| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਖੇਮਕਸੁਤ੍ਤવਣ੍ਣਨਾ
7. Khemakasuttavaṇṇanā
੮੯. ਅਤ੍ਤਨਿਯਨ੍ਤਿ ਦਿਟ੍ਠਿਗਤਿਕਪਰਿਕਪ੍ਪਿਤਸ੍ਸ ਅਤ੍ਤਨੋ ਸਨ੍ਤਕਂ। ਤੇਨਾਹ ‘‘ਅਤ੍ਤਨੋ ਪਰਿਕ੍ਖਾਰਜਾਤ’’ਨ੍ਤਿ। ਤਣ੍ਹਾਮਾਨੋ ਅਧਿਗਤੋ ਅਰਹਤ੍ਤਸ੍ਸ ਅਨਧਿਗਤਤ੍ਤਾ, ਨੋ ਦਿਟ੍ਠਿਮਾਨੋ ਅਧਿਗਤੋ, ਤਥਾ ਕਾਮਰਾਗਬ੍ਯਾਪਾਦਾਪਿ। ਅਨਾਗਾਮੀ ਕਿਰ ਖੇਮਕਤ੍ਥੇਰੋ, ‘‘ਸਕਦਾਗਾਮੀ’’ਤਿ ਕੇਚਿ વਦਨ੍ਤਿ। ਸਨ੍ਧਾવਨਿਕਾਯਾਤਿ ਸਞ੍ਚਰਣੇਨ। ਤੇਨਾਹ ‘‘ਪੁਨਪ੍ਪੁਨਂ ਗਮਨਾਗਮਨੇਨਾ’’ਤਿ। ਚਤੁਕ੍ਖਤ੍ਤੁਂ ਗਮਨਾਗਮਨੇਨਾਤਿ ਚਤੁਕ੍ਖਤ੍ਤੁਂ ਗਮਨੇਨ ਚ ਆਗਮਨੇਨ ਚ। ਤੇਨਾਹ – ‘‘ਤਂ ਦਿવਸਂ ਦ੍વਿਯੋਜਨਂ ਅਦ੍ਧਾਨਂ ਆਹਿਣ੍ਡੀ’’ਤਿ। ਞਤ੍વਾਤਿ ਅਜ੍ਝਾਸਯਂ ਞਤ੍વਾ। ਥੇਰੋਤਿ ਖੇਮਕਤ੍ਥੇਰੋ।
89.Attaniyanti diṭṭhigatikaparikappitassa attano santakaṃ. Tenāha ‘‘attano parikkhārajāta’’nti. Taṇhāmāno adhigato arahattassa anadhigatattā, no diṭṭhimāno adhigato, tathā kāmarāgabyāpādāpi. Anāgāmī kira khemakatthero, ‘‘sakadāgāmī’’ti keci vadanti. Sandhāvanikāyāti sañcaraṇena. Tenāha ‘‘punappunaṃ gamanāgamanenā’’ti. Catukkhattuṃ gamanāgamanenāti catukkhattuṃ gamanena ca āgamanena ca. Tenāha – ‘‘taṃ divasaṃ dviyojanaṃ addhānaṃ āhiṇḍī’’ti. Ñatvāti ajjhāsayaṃ ñatvā. Theroti khemakatthero.
ਰੂਪਮੇવ ਅਸ੍ਮੀਤਿ વਦਤੀਤਿ ਰੂਪਕ੍ਖਨ੍ਧਮੇવ ‘‘ਅਸ੍ਮੀ’’ਤਿ ਗਾਹਸ੍ਸ વਤ੍ਥੁਂ ਕਤ੍વਾ વਦਤਿ। ਅਧਿਗਤੋ ਤਣ੍ਹਾਮਾਨੋ।
Rūpameva asmīti vadatīti rūpakkhandhameva ‘‘asmī’’ti gāhassa vatthuṃ katvā vadati. Adhigato taṇhāmāno.
ਅਣੁਸਹਗਤੋਤਿ ਅਣੁਭਾવਂ ਗਤੋ। ਤੇਨਾਹ ‘‘ਸੁਖੁਮੋ’’ਤਿ। ਤਯੋ ਖਾਰਾ વਿਯ ਤਿਸ੍ਸੋ ਅਨੁਪਸ੍ਸਨਾ ਚਿਤ੍ਤਸਂਕਿਲੇਸਸ੍ਸ વਿਸੋਧਨਤੋ। ਸੀਲਗਨ੍ਧਾਦੀਹਿ ਗੁਣਗਨ੍ਧੇਹਿ।
Aṇusahagatoti aṇubhāvaṃ gato. Tenāha ‘‘sukhumo’’ti. Tayo khārā viya tisso anupassanā cittasaṃkilesassa visodhanato. Sīlagandhādīhi guṇagandhehi.
ਕਥੇਤੁਨ੍ਤਿ ਉਦ੍ਦੇਸવਸੇਨ ਕਥੇਤੁਂ। ਪਕਾਸੇਤੁਨ੍ਤਿ ਨਿਦ੍ਦੇਸવਸੇਨ ਤਮਤ੍ਥਂ ਪਕਾਸੇਤੁਂ। ਜਾਨਾਪੇਤੁਨ੍ਤਿ ਕਾਰਣવਸੇਨ ਜਾਨਾਪੇਤੁਂ। ਪਤਿਟ੍ਠਾਪੇਤੁਨ੍ਤਿ ਕਥਾਪੇਤੁਂ। વਿવਟਂ ਕਾਤੁਨ੍ਤਿ ਉਦਾਹਰਣਂ વਣ੍ਣੇਤ੍વਾ ਪਾਕਟਂ ਕਾਤੁਂ । ਸੁવਿਭਤ੍ਤਂ ਕਾਤੁਨ੍ਤਿ ਅਨ੍વਯਤੋ ਬ੍ਯਤਿਰੇਕਤੋ ਸੁਟ੍ਠੁ, વਿਭਤ੍ਤਂ ਕਾਤੁਂ। ਉਤ੍ਤਾਨਕਂ ਕਾਤੁਨ੍ਤਿ ਉਪਨਯਨਿਗਮੇਹਿ ਤਮਤ੍ਥਂ વਿਭੂਤਂ ਕਾਤੁਂ। ਅਞ੍ਞੇਨ ਨੀਹਾਰੇਨਾਤਿ વਿਪਸ੍ਸਨਾવਿਮੁਤ੍ਤੇਨ ਚਿਤ੍ਤਾਭਿਨੀਹਾਰੇਨ।
Kathetunti uddesavasena kathetuṃ. Pakāsetunti niddesavasena tamatthaṃ pakāsetuṃ. Jānāpetunti kāraṇavasena jānāpetuṃ. Patiṭṭhāpetunti kathāpetuṃ. Vivaṭaṃ kātunti udāharaṇaṃ vaṇṇetvā pākaṭaṃ kātuṃ . Suvibhattaṃ kātunti anvayato byatirekato suṭṭhu, vibhattaṃ kātuṃ. Uttānakaṃ kātunti upanayanigamehi tamatthaṃ vibhūtaṃ kātuṃ. Aññena nīhārenāti vipassanāvimuttena cittābhinīhārena.
ਖੇਮਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Khemakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਖੇਮਕਸੁਤ੍ਤਂ • 7. Khemakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਖੇਮਕਸੁਤ੍ਤવਣ੍ਣਨਾ • 7. Khemakasuttavaṇṇanā
