| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৪১. খন্তিঞাণনিদ্দেসো
41. Khantiñāṇaniddeso
৯২. কথং ৰিদিতত্তা পঞ্ঞা খন্তিঞাণং? রূপং অনিচ্চতো ৰিদিতং , রূপং দুক্খতো ৰিদিতং, রূপং অনত্ততো ৰিদিতং। যং যং ৰিদিতং তং তং খমতীতি – ৰিদিতত্তা পঞ্ঞা খন্তিঞাণং। ৰেদনা…পে॰… সঞ্ঞা… সঙ্খারা… ৰিঞ্ঞাণং… চক্খু…পে॰… জরামরণং অনিচ্চতো ৰিদিতং, জরামরণং দুক্খতো ৰিদিতং, জরামরণং অনত্ততো ৰিদিতং। যং যং ৰিদিতং তং তং খমতীতি – ৰিদিতত্তা পঞ্ঞা খন্তিঞাণং। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ৰিদিতত্তা পঞ্ঞা খন্তিঞাণং’’।
92. Kathaṃ viditattā paññā khantiñāṇaṃ? Rūpaṃ aniccato viditaṃ , rūpaṃ dukkhato viditaṃ, rūpaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccato viditaṃ, jarāmaraṇaṃ dukkhato viditaṃ, jarāmaraṇaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘viditattā paññā khantiñāṇaṃ’’.
খন্তিঞাণনিদ্দেসো একচত্তালীসমো।
Khantiñāṇaniddeso ekacattālīsamo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪১-৪২. খন্তিঞাণপরিযোগাহণঞাণনিদ্দেসৰণ্ণনা • 41-42. Khantiñāṇapariyogāhaṇañāṇaniddesavaṇṇanā
