| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. кад̇асуд̇д̇ам̣
9. Khatasuttaṃ
9. ‘‘д̇ийхи , бхигкавз, д̇хаммзхи саманнааг̇ад̇о б̣аало аб̣яад̇д̇о асаббурисо кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇и. гад̇амзхи д̇ийхи? гааяад̣̇ужжарид̇зна, важийд̣̇ужжарид̇зна, манод̣̇ужжарид̇зна. имзхи ко, бхигкавз, д̇ийхи д̇хаммзхи саманнааг̇ад̇о б̣аало аб̣яад̇д̇о асаббурисо кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇и.
9. ‘‘Tīhi , bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Katamehi tīhi? Kāyaduccaritena, vacīduccaritena, manoduccaritena. Imehi kho, bhikkhave, tīhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati.
‘‘д̇ийхи , бхигкавз, д̇хаммзхи саманнааг̇ад̇о бан̣д̣ид̇о вияад̇д̇о саббурисо агкад̇ам̣ анубахад̇ам̣ ад̇д̇аанам̣ барихарад̇и, анаваж̇ж̇о жа ход̇и анануваж̇ж̇о жа вин̃н̃уунам̣, б̣ахун̃жа бун̃н̃ам̣ басавад̇и. гад̇амзхи д̇ийхи? гааяасужарид̇зна, важийсужарид̇зна, маносужарид̇зна. имзхи ко, бхигкавз, д̇ийхи д̇хаммзхи саманнааг̇ад̇о бан̣д̣ид̇о вияад̇д̇о саббурисо агкад̇ам̣ анубахад̇ам̣ ад̇д̇аанам̣ барихарад̇и, анаваж̇ж̇о жа ход̇и анануваж̇ж̇о жа вин̃н̃уунам̣, б̣ахун̃жа бун̃н̃ам̣ басавад̇ий’’д̇и. навамам̣.
‘‘Tīhi , bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavati. Katamehi tīhi? Kāyasucaritena, vacīsucaritena, manosucaritena. Imehi kho, bhikkhave, tīhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavatī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. кад̇асуд̇д̇аван̣н̣анаа • 9. Khatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-10. аяонисосуд̇д̇аад̣̇иван̣н̣анаа • 5-10. Ayonisosuttādivaṇṇanā
