| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. кзмагасуд̇д̇аван̣н̣анаа
7. Khemakasuttavaṇṇanā
89. сад̇д̇амз ад̇д̇анияанд̇и ад̇д̇ано баригкаараж̇аад̇ам̣. асмийд̇и ад̇хиг̇ад̇анд̇и асмийд̇и звам̣ бавад̇д̇аа д̇ан̣хаамаанаа ад̇хиг̇ад̇аа. санд̇хааванигааяаад̇и бунаббунам̣ г̇аманааг̇аманзна. убасан̇гамийд̇и б̣ад̣̇аригаараамад̇о г̇аавуд̇амад̇д̇ам̣ гхосид̇аараамам̣ аг̇амааси. д̣̇аасагад̇т̇зро бана жад̇угкад̇д̇ум̣ г̇аманааг̇аманзна д̇ам̣д̣̇ивасам̣ д̣̇вияож̇анам̣ ад̣̇д̇хаанам̣ аахин̣д̣и. гасмаа бана д̇ам̣ т̇зраа бахин̣им̣су? виссуд̇асса д̇хаммагат̇игасса санд̇игаа д̇хаммам̣ сун̣иссаамаад̇и. саяам̣ гасмаа на г̇ад̇аад̇и? т̇зрасса васанадтаанам̣ аран̃н̃ам̣ самб̣аад̇хам̣, д̇ад̇т̇а садтимад̇д̇аанам̣ т̇зраанам̣ таад̇ум̣ ваа нисийд̣̇ид̇ум̣ ваа огаасо над̇т̇ийд̇и на г̇ад̇аа. ‘‘ид̇хааг̇анд̇ваа амхаагам̣ д̇хаммам̣ гат̇зд̇уу’’д̇иби гасмаа бана на бахин̣им̣сууд̇и? т̇зрасса ааб̣аад̇хигад̇д̇аа. ат̇а гасмаа бунаббунам̣ бахин̣им̣сууд̇и? саяамзва н̃ад̇ваа амхаагам̣ гат̇зд̇ум̣ ааг̇амиссад̇ийд̇и. т̇зроби д̇зсам̣ аж̇жхаасаяам̣ н̃ад̇ваава аг̇амаасийд̇и.
89. Sattame attaniyanti attano parikkhārajātaṃ. Asmīti adhigatanti asmīti evaṃ pavattā taṇhāmānā adhigatā. Sandhāvanikāyāti punappunaṃ gamanāgamanena. Upasaṅkamīti badarikārāmato gāvutamattaṃ ghositārāmaṃ agamāsi. Dāsakatthero pana catukkhattuṃ gamanāgamanena taṃdivasaṃ dviyojanaṃ addhānaṃ āhiṇḍi. Kasmā pana taṃ therā pahiṇiṃsu? Vissutassa dhammakathikassa santikā dhammaṃ suṇissāmāti. Sayaṃ kasmā na gatāti? Therassa vasanaṭṭhānaṃ araññaṃ sambādhaṃ, tattha saṭṭhimattānaṃ therānaṃ ṭhātuṃ vā nisīdituṃ vā okāso natthīti na gatā. ‘‘Idhāgantvā amhākaṃ dhammaṃ kathetū’’tipi kasmā pana na pahiṇiṃsūti? Therassa ābādhikattā. Atha kasmā punappunaṃ pahiṇiṃsūti? Sayameva ñatvā amhākaṃ kathetuṃ āgamissatīti. Theropi tesaṃ ajjhāsayaṃ ñatvāva agamāsīti.
на кваахам̣, аавусо, руубанд̇и яо хи руубамзва асмийд̇и вад̣̇ад̇и, д̇зна ид̇арз жад̇д̇ааро канд̇хаа бажжагкаад̇аа хонд̇и. яо ан̃н̃ад̇ра руубаа вад̣̇ад̇и, д̇зна руубам̣ бажжагкаад̇ам̣ ход̇и. взд̣̇анаад̣̇ийсуби зсзва наяо. т̇зрасса бана самуухад̇о бан̃жасуби канд̇хзсу асмийд̇и ад̇хиг̇ад̇о, д̇асмаа звамааха. ход̇зваад̇и ход̇иязва. анусахаг̇ад̇од̇и сукумо. уусзд̇и чааригаакаарз. каарзд̇и уусакаарз. саммад̣̇д̣̇ид̇ваад̇и д̇змзд̇ваа каад̣̇зд̇ваа.
Na khvāhaṃ, āvuso, rūpanti yo hi rūpameva asmīti vadati, tena itare cattāro khandhā paccakkhātā honti. Yo aññatra rūpā vadati, tena rūpaṃ paccakkhātaṃ hoti. Vedanādīsupi eseva nayo. Therassa pana samūhato pañcasupi khandhesu asmīti adhigato, tasmā evamāha. Hotevāti hotiyeva. Anusahagatoti sukhumo. Ūseti chārikākhāre. Khāreti ūsakhāre. Sammadditvāti temetvā khādetvā.
звамзва код̇и зд̇т̇а ид̣̇ам̣ обаммасам̣санд̣̇анам̣ – гилидтавад̇т̇ам̣ вияа хи бут̇уж̇ж̇анасса жид̇д̇аажааро, д̇аяо каараа вияа д̇иссо анубассанаа, д̇ийхи каарзхи д̇ход̇авад̇т̇ам̣ вияа д̣̇зсанааяа мад̣̇д̣̇ид̇ваа тид̇о анааг̇аамино жид̇д̇аажааро, анусахаг̇ад̇о уусаад̣̇иг̇анд̇хо вияа арахад̇д̇амаг̇г̇аваж̇жхаа гилзсаа, г̇анд̇хагаран̣д̣аго вияа арахад̇д̇амаг̇г̇ан̃аан̣ам̣ г̇анд̇хагаран̣д̣агам̣ ааг̇амма анусахаг̇ад̇аанам̣ уусаг̇анд̇хаад̣̇ийнам̣ самуг̇гхаад̇о вияа арахад̇д̇амаг̇г̇зна саб̣б̣агилзсагкаяо, г̇анд̇хабарибхаавид̇авад̇т̇ам̣ ниваасзд̇ваа чан̣ад̣̇ивасз анд̇аравийт̇ияам̣ суг̇анд̇хаг̇анд̇хино вижаран̣ам̣ вияа кийн̣аасавасса сийлаг̇анд̇хаад̣̇ийхи д̣̇аса д̣̇исаа убавааяанд̇асса яат̇аагаамажааро.
Evamevakhoti ettha idaṃ opammasaṃsandanaṃ – kiliṭṭhavatthaṃ viya hi puthujjanassa cittācāro, tayo khārā viya tisso anupassanā, tīhi khārehi dhotavatthaṃ viya desanāya madditvā ṭhito anāgāmino cittācāro, anusahagato ūsādigandho viya arahattamaggavajjhā kilesā, gandhakaraṇḍako viya arahattamaggañāṇaṃ gandhakaraṇḍakaṃ āgamma anusahagatānaṃ ūsagandhādīnaṃ samugghāto viya arahattamaggena sabbakilesakkhayo, gandhaparibhāvitavatthaṃ nivāsetvā chaṇadivase antaravīthiyaṃ sugandhagandhino vicaraṇaṃ viya khīṇāsavassa sīlagandhādīhi dasa disā upavāyantassa yathākāmacāro.
аажигкид̇унд̇и гат̇зд̇ум̣. д̣̇зсзд̇унд̇и багаасзд̇ум̣. бан̃н̃аабзд̇унд̇и ж̇аанаабзд̇ум̣. бадтабзд̇унд̇и бад̇идтаабзд̇ум̣. виварид̇унд̇и вивадам̣ гаад̇ум̣. вибхаж̇ид̇унд̇и сувибхад̇д̇ам̣ гаад̇ум̣. уд̇д̇аанийгаад̇унд̇и уд̇д̇аанагам̣ гаад̇ум̣. садтимад̇д̇аанам̣ т̇зраананд̇и д̇з гира т̇зрзна гат̇ид̇агат̇ид̇адтаанз вибассанам̣ бадтабзд̇ваа убаруубари саммасанд̇аа д̣̇зсанаабарияосаанз арахад̇д̇ам̣ баабун̣им̣су. т̇зроби ан̃н̃зна нийхаарзна агат̇зд̇ваа вибассанаасахаг̇ад̇ажид̇д̇знзва гат̇зси. д̇асмаа соби арахад̇д̇ам̣ баабун̣и. д̇зна вуд̇д̇ам̣ – ‘‘садтимад̇д̇аанам̣ т̇зраанам̣ бхигкуунам̣ анубаад̣̇ааяа аасавзхи жид̇д̇аани вимужжим̣су ааяасмад̇о кзмагасса жаа’’д̇и. сад̇д̇амам̣.
Ācikkhitunti kathetuṃ. Desetunti pakāsetuṃ. Paññāpetunti jānāpetuṃ. Paṭṭhapetunti patiṭṭhāpetuṃ. Vivaritunti vivaṭaṃ kātuṃ. Vibhajitunti suvibhattaṃ kātuṃ. Uttānīkātunti uttānakaṃ kātuṃ. Saṭṭhimattānaṃ therānanti te kira therena kathitakathitaṭṭhāne vipassanaṃ paṭṭhapetvā uparūpari sammasantā desanāpariyosāne arahattaṃ pāpuṇiṃsu. Theropi aññena nīhārena akathetvā vipassanāsahagatacitteneva kathesi. Tasmā sopi arahattaṃ pāpuṇi. Tena vuttaṃ – ‘‘saṭṭhimattānaṃ therānaṃ bhikkhūnaṃ anupādāya āsavehi cittāni vimucciṃsu āyasmato khemakassa cā’’ti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. кзмагасуд̇д̇ам̣ • 7. Khemakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. кзмагасуд̇д̇аван̣н̣анаа • 7. Khemakasuttavaṇṇanā
