1. кзмаасуд̇д̇ам̣

1. Khemāsuttaṃ

410. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна кзмаа бхигкуний госалзсу жааригам̣ жарамаанаа анд̇араа жа саавад̇т̇им̣ анд̇араа жа саагзд̇ам̣ д̇оран̣авад̇т̇усмим̣ ваасам̣ убаг̇ад̇аа ход̇и. ат̇а ко рааж̇аа басзнад̣̇и госало саагзд̇аа саавад̇т̇им̣ г̇ажчанд̇о, анд̇араа жа саагзд̇ам̣ анд̇араа жа саавад̇т̇им̣ д̇оран̣авад̇т̇усмим̣ згарад̇д̇иваасам̣ убаг̇ажчи. ат̇а ко рааж̇аа басзнад̣̇и госало ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, д̇оран̣авад̇т̇усмим̣ д̇ат̇ааруубам̣ саман̣ам̣ ваа б̣раахман̣ам̣ ваа ж̇аана яамахам̣ аж̇ж̇а баяирубаасзяяа’’нд̇и.

410. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena khemā bhikkhunī kosalesu cārikaṃ caramānā antarā ca sāvatthiṃ antarā ca sāketaṃ toraṇavatthusmiṃ vāsaṃ upagatā hoti. Atha kho rājā pasenadi kosalo sāketā sāvatthiṃ gacchanto, antarā ca sāketaṃ antarā ca sāvatthiṃ toraṇavatthusmiṃ ekarattivāsaṃ upagacchi. Atha kho rājā pasenadi kosalo aññataraṃ purisaṃ āmantesi – ‘‘ehi tvaṃ, ambho purisa, toraṇavatthusmiṃ tathārūpaṃ samaṇaṃ vā brāhmaṇaṃ vā jāna yamahaṃ ajja payirupāseyya’’nti.

‘‘звам̣, д̣̇зваа’’д̇и ко со бурисо ран̃н̃о басзнад̣̇исса госаласса бадиссуд̇ваа гзвалагаббам̣ д̇оран̣авад̇т̇ум̣ аахин̣д̣анд̇о ¹ наад̣̇д̣̇аса д̇ат̇ааруубам̣ саман̣ам̣ ваа б̣раахман̣ам̣ ваа яам̣ рааж̇аа басзнад̣̇и госало баяирубаасзяяа. ад̣̇д̣̇асаа ко со бурисо кзмам̣ бхигкуним̣ д̇оран̣авад̇т̇усмим̣ ваасам̣ убаг̇ад̇ам̣. д̣̇исваана язна рааж̇аа басзнад̣̇и госало д̇знубасан̇гами; убасан̇гамид̇ваа рааж̇аанам̣ басзнад̣̇им̣ госалам̣ зд̇ад̣̇авожа –

‘‘Evaṃ, devā’’ti kho so puriso rañño pasenadissa kosalassa paṭissutvā kevalakappaṃ toraṇavatthuṃ āhiṇḍanto ² nāddasa tathārūpaṃ samaṇaṃ vā brāhmaṇaṃ vā yaṃ rājā pasenadi kosalo payirupāseyya. Addasā kho so puriso khemaṃ bhikkhuniṃ toraṇavatthusmiṃ vāsaṃ upagataṃ. Disvāna yena rājā pasenadi kosalo tenupasaṅkami; upasaṅkamitvā rājānaṃ pasenadiṃ kosalaṃ etadavoca –

‘‘над̇т̇и ко, д̣̇зва, д̇оран̣авад̇т̇усмим̣ д̇ат̇ааруубо саман̣о ваа б̣раахман̣о ваа яам̣ д̣̇зво баяирубаасзяяа. ад̇т̇и жа ко, д̣̇зва, кзмаа наама бхигкуний, д̇асса бхаг̇авад̇о саавигаа арахад̇о саммаасамб̣уд̣̇д̇хасса. д̇ассаа ко бана аяяааяа звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘бан̣д̣ид̇аа, вияад̇д̇аа мзд̇хаавиний б̣ахуссуд̇аа жид̇д̇агат̇аа галяаан̣абадибхаанаа’д̇и. д̇ам̣ д̣̇зво баяирубаасад̇уу’’д̇и.

‘‘Natthi kho, deva, toraṇavatthusmiṃ tathārūpo samaṇo vā brāhmaṇo vā yaṃ devo payirupāseyya. Atthi ca kho, deva, khemā nāma bhikkhunī, tassa bhagavato sāvikā arahato sammāsambuddhassa. Tassā kho pana ayyāya evaṃ kalyāṇo kittisaddo abbhuggato – ‘paṇḍitā, viyattā medhāvinī bahussutā cittakathā kalyāṇapaṭibhānā’ti. Taṃ devo payirupāsatū’’ti.

ат̇а ко рааж̇аа басзнад̣̇и госало язна кзмаа бхигкуний д̇знубасан̇гами; убасан̇гамид̇ваа кзмам̣ бхигкуним̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа басзнад̣̇и госало кзмам̣ бхигкуним̣ зд̇ад̣̇авожа – ‘‘гим̣ ну ко, аяяз, ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, махаарааж̇а, бхаг̇авад̇аа – ‘ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ банаяяз, на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, махаарааж̇а, аб̣яаагад̇ам̣ бхаг̇авад̇аа – ‘на ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ ну ко, аяяз, ход̇и жа на жа ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, махаарааж̇а, бхаг̇авад̇аа – ‘ход̇и жа на жа ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ банаяяз, нзва ход̇и на на ход̇и д̇ат̇ааг̇ад̇о барам̣ маран̣аа’’д̇и. ‘‘зд̇амби ко, махаарааж̇а, аб̣яаагад̇ам̣ бхаг̇авад̇аа – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и.

Atha kho rājā pasenadi kosalo yena khemā bhikkhunī tenupasaṅkami; upasaṅkamitvā khemaṃ bhikkhuniṃ abhivādetvā ekamantaṃ nisīdi. Ekamantaṃ nisinno kho rājā pasenadi kosalo khemaṃ bhikkhuniṃ etadavoca – ‘‘kiṃ nu kho, ayye, hoti tathāgato paraṃ maraṇā’’ti? ‘‘Abyākataṃ kho etaṃ, mahārāja, bhagavatā – ‘hoti tathāgato paraṃ maraṇā’’’ti. ‘‘Kiṃ panayye, na hoti tathāgato paraṃ maraṇā’’ti? ‘‘Etampi kho, mahārāja, abyākataṃ bhagavatā – ‘na hoti tathāgato paraṃ maraṇā’’’ti. ‘‘Kiṃ nu kho, ayye, hoti ca na ca hoti tathāgato paraṃ maraṇā’’ti? ‘‘Abyākataṃ kho etaṃ, mahārāja, bhagavatā – ‘hoti ca na ca hoti tathāgato paraṃ maraṇā’’’ti. ‘‘Kiṃ panayye, neva hoti na na hoti tathāgato paraṃ maraṇā’’ti. ‘‘Etampi kho, mahārāja, abyākataṃ bhagavatā – ‘neva hoti na na hoti tathāgato paraṃ maraṇā’’’ti.

‘‘‘гим̣ ну ко, аяяз, ход̇и д̇ат̇ааг̇ад̇о барам̣ маран̣аа’д̇и, ид̇и будтаа самаанаа – ‘аб̣яаагад̇ам̣ ко зд̇ам̣, махаарааж̇а, бхаг̇авад̇аа – ход̇и д̇ат̇ааг̇ад̇о барам̣ маран̣аа’д̇и вад̣̇зси. ‘гим̣ банаяяз, на ход̇и д̇ат̇ааг̇ад̇о барам̣ маран̣аа’д̇и ид̇и будтаа самаанаа – ‘зд̇амби ко, махаарааж̇а, аб̣яаагад̇ам̣ бхаг̇авад̇аа – на ход̇и д̇ат̇ааг̇ад̇о барам̣ маран̣аа’д̇и вад̣̇зси. ‘гим̣ ну ко, аяяз, ход̇и жа на жа ход̇и д̇ат̇ааг̇ад̇о барам̣ маран̣аа’д̇и ид̇и будтаа самаанаа – ‘аб̣яаагад̇ам̣ ко зд̇ам̣, махаарааж̇а, бхаг̇авад̇аа – ход̇и жа на жа ход̇и д̇ат̇ааг̇ад̇о барам̣ маран̣аа’д̇и вад̣̇зси. ‘гим̣ банаяяз, нзва ход̇и на на ход̇и д̇ат̇ааг̇ад̇о барам̣ маран̣аа’д̇и ид̇и будтаа самаанаа – ‘зд̇амби ко, махаарааж̇а, аб̣яаагад̇ам̣ бхаг̇авад̇аа – нзва ход̇и на на ход̇и д̇ат̇ааг̇ад̇о барам̣ маран̣аа’д̇и вад̣̇зси. ‘го ну ко , аяяз, хзд̇у, го бажжаяо язнзд̇ам̣ аб̣яаагад̇ам̣ бхаг̇авад̇аа’’’д̇и?

‘‘‘Kiṃ nu kho, ayye, hoti tathāgato paraṃ maraṇā’ti, iti puṭṭhā samānā – ‘abyākataṃ kho etaṃ, mahārāja, bhagavatā – hoti tathāgato paraṃ maraṇā’ti vadesi. ‘Kiṃ panayye, na hoti tathāgato paraṃ maraṇā’ti iti puṭṭhā samānā – ‘etampi kho, mahārāja, abyākataṃ bhagavatā – na hoti tathāgato paraṃ maraṇā’ti vadesi. ‘Kiṃ nu kho, ayye, hoti ca na ca hoti tathāgato paraṃ maraṇā’ti iti puṭṭhā samānā – ‘abyākataṃ kho etaṃ, mahārāja, bhagavatā – hoti ca na ca hoti tathāgato paraṃ maraṇā’ti vadesi. ‘Kiṃ panayye, neva hoti na na hoti tathāgato paraṃ maraṇā’ti iti puṭṭhā samānā – ‘etampi kho, mahārāja, abyākataṃ bhagavatā – neva hoti na na hoti tathāgato paraṃ maraṇā’ti vadesi. ‘Ko nu kho , ayye, hetu, ko paccayo yenetaṃ abyākataṃ bhagavatā’’’ti?

‘‘д̇зна хи, махаарааж̇а, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, махаарааж̇а, ад̇т̇и д̇з гожи г̇ан̣аго ваа муд̣̇д̣̇иго ваа сан̇кааяаго ваа яо баход̇и г̇ан̇г̇ааяа ваалугам̣ ³ г̇ан̣зд̇ум̣ – зд̇д̇агаа ⁴ ваалугаа ид̇и ваа, зд̇д̇агаани ваалугасад̇аани ид̇и ваа, зд̇д̇агаани ваалугасахассаани ид̇и ваа, зд̇д̇агаани ваалугасад̇асахассаани ид̇и ваа’’д̇и? ‘‘но хзд̇ам̣, аяяз’’. ‘‘ад̇т̇и бана д̇з гожи г̇ан̣аго ваа муд̣̇д̣̇иго ваа сан̇кааяаго ваа яо баход̇и махаасамуд̣̇д̣̇з уд̣̇агам̣ г̇ан̣зд̇ум̣ – зд̇д̇агаани уд̣̇агаал̣хагаани ид̇и ваа, зд̇д̇агаани уд̣̇агаал̣хагасад̇аани ид̇и ваа, зд̇д̇агаани уд̣̇агаал̣хагасахассаани ид̇и ваа, зд̇д̇агаани уд̣̇агаал̣хагасад̇асахассаани ид̇и ваа’’д̇и? ‘‘но хзд̇ам̣, аяяз’’. ‘‘д̇ам̣ гисса хзд̇у’’? ‘‘махааяяз, самуд̣̇д̣̇о г̇амбхийро аббамзяяо д̣̇уббарияог̇аахо’’д̇и. ‘‘звамзва ко, махаарааж̇а, язна руубз д̇ат̇ааг̇ад̇ам̣ бан̃н̃аабаяамаано бан̃н̃аабзяяа д̇ам̣ руубам̣ д̇ат̇ааг̇ад̇асса бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хаммам̣. руубасан̇кааяавимуд̇д̇о ко, махаарааж̇а, д̇ат̇ааг̇ад̇о г̇амбхийро аббамзяяо д̣̇уббарияог̇аахо – сзяяат̇ааби махаасамуд̣̇д̣̇о. ‘ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘на ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на убзд̇и.

‘‘Tena hi, mahārāja, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, mahārāja, atthi te koci gaṇako vā muddiko vā saṅkhāyako vā yo pahoti gaṅgāya vālukaṃ ⁵ gaṇetuṃ – ettakā ⁶ vālukā iti vā, ettakāni vālukasatāni iti vā, ettakāni vālukasahassāni iti vā, ettakāni vālukasatasahassāni iti vā’’ti? ‘‘No hetaṃ, ayye’’. ‘‘Atthi pana te koci gaṇako vā muddiko vā saṅkhāyako vā yo pahoti mahāsamudde udakaṃ gaṇetuṃ – ettakāni udakāḷhakāni iti vā, ettakāni udakāḷhakasatāni iti vā, ettakāni udakāḷhakasahassāni iti vā, ettakāni udakāḷhakasatasahassāni iti vā’’ti? ‘‘No hetaṃ, ayye’’. ‘‘Taṃ kissa hetu’’? ‘‘Mahāyye, samuddo gambhīro appameyyo duppariyogāho’’ti. ‘‘Evameva kho, mahārāja, yena rūpe tathāgataṃ paññāpayamāno paññāpeyya taṃ rūpaṃ tathāgatassa pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ. Rūpasaṅkhāyavimutto kho, mahārāja, tathāgato gambhīro appameyyo duppariyogāho – seyyathāpi mahāsamuddo. ‘Hoti tathāgato paraṃ maraṇā’tipi na upeti, ‘na hoti tathāgato paraṃ maraṇā’tipi na upeti, ‘hoti ca na ca hoti tathāgato paraṃ maraṇā’tipi na upeti, ‘neva hoti na na hoti tathāgato paraṃ maraṇā’tipi na upeti.

‘‘яааяа взд̣̇анааяа д̇ат̇ааг̇ад̇ам̣ бан̃н̃аабаяамаано бан̃н̃аабзяяа, саа взд̣̇анаа д̇ат̇ааг̇ад̇асса бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. взд̣̇анаасан̇кааяавимуд̇д̇о, махаарааж̇а, д̇ат̇ааг̇ад̇о г̇амбхийро аббамзяяо д̣̇уббарияог̇аахо – сзяяат̇ааби махаасамуд̣̇д̣̇о. ‘ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘на ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на убзд̇и.

‘‘Yāya vedanāya tathāgataṃ paññāpayamāno paññāpeyya, sā vedanā tathāgatassa pahīnā ucchinnamūlā tālāvatthukatā anabhāvaṅkatā āyatiṃ anuppādadhammā. Vedanāsaṅkhāyavimutto, mahārāja, tathāgato gambhīro appameyyo duppariyogāho – seyyathāpi mahāsamuddo. ‘Hoti tathāgato paraṃ maraṇā’tipi na upeti, ‘na hoti tathāgato paraṃ maraṇā’tipi na upeti, ‘hoti ca na ca hoti tathāgato paraṃ maraṇā’tipi na upeti, ‘neva hoti na na hoti tathāgato paraṃ maraṇā’tipi na upeti.

‘‘яааяа сан̃н̃аа д̇ат̇ааг̇ад̇ам̣…бз… язхи сан̇каарзхи д̇ат̇ааг̇ад̇ам̣ бан̃н̃аабаяамаано бан̃н̃аабзяяа, д̇з сан̇каараа д̇ат̇ааг̇ад̇асса бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. сан̇каарасан̇кааяавимуд̇д̇о ко, махаарааж̇а, д̇ат̇ааг̇ад̇о г̇амбхийро аббамзяяо д̣̇уббарияог̇аахо – сзяяат̇ааби махаасамуд̣̇д̣̇о. ‘ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘на ход̇и д̇ат̇ааг̇ад̇о барам̣ маран̣аа’д̇иби на убзд̇и , ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на убзд̇и.

‘‘Yāya saññā tathāgataṃ…pe… yehi saṅkhārehi tathāgataṃ paññāpayamāno paññāpeyya, te saṅkhārā tathāgatassa pahīnā ucchinnamūlā tālāvatthukatā anabhāvaṅkatā āyatiṃ anuppādadhammā. Saṅkhārasaṅkhāyavimutto kho, mahārāja, tathāgato gambhīro appameyyo duppariyogāho – seyyathāpi mahāsamuddo. ‘Hoti tathāgato paraṃ maraṇā’tipi na upeti, ‘na hoti tathāgato paraṃ maraṇā’tipi na upeti , ‘hoti ca na ca hoti tathāgato paraṃ maraṇā’tipi na upeti, ‘neva hoti na na hoti tathāgato paraṃ maraṇā’tipi na upeti.

‘‘язна вин̃н̃аан̣з д̇ат̇ааг̇ад̇ам̣ бан̃н̃аабаяамаано бан̃н̃аабзяяа д̇ам̣ вин̃н̃аан̣ам̣ д̇ат̇ааг̇ад̇асса бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хаммам̣. вин̃н̃аан̣асан̇кааяавимуд̇д̇о ко, махаарааж̇а, д̇ат̇ааг̇ад̇о г̇амбхийро аббамзяяо д̣̇уббарияог̇аахо – сзяяат̇ааби махаасамуд̣̇д̣̇о. ‘ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘на ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на убзд̇ий’’д̇и. ат̇а ко рааж̇аа басзнад̣̇и госало кзмааяа бхигкунияаа бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа кзмам̣ бхигкуним̣ абхиваад̣̇зд̇ваа бад̣̇агкин̣ам̣ гад̇ваа баггаами.

‘‘Yena viññāṇe tathāgataṃ paññāpayamāno paññāpeyya taṃ viññāṇaṃ tathāgatassa pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ. Viññāṇasaṅkhāyavimutto kho, mahārāja, tathāgato gambhīro appameyyo duppariyogāho – seyyathāpi mahāsamuddo. ‘Hoti tathāgato paraṃ maraṇā’tipi na upeti, ‘na hoti tathāgato paraṃ maraṇā’tipi na upeti, ‘hoti ca na ca hoti tathāgato paraṃ maraṇā’tipi na upeti, ‘neva hoti na na hoti tathāgato paraṃ maraṇā’tipi na upetī’’ti. Atha kho rājā pasenadi kosalo khemāya bhikkhuniyā bhāsitaṃ abhinanditvā anumoditvā uṭṭhāyāsanā khemaṃ bhikkhuniṃ abhivādetvā padakkhiṇaṃ katvā pakkāmi.

ат̇а ко рааж̇аа басзнад̣̇и госало абарзна самаязна язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘гим̣ ну ко, бханд̇з, ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, махаарааж̇а, маяаа – ‘ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ бана, бханд̇з, на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, махаарааж̇а, аб̣яаагад̇ам̣ маяаа – ‘на ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ ну ко, бханд̇з, ход̇и жа на жа ход̇и д̇ат̇ааг̇ад̇о барам̣ маран̣аа’’д̇и ? ‘‘аб̣яаагад̇ам̣ ко зд̇ам̣, махаарааж̇а, маяаа – ‘ход̇и жа на жа ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ бана, бханд̇з, нзва ход̇и на на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, махаарааж̇а, аб̣яаагад̇ам̣ маяаа – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ ну ко, бханд̇з, ход̇и д̇ат̇ааг̇ад̇о барам̣ маран̣аа’’д̇и ид̇и будто самаано – ‘аб̣яаагад̇ам̣ ко зд̇ам̣, махаарааж̇а, маяаа – ход̇и д̇ат̇ааг̇ад̇о барам̣ маран̣аа’д̇и вад̣̇зси…бз…. ‘‘‘гим̣ бана, бханд̇з, нзва ход̇и на на ход̇и д̇ат̇ааг̇ад̇о барам̣ маран̣аа’д̇и ид̇и будто самаано – ‘‘‘зд̇амби ко, махаарааж̇а, аб̣яаагад̇ам̣ маяаа – нзва ход̇и на на ход̇и д̇ат̇ааг̇ад̇о барам̣ маран̣аа’д̇и вад̣̇зси. го ну ко, бханд̇з, хзд̇у, го бажжаяо, язнзд̇ам̣ аб̣яаагад̇ам̣ бхаг̇авад̇аа’’д̇и?

Atha kho rājā pasenadi kosalo aparena samayena yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rājā pasenadi kosalo bhagavantaṃ etadavoca – ‘‘kiṃ nu kho, bhante, hoti tathāgato paraṃ maraṇā’’ti? ‘‘Abyākataṃ kho etaṃ, mahārāja, mayā – ‘hoti tathāgato paraṃ maraṇā’’’ti. ‘‘Kiṃ pana, bhante, na hoti tathāgato paraṃ maraṇā’’ti? ‘‘Etampi kho, mahārāja, abyākataṃ mayā – ‘na hoti tathāgato paraṃ maraṇā’’’ti. ‘‘Kiṃ nu kho, bhante, hoti ca na ca hoti tathāgato paraṃ maraṇā’’ti ? ‘‘Abyākataṃ kho etaṃ, mahārāja, mayā – ‘hoti ca na ca hoti tathāgato paraṃ maraṇā’’’ti. ‘‘Kiṃ pana, bhante, neva hoti na na hoti tathāgato paraṃ maraṇā’’ti? ‘‘Etampi kho, mahārāja, abyākataṃ mayā – ‘neva hoti na na hoti tathāgato paraṃ maraṇā’’’ti. ‘‘Kiṃ nu kho, bhante, hoti tathāgato paraṃ maraṇā’’ti iti puṭṭho samāno – ‘abyākataṃ kho etaṃ, mahārāja, mayā – hoti tathāgato paraṃ maraṇā’ti vadesi…pe…. ‘‘‘Kiṃ pana, bhante, neva hoti na na hoti tathāgato paraṃ maraṇā’ti iti puṭṭho samāno – ‘‘‘etampi kho, mahārāja, abyākataṃ mayā – neva hoti na na hoti tathāgato paraṃ maraṇā’ti vadesi. Ko nu kho, bhante, hetu, ko paccayo, yenetaṃ abyākataṃ bhagavatā’’ti?

‘‘д̇зна хи, махаарааж̇а, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, махаарааж̇а, ад̇т̇и д̇з гожи г̇ан̣аго ваа муд̣̇д̣̇иго ваа сан̇кааяаго ваа яо баход̇и г̇ан̇г̇ааяа ваалугам̣ г̇ан̣зд̇ум̣ – зд̇д̇агаа ваалугаа ид̇и ваа…бз… зд̇д̇агаани ваалугасад̇асахассаани ид̇и ваа’’д̇и? ‘‘но хзд̇ам̣, бханд̇з’’. ‘‘ад̇т̇и бана д̇з гожи г̇ан̣аго ваа муд̣̇д̣̇иго ваа сан̇кааяаго ваа яо баход̇и махаасамуд̣̇д̣̇з уд̣̇агам̣ г̇ан̣зд̇ум̣ – зд̇д̇агаани уд̣̇агаал̣хагаани ид̇и ваа…бз… зд̇д̇агаани уд̣̇агаал̣хагасад̇асахассаани ид̇и ваа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘махаа, бханд̇з, самуд̣̇д̣̇о г̇амбхийро аббамзяяо д̣̇уббарияог̇аахо. звамзва ко, махаарааж̇а, язна руубзна д̇ат̇ааг̇ад̇ам̣ бан̃н̃аабаяамаано бан̃н̃аабзяяа, д̇ам̣ руубам̣ д̇ат̇ааг̇ад̇асса бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хаммам̣. руубасан̇кааяавимуд̇д̇о ко, махаарааж̇а, д̇ат̇ааг̇ад̇о г̇амбхийро аббамзяяо д̣̇уббарияог̇аахо – сзяяат̇ааби махаасамуд̣̇д̣̇о. ‘ход̇и д̇ат̇ааг̇ад̇о барам̣ маран̣аа’д̇иби на убзд̇и…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на убзд̇и. яааяа взд̣̇анааяа…бз… яааяа сан̃н̃ааяа…бз… язхи сан̇каарзхи…бз…’’.

‘‘Tena hi, mahārāja, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, mahārāja, atthi te koci gaṇako vā muddiko vā saṅkhāyako vā yo pahoti gaṅgāya vālukaṃ gaṇetuṃ – ettakā vālukā iti vā…pe… ettakāni vālukasatasahassāni iti vā’’ti? ‘‘No hetaṃ, bhante’’. ‘‘Atthi pana te koci gaṇako vā muddiko vā saṅkhāyako vā yo pahoti mahāsamudde udakaṃ gaṇetuṃ – ettakāni udakāḷhakāni iti vā…pe… ettakāni udakāḷhakasatasahassāni iti vā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Mahā, bhante, samuddo gambhīro appameyyo duppariyogāho. Evameva kho, mahārāja, yena rūpena tathāgataṃ paññāpayamāno paññāpeyya, taṃ rūpaṃ tathāgatassa pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ. Rūpasaṅkhāyavimutto kho, mahārāja, tathāgato gambhīro appameyyo duppariyogāho – seyyathāpi mahāsamuddo. ‘Hoti tathāgato paraṃ maraṇā’tipi na upeti…pe… ‘neva hoti na na hoti tathāgato paraṃ maraṇā’tipi na upeti. Yāya vedanāya…pe… yāya saññāya…pe… yehi saṅkhārehi…pe…’’.

‘‘язна вин̃н̃аан̣зна д̇ат̇ааг̇ад̇ам̣ бан̃н̃аабаяамаано бан̃н̃аабзяяа, д̇ам̣ вин̃н̃аан̣ам̣ д̇ат̇ааг̇ад̇асса бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хаммам̣. вин̃н̃аан̣асан̇кааяавимуд̇д̇о ко, махаарааж̇а, д̇ат̇ааг̇ад̇о г̇амбхийро аббамзяяо д̣̇уббарияог̇аахо – сзяяат̇ааби махаасамуд̣̇д̣̇о. ‘ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘на ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби на убзд̇и, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на убзд̇ий’’д̇и.

‘‘Yena viññāṇena tathāgataṃ paññāpayamāno paññāpeyya, taṃ viññāṇaṃ tathāgatassa pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ. Viññāṇasaṅkhāyavimutto kho, mahārāja, tathāgato gambhīro appameyyo duppariyogāho – seyyathāpi mahāsamuddo. ‘Hoti tathāgato paraṃ maraṇā’tipi na upeti, ‘na hoti tathāgato paraṃ maraṇā’tipi na upeti, ‘hoti ca na ca hoti tathāgato paraṃ maraṇā’tipi na upeti, ‘neva hoti na na hoti tathāgato paraṃ maraṇā’tipi na upetī’’ti.

‘‘ажчарияам̣, бханд̇з, аб̣бхуд̇ам̣, бханд̇з! яад̇ра хи наама сад̇т̇у жзва ⁷ саавигааяа жа ад̇т̇зна ад̇т̇о б̣яан̃ж̇анзна б̣яан̃ж̇анам̣ сам̣санд̣̇иссад̇и , самзссад̇и, на вирод̇хаяиссад̇и ⁸ яад̣̇ид̣̇ам̣ аг̇г̇абад̣̇асмим̣. згамид̣̇аахам̣, бханд̇з, самаяам̣ кзмам̣ бхигкуним̣ убасан̇гамид̇ваа зд̇амад̇т̇ам̣ абужчим̣. сааби мз аяяаа зд̇зхи бад̣̇зхи зд̇зхи б̣яан̃ж̇анзхи зд̇амад̇т̇ам̣ б̣яаагааси, сзяяат̇ааби бхаг̇аваа. ажчарияам̣, бханд̇з, аб̣бхуд̇ам̣, бханд̇з! яад̇ра хи наама сад̇т̇у жзва саавигааяа жа ад̇т̇зна ад̇т̇о б̣яан̃ж̇анзна б̣яан̃ж̇анам̣ сам̣санд̣̇иссад̇и, самзссад̇и, на вирод̇хаяиссад̇и яад̣̇ид̣̇ам̣ аг̇г̇абад̣̇асмим̣. ханд̣̇а д̣̇аани маяам̣, бханд̇з, г̇ажчаама. б̣ахугижжаа маяам̣ б̣ахугаран̣ийяаа’’д̇и. ‘‘яасса д̣̇аани д̇вам̣, махаарааж̇а, гаалам̣ ман̃н̃асий’’д̇и. ат̇а ко рааж̇аа басзнад̣̇и госало бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаамийд̇и. батамам̣.

‘‘Acchariyaṃ, bhante, abbhutaṃ, bhante! Yatra hi nāma satthu ceva ⁹ sāvikāya ca atthena attho byañjanena byañjanaṃ saṃsandissati , samessati, na virodhayissati ¹⁰ yadidaṃ aggapadasmiṃ. Ekamidāhaṃ, bhante, samayaṃ khemaṃ bhikkhuniṃ upasaṅkamitvā etamatthaṃ apucchiṃ. Sāpi me ayyā etehi padehi etehi byañjanehi etamatthaṃ byākāsi, seyyathāpi bhagavā. Acchariyaṃ, bhante, abbhutaṃ, bhante! Yatra hi nāma satthu ceva sāvikāya ca atthena attho byañjanena byañjanaṃ saṃsandissati, samessati, na virodhayissati yadidaṃ aggapadasmiṃ. Handa dāni mayaṃ, bhante, gacchāma. Bahukiccā mayaṃ bahukaraṇīyā’’ti. ‘‘Yassa dāni tvaṃ, mahārāja, kālaṃ maññasī’’ti. Atha kho rājā pasenadi kosalo bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmīti. Paṭhamaṃ.

Next: 2. анураад̇хасуд̇д̇ам̣ • 2. Anurādhasuttaṃ

Footnotes:

1. анваахин̣д̣анд̇о (сий.)

2. anvāhiṇḍanto (sī.)

3. ваалигам̣ (сий. сяаа. гам̣.)

4. зд̇д̇игаа (сий.)

5. vālikaṃ (sī. syā. kaṃ.)

6. ettikā (sī.)

7. сад̇т̇уно жзва (сий.)

8. вихааяиссад̇и (сий. сяаа. гам̣.), виг̇ааяиссад̇и (га.)

9. satthuno ceva (sī.)

10. vihāyissati (sī. syā. kaṃ.), vigāyissati (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. кзмаасуд̇д̇аван̣н̣анаа • 1. Khemāsuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. кзмаасуд̇д̇аван̣н̣анаа • 1. Khemāsuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact