| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
10. க²ணிககதா²வண்ணனா
10. Khaṇikakathāvaṇṇanā
906-907. பத²வியாதி³ரூபேஸூதி அனேககலாபஸமுதா³யபூ⁴தேஸு ஸஸம்பா⁴ரபத²வீஆதி³ரூபேஸு. தத்த² ஹி கேஸுசி புரிமுப்பன்னேஸு டி²தேஸு கேஸஞ்சி தத³ஞ்ஞேஸங் உப்பாதோ³, ததோ புரிமந்தருப்பன்னானங் கேஸஞ்சி நிரோதோ⁴ ஹோதி ஏகேககலாபரூபேஸு ஸமானுப்பாத³னிரோத⁴த்தா தேஸங். ஏவங் பதிட்டா²னந்தி ஏவங் வுத்தப்பகாரேன அஸமானுப்பாத³னிரோதே⁴ன பப³ந்தே⁴ன பதிட்டா²னபவத்தீதி அத்தோ². ஸா பனாயங் யதா²வுத்தா பவத்தி கஸ்மா ரூபஸந்ததியா ஏவாதி ஆஹ ‘‘ந ஹி ரூபான’’ந்திஆதி³. தஸ்ஸத்தோ² – யதி³ ஸப்³பே³ ஸங்க²தத⁴ம்மா ஸமானக்க²ணா, ததா² ஸதி அரூபஸந்ததியா விய ரூபஸந்ததியாபி அனந்தராதி³பச்சயேன விதி⁴னா பவத்தி ஸியா, ந சேதங் அத்தி². யதி³ ஸியா, சித்தக்க²ணே சித்தக்க²ணே பத²வீஆதீ³னங் உப்பாத³னிரோதே⁴ஹி ப⁴விதப்³ப³ந்தி.
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
க²ணிககதா²வண்ணனா நிட்டி²தா.
Khaṇikakathāvaṇṇanā niṭṭhitā.
பா³வீஸதிமவக்³க³வண்ணனா நிட்டி²தா.
Bāvīsatimavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (217) 10. க²ணிககதா² • (217) 10. Khaṇikakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 10. க²ணிககதா²வண்ணனா • 10. Khaṇikakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. க²ணிககதா²வண்ணனா • 10. Khaṇikakathāvaṇṇanā
