| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[225] 5. канд̇иван̣н̣аж̇аад̇агаван̣н̣анаа
[225] 5. Khantivaṇṇajātakavaṇṇanā
ад̇т̇и мз бурисо, д̣̇зваад̇и ид̣̇ам̣ сад̇т̇аа ж̇зд̇аванз вихаранд̇о госаларааж̇аанам̣ аараб̣бха гат̇зси. д̇асса гирзго б̣ахуубагааро амажжо анд̇збурз бад̣̇усси. рааж̇аа ‘‘убагаараго мз’’д̇и н̃ад̇вааби ад̇хиваасзд̇ваа сад̇т̇у аарожзси. сад̇т̇аа ‘‘бораан̣агарааж̇ааноби, махаарааж̇а, звам̣ ад̇хиваасзсум̣язваа’’д̇и вад̇ваа д̇зна яаажид̇о ад̇ийд̇ам̣ аахари.
Atthi me puriso, devāti idaṃ satthā jetavane viharanto kosalarājānaṃ ārabbha kathesi. Tassa kireko bahūpakāro amacco antepure padussi. Rājā ‘‘upakārako me’’ti ñatvāpi adhivāsetvā satthu ārocesi. Satthā ‘‘porāṇakarājānopi, mahārāja, evaṃ adhivāsesuṃyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з зго амажжо д̇асса анд̇збурз бад̣̇усси, амажжассааби сзваго д̇асса г̇зхз бад̣̇усси. со д̇асса абараад̇хам̣ ад̇хиваасзд̇ум̣ асаггонд̇о д̇ам̣ аад̣̇ааяа ран̃н̃о санд̇игам̣ г̇анд̇ваа ‘‘д̣̇зва, зго мз убадтааго саб̣б̣агижжагаараго , со маяхам̣ г̇зхз бад̣̇усси, д̇асса гим̣ гаад̇ум̣ ваддад̇ий’’д̇и бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente eko amacco tassa antepure padussi, amaccassāpi sevako tassa gehe padussi. So tassa aparādhaṃ adhivāsetuṃ asakkonto taṃ ādāya rañño santikaṃ gantvā ‘‘deva, eko me upaṭṭhāko sabbakiccakārako , so mayhaṃ gehe padussi, tassa kiṃ kātuṃ vaṭṭatī’’ti pucchanto paṭhamaṃ gāthamāha –
149.
149.
‘‘ад̇т̇и мз бурисо д̣̇зва, саб̣б̣агижжзсу б̣яаавадо;
‘‘Atthi me puriso deva, sabbakiccesu byāvaṭo;
д̇асса жзгобараад̇хад̇т̇и, д̇ад̇т̇а д̇вам̣ гинд̇и ман̃н̃асий’’д̇и.
Tassa cekoparādhatthi, tattha tvaṃ kinti maññasī’’ti.
д̇ад̇т̇а д̇асса жзгобараад̇хад̇т̇ийд̇и д̇асса жа бурисасса зго абараад̇хо ад̇т̇и. д̇ад̇т̇а д̇вам̣ гинд̇и ман̃н̃асийд̇и д̇ад̇т̇а д̇асса бурисасса абараад̇хз д̇вам̣ ‘‘гим̣ гаад̇аб̣б̣а’’нд̇и ман̃н̃аси, яат̇аа д̇з жид̇д̇ам̣ уббаж̇ж̇ад̇и, д̇ад̣̇ануруубамасса д̣̇ан̣д̣ам̣ бан̣зхийд̇и д̣̇ийбзд̇и.
Tattha tassa cekoparādhatthīti tassa ca purisassa eko aparādho atthi. Tattha tvaṃ kinti maññasīti tattha tassa purisassa aparādhe tvaṃ ‘‘kiṃ kātabba’’nti maññasi, yathā te cittaṃ uppajjati, tadanurūpamassa daṇḍaṃ paṇehīti dīpeti.
д̇ам̣ суд̇ваа рааж̇аа д̣̇уд̇ияам̣ г̇аат̇амааха –
Taṃ sutvā rājā dutiyaṃ gāthamāha –
150.
150.
‘‘амхаагамбад̇т̇и бурисо, зд̣̇исо ид̇ха виж̇ж̇ад̇и;
‘‘Amhākampatthi puriso, ediso idha vijjati;
д̣̇уллабхо ан̇г̇асамбанно, канд̇ирасмаага ружжад̇ий’’д̇и.
Dullabho aṅgasampanno, khantirasmāka ruccatī’’ti.
д̇ассад̇т̇о – амхаагамби рааж̇уунам̣ сад̇ам̣ зд̣̇исо б̣ахуубагааро аг̇аарз д̣̇уссанагабурисо ад̇т̇и, со жа ко ид̇ха виж̇ж̇ад̇и, ид̣̇ааниби ид̇хзва сам̣виж̇ж̇ад̇и, маяам̣ рааж̇ааноби самаанаа д̇асса б̣ахуубагаарад̇ам̣ санд̇хааяа ад̇хиваасзма, д̇уяхам̣ бана аран̃н̃оби сад̇о ад̇хиваасанабхааро ж̇аад̇о. ан̇г̇асамбанно хи саб̣б̣зхи г̇ун̣агодтаасзхи саманнааг̇ад̇о бурисо наама д̣̇уллабхо, д̇зна гааран̣зна асмаагам̣ зваруубзсу таанзсу ад̇хиваасанаканд̇иязва ружжад̇ийд̇и.
Tassattho – amhākampi rājūnaṃ sataṃ ediso bahūpakāro agāre dussanakapuriso atthi, so ca kho idha vijjati, idānipi idheva saṃvijjati, mayaṃ rājānopi samānā tassa bahūpakārataṃ sandhāya adhivāsema, tuyhaṃ pana araññopi sato adhivāsanabhāro jāto. Aṅgasampanno hi sabbehi guṇakoṭṭhāsehi samannāgato puriso nāma dullabho, tena kāraṇena asmākaṃ evarūpesu ṭhānesu adhivāsanakhantiyeva ruccatīti.
амажжо ад̇д̇аанам̣ санд̇хааяа ран̃н̃о вуд̇д̇абхаавам̣ н̃ад̇ваа д̇ад̇о бадтааяа анд̇збурз бад̣̇уссид̇ум̣ на висахи, собисса сзваго ран̃н̃о аарожид̇абхаавам̣ н̃ад̇ваа д̇ад̇о бадтааяа д̇ам̣ гаммам̣ гаад̇ум̣ на висахи.
Amacco attānaṃ sandhāya rañño vuttabhāvaṃ ñatvā tato paṭṭhāya antepure padussituṃ na visahi, sopissa sevako rañño ārocitabhāvaṃ ñatvā tato paṭṭhāya taṃ kammaṃ kātuṃ na visahi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ахамзва б̣аараан̣асирааж̇аа ахоси’’нд̇и. соби амажжо ран̃н̃о сад̇т̇у гат̇ид̇абхаавам̣ н̃ад̇ваа д̇ад̇о бадтааяа д̇ам̣ гаммам̣ гаад̇ум̣ наасагкийд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā ahameva bārāṇasirājā ahosi’’nti. Sopi amacco rañño satthu kathitabhāvaṃ ñatvā tato paṭṭhāya taṃ kammaṃ kātuṃ nāsakkhīti.
канд̇иван̣н̣аж̇аад̇агаван̣н̣анаа бан̃жамаа.
Khantivaṇṇajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 225. канд̇иван̣н̣аж̇аад̇агам̣ • 225. Khantivaṇṇajātakaṃ
