| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. кад̇д̇ияасуд̇д̇аван̣н̣анаа
10. Khattiyasuttavaṇṇanā
52. д̣̇асамз бхог̇аад̇хиббааяаад̇и бхог̇асам̣харан̣ад̇т̇ам̣ табид̇аад̇хиббааяаа бавад̇д̇ааж̇жхаасаяаа. бан̃н̃уубавижаараад̇и бан̃н̃аванд̇о бхавзяяаамаад̇и звам̣ бан̃н̃ад̇т̇ааяа бавад̇д̇уубавижаараа. аяамзва нзсам̣ вижааро жид̇д̇з убавижарад̇и. б̣алаад̇хидтаанаад̇и б̣алагааяаад̇хидтаанаа. б̣алагааяан̃хи лад̣̇д̇хаа д̇з лад̣̇д̇хабад̇идтаа наама хонд̇и. бат̇авибхинивзсаад̇и бат̇ависаамино бхависсаамаад̇и звам̣ бат̇авиад̇т̇ааяа гад̇ажид̇д̇аабхинивзсаа. иссарияабарияосаанаад̇и раж̇ж̇аабхисзгабарияосаанаа. абхисзган̃хи бад̇ваа д̇з барияосаанаббад̇д̇аа наама хонд̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о.
52. Dasame bhogādhippāyāti bhogasaṃharaṇatthaṃ ṭhapitādhippāyā pavattaajjhāsayā. Paññūpavicārāti paññavanto bhaveyyāmāti evaṃ paññatthāya pavattūpavicārā. Ayameva nesaṃ vicāro citte upavicarati. Balādhiṭṭhānāti balakāyādhiṭṭhānā. Balakāyañhi laddhā te laddhapatiṭṭhā nāma honti. Pathavibhinivesāti pathavisāmino bhavissāmāti evaṃ pathaviatthāya katacittābhinivesā. Issariyapariyosānāti rajjābhisekapariyosānā. Abhisekañhi patvā te pariyosānappattā nāma honti. Iminā nayena sabbattha attho veditabbo.
сзсабад̣̇зсу банзд̇т̇а аяамад̇хиббааяо – б̣раахман̣аа д̇аава манд̇з лабхид̇ваа лад̣̇д̇хабад̇идтаа наама хонд̇и, г̇ахабад̇игаа яам̣гин̃жи сиббам̣, ид̇т̇ий гулад̣̇ааяаж̇ж̇асаамигам̣ буд̇д̇ам̣, жораа яам̣гин̃жи аавуд̇хасад̇т̇ам̣ , саман̣аа сийлабарибун̣н̣аа лад̣̇д̇хабад̇идтаа наама хонд̇и. д̇асмаа манд̇аад̇хидтаанаад̇иаад̣̇ийни вуд̇д̇аани.
Sesapadesu panettha ayamadhippāyo – brāhmaṇā tāva mante labhitvā laddhapatiṭṭhā nāma honti, gahapatikā yaṃkiñci sippaṃ, itthī kuladāyajjasāmikaṃ puttaṃ, corā yaṃkiñci āvudhasatthaṃ , samaṇā sīlaparipuṇṇā laddhapatiṭṭhā nāma honti. Tasmā mantādhiṭṭhānātiādīni vuttāni.
б̣раахман̣аанан̃жа ‘‘яан̃н̃ам̣ яаж̇иссаамаа’’д̇и жид̇д̇ам̣ абхинивисад̇и, б̣рахмалогз бад̇д̇з барияосаанаббад̇д̇аа наама хонд̇и. д̇асмаа д̇з яан̃н̃аабхинивзсаа б̣рахмалогабарияосаанаад̇и вуд̇д̇аа. гамманд̇агаран̣ад̇т̇ааяа мано зд̇зсам̣ абхинивисад̇ийд̇и гамманд̇аабхинивзсаа. гаммз нидтид̇з барияосаанаббад̇д̇аа наама хонд̇ийд̇и нидтид̇агамманд̇абарияосаанаа.
Brāhmaṇānañca ‘‘yaññaṃ yajissāmā’’ti cittaṃ abhinivisati, brahmaloke patte pariyosānappattā nāma honti. Tasmā te yaññābhinivesā brahmalokapariyosānāti vuttā. Kammantakaraṇatthāya mano etesaṃ abhinivisatīti kammantābhinivesā. Kamme niṭṭhite pariyosānappattā nāma hontīti niṭṭhitakammantapariyosānā.
бурисаад̇хиббааяаад̇и бурисзсу бавад̇д̇ааж̇жхаасаяаа. алан̇гаарад̇т̇ааяа мано убавижарад̇и зд̇иссаад̇и алан̇гааруубавижаараа. асабад̇д̇ий худ̇ваа згигаава гхарз васзяяанд̇и звамассаа жид̇д̇ам̣ абхинивисад̇ийд̇и асабад̇д̇ийбхинивзсаа. гхарааваасиссарияз лад̣̇д̇хз барияосаанаббад̇д̇аа наама хонд̇ийд̇и иссарияабарияосаанаа.
Purisādhippāyāti purisesu pavattaajjhāsayā. Alaṅkāratthāya mano upavicarati etissāti alaṅkārūpavicārā. Asapattī hutvā ekikāva ghare vaseyyanti evamassā cittaṃ abhinivisatīti asapattībhinivesā. Gharāvāsissariye laddhe pariyosānappattā nāma hontīti issariyapariyosānā.
барабхан̣д̣асса аад̣̇аанз ад̇хиббааяо зд̇зсанд̇и аад̣̇аанаад̇хиббааяаа. г̇аханз нилийяанадтаанз зд̇зсам̣ мано убавижарад̇ийд̇и г̇ахануубавижаараа. анд̇хагаарад̇т̇ааяа зд̇зсам̣ жид̇д̇ам̣ абхинивисад̇ийд̇и анд̇хагаараабхинивзсаа. ад̣̇ассанаббад̇д̇аа барияосаанаббад̇д̇аа хонд̇ийд̇и ад̣̇ассанабарияосаанаа.
Parabhaṇḍassa ādāne adhippāyo etesanti ādānādhippāyā. Gahane nilīyanaṭṭhāne etesaṃ mano upavicaratīti gahanūpavicārā. Andhakāratthāya etesaṃ cittaṃ abhinivisatīti andhakārābhinivesā. Adassanappattā pariyosānappattā hontīti adassanapariyosānā.
ад̇хиваасанагканд̇ияан̃жа сужибхаавасийлз жа ад̇хиббааяо зд̇зсанд̇и канд̇исоражжаад̇хиббааяаа. агин̃жанабхаавз ниг̇г̇ахан̣абхаавз жид̇д̇ам̣ зд̇зсам̣ абхинивисад̇ийд̇и аагин̃жан̃н̃аабхинивзсаа. ниб̣б̣аанаббад̇д̇аа барияосаанаббад̇д̇аа хонд̇ийд̇и ниб̣б̣аанабарияосаанаа.
Adhivāsanakkhantiyañca sucibhāvasīle ca adhippāyo etesanti khantisoraccādhippāyā. Akiñcanabhāve niggahaṇabhāve cittaṃ etesaṃ abhinivisatīti ākiñcaññābhinivesā. Nibbānappattā pariyosānappattā hontīti nibbānapariyosānā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. кад̇д̇ияасуд̇д̇ам̣ • 10. Khattiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. кад̇д̇ияасуд̇д̇аван̣н̣анаа • 10. Khattiyasuttavaṇṇanā
