| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
10. ඛණිකකථාවණ්‌ණනා
10. Khaṇikakathāvaṇṇanā
906-907. පථවියාදිරූපෙසූති අනෙකකලාපසමුදායභූතෙසු සසම්‌භාරපථවීආදිරූපෙසු. තත්‌ථ හි කෙසුචි පුරිමුප්‌පන්‌නෙසු ඨිතෙසු කෙසඤ්‌චි තදඤ්‌ඤෙසං උප්‌පාදො, තතො පුරිමන්‌තරුප්‌පන්‌නානං කෙසඤ්‌චි නිරොධො හොති එකෙකකලාපරූපෙසු සමානුප්‌පාදනිරොධත්‌තා තෙසං. එවං පතිට්‌ඨානන්‌ති එවං වුත්‌තප්‌පකාරෙන අසමානුප්‌පාදනිරොධෙන පබන්‌ධෙන පතිට්‌ඨානපවත්‌තීති අත්‌ථො. සා පනායං යථාවුත්‌තා පවත්‌ති කස්‌මා රූපසන්‌තතියා එවාති ආහ ‘‘න හි රූපාන’’න්‌තිආදි. තස්‌සත්‌ථො – යදි සබ්‌බෙ සඞ්‌ඛතධම්‌මා සමානක්‌ඛණා, තථා සති අරූපසන්‌තතියා විය රූපසන්‌තතියාපි අනන්‌තරාදිපච්‌චයෙන විධිනා පවත්‌ති සියා, න චෙතං අත්‌ථි. යදි සියා, චිත්‌තක්‌ඛණෙ චිත්‌තක්‌ඛණෙ පථවීආදීනං උප්‌පාදනිරොධෙහි භවිතබ්‌බන්‌ති.
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
ඛණිකකථාවණ්‌ණනා නිට්‌ඨිතා.
Khaṇikakathāvaṇṇanā niṭṭhitā.
බාවීසතිමවග්‌ගවණ්‌ණනා නිට්‌ඨිතා.
Bāvīsatimavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (217) 10. ඛණිකකථා • (217) 10. Khaṇikakathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 10. ඛණිකකථාවණ්‌ණනා • 10. Khaṇikakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 10. ඛණිකකථාවණ්‌ණනා • 10. Khaṇikakathāvaṇṇanā
