| Library / Tipiṭaka / తిపిటక • Tipiṭaka / పటిసమ్భిదామగ్గపాళి • Paṭisambhidāmaggapāḷi |
౪౧. ఖన్తిఞాణనిద్దేసో
41. Khantiñāṇaniddeso
౯౨. కథం విదితత్తా పఞ్ఞా ఖన్తిఞాణం? రూపం అనిచ్చతో విదితం , రూపం దుక్ఖతో విదితం, రూపం అనత్తతో విదితం. యం యం విదితం తం తం ఖమతీతి – విదితత్తా పఞ్ఞా ఖన్తిఞాణం. వేదనా…పే॰… సఞ్ఞా… సఙ్ఖారా… విఞ్ఞాణం… చక్ఖు…పే॰… జరామరణం అనిచ్చతో విదితం, జరామరణం దుక్ఖతో విదితం, జరామరణం అనత్తతో విదితం. యం యం విదితం తం తం ఖమతీతి – విదితత్తా పఞ్ఞా ఖన్తిఞాణం. తం ఞాతట్ఠేన ఞాణం, పజాననట్ఠేన పఞ్ఞా. తేన వుచ్చతి – ‘‘విదితత్తా పఞ్ఞా ఖన్తిఞాణం’’.
92. Kathaṃ viditattā paññā khantiñāṇaṃ? Rūpaṃ aniccato viditaṃ , rūpaṃ dukkhato viditaṃ, rūpaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccato viditaṃ, jarāmaraṇaṃ dukkhato viditaṃ, jarāmaraṇaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘viditattā paññā khantiñāṇaṃ’’.
ఖన్తిఞాణనిద్దేసో ఏకచత్తాలీసమో.
Khantiñāṇaniddeso ekacattālīsamo.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / పటిసమ్భిదామగ్గ-అట్ఠకథా • Paṭisambhidāmagga-aṭṭhakathā / ౪౧-౪౨. ఖన్తిఞాణపరియోగాహణఞాణనిద్దేసవణ్ణనా • 41-42. Khantiñāṇapariyogāhaṇañāṇaniddesavaṇṇanā
