| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. ཁཏྟིཡསུཏྟཾ
10. Khattiyasuttaṃ
༥༢. ཨཐ ཁོ ཛཱཎུསྶོཎི 1 བྲཱཧྨཎོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏཱ སདྡྷིཾ སམྨོདི། སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཛཱཎུསྶོཎི བྲཱཧྨཎོ བྷགཝནྟཾ ཨེཏདཝོཙ –
52. Atha kho jāṇussoṇi 2 brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jāṇussoṇi brāhmaṇo bhagavantaṃ etadavoca –
‘‘ཁཏྟིཡཱ , བྷོ གོཏམ, ཀིཾཨདྷིཔྤཱཡཱ, ཀིཾཨུཔཝིཙཱརཱ, ཀིཾཨདྷིཊྛཱནཱ, ཀིཾཨབྷིནིཝེསཱ, ཀིཾཔརིཡོསཱནཱ’’ཏི? ‘‘ཁཏྟིཡཱ ཁོ, བྲཱཧྨཎ, བྷོགཱདྷིཔྤཱཡཱ པཉྙཱུཔཝིཙཱརཱ བལཱདྷིཊྛཱནཱ པཐཝཱིབྷིནིཝེསཱ ཨིསྶརིཡཔརིཡོསཱནཱ’’ཏི།
‘‘Khattiyā , bho gotama, kiṃadhippāyā, kiṃupavicārā, kiṃadhiṭṭhānā, kiṃabhinivesā, kiṃpariyosānā’’ti? ‘‘Khattiyā kho, brāhmaṇa, bhogādhippāyā paññūpavicārā balādhiṭṭhānā pathavībhinivesā issariyapariyosānā’’ti.
‘‘བྲཱཧྨཎཱ པན, བྷོ གོཏམ, ཀིཾཨདྷིཔྤཱཡཱ, ཀིཾཨུཔཝིཙཱརཱ, ཀིཾཨདྷིཊྛཱནཱ, ཀིཾཨབྷིནིཝེསཱ, ཀིཾཔརིཡོསཱནཱ’’ཏི? ‘‘བྲཱཧྨཎཱ ཁོ, བྲཱཧྨཎ, བྷོགཱདྷིཔྤཱཡཱ པཉྙཱུཔཝིཙཱརཱ མནྟཱདྷིཊྛཱནཱ ཡཉྙཱབྷིནིཝེསཱ བྲཧྨལོཀཔརིཡོསཱནཱ’’ཏི།
‘‘Brāhmaṇā pana, bho gotama, kiṃadhippāyā, kiṃupavicārā, kiṃadhiṭṭhānā, kiṃabhinivesā, kiṃpariyosānā’’ti? ‘‘Brāhmaṇā kho, brāhmaṇa, bhogādhippāyā paññūpavicārā mantādhiṭṭhānā yaññābhinivesā brahmalokapariyosānā’’ti.
‘‘གཧཔཏིཀཱ པན, བྷོ གོཏམ, ཀིཾཨདྷིཔྤཱཡཱ, ཀིཾཨུཔཝིཙཱརཱ, ཀིཾཨདྷིཊྛཱནཱ, ཀིཾཨབྷིནིཝེསཱ, ཀིཾཔརིཡོསཱནཱ’’ཏི? ‘‘གཧཔཏིཀཱ ཁོ, བྲཱཧྨཎ, བྷོགཱདྷིཔྤཱཡཱ པཉྙཱུཔཝིཙཱརཱ སིཔྤཱདྷིཊྛཱནཱ ཀམྨནྟཱབྷིནིཝེསཱ ནིཊྛིཏཀམྨནྟཔརིཡོསཱནཱ’’ཏི།
‘‘Gahapatikā pana, bho gotama, kiṃadhippāyā, kiṃupavicārā, kiṃadhiṭṭhānā, kiṃabhinivesā, kiṃpariyosānā’’ti? ‘‘Gahapatikā kho, brāhmaṇa, bhogādhippāyā paññūpavicārā sippādhiṭṭhānā kammantābhinivesā niṭṭhitakammantapariyosānā’’ti.
‘‘ཨིཏྠཱི པན, བྷོ གོཏམ, ཀིཾཨདྷིཔྤཱཡཱ, ཀིཾཨུཔཝིཙཱརཱ, ཀིཾཨདྷིཊྛཱནཱ, ཀིཾཨབྷིནིཝེསཱ, ཀིཾཔརིཡོསཱནཱ’’ཏི? ‘‘ཨིཏྠཱི ཁོ, བྲཱཧྨཎ, པུརིསཱདྷིཔྤཱཡཱ ཨལངྐཱརཱུཔཝིཙཱརཱ པུཏྟཱདྷིཊྛཱནཱ ཨསཔཏཱིབྷིནིཝེསཱ ཨིསྶརིཡཔརིཡོསཱནཱ’’ཏི།
‘‘Itthī pana, bho gotama, kiṃadhippāyā, kiṃupavicārā, kiṃadhiṭṭhānā, kiṃabhinivesā, kiṃpariyosānā’’ti? ‘‘Itthī kho, brāhmaṇa, purisādhippāyā alaṅkārūpavicārā puttādhiṭṭhānā asapatībhinivesā issariyapariyosānā’’ti.
‘‘ཙོརཱ པན, བྷོ གོཏམ, ཀིཾཨདྷིཔྤཱཡཱ, ཀིཾཨུཔཝིཙཱརཱ, ཀིཾཨདྷིཊྛཱནཱ, ཀིཾཨབྷིནིཝེསཱ, ཀིཾཔརིཡོསཱནཱ’’ཏི? ‘‘ཙོརཱ ཁོ, བྲཱཧྨཎ, ཨཱདཱནཱདྷིཔྤཱཡཱ གཧནཱུཔཝིཙཱརཱ སཏྠཱདྷིཊྛཱནཱ ཨནྡྷཀཱརཱབྷིནིཝེསཱ ཨདསྶནཔརིཡོསཱནཱ’’ཏི།
‘‘Corā pana, bho gotama, kiṃadhippāyā, kiṃupavicārā, kiṃadhiṭṭhānā, kiṃabhinivesā, kiṃpariyosānā’’ti? ‘‘Corā kho, brāhmaṇa, ādānādhippāyā gahanūpavicārā satthādhiṭṭhānā andhakārābhinivesā adassanapariyosānā’’ti.
‘‘སམཎཱ པན, བྷོ གོཏམ, ཀིཾཨདྷིཔྤཱཡཱ, ཀིཾཨུཔཝིཙཱརཱ, ཀིཾཨདྷིཊྛཱནཱ, ཀིཾཨབྷིནིཝེསཱ, ཀིཾཔརིཡོསཱནཱ’’ཏི? ‘‘སམཎཱ ཁོ, བྲཱཧྨཎ, ཁནྟིསོརཙྩཱདྷིཔྤཱཡཱ པཉྙཱུཔཝིཙཱརཱ སཱིལཱདྷིཊྛཱནཱ ཨཱཀིཉྩཉྙཱབྷིནིཝེསཱ 3 ནིབྦཱནཔརིཡོསཱནཱ’’ཏི།
‘‘Samaṇā pana, bho gotama, kiṃadhippāyā, kiṃupavicārā, kiṃadhiṭṭhānā, kiṃabhinivesā, kiṃpariyosānā’’ti? ‘‘Samaṇā kho, brāhmaṇa, khantisoraccādhippāyā paññūpavicārā sīlādhiṭṭhānā ākiñcaññābhinivesā 4 nibbānapariyosānā’’ti.
‘‘ཨཙྪརིཡཾ, བྷོ གོཏམ, ཨབྦྷུཏཾ, བྷོ གོཏམ! ཁཏྟིཡཱནམྤི བྷཝཾ གོཏམོ ཛཱནཱཏི ཨདྷིཔྤཱཡཉྩ ཨུཔཝིཙཱརཉྩ ཨདྷིཊྛཱནཉྩ ཨབྷིནིཝེསཉྩ པརིཡོསཱནཉྩ། བྲཱཧྨཎཱནམྤི བྷཝཾ གོཏམོ ཛཱནཱཏི…པེ॰… གཧཔཏཱིནམྤི བྷཝཾ གོཏམོ ཛཱནཱཏི… ཨིཏྠཱིནམྤི བྷཝཾ གོཏམོ ཛཱནཱཏི… ཙོརཱནམྤི བྷཝཾ གོཏམོ ཛཱནཱཏི … སམཎཱནམྤི བྷཝཾ གོཏམོ ཛཱནཱཏི ཨདྷིཔྤཱཡཉྩ ཨུཔཝིཙཱརཉྩ ཨདྷིཊྛཱནཉྩ ཨབྷིནིཝེསཉྩ པརིཡོསཱནཉྩ། ཨབྷིཀྐནྟཾ, བྷོ གོཏམ…པེ॰… ཨུཔཱསཀཾ མཾ བྷཝཾ གོཏམོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏ’’ནྟི། དསམཾ།
‘‘Acchariyaṃ, bho gotama, abbhutaṃ, bho gotama! Khattiyānampi bhavaṃ gotamo jānāti adhippāyañca upavicārañca adhiṭṭhānañca abhinivesañca pariyosānañca. Brāhmaṇānampi bhavaṃ gotamo jānāti…pe… gahapatīnampi bhavaṃ gotamo jānāti… itthīnampi bhavaṃ gotamo jānāti… corānampi bhavaṃ gotamo jānāti … samaṇānampi bhavaṃ gotamo jānāti adhippāyañca upavicārañca adhiṭṭhānañca abhinivesañca pariyosānañca. Abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Dasamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. ཁཏྟིཡསུཏྟཝཎྞནཱ • 10. Khattiyasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༠. ཁཏྟིཡསུཏྟཝཎྞནཱ • 10. Khattiyasuttavaṇṇanā
