| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. кзмагасуд̇д̇аван̣н̣анаа
7. Khemakasuttavaṇṇanā
89. ад̇д̇анияанд̇и д̣̇идтиг̇ад̇игабаригаббид̇асса ад̇д̇ано санд̇агам̣. д̇знааха ‘‘ад̇д̇ано баригкаараж̇аад̇а’’нд̇и. д̇ан̣хаамаано ад̇хиг̇ад̇о арахад̇д̇асса анад̇хиг̇ад̇ад̇д̇аа, но д̣̇идтимаано ад̇хиг̇ад̇о, д̇ат̇аа гаамарааг̇аб̣яаабаад̣̇ааби. анааг̇аамий гира кзмагад̇т̇зро, ‘‘сагад̣̇ааг̇аамий’’д̇и гзжи вад̣̇анд̇и. санд̇хааванигааяаад̇и сан̃жаран̣зна. д̇знааха ‘‘бунаббунам̣ г̇аманааг̇аманзнаа’’д̇и. жад̇угкад̇д̇ум̣ г̇аманааг̇аманзнаад̇и жад̇угкад̇д̇ум̣ г̇аманзна жа ааг̇аманзна жа. д̇знааха – ‘‘д̇ам̣ д̣̇ивасам̣ д̣̇вияож̇анам̣ ад̣̇д̇хаанам̣ аахин̣д̣ий’’д̇и. н̃ад̇ваад̇и аж̇жхаасаяам̣ н̃ад̇ваа. т̇зрод̇и кзмагад̇т̇зро.
89.Attaniyanti diṭṭhigatikaparikappitassa attano santakaṃ. Tenāha ‘‘attano parikkhārajāta’’nti. Taṇhāmāno adhigato arahattassa anadhigatattā, no diṭṭhimāno adhigato, tathā kāmarāgabyāpādāpi. Anāgāmī kira khemakatthero, ‘‘sakadāgāmī’’ti keci vadanti. Sandhāvanikāyāti sañcaraṇena. Tenāha ‘‘punappunaṃ gamanāgamanenā’’ti. Catukkhattuṃ gamanāgamanenāti catukkhattuṃ gamanena ca āgamanena ca. Tenāha – ‘‘taṃ divasaṃ dviyojanaṃ addhānaṃ āhiṇḍī’’ti. Ñatvāti ajjhāsayaṃ ñatvā. Theroti khemakatthero.
руубамзва асмийд̇и вад̣̇ад̇ийд̇и руубагканд̇хамзва ‘‘асмий’’д̇и г̇аахасса вад̇т̇ум̣ гад̇ваа вад̣̇ад̇и. ад̇хиг̇ад̇о д̇ан̣хаамаано.
Rūpameva asmīti vadatīti rūpakkhandhameva ‘‘asmī’’ti gāhassa vatthuṃ katvā vadati. Adhigato taṇhāmāno.
ан̣усахаг̇ад̇од̇и ан̣убхаавам̣ г̇ад̇о. д̇знааха ‘‘сукумо’’д̇и. д̇аяо каараа вияа д̇иссо анубассанаа жид̇д̇асам̣гилзсасса висод̇ханад̇о. сийлаг̇анд̇хаад̣̇ийхи г̇ун̣аг̇анд̇хзхи.
Aṇusahagatoti aṇubhāvaṃ gato. Tenāha ‘‘sukhumo’’ti. Tayo khārā viya tisso anupassanā cittasaṃkilesassa visodhanato. Sīlagandhādīhi guṇagandhehi.
гат̇зд̇унд̇и уд̣̇д̣̇зсавасзна гат̇зд̇ум̣. багаасзд̇унд̇и нид̣̇д̣̇зсавасзна д̇амад̇т̇ам̣ багаасзд̇ум̣. ж̇аанаабзд̇унд̇и гааран̣авасзна ж̇аанаабзд̇ум̣. бад̇идтаабзд̇унд̇и гат̇аабзд̇ум̣. вивадам̣ гаад̇унд̇и уд̣̇аахаран̣ам̣ ван̣н̣зд̇ваа баагадам̣ гаад̇ум̣ . сувибхад̇д̇ам̣ гаад̇унд̇и анваяад̇о б̣яад̇ирзгад̇о судту, вибхад̇д̇ам̣ гаад̇ум̣. уд̇д̇аанагам̣ гаад̇унд̇и убанаяаниг̇амзхи д̇амад̇т̇ам̣ вибхууд̇ам̣ гаад̇ум̣. ан̃н̃зна нийхаарзнаад̇и вибассанаавимуд̇д̇зна жид̇д̇аабхинийхаарзна.
Kathetunti uddesavasena kathetuṃ. Pakāsetunti niddesavasena tamatthaṃ pakāsetuṃ. Jānāpetunti kāraṇavasena jānāpetuṃ. Patiṭṭhāpetunti kathāpetuṃ. Vivaṭaṃ kātunti udāharaṇaṃ vaṇṇetvā pākaṭaṃ kātuṃ . Suvibhattaṃ kātunti anvayato byatirekato suṭṭhu, vibhattaṃ kātuṃ. Uttānakaṃ kātunti upanayanigamehi tamatthaṃ vibhūtaṃ kātuṃ. Aññena nīhārenāti vipassanāvimuttena cittābhinīhārena.
кзмагасуд̇д̇аван̣н̣анаа нидтид̇аа.
Khemakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. кзмагасуд̇д̇ам̣ • 7. Khemakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. кзмагасуд̇д̇аван̣н̣анаа • 7. Khemakasuttavaṇṇanā
