| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. খেমসুত্তং
7. Khemasuttaṃ
৪৯. একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা চ খেমো আযস্মা চ সুমনো সাৰত্থিযং ৰিহরন্তি অন্ধৰনস্মিং। অথ খো আযস্মা চ খেমো আযস্মা চ সুমনো যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদিংসু। একমন্তং নিসিন্নো খো আযস্মা খেমো ভগৰন্তং এতদৰোচ –
49. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca khemo āyasmā ca sumano sāvatthiyaṃ viharanti andhavanasmiṃ. Atha kho āyasmā ca khemo āyasmā ca sumano yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā khemo bhagavantaṃ etadavoca –
‘‘যো সো, ভন্তে, ভিক্খু অরহং খীণাসৰো ৰুসিতৰা কতকরণীযো ওহিতভারো অনুপ্পত্তসদত্থো পরিক্খীণভৰসংযোজনো সম্মদঞ্ঞা ৰিমুত্তো তস্স ন এৰং হোতি – ‘অত্থি মে সেয্যোতি ৰা অত্থি মে সদিসোতি ৰা অত্থি মে হীনোতি ৰা’’’তি। ইদমৰোচাযস্মা খেমো। সমনুঞ্ঞো সত্থা অহোসি। অথ খো আযস্মা খেমো ‘‘সমনুঞ্ঞো মে সত্থা’’তি উট্ঠাযাসনা ভগৰন্তং অভিৰাদেত্ৰা পদক্খিণং কত্ৰা পক্কামি।
‘‘Yo so, bhante, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto tassa na evaṃ hoti – ‘atthi me seyyoti vā atthi me sadisoti vā atthi me hīnoti vā’’’ti. Idamavocāyasmā khemo. Samanuñño satthā ahosi. Atha kho āyasmā khemo ‘‘samanuñño me satthā’’ti uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
অথ খো আযস্মা সুমনো অচিরপক্কন্তে আযস্মন্তে খেমে ভগৰন্তং এতদৰোচ – ‘‘যো সো, ভন্তে, ভিক্খু অরহং খীণাসৰো ৰুসিতৰা কতকরণীযো ওহিতভারো অনুপ্পত্তসদত্থো পরিক্খীণভৰসংযোজনো সম্মদঞ্ঞা ৰিমুত্তো তস্স ন এৰং হোতি – ‘নত্থি মে সেয্যোতি ৰা নত্থি মে সদিসোতি ৰা নত্থি মে হীনোতি ৰা’’’তি। ইদমৰোচাযস্মা সুমনো। সমনুঞ্ঞো সত্থা অহোসি। অথ খো আযস্মা সুমনো ‘‘সমনুঞ্ঞো মে সত্থা’’তি উট্ঠাযাসনা ভগৰন্তং অভিৰাদেত্ৰা পদক্খিণং কত্ৰা পক্কামি।
Atha kho āyasmā sumano acirapakkante āyasmante kheme bhagavantaṃ etadavoca – ‘‘yo so, bhante, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto tassa na evaṃ hoti – ‘natthi me seyyoti vā natthi me sadisoti vā natthi me hīnoti vā’’’ti. Idamavocāyasmā sumano. Samanuñño satthā ahosi. Atha kho āyasmā sumano ‘‘samanuñño me satthā’’ti uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
অথ খো ভগৰা অচিরপক্কন্তেসু আযস্মন্তে চ খেমে আযস্মন্তে চ সুমনে ভিক্খূ আমন্তেসি – ‘‘এৰং খো, ভিক্খৰে, কুলপুত্তা অঞ্ঞং ব্যাকরোন্তি । অত্থো চ ৰুত্তো অত্তা চ অনুপনীতো। অথ চ পন ইধেকচ্চে মোঘপুরিসা হসমানকা 1 মঞ্ঞে অঞ্ঞং ব্যাকরোন্তি। তে পচ্ছা ৰিঘাতং আপজ্জন্তী’’তি।
Atha kho bhagavā acirapakkantesu āyasmante ca kheme āyasmante ca sumane bhikkhū āmantesi – ‘‘evaṃ kho, bhikkhave, kulaputtā aññaṃ byākaronti . Attho ca vutto attā ca anupanīto. Atha ca pana idhekacce moghapurisā hasamānakā 2 maññe aññaṃ byākaronti. Te pacchā vighātaṃ āpajjantī’’ti.
খীণা জাতি ৰুসিতং ব্রহ্মচরিযং, চরন্তি সংযোজনৰিপ্পমুত্তা’’তি॥ সত্তমং।
Khīṇā jāti vusitaṃ brahmacariyaṃ, caranti saṃyojanavippamuttā’’ti. sattamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. খেমসুত্তৰণ্ণনা • 7. Khemasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭. খেমসুত্তৰণ্ণনা • 7. Khemasuttavaṇṇanā
