| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
10. க²ணிககதா²வண்ணனா
10. Khaṇikakathāvaṇṇanā
906-907. இதா³னி க²ணிககதா² நாம ஹோதி. தத்த² யஸ்மா ஸப்³ப³ஸங்க²தத⁴ம்மா அனிச்சா, தஸ்மா ஏகசித்தக்க²ணிகாயேவ. ஸமானாய ஹி அனிச்சதாய ஏகோ லஹுங் பி⁴ஜ்ஜதி, ஏகோ சிரேனாதி கோ எத்த² நியாமோதி யேஸங் லத்³தி⁴, ஸெய்யதா²பி புப்³ப³ஸேலியாபரஸேலியானங்; தே ஸந்தா⁴ய ஏகசித்தக்க²ணிகாதி புச்சா² ஸகவாதி³ஸ்ஸ, படிஞ்ஞா இதரஸ்ஸ. சித்தே மஹாபத²வீதிஆதீ³ஸு தேஸங் ததா² ஸண்டா²னங் அபஸ்ஸந்தோ படிக்கி²பதி. சக்கா²யதனந்திஆதி³ ‘‘யதி³ ஸப்³பே³ ஏகசித்தக்க²ணிகா ப⁴வெய்யுங், சக்கா²யதனாதீ³னி சக்கு²விஞ்ஞாணாதீ³ஹி ஸத்³தி⁴ங்யேவ உப்பஜ்ஜித்வா நிருஜ்ஜெ²ய்யு’’ந்தி சோத³னத்த²ங் வுத்தங். இதரோ பன அந்தோமாதுகுச்சி²க³தஸ்ஸ விஞ்ஞாணுப்பத்திங் ஸந்தா⁴ய படிக்கி²பதி , பவத்தங் ஸந்தா⁴ய லத்³தி⁴வஸேன படிஜானாதி. ஸேஸமெத்த² உத்தானத்த²மேவாதி. தேன ஹி ஏகசித்தக்க²ணிகாதி யஸ்மா நிச்சா ந ஹொந்தி, தஸ்மா ஏகசித்தக்க²ணிகாதி அத்தனோ ருசியா காரணங் வத³தி. தங் அவுத்தஸதி³ஸமேவாதி.
906-907. Idāni khaṇikakathā nāma hoti. Tattha yasmā sabbasaṅkhatadhammā aniccā, tasmā ekacittakkhaṇikāyeva. Samānāya hi aniccatāya eko lahuṃ bhijjati, eko cirenāti ko ettha niyāmoti yesaṃ laddhi, seyyathāpi pubbaseliyāparaseliyānaṃ; te sandhāya ekacittakkhaṇikāti pucchā sakavādissa, paṭiññā itarassa. Citte mahāpathavītiādīsu tesaṃ tathā saṇṭhānaṃ apassanto paṭikkhipati. Cakkhāyatanantiādi ‘‘yadi sabbe ekacittakkhaṇikā bhaveyyuṃ, cakkhāyatanādīni cakkhuviññāṇādīhi saddhiṃyeva uppajjitvā nirujjheyyu’’nti codanatthaṃ vuttaṃ. Itaro pana antomātukucchigatassa viññāṇuppattiṃ sandhāya paṭikkhipati , pavattaṃ sandhāya laddhivasena paṭijānāti. Sesamettha uttānatthamevāti. Tena hi ekacittakkhaṇikāti yasmā niccā na honti, tasmā ekacittakkhaṇikāti attano ruciyā kāraṇaṃ vadati. Taṃ avuttasadisamevāti.
க²ணிககதா²வண்ணனா.
Khaṇikakathāvaṇṇanā.
பா³வீஸதிமோ வக்³கோ³.
Bāvīsatimo vaggo.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (217) 10. க²ணிககதா² • (217) 10. Khaṇikakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. க²ணிககதா²வண்ணனா • 10. Khaṇikakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. க²ணிககதா²வண்ணனா • 10. Khaṇikakathāvaṇṇanā
