| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā |
༤༡-༤༢. ཁནྟིཉཱཎཔརིཡོགཱཧཎཉཱཎནིདྡེསཝཎྞནཱ
41-42. Khantiñāṇapariyogāhaṇañāṇaniddesavaṇṇanā
༩༢-༩༣. ཁནྟིཉཱཎཔརིཡོགཱཧཎཉཱཎནིདྡེསེསུ རཱུཔཾ ཨནིཙྩཏོ ཝིདིཏནྟི ཨནིཙྩཱནུཔསྶནཱཡ ཨནིཙྩནྟི ཉཱཏཾ། རཱུཔཾ དུཀྑཏོ ཝིདིཏནྟི དུཀྑཱནུཔསྶནཱཡ དུཀྑནྟི ཉཱཏཾ། རཱུཔཾ ཨནཏྟཏོ ཝིདིཏནྟི ཨནཏྟཱནུཔསྶནཱཡ ཨནཏྟཱཏི ཉཱཏཾ། ཡཾ ཡཾ ཝིདིཏཾ, ཏཾ ཏཾ ཁམཏཱིཏི ཡཾ ཡཾ རཱུཔཾ ཨནིཙྩཱདིཏོ ཝིདིཏཾ, ཏཾ ཏཾ རཱུཔཾ ཨནིཙྩཱདིཏོ ཁམཏི རུཙྩཏི། ‘‘རཱུཔཾ ཨནིཙྩཏོ ཝིདིཏཾ, ཡཾ ཡཾ ཝིདིཏཾ, ཏཾ ཏཾ ཁམཏཱི’’ཏི ཝིསུཾ ཝིསུཉྩ ཀཏྭཱ ཀེསུཙི པོཏྠཀེསུ ལིཁིཏཾ། ‘‘ཝེདནཱ སཉྙཱ སངྑཱརཱ ཨནིཙྩཏོ ཝིདིཏཱ’’ཏིཨཱདིནཱ ལིངྒཝཙནཱནི པརིཝཏྟེཏྭཱ ཡོཛེཏབྦཱནི། ཕུསཏཱིཏི ཝིཔསྶནཱཉཱཎཕུསནེན ཕུསཏི ཕརཏི། པརིཡོགཧཏཱིཏི ཝིཔསྶནཱཉཱཎེན པཝིསཏི། པརིཡོགཱཧཏཱིཏིཔི པཱཋོ།
92-93. Khantiñāṇapariyogāhaṇañāṇaniddesesu rūpaṃ aniccato viditanti aniccānupassanāya aniccanti ñātaṃ. Rūpaṃ dukkhato viditanti dukkhānupassanāya dukkhanti ñātaṃ. Rūpaṃ anattato viditanti anattānupassanāya anattāti ñātaṃ. Yaṃ yaṃ viditaṃ, taṃ taṃ khamatīti yaṃ yaṃ rūpaṃ aniccādito viditaṃ, taṃ taṃ rūpaṃ aniccādito khamati ruccati. ‘‘Rūpaṃ aniccato viditaṃ, yaṃ yaṃ viditaṃ, taṃ taṃ khamatī’’ti visuṃ visuñca katvā kesuci potthakesu likhitaṃ. ‘‘Vedanā saññā saṅkhārā aniccato viditā’’tiādinā liṅgavacanāni parivattetvā yojetabbāni. Phusatīti vipassanāñāṇaphusanena phusati pharati. Pariyogahatīti vipassanāñāṇena pavisati. Pariyogāhatītipi pāṭho.
ཁནྟིཉཱཎཔརིཡོགཱཧཎཉཱཎནིདྡེསཝཎྞནཱ ནིཊྛིཏཱ།
Khantiñāṇapariyogāhaṇañāṇaniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / པཊིསམྦྷིདཱམགྒཔཱལི༹ • Paṭisambhidāmaggapāḷi
༤༡. ཁནྟིཉཱཎནིདྡེསོ • 41. Khantiñāṇaniddeso
༤༢. པརིཡོགཱཧཎཉཱཎནིདྡེསོ • 42. Pariyogāhaṇañāṇaniddeso
