| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[79] 9. карассараж̇аад̇агаван̣н̣анаа
[79] 9. Kharassarajātakavaṇṇanā
яад̇о вилуд̇д̇аа жа хад̇аа жа г̇аавод̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ амажжам̣ аараб̣бха гат̇зси. госаларан̃н̃о гира зго амажжо рааж̇аанам̣ аараад̇хзд̇ваа бажжанд̇аг̇аамз рааж̇аб̣алим̣ лабхид̇ваа жорзхи сад̣̇д̇хим̣ згад̇о худ̇ваа ‘‘ахам̣ мануссз аад̣̇ааяа аран̃н̃ам̣ бависиссаами, д̇умхз г̇аамам̣ вилумбид̇ваа убад̣дхам̣ маяхам̣ д̣̇ад̣̇зяяаат̇аа’’д̇и вад̇ваа баг̇зва мануссз саннибаад̇зд̇ваа аран̃н̃ам̣ г̇анд̇ваа жорзсу ааг̇анд̇ваа г̇аавияо гхаад̇зд̇ваа мам̣сам̣ каад̣̇ид̇ваа г̇аамам̣ вилумбид̇ваа г̇ад̇зсу сааяанхасамаяз махааж̇анабаривуд̇о ааг̇ажчад̇и. д̇асса на жирассзва д̇ам̣ гаммам̣ баагадам̣ ж̇аад̇ам̣. мануссаа ран̃н̃о аарожзсум̣. рааж̇аа д̇ам̣ баггосаабзд̇ваа д̣̇осам̣ бад̇идтаабзд̇ваа суниг̇г̇ахид̇ам̣ ниг̇г̇ахзд̇ваа ан̃н̃ам̣ г̇аамабхож̇агам̣ бзсзд̇ваа ж̇зд̇аванам̣ г̇анд̇ваа бхаг̇авад̇о зд̇амад̇т̇ам̣ аарожзси. бхаг̇аваа ‘‘на, махаарааж̇а, ид̣̇аанзва зса звам̣сийло, буб̣б̣зби звам̣сийлоязваа’’д̇и вад̇ваа д̇зна яаажид̇о ад̇ийд̇ам̣ аахари.
Yato viluttā ca hatā ca gāvoti idaṃ satthā jetavane viharanto aññataraṃ amaccaṃ ārabbha kathesi. Kosalarañño kira eko amacco rājānaṃ ārādhetvā paccantagāme rājabaliṃ labhitvā corehi saddhiṃ ekato hutvā ‘‘ahaṃ manusse ādāya araññaṃ pavisissāmi, tumhe gāmaṃ vilumpitvā upaḍḍhaṃ mayhaṃ dadeyyāthā’’ti vatvā pageva manusse sannipātetvā araññaṃ gantvā coresu āgantvā gāviyo ghātetvā maṃsaṃ khāditvā gāmaṃ vilumpitvā gatesu sāyanhasamaye mahājanaparivuto āgacchati. Tassa na cirasseva taṃ kammaṃ pākaṭaṃ jātaṃ. Manussā rañño ārocesuṃ. Rājā taṃ pakkosāpetvā dosaṃ patiṭṭhāpetvā suniggahitaṃ niggahetvā aññaṃ gāmabhojakaṃ pesetvā jetavanaṃ gantvā bhagavato etamatthaṃ ārocesi. Bhagavā ‘‘na, mahārāja, idāneva esa evaṃsīlo, pubbepi evaṃsīloyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з згасса амажжасса бажжанд̇аг̇аамам̣ ад̣̇ааси. саб̣б̣ам̣ буримасад̣̇исамзва. д̇ад̣̇аа бана б̣од̇хисад̇д̇о ван̣иж̇ж̇ааяа бажжанд̇з вижаранд̇о д̇асмим̣ г̇аамагз ниваасам̣ габбзси. со д̇асмим̣ г̇аамабхож̇агз сааяанхасамаяз махааж̇анабариваарзна бхзрияаа важ̇ж̇амаанааяа ааг̇ажчанд̇з ‘‘аяам̣ д̣̇удтаг̇аамабхож̇аго жорзхи сад̣̇д̇хим̣ згад̇о худ̇ваа г̇аамам̣ вилумбаабзд̇ваа жорзсу балааяид̇ваа адавим̣ бавидтзсу ид̣̇аани убасанд̇уубасанд̇о вияа бхзрияаа важ̇ж̇амаанааяа ааг̇ажчад̇ий’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente ekassa amaccassa paccantagāmaṃ adāsi. Sabbaṃ purimasadisameva. Tadā pana bodhisatto vaṇijjāya paccante vicaranto tasmiṃ gāmake nivāsaṃ kappesi. So tasmiṃ gāmabhojake sāyanhasamaye mahājanaparivārena bheriyā vajjamānāya āgacchante ‘‘ayaṃ duṭṭhagāmabhojako corehi saddhiṃ ekato hutvā gāmaṃ vilumpāpetvā coresu palāyitvā aṭaviṃ paviṭṭhesu idāni upasantūpasanto viya bheriyā vajjamānāya āgacchatī’’ti vatvā imaṃ gāthamāha –
79.
79.
‘‘яад̇о вилуд̇д̇аа жа хад̇аа жа г̇ааво, д̣̇ад̣дхаани г̇зхаани ж̇ано жа нийд̇о;
‘‘Yato viluttā ca hatā ca gāvo, daḍḍhāni gehāni jano ca nīto;
ат̇ааг̇амаа буд̇д̇ахад̇ааяа буд̇д̇о, карассарам̣ д̣ин̣д̣имам̣ ваад̣̇аяанд̇о’’д̇и.
Athāgamā puttahatāya putto, kharassaraṃ ḍiṇḍimaṃ vādayanto’’ti.
д̇ад̇т̇а яад̇од̇и яад̣̇аа. вилуд̇д̇аа жа хад̇аа жаад̇и вилумбид̇ваа б̣анд̇хид̇ваа жа нийд̇аа, мам̣сам̣ каад̣̇анад̇т̇ааяа жа хад̇аа. г̇аавод̇и г̇оруубаани. д̣̇ад̣дхаанийд̇и аг̇г̇им̣ д̣̇ад̇ваа жхаабид̇аани. ж̇ано жа нийд̇од̇и гарамараг̇г̇аахам̣ г̇ахзд̇ваа нийд̇о. буд̇д̇ахад̇ааяа буд̇д̇од̇и хад̇абуд̇д̇ааяа буд̇д̇о, ниллаж̇ж̇од̇и ад̇т̇о. чиннахирод̇д̇аббасса хи маад̇аа наама над̇т̇и, ид̇и со д̇ассаа ж̇ийванд̇оби хад̇абуд̇д̇адтаанз д̇идтад̇ийд̇и хад̇абуд̇д̇ааяа буд̇д̇о наама ход̇и. карассаранд̇и т̇ад̣̇д̇хасад̣̇д̣̇ам̣. д̣ин̣д̣иманд̇и бадахабхзрим̣.
Tattha yatoti yadā. Viluttā ca hatā cāti vilumpitvā bandhitvā ca nītā, maṃsaṃ khādanatthāya ca hatā. Gāvoti gorūpāni. Daḍḍhānīti aggiṃ datvā jhāpitāni. Jano ca nītoti karamaraggāhaṃ gahetvā nīto. Puttahatāya puttoti hataputtāya putto, nillajjoti attho. Chinnahirottappassa hi mātā nāma natthi, iti so tassā jīvantopi hataputtaṭṭhāne tiṭṭhatīti hataputtāya putto nāma hoti. Kharassaranti thaddhasaddaṃ. Ḍiṇḍimanti paṭahabheriṃ.
звам̣ б̣од̇хисад̇д̇о имааяа г̇аат̇ааяа д̇ам̣ барибхааси. на жирзнзва жа д̇асса д̇ам̣ гаммам̣ баагадам̣ ж̇аад̇ам̣, ат̇асса рааж̇аа д̣̇осаануруубам̣ ниг̇г̇ахам̣ агааси.
Evaṃ bodhisatto imāya gāthāya taṃ paribhāsi. Na cireneva ca tassa taṃ kammaṃ pākaṭaṃ jātaṃ, athassa rājā dosānurūpaṃ niggahaṃ akāsi.
сад̇т̇аа ‘‘на, махаарааж̇а, ид̣̇аанзвзса звам̣сийло, буб̣б̣зби звам̣сийлоязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа амажжо ид̣̇аани амажжоязва, г̇аат̇ааяа уд̣̇аахаарагабан̣д̣ид̇амануссо бана ахамзва ахоси’’нд̇и.
Satthā ‘‘na, mahārāja, idānevesa evaṃsīlo, pubbepi evaṃsīloyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā amacco idāni amaccoyeva, gāthāya udāhārakapaṇḍitamanusso pana ahameva ahosi’’nti.
карассараж̇аад̇агаван̣н̣анаа навамаа.
Kharassarajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 79. карассараж̇аад̇агам̣ • 79. Kharassarajātakaṃ
