| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. кан̣игагат̇ааван̣н̣анаа
10. Khaṇikakathāvaṇṇanā
906-907. ид̣̇аани кан̣игагат̇аа наама ход̇и. д̇ад̇т̇а яасмаа саб̣б̣асан̇кад̇ад̇хаммаа анижжаа, д̇асмаа згажид̇д̇агкан̣игааязва. самаанааяа хи анижжад̇ааяа зго лахум̣ бхиж̇ж̇ад̇и, зго жирзнаад̇и го зд̇т̇а нияаамод̇и язсам̣ лад̣̇д̇хи, сзяяат̇ааби буб̣б̣асзлияаабарасзлияаанам̣; д̇з санд̇хааяа згажид̇д̇агкан̣игаад̇и бужчаа сагаваад̣̇исса, бадин̃н̃аа ид̇арасса. жид̇д̇з махаабат̇авийд̇иаад̣̇ийсу д̇зсам̣ д̇ат̇аа сан̣таанам̣ абассанд̇о бадигкибад̇и. жагкааяад̇ананд̇иаад̣̇и ‘‘яад̣̇и саб̣б̣з згажид̇д̇агкан̣игаа бхавзяяум̣, жагкааяад̇анаад̣̇ийни жагкувин̃н̃аан̣аад̣̇ийхи сад̣̇д̇хим̣язва уббаж̇ж̇ид̇ваа нируж̇жхзяяу’’нд̇и жод̣̇анад̇т̇ам̣ вуд̇д̇ам̣. ид̇аро бана анд̇омаад̇угужчиг̇ад̇асса вин̃н̃аан̣уббад̇д̇им̣ санд̇хааяа бадигкибад̇и , бавад̇д̇ам̣ санд̇хааяа лад̣̇д̇хивасзна бадиж̇аанаад̇и. сзсамзд̇т̇а уд̇д̇аанад̇т̇амзваад̇и. д̇зна хи згажид̇д̇агкан̣игаад̇и яасмаа нижжаа на хонд̇и, д̇асмаа згажид̇д̇агкан̣игаад̇и ад̇д̇ано ружияаа гааран̣ам̣ вад̣̇ад̇и. д̇ам̣ авуд̇д̇асад̣̇исамзваад̇и.
906-907. Idāni khaṇikakathā nāma hoti. Tattha yasmā sabbasaṅkhatadhammā aniccā, tasmā ekacittakkhaṇikāyeva. Samānāya hi aniccatāya eko lahuṃ bhijjati, eko cirenāti ko ettha niyāmoti yesaṃ laddhi, seyyathāpi pubbaseliyāparaseliyānaṃ; te sandhāya ekacittakkhaṇikāti pucchā sakavādissa, paṭiññā itarassa. Citte mahāpathavītiādīsu tesaṃ tathā saṇṭhānaṃ apassanto paṭikkhipati. Cakkhāyatanantiādi ‘‘yadi sabbe ekacittakkhaṇikā bhaveyyuṃ, cakkhāyatanādīni cakkhuviññāṇādīhi saddhiṃyeva uppajjitvā nirujjheyyu’’nti codanatthaṃ vuttaṃ. Itaro pana antomātukucchigatassa viññāṇuppattiṃ sandhāya paṭikkhipati , pavattaṃ sandhāya laddhivasena paṭijānāti. Sesamettha uttānatthamevāti. Tena hi ekacittakkhaṇikāti yasmā niccā na honti, tasmā ekacittakkhaṇikāti attano ruciyā kāraṇaṃ vadati. Taṃ avuttasadisamevāti.
кан̣игагат̇ааван̣н̣анаа.
Khaṇikakathāvaṇṇanā.
б̣аавийсад̇имо ваг̇г̇о.
Bāvīsatimo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (217) 10. кан̣игагат̇аа • (217) 10. Khaṇikakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. кан̣игагат̇ааван̣н̣анаа • 10. Khaṇikakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. кан̣игагат̇ааван̣н̣анаа • 10. Khaṇikakathāvaṇṇanā
