿ ಆಸವೋ ಚೇವ ಆಸವಸಮ್ಪಯುತ್ತೋ ಚ, ಅತ್ಥಿ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ। ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ। ಅತ್ಥಿ ಸಂಯೋಜನಂ, ಅತ್ಥಿ ನೋ ಸಂಯೋಜನಂ। ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ। ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ। ಅತ್ಥಿ ಸಂಯೋಜನಞ್ಚೇವ ಸಂಯೋಜನಿಯೋ ಚ, ಅತ್ಥಿ ಸಂಯೋಜನಿಯೋ ಚೇವ ನೋ ಚ ಸಂಯೋಜನಂ। ಅತ್ಥಿ ಸಂಯೋಜನಞ್ಚೇವ ಸಂಯೋಜನಸಮ್ಪಯುತ್ತೋ ಚ, ಅತ್ಥಿ ಸಂಯೋಜನಸಮ್ಪಯುತ್ತೋ ಚೇವ ನೋ ಚ ಸಂಯೋಜನಂ। ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ।
Duvidhena saṅkhārakkhandho – atthi sahetuko, atthi ahetuko. Atthi hetusampayutto, atthi hetuvippayutto. Atthi hetu ceva sahetuko ca, atthi sahetuko ceva na ca hetu. Atthi hetu ceva hetusampayutto ca, atthi hetusampayutto ceva na ca hetu. Atthi na hetu sahetuko, atthi na hetu ahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi āsavo, atthi no āsavo. Atthi sāsavo, atthi anāsavo. Atthi āsavasampayutto, atthi āsavavippayutto. Atthi āsavo ceva sāsavo ca, atthi sāsavo ceva no ca āsavo. Atthi āsavo ceva āsavasampayutto ca, atthi āsavasampayutto ceva no ca āsavo. Atthi āsavavippayuttasāsavo, atthi āsavavippayuttaanāsavo. Atthi saṃyojanaṃ, atthi no saṃyojanaṃ. Atthi saṃyojaniyo, atthi asaṃyojaniyo. Atthi saṃyojanasampayutto, atthi saṃyojanavippayutto. Atthi saṃyojanañceva saṃyojaniyo ca, atthi saṃyojaniyo ceva no ca saṃyojanaṃ. Atthi saṃyojanañceva saṃyojanasampayutto ca, atthi saṃyojanasampayutto ceva no ca saṃyojanaṃ. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ಅತ್ಥಿ ಗನ್ಥೋ, ಅತ್ಥಿ ನೋ ಗನ್ಥೋ। ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ। ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ। ಅತ್ಥಿ ಗನ್ಥೋ ಚೇವ ಗನ್ಥನಿಯೋ ಚ, ಅತ್ಥಿ ಗನ್ಥನಿಯೋ ಚೇವ ನೋ ಚ ಗನ್ಥೋ। ಅತ್ಥಿ ಗನ್ಥೋ ಚೇವ ಗನ್ಥಸಮ್ಪಯುತ್ತೋ ಚ, ಅತ್ಥಿ ಗನ್ಥಸಮ್ಪಯುತ್ತೋ ಚೇವ ನೋ ಚ ಗನ್ಥೋ। ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ। ಅತ್ಥಿ ಓಘೋ, ಅತ್ಥಿ ನೋ ಓಘೋ। ಅತ್ಥಿ ಓಘನಿಯೋ, ಅತ್ಥಿ ಅನೋಘನಿಯೋ। ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ। ಅತ್ಥಿ ಓಘೋ ಚೇವ ಓಘನಿಯೋ ಚ, ಅತ್ಥಿ ಓಘನಿಯೋ ಚೇವ ನೋ ಚ ಓಘೋ। ಅತ್ಥಿ ಓಘೋ ಚೇವ ಓಘಸಮ್ಪಯುತ್ತೋ ಚ, ಅತ್ಥಿ ಓಘಸಮ್ಪಯುತ್ತೋ ಚೇವ ನೋ ಚ ಓಘೋ। ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ। ಅತ್ಥಿ ಯೋಗೋ, ಅತ್ಥಿ ನೋ ಯೋಗೋ। ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ। ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ। ಅತ್ಥಿ ಯೋಗೋ ಚೇವ ಯೋಗನಿಯೋ ಚ, ಅತ್ಥಿ ಯೋಗನಿಯೋ ಚೇವ ನೋ ಚ ಯೋಗೋ। ಅತ್ಥಿ ಯೋಗೋ ಚೇವ ಯೋಗಸಮ್ಪಯುತ್ತೋ ಚ, ಅತ್ಥಿ ಯೋಗಸಮ್ಪಯುತ್ತೋ ಚೇವ ನೋ ಚ ಯೋಗೋ। ಅತ್ಥಿ ಯೋಗವಿಪ್ಪಯುತ್ತಯೋಗನಿಯೋ, ಅತ್ಥಿ ಯೋಗವಿಪ್ಪಯುತ್ತಅಯೋಗನಿಯೋ। ಅತ್ಥಿ ನೀವರಣಂ, ಅತ್ಥಿ ನೋ ನೀವರಣಂ। ಅತ್ಥಿ ನೀವರಣಿಯೋ, ಅತ್ಥಿ ಅನೀವರಣಿಯೋ। ಅತ್ಥಿ ನೀವರಣಸಮ್ಪಯುತ್ತೋ, ಅತ್ಥಿ ನೀವರಣವಿಪ್ಪಯುತ್ತೋ। ಅತ್ಥಿ ನೀವರಣಞ್ಚೇವ ನೀವರಣಿಯೋ ಚ, ಅತ್ಥಿ ನೀವರಣಿಯೋ ಚೇವ ನೋ ಚ ನೀವರಣಂ। ಅತ್ಥಿ ನೀವರಣಞ್ಚೇವ ನೀವರಣಸಮ್ಪಯುತ್ತೋ ಚ, ಅತ್ಥಿ ನೀವರಣಸಮ್ಪಯುತ್ತೋ ಚೇವ ನೋ ಚ ನೀವರಣಂ। ಅತ್ಥಿ ನೀವರಣವಿಪ್ಪಯುತ್ತನೀವರಣಿಯೋ, ಅತ್ಥಿ ನೀವರಣವಿಪ್ಪಯುತ್ತಅನೀವರಣಿಯೋ।
Atthi gantho, atthi no gantho. Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi gantho ceva ganthaniyo ca, atthi ganthaniyo ceva no ca gantho. Atthi gantho ceva ganthasampayutto ca, atthi ganthasampayutto ceva no ca gantho. Atthi ganthavippayuttaganthaniyo, atthi ganthavippayuttaaganthaniyo. Atthi ogho, atthi no ogho. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi ogho ceva oghaniyo ca, atthi oghaniyo ceva no ca ogho. Atthi ogho ceva oghasampayutto ca, atthi oghasampayutto ceva no ca ogho. Atthi oghavippayuttaoghaniyo, atthi oghavippayuttaanoghaniyo. Atthi yogo, atthi no yogo. Atthi yoganiyo, atthi ayoganiyo. Atthi yogasampayutto, atthi yogavippayutto. Atthi yogo ceva yoganiyo ca, atthi yoganiyo ceva no ca yogo. Atthi yogo ceva yogasampayutto ca, atthi yogasampayutto ceva no ca yogo. Atthi yogavippayuttayoganiyo, atthi yogavippayuttaayoganiyo. Atthi nīvaraṇaṃ, atthi no nīvaraṇaṃ. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇañceva nīvaraṇiyo ca, atthi nīvaraṇiyo ceva no ca nīvaraṇaṃ. Atthi nīvaraṇañceva nīvaraṇasampayutto ca, atthi nīvaraṇasampayutto ceva no ca nīvaraṇaṃ. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
ಅತ್ಥಿ ಪರಾಮಾಸೋ, ಅತ್ಥಿ ನೋ ಪರಾಮಾಸೋ। ಅತ್ಥಿ ಪರಾಮಟ್ಠೋ, ಅತ್ಥಿ ಅಪರಾಮಟ್ಠೋ। ಅತ್ಥಿ ಪರಾಮಾಸಸಮ್ಪಯುತ್ತೋ, ಅತ್ಥಿ ಪರಾಮಾಸವಿಪ್ಪಯುತ್ತೋ। ಅತ್ಥಿ ಪರಾಮಾಸೋ ಚೇವ ಪರಾಮಟ್ಠೋ ಚ, ಅತ್ಥಿ ಪರಾಮಟ್ಠೋ ಚೇವ ನೋ ಚ ಪರಾಮಾಸೋ। ಅತ್ಥಿ ಪರಾಮಾಸವಿಪ್ಪಯುತ್ತಪರಾಮಟ್ಠೋ, ಅತ್ಥಿ ಪರಾಮಾಸವಿಪ್ಪಯುತ್ತಅಪರಾಮಟ್ಠೋ। ಅತ್ಥಿ ಉಪಾದಿನ್ನೋ, ಅತ್ಥಿ ಅನುಪಾದಿನ್ನೋ। ಅತ್ಥಿ ಉಪಾದಾನಂ, ಅತ್ಥಿ ನೋ ಉಪಾದಾನಂ। ಅತ್ಥಿ ಉಪಾದಾನಿಯೋ, ಅತ್ಥಿ ಅನುಪಾದಾನಿಯೋ। ಅತ್ಥಿ ಉಪಾದಾನಸಮ್ಪಯುತ್ತೋ, ಅತ್ಥಿ ಉಪಾದಾನವಿಪ್ಪಯುತ್ತೋ। ಅತ್ಥಿ ಉಪಾದಾನಞ್ಚೇವ ಉಪಾದಾನಿಯೋ ಚ, ಅತ್ಥಿ ಉಪಾದಾನಿಯೋ ಚೇವ ನೋ ಚ ಉಪಾದಾನಂ। ಅತ್ಥಿ ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತೋ ಚ , ಅತ್ಥಿ ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನಂ। ಅತ್ಥಿ ಉಪಾದಾನವಿಪ್ಪಯುತ್ತಉಪಾದಾನಿಯೋ, ಅತ್ಥಿ ಉಪಾದಾನವಿಪ್ಪಯುತ್ತಅನುಪಾದಾನಿಯೋ।
Atthi parāmāso, atthi no parāmāso. Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāso ceva parāmaṭṭho ca, atthi parāmaṭṭho ceva no ca parāmāso. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādānaṃ, atthi no upādānaṃ. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānañceva upādāniyo ca, atthi upādāniyo ceva no ca upādānaṃ. Atthi upādānañceva upādānasampayutto ca , atthi upādānasampayutto ceva no ca upādānaṃ. Atthi upādānavippayuttaupādāniyo, atthi upādānavippayuttaanupādāniyo.
ಅತ್ಥಿ ಕಿಲೇಸೋ, ಅತ್ಥಿ ನೋ ಕಿಲೇಸೋ। ಅತ್ಥಿ ಸಂಕಿಲೇಸಿಕೋ, ಅತ್ಥಿ ಅಸಂಕಿಲೇಸಿಕೋ। ಅತ್ಥಿ ಸಂಕಿಲಿಟ್ಠೋ, ಅತ್ಥಿ ಅಸಂಕಿಲಿಟ್ಠೋ। ಅತ್ಥಿ ಕಿಲೇಸಸಮ್ಪಯುತ್ತೋ, ಅತ್ಥಿ ಕಿಲೇಸವಿಪ್ಪಯುತ್ತೋ। ಅತ್ಥಿ ಕಿಲೇಸೋ ಚೇವ ಸಂಕಿಲೇಸಿಕೋ ಚ, ಅತ್ಥಿ ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ। ಅತ್ಥಿ ಕಿಲೇಸೋ ಚೇವ ಸಂಕಿಲಿಟ್ಠೋ ಚ, ಅತ್ಥಿ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ। ಅತ್ಥಿ ಕಿಲೇಸೋ ಚೇವ ಕಿಲೇಸಸಮ್ಪಯುತ್ತೋ ಚ, ಅತ್ಥಿ ಕಿಲೇಸಸಮ್ಪಯುತ್ತೋ ಚೇವ ನೋ ಚ ಕಿಲೇಸೋ। ಅತ್ಥಿ ಕಿಲೇಸವಿಪ್ಪಯುತ್ತಸಂಕಿಲೇಸಿಕೋ, ಅತ್ಥಿ ಕಿಲೇಸವಿಪ್ಪಯುತ್ತಅಸಂಕಿಲೇಸಿಕೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ನ ದಸ್ಸನೇನ ಪಹಾತಬ್ಬೋ। ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ನ ದಸ್ಸನೇನ ಪಹಾತಬ್ಬಹೇತುಕೋ। ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನ ಭಾವನಾಯ ಪಹಾತಬ್ಬಹೇತುಕೋ।
Atthi kileso, atthi no kileso. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kileso ceva saṃkilesiko ca, atthi saṃkilesiko ceva no ca kileso. Atthi kileso ceva saṃkiliṭṭho ca, atthi saṃkiliṭṭho ceva no ca kileso. Atthi kileso ceva kilesasampayutto ca, atthi kilesasampayutto ceva no ca kileso. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo, atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko.
ಅತ್ಥಿ ಸವಿತಕ್ಕೋ, ಅತ್ಥಿ ಅವಿತಕ್ಕೋ। ಅತ್ಥಿ ಸವಿಚಾರೋ, ಅತ್ಥಿ ಅವಿಚಾರೋ। ಅತ್ಥಿ ಸಪ್ಪೀತಿಕೋ , ಅತ್ಥಿ ಅಪ್ಪೀತಿಕೋ। ಅತ್ಥಿ ಪೀತಿಸಹಗತೋ, ಅತ್ಥಿ ನ ಪೀತಿಸಹಗತೋ। ಅತ್ಥಿ ಸುಖಸಹಗತೋ, ಅತ್ಥಿ ನ ಸುಖಸಹಗತೋ। ಅತ್ಥಿ ಉಪೇಕ್ಖಾಸಹಗತೋ, ಅತ್ಥಿ ನ ಉಪೇಕ್ಖಾಸಹಗತೋ। ಅತ್ಥಿ ಕಾಮಾವಚರೋ, ಅತ್ಥಿ ನ ಕಾಮಾವಚರೋ। ಅತ್ಥಿ ರೂಪಾವಚರೋ, ಅತ್ಥಿ ನ ರೂಪಾವಚರೋ। ಅತ್ಥಿ ಅರೂಪಾವಚರೋ, ಅತ್ಥಿ ನ ಅರೂಪಾವಚರೋ। ಅತ್ಥಿ ಪರಿಯಾಪನ್ನೋ, ಅತ್ಥಿ ಅಪರಿಯಾಪನ್ನೋ। ಅತ್ಥಿ ನಿಯ್ಯಾನಿಕೋ, ಅತ್ಥಿ ಅನಿಯ್ಯಾನಿಕೋ। ಅತ್ಥಿ ನಿಯತೋ, ಅತ್ಥಿ ಅನಿಯತೋ। ಅತ್ಥಿ ಸಉತ್ತರೋ, ಅತ್ಥಿ ಅನುತ್ತರೋ। ಅತ್ಥಿ ಸರಣೋ, ಅತ್ಥಿ ಅರಣೋ।
Atthi savitakko, atthi avitakko. Atthi savicāro, atthi avicāro. Atthi sappītiko , atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro, atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro. Atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
೯೫. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
95. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saṅkhārakkhandho – atthi saraṇo, atthi araṇo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
ದುಕಮೂಲಕಂ।
Dukamūlakaṃ.
೯೬. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
96. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು, ಅತ್ಥಿ ನ ಹೇತು।
Duvidhena saṅkhārakkhandho – atthi hetu, atthi na hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ ।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho .
೯೭. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
97. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saṅkhārakkhandho – atthi saraṇo, atthi araṇo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
೯೮. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
98. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು, ಅತ್ಥಿ ನ ಹೇತು।
Duvidhena saṅkhārakkhandho – atthi hetu, atthi na hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
೯೯. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
99. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena saṅkhārakkhandho – atthi saraṇo, atthi araṇo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
ತಿಕಮೂಲಕಂ।
Tikamūlakaṃ.
೧೦೦. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
100. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು, ಅತ್ಥಿ ನ ಹೇತು।
Duvidhena saṅkhārakkhandho – atthi hetu, atthi na hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi kusalo, atthi akusalo, atthi abyākato…pe…. Evaṃ dasavidhena saṅkhārakkhandho.
೧೦೧. ಏಕವಿಧೇನ ಸಙ್ಖಾರಕ್ಖನ್ಧೋ ಚಿತ್ತಸಮ್ಪಯುತ್ತೋ।
101. Ekavidhena saṅkhārakkhandho cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena saṅkhārakkhandho atthi sahetuko, atthi ahetuko.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena saṅkhārakkhandho.
೧೦೨. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
102. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ।
Duvidhena saṅkhārakkhandho – atthi hetusampayutto, atthi hetuvippayutto.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena saṅkhārakkhandho.
೧೦೩. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
103. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು ಚೇವ ಸಹೇತುಕೋ ಚ, ಅತ್ಥಿ ಸಹೇತುಕೋ ಚೇವ ನ ಚ ಹೇತು।
Duvidhena saṅkhārakkhandho – atthi hetu ceva sahetuko ca, atthi sahetuko ceva na ca hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena saṅkhārakkhandho.
೧೦೪. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
104. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೇತು ಚೇವ ಹೇತುಸಮ್ಪಯುತ್ತೋ ಚ, ಅತ್ಥಿ ಹೇತುಸಮ್ಪಯುತ್ತೋ ಚೇವ ನ ಚ ಹೇತು।
Duvidhena saṅkhārakkhandho – atthi hetu ceva hetusampayutto ca, atthi hetusampayutto ceva na ca hetu.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena saṅkhārakkhandho.
೧೦೫. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
105. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ನ ಹೇತು ಸಹೇತುಕೋ, ಅತ್ಥಿ ನ ಹೇತು ಅಹೇತುಕೋ।
Duvidhena saṅkhārakkhandho – atthi na hetu sahetuko, atthi na hetu ahetuko.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena saṅkhārakkhandho.
೧೦೬. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
106. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ।
Duvidhena saṅkhārakkhandho – atthi lokiyo, atthi lokuttaro.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಪೀತಿಸಹಗತೋ, ಅತ್ಥಿ ಸುಖಸಹಗತೋ, ಅತ್ಥಿ ಉಪೇಕ್ಖಾಸಹಗತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena saṅkhārakkhandho.
೧೦೭. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
107. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ।
Duvidhena saṅkhārakkhandho – atthi kenaci viññeyyo, atthi kenaci na viññeyyo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena saṅkhārakkhandho.
೧೦೮. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
108. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಆಸವೋ, ಅತ್ಥಿ ನೋ ಆಸವೋ।
Duvidhena saṅkhārakkhandho – atthi āsavo, atthi no āsavo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena saṅkhārakkhandho.
೧೦೯. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
109. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಾಸವೋ, ಅತ್ಥಿ ಅನಾಸವೋ।
Duvidhena saṅkhārakkhandho – atthi sāsavo, atthi anāsavo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi ācayagāmī, atthi apacayagāmī, atthi nevācayagāmināpacayagāmī…pe…. Evaṃ dasavidhena saṅkhārakkhandho.
೧೧೦. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
110. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ।
Duvidhena saṅkhārakkhandho – atthi āsavasampayutto, atthi āsavavippayutto.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena saṅkhārakkhandho.
೧೧೧. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
111. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಆಸವೋ ಚೇವ ಸಾಸವೋ ಚ, ಅತ್ಥಿ ಸಾಸವೋ ಚೇವ ನೋ ಚ ಆಸವೋ ।
Duvidhena saṅkhārakkhandho – atthi āsavo ceva sāsavo ca, atthi sāsavo ceva no ca āsavo .
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi paritto, atthi mahaggato, atthi appamāṇo…pe…. Evaṃ dasavidhena saṅkhārakkhandho.
೧೧೨. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
112. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಆಸವೋ ಚೇವ ಆಸವಸಮ್ಪಯುತ್ತೋ ಚ, ಅತ್ಥಿ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ।
Duvidhena saṅkhārakkhandho – atthi āsavo ceva āsavasampayutto ca, atthi āsavasampayutto ceva no ca āsavo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena saṅkhārakkhandho.
೧೧೩. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
113. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವಿಪ್ಪಯುತ್ತಅನಾಸವೋ।
Duvidhena saṅkhārakkhandho – atthi āsavavippayuttasāsavo, atthi āsavippayuttaanāsavo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi hīno, atthi majjhimo, atthi paṇīto…pe…. Evaṃ dasavidhena saṅkhārakkhandho.
೧೧೪. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
114. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಯೋಜನಂ, ಅತ್ಥಿ ನೋ ಸಂಯೋಜನಂ।
Duvidhena saṅkhārakkhandho – atthi saṃyojanaṃ, atthi no saṃyojanaṃ.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena saṅkhārakkhandho.
೧೧೫. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
115. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ।
Duvidhena saṅkhārakkhandho – atthi saṃyojaniyo, atthi asaṃyojaniyo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena saṅkhārakkhandho.
೧೧೬. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
116. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ।
Duvidhena saṅkhārakkhandho – atthi saṃyojanasampayutto, atthi saṃyojanavippayutto.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi uppanno, atthi anuppanno, atthi uppādī…pe…. Evaṃ dasavidhena saṅkhārakkhandho.
೧೧೭. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ ।
117. Ekavidhena saṅkhārakkhandho – cittasampayutto .
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಯೋಜನಞ್ಚೇವ ಸಂಯೋಜನಿಯೋ ಚ, ಅತ್ಥಿ ಸಂಯೋಜನಿಯೋ ಚೇವ ನೋ ಚ ಸಂಯೋಜನಂ।
Duvidhena saṅkhārakkhandho – atthi saṃyojanañceva saṃyojaniyo ca, atthi saṃyojaniyo ceva no ca saṃyojanaṃ.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi atīto, atthi anāgato, atthi paccuppanno…pe…. Evaṃ dasavidhena saṅkhārakkhandho.
೧೧೮. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
118. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಯೋಜನಞ್ಚೇವ ಸಂಯೋಜನಸಮ್ಪಯುತ್ತೋ ಚ, ಅತ್ಥಿ ಸಂಯೋಜನಸಮ್ಪಯುತ್ತೋ ಚೇವ ನೋ ಚ ಸಂಯೋಜನಂ।
Duvidhena saṅkhārakkhandho – atthi saṃyojanañceva saṃyojanasampayutto ca, atthi saṃyojanasampayutto ceva no ca saṃyojanaṃ.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena saṅkhārakkhandho.
೧೧೯. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
119. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ।
Duvidhena saṅkhārakkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena saṅkhārakkhandho.
೧೨೦. ಏಕವಿಧೇನ ಸಙ್ಖಾರಕ್ಖನ್ಧೋ – ಚಿತ್ತಸಮ್ಪಯುತ್ತೋ।
120. Ekavidhena saṅkhārakkhandho – cittasampayutto.
ದುವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಗನ್ಥೋ, ಅತ್ಥಿ ನೋ ಗನ್ಥೋ।
Duvidhena saṅkhārakkhandho – atthi gantho, atthi no gantho.
ತಿವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ಸಙ್ಖಾರಕ್ಖನ್ಧೋ।
Tividhena saṅkhārakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena saṅkhārakkhandho.
ಉಭತೋವಡ್ಢಕಂ।
Ubhatovaḍḍhakaṃ.
ಸತ್ತವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ಸಙ್ಖಾರಕ್ಖನ್ಧೋ।
Sattavidhena saṅkhārakkhandho – atthi kusalo, atthi akusalo, atthi abyākato; atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saṅkhārakkhandho.
ಅಪರೋಪಿ ಸತ್ತವಿಧೇನ ಸಙ್ಖಾರಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ; ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ; ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ಸಙ್ಖಾರಕ್ಖನ್ಧೋ।
Aparopi sattavidhena saṅkhārakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto; atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo atthi ajjhattabahiddhārammaṇo; atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena saṅkhārakkhandho.
ಚತುವೀಸತಿವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಚಕ್ಖುಸಮ್ಫಸ್ಸಜಾ ಚೇತನಾ…ಪೇ॰… ಮನೋಸಮ್ಫಸ್ಸಜಾ ಚೇತನಾ। ಏವಂ ಚತುವೀಸತಿವಿಧೇನ ಸಙ್ಖಾರಕ್ಖನ್ಧೋ।
Catuvīsatividhena saṅkhārakkhandho – cakkhusamphassapaccayā saṅkhārakkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kusalo, atthi akusalo, atthi abyākato; cakkhusamphassajā cetanā…pe… manosamphassajā cetanā. Evaṃ catuvīsatividhena saṅkhārakkhandho.
ಅಪರೋಪಿ ಚತುವೀಸತಿವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ; ಚಕ್ಖುಸಮ್ಫಸ್ಸಜಾ ಚೇತನಾ…ಪೇ॰… ಮನೋಸಮ್ಫಸ್ಸಜಾ ಚೇತನಾ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ; ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಸಮ್ಫಸ್ಸಜಾ ಚೇತನಾ। ಏವಂ ಚತುವೀಸತಿವಿಧೇನ ಸಙ್ಖಾರಕ್ಖನ್ಧೋ।
Aparopi catuvīsatividhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā cetanā…pe… manosamphassajā cetanā; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ catuvīsatividhena saṅkhārakkhandho.
ತಿಂಸತಿವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ …ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುಸಮ್ಫಸ್ಸಜಾ ಚೇತನಾ…ಪೇ॰… ಮನೋಸಮ್ಫಸ್ಸಜಾ ಚೇತನಾ। ಏವಂ ತಿಂಸತಿವಿಧೇನ ಸಙ್ಖಾರಕ್ಖನ್ಧೋ।
Tiṃsatividhena saṅkhārakkhandho – cakkhusamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno ; sotasamphassapaccayā…pe… ghānasamphassapaccayā …pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā…pe… manosamphassajā cetanā. Evaṃ tiṃsatividhena saṅkhārakkhandho.
ಬಹುವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಸಮ್ಫಸ್ಸಜಾ ಚೇತನಾ। ಏವಂ ಬಹುವಿಧೇನ ಸಙ್ಖಾರಕ್ಖನ್ಧೋ।
Bahuvidhena saṅkhārakkhandho – cakkhusamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ bahuvidhena saṅkhārakkhandho.
ಅಪರೋಪಿ ಬಹುವಿಧೇನ ಸಙ್ಖಾರಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ಸಙ್ಖಾರಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ …ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುಸಮ್ಫಸ್ಸಜಾ ಚೇತನಾ, ಸೋತಸಮ್ಫಸ್ಸಜಾ ಚೇತನಾ, ಘಾನಸಮ್ಫಸ್ಸಜಾ ಚೇತನಾ, ಜಿವ್ಹಾಸಮ್ಫಸ್ಸಜಾ ಚೇತನಾ, ಕಾಯಸಮ್ಫಸ್ಸಜಾ ಚೇತನಾ, ಮನೋಸಮ್ಫಸ್ಸಜಾ ಚೇತನಾ। ಏವಂ ಬಹುವಿಧೇನ ಸಙ್ಖಾರಕ್ಖನ್ಧೋ।
Aparopi bahuvidhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā saṅkhārakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā. Evaṃ bahuvidhena saṅkhārakkhandho.
ಅಯಂ ವುಚ್ಚತಿ ಸಙ್ಖಾರಕ್ಖನ್ಧೋ।
Ayaṃ vuccati saṅkhārakkhandho.
೫. ವಿಞ್ಞಾಣಕ್ಖನ್ಧೋ
5. Viññāṇakkhandho
೧೨೧. ತತ್ಥ ಕತಮೋ ವಿಞ್ಞಾಣಕ್ಖನ್ಧೋ? ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
121. Tattha katamo viññāṇakkhandho? Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena viññāṇakkhandho – atthi sahetuko, atthi ahetuko.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ।
Tividhena viññāṇakkhandho – atthi kusalo, atthi akusalo, atthi abyākato.
ಚತುಬ್ಬಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ।
Catubbidhena viññāṇakkhandho – atthi kāmāvacaro, atthi rūpāvacaro, atthi arūpāvacaro, atthi apariyāpanno.
ಪಞ್ಚವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸುಖಿನ್ದ್ರಿಯಸಮ್ಪಯುತ್ತೋ, ಅತ್ಥಿ ದುಕ್ಖಿನ್ದ್ರಿಯಸಮ್ಪಯುತ್ತೋ, ಅತ್ಥಿ ಸೋಮನಸ್ಸಿನ್ದ್ರಿಯಸಮ್ಪಯುತ್ತೋ, ಅತ್ಥಿ ದೋಮನಸ್ಸಿನ್ದ್ರಿಯಸಮ್ಪಯುತ್ತೋ, ಅತ್ಥಿ ಉಪೇಕ್ಖಿನ್ದ್ರಿಯಸಮ್ಪಯುತ್ತೋ। ಏವಂ ಪಞ್ಚವಿಧೇನ ವಿಞ್ಞಾಣಕ್ಖನ್ಧೋ।
Pañcavidhena viññāṇakkhandho – atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto. Evaṃ pañcavidhena viññāṇakkhandho.
ಛಬ್ಬಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋವಿಞ್ಞಾಣಂ। ಏವಂ ಛಬ್ಬಿಧೇನ ವಿಞ್ಞಾಣಕ್ಖನ್ಧೋ।
Chabbidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ chabbidhena viññāṇakkhandho.
ಸತ್ತವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋಧಾತು, ಮನೋವಿಞ್ಞಾಣಧಾತು। ಏವಂ ಸತ್ತವಿಧೇನ ವಿಞ್ಞಾಣಕ್ಖನ್ಧೋ।
Sattavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu. Evaṃ sattavidhena viññāṇakkhandho.
ಅಟ್ಠವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ ಅತ್ಥಿ ಸುಖಸಹಗತಂ, ಅತ್ಥಿ ದುಕ್ಖಸಹಗತಂ, ಮನೋಧಾತು, ಮನೋವಿಞ್ಞಾಣಧಾತು । ಏವಂ ಅಟ್ಠವಿಧೇನ ವಿಞ್ಞಾಣಕ್ಖನ್ಧೋ।
Aṭṭhavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu . Evaṃ aṭṭhavidhena viññāṇakkhandho.
ನವವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋಧಾತು, ಮನೋವಿಞ್ಞಾಣಧಾತು ಅತ್ಥಿ ಕುಸಲಂ, ಅತ್ಥಿ ಅಕುಸಲಂ, ಅತ್ಥಿ ಅಬ್ಯಾಕತಂ। ಏವಂ ನವವಿಧೇನ ವಿಞ್ಞಾಣಕ್ಖನ್ಧೋ।
Navavidhena viññāṇakkhandho – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu atthi kusalaṃ, atthi akusalaṃ, atthi abyākataṃ. Evaṃ navavidhena viññāṇakkhandho.
ದಸವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುವಿಞ್ಞಾಣಂ…ಪೇ॰… ಕಾಯವಿಞ್ಞಾಣಂ ಅತ್ಥಿ ಸುಖಸಹಗತಂ, ಅತ್ಥಿ ದುಕ್ಖಸಹಗತಂ, ಮನೋಧಾತು, ಮನೋವಿಞ್ಞಾಣಧಾತು ಅತ್ಥಿ ಕುಸಲಂ, ಅತ್ಥಿ ಅಕುಸಲಂ, ಅತ್ಥಿ ಅಬ್ಯಾಕತಂ। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Dasavidhena viññāṇakkhandho – cakkhuviññāṇaṃ…pe… kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu atthi kusalaṃ, atthi akusalaṃ, atthi abyākataṃ. Evaṃ dasavidhena viññāṇakkhandho.
೧೨೨. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
122. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena viññāṇakkhandho – atthi sahetuko, atthi ahetuko.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ। ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ। ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ। ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ। ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ , ಅತ್ಥಿ ಅವಿತಕ್ಕಅವಿಚಾರೋ। ಅತ್ಥಿ ಪೀತಿಸಹಗತೋ, ಅತ್ಥಿ ಸುಖಸಹಗತೋ, ಅತ್ಥಿ ಉಪೇಕ್ಖಾಸಹಗತೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ। ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ, ಅತ್ಥಿ ನೇವಾಚಯಗಾಮಿನಾಪಚಯಗಾಮೀ। ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ। ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ। ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ। ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ। ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ। ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ। ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ। ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ। ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ। ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ। ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko, atthi vipākadhammadhammo, atthi nevavipākanavipākadhammadhammo. Atthi upādinnupādāniyo, atthi anupādinnupādāniyo, atthi anupādinnaanupādāniyo. Atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko. Atthi savitakkasavicāro, atthi avitakkavicāramatto , atthi avitakkaavicāro. Atthi pītisahagato, atthi sukhasahagato, atthi upekkhāsahagato. Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo. Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko. Atthi ācayagāmī, atthi apacayagāmī, atthi nevācayagāmināpacayagāmī. Atthi sekkho, atthi asekkho, atthi nevasekkhanāsekkho. Atthi paritto, atthi mahaggato, atthi appamāṇo. Atthi parittārammaṇo, atthi mahaggatārammaṇo, atthi appamāṇārammaṇo. Atthi hīno, atthi majjhimo, atthi paṇīto. Atthi micchattaniyato, atthi sammattaniyato, atthi aniyato. Atthi maggārammaṇo, atthi maggahetuko, atthi maggādhipati. Atthi uppanno, atthi anuppanno, atthi uppādī. Atthi atīto, atthi anāgato, atthi paccuppanno. Atthi atītārammaṇo, atthi anāgatārammaṇo, atthi paccuppannārammaṇo. Atthi ajjhatto, atthi bahiddho, atthi ajjhattabahiddho. Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
೧೨೩. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
123. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ। ಅತ್ಥಿ ನ ಹೇತು ಸಹೇತುಕೋ, ಅತ್ಥಿ ನ ಹೇತು ಅಹೇತುಕೋ। ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ। ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ। ಅತ್ಥಿ ಸಾಸವೋ, ಅತ್ಥಿ ಅನಾಸವೋ। ಅತ್ಥಿ ಆಸವಸಮ್ಪಯುತ್ತೋ , ಅತ್ಥಿ ಆಸವವಿಪ್ಪಯುತ್ತೋ। ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ। ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ। ಅತ್ಥಿ ಸಂಯೋಜನಸಮ್ಪಯುತ್ತೋ , ಅತ್ಥಿ ಸಂಯೋಜನವಿಪ್ಪಯುತ್ತೋ। ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ।
Duvidhena viññāṇakkhandho – atthi hetusampayutto, atthi hetuvippayutto. Atthi na hetu sahetuko, atthi na hetu ahetuko. Atthi lokiyo, atthi lokuttaro. Atthi kenaci viññeyyo, atthi kenaci na viññeyyo. Atthi sāsavo, atthi anāsavo. Atthi āsavasampayutto , atthi āsavavippayutto. Atthi āsavavippayuttasāsavo, atthi āsavavippayuttaanāsavo. Atthi saṃyojaniyo, atthi asaṃyojaniyo. Atthi saṃyojanasampayutto , atthi saṃyojanavippayutto. Atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ। ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ। ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ। ಅತ್ಥಿ ಓಘನಿಯೋ, ಅತ್ಥಿ ಅನೋಘನಿಯೋ। ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ। ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ। ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ। ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ । ಅತ್ಥಿ ಯೋಗವಿಪ್ಪಯುತ್ತಯೋಗನಿಯೋ, ಅತ್ಥಿ ಯೋಗವಿಪ್ಪಯುತ್ತಅಯೋಗನಿಯೋ। ಅತ್ಥಿ ನೀವರಣಿಯೋ, ಅತ್ಥಿ ಅನೀವರಣಿಯೋ। ಅತ್ಥಿ ನೀವರಣಸಮ್ಪಯುತ್ತೋ, ಅತ್ಥಿ ನೀವರಣವಿಪ್ಪಯುತ್ತೋ। ಅತ್ಥಿ ನೀವರಣವಿಪ್ಪಯುತ್ತನೀವರಣಿಯೋ, ಅತ್ಥಿ ನೀವರಣವಿಪ್ಪಯುತ್ತಅನೀವರಣಿಯೋ।
Atthi ganthaniyo, atthi aganthaniyo. Atthi ganthasampayutto, atthi ganthavippayutto. Atthi ganthavippayuttaganthaniyo, atthi ganthavippayuttaaganthaniyo. Atthi oghaniyo, atthi anoghaniyo. Atthi oghasampayutto, atthi oghavippayutto. Atthi oghavippayuttaoghaniyo, atthi oghavippayuttaanoghaniyo. Atthi yoganiyo, atthi ayoganiyo. Atthi yogasampayutto, atthi yogavippayutto . Atthi yogavippayuttayoganiyo, atthi yogavippayuttaayoganiyo. Atthi nīvaraṇiyo, atthi anīvaraṇiyo. Atthi nīvaraṇasampayutto, atthi nīvaraṇavippayutto. Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
ಅತ್ಥಿ ಪರಾಮಟ್ಠೋ, ಅತ್ಥಿ ಅಪರಾಮಟ್ಠೋ। ಅತ್ಥಿ ಪರಾಮಾಸಸಮ್ಪಯುತ್ತೋ, ಅತ್ಥಿ ಪರಾಮಾಸವಿಪ್ಪಯುತ್ತೋ। ಅತ್ಥಿ ಪರಾಮಾಸವಿಪ್ಪಯುತ್ತಪರಾಮಟ್ಠೋ, ಅತ್ಥಿ ಪರಾಮಾಸವಿಪ್ಪಯುತ್ತಅಪರಾಮಟ್ಠೋ। ಅತ್ಥಿ ಉಪಾದಿನ್ನೋ, ಅತ್ಥಿ ಅನುಪಾದಿನ್ನೋ। ಅತ್ಥಿ ಉಪಾದಾನಿಯೋ, ಅತ್ಥಿ ಅನುಪಾದಾನಿಯೋ। ಅತ್ಥಿ ಉಪಾದಾನಸಮ್ಪಯುತ್ತೋ, ಅತ್ಥಿ ಉಪಾದಾನವಿಪ್ಪಯುತ್ತೋ। ಅತ್ಥಿ ಉಪಾದಾನವಿಪ್ಪಯುತ್ತಉಪಾದಾನಿಯೋ, ಅತ್ಥಿ ಉಪಾದಾನವಿಪ್ಪಯುತ್ತಅನುಪಾದಾನಿಯೋ। ಅತ್ಥಿ ಸಂಕಿಲೇಸಿಕೋ, ಅತ್ಥಿ ಅಸಂಕಿಲೇಸಿಕೋ। ಅತ್ಥಿ ಸಂಕಿಲಿಟ್ಠೋ, ಅತ್ಥಿ ಅಸಂಕಿಲಿಟ್ಠೋ। ಅತ್ಥಿ ಕಿಲೇಸಸಮ್ಪಯುತ್ತೋ, ಅತ್ಥಿ ಕಿಲೇಸವಿಪ್ಪಯುತ್ತೋ। ಅತ್ಥಿ ಕಿಲೇಸವಿಪ್ಪಯುತ್ತಸಂಕಿಲೇಸಿಕೋ, ಅತ್ಥಿ ಕಿಲೇಸವಿಪ್ಪಯುತ್ತಅಸಂಕಿಲೇಸಿಕೋ। ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ನ ದಸ್ಸನೇನ ಪಹಾತಬ್ಬೋ। ಅತ್ಥಿ ಭಾವನಾಯ ಪಹಾತಬ್ಬೋ , ಅತ್ಥಿ ನ ಭಾವನಾಯ ಪಹಾತಬ್ಬೋ। ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ನ ದಸ್ಸನೇನ ಪಹಾತಬ್ಬಹೇತುಕೋ। ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನ ಭಾವನಾಯ ಪಹಾತಬ್ಬಹೇತುಕೋ।
Atthi parāmaṭṭho, atthi aparāmaṭṭho. Atthi parāmāsasampayutto, atthi parāmāsavippayutto. Atthi parāmāsavippayuttaparāmaṭṭho, atthi parāmāsavippayuttaaparāmaṭṭho. Atthi upādinno, atthi anupādinno. Atthi upādāniyo, atthi anupādāniyo. Atthi upādānasampayutto, atthi upādānavippayutto. Atthi upādānavippayuttaupādāniyo, atthi upādānavippayuttaanupādāniyo. Atthi saṃkilesiko, atthi asaṃkilesiko. Atthi saṃkiliṭṭho, atthi asaṃkiliṭṭho. Atthi kilesasampayutto, atthi kilesavippayutto. Atthi kilesavippayuttasaṃkilesiko, atthi kilesavippayuttaasaṃkilesiko. Atthi dassanena pahātabbo, atthi na dassanena pahātabbo. Atthi bhāvanāya pahātabbo , atthi na bhāvanāya pahātabbo. Atthi dassanena pahātabbahetuko, atthi na dassanena pahātabbahetuko. Atthi bhāvanāya pahātabbahetuko, atthi na bhāvanāya pahātabbahetuko.
ಅತ್ಥಿ ಸವಿತಕ್ಕೋ, ಅತ್ಥಿ ಅವಿತಕ್ಕೋ। ಅತ್ಥಿ ಸವಿಚಾರೋ, ಅತ್ಥಿ ಅವಿಚಾರೋ। ಅತ್ಥಿ ಸಪ್ಪೀತಿಕೋ, ಅತ್ಥಿ ಅಪ್ಪೀತಿಕೋ। ಅತ್ಥಿ ಪೀತಿಸಹಗತೋ, ಅತ್ಥಿ ನ ಪೀತಿಸಹಗತೋ। ಅತ್ಥಿ ಸುಖಸಹಗತೋ, ಅತ್ಥಿ ನ ಸುಖಸಹಗತೋ। ಅತ್ಥಿ ಉಪೇಕ್ಖಾಸಹಗತೋ, ಅತ್ಥಿ ನ ಉಪೇಕ್ಖಾಸಹಗತೋ। ಅತ್ಥಿ ಕಾಮಾವಚರೋ , ಅತ್ಥಿ ನ ಕಾಮಾವಚರೋ। ಅತ್ಥಿ ರೂಪಾವಚರೋ, ಅತ್ಥಿ ನ ರೂಪಾವಚರೋ। ಅತ್ಥಿ ಅರೂಪಾವಚರೋ, ಅತ್ಥಿ ನ ಅರೂಪಾವಚರೋ, ಅತ್ಥಿ ಪರಿಯಾಪನ್ನೋ, ಅತ್ಥಿ ಅಪರಿಯಾಪನ್ನೋ। ಅತ್ಥಿ ನಿಯ್ಯಾನಿಕೋ, ಅತ್ಥಿ ಅನಿಯ್ಯಾನಿಕೋ। ಅತ್ಥಿ ನಿಯತೋ, ಅತ್ಥಿ ಅನಿಯತೋ। ಅತ್ಥಿ ಸಉತ್ತರೋ, ಅತ್ಥಿ ಅನುತ್ತರೋ। ಅತ್ಥಿ ಸರಣೋ, ಅತ್ಥಿ ಅರಣೋ।
Atthi savitakko, atthi avitakko. Atthi savicāro, atthi avicāro. Atthi sappītiko, atthi appītiko. Atthi pītisahagato, atthi na pītisahagato. Atthi sukhasahagato, atthi na sukhasahagato. Atthi upekkhāsahagato, atthi na upekkhāsahagato. Atthi kāmāvacaro , atthi na kāmāvacaro. Atthi rūpāvacaro, atthi na rūpāvacaro. Atthi arūpāvacaro, atthi na arūpāvacaro, atthi pariyāpanno, atthi apariyāpanno. Atthi niyyāniko, atthi aniyyāniko. Atthi niyato, atthi aniyato. Atthi sauttaro, atthi anuttaro. Atthi saraṇo, atthi araṇo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
೧೨೪. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
124. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena viññāṇakkhandho – atthi saraṇo, atthi araṇo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ। ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto. Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
ದುಕಮೂಲಕಂ।
Dukamūlakaṃ.
೧೨೫. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
125. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena viññāṇakkhandho – atthi sahetuko, atthi ahetuko.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
೧೨೬. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
126. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ…ಪೇ॰… ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena viññāṇakkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
೧೨೭. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
127. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena viññāṇakkhandho – atthi sahetuko, atthi ahetuko.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ । ಅತ್ಥಿ ವಿಪಾಕೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto . Atthi vipāko…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
೧೨೮. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
128. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ…ಪೇ॰… ಅತ್ಥಿ ಸರಣೋ, ಅತ್ಥಿ ಅರಣೋ।
Duvidhena viññāṇakkhandho – atthi hetusampayutto, atthi hetuvippayutto…pe… atthi saraṇo, atthi araṇo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
ತಿಕಮೂಲಕಂ।
Tikamūlakaṃ.
೧೨೯. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
129. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಹೇತುಕೋ, ಅತ್ಥಿ ಅಹೇತುಕೋ।
Duvidhena viññāṇakkhandho – atthi sahetuko, atthi ahetuko.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi kusalo, atthi akusalo, atthi abyākato…pe…. Evaṃ dasavidhena viññāṇakkhandho.
೧೩೦. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
130. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಹೇತುಸಮ್ಪಯುತ್ತೋ, ಅತ್ಥಿ ಹೇತುವಿಪ್ಪಯುತ್ತೋ।
Duvidhena viññāṇakkhandho – atthi hetusampayutto, atthi hetuvippayutto.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe…. Evaṃ dasavidhena viññāṇakkhandho.
೧೩೧. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
131. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ನ ಹೇತು ಸಹೇತುಕೋ, ಅತ್ಥಿ ನ ಹೇತುಅಹೇತುಕೋ।
Duvidhena viññāṇakkhandho – atthi na hetu sahetuko, atthi na hetuahetuko.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ವಿಪಾಕೋ, ಅತ್ಥಿ ವಿಪಾಕಧಮ್ಮಧಮ್ಮೋ, ಅತ್ಥಿ ನೇವವಿಪಾಕನವಿಪಾಕಧಮ್ಮಧಮ್ಮೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi vipāko, atthi vipākadhammadhammo, atthi nevavipākanavipākadhammadhammo…pe…. Evaṃ dasavidhena viññāṇakkhandho.
೧೩೨. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
132. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಲೋಕಿಯೋ, ಅತ್ಥಿ ಲೋಕುತ್ತರೋ।
Duvidhena viññāṇakkhandho – atthi lokiyo, atthi lokuttaro.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಉಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನುಪಾದಾನಿಯೋ, ಅತ್ಥಿ ಅನುಪಾದಿನ್ನಅನುಪಾದಾನಿಯೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi upādinnupādāniyo, atthi anupādinnupādāniyo, atthi anupādinnaanupādāniyo…pe…. Evaṃ dasavidhena viññāṇakkhandho.
೧೩೩. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
133. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕೇನಚಿ ವಿಞ್ಞೇಯ್ಯೋ, ಅತ್ಥಿ ಕೇನಚಿ ನ ವಿಞ್ಞೇಯ್ಯೋ।
Duvidhena viññāṇakkhandho – atthi kenaci viññeyyo, atthi kenaci na viññeyyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಸಂಕಿಲೇಸಿಕೋ, ಅತ್ಥಿ ಅಸಂಕಿಲಿಟ್ಠಅಸಂಕಿಲೇಸಿಕೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi saṃkiliṭṭhasaṃkilesiko, atthi asaṃkiliṭṭhasaṃkilesiko, atthi asaṃkiliṭṭhaasaṃkilesiko…pe…. Evaṃ dasavidhena viññāṇakkhandho.
೧೩೪. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
134. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಾಸವೋ, ಅತ್ಥಿ ಅನಾಸವೋ।
Duvidhena viññāṇakkhandho – atthi sāsavo, atthi anāsavo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸವಿತಕ್ಕಸವಿಚಾರೋ, ಅತ್ಥಿ ಅವಿತಕ್ಕವಿಚಾರಮತ್ತೋ, ಅತ್ಥಿ ಅವಿತಕ್ಕಅವಿಚಾರೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi savitakkasavicāro, atthi avitakkavicāramatto, atthi avitakkaavicāro…pe…. Evaṃ dasavidhena viññāṇakkhandho.
೧೩೫. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
135. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಆಸವಸಮ್ಪಯುತ್ತೋ, ಅತ್ಥಿ ಆಸವವಿಪ್ಪಯುತ್ತೋ।
Duvidhena viññāṇakkhandho – atthi āsavasampayutto, atthi āsavavippayutto.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಪೀತಿಸಹಗತೋ, ಅತ್ಥಿ ಸುಖಸಹಗತೋ, ಅತ್ಥಿ ಉಪೇಕ್ಖಾಸಹಗತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi pītisahagato, atthi sukhasahagato, atthi upekkhāsahagato…pe…. Evaṃ dasavidhena viññāṇakkhandho.
೧೩೬. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
136. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಆಸವವಿಪ್ಪಯುತ್ತಸಾಸವೋ, ಅತ್ಥಿ ಆಸವವಿಪ್ಪಯುತ್ತಅನಾಸವೋ।
Duvidhena viññāṇakkhandho – atthi āsavavippayuttasāsavo, atthi āsavavippayuttaanāsavo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬೋ, ಅತ್ಥಿ ಭಾವನಾಯ ಪಹಾತಬ್ಬೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo…pe…. Evaṃ dasavidhena viññāṇakkhandho.
೧೩೭. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
137. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಂಯೋಜನಿಯೋ, ಅತ್ಥಿ ಅಸಂಯೋಜನಿಯೋ।
Duvidhena viññāṇakkhandho – atthi saṃyojaniyo, atthi asaṃyojaniyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ದಸ್ಸನೇನ ಪಹಾತಬ್ಬಹೇತುಕೋ, ಅತ್ಥಿ ಭಾವನಾಯ ಪಹಾತಬ್ಬಹೇತುಕೋ, ಅತ್ಥಿ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko…pe…. Evaṃ dasavidhena viññāṇakkhandho.
೧೩೮. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
138. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಂಯೋಜನಸಮ್ಪಯುತ್ತೋ, ಅತ್ಥಿ ಸಂಯೋಜನವಿಪ್ಪಯುತ್ತೋ।
Duvidhena viññāṇakkhandho – atthi saṃyojanasampayutto, atthi saṃyojanavippayutto.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಆಚಯಗಾಮೀ, ಅತ್ಥಿ ಅಪಚಯಗಾಮೀ , ಅತ್ಥಿ ನೇವಾಚಯಗಾಮಿನಾಪಚಯಗಾಮೀ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi ācayagāmī, atthi apacayagāmī , atthi nevācayagāmināpacayagāmī…pe…. Evaṃ dasavidhena viññāṇakkhandho.
೧೩೯. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
139. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸಂಯೋಜನವಿಪ್ಪಯುತ್ತಸಂಯೋಜನಿಯೋ, ಅತ್ಥಿ ಸಂಯೋಜನವಿಪ್ಪಯುತ್ತಅಸಂಯೋಜನಿಯೋ।
Duvidhena viññāṇakkhandho – atthi saṃyojanavippayuttasaṃyojaniyo, atthi saṃyojanavippayuttaasaṃyojaniyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸೇಕ್ಖೋ, ಅತ್ಥಿ ಅಸೇಕ್ಖೋ, ಅತ್ಥಿ ನೇವಸೇಕ್ಖನಾಸೇಕ್ಖೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi sekkho, atthi asekkho, atthi nevasekkhanāsekkho…pe…. Evaṃ dasavidhena viññāṇakkhandho.
೧೪೦. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
140. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಗನ್ಥನಿಯೋ, ಅತ್ಥಿ ಅಗನ್ಥನಿಯೋ।
Duvidhena viññāṇakkhandho – atthi ganthaniyo, atthi aganthaniyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಪರಿತ್ತೋ, ಅತ್ಥಿ ಮಹಗ್ಗತೋ, ಅತ್ಥಿ ಅಪ್ಪಮಾಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi paritto, atthi mahaggato, atthi appamāṇo…pe…. Evaṃ dasavidhena viññāṇakkhandho.
೧೪೧. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
141. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಗನ್ಥಸಮ್ಪಯುತ್ತೋ, ಅತ್ಥಿ ಗನ್ಥವಿಪ್ಪಯುತ್ತೋ।
Duvidhena viññāṇakkhandho – atthi ganthasampayutto, atthi ganthavippayutto.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಪರಿತ್ತಾರಮ್ಮಣೋ, ಅತ್ಥಿ ಮಹಗ್ಗತಾರಮ್ಮಣೋ, ಅತ್ಥಿ ಅಪ್ಪಮಾಣಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi parittārammaṇo, atthi mahaggatārammaṇo, atthi appamāṇārammaṇo…pe…. Evaṃ dasavidhena viññāṇakkhandho.
೧೪೨. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
142. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಗನ್ಥವಿಪ್ಪಯುತ್ತಗನ್ಥನಿಯೋ, ಅತ್ಥಿ ಗನ್ಥವಿಪ್ಪಯುತ್ತಅಗನ್ಥನಿಯೋ।
Duvidhena viññāṇakkhandho – atthi ganthavippayuttaganthaniyo, atthi ganthavippayuttaaganthaniyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಹೀನೋ, ಅತ್ಥಿ ಮಜ್ಝಿಮೋ, ಅತ್ಥಿ ಪಣೀತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi hīno, atthi majjhimo, atthi paṇīto…pe…. Evaṃ dasavidhena viññāṇakkhandho.
೧೪೩. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
143. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಓಘನಿಯೋ, ಅತ್ಥಿ ಅನೋಘನಿಯೋ।
Duvidhena viññāṇakkhandho – atthi oghaniyo, atthi anoghaniyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಮಿಚ್ಛತ್ತನಿಯತೋ, ಅತ್ಥಿ ಸಮ್ಮತ್ತನಿಯತೋ, ಅತ್ಥಿ ಅನಿಯತೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ ।
Tividhena viññāṇakkhandho – atthi micchattaniyato, atthi sammattaniyato, atthi aniyato…pe…. Evaṃ dasavidhena viññāṇakkhandho .
೧೪೪. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
144. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಓಘಸಮ್ಪಯುತ್ತೋ, ಅತ್ಥಿ ಓಘವಿಪ್ಪಯುತ್ತೋ।
Duvidhena viññāṇakkhandho – atthi oghasampayutto, atthi oghavippayutto.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಮಗ್ಗಾರಮ್ಮಣೋ, ಅತ್ಥಿ ಮಗ್ಗಹೇತುಕೋ, ಅತ್ಥಿ ಮಗ್ಗಾಧಿಪತಿ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi maggārammaṇo, atthi maggahetuko, atthi maggādhipati…pe…. Evaṃ dasavidhena viññāṇakkhandho.
೧೪೫. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
145. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಓಘವಿಪ್ಪಯುತ್ತಓಘನಿಯೋ, ಅತ್ಥಿ ಓಘವಿಪ್ಪಯುತ್ತಅನೋಘನಿಯೋ।
Duvidhena viññāṇakkhandho – atthi oghavippayuttaoghaniyo, atthi oghavippayuttaanoghaniyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಉಪ್ಪನ್ನೋ, ಅತ್ಥಿ ಅನುಪ್ಪನ್ನೋ, ಅತ್ಥಿ ಉಪ್ಪಾದೀ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi uppanno, atthi anuppanno, atthi uppādī…pe…. Evaṃ dasavidhena viññāṇakkhandho.
೧೪೬. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
146. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಯೋಗನಿಯೋ, ಅತ್ಥಿ ಅಯೋಗನಿಯೋ।
Duvidhena viññāṇakkhandho – atthi yoganiyo, atthi ayoganiyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಅತೀತೋ, ಅತ್ಥಿ ಅನಾಗತೋ, ಅತ್ಥಿ ಪಚ್ಚುಪ್ಪನ್ನೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi atīto, atthi anāgato, atthi paccuppanno…pe…. Evaṃ dasavidhena viññāṇakkhandho.
೧೪೭. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
147. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಯೋಗಸಮ್ಪಯುತ್ತೋ, ಅತ್ಥಿ ಯೋಗವಿಪ್ಪಯುತ್ತೋ।
Duvidhena viññāṇakkhandho – atthi yogasampayutto, atthi yogavippayutto.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಅತೀತಾರಮ್ಮಣೋ, ಅತ್ಥಿ ಅನಾಗತಾರಮ್ಮಣೋ, ಅತ್ಥಿ ಪಚ್ಚುಪ್ಪನ್ನಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi atītārammaṇo, atthi anāgatārammaṇo, atthi paccuppannārammaṇo…pe…. Evaṃ dasavidhena viññāṇakkhandho.
೧೪೮. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
148. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಯೋಗವಿಪ್ಪಯುತ್ತಯೋಗನಿಯೋ, ಅತ್ಥಿ ಯೋಗವಿಪ್ಪಯುತ್ತಅಯೋಗನಿಯೋ।
Duvidhena viññāṇakkhandho – atthi yogavippayuttayoganiyo, atthi yogavippayuttaayoganiyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಅಜ್ಝತ್ತೋ, ಅತ್ಥಿ ಬಹಿದ್ಧೋ, ಅತ್ಥಿ ಅಜ್ಝತ್ತಬಹಿದ್ಧೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi ajjhatto, atthi bahiddho, atthi ajjhattabahiddho…pe…. Evaṃ dasavidhena viññāṇakkhandho.
೧೪೯. ಏಕವಿಧೇನ ವಿಞ್ಞಾಣಕ್ಖನ್ಧೋ – ಫಸ್ಸಸಮ್ಪಯುತ್ತೋ।
149. Ekavidhena viññāṇakkhandho – phassasampayutto.
ದುವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ನೀವರಣಿಯೋ, ಅತ್ಥಿ ಅನೀವರಣಿಯೋ।
Duvidhena viññāṇakkhandho – atthi nīvaraṇiyo, atthi anīvaraṇiyo.
ತಿವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ…ಪೇ॰…। ಏವಂ ದಸವಿಧೇನ ವಿಞ್ಞಾಣಕ್ಖನ್ಧೋ।
Tividhena viññāṇakkhandho – atthi ajjhattārammaṇo, atthi bahiddhārammaṇo, atthi ajjhattabahiddhārammaṇo…pe…. Evaṃ dasavidhena viññāṇakkhandho.
ಉಭತೋವಡ್ಢಕಂ।
Ubhatovaḍḍhakaṃ.
ಸತ್ತವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ವಿಞ್ಞಾಣಕ್ಖನ್ಧೋ।
Sattavidhena viññāṇakkhandho – atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena viññāṇakkhandho.
ಅಪರೋಪಿ ಸತ್ತವಿಧೇನ ವಿಞ್ಞಾಣಕ್ಖನ್ಧೋ – ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ। ಏವಂ ಸತ್ತವಿಧೇನ ವಿಞ್ಞಾಣಕ್ಖನ್ಧೋ।
Aparopi sattavidhena viññāṇakkhandho – atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno. Evaṃ sattavidhena viññāṇakkhandho.
ಚತುವೀಸತಿವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ; ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ , ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋವಿಞ್ಞಾಣಂ। ಏವಂ ಚತುವೀಸತಿವಿಧೇನ ವಿಞ್ಞಾಣಕ್ಖನ್ಧೋ ।
Catuvīsatividhena viññāṇakkhandho – cakkhusamphassapaccayā viññāṇakkhandho atthi kusalo, atthi akusalo, atthi abyākato; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi kusalo, atthi akusalo, atthi abyākato; cakkhuviññāṇaṃ, sotaviññāṇaṃ, ghānaviññāṇaṃ , jivhāviññāṇaṃ, kāyaviññāṇaṃ, manoviññāṇaṃ. Evaṃ catuvīsatividhena viññāṇakkhandho .
ಅಪರೋಪಿ ಚತುವೀಸತಿವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ದುಕ್ಖಾಯ ವೇದನಾಯ ಸಮ್ಪಯುತ್ತೋ, ಅತ್ಥಿ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ; ಚಕ್ಖುವಿಞ್ಞಾಣಂ…ಪೇ॰… ಕಾಯವಿಞ್ಞಾಣಂ, ಮನೋವಿಞ್ಞಾಣಂ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ; ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋವಿಞ್ಞಾಣಂ। ಏವಂ ಚತುವೀಸತಿವಿಧೇನ ವಿಞ್ಞಾಣಕ್ಖನ್ಧೋ।
Aparopi catuvīsatividhena viññāṇakkhandho – cakkhusamphassapaccayā viññāṇakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhuviññāṇaṃ…pe… kāyaviññāṇaṃ, manoviññāṇaṃ; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo; cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ catuvīsatividhena viññāṇakkhandho.
ತಿಂಸತಿವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ …ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುವಿಞ್ಞಾಣಂ , ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋವಿಞ್ಞಾಣಂ। ಏವಂ ತಿಂಸತಿವಿಧೇನ ವಿಞ್ಞಾಣಕ್ಖನ್ಧೋ।
Tiṃsatividhena viññāṇakkhandho – cakkhusamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā …pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhuviññāṇaṃ , sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ tiṃsatividhena viññāṇakkhandho.
ಬಹುವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಚಕ್ಖುವಿಞ್ಞಾಣಂ…ಪೇ॰… ಮನೋವಿಞ್ಞಾಣಂ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ …ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಕುಸಲೋ, ಅತ್ಥಿ ಅಕುಸಲೋ, ಅತ್ಥಿ ಅಬ್ಯಾಕತೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ, ಚಕ್ಖುವಿಞ್ಞಾಣಂ…ಪೇ॰… ಮನೋವಿಞ್ಞಾಣಂ। ಏವಂ ಬಹುವಿಧೇನ ವಿಞ್ಞಾಣಕ್ಖನ್ಧೋ।
Bahuvidhena viññāṇakkhandho – cakkhusamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṃ…pe… manoviññāṇaṃ; sotasamphassapaccayā…pe… ghānasamphassapaccayā…pe… jivhāsamphassapaccayā …pe… kāyasamphassapaccayā…pe… manosamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṃ…pe… manoviññāṇaṃ. Evaṃ bahuvidhena viññāṇakkhandho.
ಅಪರೋಪಿ ಬಹುವಿಧೇನ ವಿಞ್ಞಾಣಕ್ಖನ್ಧೋ – ಚಕ್ಖುಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಸೋತಸಮ್ಫಸ್ಸಪಚ್ಚಯಾ…ಪೇ॰… ಘಾನಸಮ್ಫಸ್ಸಪಚ್ಚಯಾ…ಪೇ॰… ಜಿವ್ಹಾಸಮ್ಫಸ್ಸಪಚ್ಚಯಾ…ಪೇ॰… ಕಾಯಸಮ್ಫಸ್ಸಪಚ್ಚಯಾ…ಪೇ॰… ಮನೋಸಮ್ಫಸ್ಸಪಚ್ಚಯಾ ವಿಞ್ಞಾಣಕ್ಖನ್ಧೋ ಅತ್ಥಿ ಸುಖಾಯ ವೇದನಾಯ ಸಮ್ಪಯುತ್ತೋ…ಪೇ॰… ಅತ್ಥಿ ಅಜ್ಝತ್ತಾರಮ್ಮಣೋ, ಅತ್ಥಿ ಬಹಿದ್ಧಾರಮ್ಮಣೋ, ಅತ್ಥಿ ಅಜ್ಝತ್ತಬಹಿದ್ಧಾರಮ್ಮಣೋ, ಅತ್ಥಿ ಕಾಮಾವಚರೋ, ಅತ್ಥಿ ರೂಪಾವಚರೋ, ಅತ್ಥಿ ಅರೂಪಾವಚರೋ, ಅತ್ಥಿ ಅಪರಿಯಾಪನ್ನೋ; ಚಕ್ಖುವಿಞ್ಞಾಣಂ, ಸೋತವಿಞ್ಞಾಣಂ, ಘಾನವಿಞ್ಞಾಣಂ, ಜಿವ್ಹಾವಿಞ್ಞಾಣಂ, ಕಾಯವಿಞ್ಞಾಣಂ, ಮನೋವಿಞ್ಞಾಣಂ। ಏವಂ ಬಹುವಿಧೇನ ವಿಞ್ಞಾಣಕ್ಖನ್ಧೋ।
Aparopi bahuvidhena viññāṇakkhandho – cakkhusamphassapaccayā viññāṇakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; sotasamphassapaccayā…pe… ghānasamphassapaccayā…pe… jivhāsamphassapaccayā…pe… kāyasamphassapaccayā…pe… manosamphassapaccayā viññāṇakkhandho atthi sukhāya vedanāya sampayutto…pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno; cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Evaṃ bahuvidhena viññāṇakkhandho.
ಅಯಂ ವುಚ್ಚತಿ ವಿಞ್ಞಾಣಕ್ಖನ್ಧೋ।
Ayaṃ vuccati viññāṇakkhandho.
ಅಭಿಧಮ್ಮಭಾಜನೀಯಂ।
Abhidhammabhājanīyaṃ.
೩. ಪಞ್ಹಾಪುಚ್ಛಕಂ
3. Pañhāpucchakaṃ
೧೫೦. ಪಞ್ಚಕ್ಖನ್ಧಾ – ರೂಪಕ್ಖನ್ಧೋ, ವೇದನಾಕ್ಖನ್ಧೋ, ಸಞ್ಞಾಕ್ಖನ್ಧೋ, ಸಙ್ಖಾರಕ್ಖನ್ಧೋ, ವಿಞ್ಞಾಣಕ್ಖನ್ಧೋ।
150. Pañcakkhandhā – rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
೧೫೧. ಪಞ್ಚನ್ನಂ ಖನ್ಧಾನಂ ಕತಿ ಕುಸಲಾ, ಕತಿ ಅಕುಸಲಾ, ಕತಿ ಅಬ್ಯಾಕತಾ…ಪೇ॰… ಕತಿ ಸರಣಾ, ಕತಿ ಅರಣಾ?
151. Pañcannaṃ khandhānaṃ kati kusalā, kati akusalā, kati abyākatā…pe… kati saraṇā, kati araṇā?
೧. ತಿಕಂ
1. Tikaṃ
೧೫೨. ರೂಪಕ್ಖನ್ಧೋ ಅಬ್ಯಾಕತೋ। ಚತ್ತಾರೋ ಖನ್ಧಾ ಸಿಯಾ ಕುಸಲಾ, ಸಿಯಾ ಅಕುಸಲಾ, ಸಿಯಾ ಅಬ್ಯಾಕತಾ। ದ್ವೇ ಖನ್ಧಾ ನ ವತ್ತಬ್ಬಾ – ‘‘ಸುಖಾಯ ವೇದನಾಯ ಸಮ್ಪಯುತ್ತಾ’’ತಿಪಿ, ‘‘ದುಕ್ಖಾಯ ವೇದನಾಯ ಸಮ್ಪಯುತ್ತಾ’’ತಿಪಿ, ‘‘ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ’’ತಿಪಿ। ತಯೋ ಖನ್ಧಾ ಸಿಯಾ ಸುಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ, ಸಿಯಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ। ರೂಪಕ್ಖನ್ಧೋ ನೇವವಿಪಾಕನವಿಪಾಕಧಮ್ಮಧಮ್ಮೋ। ಚತ್ತಾರೋ ಖನ್ಧಾ ಸಿಯಾ ವಿಪಾಕಾ, ಸಿಯಾ ವಿಪಾಕಧಮ್ಮಧಮ್ಮಾ, ಸಿಯಾ ನೇವವಿಪಾಕನವಿಪಾಕಧಮ್ಮಧಮ್ಮಾ। ರೂಪಕ್ಖನ್ಧೋ ಸಿಯಾ ಉಪಾದಿನ್ನುಪಾದಾನಿಯೋ, ಸಿಯಾ ಅನುಪಾದಿನ್ನುಪಾದಾನಿಯೋ । ಚತ್ತಾರೋ ಖನ್ಧಾ ಸಿಯಾ ಉಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನುಪಾದಾನಿಯಾ, ಸಿಯಾ ಅನುಪಾದಿನ್ನಅನುಪಾದಾನಿಯಾ।
152. Rūpakkhandho abyākato. Cattāro khandhā siyā kusalā, siyā akusalā, siyā abyākatā. Dve khandhā na vattabbā – ‘‘sukhāya vedanāya sampayuttā’’tipi, ‘‘dukkhāya vedanāya sampayuttā’’tipi, ‘‘adukkhamasukhāya vedanāya sampayuttā’’tipi. Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Rūpakkhandho nevavipākanavipākadhammadhammo. Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā. Rūpakkhandho siyā upādinnupādāniyo, siyā anupādinnupādāniyo . Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.
ರೂಪಕ್ಖನ್ಧೋ ಅಸಂಕಿಲಿಟ್ಠಸಂಕಿಲೇಸಿಕೋ। ಚತ್ತಾರೋ ಖನ್ಧಾ ಸಿಯಾ ಸಂಕಿಲಿಟ್ಠಸಂಕಿಲೇಸಿಕಾ, ಸಿಯಾ ಅಸಂಕಿಲಿಟ್ಠಸಂಕಿಲೇಸಿಕಾ, ಸಿಯಾ ಅಸಂಕಿಲಿಟ್ಠಅಸಂಕಿಲೇಸಿಕಾ। ರೂಪಕ್ಖನ್ಧೋ ಅವಿತಕ್ಕಅವಿಚಾರೋ। ತಯೋ ಖನ್ಧಾ ಸಿಯಾ ಸವಿತಕ್ಕಸವಿಚಾರಾ, ಸಿಯಾ ಅವಿತಕ್ಕವಿಚಾರಮತ್ತಾ, ಸಿಯಾ ಅವಿತಕ್ಕಅವಿಚಾರಾ। ಸಙ್ಖಾರಕ್ಖನ್ಧೋ ಸಿಯಾ ಸವಿತಕ್ಕಸವಿಚಾರೋ, ಸಿಯಾ ಅವಿತಕ್ಕವಿಚಾರಮತ್ತೋ, ಸಿಯಾ ಅವಿತಕ್ಕಅವಿಚಾರೋ, ಸಿಯಾ ನ ವತ್ತಬ್ಬೋ – ‘‘ಸವಿತಕ್ಕಸವಿಚಾರೋ’’ತಿಪಿ, ‘‘ಅವಿತಕ್ಕವಿಚಾರಮತ್ತೋ’’ತಿಪಿ, ‘‘ಅವಿತಕ್ಕಅವಿಚಾರೋ’’ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಪೀತಿಸಹಗತೋ’’ತಿಪಿ, ‘‘ಸುಖಸಹಗತೋ’’ತಿಪಿ, ‘‘ಉಪೇಕ್ಖಾಸಹಗತೋ’’ತಿಪಿ। ವೇದನಾಕ್ಖನ್ಧೋ ಸಿಯಾ ಪೀತಿಸಹಗತೋ ನ ಸುಖಸಹಗತೋ ನ ಉಪೇಕ್ಖಾಸಹಗತೋ, ಸಿಯಾ ನ ವತ್ತಬ್ಬೋ – ‘‘ಪೀತಿಸಹಗತೋ’’ತಿ। ತಯೋ ಖನ್ಧಾ ಸಿಯಾ ಪೀತಿಸಹಗತಾ, ಸಿಯಾ ಸುಖಸಹಗತಾ, ಸಿಯಾ ಉಪೇಕ್ಖಾಸಹಗತಾ, ಸಿಯಾ ನ ವತ್ತಬ್ಬಾ – ‘‘ಪೀತಿಸಹಗತಾ’’ತಿಪಿ, ‘‘ಸುಖಸಹಗತಾ’’ತಿಪಿ, ‘‘ಉಪೇಕ್ಖಾಸಹಗತಾ’’ತಿಪಿ।
Rūpakkhandho asaṃkiliṭṭhasaṃkilesiko. Cattāro khandhā siyā saṃkiliṭṭhasaṃkilesikā, siyā asaṃkiliṭṭhasaṃkilesikā, siyā asaṃkiliṭṭhaasaṃkilesikā. Rūpakkhandho avitakkaavicāro. Tayo khandhā siyā savitakkasavicārā, siyā avitakkavicāramattā, siyā avitakkaavicārā. Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro, siyā na vattabbo – ‘‘savitakkasavicāro’’tipi, ‘‘avitakkavicāramatto’’tipi, ‘‘avitakkaavicāro’’tipi. Rūpakkhandho na vattabbo – ‘‘pītisahagato’’tipi, ‘‘sukhasahagato’’tipi, ‘‘upekkhāsahagato’’tipi. Vedanākkhandho siyā pītisahagato na sukhasahagato na upekkhāsahagato, siyā na vattabbo – ‘‘pītisahagato’’ti. Tayo khandhā siyā pītisahagatā, siyā sukhasahagatā, siyā upekkhāsahagatā, siyā na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi.
ರೂಪಕ್ಖನ್ಧೋ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬೋ। ಚತ್ತಾರೋ ಖನ್ಧಾ ಸಿಯಾ ದಸ್ಸನೇನ ಪಹಾತಬ್ಬಾ, ಸಿಯಾ ಭಾವನಾಯ ಪಹಾತಬ್ಬಾ, ಸಿಯಾ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಾ। ರೂಪಕ್ಖನ್ಧೋ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕೋ। ಚತ್ತಾರೋ ಖನ್ಧಾ ಸಿಯಾ ದಸ್ಸನೇನ ಪಹಾತಬ್ಬಹೇತುಕಾ, ಸಿಯಾ ಭಾವನಾಯ ಪಹಾತಬ್ಬಹೇತುಕಾ, ಸಿಯಾ ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕಾ। ರೂಪಕ್ಖನ್ಧೋ ನೇವಾಚಯಗಾಮಿನಾಪಚಯಗಾಮೀ। ಚತ್ತಾರೋ ಖನ್ಧಾ ಸಿಯಾ ಆಚಯಗಾಮಿನೋ, ಸಿಯಾ ಅಪಚಯಗಾಮಿನೋ, ಸಿಯಾ ನೇವಾಚಯಗಾಮಿನಾಪಚಯಗಾಮಿನೋ। ರೂಪಕ್ಖನ್ಧೋ ನೇವಸೇಕ್ಖನಾಸೇಕ್ಖೋ। ಚತ್ತಾರೋ ಖನ್ಧಾ ಸಿಯಾ ಸೇಕ್ಖಾ, ಸಿಯಾ ಅಸೇಕ್ಖಾ, ಸಿಯಾ ನೇವಸೇಕ್ಖನಾಸೇಕ್ಖಾ। ರೂಪಕ್ಖನ್ಧೋ ಪರಿತ್ತೋ। ಚತ್ತಾರೋ ಖನ್ಧಾ ಸಿಯಾ ಪರಿತ್ತಾ, ಸಿಯಾ ಮಹಗ್ಗತಾ, ಸಿಯಾ ಅಪ್ಪಮಾಣಾ। ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಿಯಾ ಪರಿತ್ತಾರಮ್ಮಣಾ, ಸಿಯಾ ಮಹಗ್ಗತಾರಮ್ಮಣಾ, ಸಿಯಾ ಅಪ್ಪಮಾಣಾರಮ್ಮಣಾ, ಸಿಯಾ ನ ವತ್ತಬ್ಬಾ – ‘‘ಪರಿತ್ತಾರಮ್ಮಣಾ’’ತಿಪಿ , ‘‘ಮಹಗ್ಗತಾರಮ್ಮಣಾ’’ತಿಪಿ, ‘‘ಅಪ್ಪಮಾಣಾರಮ್ಮಣಾ’’ತಿಪಿ। ರೂಪಕ್ಖನ್ಧೋ ಮಜ್ಝಿಮೋ। ಚತ್ತಾರೋ ಖನ್ಧಾ ಸಿಯಾ ಹೀನಾ, ಸಿಯಾ ಮಜ್ಝಿಮಾ, ಸಿಯಾ ಪಣೀತಾ। ರೂಪಕ್ಖನ್ಧೋ ಅನಿಯತೋ । ಚತ್ತಾರೋ ಖನ್ಧಾ ಸಿಯಾ ಮಿಚ್ಛತ್ತನಿಯತಾ, ಸಿಯಾ ಸಮ್ಮತ್ತನಿಯತಾ, ಸಿಯಾ ಅನಿಯತಾ।
Rūpakkhandho neva dassanena na bhāvanāya pahātabbo. Cattāro khandhā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā. Rūpakkhandho neva dassanena na bhāvanāya pahātabbahetuko. Cattāro khandhā siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā. Rūpakkhandho nevācayagāmināpacayagāmī. Cattāro khandhā siyā ācayagāmino, siyā apacayagāmino, siyā nevācayagāmināpacayagāmino. Rūpakkhandho nevasekkhanāsekkho. Cattāro khandhā siyā sekkhā, siyā asekkhā, siyā nevasekkhanāsekkhā. Rūpakkhandho paritto. Cattāro khandhā siyā parittā, siyā mahaggatā, siyā appamāṇā. Rūpakkhandho anārammaṇo. Cattāro khandhā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā – ‘‘parittārammaṇā’’tipi , ‘‘mahaggatārammaṇā’’tipi, ‘‘appamāṇārammaṇā’’tipi. Rūpakkhandho majjhimo. Cattāro khandhā siyā hīnā, siyā majjhimā, siyā paṇītā. Rūpakkhandho aniyato . Cattāro khandhā siyā micchattaniyatā, siyā sammattaniyatā, siyā aniyatā.
ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಿಯಾ ಮಗ್ಗಾರಮ್ಮಣಾ, ಸಿಯಾ ಮಗ್ಗಹೇತುಕಾ, ಸಿಯಾ ಮಗ್ಗಾಧಿಪತಿನೋ, ಸಿಯಾ ನ ವತ್ತಬ್ಬಾ – ‘‘ಮಗ್ಗಾರಮ್ಮಣಾ’’ತಿಪಿ, ‘‘ಮಗ್ಗಹೇತುಕಾ’’ತಿಪಿ , ‘‘ಮಗ್ಗಾಧಿಪತಿನೋ’’ತಿಪಿ; ಸಿಯಾ ಉಪ್ಪನ್ನಾ, ಸಿಯಾ ಅನುಪ್ಪನ್ನಾ, ಸಿಯಾ ಉಪ್ಪಾದಿನೋ; ಸಿಯಾ ಅತೀತಾ, ಸಿಯಾ ಅನಾಗತಾ, ಸಿಯಾ ಪಚ್ಚುಪ್ಪನ್ನಾ। ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಿಯಾ ಅತೀತಾರಮ್ಮಣಾ, ಸಿಯಾ ಅನಾಗತಾರಮ್ಮಣಾ, ಸಿಯಾ ಪಚ್ಚುಪ್ಪನ್ನಾರಮ್ಮಣಾ, ಸಿಯಾ ನ ವತ್ತಬ್ಬಾ – ‘‘ಅತೀತಾರಮ್ಮಣಾ’’ತಿಪಿ, ‘‘ಅನಾಗತಾರಮ್ಮಣಾ’’ತಿಪಿ, ‘‘ಪಚ್ಚುಪ್ಪನ್ನಾರಮ್ಮಣಾ’’ತಿಪಿ; ಸಿಯಾ ಅಜ್ಝತ್ತಾ, ಸಿಯಾ ಬಹಿದ್ಧಾ, ಸಿಯಾ ಅಜ್ಝತ್ತಬಹಿದ್ಧಾ। ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಿಯಾ ಅಜ್ಝತ್ತಾರಮ್ಮಣಾ, ಸಿಯಾ ಬಹಿದ್ಧಾರಮ್ಮಣಾ, ಸಿಯಾ ಅಜ್ಝತ್ತಬಹಿದ್ಧಾರಮ್ಮಣಾ, ಸಿಯಾ ನ ವತ್ತಬ್ಬಾ – ‘‘ಅಜ್ಝತ್ತಾರಮ್ಮಣಾ’’ತಿಪಿ, ‘‘ಬಹಿದ್ಧಾರಮ್ಮಣಾ’’ತಿಪಿ, ‘‘ಅಜ್ಝತ್ತಬಹಿದ್ಧಾರಮ್ಮಣಾ’’ತಿಪಿ। ಚತ್ತಾರೋ ಖನ್ಧಾ ಅನಿದಸ್ಸನಅಪ್ಪಟಿಘಾ। ರೂಪಕ್ಖನ್ಧೋ ಸಿಯಾ ಸನಿದಸ್ಸನಸಪ್ಪಟಿಘೋ, ಸಿಯಾ ಅನಿದಸ್ಸನಸಪ್ಪಟಿಘೋ, ಸಿಯಾ ಅನಿದಸ್ಸನಅಪ್ಪಟಿಘೋ।
Rūpakkhandho anārammaṇo. Cattāro khandhā siyā maggārammaṇā, siyā maggahetukā, siyā maggādhipatino, siyā na vattabbā – ‘‘maggārammaṇā’’tipi, ‘‘maggahetukā’’tipi , ‘‘maggādhipatino’’tipi; siyā uppannā, siyā anuppannā, siyā uppādino; siyā atītā, siyā anāgatā, siyā paccuppannā. Rūpakkhandho anārammaṇo. Cattāro khandhā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā – ‘‘atītārammaṇā’’tipi, ‘‘anāgatārammaṇā’’tipi, ‘‘paccuppannārammaṇā’’tipi; siyā ajjhattā, siyā bahiddhā, siyā ajjhattabahiddhā. Rūpakkhandho anārammaṇo. Cattāro khandhā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā – ‘‘ajjhattārammaṇā’’tipi, ‘‘bahiddhārammaṇā’’tipi, ‘‘ajjhattabahiddhārammaṇā’’tipi. Cattāro khandhā anidassanaappaṭighā. Rūpakkhandho siyā sanidassanasappaṭigho, siyā anidassanasappaṭigho, siyā anidassanaappaṭigho.
೨. ದುಕಂ
2. Dukaṃ
೧೫೩. ಚತ್ತಾರೋ ಖನ್ಧಾ ನ ಹೇತೂ। ಸಙ್ಖಾರಕ್ಖನ್ಧೋ ಸಿಯಾ ಹೇತು, ಸಿಯಾ ನ ಹೇತು। ರೂಪಕ್ಖನ್ಧೋ ಅಹೇತುಕೋ। ಚತ್ತಾರೋ ಖನ್ಧಾ ಸಿಯಾ ಸಹೇತುಕಾ, ಸಿಯಾ ಅಹೇತುಕಾ। ರೂಪಕ್ಖನ್ಧೋ ಹೇತುವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ಹೇತುಸಮ್ಪಯುತ್ತಾ, ಸಿಯಾ ಹೇತುವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಹೇತು ಚೇವ ಸಹೇತುಕೋ ಚಾ’’ತಿಪಿ, ‘‘ಸಹೇತುಕೋ ಚೇವ ನ ಚ ಹೇತೂ’’ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಹೇತೂ ಚೇವ ಸಹೇತುಕಾ ಚಾ’’ತಿ, ಸಿಯಾ ಸಹೇತುಕಾ ಚೇವ ನ ಚ ಹೇತೂ, ಸಿಯಾ ನ ವತ್ತಬ್ಬಾ – ‘‘ಸಹೇತುಕಾ ಚೇವ ನ ಚ ಹೇತೂ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಹೇತು ಚೇವ ಸಹೇತುಕೋ ಚ, ಸಿಯಾ ಸಹೇತುಕೋ ಚೇವ ನ ಚ ಹೇತು, ಸಿಯಾ ನ ವತ್ತಬ್ಬೋ – ‘‘ಹೇತು ಚೇವ ಸಹೇತುಕೋ ಚಾ’’ತಿಪಿ, ‘‘ಸಹೇತುಕೋ ಚೇವ ನ ಚ ಹೇತೂ’’ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಹೇತು ಚೇವ ಹೇತುಸಮ್ಪಯುತ್ತೋ ಚಾ’’ತಿಪಿ, ‘‘ಹೇತುಸಮ್ಪಯುತ್ತೋ ಚೇವ ನ ಚ ಹೇತೂ’’ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಹೇತೂ ಚೇವ ಹೇತುಸಮ್ಪಯುತ್ತಾ ಚಾ’’ತಿ, ಸಿಯಾ ಹೇತುಸಮ್ಪಯುತ್ತಾ ಚೇವ ನ ಚ ಹೇತೂ, ಸಿಯಾ ನ ವತ್ತಬ್ಬಾ – ‘‘ಹೇತುಸಮ್ಪಯುತ್ತಾ ಚೇವ ನ ಚ ಹೇತೂ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಹೇತು ಚೇವ ಹೇತುಸಮ್ಪಯುತ್ತೋ ಚ, ಸಿಯಾ ಹೇತುಸಮ್ಪಯುತ್ತೋ ಚೇವ ನ ಚ ಹೇತು, ಸಿಯಾ ನ ವತ್ತಬ್ಬೋ – ‘‘ಹೇತು ಚೇವ ಹೇತುಸಮ್ಪಯುತ್ತೋ ಚಾ’’ತಿಪಿ, ‘‘ಹೇತುಸಮ್ಪಯುತ್ತೋ ಚೇವ ನ ಚ ಹೇತೂ’’ತಿಪಿ। ರೂಪಕ್ಖನ್ಧೋ ನ ಹೇತು ಅಹೇತುಕೋ । ತಯೋ ಖನ್ಧಾ ಸಿಯಾ ನ ಹೇತೂ ಸಹೇತುಕಾ, ಸಿಯಾ ನ ಹೇತೂ ಅಹೇತುಕಾ। ಸಙ್ಖಾರಕ್ಖನ್ಧೋ ಸಿಯಾ ನ ಹೇತು ಸಹೇತುಕೋ, ಸಿಯಾ ನ ಹೇತು ಅಹೇತುಕೋ, ಸಿಯಾ ನ ವತ್ತಬ್ಬೋ – ‘‘ನ ಹೇತು ಸಹೇತುಕೋ’’ತಿಪಿ, ‘‘ನ ಹೇತು ಅಹೇತುಕೋ’’ತಿಪಿ।
153. Cattāro khandhā na hetū. Saṅkhārakkhandho siyā hetu, siyā na hetu. Rūpakkhandho ahetuko. Cattāro khandhā siyā sahetukā, siyā ahetukā. Rūpakkhandho hetuvippayutto. Cattāro khandhā siyā hetusampayuttā, siyā hetuvippayuttā. Rūpakkhandho na vattabbo – ‘‘hetu ceva sahetuko cā’’tipi, ‘‘sahetuko ceva na ca hetū’’tipi. Tayo khandhā na vattabbā – ‘‘hetū ceva sahetukā cā’’ti, siyā sahetukā ceva na ca hetū, siyā na vattabbā – ‘‘sahetukā ceva na ca hetū’’ti. Saṅkhārakkhandho siyā hetu ceva sahetuko ca, siyā sahetuko ceva na ca hetu, siyā na vattabbo – ‘‘hetu ceva sahetuko cā’’tipi, ‘‘sahetuko ceva na ca hetū’’tipi. Rūpakkhandho na vattabbo – ‘‘hetu ceva hetusampayutto cā’’tipi, ‘‘hetusampayutto ceva na ca hetū’’tipi. Tayo khandhā na vattabbā – ‘‘hetū ceva hetusampayuttā cā’’ti, siyā hetusampayuttā ceva na ca hetū, siyā na vattabbā – ‘‘hetusampayuttā ceva na ca hetū’’ti. Saṅkhārakkhandho siyā hetu ceva hetusampayutto ca, siyā hetusampayutto ceva na ca hetu, siyā na vattabbo – ‘‘hetu ceva hetusampayutto cā’’tipi, ‘‘hetusampayutto ceva na ca hetū’’tipi. Rūpakkhandho na hetu ahetuko . Tayo khandhā siyā na hetū sahetukā, siyā na hetū ahetukā. Saṅkhārakkhandho siyā na hetu sahetuko, siyā na hetu ahetuko, siyā na vattabbo – ‘‘na hetu sahetuko’’tipi, ‘‘na hetu ahetuko’’tipi.
ಸಪ್ಪಚ್ಚಯಾ, ಸಙ್ಖತಾ।
Sappaccayā, saṅkhatā.
ಚತ್ತಾರೋ ಖನ್ಧಾ ಅನಿದಸ್ಸನಾ। ರೂಪಕ್ಖನ್ಧೋ ಸಿಯಾ ಸನಿದಸ್ಸನೋ, ಸಿಯಾ ಅನಿದಸ್ಸನೋ। ಚತ್ತಾರೋ ಖನ್ಧಾ ಅಪ್ಪಟಿಘಾ। ರೂಪಕ್ಖನ್ಧೋ ಸಿಯಾ ಸಪ್ಪಟಿಘೋ, ಸಿಯಾ ಅಪ್ಪಟಿಘೋ। ರೂಪಕ್ಖನ್ಧೋ ರೂಪಂ। ಚತ್ತಾರೋ ಖನ್ಧಾ ಅರೂಪಾ। ರೂಪಕ್ಖನ್ಧೋ ಲೋಕಿಯೋ। ಚತ್ತಾರೋ ಖನ್ಧಾ ಸಿಯಾ ಲೋಕಿಯಾ, ಸಿಯಾ ಲೋಕುತ್ತರಾ; ಕೇನಚಿ ವಿಞ್ಞೇಯ್ಯಾ, ಕೇನಚಿ ನ ವಿಞ್ಞೇಯ್ಯಾ।
Cattāro khandhā anidassanā. Rūpakkhandho siyā sanidassano, siyā anidassano. Cattāro khandhā appaṭighā. Rūpakkhandho siyā sappaṭigho, siyā appaṭigho. Rūpakkhandho rūpaṃ. Cattāro khandhā arūpā. Rūpakkhandho lokiyo. Cattāro khandhā siyā lokiyā, siyā lokuttarā; kenaci viññeyyā, kenaci na viññeyyā.
ಚತ್ತಾರೋ ಖನ್ಧಾ ನೋ ಆಸವಾ। ಸಙ್ಖಾರಕ್ಖನ್ಧೋ ಸಿಯಾ ಆಸವೋ, ಸಿಯಾ ನೋ ಆಸವೋ। ರೂಪಕ್ಖನ್ಧೋ ಸಾಸವೋ। ಚತ್ತಾರೋ ಖನ್ಧಾ ಸಿಯಾ ಸಾಸವಾ, ಸಿಯಾ ಅನಾಸವಾ। ರೂಪಕ್ಖನ್ಧೋ ಆಸವವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ಆಸವಸಮ್ಪಯುತ್ತಾ, ಸಿಯಾ ಆಸವವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಆಸವೋ ಚೇವ ಸಾಸವೋ ಚಾ’’ತಿ, ಸಾಸವೋ ಚೇವ ನೋ ಚ ಆಸವೋ। ತಯೋ ಖನ್ಧಾ ನ ವತ್ತಬ್ಬಾ – ‘‘ಆಸವಾ ಚೇವ ಸಾಸವಾ ಚಾ’’ತಿ, ಸಿಯಾ ಸಾಸವಾ ಚೇವ ನೋ ಚ ಆಸವಾ, ಸಿಯಾ ನ ವತ್ತಬ್ಬಾ – ‘‘ಸಾಸವಾ ಚೇವ ನೋ ಚ ಆಸವಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಆಸವೋ ಚೇವ ಸಾಸವೋ ಚ, ಸಿಯಾ ಸಾಸವೋ ಚೇವ ನೋ ಚ ಆಸವೋ, ಸಿಯಾ ನ ವತ್ತಬ್ಬೋ – ‘‘ಆಸವೋ ಚೇವ ಸಾಸವೋ ಚಾ’’ತಿಪಿ, ‘‘ಸಾಸವೋ ಚೇವ ನೋ ಚ ಆಸವೋ’’ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಆಸವೋ ಚೇವ ಆಸವಸಮ್ಪಯುತ್ತೋ ಚಾ’’ತಿಪಿ, ‘‘ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ’’ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಆಸವಾ ಚೇವ ಆಸವಸಮ್ಪಯುತ್ತಾ ಚಾ’’ತಿ, ಸಿಯಾ ಆಸವಸಮ್ಪಯುತ್ತಾ ಚೇವ ನೋ ಚ ಆಸವಾ, ಸಿಯಾ ನ ವತ್ತಬ್ಬಾ – ‘‘ಆಸವಸಮ್ಪಯುತ್ತಾ ಚೇವ ನೋ ಚ ಆಸವಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಆಸವೋ ಚೇವ ಆಸವಸಮ್ಪಯುತ್ತೋ ಚ, ಸಿಯಾ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ, ಸಿಯಾ ನ ವತ್ತಬ್ಬೋ – ‘‘ಆಸವೋ ಚೇವ ಆಸವಸಮ್ಪಯುತ್ತೋ ಚಾ’’ತಿಪಿ, ‘‘ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ’’ತಿಪಿ। ರೂಪಕ್ಖನ್ಧೋ ಆಸವವಿಪ್ಪಯುತ್ತಸಾಸವೋ। ಚತ್ತಾರೋ ಖನ್ಧಾ ಸಿಯಾ ಆಸವವಿಪ್ಪಯುತ್ತಸಾಸವಾ, ಸಿಯಾ ಆಸವವಿಪ್ಪಯುತ್ತಅನಾಸವಾ, ಸಿಯಾ ನ ವತ್ತಬ್ಬಾ – ‘‘ಆಸವವಿಪ್ಪಯುತ್ತಸಾಸವಾ’’ತಿಪಿ, ‘‘ಆಸವವಿಪ್ಪಯುತ್ತಅನಾಸವಾ’’ತಿಪಿ।
Cattāro khandhā no āsavā. Saṅkhārakkhandho siyā āsavo, siyā no āsavo. Rūpakkhandho sāsavo. Cattāro khandhā siyā sāsavā, siyā anāsavā. Rūpakkhandho āsavavippayutto. Cattāro khandhā siyā āsavasampayuttā, siyā āsavavippayuttā. Rūpakkhandho na vattabbo – ‘‘āsavo ceva sāsavo cā’’ti, sāsavo ceva no ca āsavo. Tayo khandhā na vattabbā – ‘‘āsavā ceva sāsavā cā’’ti, siyā sāsavā ceva no ca āsavā, siyā na vattabbā – ‘‘sāsavā ceva no ca āsavā’’ti. Saṅkhārakkhandho siyā āsavo ceva sāsavo ca, siyā sāsavo ceva no ca āsavo, siyā na vattabbo – ‘‘āsavo ceva sāsavo cā’’tipi, ‘‘sāsavo ceva no ca āsavo’’tipi. Rūpakkhandho na vattabbo – ‘‘āsavo ceva āsavasampayutto cā’’tipi, ‘‘āsavasampayutto ceva no ca āsavo’’tipi. Tayo khandhā na vattabbā – ‘‘āsavā ceva āsavasampayuttā cā’’ti, siyā āsavasampayuttā ceva no ca āsavā, siyā na vattabbā – ‘‘āsavasampayuttā ceva no ca āsavā’’ti. Saṅkhārakkhandho siyā āsavo ceva āsavasampayutto ca, siyā āsavasampayutto ceva no ca āsavo, siyā na vattabbo – ‘‘āsavo ceva āsavasampayutto cā’’tipi, ‘‘āsavasampayutto ceva no ca āsavo’’tipi. Rūpakkhandho āsavavippayuttasāsavo. Cattāro khandhā siyā āsavavippayuttasāsavā, siyā āsavavippayuttaanāsavā, siyā na vattabbā – ‘‘āsavavippayuttasāsavā’’tipi, ‘‘āsavavippayuttaanāsavā’’tipi.
ಚತ್ತಾರೋ ಖನ್ಧಾ ನೋ ಸಂಯೋಜನಾ। ಸಙ್ಖಾರಕ್ಖನ್ಧೋ ಸಿಯಾ ಸಂಯೋಜನಂ, ಸಿಯಾ ನೋ ಸಂಯೋಜನಂ। ರೂಪಕ್ಖನ್ಧೋ ಸಂಯೋಜನಿಯೋ। ಚತ್ತಾರೋ ಖನ್ಧಾ ಸಿಯಾ ಸಂಯೋಜನಿಯಾ, ಸಿಯಾ ಅಸಂಯೋಜನಿಯಾ। ರೂಪಕ್ಖನ್ಧೋ ಸಂಯೋಜನವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ಸಂಯೋಜನಸಮ್ಪಯುತ್ತಾ, ಸಿಯಾ ಸಂಯೋಜನವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಸಂಯೋಜನಞ್ಚೇವ ಸಂಯೋಜನಿಯೋ ಚಾ’’ತಿ, ‘‘ಸಂಯೋಜನಿಯೋ ಚೇವ ನೋ ಚ ಸಂಯೋಜನಂ’’। ತಯೋ ಖನ್ಧಾ ನ ವತ್ತಬ್ಬಾ – ‘‘ಸಂಯೋಜನಾ ಚೇವ ಸಂಯೋಜನಿಯಾ ಚಾ’’ತಿ, ಸಿಯಾ ಸಂಯೋಜನಿಯಾ ಚೇವ ನೋ ಚ ಸಂಯೋಜನಾ, ಸಿಯಾ ನ ವತ್ತಬ್ಬಾ – ‘‘ಸಂಯೋಜನಿಯಾ ಚೇವ ನೋ ಚ ಸಂಯೋಜನಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಸಂಯೋಜನಞ್ಚೇವ ಸಂಯೋಜನಿಯೋ ಚ, ಸಿಯಾ ಸಂಯೋಜನಿಯೋ ಚೇವ ನೋ ಚ ಸಂಯೋಜನಂ, ಸಿಯಾ ನ ವತ್ತಬ್ಬೋ – ‘‘ಸಂಯೋಜನಞ್ಚೇವ ಸಂಯೋಜನಿಯೋ ಚಾ’’ತಿಪಿ, ‘‘ಸಂಯೋಜನಿಯೋ ಚೇವ ನೋ ಚ ಸಂಯೋಜನ’’ನ್ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಸಂಯೋಜನಞ್ಚೇವ ಸಂಯೋಜನಸಮ್ಪಯುತ್ತೋ ಚಾ’’ತಿಪಿ, ‘‘ಸಂಯೋಜನಸಮ್ಪಯುತ್ತೋ ಚೇವ ನೋ ಚ ಸಂಯೋಜನ’’ನ್ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಸಂಯೋಜನಾ ಚೇವ ಸಂಯೋಜನಸಮ್ಪಯುತ್ತಾ ಚಾ’’ತಿ, ಸಿಯಾ ಸಂಯೋಜನಸಮ್ಪಯುತ್ತಾ ಚೇವ ನೋ ಚ ಸಂಯೋಜನಾ, ಸಿಯಾ ನ ವತ್ತಬ್ಬಾ – ‘‘ಸಂಯೋಜನಸಮ್ಪಯುತ್ತಾ ಚೇವ ನೋ ಚ ಸಂಯೋಜನಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಸಂಯೋಜನಞ್ಚೇವ ಸಂಯೋಜನಸಮ್ಪಯುತ್ತೋ ಚ, ಸಿಯಾ ಸಂಯೋಜನಸಮ್ಪಯುತ್ತೋ ಚೇವ ನೋ ಚ ಸಂಯೋಜನಂ, ಸಿಯಾ ನ ವತ್ತಬ್ಬೋ – ‘‘ಸಂಯೋಜನಞ್ಚೇವ ಸಂಯೋಜನಸಮ್ಪಯುತ್ತೋ ಚಾ’’ತಿಪಿ, ‘‘ಸಂಯೋಜನಸಮ್ಪಯುತ್ತೋ ಚೇವ ನೋ ಚ ಸಂಯೋಜನ’’ನ್ತಿಪಿ। ರೂಪಕ್ಖನ್ಧೋ ಸಂಯೋಜನವಿಪ್ಪಯುತ್ತಸಂಯೋಜನಿಯೋ। ಚತ್ತಾರೋ ಖನ್ಧಾ ಸಿಯಾ ಸಂಯೋಜನವಿಪ್ಪಯುತ್ತಸಂಯೋಜನಿಯಾ, ಸಿಯಾ ಸಂಯೋಜನವಿಪ್ಪಯುತ್ತಅಸಂಯೋಜನಿಯಾ, ಸಿಯಾ ನ ವತ್ತಬ್ಬಾ – ‘‘ಸಂಯೋಜನವಿಪ್ಪಯುತ್ತಸಂಯೋಜನಿಯಾ’’ತಿಪಿ, ‘‘ಸಂಯೋಜನವಿಪ್ಪಯುತ್ತಅಸಂಯೋಜನಿಯಾ’’ತಿಪಿ।
Cattāro khandhā no saṃyojanā. Saṅkhārakkhandho siyā saṃyojanaṃ, siyā no saṃyojanaṃ. Rūpakkhandho saṃyojaniyo. Cattāro khandhā siyā saṃyojaniyā, siyā asaṃyojaniyā. Rūpakkhandho saṃyojanavippayutto. Cattāro khandhā siyā saṃyojanasampayuttā, siyā saṃyojanavippayuttā. Rūpakkhandho na vattabbo – ‘‘saṃyojanañceva saṃyojaniyo cā’’ti, ‘‘saṃyojaniyo ceva no ca saṃyojanaṃ’’. Tayo khandhā na vattabbā – ‘‘saṃyojanā ceva saṃyojaniyā cā’’ti, siyā saṃyojaniyā ceva no ca saṃyojanā, siyā na vattabbā – ‘‘saṃyojaniyā ceva no ca saṃyojanā’’ti. Saṅkhārakkhandho siyā saṃyojanañceva saṃyojaniyo ca, siyā saṃyojaniyo ceva no ca saṃyojanaṃ, siyā na vattabbo – ‘‘saṃyojanañceva saṃyojaniyo cā’’tipi, ‘‘saṃyojaniyo ceva no ca saṃyojana’’ntipi. Rūpakkhandho na vattabbo – ‘‘saṃyojanañceva saṃyojanasampayutto cā’’tipi, ‘‘saṃyojanasampayutto ceva no ca saṃyojana’’ntipi. Tayo khandhā na vattabbā – ‘‘saṃyojanā ceva saṃyojanasampayuttā cā’’ti, siyā saṃyojanasampayuttā ceva no ca saṃyojanā, siyā na vattabbā – ‘‘saṃyojanasampayuttā ceva no ca saṃyojanā’’ti. Saṅkhārakkhandho siyā saṃyojanañceva saṃyojanasampayutto ca, siyā saṃyojanasampayutto ceva no ca saṃyojanaṃ, siyā na vattabbo – ‘‘saṃyojanañceva saṃyojanasampayutto cā’’tipi, ‘‘saṃyojanasampayutto ceva no ca saṃyojana’’ntipi. Rūpakkhandho saṃyojanavippayuttasaṃyojaniyo. Cattāro khandhā siyā saṃyojanavippayuttasaṃyojaniyā, siyā saṃyojanavippayuttaasaṃyojaniyā, siyā na vattabbā – ‘‘saṃyojanavippayuttasaṃyojaniyā’’tipi, ‘‘saṃyojanavippayuttaasaṃyojaniyā’’tipi.
ಚತ್ತಾರೋ ಖನ್ಧಾ ನೋ ಗನ್ಥಾ। ಸಙ್ಖಾರಕ್ಖನ್ಧೋ ಸಿಯಾ ಗನ್ಥೋ, ಸಿಯಾ ನೋ ಗನ್ಥೋ। ರೂಪಕ್ಖನ್ಧೋ ಗನ್ಥನಿಯೋ। ಚತ್ತಾರೋ ಖನ್ಧಾ ಸಿಯಾ ಗನ್ಥನಿಯಾ, ಸಿಯಾ ಅಗನ್ಥನಿಯಾ। ರೂಪಕ್ಖನ್ಧೋ ಗನ್ಥವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ಗನ್ಥಸಮ್ಪಯುತ್ತಾ, ಸಿಯಾ ಗನ್ಥವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಗನ್ಥೋ ಚೇವ ಗನ್ಥನಿಯೋ ಚಾ’’ತಿ, ‘‘ಗನ್ಥನಿಯೋ ಚೇವ ನೋ ಚ ಗನ್ಥೋ’’। ತಯೋ ಖನ್ಧಾ ನ ವತ್ತಬ್ಬಾ – ‘‘ಗನ್ಥಾ ಚೇವ ಗನ್ಥನಿಯಾ ಚಾ’’ತಿ, ಸಿಯಾ ಗನ್ಥನಿಯಾ ಚೇವ ನೋ ಚ ಗನ್ಥಾ, ಸಿಯಾ ನ ವತ್ತಬ್ಬಾ – ‘‘ಗನ್ಥನಿಯಾ ಚೇವ ನೋ ಚ ಗನ್ಥಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಗನ್ಥೋ ಚೇವ ಗನ್ಥನಿಯೋ ಚ, ಸಿಯಾ ಗನ್ಥನಿಯೋ ಚೇವ ನೋ ಚ ಗನ್ಥೋ, ಸಿಯಾ ನ ವತ್ತಬ್ಬೋ – ‘‘ಗನ್ಥೋ ಚೇವ ಗನ್ಥನಿಯೋ ಚಾ’’ತಿಪಿ, ‘‘ಗನ್ಥನಿಯೋ ಚೇವ ನೋ ಚ ಗನ್ಥೋ’’ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಗನ್ಥೋ ಚೇವ ಗನ್ಥಸಮ್ಪಯುತ್ತೋ ಚಾ’’ತಿಪಿ, ‘‘ಗನ್ಥಸಮ್ಪಯುತ್ತೋ ಚೇವ ನೋ ಚ ಗನ್ಥೋ’’ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಗನ್ಥಾ ಚೇವ ಗನ್ಥಸಮ್ಪಯುತ್ತಾ ಚಾ’’ತಿ, ಸಿಯಾ ಗನ್ಥಸಮ್ಪಯುತ್ತಾ ಚೇವ ನೋ ಚ ಗನ್ಥಾ, ಸಿಯಾ ನ ವತ್ತಬ್ಬಾ – ‘‘ಗನ್ಥಸಮ್ಪಯುತ್ತಾ ಚೇವ ನೋ ಚ ಗನ್ಥಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಗನ್ಥೋ ಚೇವ ಗನ್ಥಸಮ್ಪಯುತ್ತೋ ಚ, ಸಿಯಾ ಗನ್ಥಸಮ್ಪಯುತ್ತೋ ಚೇವ ನೋ ಚ ಗನ್ಥೋ, ಸಿಯಾ ನ ವತ್ತಬ್ಬೋ – ‘‘ಗನ್ಥೋ ಚೇವ ಗನ್ಥಸಮ್ಪಯುತ್ತೋ ಚಾ’’ತಿಪಿ, ‘‘ಗನ್ಥಸಮ್ಪಯುತ್ತೋ ಚೇವ ನೋ ಚ ಗನ್ಥೋ’’ತಿ ಪಿ। ರೂಪಕ್ಖನ್ಧೋ ಗನ್ಥವಿಪ್ಪಯುತ್ತಗನ್ಥನಿಯೋ। ಚತ್ತಾರೋ ಖನ್ಧಾ ಸಿಯಾ ಗನ್ಥವಿಪ್ಪಯುತ್ತಗನ್ಥನಿಯಾ , ಸಿಯಾ ಗನ್ಥವಿಪ್ಪಯುತ್ತಅಗನ್ಥನಿಯಾ, ಸಿಯಾ ನ ವತ್ತಬ್ಬಾ – ‘‘ಗನ್ಥವಿಪ್ಪಯುತ್ತಗನ್ಥನಿಯಾ’’ತಿಪಿ, ‘‘ಗನ್ಥವಿಪ್ಪಯುತ್ತಅಗನ್ಥನಿಯಾ’’ತಿಪಿ।
Cattāro khandhā no ganthā. Saṅkhārakkhandho siyā gantho, siyā no gantho. Rūpakkhandho ganthaniyo. Cattāro khandhā siyā ganthaniyā, siyā aganthaniyā. Rūpakkhandho ganthavippayutto. Cattāro khandhā siyā ganthasampayuttā, siyā ganthavippayuttā. Rūpakkhandho na vattabbo – ‘‘gantho ceva ganthaniyo cā’’ti, ‘‘ganthaniyo ceva no ca gantho’’. Tayo khandhā na vattabbā – ‘‘ganthā ceva ganthaniyā cā’’ti, siyā ganthaniyā ceva no ca ganthā, siyā na vattabbā – ‘‘ganthaniyā ceva no ca ganthā’’ti. Saṅkhārakkhandho siyā gantho ceva ganthaniyo ca, siyā ganthaniyo ceva no ca gantho, siyā na vattabbo – ‘‘gantho ceva ganthaniyo cā’’tipi, ‘‘ganthaniyo ceva no ca gantho’’tipi. Rūpakkhandho na vattabbo – ‘‘gantho ceva ganthasampayutto cā’’tipi, ‘‘ganthasampayutto ceva no ca gantho’’tipi. Tayo khandhā na vattabbā – ‘‘ganthā ceva ganthasampayuttā cā’’ti, siyā ganthasampayuttā ceva no ca ganthā, siyā na vattabbā – ‘‘ganthasampayuttā ceva no ca ganthā’’ti. Saṅkhārakkhandho siyā gantho ceva ganthasampayutto ca, siyā ganthasampayutto ceva no ca gantho, siyā na vattabbo – ‘‘gantho ceva ganthasampayutto cā’’tipi, ‘‘ganthasampayutto ceva no ca gantho’’ti pi. Rūpakkhandho ganthavippayuttaganthaniyo. Cattāro khandhā siyā ganthavippayuttaganthaniyā , siyā ganthavippayuttaaganthaniyā, siyā na vattabbā – ‘‘ganthavippayuttaganthaniyā’’tipi, ‘‘ganthavippayuttaaganthaniyā’’tipi.
ಚತ್ತಾರೋ ಖನ್ಧಾ ನೋ ಓಘಾ…ಪೇ॰… ನೋ ಯೋಗಾ…ಪೇ॰… ನೋ ನೀವರಣಾ। ಸಙ್ಖಾರಕ್ಖನ್ಧೋ ಸಿಯಾ ನೀವರಣಂ, ಸಿಯಾ ನೋ ನೀವರಣಂ। ರೂಪಕ್ಖನ್ಧೋ ನೀವರಣಿಯೋ। ಚತ್ತಾರೋ ಖನ್ಧಾ ಸಿಯಾ ನೀವರಣಿಯಾ, ಸಿಯಾ ಅನೀವರಣಿಯಾ। ರೂಪಕ್ಖನ್ಧೋ ನೀವರಣವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ನೀವರಣಸಮ್ಪಯುತ್ತಾ, ಸಿಯಾ ನೀವರಣವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ನೀವರಣಞ್ಚೇವ ನೀವರಣಿಯೋ ಚಾ’’ತಿ, ‘‘ನೀವರಣಿಯೋ ಚೇವ ನೋ ಚ ನೀವರಣಂ’’। ತಯೋ ಖನ್ಧಾ ನ ವತ್ತಬ್ಬಾ – ‘‘ನೀವರಣಾ ಚೇವ ನೀವರಣಿಯಾ ಚಾ’’ತಿ, ಸಿಯಾ ನೀವರಣಿಯಾ ಚೇವ ನೋ ಚ ನೀವರಣಾ, ಸಿಯಾ ನ ವತ್ತಬ್ಬಾ – ‘‘ನೀವರಣಿಯಾ ಚೇವ ನೋ ಚ ನೀವರಣಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ನೀವರಣಞ್ಚೇವ ನೀವರಣಿಯೋ ಚ, ಸಿಯಾ ನೀವರಣಿಯೋ ಚೇವ ನೋ ಚ ನೀವರಣಂ, ಸಿಯಾ ನ ವತ್ತಬ್ಬೋ – ‘‘ನೀವರಣಞ್ಚೇವ ನೀವರಣಿಯೋ ಚಾ’’ತಿಪಿ, ‘‘ನೀವರಣಿಯೋ ಚೇವ ನೋ ಚ ನೀವರಣ’’ನ್ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ನೀವರಣಞ್ಚೇವ ನೀವರಣಸಮ್ಪಯುತ್ತೋ ಚಾ’’ತಿಪಿ, ‘‘ನೀವರಣಸಮ್ಪಯುತ್ತೋ ಚೇವ ನೋ ಚ ನೀವರಣ’’ನ್ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ನೀವರಣಾ ಚೇವ ನೀವರಣಸಮ್ಪಯುತ್ತಾ ಚಾ’’ತಿ, ಸಿಯಾ ನೀವರಣಸಮ್ಪಯುತ್ತಾ ಚೇವ ನೋ ಚ ನೀವರಣಾ, ಸಿಯಾ ನ ವತ್ತಬ್ಬಾ – ‘‘ನೀವರಣಸಮ್ಪಯುತ್ತಾ ಚೇವ ನೋ ಚ ನೀವರಣಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ನೀವರಣಞ್ಚೇವ ನೀವರಣಸಮ್ಪಯುತ್ತೋ ಚ, ಸಿಯಾ ನೀವರಣಸಮ್ಪಯುತ್ತೋ ಚೇವ ನೋ ಚ ನೀವರಣಂ, ಸಿಯಾ ನ ವತ್ತಬ್ಬೋ – ‘‘ನೀವರಣಞ್ಚೇವ ನೀವರಣಸಮ್ಪಯುತ್ತೋ ಚಾ’’ತಿಪಿ, ‘‘ನೀವರಣಸಮ್ಪಯುತ್ತೋ ಚೇವ ನೋ ಚ ನೀವರಣ’’ನ್ತಿಪಿ। ರೂಪಕ್ಖನ್ಧೋ ನೀವರಣವಿಪ್ಪಯುತ್ತನೀವರಣಿಯೋ। ಚತ್ತಾರೋ ಖನ್ಧಾ ಸಿಯಾ ನೀವರಣವಿಪ್ಪಯುತ್ತನೀವರಣಿಯಾ, ಸಿಯಾ ನೀವರಣವಿಪ್ಪಯುತ್ತಅನೀವರಣಿಯಾ, ಸಿಯಾ ನ ವತ್ತಬ್ಬಾ – ‘‘ನೀವರಣವಿಪ್ಪಯುತ್ತನೀವರಣಿಯಾ’’ತಿಪಿ, ‘‘ನೀವರಣವಿಪ್ಪಯುತ್ತಅನೀವರಣಿಯಾ’’ತಿಪಿ।
Cattāro khandhā no oghā…pe… no yogā…pe… no nīvaraṇā. Saṅkhārakkhandho siyā nīvaraṇaṃ, siyā no nīvaraṇaṃ. Rūpakkhandho nīvaraṇiyo. Cattāro khandhā siyā nīvaraṇiyā, siyā anīvaraṇiyā. Rūpakkhandho nīvaraṇavippayutto. Cattāro khandhā siyā nīvaraṇasampayuttā, siyā nīvaraṇavippayuttā. Rūpakkhandho na vattabbo – ‘‘nīvaraṇañceva nīvaraṇiyo cā’’ti, ‘‘nīvaraṇiyo ceva no ca nīvaraṇaṃ’’. Tayo khandhā na vattabbā – ‘‘nīvaraṇā ceva nīvaraṇiyā cā’’ti, siyā nīvaraṇiyā ceva no ca nīvaraṇā, siyā na vattabbā – ‘‘nīvaraṇiyā ceva no ca nīvaraṇā’’ti. Saṅkhārakkhandho siyā nīvaraṇañceva nīvaraṇiyo ca, siyā nīvaraṇiyo ceva no ca nīvaraṇaṃ, siyā na vattabbo – ‘‘nīvaraṇañceva nīvaraṇiyo cā’’tipi, ‘‘nīvaraṇiyo ceva no ca nīvaraṇa’’ntipi. Rūpakkhandho na vattabbo – ‘‘nīvaraṇañceva nīvaraṇasampayutto cā’’tipi, ‘‘nīvaraṇasampayutto ceva no ca nīvaraṇa’’ntipi. Tayo khandhā na vattabbā – ‘‘nīvaraṇā ceva nīvaraṇasampayuttā cā’’ti, siyā nīvaraṇasampayuttā ceva no ca nīvaraṇā, siyā na vattabbā – ‘‘nīvaraṇasampayuttā ceva no ca nīvaraṇā’’ti. Saṅkhārakkhandho siyā nīvaraṇañceva nīvaraṇasampayutto ca, siyā nīvaraṇasampayutto ceva no ca nīvaraṇaṃ, siyā na vattabbo – ‘‘nīvaraṇañceva nīvaraṇasampayutto cā’’tipi, ‘‘nīvaraṇasampayutto ceva no ca nīvaraṇa’’ntipi. Rūpakkhandho nīvaraṇavippayuttanīvaraṇiyo. Cattāro khandhā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā – ‘‘nīvaraṇavippayuttanīvaraṇiyā’’tipi, ‘‘nīvaraṇavippayuttaanīvaraṇiyā’’tipi.
ಚತ್ತಾರೋ ಖನ್ಧಾ ನೋ ಪರಾಮಾಸಾ। ಸಙ್ಖಾರಕ್ಖನ್ಧೋ ಸಿಯಾ ಪರಾಮಾಸೋ, ಸಿಯಾ ನೋ ಪರಾಮಾಸೋ। ರೂಪಕ್ಖನ್ಧೋ ಪರಾಮಟ್ಠೋ। ಚತ್ತಾರೋ ಖನ್ಧಾ ಸಿಯಾ ಪರಾಮಟ್ಠಾ, ಸಿಯಾ ಅಪರಾಮಟ್ಠಾ। ರೂಪಕ್ಖನ್ಧೋ ಪರಾಮಾಸವಿಪ್ಪಯುತ್ತೋ। ತಯೋ ಖನ್ಧಾ ಸಿಯಾ ಪರಾಮಾಸಸಮ್ಪಯುತ್ತಾ, ಸಿಯಾ ಪರಾಮಾಸವಿಪ್ಪಯುತ್ತಾ। ಸಙ್ಖಾರಕ್ಖನ್ಧೋ ಸಿಯಾ ಪರಾಮಾಸಸಮ್ಪಯುತ್ತೋ, ಸಿಯಾ ಪರಾಮಾಸವಿಪ್ಪಯುತ್ತೋ, ಸಿಯಾ ನ ವತ್ತಬ್ಬೋ – ‘‘ಪರಾಮಾಸಸಮ್ಪಯುತ್ತೋ’’ತಿಪಿ, ‘‘ಪರಾಮಾಸವಿಪ್ಪಯುತ್ತೋ’’ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಪರಾಮಾಸೋ ಚೇವ ಪರಾಮಟ್ಠೋ ಚಾ’’ತಿ, ‘‘ಪರಾಮಟ್ಠೋ ಚೇವ ನೋ ಚ ಪರಾಮಾಸೋ’’। ತಯೋ ಖನ್ಧಾ ನ ವತ್ತಬ್ಬಾ – ‘‘ಪರಾಮಾಸಾ ಚೇವ ಪರಾಮಟ್ಠಾ ಚಾ’’ತಿ, ಸಿಯಾ ಪರಾಮಟ್ಠಾ ಚೇವ ನೋ ಚ ಪರಾಮಾಸಾ, ಸಿಯಾ ನ ವತ್ತಬ್ಬಾ – ‘‘ಪರಾಮಟ್ಠಾ ಚೇವ ನೋ ಚ ಪರಾಮಾಸಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಪರಾಮಾಸೋ ಚೇವ ಪರಾಮಟ್ಠೋ ಚ, ಸಿಯಾ ಪರಾಮಟ್ಠೋ ಚೇವ ನೋ ಚ ಪರಾಮಾಸೋ, ಸಿಯಾ ನ ವತ್ತಬ್ಬೋ – ‘‘ಪರಾಮಾಸೋ ಚೇವ ಪರಾಮಟ್ಠೋ ಚಾ’’ತಿಪಿ, ‘‘ಪರಾಮಟ್ಠೋ ಚೇವ ನೋ ಚ ಪರಾಮಾಸೋ’’ತಿಪಿ। ರೂಪಕ್ಖನ್ಧೋ ಪರಾಮಾಸವಿಪ್ಪಯುತ್ತಪರಾಮಟ್ಠೋ। ಚತ್ತಾರೋ ಖನ್ಧಾ ಸಿಯಾ ಪರಾಮಾಸವಿಪ್ಪಯುತ್ತಪರಾಮಟ್ಠಾ, ಸಿಯಾ ಪರಾಮಾಸವಿಪ್ಪಯುತ್ತಅಪರಾಮಟ್ಠಾ , ಸಿಯಾ ನ ವತ್ತಬ್ಬಾ – ‘‘ಪರಾಮಾಸವಿಪ್ಪಯುತ್ತಪರಾಮಟ್ಠಾ’’ತಿಪಿ, ‘‘ಪರಾಮಾಸವಿಪ್ಪಯುತ್ತಅಪರಾಮಟ್ಠಾ’’ತಿಪಿ।
Cattāro khandhā no parāmāsā. Saṅkhārakkhandho siyā parāmāso, siyā no parāmāso. Rūpakkhandho parāmaṭṭho. Cattāro khandhā siyā parāmaṭṭhā, siyā aparāmaṭṭhā. Rūpakkhandho parāmāsavippayutto. Tayo khandhā siyā parāmāsasampayuttā, siyā parāmāsavippayuttā. Saṅkhārakkhandho siyā parāmāsasampayutto, siyā parāmāsavippayutto, siyā na vattabbo – ‘‘parāmāsasampayutto’’tipi, ‘‘parāmāsavippayutto’’tipi. Rūpakkhandho na vattabbo – ‘‘parāmāso ceva parāmaṭṭho cā’’ti, ‘‘parāmaṭṭho ceva no ca parāmāso’’. Tayo khandhā na vattabbā – ‘‘parāmāsā ceva parāmaṭṭhā cā’’ti, siyā parāmaṭṭhā ceva no ca parāmāsā, siyā na vattabbā – ‘‘parāmaṭṭhā ceva no ca parāmāsā’’ti. Saṅkhārakkhandho siyā parāmāso ceva parāmaṭṭho ca, siyā parāmaṭṭho ceva no ca parāmāso, siyā na vattabbo – ‘‘parāmāso ceva parāmaṭṭho cā’’tipi, ‘‘parāmaṭṭho ceva no ca parāmāso’’tipi. Rūpakkhandho parāmāsavippayuttaparāmaṭṭho. Cattāro khandhā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā , siyā na vattabbā – ‘‘parāmāsavippayuttaparāmaṭṭhā’’tipi, ‘‘parāmāsavippayuttaaparāmaṭṭhā’’tipi.
ರೂಪಕ್ಖನ್ಧೋ ಅನಾರಮ್ಮಣೋ। ಚತ್ತಾರೋ ಖನ್ಧಾ ಸಾರಮ್ಮಣಾ। ವಿಞ್ಞಾಣಕ್ಖನ್ಧೋ ಚಿತ್ತಂ। ಚತ್ತಾರೋ ಖನ್ಧಾ ನೋ ಚಿತ್ತಾ। ತಯೋ ಖನ್ಧಾ ಚೇತಸಿಕಾ। ದ್ವೇ ಖನ್ಧಾ ಅಚೇತಸಿಕಾ। ತಯೋ ಖನ್ಧಾ ಚಿತ್ತಸಮ್ಪಯುತ್ತಾ । ರೂಪಕ್ಖನ್ಧೋ ಚಿತ್ತವಿಪ್ಪಯುತ್ತೋ। ವಿಞ್ಞಾಣಕ್ಖನ್ಧೋ ನ ವತ್ತಬ್ಬೋ – ‘‘ಚಿತ್ತೇನ ಸಮ್ಪಯುತ್ತೋ’’ತಿಪಿ, ‘‘ಚಿತ್ತೇನ ವಿಪ್ಪಯುತ್ತೋ’’ತಿಪಿ। ತಯೋ ಖನ್ಧಾ ಚಿತ್ತಸಂಸಟ್ಠಾ। ರೂಪಕ್ಖನ್ಧೋ ಚಿತ್ತವಿಸಂಸಟ್ಠೋ। ವಿಞ್ಞಾಣಕ್ಖನ್ಧೋ ನ ವತ್ತಬ್ಬೋ – ‘‘ಚಿತ್ತೇನ ಸಂಸಟ್ಠೋ’’ತಿಪಿ, ‘‘ಚಿತ್ತೇನ ವಿಸಂಸಟ್ಠೋ’’ತಿಪಿ। ತಯೋ ಖನ್ಧಾ ಚಿತ್ತಸಮುಟ್ಠಾನಾ। ವಿಞ್ಞಾಣಕ್ಖನ್ಧೋ ನೋ ಚಿತ್ತಸಮುಟ್ಠಾನೋ। ರೂಪಕ್ಖನ್ಧೋ ಸಿಯಾ ಚಿತ್ತಸಮುಟ್ಠಾನೋ, ಸಿಯಾ ನೋ ಚಿತ್ತಸಮುಟ್ಠಾನೋ। ತಯೋ ಖನ್ಧಾ ಚಿತ್ತಸಹಭುನೋ। ವಿಞ್ಞಾಣಕ್ಖನ್ಧೋ ನೋ ಚಿತ್ತಸಹಭೂ। ರೂಪಕ್ಖನ್ಧೋ ಸಿಯಾ ಚಿತ್ತಸಹಭೂ, ಸಿಯಾ ನೋ ಚಿತ್ತಸಹಭೂ। ತಯೋ ಖನ್ಧಾ ಚಿತ್ತಾನುಪರಿವತ್ತಿನೋ। ವಿಞ್ಞಾಣಕ್ಖನ್ಧೋ ನೋ ಚಿತ್ತಾನುಪರಿವತ್ತಿ। ರೂಪಕ್ಖನ್ಧೋ ಸಿಯಾ ಚಿತ್ತಾನುಪರಿವತ್ತಿ, ಸಿಯಾ ನೋ ಚಿತ್ತಾನುಪರಿವತ್ತಿ। ತಯೋ ಖನ್ಧಾ ಚಿತ್ತಸಂಸಟ್ಠಸಮುಟ್ಠಾನಾ। ದ್ವೇ ಖನ್ಧಾ ನೋ ಚಿತ್ತಸಂಸಟ್ಠಸಮುಟ್ಠಾನಾ। ತಯೋ ಖನ್ಧಾ ಚಿತ್ತಸಂಸಟ್ಠಸಮುಟ್ಠಾನಸಹಭುನೋ। ದ್ವೇ ಖನ್ಧಾ ನೋ ಚಿತ್ತಸಂಸಟ್ಠಸಮುಟ್ಠಾನಸಹಭುನೋ। ತಯೋ ಖನ್ಧಾ ಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತಿನೋ। ದ್ವೇ ಖನ್ಧಾ ನೋ ಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತಿನೋ।
Rūpakkhandho anārammaṇo. Cattāro khandhā sārammaṇā. Viññāṇakkhandho cittaṃ. Cattāro khandhā no cittā. Tayo khandhā cetasikā. Dve khandhā acetasikā. Tayo khandhā cittasampayuttā . Rūpakkhandho cittavippayutto. Viññāṇakkhandho na vattabbo – ‘‘cittena sampayutto’’tipi, ‘‘cittena vippayutto’’tipi. Tayo khandhā cittasaṃsaṭṭhā. Rūpakkhandho cittavisaṃsaṭṭho. Viññāṇakkhandho na vattabbo – ‘‘cittena saṃsaṭṭho’’tipi, ‘‘cittena visaṃsaṭṭho’’tipi. Tayo khandhā cittasamuṭṭhānā. Viññāṇakkhandho no cittasamuṭṭhāno. Rūpakkhandho siyā cittasamuṭṭhāno, siyā no cittasamuṭṭhāno. Tayo khandhā cittasahabhuno. Viññāṇakkhandho no cittasahabhū. Rūpakkhandho siyā cittasahabhū, siyā no cittasahabhū. Tayo khandhā cittānuparivattino. Viññāṇakkhandho no cittānuparivatti. Rūpakkhandho siyā cittānuparivatti, siyā no cittānuparivatti. Tayo khandhā cittasaṃsaṭṭhasamuṭṭhānā. Dve khandhā no cittasaṃsaṭṭhasamuṭṭhānā. Tayo khandhā cittasaṃsaṭṭhasamuṭṭhānasahabhuno. Dve khandhā no cittasaṃsaṭṭhasamuṭṭhānasahabhuno. Tayo khandhā cittasaṃsaṭṭhasamuṭṭhānānuparivattino. Dve khandhā no cittasaṃsaṭṭhasamuṭṭhānānuparivattino.
ವಿಞ್ಞಾಣಕ್ಖನ್ಧೋ ಅಜ್ಝತ್ತಿಕೋ। ತಯೋ ಖನ್ಧಾ ಬಾಹಿರಾ। ರೂಪಕ್ಖನ್ಧೋ ಸಿಯಾ ಅಜ್ಝತ್ತಿಕೋ, ಸಿಯಾ ಬಾಹಿರೋ। ಚತ್ತಾರೋ ಖನ್ಧಾ ನೋ ಉಪಾದಾ। ರೂಪಕ್ಖನ್ಧೋ ಸಿಯಾ ಉಪಾದಾ, ಸಿಯಾ ನೋ ಉಪಾದಾ, ಸಿಯಾ ಉಪಾದಿನ್ನಾ, ಸಿಯಾ ಅನುಪಾದಿನ್ನಾ। ಚತ್ತಾರೋ ಖನ್ಧಾ ನೋ ಉಪಾದಾನಾ। ಸಙ್ಖಾರಕ್ಖನ್ಧೋ ಸಿಯಾ ಉಪಾದಾನಂ, ಸಿಯಾ ನೋ ಉಪಾದಾನಂ। ರೂಪಕ್ಖನ್ಧೋ ಉಪಾದಾನಿಯೋ। ಚತ್ತಾರೋ ಖನ್ಧಾ ಸಿಯಾ ಉಪಾದಾನಿಯಾ, ಸಿಯಾ ಅನುಪಾದಾನಿಯಾ। ರೂಪಕ್ಖನ್ಧೋ ಉಪಾದಾನವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ಉಪಾದಾನಸಮ್ಪಯುತ್ತಾ, ಸಿಯಾ ಉಪಾದಾನವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಉಪಾದಾನಞ್ಚೇವ ಉಪಾದಾನಿಯೋ ಚಾ’’ತಿ, ‘‘ಉಪಾದಾನಿಯೋ ಚೇವ ನೋ ಚ ಉಪಾದಾನಂ’’। ತಯೋ ಖನ್ಧಾ ನ ವತ್ತಬ್ಬಾ – ‘‘ಉಪಾದಾನಞ್ಚೇವ ಉಪಾದಾನಿಯಾ ಚಾ’’ತಿ, ಸಿಯಾ ಉಪಾದಾನಿಯಾ ಚೇವ ನೋ ಚ ಉಪಾದಾನಾ, ಸಿಯಾ ನ ವತ್ತಬ್ಬಾ – ‘‘ಉಪಾದಾನಿಯಾ ಚೇವ ನೋ ಚ ಉಪಾದಾನಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಉಪಾದಾನಞ್ಚೇವ ಉಪಾದಾನಿಯೋ ಚ, ಸಿಯಾ ಉಪಾದಾನಿಯೋ ಚೇವ ನೋ ಚ ಉಪಾದಾನಂ, ಸಿಯಾ ನ ವತ್ತಬ್ಬೋ – ‘‘ಉಪಾದಾನಞ್ಚೇವ ಉಪಾದಾನಿಯೋ ಚಾ’’ತಿಪಿ, ‘‘ಉಪಾದಾನಿಯೋ ಚೇವ ನೋ ಚ ಉಪಾದಾನ’’ನ್ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತೋ ಚಾ’’ತಿಪಿ, ‘‘ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನ’’ನ್ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚಾ’’ತಿ, ಸಿಯಾ ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ, ಸಿಯಾ ನ ವತ್ತಬ್ಬಾ – ‘‘ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತೋ ಚ, ಸಿಯಾ ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನಂ, ಸಿಯಾ ನ ವತ್ತಬ್ಬೋ – ‘‘ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತೋ ಚಾ’’ತಿಪಿ, ‘‘ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನ’’ನ್ತಿಪಿ। ರೂಪಕ್ಖನ್ಧೋ ಉಪಾದಾನವಿಪ್ಪಯುತ್ತಉಪಾದಾನಿಯೋ। ಚತ್ತಾರೋ ಖನ್ಧಾ ಸಿಯಾ ಉಪಾದಾನವಿಪ್ಪಯುತ್ತಉಪಾದಾನಿಯಾ, ಸಿಯಾ ಉಪಾದಾನವಿಪ್ಪಯುತ್ತಅನುಪಾದಾನಿಯಾ , ಸಿಯಾ ನ ವತ್ತಬ್ಬಾ – ‘‘ಉಪಾದಾನವಿಪ್ಪಯುತ್ತಉಪಾದಾನಿಯಾ’’ತಿಪಿ, ‘‘ಉಪಾದಾನವಿಪ್ಪಯುತ್ತಅನುಪಾದಾನಿಯಾ’’ತಿಪಿ।
Viññāṇakkhandho ajjhattiko. Tayo khandhā bāhirā. Rūpakkhandho siyā ajjhattiko, siyā bāhiro. Cattāro khandhā no upādā. Rūpakkhandho siyā upādā, siyā no upādā, siyā upādinnā, siyā anupādinnā. Cattāro khandhā no upādānā. Saṅkhārakkhandho siyā upādānaṃ, siyā no upādānaṃ. Rūpakkhandho upādāniyo. Cattāro khandhā siyā upādāniyā, siyā anupādāniyā. Rūpakkhandho upādānavippayutto. Cattāro khandhā siyā upādānasampayuttā, siyā upādānavippayuttā. Rūpakkhandho na vattabbo – ‘‘upādānañceva upādāniyo cā’’ti, ‘‘upādāniyo ceva no ca upādānaṃ’’. Tayo khandhā na vattabbā – ‘‘upādānañceva upādāniyā cā’’ti, siyā upādāniyā ceva no ca upādānā, siyā na vattabbā – ‘‘upādāniyā ceva no ca upādānā’’ti. Saṅkhārakkhandho siyā upādānañceva upādāniyo ca, siyā upādāniyo ceva no ca upādānaṃ, siyā na vattabbo – ‘‘upādānañceva upādāniyo cā’’tipi, ‘‘upādāniyo ceva no ca upādāna’’ntipi. Rūpakkhandho na vattabbo – ‘‘upādānañceva upādānasampayutto cā’’tipi, ‘‘upādānasampayutto ceva no ca upādāna’’ntipi. Tayo khandhā na vattabbā – ‘‘upādānā ceva upādānasampayuttā cā’’ti, siyā upādānasampayuttā ceva no ca upādānā, siyā na vattabbā – ‘‘upādānasampayuttā ceva no ca upādānā’’ti. Saṅkhārakkhandho siyā upādānañceva upādānasampayutto ca, siyā upādānasampayutto ceva no ca upādānaṃ, siyā na vattabbo – ‘‘upādānañceva upādānasampayutto cā’’tipi, ‘‘upādānasampayutto ceva no ca upādāna’’ntipi. Rūpakkhandho upādānavippayuttaupādāniyo. Cattāro khandhā siyā upādānavippayuttaupādāniyā, siyā upādānavippayuttaanupādāniyā , siyā na vattabbā – ‘‘upādānavippayuttaupādāniyā’’tipi, ‘‘upādānavippayuttaanupādāniyā’’tipi.
ಚತ್ತಾರೋ ಖನ್ಧಾ ನೋ ಕಿಲೇಸಾ। ಸಙ್ಖಾರಕ್ಖನ್ಧೋ ಸಿಯಾ ಕಿಲೇಸೋ, ಸಿಯಾ ನೋ ಕಿಲೇಸೋ। ರೂಪಕ್ಖನ್ಧೋ ಸಂಕಿಲೇಸಿಕೋ। ಚತ್ತಾರೋ ಖನ್ಧಾ ಸಿಯಾ ಸಂಕಿಲೇಸಿಕಾ , ಸಿಯಾ ಅಸಂಕಿಲೇಸಿಕಾ। ರೂಪಕ್ಖನ್ಧೋ ಅಸಂಕಿಲಿಟ್ಠೋ। ಚತ್ತಾರೋ ಖನ್ಧಾ ಸಿಯಾ ಸಂಕಿಲಿಟ್ಠಾ, ಸಿಯಾ ಅಸಂಕಿಲಿಟ್ಠಾ। ರೂಪಕ್ಖನ್ಧೋ ಕಿಲೇಸವಿಪ್ಪಯುತ್ತೋ। ಚತ್ತಾರೋ ಖನ್ಧಾ ಸಿಯಾ ಕಿಲೇಸಸಮ್ಪಯುತ್ತಾ, ಸಿಯಾ ಕಿಲೇಸವಿಪ್ಪಯುತ್ತಾ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಕಿಲೇಸೋ ಚೇವ ಸಂಕಿಲೇಸಿಕೋ ಚಾ’’ತಿ, ‘‘ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ’’। ತಯೋ ಖನ್ಧಾ ನ ವತ್ತಬ್ಬಾ – ‘‘ಕಿಲೇಸಾ ಚೇವ ಸಂಕಿಲೇಸಿಕಾ ಚಾ’’ತಿ, ಸಿಯಾ ಸಂಕಿಲೇಸಿಕಾ ಚೇವ ನೋ ಚ ಕಿಲೇಸಾ, ಸಿಯಾ ನ ವತ್ತಬ್ಬಾ – ‘‘ಸಂಕಿಲೇಸಿಕಾ ಚೇವ ನೋ ಚ ಕಿಲೇಸಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಕಿಲೇಸೋ ಚೇವ ಸಂಕಿಲೇಸಿಕೋ ಚ, ಸಿಯಾ ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ, ಸಿಯಾ ನ ವತ್ತಬ್ಬೋ – ‘‘ಕಿಲೇಸೋ ಚೇವ ಸಂಕಿಲೇಸಿಕೋ ಚಾ’’ತಿಪಿ, ‘‘ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ’’ತಿಪಿ। ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಕಿಲೇಸೋ ಚೇವ ಸಂಕಿಲಿಟ್ಠೋ ಚಾ’’ತಿಪಿ, ‘‘ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ’’ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಕಿಲೇಸೋ ಚೇವ ಸಂಕಿಲಿಟ್ಠಾ ಚಾ’’ತಿ, ಸಿಯಾ ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ, ಸಿಯಾ ನ ವತ್ತಬ್ಬಾ – ‘‘ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಕಿಲೇಸೋ ಚೇವ ಸಂಕಿಲಿಟ್ಠೋ ಚ, ಸಿಯಾ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ, ಸಿಯಾ ನ ವತ್ತಬ್ಬೋ – ‘‘ಕಿಲೇಸೋ ಚೇವ ಸಂಕಿಲಿಟ್ಠೋ ಚಾ’’ತಿಪಿ, ‘‘ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ’’ತಿಪಿ।
Cattāro khandhā no kilesā. Saṅkhārakkhandho siyā kileso, siyā no kileso. Rūpakkhandho saṃkilesiko. Cattāro khandhā siyā saṃkilesikā , siyā asaṃkilesikā. Rūpakkhandho asaṃkiliṭṭho. Cattāro khandhā siyā saṃkiliṭṭhā, siyā asaṃkiliṭṭhā. Rūpakkhandho kilesavippayutto. Cattāro khandhā siyā kilesasampayuttā, siyā kilesavippayuttā. Rūpakkhandho na vattabbo – ‘‘kileso ceva saṃkilesiko cā’’ti, ‘‘saṃkilesiko ceva no ca kileso’’. Tayo khandhā na vattabbā – ‘‘kilesā ceva saṃkilesikā cā’’ti, siyā saṃkilesikā ceva no ca kilesā, siyā na vattabbā – ‘‘saṃkilesikā ceva no ca kilesā’’ti. Saṅkhārakkhandho siyā kileso ceva saṃkilesiko ca, siyā saṃkilesiko ceva no ca kileso, siyā na vattabbo – ‘‘kileso ceva saṃkilesiko cā’’tipi, ‘‘saṃkilesiko ceva no ca kileso’’tipi. Rūpakkhandho na vattabbo – ‘‘kileso ceva saṃkiliṭṭho cā’’tipi, ‘‘saṃkiliṭṭho ceva no ca kileso’’tipi. Tayo khandhā na vattabbā – ‘‘kileso ceva saṃkiliṭṭhā cā’’ti, siyā saṃkiliṭṭhā ceva no ca kilesā, siyā na vattabbā – ‘‘saṃkiliṭṭhā ceva no ca kilesā’’ti. Saṅkhārakkhandho siyā kileso ceva saṃkiliṭṭho ca, siyā saṃkiliṭṭho ceva no ca kileso, siyā na vattabbo – ‘‘kileso ceva saṃkiliṭṭho cā’’tipi, ‘‘saṃkiliṭṭho ceva no ca kileso’’tipi.
ರೂಪಕ್ಖನ್ಧೋ ನ ವತ್ತಬ್ಬೋ – ‘‘ಕಿಲೇಸೋ ಚೇವ ಕಿಲೇಸಸಮ್ಪಯುತ್ತೋ ಚಾ’’ತಿಪಿ, ‘‘ಕಿಲೇಸಸಮ್ಪಯುತ್ತೋ ಚೇವ ನೋ ಚ ಕಿಲೇಸೋ’’ತಿಪಿ। ತಯೋ ಖನ್ಧಾ ನ ವತ್ತಬ್ಬಾ – ‘‘ಕಿಲೇಸಾ ಚೇವ ಕಿಲೇಸಸಮ್ಪಯುತ್ತಾ ಚಾ’’ತಿ, ಸಿಯಾ ಕಿಲೇಸಸಮ್ಪಯುತ್ತಾ ಚೇವ ನೋ ಚ ಕಿಲೇಸಾ, ಸಿಯಾ ನ ವತ್ತಬ್ಬಾ – ಕಿಲೇಸಸಮ್ಪಯುತ್ತಾ ಚೇವ ನೋ ಚ ಕಿಲೇಸಾ’’ತಿ। ಸಙ್ಖಾರಕ್ಖನ್ಧೋ ಸಿಯಾ ಕಿಲೇಸೋ ಚೇವ ಕಿಲೇಸಸಮ್ಪಯುತ್ತೋ ಚ, ಸಿಯಾ ಕಿಲೇಸಸಮ್ಪಯುತ್ತೋ ಚೇವ ನೋ ಚ ಕಿಲೇಸೋ, ಸಿಯಾ ನ ವತ್ತಬ್ಬೋ – ‘‘ಕಿಲೇಸೋ ಚೇವ ಕಿಲೇಸಸಮ್ಪಯುತ್ತೋ ಚಾ’’ತಿಪಿ, ‘‘ಕಿಲೇಸಸಮ್ಪಯುತ್ತೋ ಚೇವ ನೋ ಚ ಕಿಲೇಸೋ’’ತಿಪಿ। ರೂಪಕ್ಖನ್ಧೋ ಕಿಲೇಸವಿಪ್ಪಯುತ್ತಸಂಕಿಲೇಸಿಕೋ। ಚತ್ತಾರೋ ಖನ್ಧಾ ಸಿಯಾ ಕಿಲೇಸವಿಪ್ಪಯುತ್ತಸಂಕಿಲೇಸಿಕಾ , ಸಿಯಾ ಕಿಲೇಸವಿಪ್ಪಯುತ್ತಅಸಂಕಿಲೇಸಿಕಾ, ಸಿಯಾ ನ ವತ್ತಬ್ಬಾ – ‘‘ಕಿಲೇಸವಿಪ್ಪಯುತ್ತಸಂಕಿಲೇಸಿಕಾ’’ತಿಪಿ, ‘‘ಕಿಲೇಸವಿಪ್ಪಯುತ್ತಅಸಂಕಿಲೇಸಿಕಾ’’ತಿಪಿ।
Rūpakkhandho na vattabbo – ‘‘kileso ceva kilesasampayutto cā’’tipi, ‘‘kilesasampayutto ceva no ca kileso’’tipi. Tayo khandhā na vattabbā – ‘‘kilesā ceva kilesasampayuttā cā’’ti, siyā kilesasampayuttā ceva no ca kilesā, siyā na vattabbā – kilesasampayuttā ceva no ca kilesā’’ti. Saṅkhārakkhandho siyā kileso ceva kilesasampayutto ca, siyā kilesasampayutto ceva no ca kileso, siyā na vattabbo – ‘‘kileso ceva kilesasampayutto cā’’tipi, ‘‘kilesasampayutto ceva no ca kileso’’tipi. Rūpakkhandho kilesavippayuttasaṃkilesiko. Cattāro khandhā siyā kilesavippayuttasaṃkilesikā , siyā kilesavippayuttaasaṃkilesikā, siyā na vattabbā – ‘‘kilesavippayuttasaṃkilesikā’’tipi, ‘‘kilesavippayuttaasaṃkilesikā’’tipi.
ರೂಪಕ್ಖನ್ಧೋ ನ ದಸ್ಸನೇನ ಪಹಾತಬ್ಬೋ। ಚತ್ತಾರೋ ಖನ್ಧಾ ಸಿಯಾ ದಸ್ಸನೇನ ಪಹಾತಬ್ಬಾ, ಸಿಯಾ ನ ದಸ್ಸನೇನ ಪಹಾತಬ್ಬಾ। ರೂಪಕ್ಖನ್ಧೋ ನ ಭಾವನಾಯ ಪಹಾತಬ್ಬೋ । ಚತ್ತಾರೋ ಖನ್ಧಾ ಸಿಯಾ ಭಾವನಾಯ ಪಹಾತಬ್ಬಾ, ಸಿಯಾ ನ ಭಾವನಾಯ ಪಹಾತಬ್ಬಾ। ರೂಪಕ್ಖನ್ಧೋ ನ ದಸ್ಸನೇನ ಪಹಾತಬ್ಬಹೇತುಕೋ। ಚತ್ತಾರೋ ಖನ್ಧಾ ಸಿಯಾ ದಸ್ಸನೇನ ಪಹಾತಬ್ಬಹೇತುಕಾ, ಸಿಯಾ ನ ದಸ್ಸನೇನ ಪಹಾತಬ್ಬಹೇತುಕಾ। ರೂಪಕ್ಖನ್ಧೋ ನ ಭಾವನಾಯ ಪಹಾತಬ್ಬಹೇತುಕೋ। ಚತ್ತಾರೋ ಖನ್ಧಾ ಸಿಯಾ ಭಾವನಾಯ ಪಹಾತಬ್ಬಹೇತುಕಾ, ಸಿಯಾ ನ ಭಾವನಾಯ ಪಹಾತಬ್ಬಹೇತುಕಾ। ರೂಪಕ್ಖನ್ಧೋ ಅವಿತಕ್ಕೋ। ಚತ್ತಾರೋ ಖನ್ಧಾ ಸಿಯಾ ಸವಿತಕ್ಕಾ, ಸಿಯಾ ಅವಿತಕ್ಕಾ। ರೂಪಕ್ಖನ್ಧೋ ಅವಿಚಾರೋ। ಚತ್ತಾರೋ ಖನ್ಧಾ ಸಿಯಾ ಸವಿಚಾರಾ, ಸಿಯಾ ಅವಿಚಾರಾ। ರೂಪಕ್ಖನ್ಧೋ ಅಪ್ಪೀತಿಕೋ, ಚತ್ತಾರೋ ಖನ್ಧಾ ಸಿಯಾ ಸಪ್ಪೀತಿಕಾ, ಸಿಯಾ ಅಪ್ಪೀತಿಕಾ। ರೂಪಕ್ಖನ್ಧೋ ನ ಪೀತಿಸಹಗತೋ। ಚತ್ತಾರೋ ಖನ್ಧಾ ಸಿಯಾ ಪೀತಿಸಹಗತಾ, ಸಿಯಾ ನ ಪೀತಿಸಹಗತಾ। ದ್ವೇ ಖನ್ಧಾ ನ ಸುಖಸಹಗತಾ। ತಯೋ ಖನ್ಧಾ ಸಿಯಾ ಸುಖಸಹಗತಾ, ಸಿಯಾ ನ ಸುಖಸಹಗತಾ। ದ್ವೇ ಖನ್ಧಾ ನ ಉಪೇಕ್ಖಾಸಹಗತಾ। ತಯೋ ಖನ್ಧಾ ಸಿಯಾ ಉಪೇಕ್ಖಾಸಹಗತಾ, ಸಿಯಾ ನ ಉಪೇಕ್ಖಾಸಹಗತಾ।
Rūpakkhandho na dassanena pahātabbo. Cattāro khandhā siyā dassanena pahātabbā, siyā na dassanena pahātabbā. Rūpakkhandho na bhāvanāya pahātabbo . Cattāro khandhā siyā bhāvanāya pahātabbā, siyā na bhāvanāya pahātabbā. Rūpakkhandho na dassanena pahātabbahetuko. Cattāro khandhā siyā dassanena pahātabbahetukā, siyā na dassanena pahātabbahetukā. Rūpakkhandho na bhāvanāya pahātabbahetuko. Cattāro khandhā siyā bhāvanāya pahātabbahetukā, siyā na bhāvanāya pahātabbahetukā. Rūpakkhandho avitakko. Cattāro khandhā siyā savitakkā, siyā avitakkā. Rūpakkhandho avicāro. Cattāro khandhā siyā savicārā, siyā avicārā. Rūpakkhandho appītiko, cattāro khandhā siyā sappītikā, siyā appītikā. Rūpakkhandho na pītisahagato. Cattāro khandhā siyā pītisahagatā, siyā na pītisahagatā. Dve khandhā na sukhasahagatā. Tayo khandhā siyā sukhasahagatā, siyā na sukhasahagatā. Dve khandhā na upekkhāsahagatā. Tayo khandhā siyā upekkhāsahagatā, siyā na upekkhāsahagatā.
ರೂಪಕ್ಖನ್ಧೋ ಕಾಮಾವಚರೋ। ಚತ್ತಾರೋ ಖನ್ಧಾ ಸಿಯಾ ಕಾಮಾವಚರಾ, ಸಿಯಾ ನ ಕಾಮಾವಚರಾ। ರೂಪಕ್ಖನ್ಧೋ ನ ರೂಪಾವಚರೋ। ಚತ್ತಾರೋ ಖನ್ಧಾ ಸಿಯಾ ರೂಪಾವಚರಾ, ಸಿಯಾ ನ ರೂಪಾವಚರಾ। ರೂಪಕ್ಖನ್ಧೋ ನ ಅರೂಪಾವಚರೋ। ಚತ್ತಾರೋ ಖನ್ಧಾ ಸಿಯಾ ಅರೂಪಾವಚರಾ, ಸಿಯಾ ನ ಅರೂಪಾವಚರಾ। ರೂಪಕ್ಖನ್ಧೋ ಪರಿಯಾಪನ್ನೋ। ಚತ್ತಾರೋ ಖನ್ಧಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ। ರೂಪಕ್ಖನ್ಧೋ ಅನಿಯ್ಯಾನಿಕೋ। ಚತ್ತಾರೋ ಖನ್ಧಾ ಸಿಯಾ ನಿಯ್ಯಾನಿಕಾ, ಸಿಯಾ ಅನಿಯ್ಯಾನಿಕಾ। ರೂಪಕ್ಖನ್ಧೋ ಅನಿಯತೋ। ಚತ್ತಾರೋ ಖನ್ಧಾ ಸಿಯಾ ನಿಯತಾ, ಸಿಯಾ ಅನಿಯತಾ। ರೂಪಕ್ಖನ್ಧೋ ಸಉತ್ತರೋ। ಚತ್ತಾರೋ ಖನ್ಧಾ ಸಿಯಾ ಸಉತ್ತರಾ, ಸಿಯಾ ಅನುತ್ತರಾ। ರೂಪಕ್ಖನ್ಧೋ ಅರಣೋ। ಚತ್ತಾರೋ ಖನ್ಧಾ ಸಿಯಾ ಸರಣಾ, ಸಿಯಾ ಅರಣಾತಿ।
Rūpakkhandho kāmāvacaro. Cattāro khandhā siyā kāmāvacarā, siyā na kāmāvacarā. Rūpakkhandho na rūpāvacaro. Cattāro khandhā siyā rūpāvacarā, siyā na rūpāvacarā. Rūpakkhandho na arūpāvacaro. Cattāro khandhā siyā arūpāvacarā, siyā na arūpāvacarā. Rūpakkhandho pariyāpanno. Cattāro khandhā siyā pariyāpannā, siyā apariyāpannā. Rūpakkhandho aniyyāniko. Cattāro khandhā siyā niyyānikā, siyā aniyyānikā. Rūpakkhandho aniyato. Cattāro khandhā siyā niyatā, siyā aniyatā. Rūpakkhandho sauttaro. Cattāro khandhā siyā sauttarā, siyā anuttarā. Rūpakkhandho araṇo. Cattāro khandhā siyā saraṇā, siyā araṇāti.
ಪಞ್ಹಾಪುಚ್ಛಕಂ।
Pañhāpucchakaṃ.
ಖನ್ಧವಿಭಙ್ಗೋ ನಿಟ್ಠಿತೋ।
Khandhavibhaṅgo niṭṭhito.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಸಮ್ಮೋಹವಿನೋದನೀ-ಅಟ್ಠಕಥಾ • Sammohavinodanī-aṭṭhakathā
೧. ಸುತ್ತನ್ತಭಾಜನೀಯವಣ್ಣನಾ • 1. Suttantabhājanīyavaṇṇanā
೨. ಅಭಿಧಮ್ಮಭಾಜನೀಯವಣ್ಣನಾ • 2. Abhidhammabhājanīyavaṇṇanā
೩. ಪಞ್ಹಾಪುಚ್ಛಕವಣ್ಣನಾ • 3. Pañhāpucchakavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ವಿಭಙ್ಗ-ಮೂಲಟೀಕಾ • Vibhaṅga-mūlaṭīkā
೧. ಖನ್ಧವಿಭಙ್ಗೋ • 1. Khandhavibhaṅgo
೨. ಆಯತನವಿಭಙ್ಗೋ • 2. Āyatanavibhaṅgo
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ವಿಭಙ್ಗ-ಅನುಟೀಕಾ • Vibhaṅga-anuṭīkā / ೧. ಖನ್ಧವಿಭಙ್ಗೋ • 1. Khandhavibhaṅgo
