| Library / Tipiṭaka / तिपिटक • Tipiṭaka / पटिसम्भिदामग्गपाळि • Paṭisambhidāmaggapāḷi |
४१. खन्तिञाणनिद्देसो
41. Khantiñāṇaniddeso
९२. कथं विदितत्ता पञ्ञा खन्तिञाणं? रूपं अनिच्चतो विदितं , रूपं दुक्खतो विदितं, रूपं अनत्ततो विदितं। यं यं विदितं तं तं खमतीति – विदितत्ता पञ्ञा खन्तिञाणं। वेदना…पे॰… सञ्ञा… सङ्खारा… विञ्ञाणं… चक्खु…पे॰… जरामरणं अनिच्चतो विदितं, जरामरणं दुक्खतो विदितं, जरामरणं अनत्ततो विदितं। यं यं विदितं तं तं खमतीति – विदितत्ता पञ्ञा खन्तिञाणं। तं ञातट्ठेन ञाणं, पजाननट्ठेन पञ्ञा। तेन वुच्चति – ‘‘विदितत्ता पञ्ञा खन्तिञाणं’’।
92. Kathaṃ viditattā paññā khantiñāṇaṃ? Rūpaṃ aniccato viditaṃ , rūpaṃ dukkhato viditaṃ, rūpaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccato viditaṃ, jarāmaraṇaṃ dukkhato viditaṃ, jarāmaraṇaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘viditattā paññā khantiñāṇaṃ’’.
खन्तिञाणनिद्देसो एकचत्तालीसमो।
Khantiñāṇaniddeso ekacattālīsamo.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पटिसम्भिदामग्ग-अट्ठकथा • Paṭisambhidāmagga-aṭṭhakathā / ४१-४२. खन्तिञाणपरियोगाहणञाणनिद्देसवण्णना • 41-42. Khantiñāṇapariyogāhaṇañāṇaniddesavaṇṇanā
