| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਖਤ੍ਤਿਯਸੁਤ੍ਤવਣ੍ਣਨਾ
4. Khattiyasuttavaṇṇanā
੧੪. ਖੇਤ੍ਤਤੋ વਿવਾਦਾ ਸਤ੍ਤੇ ਤਾਯਤੀਤਿ ਖਤ੍ਤਿਯੋ। વਦਤਿ ਦੇવਤਾ ਅਤ੍ਤਨੋ ਅਜ੍ਝਾਸਯવਸੇਨ। ਦ੍વਿਪਦਾਦੀਨਨ੍ਤਿ ਆਦਿ-ਸਦ੍ਦੇਨ ਚਤੁਪ੍ਪਦਭਰਿਯਪੁਤ੍ਤਾ ਗਹਿਤਾ। ਬੁਦ੍ਧਾਦਯੋਤਿ ਆਦਿ-ਸਦ੍ਦੇਨ ਆਜਾਨੀਯਸੁਸ੍ਸੂਸਭਰਿਯਸ੍ਸવਪੁਤ੍ਤਾ। ਦ੍વਿਪਦਾਨਂ ਸੇਟ੍ਠੋਤਿ ਏਤ੍ਥ ਦ੍વਿਪਦਾਨਂ ਏવ ਸੇਟ੍ਠੋਤਿ ਨਾਯਂ ਨਿਯਮੋ ਇਚ੍ਛਿਤੋ, ਸੇਟ੍ਠੋ ਏવਾਤਿ ਪਨ ਇਚ੍ਛਿਤੋ, ਤਸ੍ਮਾ ਸਮ੍ਬੁਦ੍ਧੋ ਦ੍વਿਪਦੇਸੁ ਅਞ੍ਞੇਸੁ ਤਤ੍ਥ ਚ ਉਪ੍ਪਜ੍ਜਨਤੋ ਸੇਟ੍ਠੋ ਏવ ਸਬ੍ਬੇਸਮ੍ਪਿ ਉਤ੍ਤਰਿਤਰਸ੍ਸ ਅਭਾવਤੋਤਿ ਅਯਮੇਤ੍ਥ ਅਤ੍ਥੋ। ਤੇਨਾਹ ‘‘ਉਪ੍ਪਜ੍ਜਮਾਨੋ ਪਨੇਸਾ’’ਤਿਆਦਿ। ਕਾਰਣਾਕਾਰਣਂ ਆਜਾਨਾਤੀਤਿ ਆਜਾਨੀਯੋ। ਗਣ੍ਹਾਪੇਥਾਤਿ ਯਥਾ ਉਦਕੋ ਨ ਤੇਮਿਸ੍ਸਤਿ, ਏવਂ વਾਲ਼ਂ ਗਣ੍ਹਾਪੇਥ। ‘‘ਅਸੁਸ੍ਸੂਸਾ’’ਤਿ ਕੇਚਿ ਪਠਨ੍ਤਿ। ਆਸੁਣਮਾਨੋਤਿ ਸਪ੍ਪਟਿਸ੍ਸવੋ ਹੁਤ੍વਾ વਚਨਸਮ੍ਪਟਿਚ੍ਛਕੋ।
14. Khettato vivādā satte tāyatīti khattiyo. Vadati devatā attano ajjhāsayavasena. Dvipadādīnanti ādi-saddena catuppadabhariyaputtā gahitā. Buddhādayoti ādi-saddena ājānīyasussūsabhariyassavaputtā. Dvipadānaṃ seṭṭhoti ettha dvipadānaṃ eva seṭṭhoti nāyaṃ niyamo icchito, seṭṭho evāti pana icchito, tasmā sambuddho dvipadesu aññesu tattha ca uppajjanato seṭṭho eva sabbesampi uttaritarassa abhāvatoti ayamettha attho. Tenāha ‘‘uppajjamāno panesā’’tiādi. Kāraṇākāraṇaṃ ājānātīti ājānīyo. Gaṇhāpethāti yathā udako na temissati, evaṃ vāḷaṃ gaṇhāpetha. ‘‘Asussūsā’’ti keci paṭhanti. Āsuṇamānoti sappaṭissavo hutvā vacanasampaṭicchako.
ਖਤ੍ਤਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Khattiyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਖਤ੍ਤਿਯਸੁਤ੍ਤਂ • 4. Khattiyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਖਤ੍ਤਿਯਸੁਤ੍ਤવਣ੍ਣਨਾ • 4. Khattiyasuttavaṇṇanā
