| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
41-42. க²ந்திஞாணபரியோகா³ஹணஞாணனித்³தே³ஸவண்ணனா
41-42. Khantiñāṇapariyogāhaṇañāṇaniddesavaṇṇanā
92-93. க²ந்திஞாணபரியோகா³ஹணஞாணனித்³தே³ஸேஸு ரூபங் அனிச்சதோ விதி³தந்தி அனிச்சானுபஸ்ஸனாய அனிச்சந்தி ஞாதங். ரூபங் து³க்க²தோ விதி³தந்தி து³க்கா²னுபஸ்ஸனாய து³க்க²ந்தி ஞாதங். ரூபங் அனத்ததோ விதி³தந்தி அனத்தானுபஸ்ஸனாய அனத்தாதி ஞாதங். யங் யங் விதி³தங், தங் தங் க²மதீதி யங் யங் ரூபங் அனிச்சாதி³தோ விதி³தங், தங் தங் ரூபங் அனிச்சாதி³தோ க²மதி ருச்சதி. ‘‘ரூபங் அனிச்சதோ விதி³தங், யங் யங் விதி³தங், தங் தங் க²மதீ’’தி விஸுங் விஸுஞ்ச கத்வா கேஸுசி பொத்த²கேஸு லிகி²தங். ‘‘வேத³னா ஸஞ்ஞா ஸங்கா²ரா அனிச்சதோ விதி³தா’’திஆதி³னா லிங்க³வசனானி பரிவத்தெத்வா யோஜேதப்³பா³னி. பு²ஸதீதி விபஸ்ஸனாஞாணபு²ஸனேன பு²ஸதி ப²ரதி. பரியோக³ஹதீதி விபஸ்ஸனாஞாணேன பவிஸதி. பரியோகா³ஹதீதிபி பாடோ².
92-93. Khantiñāṇapariyogāhaṇañāṇaniddesesu rūpaṃ aniccato viditanti aniccānupassanāya aniccanti ñātaṃ. Rūpaṃ dukkhato viditanti dukkhānupassanāya dukkhanti ñātaṃ. Rūpaṃ anattato viditanti anattānupassanāya anattāti ñātaṃ. Yaṃ yaṃ viditaṃ, taṃ taṃ khamatīti yaṃ yaṃ rūpaṃ aniccādito viditaṃ, taṃ taṃ rūpaṃ aniccādito khamati ruccati. ‘‘Rūpaṃ aniccato viditaṃ, yaṃ yaṃ viditaṃ, taṃ taṃ khamatī’’ti visuṃ visuñca katvā kesuci potthakesu likhitaṃ. ‘‘Vedanā saññā saṅkhārā aniccato viditā’’tiādinā liṅgavacanāni parivattetvā yojetabbāni. Phusatīti vipassanāñāṇaphusanena phusati pharati. Pariyogahatīti vipassanāñāṇena pavisati. Pariyogāhatītipi pāṭho.
க²ந்திஞாணபரியோகா³ஹணஞாணனித்³தே³ஸவண்ணனா நிட்டி²தா.
Khantiñāṇapariyogāhaṇañāṇaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi
41. க²ந்திஞாணனித்³தே³ஸோ • 41. Khantiñāṇaniddeso
42. பரியோகா³ஹணஞாணனித்³தே³ஸோ • 42. Pariyogāhaṇañāṇaniddeso
