| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. кад̇д̇ияасуд̇д̇аван̣н̣анаа
4. Khattiyasuttavaṇṇanā
14. жад̇уд̇т̇з кад̇д̇ияо д̣̇вибад̣̇анд̇и д̣̇вибад̣̇аанам̣ рааж̇аа сздто. гомаарийд̇и гумааригаалз г̇ахид̇аа. аяам̣ сзсабхарияаанам̣ сздтаад̇и вад̣̇ад̇и. буб̣б̣аж̇од̇и батамам̣ ж̇аад̇о гаан̣о вааби ход̇у гун̣иаад̣̇ийнам̣ ваа ан̃н̃ад̇аро, яо батамам̣ ж̇аад̇о, аяамзва буд̇д̇о имиссаа д̣̇звад̇ааяа ваад̣̇з сздто наама ход̇и. яасмаа бана д̣̇вибад̣̇аад̣̇ийнам̣ б̣уд̣̇д̇хаад̣̇аяо сздтаа, д̇асмаа бхаг̇аваа бадиг̇аат̇ам̣ ааха. д̇ад̇т̇а гин̃жааби бхаг̇аваа саб̣б̣зсам̣язва абад̣̇аад̣̇ибхзд̣̇аанам̣ сад̇д̇аанам̣ сздто, уббаж̇ж̇амаано банзса саб̣б̣асад̇д̇асздто д̣̇вибад̣̇зсуязва уббаж̇ж̇ад̇и, д̇асмаа самб̣уд̣̇д̇хо д̣̇вибад̣̇ам̣ сздтод̇и ааха. д̣̇вибад̣̇зсу уббаннасса жасса саб̣б̣асад̇д̇асздтабхааво аббадихад̇ова ход̇и. ааж̇аанийяод̇и хад̇т̇ий ваа ход̇у ассаад̣̇ийсу ан̃н̃ад̇аро ваа, яо гааран̣ам̣ ж̇аанаад̇и, аяам̣ ааж̇аанийяова жад̇уббад̣̇аанам̣ сздтод̇и ад̇т̇о. гуудаган̣н̣аран̃н̃о г̇ул̣аван̣н̣аассо вияа. рааж̇аа гира баажийнад̣̇ваарзна нигкамид̇ваа жзд̇ияабаб̣б̣ад̇ам̣ г̇амиссаамийд̇и галамб̣анад̣̇ийд̇ийрам̣ самбад̇д̇о, ассо д̇ийрз тад̇ваа уд̣̇агам̣ од̇арид̇ум̣ на ижчад̇и , рааж̇аа ассаажарияам̣ ааманд̇зд̇ваа, ‘‘ахо вад̇а д̇аяаа ассо сигкаабид̇о уд̣̇агам̣ од̇арид̇ум̣ на ижчад̇ий’’д̇и ааха. аажарияо ‘‘сусигкаабид̇о д̣̇зва ассо, зд̇асса хи жид̇д̇ам̣ – ‘сажаахам̣ уд̣̇агам̣ од̇ариссаами, ваалам̣ д̇змиссад̇и, ваалз д̇инд̇з ран̃н̃о ан̇г̇з уд̣̇агам̣ баад̇зяяаа’д̇и, звам̣ д̇умхаагам̣ сарийрз уд̣̇агабаад̇анабхаязна на од̇арад̇и, ваалам̣ г̇ан̣хаабзт̇аа’’д̇и ааха. рааж̇аа д̇ат̇аа гаарзси. ассо взг̇зна од̇арид̇ваа баарам̣ г̇ад̇о. суссуусаад̇и суссуусамаанаа. гумааригаалз ваа г̇ахид̇аа ход̇у бажчаа ваа, суруубаа ваа вируубаа ваа, яаа саамигам̣ суссуусад̇и барижарад̇и д̇осзд̇и, саа бхарияаанам̣ сздтаа. ассавод̇и аасун̣амаано. ж̇здто ваа хи ход̇у ганидто ваа, яо маад̇аабид̇уунам̣ важанам̣ сун̣аад̇и, самбадижчад̇и, оваад̣̇абадигаро ход̇и, аяам̣ буд̇д̇аанам̣ сздто, ан̃н̃зхи санд̇хижчзд̣̇агаад̣̇ижорзхи буд̇д̇зхи го ад̇т̇о д̣̇звад̇зд̇и.
14. Catutthe khattiyo dvipadanti dvipadānaṃ rājā seṭṭho. Komārīti kumārikāle gahitā. Ayaṃ sesabhariyānaṃ seṭṭhāti vadati. Pubbajoti paṭhamaṃ jāto kāṇo vāpi hotu kuṇiādīnaṃ vā aññataro, yo paṭhamaṃ jāto, ayameva putto imissā devatāya vāde seṭṭho nāma hoti. Yasmā pana dvipadādīnaṃ buddhādayo seṭṭhā, tasmā bhagavā paṭigāthaṃ āha. Tattha kiñcāpi bhagavā sabbesaṃyeva apadādibhedānaṃ sattānaṃ seṭṭho, uppajjamāno panesa sabbasattaseṭṭho dvipadesuyeva uppajjati, tasmā sambuddho dvipadaṃ seṭṭhoti āha. Dvipadesu uppannassa cassa sabbasattaseṭṭhabhāvo appaṭihatova hoti. Ājānīyoti hatthī vā hotu assādīsu aññataro vā, yo kāraṇaṃ jānāti, ayaṃ ājānīyova catuppadānaṃ seṭṭhoti attho. Kūṭakaṇṇarañño guḷavaṇṇaasso viya. Rājā kira pācīnadvārena nikkhamitvā cetiyapabbataṃ gamissāmīti kalambanadītīraṃ sampatto, asso tīre ṭhatvā udakaṃ otarituṃ na icchati , rājā assācariyaṃ āmantetvā, ‘‘aho vata tayā asso sikkhāpito udakaṃ otarituṃ na icchatī’’ti āha. Ācariyo ‘‘susikkhāpito deva asso, etassa hi cittaṃ – ‘sacāhaṃ udakaṃ otarissāmi, vālaṃ temissati, vāle tinte rañño aṅge udakaṃ pāteyyā’ti, evaṃ tumhākaṃ sarīre udakapātanabhayena na otarati, vālaṃ gaṇhāpethā’’ti āha. Rājā tathā kāresi. Asso vegena otaritvā pāraṃ gato. Sussūsāti sussūsamānā. Kumārikāle vā gahitā hotu pacchā vā, surūpā vā virūpā vā, yā sāmikaṃ sussūsati paricarati toseti, sā bhariyānaṃ seṭṭhā. Assavoti āsuṇamāno. Jeṭṭho vā hi hotu kaniṭṭho vā, yo mātāpitūnaṃ vacanaṃ suṇāti, sampaṭicchati, ovādapaṭikaro hoti, ayaṃ puttānaṃ seṭṭho, aññehi sandhicchedakādicorehi puttehi ko attho devateti.
кад̇д̇ияасуд̇д̇аван̣н̣анаа нидтид̇аа.
Khattiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. кад̇д̇ияасуд̇д̇ам̣ • 4. Khattiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. кад̇д̇ияасуд̇д̇аван̣н̣анаа • 4. Khattiyasuttavaṇṇanā
