| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. канд̇хаяамагам̣
2. Khandhayamakaṃ
1. бан̣н̣ад̇д̇иуд̣̇д̣̇зсаваараван̣н̣анаа
1. Paṇṇattiuddesavāravaṇṇanā
1. ид̣̇аани муулаяамагз д̣̇зсид̇зязва гусалаад̣̇ид̇хаммз канд̇хавасзна сан̇г̇ан̣хид̇ваа муулаяамагаананд̇арам̣ д̣̇зсид̇асса канд̇хаяамагасса ван̣н̣анаа ход̇и. д̇ад̇т̇а баал̣ивавад̇т̇аанам̣ д̇аава звам̣ взд̣̇ид̇аб̣б̣ам̣ – имасмин̃хи канд̇хаяамагз д̇аяо махааваараа хонд̇и – бан̣н̣ад̇д̇ивааро, бавад̇д̇ивааро, барин̃н̃ааваарод̇и. д̇зсу бан̣н̣ад̇д̇ивааро канд̇хаанам̣ наамаабхид̇хаанасод̇ханавасзнзва г̇ад̇ад̇д̇аа бан̣н̣ад̇д̇иваарод̇и вужжад̇и. бавад̇д̇ивааро д̇зна сод̇хид̇анаамаабхид̇хаанаанам̣ канд̇хаанам̣ уббаад̣̇анирод̇хавасзна бавад̇д̇им̣ сод̇хаяамаано г̇ад̇о, д̇асмаа бавад̇д̇иваарод̇и вужжад̇и. барин̃н̃аавааро иминаануггамзна бавад̇д̇аанам̣ канд̇хаанам̣ сан̇кзбзнзва д̇иссо барин̃н̃аа д̣̇ийбаяамаано г̇ад̇о, д̇асмаа барин̃н̃ааваарод̇и вужжад̇и. д̇ад̇т̇а бан̣н̣ад̇д̇ивааро уд̣̇д̣̇зсанид̣̇д̣̇зсавасзна д̣̇вийхаагаарзхи вавад̇т̇ид̇о. ид̇арзсу висум̣ уд̣̇д̣̇зсавааро над̇т̇и. аад̣̇ид̇о бадтааяа бужчаависсаж̇ж̇анавасзна згад̇хаа вавад̇т̇ид̇аа. д̇ад̇т̇а бан̃жагканд̇хаад̇ибад̣̇ам̣ аад̣̇им̣ гад̇ваа яаава на канд̇хаа, на сан̇каараад̇и бад̣̇ам̣ д̇аава бан̣н̣ад̇д̇иваарасса уд̣̇д̣̇зсавааро взд̣̇ид̇аб̣б̣о. бужчааваарод̇иби д̇ассзва наамам̣. д̇ад̇т̇а бан̃жагканд̇хаад̇и аяам̣ яамагавасзна бужчид̇аб̣б̣аанам̣ канд̇хаанам̣ уд̣̇д̣̇зсо. руубагканд̇хо…бз… вин̃н̃аан̣агканд̇ход̇и д̇зсан̃н̃зва бабхзд̣̇ад̇о наамававад̇т̇аанам̣.
1. Idāni mūlayamake desiteyeva kusalādidhamme khandhavasena saṅgaṇhitvā mūlayamakānantaraṃ desitassa khandhayamakassa vaṇṇanā hoti. Tattha pāḷivavatthānaṃ tāva evaṃ veditabbaṃ – imasmiñhi khandhayamake tayo mahāvārā honti – paṇṇattivāro, pavattivāro, pariññāvāroti. Tesu paṇṇattivāro khandhānaṃ nāmābhidhānasodhanavaseneva gatattā paṇṇattivāroti vuccati. Pavattivāro tena sodhitanāmābhidhānānaṃ khandhānaṃ uppādanirodhavasena pavattiṃ sodhayamāno gato, tasmā pavattivāroti vuccati. Pariññāvāro iminānukkamena pavattānaṃ khandhānaṃ saṅkhepeneva tisso pariññā dīpayamāno gato, tasmā pariññāvāroti vuccati. Tattha paṇṇattivāro uddesaniddesavasena dvīhākārehi vavatthito. Itaresu visuṃ uddesavāro natthi. Ādito paṭṭhāya pucchāvissajjanavasena ekadhā vavatthitā. Tattha pañcakkhandhātipadaṃ ādiṃ katvā yāva na khandhā, na saṅkhārāti padaṃ tāva paṇṇattivārassa uddesavāro veditabbo. Pucchāvārotipi tasseva nāmaṃ. Tattha pañcakkhandhāti ayaṃ yamakavasena pucchitabbānaṃ khandhānaṃ uddeso. Rūpakkhandho…pe… viññāṇakkhandhoti tesaññeva pabhedato nāmavavatthānaṃ.
2-3. ид̣̇аани имзсам̣ канд̇хаанам̣ васзна бад̣̇асод̇ханавааро, бад̣̇асод̇ханамуулажаггавааро, суд̣̇д̇хаканд̇хавааро, суд̣̇д̇хаканд̇хамуулажаггаваарод̇и жад̇д̇ааро наяаваараа хонд̇и. д̇ад̇т̇а руубам̣ руубагканд̇хо, руубагканд̇хо руубанд̇иаад̣̇инаа наязна бад̣̇амзва сод̇хзд̇ваа г̇ад̇о бад̣̇асод̇ханавааро наама. со ануломабадиломавасзна д̣̇увид̇хо ход̇и. д̇ад̇т̇а ануломаваарз ‘руубам̣ руубагканд̇хо, руубагканд̇хо рууба’нд̇иаад̣̇ийни бан̃жа яамагаани. бадиломаваарзби ‘на руубам̣, на руубагканд̇хо; на руубагканд̇хо на рууба’нд̇иаад̣̇ийни бан̃жзва. д̇ад̇о барам̣ д̇зсан̃н̃зва бад̣̇асод̇ханаваарз сод̇хид̇аанам̣ канд̇хаанам̣ ‘руубам̣ руубагканд̇хо, канд̇хаа взд̣̇анаагканд̇хо’д̇иаад̣̇инаа наязна згзгаканд̇хамуулагаани жад̇д̇аари жад̇д̇аари жаггаани б̣анд̇хид̇ваа г̇ад̇о бад̣̇асод̇ханамуулагаанам̣ жаггаанам̣ ад̇т̇ид̇ааяа бад̣̇асод̇ханамуулажаггавааро наама. соби ануломабадиломавасзна д̣̇увид̇хо ход̇и. д̇ад̇т̇а ануломаваарз ‘руубам̣ руубагканд̇хо, канд̇хаа взд̣̇анаагканд̇хо’д̇иаад̣̇ийни згзгаканд̇хамуулагаани жад̇д̇аари жад̇д̇аари гад̇ваа вийсад̇и яамагаани. бадиломаваарзби ‘на руубам̣, на руубагканд̇хо; на канд̇хаа на взд̣̇анаагканд̇хо’д̇иаад̣̇ийни вийсад̇имзва.
2-3. Idāni imesaṃ khandhānaṃ vasena padasodhanavāro, padasodhanamūlacakkavāro, suddhakhandhavāro, suddhakhandhamūlacakkavāroti cattāro nayavārā honti. Tattha rūpaṃ rūpakkhandho, rūpakkhandho rūpantiādinā nayena padameva sodhetvā gato padasodhanavāro nāma. So anulomapaṭilomavasena duvidho hoti. Tattha anulomavāre ‘rūpaṃ rūpakkhandho, rūpakkhandho rūpa’ntiādīni pañca yamakāni. Paṭilomavārepi ‘na rūpaṃ, na rūpakkhandho; na rūpakkhandho na rūpa’ntiādīni pañceva. Tato paraṃ tesaññeva padasodhanavāre sodhitānaṃ khandhānaṃ ‘rūpaṃ rūpakkhandho, khandhā vedanākkhandho’tiādinā nayena ekekakhandhamūlakāni cattāri cattāri cakkāni bandhitvā gato padasodhanamūlakānaṃ cakkānaṃ atthitāya padasodhanamūlacakkavāro nāma. Sopi anulomapaṭilomavasena duvidho hoti. Tattha anulomavāre ‘rūpaṃ rūpakkhandho, khandhā vedanākkhandho’tiādīni ekekakhandhamūlakāni cattāri cattāri katvā vīsati yamakāni. Paṭilomavārepi ‘na rūpaṃ, na rūpakkhandho; na khandhā na vedanākkhandho’tiādīni vīsatimeva.
д̇ад̇о барам̣ руубам̣ канд̇хо канд̇хаа руубанд̇иаад̣̇инаа наязна суд̣̇д̇хаканд̇хавасзнзва г̇ад̇о суд̣̇д̇хаканд̇хавааро наама. д̇ад̇т̇а канд̇хаа руубанд̇иаад̣̇ийсу канд̇хаа руубагканд̇хо, канд̇хаа взд̣̇анаагканд̇ход̇и ад̇т̇о г̇ахзд̇аб̣б̣о. гасмаа? нид̣̇д̣̇зсаваарз звам̣ бхааж̇ид̇ад̇д̇аа. д̇ад̇т̇а хи ‘руубам̣ канд̇ход̇и ааманд̇аа. канд̇хаа руубагканд̇ход̇и руубагканд̇хо канд̇хо жзва руубагканд̇хо жа, авасзсаа канд̇хаа на руубагканд̇хо’д̇и звам̣ ‘канд̇хаа рууба’нд̇иаад̣̇ийнам̣ канд̇хаа руубагканд̇ход̇иаад̣̇инаа наязна бад̣̇ам̣ уд̣̇д̇харид̇ваа ад̇т̇о вибхад̇д̇о. д̇знзва жа гааран̣знзсз суд̣̇д̇хаканд̇хаваарод̇и вуд̇д̇о. важанасод̇ханз вияа хи зд̇т̇а на важанам̣ бамаан̣ам̣. яат̇аа яат̇аа бана суд̣̇д̇хаканд̇хаа лаб̣бханд̇и, д̇ат̇аа д̇ат̇аа ад̇т̇ова бамаан̣ам̣. барад̇о ааяад̇анаяамагаад̣̇ийсуби зсзва наяо. зсоби жа суд̣̇д̇хаканд̇хавааро ануломабадиломавасзна д̣̇увид̇хо ход̇и. д̇ад̇т̇а ануломаваарз ‘руубам̣ канд̇хо канд̇хаа рууба’нд̇иаад̣̇ийни бан̃жа яамагаани. бадиломаваарзби ‘на руубам̣ на канд̇хо, на канд̇хаа на рууба’нд̇иаад̣̇ийни бан̃жзва.
Tato paraṃ rūpaṃ khandho khandhā rūpantiādinā nayena suddhakhandhavaseneva gato suddhakhandhavāro nāma. Tattha khandhā rūpantiādīsu khandhā rūpakkhandho, khandhā vedanākkhandhoti attho gahetabbo. Kasmā? Niddesavāre evaṃ bhājitattā. Tattha hi ‘rūpaṃ khandhoti āmantā. Khandhā rūpakkhandhoti rūpakkhandho khandho ceva rūpakkhandho ca, avasesā khandhā na rūpakkhandho’ti evaṃ ‘khandhā rūpa’ntiādīnaṃ khandhā rūpakkhandhotiādinā nayena padaṃ uddharitvā attho vibhatto. Teneva ca kāraṇenese suddhakhandhavāroti vutto. Vacanasodhane viya hi ettha na vacanaṃ pamāṇaṃ. Yathā yathā pana suddhakhandhā labbhanti, tathā tathā atthova pamāṇaṃ. Parato āyatanayamakādīsupi eseva nayo. Esopi ca suddhakhandhavāro anulomapaṭilomavasena duvidho hoti. Tattha anulomavāre ‘rūpaṃ khandho khandhā rūpa’ntiādīni pañca yamakāni. Paṭilomavārepi ‘na rūpaṃ na khandho, na khandhā na rūpa’ntiādīni pañceva.
д̇ад̇о барам̣ д̇зсан̃н̃зва суд̣̇д̇хаканд̇хаанам̣ руубам̣ канд̇хо, канд̇хаа взд̣̇анаад̇иаад̣̇инаа наязна згзгаканд̇хамуулагаани жад̇д̇аари жад̇д̇аари жаггаани б̣анд̇хид̇ваа г̇ад̇о суд̣̇д̇хаканд̇хамуулагаанам̣ жаггаанам̣ ад̇т̇ид̇ааяа суд̣̇д̇хаканд̇хамуулажаггавааро наама. д̇ад̇т̇а канд̇хаа взд̣̇анаад̇иаад̣̇ийсу канд̇хаа взд̣̇анаагканд̇ход̇иаад̣̇инаа наязна ад̇т̇о взд̣̇ид̇аб̣б̣о. ид̇арат̇аа нид̣̇д̣̇зсаваарзна сад̣̇д̇хим̣ вирод̇хо ход̇и. соби ануломабадиломавасзна д̣̇увид̇хо ход̇и. д̇ад̇т̇а ануломаваарз ‘руубам̣ канд̇хо, канд̇хаа взд̣̇анаа’д̇иаад̣̇ийни згзгаканд̇хамуулагаани жад̇д̇аари жад̇д̇аари гад̇ваа вийсад̇и яамагаани. бадиломаваарзби ‘на руубам̣, на канд̇хо, на канд̇хаа на взд̣̇анаа’д̇иаад̣̇ийни вийсад̇имзва. звам̣ д̇аава згзна яамагасад̇зна д̣̇вийхи бужчаасад̇зхи згзгабужчааяа саннидтаанасам̣саяавасзна д̣̇вз д̣̇вз ад̇т̇з гад̇ваа жад̇уухи жа ад̇т̇асад̇зхи бадиман̣д̣ид̇о бан̣н̣ад̇д̇иваарасса уд̣̇д̣̇зсавааро взд̣̇ид̇аб̣б̣од̇и.
Tato paraṃ tesaññeva suddhakhandhānaṃ rūpaṃ khandho, khandhā vedanātiādinā nayena ekekakhandhamūlakāni cattāri cattāri cakkāni bandhitvā gato suddhakhandhamūlakānaṃ cakkānaṃ atthitāya suddhakhandhamūlacakkavāro nāma. Tattha khandhā vedanātiādīsu khandhā vedanākkhandhotiādinā nayena attho veditabbo. Itarathā niddesavārena saddhiṃ virodho hoti. Sopi anulomapaṭilomavasena duvidho hoti. Tattha anulomavāre ‘rūpaṃ khandho, khandhā vedanā’tiādīni ekekakhandhamūlakāni cattāri cattāri katvā vīsati yamakāni. Paṭilomavārepi ‘na rūpaṃ, na khandho, na khandhā na vedanā’tiādīni vīsatimeva. Evaṃ tāva ekena yamakasatena dvīhi pucchāsatehi ekekapucchāya sanniṭṭhānasaṃsayavasena dve dve atthe katvā catūhi ca atthasatehi paṭimaṇḍito paṇṇattivārassa uddesavāro veditabboti.
бан̣н̣ад̇д̇иуд̣̇д̣̇зсаваараван̣н̣анаа.
Paṇṇattiuddesavāravaṇṇanā.
1. бан̣н̣ад̇д̇инид̣̇д̣̇зсаваараван̣н̣анаа
1. Paṇṇattiniddesavāravaṇṇanā
26. ид̣̇аани руубам̣ руубагканд̇ход̇иаад̣̇инаа наязна нид̣̇д̣̇зсавааро аарад̣̇д̇хо. д̇ад̇т̇а руубам̣ руубагканд̇ход̇и яам̣гин̃жи руубанд̇и вужжад̇и. саб̣б̣ам̣ д̇ам̣ руубам̣ руубагканд̇ход̇и важанасод̇ханад̇т̇ам̣ бужчад̇и. бияаруубам̣ саад̇аруубам̣, руубам̣, на руубагканд̇ход̇и яам̣ ‘бияаруубам̣ саад̇арууба’нд̇и зд̇т̇а руубанд̇и вуд̇д̇ам̣, д̇ам̣ руубамзва, на руубагканд̇ход̇и ад̇т̇о. руубагканд̇хо руубан̃жзва руубагканд̇хо жаад̇и яо бана руубагканд̇хо, со руубанд̇иби руубагканд̇ход̇иби вад̇д̇ум̣ ваддад̇ийд̇и ад̇т̇о. руубагканд̇хо руубанд̇и зд̇т̇а бана яасмаа руубагканд̇хо нияамзнзва руубанд̇и вад̇д̇аб̣б̣о. д̇асмаа ааманд̇аад̇и ааха. иминаа убааязна саб̣б̣ависсаж̇ж̇анзсу ад̇т̇о взд̣̇ид̇аб̣б̣о. яо бана яад̇т̇а висзсо бхависсад̇и, д̇ат̇зва д̇ам̣ ван̣н̣аяиссаама . сан̃н̃ааяамагз д̇аава д̣̇идтисан̃н̃аад̇и ‘бабан̃жасан̃н̃аа’д̇иаад̣̇ийсу ааг̇ад̇аа д̣̇идтисан̃н̃аа. сан̇каараяамагз авасзсаа сан̇каараад̇и ‘анижжаа вад̇а сан̇каараа’д̇иаад̣̇ийсу ааг̇ад̇аа сан̇каарагканд̇хад̇о авасзсаа сан̇кад̇ад̇хаммаа. бадиломаваарзби зсзва наяод̇и.
26. Idāni rūpaṃ rūpakkhandhotiādinā nayena niddesavāro āraddho. Tattha rūpaṃ rūpakkhandhoti yaṃkiñci rūpanti vuccati. Sabbaṃ taṃ rūpaṃ rūpakkhandhoti vacanasodhanatthaṃ pucchati. Piyarūpaṃ sātarūpaṃ, rūpaṃ, na rūpakkhandhoti yaṃ ‘piyarūpaṃ sātarūpa’nti ettha rūpanti vuttaṃ, taṃ rūpameva, na rūpakkhandhoti attho. Rūpakkhandho rūpañceva rūpakkhandho cāti yo pana rūpakkhandho, so rūpantipi rūpakkhandhotipi vattuṃ vaṭṭatīti attho. Rūpakkhandho rūpanti ettha pana yasmā rūpakkhandho niyameneva rūpanti vattabbo. Tasmā āmantāti āha. Iminā upāyena sabbavissajjanesu attho veditabbo. Yo pana yattha viseso bhavissati, tatheva taṃ vaṇṇayissāma . Saññāyamake tāva diṭṭhisaññāti ‘papañcasaññā’tiādīsu āgatā diṭṭhisaññā. Saṅkhārayamake avasesā saṅkhārāti ‘aniccā vata saṅkhārā’tiādīsu āgatā saṅkhārakkhandhato avasesā saṅkhatadhammā. Paṭilomavārepi eseva nayoti.
бад̣̇асод̇ханавааро нидтид̇о.
Padasodhanavāro niṭṭhito.
28. бад̣̇асод̇ханамуулажаггаваарз канд̇хаа взд̣̇анаагканд̇ход̇и язгзжи канд̇хаа, саб̣б̣з д̇з взд̣̇анаагканд̇ход̇и бужчад̇и. сзсабужчаасуби зсзва наяо. бадиломз на канд̇хаа на взд̣̇анаагканд̇ход̇и зд̇т̇а яз бан̃н̃ад̇д̇иниб̣б̣аанасан̇каад̇аа д̇хаммаа канд̇хаа на хонд̇и, д̇з яасмаа взд̣̇анаагканд̇хоби на хонд̇и, д̇асмаа ааманд̇аад̇и ааха. сзсависсаж̇ж̇анзсуби зсзва наяод̇и.
28. Padasodhanamūlacakkavāre khandhā vedanākkhandhoti yekeci khandhā, sabbe te vedanākkhandhoti pucchati. Sesapucchāsupi eseva nayo. Paṭilome na khandhā na vedanākkhandhoti ettha ye paññattinibbānasaṅkhātā dhammā khandhā na honti, te yasmā vedanākkhandhopi na honti, tasmā āmantāti āha. Sesavissajjanesupi eseva nayoti.
бад̣̇асод̇ханамуулажаггавааро нидтид̇о.
Padasodhanamūlacakkavāro niṭṭhito.
38. суд̣̇д̇хаканд̇хаваарз руубам̣ канд̇ход̇и яам̣гин̃жи руубанд̇и вуд̇д̇ам̣, саб̣б̣ам̣ д̇ам̣ канд̇ход̇и бужчад̇и. д̇ад̇т̇а яасмаа бияаруубасаад̇аруубасан̇каад̇ам̣ ваа руубам̣ ход̇у, бхууд̇убаад̣̇ааруубам̣ ваа, саб̣б̣ам̣ бан̃жасу канд̇хзсу сан̇г̇ахам̣ г̇ажчад̇зва. д̇асмаа ааманд̇аад̇и бадиж̇аанаад̇и. д̣̇уд̇ияабад̣̇з ‘канд̇хаа рууба’нд̇и бужчид̇аб̣б̣з яасмаа руубанд̇иважанзна руубагканд̇хова ад̇хиббзд̇о, д̇асмаа важанам̣ анаад̣̇ияид̇ваа ад̇т̇авасзна бужчанд̇о канд̇хаа руубагканд̇ход̇и ааха. иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. барад̇о ааяад̇анаяамагаад̣̇ийнам̣ нид̣̇д̣̇зсаваарзби зсзва наяо. сан̃н̃аа канд̇ход̇и зд̇т̇ааби д̣̇идтисан̃н̃аа ваа ход̇у, сан̃н̃аа зва ваа, саб̣б̣ааяаби канд̇хабхаавад̇о ааманд̇аад̇и вуд̇д̇ам̣. сан̇каараа канд̇ход̇и бад̣̇зби зсзва наяо. канд̇хавинимуд̇д̇аго хи сан̇кааро наама над̇т̇и.
38. Suddhakhandhavāre rūpaṃ khandhoti yaṃkiñci rūpanti vuttaṃ, sabbaṃ taṃ khandhoti pucchati. Tattha yasmā piyarūpasātarūpasaṅkhātaṃ vā rūpaṃ hotu, bhūtupādārūpaṃ vā, sabbaṃ pañcasu khandhesu saṅgahaṃ gacchateva. Tasmā āmantāti paṭijānāti. Dutiyapade ‘khandhā rūpa’nti pucchitabbe yasmā rūpantivacanena rūpakkhandhova adhippeto, tasmā vacanaṃ anādiyitvā atthavasena pucchanto khandhā rūpakkhandhoti āha. Iminā nayena sabbapadesu attho veditabbo. Parato āyatanayamakādīnaṃ niddesavārepi eseva nayo. Saññā khandhoti etthāpi diṭṭhisaññā vā hotu, saññā eva vā, sabbāyapi khandhabhāvato āmantāti vuttaṃ. Saṅkhārā khandhoti padepi eseva nayo. Khandhavinimuttako hi saṅkhāro nāma natthi.
39. бадиломз на руубам̣ на канд̇ход̇и яам̣ д̇хаммаж̇аад̇ам̣ руубам̣ на ход̇и, д̇ам̣ канд̇хоби на ход̇ийд̇и бужчад̇и. виссаж̇ж̇анз банасса руубам̣ табзд̇ваа авасзсаа канд̇хаа на руубам̣, канд̇хаад̇и руубад̇о ан̃н̃з взд̣̇анаад̣̇аяо канд̇хаа руубамзва на хонд̇и, канд̇хаа бана хонд̇ийд̇и ад̇т̇о. руубан̃жа канд̇хз жа табзд̇ваа авасзсаад̇и бан̃жагканд̇хавинимуд̇д̇ам̣ ниб̣б̣аанан̃жзва бан̃н̃ад̇д̇и жа. ид̇о барзсуби ‘авасзсаа’д̇и бад̣̇зсу зсзва наяод̇и.
39. Paṭilome na rūpaṃ na khandhoti yaṃ dhammajātaṃ rūpaṃ na hoti, taṃ khandhopi na hotīti pucchati. Vissajjane panassa rūpaṃ ṭhapetvā avasesā khandhā na rūpaṃ, khandhāti rūpato aññe vedanādayo khandhā rūpameva na honti, khandhā pana hontīti attho. Rūpañca khandhe ca ṭhapetvā avasesāti pañcakkhandhavinimuttaṃ nibbānañceva paññatti ca. Ito paresupi ‘avasesā’ti padesu eseva nayoti.
суд̣̇д̇хаканд̇хавааро нидтид̇о.
Suddhakhandhavāro niṭṭhito.
40-44. суд̣̇д̇хаканд̇хамуулажаггаваарз руубам̣ канд̇ход̇иаад̣̇ийнам̣ хздтаа вуд̇д̇анаязнзва ад̇т̇о взд̣̇ид̇аб̣б̣од̇и.
40-44. Suddhakhandhamūlacakkavāre rūpaṃ khandhotiādīnaṃ heṭṭhā vuttanayeneva attho veditabboti.
суд̣̇д̇хаканд̇хамуулажаггавааро нидтид̇о.
Suddhakhandhamūlacakkavāro niṭṭhito.
бан̣н̣ад̇д̇инид̣̇д̣̇зсаваараван̣н̣анаа.
Paṇṇattiniddesavāravaṇṇanā.
2. бавад̇д̇иваараван̣н̣анаа
2. Pavattivāravaṇṇanā
50-205. ид̣̇аани яасса руубагканд̇ход̇иаад̣̇инаа наязна бавад̇д̇ивааро аарад̣̇д̇хо. гасмаа банзд̇т̇а уд̣̇д̣̇зсавааро на вуд̇д̇од̇и? хздтаа д̣̇ассид̇анаяад̇д̇аа. бан̣н̣ад̇д̇иваарасмин̃хи уд̣̇д̣̇зсаваарз наяо д̣̇ассид̇о. д̇зна бана наязна саггаа со ид̇ха авуд̇д̇оби ж̇аанид̇унд̇и д̇ам̣ авад̇ваа нид̣̇д̣̇зсаваарова аарад̣̇д̇хо. имасмим̣ бана бавад̇д̇иваарасан̇каад̇з махааваарз уббаад̣̇авааро, нирод̇хавааро, уббаад̣̇анирод̇хаваарод̇и д̇аяо анд̇араваараа хонд̇и. д̇зсу батамо д̇хаммаанам̣ уббаад̣̇алагкан̣асса д̣̇ийбид̇ад̇д̇аа уббаад̣̇аваарод̇и вужжад̇и. д̣̇уд̇ияо д̇зсан̃н̃зва нирод̇халагкан̣асса д̣̇ийбид̇ад̇д̇аа нирод̇хаваарод̇и вужжад̇и. д̇ад̇ияо убхиннамби лагкан̣аанам̣ д̣̇ийбид̇ад̇д̇аа уббаад̣̇анирод̇хаваарод̇и вужжад̇и. уббаад̣̇аваарзна жзд̇т̇а д̇хаммаанам̣ уббаж̇ж̇анаагаарова д̣̇ийбид̇о. нирод̇хаваарзна ‘уббаннам̣ наама нижжам̣ над̇т̇ий’д̇и д̇зсан̃н̃зва анижжад̇аа д̣̇ийбид̇аа. уббаад̣̇анирод̇хаваарзна д̇ад̣̇убхаяам̣.
50-205. Idāni yassa rūpakkhandhotiādinā nayena pavattivāro āraddho. Kasmā panettha uddesavāro na vuttoti? Heṭṭhā dassitanayattā. Paṇṇattivārasmiñhi uddesavāre nayo dassito. Tena pana nayena sakkā so idha avuttopi jānitunti taṃ avatvā niddesavārova āraddho. Imasmiṃ pana pavattivārasaṅkhāte mahāvāre uppādavāro, nirodhavāro, uppādanirodhavāroti tayo antaravārā honti. Tesu paṭhamo dhammānaṃ uppādalakkhaṇassa dīpitattā uppādavāroti vuccati. Dutiyo tesaññeva nirodhalakkhaṇassa dīpitattā nirodhavāroti vuccati. Tatiyo ubhinnampi lakkhaṇānaṃ dīpitattā uppādanirodhavāroti vuccati. Uppādavārena cettha dhammānaṃ uppajjanākārova dīpito. Nirodhavārena ‘uppannaṃ nāma niccaṃ natthī’ti tesaññeva aniccatā dīpitā. Uppādanirodhavārena tadubhayaṃ.
д̇ад̇т̇а уббаад̣̇аваарз д̇аава д̇ин̣н̣ам̣ ад̣̇д̇хаанам̣ васзна ча гаалабхзд̣̇аа хонд̇и – бажжуббанно, ад̇ийд̇о, анааг̇ад̇о, бажжуббаннзнаад̇ийд̇о, бажжуббаннзнаанааг̇ад̇о, ад̇ийд̇знаанааг̇ад̇од̇и. д̇зсу ‘яасса руубагканд̇хо уббаж̇ж̇ад̇ий’д̇и бажжуббаннаабхид̇хаанавасзна бажжуббанно взд̣̇ид̇аб̣б̣о. со бажжуббаннаанам̣ д̇хаммаанам̣ бажжагкад̇о г̇ахзд̇аб̣б̣ад̇д̇аа ад̇ивияа сувин̃н̃зяяод̇и батамам̣ вуд̇д̇о. яасса руубагканд̇хо уббаж̇ж̇ид̇т̇аад̇и ад̇ийд̇аабхид̇хаанавасзна ад̇ийд̇о взд̣̇ид̇аб̣б̣о. со бажжагкад̇о анубхууд̇абуб̣б̣аанам̣ ад̇ийд̇ад̇хаммаанам̣ анумаанзна анааг̇ад̇зхи сувин̃н̃зяяад̇арад̇д̇аа д̣̇уд̇ияам̣ вуд̇д̇о. яасса руубагканд̇хо уббаж̇ж̇иссад̇ийд̇и анааг̇ад̇аабхид̇хаанавасзна анааг̇ад̇о взд̣̇ид̇аб̣б̣о. со бажжагкад̇о жа анубхууд̇абуб̣б̣авасзна жа г̇ахид̇ад̇хаммаанумаанзна ‘анааг̇ад̇зби зваруубаа д̇хаммаа уббаж̇ж̇иссанд̇ий’д̇и г̇ахзд̇аб̣б̣ад̇о д̇ад̇ияам̣ вуд̇д̇о.
Tattha uppādavāre tāva tiṇṇaṃ addhānaṃ vasena cha kālabhedā honti – paccuppanno, atīto, anāgato, paccuppannenātīto, paccuppannenānāgato, atītenānāgatoti. Tesu ‘yassa rūpakkhandho uppajjatī’ti paccuppannābhidhānavasena paccuppanno veditabbo. So paccuppannānaṃ dhammānaṃ paccakkhato gahetabbattā ativiya suviññeyyoti paṭhamaṃ vutto. Yassa rūpakkhandho uppajjitthāti atītābhidhānavasena atīto veditabbo. So paccakkhato anubhūtapubbānaṃ atītadhammānaṃ anumānena anāgatehi suviññeyyatarattā dutiyaṃ vutto. Yassa rūpakkhandho uppajjissatīti anāgatābhidhānavasena anāgato veditabbo. So paccakkhato ca anubhūtapubbavasena ca gahitadhammānumānena ‘anāgatepi evarūpā dhammā uppajjissantī’ti gahetabbato tatiyaṃ vutto.
яасса руубагканд̇хо уббаж̇ж̇ад̇и, д̇асса взд̣̇анаагканд̇хо уббаж̇ж̇ид̇т̇аад̇и бажжуббаннзна сад̣̇д̇хим̣ ад̇ийд̇аабхид̇хаанавасзна бажжуббаннзнаад̇ийд̇о взд̣̇ид̇аб̣б̣о. со миссагзсу д̇ийсу сувин̃н̃зяяад̇арад̇д̇аа жад̇уд̇т̇ам̣ вуд̇д̇о. яасса руубагканд̇хо уббаж̇ж̇ад̇и д̇асса взд̣̇анаагканд̇хо уббаж̇ж̇иссад̇ийд̇и бажжуббаннзна сад̣̇д̇хим̣ анааг̇ад̇аабхид̇хаанавасзна бажжуббаннзнаанааг̇ад̇о взд̣̇ид̇аб̣б̣о. со бажжагкад̇о г̇ахзд̇аб̣б̣аанам̣ д̇хаммаанам̣ ад̇т̇ид̇ааяа ад̇т̇ад̇о сувин̃н̃зяяад̇арод̇и бан̃жамам̣ вуд̇д̇о. яасса руубагканд̇хо уббаж̇ж̇ид̇т̇а, д̇асса взд̣̇анаагканд̇хо уббаж̇ж̇иссад̇ийд̇и ад̇ийд̇зна сад̣̇д̇хим̣ анааг̇ад̇аабхид̇хаанавасзна ад̇ийд̇знаанааг̇ад̇о взд̣̇ид̇аб̣б̣о. со буримзхи д̣̇увин̃н̃зяяод̇и чадтам̣ вуд̇д̇о.
Yassarūpakkhandho uppajjati, tassa vedanākkhandho uppajjitthāti paccuppannena saddhiṃ atītābhidhānavasena paccuppannenātīto veditabbo. So missakesu tīsu suviññeyyatarattā catutthaṃ vutto. Yassa rūpakkhandho uppajjati tassa vedanākkhandho uppajjissatīti paccuppannena saddhiṃ anāgatābhidhānavasena paccuppannenānāgato veditabbo. So paccakkhato gahetabbānaṃ dhammānaṃ atthitāya atthato suviññeyyataroti pañcamaṃ vutto. Yassa rūpakkhandho uppajjittha, tassa vedanākkhandho uppajjissatīti atītena saddhiṃ anāgatābhidhānavasena atītenānāgato veditabbo. So purimehi duviññeyyoti chaṭṭhaṃ vutto.
звамзд̇зсу часу гаалабхзд̣̇зсу явааяам̣ батамо бажжуббанно, д̇ад̇т̇а буг̇г̇алад̇о, огаасад̇о, буг̇г̇алогаасад̇од̇и д̇аяо ваараа хонд̇и. д̇зсу яассаад̇и буг̇г̇алавасзна канд̇хаанам̣ уббад̇д̇ид̣̇ийбано буг̇г̇алавааро. яад̇т̇аад̇и огаасавасзна канд̇хаанам̣ уббад̇д̇ид̣̇ийбано огаасавааро. яасса яад̇т̇аад̇и буг̇г̇алогаасавасзна канд̇хаанам̣ уббад̇д̇ид̣̇ийбано буг̇г̇алогаасавааро. имз бана д̇аяоби ваараа батамам̣ ануломанаязна нид̣̇д̣̇исид̇ваа бажчаа бадиломанаязна нид̣̇д̣̇идтаа. д̇зсу ‘уббаж̇ж̇ад̇и’ ‘уббаж̇ж̇ид̇т̇а,’ ‘уббаж̇ж̇иссад̇ий’д̇и важанад̇о уббад̇д̇ид̣̇ийбано ануломанаяо. ‘нуббаж̇ж̇ад̇и’, ‘нуббаж̇ж̇ид̇т̇а,’ ‘нуббаж̇ж̇иссад̇ий’д̇и важанад̇о ануббад̇д̇ид̣̇ийбано бадиломанаяо.
Evametesu chasu kālabhedesu yvāyaṃ paṭhamo paccuppanno, tattha puggalato, okāsato, puggalokāsatoti tayo vārā honti. Tesu yassāti puggalavasena khandhānaṃ uppattidīpano puggalavāro. Yatthāti okāsavasena khandhānaṃ uppattidīpano okāsavāro. Yassa yatthāti puggalokāsavasena khandhānaṃ uppattidīpano puggalokāsavāro. Ime pana tayopi vārā paṭhamaṃ anulomanayena niddisitvā pacchā paṭilomanayena niddiṭṭhā. Tesu ‘uppajjati’ ‘uppajjittha,’ ‘uppajjissatī’ti vacanato uppattidīpano anulomanayo. ‘Nuppajjati’, ‘nuppajjittha,’ ‘nuppajjissatī’ti vacanato anuppattidīpano paṭilomanayo.
д̇ад̇т̇а бажжуббаннагаалз д̇аава буг̇г̇алаваарасса ануломанаяз ‘‘яасса руубагканд̇хо уббаж̇ж̇ад̇и, д̇асса взд̣̇анаагканд̇хо уббаж̇ж̇ад̇и. яасса ваа бана взд̣̇анаагканд̇хо уббаж̇ж̇ад̇и, д̇асса руубагканд̇хо уббаж̇ж̇ад̇и. яасса руубагканд̇хо уббаж̇ж̇ад̇и, д̇асса сан̃н̃аагканд̇хо сан̇каарагканд̇хо, вин̃н̃аан̣агканд̇хо, уббаж̇ж̇ад̇и. яасса ваа бана вин̃н̃аан̣агканд̇хо уббаж̇ж̇ад̇и, д̇асса руубагканд̇хо уббаж̇ж̇ад̇ий’’д̇и звам̣ руубагканд̇хамуулагаани жад̇д̇аари яамагаани; ‘‘яасса взд̣̇анаагканд̇хо уббаж̇ж̇ад̇и, д̇асса сан̃н̃аагканд̇хо уббаж̇ж̇ад̇ий’’д̇иаад̣̇инаа наязна взд̣̇анаагканд̇хамуулагаани д̇ийн̣и; сан̃н̃аагканд̇хамуулагаани д̣̇вз; сан̇каарагканд̇хамуулагам̣ зганд̇и аг̇г̇ахид̇аг̇г̇ахан̣зна д̣̇аса яамагаани хонд̇и.
Tattha paccuppannakāle tāva puggalavārassa anulomanaye ‘‘yassa rūpakkhandho uppajjati, tassa vedanākkhandho uppajjati. Yassa vā pana vedanākkhandho uppajjati, tassa rūpakkhandho uppajjati. Yassa rūpakkhandho uppajjati, tassa saññākkhandho saṅkhārakkhandho, viññāṇakkhandho, uppajjati. Yassa vā pana viññāṇakkhandho uppajjati, tassa rūpakkhandho uppajjatī’’ti evaṃ rūpakkhandhamūlakāni cattāri yamakāni; ‘‘yassa vedanākkhandho uppajjati, tassa saññākkhandho uppajjatī’’tiādinā nayena vedanākkhandhamūlakāni tīṇi; saññākkhandhamūlakāni dve; saṅkhārakkhandhamūlakaṃ ekanti aggahitaggahaṇena dasa yamakāni honti.
д̇ад̇т̇а руубагканд̇хамуулагзсу жад̇уусу аад̣̇ид̇о згамзва виссаж̇ж̇ид̇ам̣. сзсаани д̇зна сад̣̇исависсаж̇ж̇анаанийд̇и д̇анд̇ияаа лахубхаавад̇т̇ам̣ сан̇кид̇д̇аани. взд̣̇анаагканд̇хаад̣̇имуулагзсуби ‘ааманд̇аа’д̇и згасад̣̇исамзва виссаж̇ж̇анам̣. д̇асмаа д̇ааниби д̇анд̇ияаа лахубхаавад̇т̇ам̣ сан̇кид̇д̇аанзваад̇и звамзд̇аани бажжуббаннагаалз буг̇г̇алаваарз ануломанаяз згаяамагависсаж̇ж̇анзнзва д̣̇аса яамагаани виссаж̇ж̇ид̇аани наама хонд̇ийд̇и взд̣̇ид̇аб̣б̣аани. яат̇аа жа буг̇г̇алаваарз д̣̇аса, звам̣ огаасаваарз д̣̇аса, буг̇г̇алогаасаваарз д̣̇асаад̇и бажжуббаннагаалз д̇ийсу ваарзсу ануломанаяз д̇им̣са яамагаани хонд̇и. яат̇аа жа ануломанаяз, звам̣ бадиломанаязбийд̇и саб̣б̣ааниби бажжуббаннагаалз садти яамагаани хонд̇и. д̇зсу вийсабужчаасад̇ам̣, жад̇д̇аарийсаани жа д̣̇вз ад̇т̇асад̇аани хонд̇ийд̇и взд̣̇ид̇аб̣б̣аани. звам̣ сзсзсуби бан̃жасу гаалабхзд̣̇зсу буг̇г̇алаад̣̇ибхзд̣̇ад̇о ануломабадиломанаяавасзна ча ча ваараа. згзгасмим̣ ваарз д̣̇аса д̣̇аса гад̇ваа садти садти яамагаанийд̇и д̇ийн̣и яамагасад̇аани. д̇аани буримзхи сад̣̇д̇хим̣ садтаад̇хигаани д̇ийн̣и яамагасад̇аани, вийсаад̇хигаани сад̇д̇абужчаасад̇аани, жад̇д̇аарийсаани жа жуд̣̇д̣̇аса ад̇т̇асад̇аани хонд̇и. ид̣̇ам̣ д̇аава уббаад̣̇аваарз баал̣ивавад̇т̇аанам̣. яат̇аа жа уббаад̣̇аваарз, д̇ат̇аа нирод̇хаваарзби, уббаад̣̇анирод̇хаваарзбийд̇и саб̣б̣асмимби бавад̇д̇имахааваарз асийд̇и яамагасахассам̣, садтисад̇аад̇хигаани д̣̇вз бужчаасахассаани, вийсам̣ д̇исад̇аад̇хигаани жа жад̇д̇аари ад̇т̇асахассаани взд̣̇ид̇аб̣б̣аани.
Tattha rūpakkhandhamūlakesu catūsu ādito ekameva vissajjitaṃ. Sesāni tena sadisavissajjanānīti tantiyā lahubhāvatthaṃ saṅkhittāni. Vedanākkhandhādimūlakesupi ‘āmantā’ti ekasadisameva vissajjanaṃ. Tasmā tānipi tantiyā lahubhāvatthaṃ saṅkhittānevāti evametāni paccuppannakāle puggalavāre anulomanaye ekayamakavissajjaneneva dasa yamakāni vissajjitāni nāma hontīti veditabbāni. Yathā ca puggalavāre dasa, evaṃ okāsavāre dasa, puggalokāsavāre dasāti paccuppannakāle tīsu vāresu anulomanaye tiṃsa yamakāni honti. Yathā ca anulomanaye, evaṃ paṭilomanayepīti sabbānipi paccuppannakāle saṭṭhi yamakāni honti. Tesu vīsapucchāsataṃ, cattārīsāni ca dve atthasatāni hontīti veditabbāni. Evaṃ sesesupi pañcasu kālabhedesu puggalādibhedato anulomapaṭilomanayavasena cha cha vārā. Ekekasmiṃ vāre dasa dasa katvā saṭṭhi saṭṭhi yamakānīti tīṇi yamakasatāni. Tāni purimehi saddhiṃ saṭṭhādhikāni tīṇi yamakasatāni, vīsādhikāni sattapucchāsatāni, cattārīsāni ca cuddasa atthasatāni honti. Idaṃ tāva uppādavāre pāḷivavatthānaṃ. Yathā ca uppādavāre, tathā nirodhavārepi, uppādanirodhavārepīti sabbasmimpi pavattimahāvāre asīti yamakasahassaṃ, saṭṭhisatādhikāni dve pucchāsahassāni, vīsaṃ tisatādhikāni ca cattāri atthasahassāni veditabbāni.
баал̣и бана уббаад̣̇аваарз нирод̇хаваарз жа д̇ийсу асаммиссагагаалабхзд̣̇зсу д̇асмим̣ д̇асмим̣ ваарз згзгамзва яамагам̣ виссаж̇ж̇зд̇ваа сан̇кид̇д̇аа. д̇ийсу миссагагаалабхзд̣̇зсу ‘яасса взд̣̇анаагканд̇хо уббаж̇ж̇ад̇и, д̇асса сан̃н̃аагканд̇хо уббаж̇ж̇ид̇т̇аа’д̇иаад̣̇инаа наязна взд̣̇анаагканд̇хаад̣̇имуулагзсуби згам̣ яамагам̣ виссаж̇ж̇ид̇ам̣. уббаад̣̇анирод̇хаваарз бана часуби гаалабхзд̣̇зсу д̇ам̣ виссаж̇ж̇ид̇амзва. сзсаани д̇зна самаанависсаж̇ж̇анад̇д̇аа сан̇кид̇д̇аанийд̇и. ид̣̇ам̣ сагалзби бавад̇д̇имахааваарз баал̣ивавад̇т̇аанам̣.
Pāḷi pana uppādavāre nirodhavāre ca tīsu asammissakakālabhedesu tasmiṃ tasmiṃ vāre ekekameva yamakaṃ vissajjetvā saṅkhittā. Tīsu missakakālabhedesu ‘yassa vedanākkhandho uppajjati, tassa saññākkhandho uppajjitthā’tiādinā nayena vedanākkhandhādimūlakesupi ekaṃ yamakaṃ vissajjitaṃ. Uppādanirodhavāre pana chasupi kālabhedesu taṃ vissajjitameva. Sesāni tena samānavissajjanattā saṅkhittānīti. Idaṃ sakalepi pavattimahāvāre pāḷivavatthānaṃ.
ад̇т̇авинижчаяад̇т̇ам̣ банасса ид̣̇ам̣ лагкан̣ам̣ взд̣̇ид̇аб̣б̣ам̣ – имасмин̃хи бавад̇д̇имахааваарз жад̇уннам̣ бан̃хаанам̣ бан̃жа виссаж̇ж̇анаани сад̇д̇авийсад̇ияаа таанзсу багкибид̇ваа ад̇т̇авинижчаяо взд̣̇ид̇аб̣б̣о. д̇ад̇т̇а бурзбан̃хо, бажчаабан̃хо, барибун̣н̣абан̃хо, могхабан̃ход̇и имз жад̇д̇ааро бан̃хаа наама. згзгасмин̃хи яамагз д̣̇вз д̣̇вз бужчаа. згзгабужчааяаби д̣̇вз д̣̇вз бад̣̇аани. д̇ад̇т̇а яааяа бужчааяа виссаж̇ж̇анз згзнзва бад̣̇зна г̇ахид̇агканд̇хасса уббаад̣̇о ваа нирод̇хо ваа лаб̣бхад̇и , аяам̣ бурзбан̃хо наама. яааяа бана бужчааяа виссаж̇ж̇анз д̣̇вийхиби бад̣̇зхи г̇ахид̇агканд̇хаанам̣ уббаад̣̇о ваа нирод̇хо ваа лаб̣бхад̇и, аяам̣ бажчаабан̃хо наама. яааяа бана бужчааяа виссаж̇ж̇анз згзнаби бад̣̇зна г̇ахид̇агканд̇хасса д̣̇вийхиби бад̣̇зхи г̇ахид̇агканд̇хаанам̣ уббаад̣̇о ваа, нирод̇хо ваа лаб̣бхад̇и, аяам̣ барибун̣н̣абан̃хо наама. яааяа бана бужчааяа виссаж̇ж̇анз бадигкзбо ваа, бадисзд̇хо ваа лаб̣бхад̇и, аяам̣ могхабан̃хо наама. яасмаа банзса ад̣̇ассияамаано на саггаа ж̇аанид̇ум̣, д̇асмаа нам̣ д̣̇ассаяиссаама.
Atthavinicchayatthaṃ panassa idaṃ lakkhaṇaṃ veditabbaṃ – imasmiñhi pavattimahāvāre catunnaṃ pañhānaṃ pañca vissajjanāni sattavīsatiyā ṭhānesu pakkhipitvā atthavinicchayo veditabbo. Tattha purepañho, pacchāpañho, paripuṇṇapañho, moghapañhoti ime cattāro pañhā nāma. Ekekasmiñhi yamake dve dve pucchā. Ekekapucchāyapi dve dve padāni. Tattha yāya pucchāya vissajjane ekeneva padena gahitakkhandhassa uppādo vā nirodho vā labbhati , ayaṃ purepañho nāma. Yāya pana pucchāya vissajjane dvīhipi padehi gahitakkhandhānaṃ uppādo vā nirodho vā labbhati, ayaṃ pacchāpañho nāma. Yāya pana pucchāya vissajjane ekenapi padena gahitakkhandhassa dvīhipi padehi gahitakkhandhānaṃ uppādo vā, nirodho vā labbhati, ayaṃ paripuṇṇapañho nāma. Yāya pana pucchāya vissajjane paṭikkhepo vā, paṭisedho vā labbhati, ayaṃ moghapañho nāma. Yasmā panesa adassiyamāno na sakkā jānituṃ, tasmā naṃ dassayissāma.
‘яад̇т̇а руубагканд̇хо нуббаж̇ж̇ад̇и, д̇ад̇т̇а взд̣̇анаагканд̇хо нуббаж̇ж̇ад̇ий’д̇и бужчааяа д̇аава уббаж̇ж̇ад̇ийд̇и имасмим̣ виссаж̇ж̇анз згзнзва бад̣̇зна г̇ахид̇асса взд̣̇анаагканд̇хасса уббаад̣̇о лаб̣бхад̇и, ид̇и аяан̃жзва ан̃н̃о жа зваруубо бан̃хо бурзбан̃ход̇и взд̣̇ид̇аб̣б̣о. ‘яасса руубагканд̇хо уббаж̇ж̇ид̇т̇а, д̇асса взд̣̇анаагканд̇хо уббаж̇ж̇ид̇т̇аа’д̇и бужчааяа бана ‘ааманд̇аа’д̇и имасмим̣ виссаж̇ж̇анз д̣̇вийхи бад̣̇зхи г̇ахид̇аанам̣ руубавзд̣̇анаагканд̇хаанам̣ яасса гассажи сад̇д̇асса ад̇ийд̇з уббаад̣̇о лаб̣бхад̇и. ид̇и аяан̃жзва ан̃н̃о жа зваруубо бан̃хо бажчаабан̃ход̇и взд̣̇ид̇аб̣б̣о.
‘Yattha rūpakkhandho nuppajjati, tattha vedanākkhandho nuppajjatī’ti pucchāya tāva uppajjatīti imasmiṃ vissajjane ekeneva padena gahitassa vedanākkhandhassa uppādo labbhati, iti ayañceva añño ca evarūpo pañho purepañhoti veditabbo. ‘Yassa rūpakkhandho uppajjittha, tassa vedanākkhandho uppajjitthā’ti pucchāya pana ‘āmantā’ti imasmiṃ vissajjane dvīhi padehi gahitānaṃ rūpavedanākkhandhānaṃ yassa kassaci sattassa atīte uppādo labbhati. Iti ayañceva añño ca evarūpo pañho pacchāpañhoti veditabbo.
‘яасса руубагканд̇хо уббаж̇ж̇ад̇и, д̇асса взд̣̇анаагканд̇хо уббаж̇ж̇ад̇ий’д̇и имааяа бана батамабужчааяа ‘асан̃н̃асад̇д̇ам̣ убабаж̇ж̇анд̇аана’нд̇иаад̣̇игз имасмим̣ виссаж̇ж̇анз ‘асан̃н̃асад̇д̇ам̣ убабаж̇ж̇анд̇аанам̣ д̇зсам̣ руубагканд̇хо уббаж̇ж̇ад̇и, но жа д̇зсам̣ взд̣̇анаагканд̇хо уббаж̇ж̇ад̇ий’д̇и имасмим̣ годтаасз згзнзва бад̣̇зна г̇ахид̇асса руубагканд̇хассаби уббаад̣̇о лаб̣бхад̇и. ‘бан̃жавогаарам̣ убабаж̇ж̇анд̇аанам̣ д̇зсам̣ руубагканд̇хо жа уббаж̇ж̇ад̇и взд̣̇анаагканд̇хо жа уббаж̇ж̇ад̇ий’д̇и имасмим̣ годтаасз д̣̇вийхиби бад̣̇зхи сан̇г̇ахид̇аанам̣ руубавзд̣̇анаагканд̇хаанамби уббаад̣̇о лаб̣бхад̇и. ид̇и аяан̃жзва ан̃н̃о жа зваруубо бан̃хо барибун̣н̣абан̃ход̇и взд̣̇ид̇аб̣б̣о. бурзбажчаабан̃ход̇иби зд̇ассзва наамам̣. зд̇асса хи виссаж̇ж̇анз буримагодтаасз згзна бад̣̇зна сан̇г̇ахид̇асса руубагканд̇хассзва уббаад̣̇о д̣̇ассид̇о. д̣̇уд̇ияагодтаасз д̣̇вийхи бад̣̇зхи сан̇г̇ахид̇аанам̣ руубавзд̣̇анаагканд̇хаанам̣. иминааязва жа лагкан̣зна яад̇т̇а згзна бад̣̇зна сан̇г̇ахид̇асса канд̇хасса уббаад̣̇о ваа нирод̇хо ваа лаб̣бхад̇и, со бурзбан̃ход̇и вуд̇д̇о. яад̇т̇а д̣̇вийхиби бад̣̇зхи сан̇г̇ахид̇аанам̣ канд̇хаанам̣ уббаад̣̇о ваа нирод̇хо ваа лаб̣бхад̇и, со бажчаабан̃ход̇и вуд̇д̇о.
‘Yassa rūpakkhandho uppajjati, tassa vedanākkhandho uppajjatī’ti imāya pana paṭhamapucchāya ‘asaññasattaṃ upapajjantāna’ntiādike imasmiṃ vissajjane ‘asaññasattaṃ upapajjantānaṃ tesaṃ rūpakkhandho uppajjati, no ca tesaṃ vedanākkhandho uppajjatī’ti imasmiṃ koṭṭhāse ekeneva padena gahitassa rūpakkhandhassapi uppādo labbhati. ‘Pañcavokāraṃ upapajjantānaṃ tesaṃ rūpakkhandho ca uppajjati vedanākkhandho ca uppajjatī’ti imasmiṃ koṭṭhāse dvīhipi padehi saṅgahitānaṃ rūpavedanākkhandhānampi uppādo labbhati. Iti ayañceva añño ca evarūpo pañho paripuṇṇapañhoti veditabbo. Purepacchāpañhotipi etasseva nāmaṃ. Etassa hi vissajjane purimakoṭṭhāse ekena padena saṅgahitassa rūpakkhandhasseva uppādo dassito. Dutiyakoṭṭhāse dvīhi padehi saṅgahitānaṃ rūpavedanākkhandhānaṃ. Imināyeva ca lakkhaṇena yattha ekena padena saṅgahitassa khandhassa uppādo vā nirodho vā labbhati, so purepañhoti vutto. Yattha dvīhipi padehi saṅgahitānaṃ khandhānaṃ uppādo vā nirodho vā labbhati, so pacchāpañhoti vutto.
‘яасса руубагканд̇хо нуббаж̇ж̇ид̇т̇а, д̇асса взд̣̇анаагканд̇хо нуббаж̇ж̇ид̇т̇аа’д̇и имааяа бана бужчааяа ‘над̇т̇ий’д̇и имасмим̣ виссаж̇ж̇анз бадигкзбо лаб̣бхад̇и. ‘яасса руубагканд̇хо уббаж̇ж̇ад̇и, д̇асса взд̣̇анаагканд̇хо нируж̇жхад̇ий’д̇и бужчааяа ‘но’д̇и имасмим̣ виссаж̇ж̇анз бадисзд̇хо лаб̣бхад̇и. д̇асмаа аяан̃жзва д̣̇увид̇хо ан̃н̃о жа зваруубо бан̃хо могхабан̃ход̇и взд̣̇ид̇аб̣б̣о. д̇ужчабан̃ход̇иби вужжад̇и. звам̣ д̇аава жад̇д̇ааро бан̃хаа взд̣̇ид̇аб̣б̣аа.
‘Yassa rūpakkhandho nuppajjittha, tassa vedanākkhandho nuppajjitthā’ti imāya pana pucchāya ‘natthī’ti imasmiṃ vissajjane paṭikkhepo labbhati. ‘Yassa rūpakkhandho uppajjati, tassa vedanākkhandho nirujjhatī’ti pucchāya ‘no’ti imasmiṃ vissajjane paṭisedho labbhati. Tasmā ayañceva duvidho añño ca evarūpo pañho moghapañhoti veditabbo. Tucchapañhotipi vuccati. Evaṃ tāva cattāro pañhā veditabbā.
баал̣иг̇ад̇ияаа виссаж̇ж̇анам̣, бадиважанависсаж̇ж̇анам̣, саруубад̣̇ассанзна виссаж̇ж̇анам̣, бадигкзбзна виссаж̇ж̇анам̣, бадисзд̇хзна виссаж̇ж̇ананд̇и имаани бана бан̃жа виссаж̇ж̇анаани наама . д̇ад̇т̇а яам̣ виссаж̇ж̇анам̣ баал̣ибад̣̇амзва худ̇ваа ад̇т̇ам̣ виссаж̇ж̇зд̇и, ид̣̇ам̣ баал̣иг̇ад̇ияаа виссаж̇ж̇анам̣ наама. д̇ам̣ бурзбан̃хз лаб̣бхад̇и. ‘яад̇т̇а руубагканд̇хо нуббаж̇ж̇ад̇и д̇ад̇т̇а взд̣̇анаагканд̇хо нуббаж̇ж̇ад̇ий’д̇и хи бан̃хз ‘уббаж̇ж̇ад̇ий’д̇и ид̣̇ам̣ виссаж̇ж̇анам̣ баал̣ибад̣̇амзва худ̇ваа ад̇т̇ам̣ виссаж̇ж̇аяамаанам̣ г̇ад̇ам̣, д̇асмаа зваруубзсу таанзсу баал̣иг̇ад̇ияаа виссаж̇ж̇анам̣ взд̣̇ид̇аб̣б̣ам̣. яам̣ бана виссаж̇ж̇анам̣ бадиважанабхаавзна ад̇т̇ам̣ виссаж̇ж̇зд̇и, ид̣̇ам̣ бадиважанависсаж̇ж̇анам̣ наама. д̇ам̣ бажчаабан̃хз лаб̣бхад̇и. ‘яасса руубагканд̇хо уббаж̇ж̇ид̇т̇а, д̇асса взд̣̇анаагканд̇хо уббаж̇ж̇ид̇т̇аа’д̇и хи бан̃хз ‘ааманд̇аа’д̇и ид̣̇ам̣ виссаж̇ж̇анам̣ бадиважанавасзнзва ад̇т̇ам̣ виссаж̇ж̇аяамаанам̣ г̇ад̇ам̣, д̇асмаа зваруубзсу таанзсу бадиважанависсаж̇ж̇анам̣ взд̣̇ид̇аб̣б̣ам̣. яам̣ виссаж̇ж̇анам̣ саруубзна д̣̇ассзд̇ваа ад̇т̇ам̣ виссаж̇ж̇зд̇и; ид̣̇ам̣ саруубад̣̇ассанзна виссаж̇ж̇анам̣ наама. д̇ам̣ барибун̣н̣абан̃хз лаб̣бхад̇и. ‘яасса руубагканд̇хо уббаж̇ж̇ад̇и; д̇асса взд̣̇анаагканд̇хо уббаж̇ж̇ад̇ий’д̇и хи бан̃хз ‘асан̃н̃асад̇д̇ам̣ убабаж̇ж̇анд̇аана’нд̇и ид̣̇ам̣ виссаж̇ж̇анам̣ ‘имзсам̣ руубагканд̇хо уббаж̇ж̇ад̇и, но жа взд̣̇анаагканд̇хо, имзсам̣ руубагканд̇хо жа уббаж̇ж̇ад̇и, взд̣̇анаагканд̇хо жаа’д̇и саруубад̣̇ассанзнзва ад̇т̇ам̣ виссаж̇ж̇аяамаанам̣ г̇ад̇ам̣. д̇асмаа зваруубзсу таанзсу саруубад̣̇ассанзна виссаж̇ж̇анам̣ взд̣̇ид̇аб̣б̣ам̣. яам̣ бана виссаж̇ж̇анам̣ д̇ат̇ааруубасса ад̇т̇ассаабхаавад̇о ад̇т̇абадигкзбзна бан̃хам̣ виссаж̇ж̇зд̇и, ид̣̇ам̣ бадигкзбзна виссаж̇ж̇анам̣ наама. яам̣ д̇ат̇ааруубасса ад̇т̇асса згагкан̣з алаабхад̇о ад̇т̇абадисзд̇ханзна бан̃хам̣ виссаж̇ж̇зд̇и, ид̣̇ам̣ бадисзд̇хзна виссаж̇ж̇анам̣ наама. д̇ам̣ могхабан̃хз лаб̣бхад̇и. ‘яасса руубагканд̇хо нуббаж̇ж̇ид̇т̇а, д̇асса взд̣̇анаагканд̇хо нуббаж̇ж̇ид̇т̇аа’д̇и хи бан̃хз ‘над̇т̇ий’д̇и ид̣̇ам̣ виссаж̇ж̇анам̣; зваруубо наама сад̇д̇о над̇т̇ийд̇и ад̇т̇абадигкзбзна бан̃хам̣ виссаж̇ж̇аяамаанам̣ г̇ад̇ам̣; д̇асмаа зваруубзсу таанзсу бадигкзбзна виссаж̇ж̇анам̣ взд̣̇ид̇аб̣б̣ам̣. ‘яасса руубагканд̇хо уббаж̇ж̇ад̇и, д̇асса взд̣̇анаагканд̇хо нируж̇жхад̇ий’д̇и бан̃хз бана ‘но’д̇и ид̣̇ам̣ виссаж̇ж̇анам̣ згасмим̣ бадисанд̇хигкан̣з уббаад̣̇зна сад̣̇д̇хим̣ нирод̇хо наама на лаб̣бхад̇ийд̇и ад̇т̇абадисзд̇ханзна бан̃хам̣ виссаж̇ж̇аяамаанам̣ г̇ад̇ам̣, д̇асмаа зваруубзсу таанзсу бадисзд̇хзна виссаж̇ж̇анам̣ взд̣̇ид̇аб̣б̣ам̣.
Pāḷigatiyā vissajjanaṃ, paṭivacanavissajjanaṃ, sarūpadassanena vissajjanaṃ, paṭikkhepena vissajjanaṃ, paṭisedhena vissajjananti imāni pana pañca vissajjanāni nāma . Tattha yaṃ vissajjanaṃ pāḷipadameva hutvā atthaṃ vissajjeti, idaṃ pāḷigatiyā vissajjanaṃ nāma. Taṃ purepañhe labbhati. ‘Yattha rūpakkhandho nuppajjati tattha vedanākkhandho nuppajjatī’ti hi pañhe ‘uppajjatī’ti idaṃ vissajjanaṃ pāḷipadameva hutvā atthaṃ vissajjayamānaṃ gataṃ, tasmā evarūpesu ṭhānesu pāḷigatiyā vissajjanaṃ veditabbaṃ. Yaṃ pana vissajjanaṃ paṭivacanabhāvena atthaṃ vissajjeti, idaṃ paṭivacanavissajjanaṃ nāma. Taṃ pacchāpañhe labbhati. ‘Yassa rūpakkhandho uppajjittha, tassa vedanākkhandho uppajjitthā’ti hi pañhe ‘āmantā’ti idaṃ vissajjanaṃ paṭivacanavaseneva atthaṃ vissajjayamānaṃ gataṃ, tasmā evarūpesu ṭhānesu paṭivacanavissajjanaṃ veditabbaṃ. Yaṃ vissajjanaṃ sarūpena dassetvā atthaṃ vissajjeti; idaṃ sarūpadassanena vissajjanaṃ nāma. Taṃ paripuṇṇapañhe labbhati. ‘Yassa rūpakkhandho uppajjati; tassa vedanākkhandho uppajjatī’ti hi pañhe ‘asaññasattaṃ upapajjantāna’nti idaṃ vissajjanaṃ ‘imesaṃ rūpakkhandho uppajjati, no ca vedanākkhandho, imesaṃ rūpakkhandho ca uppajjati, vedanākkhandho cā’ti sarūpadassaneneva atthaṃ vissajjayamānaṃ gataṃ. Tasmā evarūpesu ṭhānesu sarūpadassanena vissajjanaṃ veditabbaṃ. Yaṃ pana vissajjanaṃ tathārūpassa atthassābhāvato atthapaṭikkhepena pañhaṃ vissajjeti, idaṃ paṭikkhepena vissajjanaṃ nāma. Yaṃ tathārūpassa atthassa ekakkhaṇe alābhato atthapaṭisedhanena pañhaṃ vissajjeti, idaṃ paṭisedhena vissajjanaṃ nāma. Taṃ moghapañhe labbhati. ‘Yassa rūpakkhandho nuppajjittha, tassa vedanākkhandho nuppajjitthā’ti hi pañhe ‘natthī’ti idaṃ vissajjanaṃ; evarūpo nāma satto natthīti atthapaṭikkhepena pañhaṃ vissajjayamānaṃ gataṃ; tasmā evarūpesu ṭhānesu paṭikkhepena vissajjanaṃ veditabbaṃ. ‘Yassa rūpakkhandho uppajjati, tassa vedanākkhandho nirujjhatī’ti pañhe pana ‘no’ti idaṃ vissajjanaṃ ekasmiṃ paṭisandhikkhaṇe uppādena saddhiṃ nirodho nāma na labbhatīti atthapaṭisedhanena pañhaṃ vissajjayamānaṃ gataṃ, tasmā evarūpesu ṭhānesu paṭisedhena vissajjanaṃ veditabbaṃ.
ид̣̇аани имз жад̇д̇ааро бан̃хаа, имаани жа бан̃жа виссаж̇ж̇анаани, язсу сад̇д̇авийсад̇ияаа таанзсу багкибид̇аб̣б̣аани, д̇аани звам̣ взд̣̇ид̇аб̣б̣аани – асан̃н̃асад̇д̇ам̣ убабаж̇ж̇анд̇аананд̇и згам̣ таанам̣, асан̃н̃асад̇д̇з д̇ад̇т̇аад̇и згам̣, асан̃н̃асад̇д̇аананд̇и згам̣; асан̃н̃асад̇д̇аа жаванд̇аананд̇и згам̣; аруубам̣ убабаж̇ж̇анд̇аананд̇и згам̣, аруубз д̇ад̇т̇аад̇и згам̣, аруубаананд̇и згам̣, аруубаа жаванд̇аананд̇и згам̣ , аруубз бажчимабхавигаананд̇и згам̣, аруубз бариниб̣б̣анд̇аананд̇и згам̣; яз жа аруубам̣ убабаж̇ж̇ид̇ваа бариниб̣б̣ааяиссанд̇ийд̇и згам̣; бан̃жавогаарам̣ убабаж̇ж̇анд̇аананд̇и згам̣, бан̃жавогаарз д̇ад̇т̇аад̇и згам̣, бан̃жавогаараананд̇и згам̣ бан̃жавогаараа жаванд̇аананд̇и згам̣, бан̃жавогаарз бажчимабхавигаананд̇и згам̣, бан̃жавогаарз бариниб̣б̣анд̇аананд̇и згам̣; суд̣̇д̇хааваасам̣ убабаж̇ж̇анд̇аананд̇и згам̣, суд̣̇д̇хааваасз д̇ад̇т̇аад̇и згам̣, суд̣̇д̇хааваасаананд̇и згам̣, суд̣̇д̇хааваасз бариниб̣б̣анд̇аананд̇и згам̣; саб̣б̣зсам̣ убабаж̇ж̇анд̇аананд̇и згам̣, саб̣б̣зсам̣ жаванд̇аананд̇и згам̣; саб̣б̣асаад̇хааран̣авасзна бажчимабхавигаананд̇и згам̣, бариниб̣б̣анд̇аананд̇и згам̣, жад̇увогаарам̣ бан̃жавогаарам̣ убабаж̇ж̇анд̇аананд̇и згам̣, жаванд̇аананд̇и згам̣. звам̣ имзсам̣ жад̇уннам̣ бан̃хаанам̣ имаани бан̃жа виссаж̇ж̇анаани имзсу сад̇д̇авийсад̇ияаа таанзсу багкибид̇ваа имасмим̣ бавад̇д̇имахааваарз ад̇т̇авинижчаяо взд̣̇ид̇аб̣б̣о. звам̣ вид̣̇ид̇ваа хи бан̃хам̣ виссаж̇ж̇анд̇зна сувиссаж̇ж̇ид̇о ход̇и, ад̇т̇ан̃жа винижчаяанд̇зна сувинижчид̇о ход̇и.
Idāni ime cattāro pañhā, imāni ca pañca vissajjanāni, yesu sattavīsatiyā ṭhānesu pakkhipitabbāni, tāni evaṃ veditabbāni – asaññasattaṃ upapajjantānanti ekaṃ ṭhānaṃ, asaññasatte tatthāti ekaṃ, asaññasattānanti ekaṃ; asaññasattā cavantānanti ekaṃ; arūpaṃ upapajjantānanti ekaṃ, arūpe tatthāti ekaṃ, arūpānanti ekaṃ, arūpā cavantānanti ekaṃ , arūpe pacchimabhavikānanti ekaṃ, arūpe parinibbantānanti ekaṃ; ye ca arūpaṃ upapajjitvā parinibbāyissantīti ekaṃ; pañcavokāraṃ upapajjantānanti ekaṃ, pañcavokāre tatthāti ekaṃ, pañcavokārānanti ekaṃ pañcavokārā cavantānanti ekaṃ, pañcavokāre pacchimabhavikānanti ekaṃ, pañcavokāre parinibbantānanti ekaṃ; suddhāvāsaṃ upapajjantānanti ekaṃ, suddhāvāse tatthāti ekaṃ, suddhāvāsānanti ekaṃ, suddhāvāse parinibbantānanti ekaṃ; sabbesaṃ upapajjantānanti ekaṃ, sabbesaṃ cavantānanti ekaṃ; sabbasādhāraṇavasena pacchimabhavikānanti ekaṃ, parinibbantānanti ekaṃ, catuvokāraṃ pañcavokāraṃ upapajjantānanti ekaṃ, cavantānanti ekaṃ. Evaṃ imesaṃ catunnaṃ pañhānaṃ imāni pañca vissajjanāni imesu sattavīsatiyā ṭhānesu pakkhipitvā imasmiṃ pavattimahāvāre atthavinicchayo veditabbo. Evaṃ viditvā hi pañhaṃ vissajjantena suvissajjito hoti, atthañca vinicchayantena suvinicchito hoti.
д̇ад̇т̇ааяам̣ наяо – яасса руубагканд̇хо уббаж̇ж̇ад̇ийд̇и яасса буг̇г̇аласса уббаад̣̇агкан̣асаман̇г̇ид̇ааяа руубагканд̇хо уббаж̇ж̇ад̇и. д̇асса взд̣̇анаагканд̇хо уббаж̇ж̇ад̇ийд̇и взд̣̇анаагканд̇хоби д̇асса д̇асмин̃н̃зва кан̣з уббаж̇ж̇ад̇ийд̇и бужчад̇и. асан̃н̃асад̇д̇ам̣ убабаж̇ж̇анд̇аананд̇и ажид̇д̇агабадисанд̇хивасзна асан̃н̃асад̇д̇абхавам̣ убабаж̇ж̇анд̇аанам̣. д̇зсам̣ руубагканд̇хо уббаж̇ж̇ад̇ийд̇и д̇зсам̣ зганд̇зна руубагканд̇хо уббаж̇ж̇ад̇иязва. бавад̇д̇з уббаннаанам̣ руубагканд̇хо уббаж̇ж̇ад̇иби нируж̇жхад̇иби, д̇асмаа ‘асан̃н̃асад̇д̇аана’нд̇и авад̇ваа’асан̃н̃асад̇д̇ам̣ убабаж̇ж̇анд̇аана’нд̇и вуд̇д̇ам̣. но жа д̇зсам̣ взд̣̇анаагканд̇хо уббаж̇ж̇ад̇ийд̇и ажид̇д̇агад̇д̇аа бана д̇зсам̣ взд̣̇анаагканд̇хо нуббаж̇ж̇ад̇зва. ид̣̇ам̣ сад̇д̇авийсад̇ияаа таанзсу батамз таанз барибун̣н̣абан̃хасса буримагодтаасз саруубад̣̇ассанзна виссаж̇ж̇анам̣. бан̃жавогаарам̣ убабаж̇ж̇анд̇аананд̇и руубааруубамиссагабадисанд̇хивасзна бан̃жавогаарабхавам̣ убабаж̇ж̇анд̇аанам̣. д̇зсам̣ руубагканд̇хо жа уббаж̇ж̇ад̇и, взд̣̇анаагканд̇хо жаад̇и д̇зсам̣ зганд̇зна руубавзд̣̇анаагканд̇хасан̇каад̇аа д̣̇взби канд̇хаа уббаж̇ж̇анд̇иязва. бавад̇д̇з бана д̇ад̇т̇а уббаннаанам̣ д̇з канд̇хаа уббаж̇ж̇анд̇иби нируж̇жханд̇иби, д̇асмаа ‘бан̃жавогаараана’нд̇и авад̇ваа ‘бан̃жавогаарам̣ убабаж̇ж̇анд̇аана’нд̇и вуд̇д̇ам̣. ид̣̇ам̣ бан̃жавогаарам̣ убабаж̇ж̇анд̇аананд̇и таанз барибун̣н̣абан̃хасса бажчимагодтаасз саруубад̣̇ассанзна виссаж̇ж̇анам̣. иминаа убааязна саб̣б̣аани виссаж̇ж̇анаани взд̣̇ид̇аб̣б̣аани.
Tatthāyaṃ nayo – yassa rūpakkhandho uppajjatīti yassa puggalassa uppādakkhaṇasamaṅgitāya rūpakkhandho uppajjati. Tassa vedanākkhandho uppajjatīti vedanākkhandhopi tassa tasmiññeva khaṇe uppajjatīti pucchati. Asaññasattaṃ upapajjantānanti acittakapaṭisandhivasena asaññasattabhavaṃ upapajjantānaṃ. Tesaṃ rūpakkhandho uppajjatīti tesaṃ ekantena rūpakkhandho uppajjatiyeva. Pavatte uppannānaṃ rūpakkhandho uppajjatipi nirujjhatipi, tasmā ‘asaññasattāna’nti avatvā’asaññasattaṃ upapajjantāna’nti vuttaṃ. No ca tesaṃ vedanākkhandho uppajjatīti acittakattā pana tesaṃ vedanākkhandho nuppajjateva. Idaṃ sattavīsatiyā ṭhānesu paṭhame ṭhāne paripuṇṇapañhassa purimakoṭṭhāse sarūpadassanena vissajjanaṃ. Pañcavokāraṃ upapajjantānanti rūpārūpamissakapaṭisandhivasena pañcavokārabhavaṃ upapajjantānaṃ. Tesaṃ rūpakkhandho ca uppajjati, vedanākkhandho cāti tesaṃ ekantena rūpavedanākkhandhasaṅkhātā dvepi khandhā uppajjantiyeva. Pavatte pana tattha uppannānaṃ te khandhā uppajjantipi nirujjhantipi, tasmā ‘pañcavokārāna’nti avatvā ‘pañcavokāraṃ upapajjantāna’nti vuttaṃ. Idaṃ pañcavokāraṃ upapajjantānanti ṭhāne paripuṇṇapañhassa pacchimakoṭṭhāse sarūpadassanena vissajjanaṃ. Iminā upāyena sabbāni vissajjanāni veditabbāni.
ид̣̇ам̣ банзд̇т̇а уббаад̣̇анирод̇хзсу нияамалагкан̣ам̣ – сагалзби хи имасмим̣ канд̇хаяамагз д̇ад̇т̇а д̇ад̇т̇а уббаннаанам̣ бавад̇д̇з яаава маран̣аа канд̇хаанам̣ абарияанд̇зсу уббаад̣̇анирод̇хзсу виж̇ж̇амаанзсуби лахубаривад̇д̇аанам̣ д̇хаммаанам̣ виниб̣бхог̇ам̣ гад̇ваа уббаад̣̇анирод̇хз д̣̇ассзд̇ум̣ на сугаранд̇и бавад̇д̇ияам̣ уббаад̣̇анирод̇хз анаамасид̇ваа абхинавам̣ вибаагаваддам̣ нибпаад̣̇аяамаанзна наанаагаммзна ниб̣б̣ад̇д̇аанам̣ бадисанд̇хиканд̇хаанам̣ уббаад̣̇ам̣ д̣̇ассзд̇ум̣ суканд̇и бадисанд̇хигаалз уббаад̣̇авасзнзва уббаад̣̇авааро гат̇ид̇о. уббаннасса бана вибаагаваддасса барияосаанзна нирод̇хам̣ д̣̇ассзд̇ум̣ суканд̇и маран̣агаалз нирод̇хавасзна нирод̇хавааро гат̇ид̇о.
Idaṃ panettha uppādanirodhesu niyamalakkhaṇaṃ – sakalepi hi imasmiṃ khandhayamake tattha tattha uppannānaṃ pavatte yāva maraṇā khandhānaṃ apariyantesu uppādanirodhesu vijjamānesupi lahuparivattānaṃ dhammānaṃ vinibbhogaṃ katvā uppādanirodhe dassetuṃ na sukaranti pavattiyaṃ uppādanirodhe anāmasitvā abhinavaṃ vipākavaṭṭaṃ nipphādayamānena nānākammena nibbattānaṃ paṭisandhikhandhānaṃ uppādaṃ dassetuṃ sukhanti paṭisandhikāle uppādavaseneva uppādavāro kathito. Uppannassa pana vipākavaṭṭassa pariyosānena nirodhaṃ dassetuṃ sukhanti maraṇakāle nirodhavasena nirodhavāro kathito.
гим̣ банзд̇т̇а бавад̇д̇ияам̣ уббаад̣̇анирод̇хаанам̣ анаамадтабхаавз бамаан̣анд̇и? баал̣иязва. баал̣ияан̃хи висзсзна уббаад̣̇аваарасса анааг̇ад̇агаалаваарз ‘бажчимабхавигаанам̣ д̇зсам̣ руубагканд̇хо жа нуббаж̇ж̇иссад̇и, взд̣̇анаагканд̇хо жа нуббаж̇ж̇иссад̇ий’д̇и аяам̣ баал̣и ад̇ибамаан̣амзва. бажчимабхавигаанан̃хи бавад̇д̇з руубааруубад̇хаммаанам̣ уббаж̇ж̇ид̇ум̣ яуд̇д̇абхаавз сад̇иби ‘руубагканд̇хо жа нуббаж̇ж̇иссад̇и, взд̣̇анаагканд̇хо жа нуббаж̇ж̇иссад̇ий’д̇и саннидтаанам̣ гад̇ваа вуд̇д̇абхаавзна бавад̇д̇з уббаад̣̇о на г̇ахид̇од̇и взд̣̇ид̇аб̣б̣о. ‘суд̣̇д̇хааваасз бариниб̣б̣анд̇аанам̣ д̇зсам̣ д̇ад̇т̇а сан̃н̃аагканд̇хо на нируж̇жхид̇т̇а, но жа д̇зсам̣ д̇ад̇т̇а взд̣̇анаагканд̇хо на нируж̇жхад̇ий’д̇и аяам̣ бана баал̣и бавад̇д̇з нирод̇хасса анаамадтабхаавз ад̇ивияа бамаан̣ам̣. суд̣̇д̇хааваасз бариниб̣б̣анд̇аанан̃хи жуд̇ижид̇д̇асса бхан̇г̇агкан̣з тид̇аанам̣ бадисанд̇хид̇о бадтааяа бавад̇д̇з уббаж̇ж̇ид̇ваа нируд̣̇д̇хасан̃н̃аагканд̇хаанам̣ г̇ан̣анабат̇о над̇т̇и. ‘звам̣ санд̇зби д̇зсам̣ д̇ад̇т̇а сан̃н̃аагканд̇хо на нируж̇жхид̇т̇аа’д̇и саннидтаанам̣ гад̇ваа вуд̇д̇абхаавзна бавад̇д̇з нирод̇хо на г̇ахид̇од̇и взд̣̇ид̇аб̣б̣о.
Kiṃ panettha pavattiyaṃ uppādanirodhānaṃ anāmaṭṭhabhāve pamāṇanti? Pāḷiyeva. Pāḷiyañhi visesena uppādavārassa anāgatakālavāre ‘pacchimabhavikānaṃ tesaṃ rūpakkhandho ca nuppajjissati, vedanākkhandho ca nuppajjissatī’ti ayaṃ pāḷi atipamāṇameva. Pacchimabhavikānañhi pavatte rūpārūpadhammānaṃ uppajjituṃ yuttabhāve satipi ‘rūpakkhandho ca nuppajjissati, vedanākkhandho ca nuppajjissatī’ti sanniṭṭhānaṃ katvā vuttabhāvena pavatte uppādo na gahitoti veditabbo. ‘Suddhāvāse parinibbantānaṃ tesaṃ tattha saññākkhandho na nirujjhittha, no ca tesaṃ tattha vedanākkhandho na nirujjhatī’ti ayaṃ pana pāḷi pavatte nirodhassa anāmaṭṭhabhāve ativiya pamāṇaṃ. Suddhāvāse parinibbantānañhi cuticittassa bhaṅgakkhaṇe ṭhitānaṃ paṭisandhito paṭṭhāya pavatte uppajjitvā niruddhasaññākkhandhānaṃ gaṇanapatho natthi. ‘Evaṃ santepi tesaṃ tattha saññākkhandho na nirujjhitthā’ti sanniṭṭhānaṃ katvā vuttabhāvena pavatte nirodho na gahitoti veditabbo.
звамзд̇т̇а уббаад̣̇анирод̇хзсу нияамалагкан̣ам̣ вид̣̇ид̇ваа бадисанд̇хиуббаад̣̇амзва жуд̇инирод̇хамзва жа г̇ахзд̇ваа д̇зсу д̇зсу таанзсу ааг̇ад̇аанам̣ виссаж̇ж̇анаанам̣ ад̇т̇авинижчаяо взд̣̇ид̇аб̣б̣о. со бана саггаа аад̣̇ивиссаж̇ж̇анз вуд̇д̇анаязна саб̣б̣ад̇т̇а вид̣̇ид̇унд̇и виссаж̇ж̇анабадибаадияаа на вид̇т̇аарид̇о. иминаа бана звам̣ д̣̇иннзнаби наязна яо зд̇зсам̣ ад̇т̇авинижчаяам̣ ж̇аанид̇ум̣ на саггод̇и, д̇зна аажарияз баяирубаасид̇ваа саад̇хугам̣ суд̇вааби ж̇аанид̇аб̣б̣о.
Evamettha uppādanirodhesu niyamalakkhaṇaṃ viditvā paṭisandhiuppādameva cutinirodhameva ca gahetvā tesu tesu ṭhānesu āgatānaṃ vissajjanānaṃ atthavinicchayo veditabbo. So pana sakkā ādivissajjane vuttanayena sabbattha viditunti vissajjanapaṭipāṭiyā na vitthārito. Iminā pana evaṃ dinnenapi nayena yo etesaṃ atthavinicchayaṃ jānituṃ na sakkoti, tena ācariye payirupāsitvā sādhukaṃ sutvāpi jānitabbo.
уббаад̣̇асса нирод̇хасса, уббаннан̃жааби згад̇о;
Uppādassa nirodhassa, uppannañcāpi ekato;
наяасса ануломасса, бадиломанаяасса жа.
Nayassa anulomassa, paṭilomanayassa ca.
васзна яаани канд̇хзсу, яамагаани жа бан̃жасу;
Vasena yāni khandhesu, yamakāni ca pañcasu;
буг̇г̇алам̣ ат̇а огаасам̣, буг̇г̇алогаасамзва жа.
Puggalaṃ atha okāsaṃ, puggalokāsameva ca.
аамасид̇ваа бавад̇д̇зсу, таанзсу гат̇аяий ж̇ино;
Āmasitvā pavattesu, ṭhānesu kathayī jino;
д̇зсам̣ баал̣ивавад̇т̇аанам̣, д̣̇ассид̇ам̣ анубуб̣б̣ад̇о.
Tesaṃ pāḷivavatthānaṃ, dassitaṃ anupubbato.
винижчаяад̇т̇ам̣ ад̇т̇асса, бан̃хаависсаж̇ж̇анаани жа;
Vinicchayatthaṃ atthassa, pañhāvissajjanāni ca;
виссаж̇ж̇анаанам̣ таанаани, яаани д̇аани жа саб̣б̣асо.
Vissajjanānaṃ ṭhānāni, yāni tāni ca sabbaso.
д̣̇ассзд̇ваа згабан̃хасмим̣, яож̇анааби багаасид̇аа;
Dassetvā ekapañhasmiṃ, yojanāpi pakāsitā;
вид̇т̇аарзна г̇ад̇з зд̇т̇а, бан̃хаависсаж̇ж̇анаггамз.
Vitthārena gate ettha, pañhāvissajjanakkame.
ад̇т̇ам̣ ван̣н̣аяад̇аа гаад̇ум̣, гим̣ ну саггаа ид̇о барам̣;
Atthaṃ vaṇṇayatā kātuṃ, kiṃ nu sakkā ito paraṃ;
наязна иминаа д̇асмаа, ад̇т̇ам̣ ж̇аананд̇у бан̣д̣ид̇аад̇и.
Nayena iminā tasmā, atthaṃ jānantu paṇḍitāti.
бавад̇д̇имахааваараван̣н̣анаа.
Pavattimahāvāravaṇṇanā.
3. барин̃н̃ааваараван̣н̣анаа
3. Pariññāvāravaṇṇanā
206-208. д̇ад̣̇ананд̇арз барин̃н̃ааваарзби чал̣зва гаалабхзд̣̇аа. ануломабадиломад̇о д̣̇взязва наяаа. буг̇г̇алавааро, огаасавааро, буг̇г̇алогаасаваарод̇и имзсу бана д̇ийсу буг̇г̇алаваарова лаб̣бхад̇и, на ид̇арз д̣̇вз. гим̣ гааран̣аа? сад̣̇исависсаж̇ж̇анад̇ааяа. яо хи гожи буг̇г̇ало яад̇т̇а гад̇т̇ажи таанз руубагканд̇хам̣ жз бариж̇аанаад̇и, взд̣̇анаагканд̇хамби бариж̇аанаад̇иязва. взд̣̇анаагканд̇хам̣ жз бариж̇аанаад̇и, руубагканд̇хамби бариж̇аанаад̇иязва. руубагканд̇хам̣ жз на бариж̇аанаад̇и, взд̣̇анаагканд̇хамби на бариж̇аанаад̇иязва. взд̣̇анаагканд̇хам̣ жз на бариж̇аанаад̇и, руубагканд̇хамби на бариж̇аанаад̇иязва. д̇асмаа д̇зсуби ‘яад̇т̇а руубагканд̇хам̣ бариж̇аанаад̇и, д̇ад̇т̇а взд̣̇анаагканд̇хам̣ бариж̇аанаад̇ий’д̇и аад̣̇ивасзна бужчам̣ гад̇ваа ‘ааманд̇аа’д̇взва виссаж̇ж̇анам̣ гаад̇аб̣б̣ам̣ . сияаад̇и сад̣̇исависсаж̇ж̇анад̇ааяа д̇з ид̇ха на лаб̣бханд̇ийд̇и взд̣̇ид̇аб̣б̣аа.
206-208. Tadanantare pariññāvārepi chaḷeva kālabhedā. Anulomapaṭilomato dveyeva nayā. Puggalavāro, okāsavāro, puggalokāsavāroti imesu pana tīsu puggalavārova labbhati, na itare dve. Kiṃ kāraṇā? Sadisavissajjanatāya. Yo hi koci puggalo yattha katthaci ṭhāne rūpakkhandhaṃ ce parijānāti, vedanākkhandhampi parijānātiyeva. Vedanākkhandhaṃ ce parijānāti, rūpakkhandhampi parijānātiyeva. Rūpakkhandhaṃ ce na parijānāti, vedanākkhandhampi na parijānātiyeva. Vedanākkhandhaṃ ce na parijānāti, rūpakkhandhampi na parijānātiyeva. Tasmā tesupi ‘yattha rūpakkhandhaṃ parijānāti, tattha vedanākkhandhaṃ parijānātī’ti ādivasena pucchaṃ katvā ‘āmantā’tveva vissajjanaṃ kātabbaṃ . Siyāti sadisavissajjanatāya te idha na labbhantīti veditabbā.
ат̇а ваа барин̃н̃аагижжам̣ наама буг̇г̇алассзва ход̇и, но огаасасса, буг̇г̇алова бариж̇аанид̇ум̣ самад̇т̇о, но огаасод̇и буг̇г̇алавааровзд̇т̇а г̇ахид̇о, на огаасавааро. д̇асса бана аг̇г̇ахид̇ад̇д̇аа д̇ад̣̇ананд̇аро буг̇г̇алогаасавааро лаб̣бхамааноби на г̇ахид̇о. яо банзса буг̇г̇алавааро г̇ахид̇о, д̇ад̇т̇а бажжуббаннагаалз руубагканд̇хамуулагаани жад̇д̇аари, взд̣̇анаагканд̇хамуулагаани д̇ийн̣и, сан̃н̃аагканд̇хамуулагаани д̣̇вз, сан̇каарагканд̇хамуулагам̣ зганд̇и хздтаа вуд̇д̇анаязнзва ануломанаяз аг̇г̇ахид̇аг̇г̇ахан̣зна д̣̇аса яамагаани. бадиломанаяз д̣̇асаад̇и вийсад̇и. д̇ат̇аа сзсзсубийд̇и згзгасмим̣ гаалз вийсад̇и вийсад̇и гад̇ваа часу гаалзсу вийсам̣ яамагасад̇ам̣, жад̇д̇аарийсаани д̣̇вз бужчаасад̇аани, асийд̇яаад̇хигаани жад̇д̇аари ад̇т̇асад̇аани жа хонд̇ийд̇и ид̣̇амзд̇т̇а баал̣ивавад̇т̇аанам̣.
Atha vā pariññākiccaṃ nāma puggalasseva hoti, no okāsassa, puggalova parijānituṃ samattho, no okāsoti puggalavārovettha gahito, na okāsavāro. Tassa pana aggahitattā tadanantaro puggalokāsavāro labbhamānopi na gahito. Yo panesa puggalavāro gahito, tattha paccuppannakāle rūpakkhandhamūlakāni cattāri, vedanākkhandhamūlakāni tīṇi, saññākkhandhamūlakāni dve, saṅkhārakkhandhamūlakaṃ ekanti heṭṭhā vuttanayeneva anulomanaye aggahitaggahaṇena dasa yamakāni. Paṭilomanaye dasāti vīsati. Tathā sesesupīti ekekasmiṃ kāle vīsati vīsati katvā chasu kālesu vīsaṃ yamakasataṃ, cattārīsāni dve pucchāsatāni, asītyādhikāni cattāri atthasatāni ca hontīti idamettha pāḷivavatthānaṃ.
ад̇т̇авинижчаяз банзд̇т̇а ад̇ийд̇аанааг̇ад̇абажжуббаннасан̇каад̇аа д̇аяо ад̣̇д̇хаа бавад̇д̇иваарз вияа жуд̇ибадисанд̇хивасзна на лаб̣бханд̇и. бавад̇д̇з жид̇д̇агкан̣авасзнзва лаб̣бханд̇и. д̇знзвзд̇т̇а ‘яо руубагканд̇хам̣ бариж̇аанаад̇и, со взд̣̇анаагканд̇хам̣ бариж̇аанаад̇ий’д̇иаад̣̇ийсу бужчаасу ‘ааманд̇аа’д̇и виссаж̇ж̇анам̣ гад̇ам̣. логуд̇д̇арамаг̇г̇агкан̣асмин̃хи ниб̣б̣аанаарамман̣зна жид̇д̇зна бан̃жасу канд̇хзсу барин̃н̃аагижжаниб̣б̣ад̇д̇ияаа яам̣ гин̃жи згам̣ канд̇хам̣ бариж̇аананд̇о ид̇арамби бариж̇аанаад̇ийд̇и вужжад̇и. звамзд̇т̇а ‘бариж̇аанаад̇ий’д̇и бан̃хзсу ануломанаяз барин̃н̃аагижжасса мад̇т̇агаббад̇д̇ам̣ аг̇г̇амаг̇г̇асаман̇г̇им̣ санд̇хааяа ‘ааманд̇аа’д̇и вуд̇д̇анд̇и взд̣̇ид̇аб̣б̣ам̣. бадиломанаяз бана ‘на бариж̇аанаад̇ий’д̇и бан̃хзсу бут̇уж̇ж̇анаад̣̇аяо санд̇хааяа ‘ааманд̇аа’д̇и вуд̇д̇ам̣. ‘бариж̇аанид̇т̇аа’д̇и имасмим̣ бана ад̇ийд̇агаалаваарз маг̇г̇аананд̇арааг̇г̇апалз тид̇оби барин̃н̃аагижжасса нидтид̇ад̇д̇аа бариж̇аанид̇т̇аязва наама.
Atthavinicchaye panettha atītānāgatapaccuppannasaṅkhātā tayo addhā pavattivāre viya cutipaṭisandhivasena na labbhanti. Pavatte cittakkhaṇavaseneva labbhanti. Tenevettha ‘yo rūpakkhandhaṃ parijānāti, so vedanākkhandhaṃ parijānātī’tiādīsu pucchāsu ‘āmantā’ti vissajjanaṃ kataṃ. Lokuttaramaggakkhaṇasmiñhi nibbānārammaṇena cittena pañcasu khandhesu pariññākiccanibbattiyā yaṃ kiñci ekaṃ khandhaṃ parijānanto itarampi parijānātīti vuccati. Evamettha ‘parijānātī’ti pañhesu anulomanaye pariññākiccassa matthakappattaṃ aggamaggasamaṅgiṃ sandhāya ‘āmantā’ti vuttanti veditabbaṃ. Paṭilomanaye pana ‘na parijānātī’ti pañhesu puthujjanādayo sandhāya ‘āmantā’ti vuttaṃ. ‘Parijānitthā’ti imasmiṃ pana atītakālavāre maggānantaraaggaphale ṭhitopi pariññākiccassa niṭṭhitattā parijānitthayeva nāma.
209. яо руубагканд̇хам̣ бариж̇аанаад̇и, со взд̣̇анаагканд̇хам̣ бариж̇аанид̇т̇аад̇и бан̃хзна аг̇г̇амаг̇г̇асаман̇г̇им̣ бужчад̇и. яасмаа банзса канд̇хабан̃жагам̣ бариж̇аанаад̇иязва наама, на д̇аава нидтид̇абарин̃н̃аагижжо; д̇асмаа ‘но’д̇и бадисзд̇хо гад̇о. д̣̇уд̇ияабан̃хз бана бариж̇аанид̇т̇аад̇и араханд̇ам̣ бужчад̇и. яасмаа банзсо нидтид̇абарин̃н̃аагижжо. над̇т̇и д̇асса барин̃н̃зяяам̣ наама; д̇асмаа ‘но’д̇и бадисзд̇хо гад̇о. бадиломанаяависсаж̇ж̇анз банзд̇т̇а арахаа руубагканд̇хам̣ на бариж̇аанаад̇ийд̇и арахад̇о барин̃н̃ааяа абхаавзна вуд̇д̇ам̣. аг̇г̇амаг̇г̇асаман̇г̇ий взд̣̇анаагканд̇хам̣ на бариж̇аанид̇т̇аад̇и арахад̇д̇амаг̇г̇адтасса анидтид̇абарин̃н̃аагижжад̇ааяа вуд̇д̇ам̣. на гзвалан̃жа взд̣̇анаагканд̇хамзва, згад̇хаммамби со на бариж̇аанид̇т̇зва. ид̣̇ам̣ бана бужчаавасзна вуд̇д̇ам̣. но жа руубагканд̇ханд̇и ид̣̇амби бужчаавасзнзва вуд̇д̇ам̣. ан̃н̃амби бана со канд̇хам̣ бариж̇аанаад̇и.
209. Yo rūpakkhandhaṃ parijānāti, so vedanākkhandhaṃ parijānitthāti pañhena aggamaggasamaṅgiṃ pucchati. Yasmā panesa khandhapañcakaṃ parijānātiyeva nāma, na tāva niṭṭhitapariññākicco; tasmā ‘no’ti paṭisedho kato. Dutiyapañhe pana parijānitthāti arahantaṃ pucchati. Yasmā paneso niṭṭhitapariññākicco. Natthi tassa pariññeyyaṃ nāma; tasmā ‘no’ti paṭisedho kato. Paṭilomanayavissajjane panettha arahā rūpakkhandhaṃ na parijānātīti arahato pariññāya abhāvena vuttaṃ. Aggamaggasamaṅgī vedanākkhandhaṃ na parijānitthāti arahattamaggaṭṭhassa aniṭṭhitapariññākiccatāya vuttaṃ. Na kevalañca vedanākkhandhameva, ekadhammampi so na parijānittheva. Idaṃ pana pucchāvasena vuttaṃ. No ca rūpakkhandhanti idampi pucchāvaseneva vuttaṃ. Aññampi pana so khandhaṃ parijānāti.
210-211. яо руубагканд̇хам̣ бариж̇аанаад̇и, со взд̣̇анаагканд̇хам̣ бариж̇ааниссад̇ийд̇и зд̇т̇а яасмаа маг̇г̇адтабуг̇г̇ало згажид̇д̇агкан̣иго, д̇асмаа со бариж̇ааниссад̇ийд̇и сан̇кам̣ на г̇ажчад̇и. д̇зна вуд̇д̇ам̣ ‘но’д̇и. д̇з руубагканд̇хан̃жа на бариж̇аанид̇т̇аад̇и бужчаасабхааг̇зна вуд̇д̇ам̣, на бариж̇ааним̣сууд̇и банзд̇т̇а ад̇т̇о. иминаа убааязна саб̣б̣ад̇т̇а ад̇т̇авинижчаяо взд̣̇ид̇аб̣б̣од̇и.
210-211. Yo rūpakkhandhaṃ parijānāti, so vedanākkhandhaṃ parijānissatīti ettha yasmā maggaṭṭhapuggalo ekacittakkhaṇiko, tasmā so parijānissatīti saṅkhaṃ na gacchati. Tena vuttaṃ ‘no’ti. Te rūpakkhandhañca naparijānitthāti pucchāsabhāgena vuttaṃ, na parijāniṃsūti panettha attho. Iminā upāyena sabbattha atthavinicchayo veditabboti.
барин̃н̃ааваараван̣н̣анаа.
Pariññāvāravaṇṇanā.
канд̇хаяамагаван̣н̣анаа нидтид̇аа.
Khandhayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 2. канд̇хаяамагам̣ • 2. Khandhayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. канд̇хаяамагам̣ • 2. Khandhayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. канд̇хаяамагам̣ • 2. Khandhayamakaṃ
